IPINOSAS SA KAMA, CHINESE NATIONAL NA-RESCUE  SA MAKATI

(NI NICK ECHEVARRIA)

NASAGIP ng mga elemento ng CIDG-National Capital Region na nakabase sa Eastern Metro Manila at PCP 3, ng Makati City Police Station, ang isang  Chinese national mula sa kanyang mga kidnappers sa Ermita Building, Batangas St., corner Uruguay St., Brgy. San isidro Makati City, Huwebes ng gabi.

Kinilala ni P/MGen. Amador V. Corpus, director ng CIDG, ang nailigtas na biktima si Jiang Fan Li, 22, mula sa umano’y mga suspek na dumukot ditong sina Lee Arvin Lisboa  Apostol at Brian Alit Requintina.

Sa report na nakarating sa Camp Crame, nag-ugat ang rescue operation makaraang magtungo sa tanggapan ng CIDG ang isang concerned citizen bandang alas-4:00 ng hapon ng Huwebes para isumbong ang dinukot na isang Chinese national na umanoy minamaltrato habang nakaposas.

Agad tinungo ng mga operatiba ng CIDG, kasama ang mga opisyal ng Barangay San IsidroPolice operatives ang nasabing lugar kung saan natagpuan ang biktima na nakaposas sa kama.

Hindi naman makausap nang maayos ng mga miyembro ng raiding team ang biktima dahil hirap umano itong makaintindi ng wikang English at Tagalog habang naaresto naman sa isinagawang operasyon ang mga nabanggit na kidnappers.

Nahaharap ngayon sa kasong serious illegal detention ang mga nadakip na suspek habang inaalam din ng pulisya kung may kaugnayan ang inaresto sa iba pang grupo ng mga kriminal.

Please follow and like us:
Read More

2 BOMBERO TIMBOG SA EXTORTION NG NASUNOG SA FOOD CHAIN

fire

(NI FRED SALCEDO)

TIMBOG sa pangingikil ang dalawang kawani ng pamatay sunog ng Quezon City makaraang kikilan ang nasunugang restoran ng naturang lungsod.

Arestado sa ikinasang entrapment operation ng Philippine National Police Criminal Investigation and Detection Group (PNP-CIDG) ang dalawang miyembro ng Bureau of Fire Protection (BFP) dahil umano sa pangongotong sa isang fast food chain.

Kinilala ang mga suspek na sina SFO4 Fortunato Alde at SFO3 Carlito Canapi, kapwa nakatalaga sa arson investigation unit.

Humihingi umano ang dalawa ng malaking halaga ng pera kapalit ng mabilisang pag-proseso sa fire incident report ng nasunog na restoran.

Ayon sa isang empleyado ng fast food chain na nagrereklamo, hinihingian umano sila ng P20,000 para maibigay agad sa kanila ang report dahil kung hindi umano ay matatagalan ang pag-release ng fire incident report.

Nakarating sa kaalaman ni district fire marshal Senior Supt. James Ramirez ang insidente ng pangongotong ng dalawa niyang tauhan kaya siya na mismo ang nag utos sa mga tauhan ng CIDG, ng agarang pagkaka-aresto sa dalawang tauhan ng Quezon City Fire Department.

Aminado naman ang CIDG na may nagtungong hepe ng Quezon City Fire Department, upang ireklamo ang  tauhan nila sa opisina na nanghihingi ng pera sa mga kliyente na nasunugan, ayon kay Police Lt. Col. Arnold Moleta, deputy chief ng CIDG-National Capital Region.

Hawak umano ni Alde ang imbestigasyon sa kaso sa insidente ng sunog sa naturang restoran na nangyari noong Pebrero 28.

“Para ma-open agad ang store nila. Parang hindi kasi makakapag-operate ang kompanya kung wala ang mga dokumentong ito na kailangan nila,” ani Moleta.

Itinanggi naman ng mga bombero ang paratang sa kanila “wala kaming kinalaman, pinapunta kami para ipakita namin ang report sa kanila,” ani Alde.

Kakasuhan ang mga suspek ng robbery extortion.

Paalala pa rin ng Quezon City district Fire Marshal James Ramirez sa lahat ng kanilang kliyente, kung may nais silang malaman tungkol sa pagpo-proseso ng kanilang papeles, dokumento o  ano mang bayarin huwag mag-atubiling magtungo sa kanyang opisina at handa silang tugunan ang pangangailangan ng mga residente ng Quezon City.

Please follow and like us:
Read More

20 LOCAL OFFICIALS ARESTADO NG CIDG SA BARIL

CIDG12

(NI JG TUMBADO)

NASA 23 lokal na opisyal ang arestado ng PNP-CIDG sa loob lamang ng isang linggong operasyon mula March 22 hanggang 28.

Kabilang sa mga naaresto si Mayor Romeo Vargas ng Tubajon, Dinagat Island at Vice Mayor Antonio Adlao ng Tagbina, Surigao del Sur.

Bukod sa kanila, arestado rin ang isang myembro ng Sangguniag Baranggay, siyam na barangay chair, 10 barangay councilor at isang general service officer.

Samantala, aabot naman sa 145 na sibilyan ang naaresto ng CIDG sa kaparehong petsa.
Mahaharap ang mga naaresto sa paglabag sa RA 10591 o Firearms law.

Sa kabila naman nito, patuloy ang paalala ng CIDG sa publiko na isuko ang kanilang mga armas lalo pa’t umiiral ngayon ang election gun ban.

Please follow and like us:
Read More