KOTSE NG KOREANO KINARNAP NG DRIVER; 2 HULI

(NI ROSE PULGAR)

ARESTADO ang dalawang propesyunal na swindler sa isang entrapment operation na isinagawang ng mga tauhan ng Paranaque City Police matapos tangkaing ipatubos sa isang negosyanteng Korean national ang kanyang kinarnap na kotse Huwebes ng hapon sa naturang lungsod.

Kinilala ni Police Col Robin Sarmiento, hepe  ng Paranaque City Police ang dalawang nadakip na sina Analiza Gayamo, 49, isang real estate broker at Ruperto Liquiran, alyas Feng, 49.

Pinaghananap naman ang isa pa nilang kasabwat na nakilala lamang sa alyas na “Erwin”.

Batay sa salaysay ng biktimang si Sungsu Kim, 48, nabigo ang kanyang driver na si alyas “Erwin” na ibalik sa kanyang parking space sa City of Dreams sa Paranaque City ang kaniyang Ford Everest SUV noong Nobyembre 5.

Hindi na niya makontak si “Erwin” hanggang nitong Nobyembre 7 dakong alas-11:00 ng umaga nang tumawag sa kaniya ang mga suspect at nanghingi ng halagang P350,000 para maisauli sa kaniya ang sasakyan.

Dahil dito, nagtungo at nagreklamo ang biktima sa PNP Maritime Group na nag-refer sa kaso sa Anti-Carnapping Unit ng Paranaque City Police.

Dito nagplano ang pulisya ng entrapment operation saka nakipagkasundo si Sungsu na makipagkita sa mga suspect.

Bandang alas-3:30 ng hapon nitong Huwebes nang magkita ang biktima at mga suspect sa harap ng isang fastfood restaurant sa may Macapagal Avenue sa Barangay Tambo, nang nasabing lungsod.

Matapos na tanggapin ng mga suspect ang marked money sa mga suspect, dito na sumulpot ang iba pang mga pulis at inaresto ang dalawa.

Bigo naman ang mga pulis na marekober ang behikulo ng biktima ngunit patuloy pa ring nagsasagawa ng imbestigasyon at operasyon upang madakip ang tsuper ng biktima.

Sasampahan ng kasong robbery extortion ang mga nadakip na suspect sa Paranaque Prosecutor’s Office.

 

Please follow and like us:
Read More

MALAYSIAN KINIDNAP SA CASINO, NAKATAKAS

kidnap12

(NI NILOU DEL CARMEN)

NA-RESCUE ang isang Malaysian national na kinidnap sa isang casino sa Parañaque City matapos makatakas sa pinagkulungang bahay sa  Biñan City, Laguna, Lunes ng hapon.

Batay sa report ng Biñan City police, nakatakas sa compound ng naturang bahay sa Barangay San Francisco ang biktimang kinilalang si Wong Jun Chuan, 26, sa pamamagitan ng pagtalon sa mataas na konkretong pader at saka mabilis na tumakbong papalayo.

Nakita at tinulungan ito ng isang security na si  Jason Recalde sa harap Southwoods mall hanggang sa mai-turn over ito sa mga miyembro ng Biñan special reaction unit na nagpapatrulya sa nasabing lugar.

Ayon sa imbestigasyon, ang  biktima na nakatira sa Pasay City ay kinidnap ng mga hindi nakilalang salarin noong Sabado ng gabi habang nasa City of Dreams  sa Parañaque City.

Dinala umano ito ng abductors  sa Laguna.

Itinurn over na rin ang biktima sa Anti-Kidnapping group (AKG) sa Camp Crame habang patuloy na iniimbestigahan ang pangyayari.

 

Please follow and like us:
Read More

CHINESE NATIONAL  PUMUGA  SA CHINA, HULI SA PINAS

tsekwa

(TEKSTO/PHOTO BY MAYA FELIZA)

ARESTADO ang isang Chinese National na si Xu Wenlu, 54, res sa 36-G,Tower B,ng City Place Square sa Binondo Maynila, matapos magsagawa ng joint operation ang mga operatiba ng MPD-DID sa Pamumuno nina Police, Lt. Col.Melvin Montante, DSOU Chief.Police Major Garman Manabat,DPIOU, at ng Fugitive Search Unit Bureau of Immigration (FSU-BI) Bobby Raquepo kaugnay sa service of warrant of deportation, sa suspek.

Si Wenlu ay naaresto sa City of Dreams sa Pasay City Sabado ng gabi. Nabatid na tumakas ito sa kulungan sa China at ditto nagtago sa Pilipinas dahil sa kasong Article 205 Criminal Law of People’s Republic of China. Nakatakda namang ideport ang suspek patungo sa kanilang bansa upang harapin nito ang kanyang kaso.

Please follow and like us:
Read More