SABLAY ANG IBINIDA NI PRES. DUTERTE NA SIYA NAGPA-AMBUSH KAY LOOT

CHRISTIAN BOMB

SA harap ng mga bagong appointed na mga opisyal ng pamahalaan sa Malacañang ay ibinida ni Pangulong Rodrigo Duterte na siya ang nag-utos na ipa-ambush si ret. Police General at dating Daanbantayan, Cebu Mayor Vicente Loot.

“Loot, p…..mo, nanalo pa na mayor, inambush kita, animal ka, buhay pa rin.” Iyan ang kumpletong statement ni Pangulong Duterte patungkol kay Loot.

Si Loot, noong May 2018, kasama ang kanyang pamilya ay tinambangan ng mga hindi kilalang lalaki sa Daanbantayan, Cebu. Sa ambush na ito, nasugatan si Loot at tatlo niyang kasamahan.

Ang paniniwala noon ni Loot ay mga kalaban niya sa pulitika sa bayan niya sa Daanbantayan ang nagpa-ambush sa kanya, pero dahil sa ibinidang ito ni Pangulong Duterte ay alam na ngayon ng da­ting police general turned politician kung sino ang nagpa-ambush sa kanya at sa kanyang pamilya.

Dahil sa ibinidang iyan ni Pangulong Duterte ay halos maturete sina Presidential spokesman Salvador Panelo at Sen. Bong Go sa pag-twist sa sinabi ng Presidente, na ayon kay Panelo ay Bisaya raw kasi ang Pangulo, na ang laman daw talaga ng sinabi nito ay “Loot, inambush ka na, buhay pa rin” at sa bahagi ni Sen. Go, ayon sa kanya ay nagbibiro lang daw ang Presidente.

Ang sinabi kasing ito ni Pangulong Duterte ay maaaring gamiting dag­dag-ebidensya sa kanya kaugnay sa kinakaharap niyang kaso sa International Criminal Court (ICC) na may kinalaman sa extrajudicial killings na nangyayari sa bansa.

Bukod diyan, maaa­ring ikagalit din ng mga opisyal at miyembro ng AGFO (Association of Generals and Flag Offi­cers) ang ibinidang ito ni Pangulong Duterte, dahil si Loot ay dating heneral na miyembro ng AGFO.

Sa totoo lang, kaya todo-pagtatanggol sina Panelo at Sen. Go tungkol sa isyung ito ay dahil alam nila na malaking sablay ang ibinida ng Pangulo na siya ang nagpa-ambush kay Loot at sa pamilya nito.

oOo

TIMBRE: Paging PNP Chief, Director Ge­neral Oscar Albayalde…Sa Tarlac at Angeles City, nagkalat na raw ang mga illegal gambling na color games, hi-lo at drop balls ni alyas “Ricky”…sa Quezon City ay parang legal na raw ang pasakla nina “Amang” at “Willy.” (CHRISTIAN’S BOMB/ CHRISTIAN HERNANDEZ)

Please follow and like us:
Read More

MABIBIYAYAAN ANG MGA KORAP AT SANGKOT SA DROGA

CHRISTIAN BOMB

HINDI katanggap-tanggap sa taumbayan ang pag-apruba ng tatlong komite ng Senado na pagpapaliban sa nakatakdang Barangay at Sangguniang Kabataan (SK) elections sa May 2020, at ang halalang pambarangay ay itinakda sa Mayo 2023.

Ang mga komiteng nag-apruba nito ay ang Committee on Electoral Reforms and People’s Participations, Committee on Local Goverment at Committee on Finance.

Bagamat hindi pa pinal ay malaki ang posibilidad na maaprubahan ito dahil 11 senador na ang lumagda para ipagpaliban ang halalan sa susunod na taon, na ibig sabihin ay kailangan na lang ang 2 lagda ng mga senador para sa majority votes at puwede na itong pirmahan ni Pangulong Rodrigo Duterte na siyang nag-utos sa mga mambabatas na ikansela ang eleksyong pambarangay.

Sakaling mapirmahan na ni Pangulong Duterte ang pagpapaliban sa halalan ay ito na ang ikatlong pagkansela sa Barangay at SK elections na ginawa ng administrasyong Duterte dahil ang nakatakdang halalang pambarangay nuong October 2016 ay ­ipinagpaliban at sana ay gaganapin ito nuong October 2017, pero muli itong kinansela at ang halalan ay isinagawa na nuong May 14, 2018.

Kapag naisakatuparan na gawin ang May 2020 halalang pambarangay sa May 2023 ay limang taon na manunungkulan sa barangay ang mga chairman, kagawad at SK officials.

Iyan ang hindi katanggap-tanggap sa mamamayan.

Nakasanayan na kasi ng mamamayan na ­maghalal ng mga kursunada nilang mamuno sa kanilang mga barangay tuwing ikatlong taon at ang mga ­mabubuting barangay official ay muli nilang ­ibinoboto at ang mga tiwali, sangkot sa droga at iba pang illegal ay ibinabasura nila sa eleksyon.

Pero dahil sa hangarin ni Pangulong Duterte at mga kaalyado niyang senador na pagpapaliban sa halalang pambarangay, pati ang mga hindi karapat-dapat na barangay at SK officials sa posisyon ay kasama sa mabibiyaan dahil mananatili pa sila sa poder hanggang May 2023.

o0o

TIMBRE: Paging PNP Chief Director General ­Oscar Albayalde… Sa Laguna, namamayagpag daw ang pa-jueteng ng isang alyas “Don Ramon”…maglalatag na rin daw ng mga peryahang may color games, beto-beto, hilo at drop balls sina alyas “Jessica” at “Lourdes Tomboy.” (CHRISTIAN’S BOMB / Christian Hernandez)

Please follow and like us:
Read More

DAPAT IRESPETO ANG MAGIGING DESISYON NG PET

CHRISTIAN BOMB

BAGAMAT kaalyado ni Pangulong Rodrigo Duterte ang pamilya Marcos ay sinabi niya na kung sa election protest ni dating Sen. Ferdinand “Bongbong” Marcos, Jr. ay ihahayag ng Presidential Electoral Tribunal (PET) o Supreme Court (SC) na si VicePresident Leni Robredo ang tunay na nagwagi sa nakalipas na 2016 Vice Presidential election ay irerespeto raw ito ng kanyang administrasyon.

Para kay Pres. Duterte, batas na ang nagdesisyon kaya’t irerespeto raw niya ang batas.

Nagbigay ng ganyang pahayag si Pangulong Duterte matapos ihayag ng SC na tapos na ang isinagawang pagbilang o recount sa mga boto sa mga probinsyang ipinoprotesta ni dating Sen. Marcos na ayon sa kanya ay may naganap na malawakang dayaan dito.

Kung ang kampo ni Vice Pres. Robredo ang tatanungin ay para sa kanila ay sila ang nagwagi, pero sa kampo ng mga Marcos, sabi naman nila ay hintayin na lang ang ilalabas na desisyon ng PET tungkol sa election protest.

Hangga’t wala pang inilalabas na desisyon ang PET o ang SC tungkol sa kinalabasan ng protesta ni dating Sen. Marcos laban kay Vice Pres. Robredo, ay hindi pa rin talaga nakatitiyak kung sino sa kanilang dalawa ang totoong nanalo sa pagka-vice president nuong nakalipas na 2016 Vice Presidential election.

Si Pangulong Duterte ay nagsalita na sa isyung ito, na irerespeto ng kanyang administrasyon kung ano ang magiging pasya ng PET o SC sa election protest na ito, pero sina Vice Pres. Robredo at dating Sen. Marcos ay hindi pa nagbibigay ng pahayag kung igagalang din nila anoman ang maging desisyon dito ng PET o SC.

Anoman ang kalabasan ng desisyon ng PET o SC ay dapat irespeto ito nina Vice Pres. Robredo at dating Sen. Marcos upang matigil na ang bangayang pulitika, kung sino sa kanilang dalawa ang tunay na bise presidente ng bansa.

Nagpahayag na ang Pangulo na igagalang niya ang desisyon ng batas, kaya’t sana, irespeto rin nina Vice Pres. Robredo at dating Sen. Marcos kung ano ang magiging pasya ng batas sa kanilang tunggalian sa posisyong bise presidente.

oOo

TIMBRE: Paging PNP Chief, Director General Oscar Albayalde, sa Malabon City, nagkalat daw ang operasyon ng video karera ni alyas “Noel”. Nangongolekta raw sa mga gambling lord sa Marikina City at Mandaluyong City ang isang alyas “Jigz Pulis.” (CHRISTIAN’S BOMB / CHRISTIAN HERNANDEZ)

Please follow and like us:
Read More

MAY PUNTO SI LACSON, SI DUTERTE WALA

CHRISTIAN BOMB

ANG isyu kung dapat ba o hindi na tumanggap ng regalo ang mga pulis kapalit ng kanilang tungkulin bilang mga alagad ng batas ay humantong sa bangayan sa pagitan nina Pangulong Rodrigo Duterte at Sen. Panfilo Lacson.

Nang sabihin kasi nuon ni Pangulong Duterte na pinapayagan niya ang mga pulis na tumanggap ng regalo ay agad itong kinontra ni Sen. Lacson, dating hepe ng Philippine National Police (PNP), dahil ayon sa senador, ang serbisyo raw ng mga alagad ng batas sa publiko ay dapat walang kapalit.

Ang akala ng publiko ay tapos na ang isyung ito, pero sa ginanap na awar­ding ceremony sa mga opisyal ng gobyerno sa Malacañang nitong nakalipas na Martes ay biglang binanatan ni Pangulong Duterte si Sen. Lacson na may ambisyon daw maging presidente kaya kinontra ang pahayag niya tungkol sa pagtanggap ng regalo ng mga pulis sa mamamayan, na ayon pa sa Pangulo ay hindi naman daw abogado ang senador kaya’t ignorante ito sa mga nilalaman ng batas.

Kaagad rumesbak si Sen. Lacson sa banat sa kanya ni Pangulong Duterte at pinasaringan ang Presidente na tila ito ang mas ignorante sa batas, dahil malinaw naman sa batas na ipinagbabawal sa mga pulis ang pagtanggap ng regalo o anomang pabuya kapalit ng kanilang tungkulin sa mamamayan.

Dahil diyan, asahan nang lalo pang magbabangayan sa isyung ito sina Pangulong Duterte at Sen. Lacson, pero kung pakasusuriin, ay mas may punto ang senador kaysa sa presidente sa usaping ito.

Malinaw naman kasi sa nakasaad sa Saligang Batas at maging sa code of ethics ng Civil Service Commission (CSC) na ang lahat ng mga taong-gobyerno, kabilang ang mga pulis ay dapat nagli­lingkod sa mamamayan nang walang anomang kapalit na regalo, pabuya o pabor mula sa mamamayan.

oOo

TIMBRE: Paging PNP Chief, Director Ge­neral Oscar Albayalde!…Sa Cubao, Quezon City ay may peryahang may sugalan daw… Sa Tondo, Maynila namamayagpag daw ang pa-bookies ng karera nina alyas “Boy Abang” at alyas “Lando Simbulan”…Sa Cavite, isang alyas “Imee” raw ang may mga pasakla… Sa Bulacan, nagkalat na raw ang mga kubrador ng jueteng. (CHRISTIAN’S BOMB / CHRISTIAN HERNANDEZ)

Please follow and like us:
Read More

CONCERNED SA SAFETY NG DRUG LORDs?

CHRISTIAN BOMB

ANG idinadahilan ni Pangulong Rodrigo Duterte kung bakit niya inutusan si dating Bureau of Correction (BuCor) Director General Nicanor Faeldon na i-release sa New Bilibid Prisons (NBP) sa Muntinlupa City ang 10 presong drug lords at ilipat ang mga ito sa Marines Barracks sa Fort Bonifacio sa Taguig City ay dahil sa pangamba niya na baka raw ipapatay sila ni detenidong Sen. Leila de Lima, na sa ngayon ay nakakulong naman sa Camp Crame sa Quezon City.

Sa tema ng salita ni Pangulong Duterte ay parang pinalalabas nito na kakila-kilabot ang pagkatao ni De Lima, na kahit nakakulong ito sa Camp Crame ay kayang mag-utos na ipapatay ang mga tumestigo laban sa kanya na mga bigtime drug lords sa bilibid.

Sa sinabing ito ng Presidente, ay pinalalabas niyang mas notoryus ang pagkatao ni De Lima kaysa mga drug lords.

Ang tanong: Kaya bang gawin ni De Lima ang pangamba ni Pangulong Duterte na ipapatay ng senadora ang mga presong drug lords ?

May pagka-notoryus man ang pagkatao ni De Lima, pero hindi sa mga ordinaryong tao, kundi sa mga human rights violators, at isa sa tinatamaan diyan ay ang gobyernong Duterte.

Bagamat marami rin ang naiimposiblihan sa ikinaso kay De Lima, ang drug case na kinakaharap niya ay nasa korte na kaya’t maghihintay na lang ang publiko kung ano ang kahihinatnan nito sa dakong huli.

Ang isyu ngayon, ay ang mga presong drug lords na wala na sa bilibid at nasa Marines Barracks na sa Fort Bonifacio.

Sa totoo lang, ­marami na ang nahihiwagahan kung totoong galit sa droga ang gobyernong Duterte.

Kuwestyonable kasi, na matapos na mabalitang may mga drug lords na pinalaya si Faeldon gamit ang batas na Good Conduct Time Allowance (GCTA), ang kasunod ang pag-amin mismo ng Presidente na ipina-release niya sa bilibid ang mga presong drug lords na testigo laban kay De Lima at inilipat ang mga ito sa Marines Barracks sa Fort Bonifacio.

Mantakin n’yo, may drug war dahil galit sa droga ang Presidente, tapos ang ­gobyerno, ipinakikita sa ­publiko na concerned sila sa safety ng mga drug lords, tapos may mga pinalalaya pa gamit ang GCTA law.

oOo

TIMBRE: Paging PNP Chief, Director General Oscar Albaylde !… Sa Quezon City, largado na raw ang pa-jueteng ni alyas “Tepang”… Sa Antipolo City at Cainta, Rizal nagkalat na daw ang mga video karera ni alyas “Boy Sola”…sa Caloocan City, namamayagpag na daw pa-lotteng nina alyas “Don Ramon” at “Nonoy.” (CHRISTIAN’S BOMB / Christian Hernandez)

Please follow and like us:
Read More

ANG SALITA NI PDUTERTE PARA SA KANYA AY BATAS!

CHRISTIAN BOMB

MATAPOS mabalita na binigyan ng release order ni dating Bureau of Corrections (BuCor) Director General Nicanor Faeldon ang 10 presong drug lords na nakapiit sa New Bilibid Prison (NBP), na pawang testigo sa drug case ni Sen. Leila de Lima na mailipat sa Marine barracks sa Fort Bonifacio, ay inamin ni Pangulong Rodrigo Duterte na siya ang nag-utos nito sa dating BuCor director.

Ang naging desisyon na ito ni Pangulong Duterte, ayon kay Sen. Franklin Drilon ay mali.

Ayon kay Drilon, dahil ang korte ang humatol na makulong sa Bilibid ang mga preso, ang dapat daw na ginawa ng gobyerno ay humingi ng pahintulot o release order mula sa korte.

Sa ginawang iyan ni Pangulong Duterte ay pagpapakita ito na wala siyang respeto sa korte.

Nuon pa man ay ipinakikita na ng gobyernong Duterte ang pagsalaula nila sa batas, dahil ang kunin nilang testigo laban kay Sen. De Lima ang mga presong nahatulan na ay labag din sa batas.

Nakasaad kasi sa batas na sinomang nahatulan na ng korte ay hindi na puwedeng tumestigo sa anomang kaso, pero sa kaso laban kay De Lima, mga preso sa bilibid ang ginamit na testigo ng administrasyong Duterte.

Bilang pangulo, dapat ay si Presidente Duterte ang unang nagpapakita ng respeto sa batas, pero ang masaklap, ipinakikita niya sa publiko na wala siyang respeto sa Saligang Batas ng Pilipinas.

Katunayan nga, sa isyung iginigiit nuon ng oposisyon kay Pangulong Duterte na sabihin nang personal kay Chinese Pres. Xi Jinping na batay sa Konstitusyon, ay pag-aari ng Pilipinas ang West Philippine Sea (WPS), ay nasabi ng Pangulo, na ang Saligang Batas ng Pilipinas ay isang uri lang ng papel at ikinumpara pa ito sa “toilet paper.”

Sa sinabing ito ni Pa­ngulong Duterte ay waring ang gusto niyang ipakita sa mundo, na ang salita niya ang batas ng Pilipinas at hindi ang mga nakasaad sa SaligangBatas.

oO0

TIMBRE: Paging PNP Chief, Director Ge­neral Oscar Albayalde! Namamayagpag daw ang pasugal na color games, beto-beto at drop balls ni alyas “Baby” sa bisinidad ng Target Mall sa Sta. Rosa City; Pulo sa Cabuyao City at Landayan sa San Pedro City, pawang sa Laguna. Sa Tarlac, largado na rin daw ang operasyon ng jueteng nina “Peping” at “Bebot”. Sa Marikina City, tuloy raw ang operasyon ng lotteng at bookies ni “Rose.” (CHRISTIAN’S BOMB / CHRISTIAN HERNANDEZ)

Please follow and like us:
Read More

BAKA MAY ALAS SI FAELDON KAY PRES. DUTERTE

CHRISTIAN BOMB

TAMA ang naging desisyon ni Pangu­long Rodrigo Duterte na tanggalin na sa puwesto si Bureau of Corrections (BuCor) Director General Nicanor Faeldon.

Nag-ugat ang pagsibak kay Faeldon dahil sa ginawa nitong pagpapalaya sa mga bilanggong drug lord, rapist at murderer, gamit ang batas na Good Conduct Time Allowance (GCTA).

Bagamat malapit si Faeldon kay Pangulong Duterte, ay napilitan na ang Presidente na siya ay sibakin dahil nagalit sa gobyerno ang publiko sa ginawa nitong pagpapalaya sa mga presong sangkot sa mga karumal-dumal na krimen.

Hindi na sana umabot na nagalit sa gobyerno ni Pangulong Duterte ang taumbayan sa isyung pagpapalaya sa mga preso, kung nuong nasangkot si Faeldon sa drug smuggling  at tara system sa Bureau of Customs (BOC) ay sinibak na niya ito sa pamahalaan.

Ang naging problema nuon, sa kabila na nalantad sa Senado ang mga kabulukan sa Customs nuong si Faeldon pa ang commissioner ng BOC, ay mas kinampihan ito ni Pangulong Duterte sa halip na pakinggan ang panawagan ng mga senador na tanggalin ito sa gob­yerno.

Nagtaka ang publiko kung bakit sa kabila ng mga nabunyag na katiwalian sa Customs sa panahon ni Faeldon ay pinag-resign lang ito ng Presidente sa BOC at pagkaraan ay ipinuwesto bilang deputy administrator sa Office of Civil Defense (OCD) ng Department of National Defense (DND) at saka itinalaga bilang director general ng BuCor.

Bagamat sibak na sa BuCor si Faeldon ay mara­mi pa rin ang nagdududa na baka bigyan uli ito ng panibagong posisyon ni Pangulong Duterte sa kanyang gobyerno.

Malaking pagkakamali kung sakaling bigyan uli ito ng bagong posisyon ni Pangulong Duterte sa kanyang gobyerno, dahil kapag ginawa niya ito ay magdududa na ang taumbayan na may itinatagong alas si Faeldon laban sa Presidente.

oOo

TIMBRE: Paging PNP Chief Director General Oscar Albayalde! Isang alyas “Millora,” may pa-jueteng na sa Pangasinan; alyas “Toto Lacson” nagpapasakla sa Makati City; alyas “Tessie” may color games at drop balls sa Batangas; alyas “Lorna” may pa-bookies sa Maynila. (CHRISTIAN’S BOMB / CHRISTIAN HERNANDEZ)

Please follow and like us:
Read More

KUNG MAY DELICADEZA, PANELO DAPAT MAG-RESIGN

CHRISTIAN BOMB

DAPAT nang pakinggan ni Presidential spokesman Salvador Panelo ang panawagan sa kanya ni retired Judge Harriet Demetriou na mag-resign na siya sa kanyang tungkulin.

Nagalit kasi si Demetriou, ang hukom na humatol at nagpakulong kay rapist-killer ex-Mayor Antonio Sanchez sa naging statement sa Malacañang ni Panelo na puwede raw palayain ang dating alkalde dahil kwalipikado raw ito sa batas na Good Conduct Time Allowance (GCTA).

Noong una, sinabi ni Panelo na hindi niya pakikinggan ang panawagan sa kanyang magbitiw sa puwesto kasi opinyon lang daw niya ang sinabi niya tungkol sa pagpapalaya kay Sanchez at hindi naman daw niya iniuutos na palayain ito, bukod pa sa kahit naging abogado raw siya ng dating mayor ay matagal na raw siyang walang komunikasyon dito at kahit pa sa pamilya nito mula pa raw nuong 1995.

Ang problema ngayon ni Panelo sa isyung ito ay sa pagdinig sa Senado ay ibinisto ni Board of Pardons and Parole Executive Director Reynaldo ­Bayang na sinulatan siya ng Presidential spokesman na nagrerekomendang pagkalooban ng executive clemency si Sanchez, bukod pa riyan ay may record din na nakaharap niya sa Malacañang ang pamilya ng dating alkalde.

Malinaw na nagsisinungaling si Panelo sa mga sinabi niya noon na hindi siya nakikialam sa kaso ni Sanchez kaya’t kung may natitira pang delicadeza sa kanyang sarili ang Presidential spokesman ay dapat magbitiw na siya sa tungkulin.

o0o

ANAK NG JUETENG

Umarangkada na ang pa-jueteng ni “Moriones” sa Albay at “Jaruta” sa Muntinlupa City.

Kung ang mga pa-jueteng na ito sa Albay at Muntinlupa City ay hindi mapatitigil ng mga awtoridad, maaaring mangyari riyan ay magka-jueteng na rin sa iba pang probinsya at lungsod sa bansa.

Dapat ipag-utos na agad ni PNP Chief, Gen. Oscar Albayalde na ­ma-stop ang mga pa-jueteng na ito, dahil baka ang pagsusulputan uli ng jueteng sa bansa ay siyang maging dahilan para magalit sa kanya si ­Pangulong Rodrigo Duterte at ang inaasam niyang posisyon sa ­gobyerno kapag nagretiro na siya sa ­Nobyembre ay maunsiyami pa. (CHRISTIAN’S BOMB / Christian Hernandez)

Please follow and like us:
Read More

ILLEGAL GAMBLING NAMAN ANG PUKSAIN

CHRISTIAN BOMB

WALANG inilaan ang Department of Interior and Local Government (DILG) na extension sa 60 days na ibinigay nila sa local government units para makumpleto ang road clearing operation sa kani-kanilang mga nasasakupan.

Ayon kay DILG Sec. Eduardo Año, sapat na ang 60 araw para linisin ng mga local government units sa anomang sagabal sa kalsada at bangketa ang kanilang mga lugar.

Sakaling may mabigo na sundin ang utos ni Pangulong Rodrigo Duterte kaugnay sa road clearing operations sa kanilang mga lugar, mananagot sa DILG ang pabayang gobernador, alkalde at barangay chairman, at sila ay mahaharap sa suspensyon.

Sa ngayon ay may mga local government unit na sumusunod sa kautusan ni Pangulong Duterte, pero may ilan na pakitang-tao lang ang ginagawang clea­ring operations, lalo na sa malalayong probinsya, lungsod, munisipalidad at barangay.

Dapat pagkatapos ng 60 days deadline ay mag-ikot ang mga DILG personnel sa kanilang mga nasasakupan at ang sinomang matuklasan nilang nagpabaya ay dapat suspendihin agad ni Sec. Año para maipakita nila sa publiko na hindi nagbibiro ang gobyernong Duterte sa kampanyang road clearing operations.

Sana, pagkatapos ng road clearing operations, ang isunod na ga­wing kampanya naman ng DILG ay pagsugpo sa mga illegal gambling sa buong bansa.

Ika nga, kung nagawa ng DILG na bigyan ng taning na 60 araw ang mga local government unit para linisin at alisin ang mga sagabal sa kalsada at bangketa, marahil kaya rin ng DILG na taningan ng 60 araw ang mga gobernador, alkalde at barangay chairman na ipatigil ang lahat ng illegal gambling sa kanilang nasasakupan, at ang sinomang hindi makatutugon sa anti-illegal gambling campaign ay dapat suspendihin.  (CHRISTIAN’S BOMB / CHRISTIAN HERNANDEZ)

Please follow and like us:
Read More

MALI NA PATI HOMEWORK NG MGA ESTUDYANTE PINAKIKIALAMAN NG MGA POLITIKO

CHRISTIAN BOMB

INIHAIN sa Kamara de Representantes ang dalawang panukalang batas na nagbabawal sa pagbibigay ng assignment sa mga estudyante.

Sa ilalim ng House bill 3611 na akda ni House Deputy Speaker Evelina Escudero, magkakaroon ng no-homework policy ang Department of Education mula kinder hanggang high school.

Nakasaad din sa panukala na ipagbabawal nang iuwi ng estudyante ang kanyang mga libro sa bahay kaya magiging magaan na ang dala nitong school bag.

Sa House bill 3883 naman ni Quezon City Rep. Alfred Vargas, ipag¬babawal lamang ang pagbibigay ng homework kapag weekend.

Sa panukala ni Vargas, papatawan ng P50,000 multa at isa hanggang dalawang taong kulong ang mga guro na magbibigay ng assignment kapag weekend.

Tinutulan ng grupo ng mga guro ang mga panukalang ito, dahil ayon sa kanila ay isang insulto at pambabalewala ito sa kanilang propesyon.

Ayon sa mga guro, halos araw-araw silang nagbibigay ng takdang-aralin sa mga estudyante sa elementarya dahil naniniwala silang iyon ang paraan para talagang matutunan ng mga bata ang mga itinuro sa kanila sa klase.

Nakalulungkot na isipin na pati ang homework ng mga batang mag-aaral ay pinakikialaman na ng mga politiko.

Ang daming isyu na dapat unahin, ang daming batas na hindi naipatutupad nang maayos, at sana iyan ang mga unahing asikasuhin ng mga mambabatas at hindi ang kinamulatan ng takdang-aralin ng mga mag-aaral.

Sana ay inaral munang mabuti ng mga mambabatas kung talagang hindi nakabubuti sa “bonding” at “development” ng mga batang mag-aaral ang homework, at ang isa pang matindi sa panukalang ito, may parusa pa talagang P50,000 ang mga gurong lalabag dito.  (CHRISTIAN’S BOMB / CHRISTIAN HERNANDEZ)

Please follow and like us:
Read More

KUNG HINDI KAYANG LINISIN NI GUERRERO ANG BOC, MAGBITIW NA SIYA SA TUNGKULIN

CHRISTIAN BOMB

KAMAKAILAN ay inamin ni Commissioner Rey Leonardo Guerrero na tuloy pa rin daw ang sistemang “tara” o panghihingi ng intelihensya sa mga smuggler ng ilang opisyal at tauhan ng Bureau of Customs (BOC).

Kakaiba ito, dahil sa mga naging commissioner ng Customs ay tanging si Guerrero ang umamin na may nagaganap pa rin na “tara” system sa Adwana.

Ang mga dating commissioner ng Customs, todo deny sila noon na may nagaganap na kurakutan sa Adwana at ayaw din nilang umamin na namamayagpag ang operasyon ng mga smuggler, pero sa mga pagdinig sa Senado ay ­nabibisto na tuloy ang puslitan ng mga kargamento nang walang binabayarang buwis kapalit ng “tara” na ibinibigay sa mga tiwaling Customs officials.

Sa mga naganap na Senate probe, dito nalaman ng publiko na hindi lang mga pangkaraniwang kargamento ang naipupuslit sa Customs, kundi pati tone-toneladang shabu.

Ang hindi lang kagandahan sa pag-amin ni Guerrero na tuloy pa rin ang “tara” system sa Customs ay mistulang inutil siya sa kanyang posisyon.

Itinalaga siya ni ­Pangulong Rodrigo Duterte para pamunuan ang Customs dahil sa tiwala sa kanya na kaya niyang durugin ang mga tiwali sa Adwana sa kadahilanang dati siyang chief of staff ng Armed Forces of the Philippines (AFP). Na kaya niyang banggain ang mga bigtime smuggler pero ang nangyari bigo siya.

Binigyan ng basbas ni Pangulong Duterte si Guerrero na kumuha ng mga aktibo at retiradong opisyal ng militar na makakasama niya sa Customs, pero wala rin nangyari, tuloy pa rin ang corruption sa Adwana.

Kung ganyan na hindi maipakita ni Guerrero kay Pangulong Duterte at sa publiko na hindi niya ­kayang linisin sa katiwalian ang Customs, pinakamainam niyang gawin ay magbitiw na lang siya sa kanyang tungkulin.

Ang pag-amin kasi ni Guerrero na hindi pa rin natitigil ang “tara” system at indikasyong tuloy pa rin ang smuggling sa Customs ay mistulang pag-amin na rin na suko na siya at hindi niya kayang ipatigil ang ganitong uri ng kalakarang kurakutan sa Adwana. (CHRISTIAN’S BOMB / Christian Hernandez)

Please follow and like us:
Read More

KUNG AYAW NG GAMBLING LORDS SA BAGONG SISTEMA NG PCSO, IPATIGIL NA ANG STL

CHRISTIAN BOMB

NAGBIGAY na ng pahintulot si Pangulong Rodrigo Duterte na muling mag-operate ang Small-Town Lottery (STL), at tulad ng dati, ang mga gambling lord pa rin ang mamamahala sa pagpapatakbo nito.

Sa kabila na aprub na kay Pangulong Duterte ang pagbabalik-operasyon ng STL ay bantulot naman ang mga gambling lord kung mag-o-operate pa sila ng STL dahil nabibigatan sila sa mga bagong kondisyon ng Philippine Charity Sweepstakes Office (PCSO) patungkol sa pasugalang ito.

Kabilang sa mga kondisyon na nakabibigat daw sa mga STL franchise holder ay bayaran nang buo ang kanilang pagkakautang sa PCSO at ang pagdedeposito ng kanilang shares sa PCSO ng tatlong buwan.

Bukod diyan, may waiver din na pipirmahan ang franchise holder na nangangahulugang hindi sila maaring magdemanda laban sa gobyerno.

Ibig sabihin, kaya tutol ang mga gambling lord sa mga bagong patakaran ng PCSO sa pasugal na STL ay dahil ang gusto nila ay ang dating sistema na tadtad ng corruption.

Kung ganyan na nagpapakita ng pagtutol ang mga gambling lord na STL franchise holder sa mga bagong patakaran ng PCSO ay mas makabubuti na ipasara na lamang ang operasyon ng STL sa halip na muling buksan pa ito.

Sa dating sistema ay malaki ang nalulugi sa PCSO dahil hindi naire-remit sa ahensya ng ilang jueteng lords na franchise owner ng STL ang kinikita nila, at ang iba naman na nagre-remit lalo na iyong may mga kasabwat na retired police at military generals sa kanilang STL operations ay hindi umaabot sa 20% ang nire-remit sa PCSO.

Ang dahilan kung bakit talo ang PCSO at ang mga gambling lord lang ang kumikita sa STL operations ay dahil ginagawa lang itong front sa jueteng operations.

Ang STL ay itinatag para masawata ang jueteng subalit lumalabas na nagiging legal ang operasyon ng jueteng dahil sa STL.

Mismong mga pulis na rin ang nagsabi na hindi nila maaresto ang mga kubrador ng jueteng dahil mayroon silang ID ng STL, kahit na ang operasyon ng mga STL franchise holder ay sistemang jueteng na.

Kung tuluyan nang ipasasara ang STL ay mas madaling mahuli ang operasyon ng illegal jueteng, maliban na lang kung masusuhulan ang mga opisyal at tauhan ng PNP ng mga jueteng lord.

Ika nga, kung ayaw ng mga gambling lord na STL franchise holders ang bagong sistema ng PCSO, dapat magdesisyon na ang Malacañang na tuluyan nang ipatigil ang STL, at ang sinomang magpapa-jueteng, hulihin at kasuhan agad. (CHRISTIAN’S BOMB /CHRISTIAN HERNANDEZ)

Please follow and like us:
Read More

‘NAG-AABOGADO’ SA PAGLAYA NI SANCHEZ DAPAT TABLAHIN NG MALACAÑANG

CHRISTIAN BOMB

NAGHUGAS-KAMAY ang Malacañang sa isyung pagpapalaya kay dating mayor Antonio Sanchez ng Calauan, Laguna.

Si Sanchez ay nahatulan ng pitong beses na habambuhay na pagkabilanggo sa National Bilibid Prison (NBP) matapos mapatunayan ng korte na guilty ito sa mga kasong kidnapping, rape at double murder sa mga biktimang sina Eileen Sarmenta at Alan Gomez noong 1993.

Ang sabi ni Presidential Spokesman Salvador Panelo sa isyung ito ay wala raw sa poder ng Malacañang ang pagdetermina kung nagpakita ng good moral behavior ang isang person deprived of liberty o presong tulad ni Sanchez na kasama sa mga posibleng magawaran ng Good Conduct Time Allowance (GCTA) at mapalaya.

Ang palusot ni ­Panelo ay nasa kapangyarihan daw ng Boards of Pardon and Parole ng Department of Justice (DOJ) ang desisyon kung palalayain o hindi si Sanchez.

Sa totoo lang, hindi naman maiaalis na magduda ang publiko na may ­kinalaman ang Malacañang sa isyung pagpapalaya kay Sanchez dahil ang DOJ ay nasa ilalim ng pamamahala ng Office of the President (OP) at si Panelo ay naging abogado nuon ng dating alkalde sa mga kasong ito.

Karumal-dumal ang mga kasong kinakaharap ni Sanchez, bukod pa sa nahulihan na rin ito ng shabu sa loob ng bilibid kaya’t dapat ay hayaan na lang ng DOJ na mabulok ito sa kulungan, pero kung pipilitin ng ­gobyerno na ipatupad ang pagpapalaya sa ­dating alkalde ay tiyak na lalong sasama ang ­imahe ng administrasyong Duterte sa publiko.

Sumama na kasi ang imahe ng gobyernong Duterte nang palayain ng mga korte ang mga personalidad na nakasuhan ng plunder, tapos ngayon isang dating alkalde na sangkot sa kidnapping, panggagahasa at pagpatay naman ang nababalitang makakalaya sa ilalim ng administrasyong Duterte.

Hindi  katanggap-tanggap sa pamilya ng mga biktima at maging sa publiko kung palalayain ng DOJ si Sanchez, kasi kapag nangyari ang pagpapalaya sa dating alkalde ay tiyak makakatikim na naman ng kaliwa’t kanang pambabatikos mula sa mamamayan ang gobyernong Duterte.

Ika nga para iwas-batikos, tablahin na ng Duterte government kung sinoman ang “nag-aabogado” kay Sanchez para ito ay makalaya na mula sa pagkakapiit sa bilibid. (CHRISTIAN’S BOMB / Christian Hernandez)

Please follow and like us:
Read More

PARANG ‘OVERACTING’ NA SI MAYOR ISKO

CHRISTIAN BOMB

NOONG una ay marami ang humanga sa mga ginawang reporma ni Mayor Isko Moreno sa Maynila, pero habang nagtatagal ay marami na rin ang pumupuna sa kanyang mga ginagawa sa lungsod.

Ang pagpuna ay tungkol sa masyadong pagiging matakaw niya sa publicity at kawalan ng solusyon kung paano magkakaroon uli ng hanapbuhay ang mahihirap na vendors na pinatanggalan niya ng hanapbuhay sa Maynila.

Tama ang kanyang naging aksyon na linisin sa dumi at obstruction ang Maynila, pero sana ay hinanapan niya ng lugar na paglilipatan ang mga apektadong vendor.

Maging ang ginawa niyang pagsibak sa isang precinct commander ng Manila Police District (MPD) dahil nakatapak siya ng ebak ay nakatikim din ng pambabatikos dito si Mayor Moreno dahil ang trabaho ng mga pulis ay labanan ang kriminalidad at hindi ang maglinis ng dumi ng tao.

Napuna rin ng publiko na kahit ang trabaho ng pulis ay pinakikialaman na rin ni Mayor Moreno, tulad ng pagpiprisinta ng mga arestadong suspek sa mga kaso, na dapat sana ay sa MPD headquarters ito ipiniprisinta at hindi sa city hall.

Ika nga ng ilan sa mga pumuna, masyadong “overacting” na raw ang alkalde ng Maynila kasi tila ang gusto nito, na sa bawat galaw niya, nasa social media siya at sa bawat aksyon niya, may kasama siyang media, tulad na lamang na pati ang pagpapabunot niya ng ngipin ay pinost nito sa social media, at ang matindi, iyong nagpakuha pa siya ng litrato na nagtatrabaho o habang may mga pinipirmahan siya sa kanyang opisina ay siya ay naka-dextrose.

Ang mga ganyang uri ng post sa social media, ang pagpapabunot ng ngipin at naka-dextrose ay masasabing “overacting” na nga at dapat iwasan iyan ni Mayor Moreno dahil baka ang mangyari, mainis sa kanya ang publiko, na ang tinatamasa niyang kasikatan ngayon ay ang maging dulot sa bandang huli ay ang maaga niyang pagkalaos.  (CHRISTIAN’S BOMB / CHRISTIAN HERNANDEZ)

Please follow and like us:
Read More

LORENZANA, TIYOPENG DEFENSE SECRETARY

CHRISTIAN BOMB

IBINULGAR ni AFP Western Mindanao Command (Westmincom) Commander Lt. Gen. Cirilito Sobejana na limang warship ng China ang pumasok nang walang paalam sa dagat na nasa teritoryo ng Pilipinas.

Nakababahala na ang ginagawang ito ng puwersa ng China dahil nadadalas na ang pagdaan ng kanilang mga Chinese military warship nang hindi man lang nagpapaalam sa Philippine government.

Dahil diyan, binatikos ni Defense Sec. Delfin Lorenzana ang ginawang ito ng China.

Ang problema lang kay Lorenzana, hanggang batikos lang siya.

Naturingan siyang Defense secretary ng bansa pero walang aksyon sa ginagawang paglabas-masok ng Chinese military warship sa loob ng teritoryo ng Pilipinas.

Ang dapat ginawa ni Lorenzana nang maipara­ting sa kanya ni Gen. Sobejana ang isyung ito ay kinausap niya ang commander-in-chief na si Pangulong Rodrigo Duterte at sabihin magpadala na agad ng diplomatic protest sa China dahil hindi katanggap-tanggap ang madalas na pagdaan ng mga Chinese military warship sa karagatang sakop ng Pilipinas nang walang paalam.

Dapat bilang defense secretary ay ipakita ni Lo­renzana sa mamamayang Pilipino at sa mundo na karapat-dapat siya sa kanyang posisyon.

Kausapin niya ang Presidente tungkol sa isyung ito at panindigang dapat na silang umaksyon, na kapag hindi nakuha ang China sa diplomatic protest ay dapat humingi na ng tulong ang Pilipinas sa United Nations (UN) para mapigilan na ang pagla­labas-masok ng Chinese military warship sa karagatang sakop ng Pilipinas.

Ang problema nga lang ay tila hindi kayang sabihan nang ganyan ni Lorenzana si Pangulong Duterte.

Ilang beses nang ginawa ni Lorenzana na kapag may ginagawang hindi kanais-nais ang China sa dagat ng Pilipinas ay nagpapatawag siya ng press conference at dito niya inilalabas ang kanyang himutok laban sa China, pero ang masaklap, kapag napagsabihan ng Presidente na kilalang pro-China na manahimik siya sa isyu, natatameme na siya sa pang-aabuso ng China sa teritoryo ng Pilipinas, at dahil diyan, ang nagiging tingin ng mundo sa kanya ay tiyopeng Defense secretary.  (CHRISTIAN’S BOMB / CHRISTIAN HERNANDEZ)

Please follow and like us:
Read More

PROMISE NI DUTERTE NOON, 3-6 MONTHS WALA NANG CORRUPTION PERO IMBES MAWALA, LALONG LUMALA

CHRISTIAN BOMB

DALAWANG ­miyembro ng gabinete ni Pangulong Rodrigo Duterte ang iniimbestigahan daw ng Presidential Anti-Corruption Commission (PACC) tungkol sa pagkakasangkot ng mga ito sa katiwalian.

Gayunman, ayaw pangalanan ni PACC Commissioner Greco Belgica ang tinutukoy niyang dalawang corrupt na miyembro ng gabinete ng Pangulo.

Kaya’t ang tanong: Totohanan ba ang imbestigasyong iyan laban sa dalawang “corrupt” na cabinet secretary?

Kung makatotohanan iyan, dapat ay inilabas na ni Commissioner Belgica ang pangalan ng dalawang cabinet secretary na iniimbestigahan nila sa corruption. Ang nangyari, ibinalita nga nila ito sa publiko, pero ayaw namang tukuyin kung sino ang mga corrupt.

At kung sakaling mapangalanan, ay makasuhan at makulong naman kaya?

Bagamat noon ay may pinapangalanan si Pangulong Duterte na mga tiwaling opisyal daw ng ­gobyerno, pero sibak lang sa puwesto ang inabot ng mga ito at hindi sinampahan ng kaso.

May mga pangyayari rin na ilang opisyal ng ­gobyerno ang tinanggal ni Pangulong Duterte sa puwesto, pero pagkaraan ay inilipat lang sa ibang tanggapan ng pamahalaan.

Bukod diyan, ilang kilalang personalidad na may kasong plunder na nakulong noong nakaraang administrasyon, ang nakalaya sa gobyerno ni Pangulong Duterte.

May mga hinatulan na rin ang korte na mga ­personalidad na ang kaso ay may kinalaman sa katiwalian, pero hanggang ngayon ang mga nahatulang ito ay nasa laya pa rin.

Ang matindi pa, ang ilan sa mga nakasuhan ng plunder na naipakulong ng mga nakaraang ­administrasyon ay nakikitang kasa-kasama ni Pangulong Duterte sa kainan, kuwentuhan at picture taking at ang iba ay ikinampanya pa ng Presidente noong nakaraang eleksyon kung kaya’t sila ay nahalal na mga senador, kongresista, gobernador at mayor.

Marami na ang nakapapansin na kung gaano kadalas binabanggit ng administrasyong Duterte ang kanilang hakbang laban sa katiwalian, pero parang nauuwi lang sa “palabas” ang lahat dahil walang isinasampang kaso laban sa mga tiwali.

Dahil diyan, lumalabas tuloy na ang madalas sabihin ni Pangulong Duterte na anti-corrupt siya at ang pag-iimbestiga ng PACC sa mga corrupt ay parang ­propaganda lang para masabing anti-corrupt ang ­Duterte government.

Kung totoong anti-corrupt si Pangulong Duterte, dapat ay natupad na ang campaign promise niya noon na kapag siya ay naluklok sa Malacanang ay 3-6 months ay wala na raw ang corruption sa bansa, pero higit tatlong taon na siya sa poder, imbes mawala ay lalong lumala ang katiwalian sa pamahalaan. (CHRISTIAN’S BOMB / Christian Hernandez)

Please follow and like us:
Read More

MANDATO NG PNP, TO SERVE AND PROTECT NANG WALANG KAPALIT

CHRISTIAN BOMB

BATIKOS mula sa mamamayan ang inabot ni Pangulong Rodrigo Duterte sa kanyang pahayag na puwedeng tumanggap ng regalo ang pulis mula sa publiko na humihingi ng tulong sa kapulisan.

Ang pambabatikos ng mamamayan sa isyung ito ay patunay na hindi katanggap-tanggap sa publiko ang sinabing ito ng Pangulo dahil puwedeng pagmulan ng mas matin­ding corruption sa PNP ang pagtanggap ng regalo sa mamamayan kapalit ng kanilang trabaho.

Mantakin n’yo, dinoble na nga ni Pangulong Duterte ang monthly sa­lary ng mga pulis, na ang suweldong ito ay hindi naman sa bulsa ng Pangulo nanggagaling kundi sa kaban ng bayan, tapos ang gusto pang mangyari ng Presidente ay tumanggap ng regalo ang mga opisyal at tauhan ng PNP mula sa mamamayan bilang kabayaran ng kanilang trabaho.

Bukod diyan, malinaw sa nakasaad sa  Civil Service Commission (CSC) code na hindi pinapayagan ng batas ang pagtanggap ng mga opis­yal o empleyado ng gob­yerno ng regalo kapalit ng ginawang trabaho.

Ayon kay CSC Chairperson Alicia dela Rosa-Bala, kahit boluntaryo ang pagbibigay ng regalo sa mga pulis, ipinagbabawal ito sa batas.

Kahit ipinagbabawal ng batas ang pagtanggap ng regalo mula sa publiko ng mga pulis kapalit ng kanilang trabaho, para kay Sen. Ronald Bato dela Rosa, na dating hepe ng PNP, ay wala raw masama sa pagtanggap ng regalo kung bukal daw ito sa loob ng nagbibigay. Inamin din niya na nuong siya ay nasa serbisyo, tumatanggap din daw siya ng regalo.

Ibig sabihin, suportado ni Sen. Dela Rosa ang pahayag ni Pangulong Duterte na puwede nang tumanggap ng regalo ang pulis bilang kapalit ng kanilang trabaho.

Kung si Sen. Dela Rosa ay payag bigyan ng regalo ang mga pulis, hindi si Sen. Panfilo Lacson na dating hepe rin ng PNP.

Batay sa kaniyang post sa Twitter, sinabi ni Sen. Lacson na nagsisi­mula ang kasakiman sa simple at maliit na pagnanakaw, at kung paiiralin daw ng pamunuan ng PNP ang pagtanggap-tanggap ng regalo ay mas nakakaadik ito kumpara sa droga.

Sa isyung ito, tama ang CSC at si Sen. Lacson at mali sina Pangulong Duterte at Sen. Dela Rosa, dahil ang mandato ng PNP ay maglingkod at protektahan ang ating kababayan nang walang anumang kapalit.  (CHRISTIAN’S BOMB / CHRISTIAN HERNANDEZ)

Please follow and like us:
Read More

TRAFFIC POLICY NG MMDA PABOR SA MGA NAKA-KOTSE, SUV’S AT SPORTS CARS

CHRISTIAN BOMB

SA kabila na pumapalpak ang “yellow lane” policy ng Metro Manila Development Authority (MMDA) nang magmistulang parking lot ang kahabaan ng EDSA, ay tuloy pa rin daw ang plano ng MMDA na bakuran ang yellow lane para makontrol ang daloy ng mga bus sa EDSA.

Nagkaroon ng lakas ng loob ang MMDA na ituloy ang palpak nilang polisiya sa trapiko dahil kinampihan pa sila ng Malacañang sa isyung pagpapatupad nila ng yellow lane sa EDSA.

Magugunitang ma­tinding batikos mula sa mga bus commuter ang inabot ng MMDA dahil sa maladelubyong sitwas­yon ng trapiko sa EDSA simula noong nakaraang Biyernes dahil sablay ang kanilang traffic scheme.

Tinatawag pa nga ng mga bus commuter na anti-poor at anti-commuter ang polisiya ng MMDA dahil maluwag ang lanes para sa private vehicles habang ang dalawang yellow lanes para sa mga bus ay nagmimistulang malaking parking lot.

Sa kabila nga na nakatikim ng matinding batikos, ayon sa MMDA ay paninindigan nila ang kanilang desisyon na mas mahigpit na pagpapatupad sa yellow lane para sa mga bus sa EDSA.

Ang palusot ni MMDA traffic chief Col. Edison Nebrija, ay ang kawalan daw ng disiplina ng mga motorista, partikular ng city bus drivers ang sanhi ng masikip na daloy ng trapiko at hindi raw ang polisiya nila sa kalsada ang dapat sisihin sa naganap na mala-delub­yong trapik sa EDSA.

Dahil nga pinanindigan na ng MMDA ang polisiya nila sa EDSA kahit na ito ay palpak, ang plano nila ngayon ay lakihan ang yellow lanes at lagyan ng mga fence at baller ang EDSA para tiyaking manatili sa tamang lanes ang mga motorista.

Ayon pa sa MMDA ay ipupwersa na nila ang tamang paggamit ng lanes at ang mga susuway ay huhulihin.

Kung susuriin ang statement na ito ng MMDA, dito makikita na wala silang malasakit sa mga mamamayan na bus lang ang kayang sakyan patungo sa kanilang mga pupuntahan.

Hindi ramdam ng MMDA ang nangyari, na dahil sa palpak nilang polisiya sa kalsada, lalo sa EDSA ay maraming pasahero ang hindi na pumasok matapos ma-stranded sa matinding trapiko, samantalang ang iba naman ay kailangang maghintay nang matagal para makagamit ng rest room hanggang makaabot ng bus terminal at may mga naobligang commuters na bumaba ng bus at maglakad na lang ng pagkalayo-layo sa kanilang patutunguhan sa kasagsagan pa mandin ng ulan.

Dahil sa polisiyang iyan ng MMDA, diyan makikita na anti-poor talaga ang sistemang ipinatutupad nila sa EDSA, na ibig sabihin, wala silang pakialam kung makatikim man ng grabeng trapik ang mahihirap na sumasakay ng bus, basta’t para sa kanila (MMDA) ay huwag lang matrapik ang mga nakapribadong sasakyan.

Ika nga, ang traffic policy na ito ng MMDA ay pabor sa mga naka-kotse, naka-SUV’s at sports cars.  (CHRISTIAN’S BOMB / CHRISTIAN HERNANDEZ)

Please follow and like us:
Read More

MGA EX-GENERAL AT JUETENG LORD DAPAT PAKASUHAN NI DUTERTE SA ANOMALYA SA PCSO

CHRISTIAN BOMB

DAHIL daw sa corruption kaya’t ipinatigil ni Pangulong Rodrigo Duterte ang lahat ng palaro o pasugal ng Philippine Charity Sweepstakes Office (PCSO), pero makalipas lang ang dalawang araw ay pinayagan ng presidente na muling mag-operate ang lotto.

Ang hindi na lang pinayagan ni Pangulong Duterte na mag-operate ay ang small-town lottery (STL), Peryahan ng Bayan at Keno, dahil ang mga namamahala raw sa mga pasugal na ito ng PCSO ang sangkot sa corruption.

Pinatotohanan naman ni Sen. Panfilo Lacson ang mga anomalya sa PCSO, at ang sangkot daw dito ay ang mga ex-military at police generals na nabigyan ng STL franchise.

Sinegundahan ni PCSO Board Member Sandra Cam ang isiniwalat ni Sen. Lacson at sa puntong ito, muli niyang pinangalanan ang sangkot sa mga anomalya at sila ay sina dating PCSO Chairman Jorge Corpuz at dating PCSO General Manager Alexander Balutan.

Ang dalawang ex-general daw na ito ang nagbigay ng prangkisa ng STL sa mga kapwa nila ex-military at police generals, na ang ginawa naman daw ay ang STL franchise na napasakanila ay ibinigay naman sa mga jueteng lord kaya ang resulta, ang malaking kita para sa operasyon ng STL na ginawang jueteng operations ay hindi napupunta sa PCSO, kundi sa bulsa ng mga gambling lord bumabagsak.

Hindi na bago ang isyung corruption na iyan sa PCSO dahil noon ay nagkaroon na ng imbestigasyon diyan ang Senado at Kamara, at noon pa lumutang na ang STL ay ginawang front ng mga jueteng lord sa kanilang iligal na operasyon.

Ilang araw matapos ang mga imbestigasyon noon sa Senado at Kamara ay nag-resign si Corpuz bilang PCSO chairman dahil daw sa kanyang kalusugan, at kalaunan ay nag-resign din si Balutan.

Bagamat wala na sa PCSO sina Corpuz at Balutan, nananatiling hawak ng ilang ex-generals ang STL franchise na siyang ginagamit sa jueteng operations ng mga gambling lord, hanggang dumating sa puntong napuno na si Pangulong Duterte sa corruption sa PCSO kaya ipinatigil ang ilang palaro o pasugal ng ahensyang ito.

Ang banta ni Pangulong Duterte ay papangalanan daw niya mga sangkot sa anomalya, at sana nga pangalanan na at sampahan ng kaso para makulong bilang kabayaran sa ginawa nilang pagbubulsa sa kita ng PCSO, na dapat sana mga mahihirap na humihingi ng tulong pampagamot sa PCSO ang nakinabang dito at hindi ang mga corrupt na ex-general at mga kasabwat nilang jueteng lord. (CHRISTIAN’S BOMB / Chirstian Hernandez)

Please follow and like us:
Read More

JOKE NI DUTERTE NA MAGING PROVINCE NG CHINA ANG PILIPINAS BAKA MAGKATOTOO

CHRISTIAN BOMB

MATAPOS magpahayag ng pagkabahala sina Defense Sec. Delfin Lorenzana at National Security Adviser Hermogenes Esperon sa pagdagsa ng mga Chinese sa Pilipinas, ay nagpahayag na rin ng pagkabahala ang Philippine Navy (PN) nang malamang balak pasukin ng mga Chinese investor ang ilang isla sa Zambales at Cagayan Province.

Ayon kay Navy spokesman Capt. Jonathan Zata, posibleng maaapektuhan nito ang seguridad ng Pilipinas.

Ang mga islang target ng mga Chinese investor ay ang Fuga Island sa Cagayan at Grande at Chiquita Islands sa Subic, Zambales.

Ang Fuga Island ay isa sa mga isla ng Pilipinas na nasa northernmost island group na may access patungong Pacific Ocean at South China Sea, samantalang ang Grande at Chiquita Islands ay 260 kilometers lang ang layo sa Panatag Shoal na bahagi ng teritoryo ng bansa na sinakop na ng China.

Sabi ni Capt. Zata, ang mga islang ito ay kabilang sa mga naging jump-off points ng mga tropang Amerikano noong ikalawang digmaang pandaigdig, na kapag napasakamay na ito ng mga Chinese investor ay mahirap na sa ibang bansa na makapagdala ng kanilang puwersa para tumulong sa Pilipinas sakaling masangkot sa giyera ang bansa.

Kung pakasusuriin ang mga sinabing ito nina Lorenzana, Esperon at Zata ay nakababahala na nga ang nangyayari ngayon sa Pilipinas, dahil napakarami na ang Chinese, tapos may mga isla pa na nais ariin ng mga Chinese investor.

Ang problema nga lang, kung nababahala sina Lorenzana, Esperon at Zata, ay parang balewala lang ang lahat ng ito kay Pangulong Rodrigo Duterte.

Hindi dapat balewalain ng mamamayang Pinoy ang mga nangyayaring ito sa bansa, na dapat magkaisa na ang lahat na hilingin sa Senado at Kamara na imbestigahan ang isyung ito.

Nakababahala na kasi, dahil tila hindi lang ang dagat ng Pilipinas at mga islang nasa West Philippine Sea (WPS) ang target sakupin ng China, kundi pati na yata ang buong bansa.

Bago mahuli ang lahat, dapat umaksyon na sa isyung ito ang mga senador at kongresista dahil sila na lang ang pag-asa na pumigil sa pagdami ng Chinese sa bansa at sa plano ng mga Chinese investor na ariin ang mga islang nasa Cagayan at Zambales.

Ika nga, dapat nang umaksyon ang mga mambabatas bago magkatotoo ang joke ni Pangulong Duterte noon na nais daw niyang maging province ng China ang Pilipinas.  (CHRISTIAN’S BOMB / CHRISTIAN HERNANDEZ)

Please follow and like us:
Read More

PRES. DUTERTE, MAKA-KAPITALISTA PALA, HINDI MAKA-MANGGAGAWA

CHRISTIAN BOMB

PINABULAANAN ng Malacañang ang alegasyon ng mga kritiko ni Pangulong Rodrigo Duterte na taktika lang nito ang pagpapasara sa lahat ng online gaming ng Philippine Charity Sweepstakes Office (PCSO) para pagtakpan ang isyu ng pag-veto o pagbasura nito sa Security of Tenure (SOT) bill.

Hindi naman talaga maiaalis sa isipan ng mga kritiko na diversionary tactic lang ni Pangulong Duterte ang pagpapatigil sa mga palaro ng PCSO dahil isinagawa niya ang utos isang araw matapos na i-veto niya ang SOT bill at putaktihin siya ng batikos ng mga manggagawa.

Dahil nga sa naging mas mainit ang isyu ng pagpapatigil ni Pangulong Duterte sa mga palaro ng PCSO ay mas ito ang pinag-usapan ng publiko at hindi ang pagbasura ng Pangulo sa SOT bill.

Lalo pang naghinala ang mga kritiko na taktika lang ang aksyon ni Pangulong Duterte sa mga palaro ng PCSO dahil nang lumamig na ang isyu tungkol sa pag-veto niya sa SOT bill ay agad din niyang ibinalik ang operasyon ng lotto, na ayon pa sa mga opisyal ng PCSO ay pinakikusapan na rin nila ang Presidente na ibalik ang operasyon ng small-town lottery (STL), peryahan ng bayan at Keno.

At kung totoo man na taktika lang niya ang pagpapatigil sa mga palaro ng PCSO ay maling taktika ito, dahil ibinasura na niya ang SOT bill, ay marami pa siyang inalisan ng pinagkakakitaan na nagtatrabaho sa mga gaming outlet ng PCSO.

Sa totoo lang, hindi lang mga kritiko ang nadismaya sa pagbasura ni Pangulong Duterte sa SOT bill, kundi pati mga manggagawa na sumuporta sa kandidatura niya noong 2016 Presidential election.

Ang isa kasi sa pangako ni Pangulong Duterte noong nangangampanya at kandidato pa lang siya sa pagka-presidente ay wawakasan daw niya ang endo o kontraktuwalisasyon sa mga manggagawa kapag siya ang naging presidente.

Dahil sa campaign promise na ito ni Pangulong Duterte, siya ang ibinoto ng milyun-milyong manggagawang botante sa paniwalang tutuparin nito ang pangakong wawakasan na ang kontraktuwalisasyon ng mga kompanya sa mga manggagawa.

Ang masaklap nga lang, nang maging presidente na ay dito napagtanto ng publiko, na trapo o traditional politician din pala si Pangulong Duterte na hindi marunong tumupad sa pangako. Na ang pangako noong panahon ng kampanya ay napako na nang maluklok siya sa poder, dahil nang maipasa na sa Mataas at Mababang Kapulungan ng Kongreso ang SOT bill ay ibabasura at ibi-veto lang pala ito ng Pangulo.

Dahil sa pagbasura ni Pangulong Duterte sa SOT bill, dito nalaman ng publiko na hindi pala siya maka-manggagawa, dahil lumabas ang tunay niyang kulay na siya pala ay maka-kapitalista. (CHRISTIAN’S BOMB / CHRISTIAN HERNANDEZ)

Please follow and like us:
Read More

DAPAT TIGILAN NA NI DUTERTE ANG PAGIGING UTAK-MARTIAL LAW

CHRISTIAN BOMB

DAHIL sa sunod-sunod na patayang nagaganap ngayon sa Negros Oriental ay sinabi ni Presidential spokesman Salvador Panelo na nagbabalak na raw si Pangulong Rodrigo Duterte na magdeklara ng martial law sa lalawigan.

Ilan sa mga biktima ng pagpatay ay mga pulis, abogado, militante at magsasaka.

Talaga namang nakababahala na ang patayan sa Negros Oriental, pero hindi yata mainam na ang naisip na solusyon dito ni Pangulong Duterte ay martial law.

Kahit magdeklara ng martial law si Pangulong Duterte sa Negros Oriental, pero kung magpapabaya pa rin sa tungkulin ang mga awtoridad ay tiyak na hindi pa rin matitigil ang krimen sa lalawigang ito.

Tingnan n’yo ang nangyayari sa Mindanao. Ilang taon na may pinaiiral na batas-militar sa rehiyong iyan, na ayon kay Pangulong Duterte na kaya siya nagdeklara ng martial law sa Mindanao ay para matigil na ang terorismo, pero hindi rin napigil ang mga terorista sa paggawa ng karahasan.

Sa panahong may martial law sa Mindanao ay nakapagsasagawa pa rin ng pagpapasabog sa iba’t ibang lugar ang mga terorista.

Sa totoo lang, hindi naman kailangan ang martial law sa Mindanao o maging sa Negros Oriental. Police visibility at patuloy na pagtugis ng militar sa mga terorista ang mainam na gawin ng pamahalaan para makontrol ang mga patayan at paghahasik ng terorismo ng mga terorista.

Hindi mainam sa isang lugar na may nakadeklarang martial law dahil karaniwan na, ang batas-militar ay nagagamit sa pang-aabuso ng mga sundalo para labagin ang karapatan ng mamamayan.

Bukod diyan ay masama ang epekto ng martial law sa ekonomiya ng isang lugar.

Kahit nga ang anak ni Pangulong Duterte na si Mayor Sara Duterte-Carpio ay humiling na rin sa kanyang ama at sa militar na alisin na ang martial law sa Davao City.

Ika nga, matagal nang namahinga ang alaala ng martial law sa nakaraan.

Kaya’t sana, tigilan na ni Pangulong Duterte ang pagiging utak-martial law. Huwag niyang pausuhin ang batas-militar sa kanyang administrasyon, dahil sa totoo lang, walang mabuting idudulot ito sa malayang pamumuhay ng mamamayan. (CHRISTIAN’S BOMB / Christian Hernandez)

Please follow and like us:
Read More

DUTERTE, TANGING PRESIDENTENG TAKOT IPAGTANGGOL ANG TERITORYO NG PILIPINAS

CHRISTIAN BOMB

MATAPOS ang SONA (State of the Nation Address) ni Pangulong Rodrigo Duterte ay napakaraming papuri ang ipinaabot sa kanya ng China.

Talagang pupurihin ng China si Pangulong Duterte dahil wala itong sinabing masama sa China kahit sinakop na nito ang mga isla at dagat ng Pilipinas. Wala siyang sinabing masama sa China kahit binu-bully ng mga Chinese ang mga mangingisdang Pilipino sa dagat ng Pilipinas.

Ipinagtanggol pa nga ni Pangulong Duterte ang China, nang sabihin sa kanyang SONA na may karapatan daw ang mga Chinese na mangisda sa West Philippine Sea (WPS).

Dahil sa mga pro-China statement ni Pangulong Duterte sa kanyang SONA, ay inilabas ng Global Times, isang kilalang pahayagan sa China sa kanilang editorial ang mga papuri nila sa Presidente ng Pilipinas, na kesyo “peaceful,” “cooperative” at “restrained” daw ito sa isyu ng pinag-aagawang teritoryo sa South China Sea (SCS).

Para kasi sa China, ang mga isla at dagat na sinakop nila sa Pilipinas ay parte raw ng SCS at hindi sakop ng WPS.

Kung todo-papuri ang Global Times kay Pangulong Duterte, ay banat naman ang tinirada nila sa Vietnam, Indonesia at Malaysia dahil ayaw daw gayahin ng mga lider ng mga bansang ito ang Presidente ng Pilipinas na nakikipagkasundo sa China.

Ang gustong palabasin ng Global Times, gayahin ng mga lider ng mga bansang Vietnam, Indonesia at Malaysia si Pangulong Duterte na sunud-sunuran sa mga kagustuhan ng China, kaya lang malabong mangyari ang naising ito ng China. Palaban kasi ang mga lider ng mga bansang ito, hindi tulad ni Pangulong Duterte na lantarang ipinakikita sa mundo ang pagkatakot sa China kaya’t nagpapakatuta na lang dito.

Ika nga, hindi kayang sindakin ng China ang mga lider ng Vietnam, Indonesia at Malaysia. Kahit nga ang Taiwan na inaangking probinsya ng China ay hindi nagpapasindak sa China.

Sa statement ng mga bansang ito, hindi sila makapapayag na sakupin ng China ang kanilang teritoryong isla at dagat dahil tiniyak nilang papalag sila. Hahantong ito sa pakikipaggiyera sa China kahit na ang mga bansa nila ay maliliit lang, na may mahinang puwersang militar.

Dahil sa paninindigang iyan ng mga lider ng Vietnam, Indonesia at Malaysia ay hindi magawa ng China na sakupin ang kanilang mga teritoryo, pero si Pangulong Duterte, ang sagot sa pananakop ng China sa mga isla at dagat ng Pilipinas ay “wala na tayong magagawa riyan.”

At dahil nagpapakita ng takot si Pangulong Duterte sa China, tuwang-tuwa sa kanya ang Global Times kaya todo-papuri sa Presidenteng walang paninindigang ipagtanggol ang mga teritoryo ng Pilipinas laban sa mapanakop na dayuhan. (CHRISTIAN’S BOMB / CHRISTIAN HERNANDEZ)

Please follow and like us:
Read More

MARAMING APEKTADO SA UTOS-HARING PAGPAPASARA NI DUTERTE SA PCSO GAMES

CHRISTIAN BOMB

IPINATIGIL ni Pangulong Rodrigo Duterte noong Biyernes ng gabi ang lahat ng gaming operations ng Philippine Charity Sweepstakes Office (PCSO) dahil sa umano’y katiwalian sa ahensiya.

Kasama sa mga ipinatigil ay ang lotto, peryahan ng bayan, Small-Town Lottery (STL), at Keno.

Marami ang nabigla sa naging pasyang ito ni Pangulong Duterte, at ang pinaghugutan niya sa desisyon niyang ito ay ang iniulat ng Commission on Audit (COA) nuong July 11, 2019 na mula raw taong 1994 hanggang 2016 ay hindi ipinasok ng PCSO sa national treasury ang kinita nitong P8.426 billion. Ito ay sa panahon nina dating Pangulong Fidel V. Ramos, Joseph Estrada, Gloria Macapagal-Arroyo at Benigno Noynoy Aquino III.

At sa panahon naman ngayon ng kanyang admi­nistrasyon na namamayagpag ang STL, na sa record ng COA, 67 sa kabuuang 85 operators o authorized agent corporation (AAC) na pinagkalooban ng PCSO ng franchise ay hindi raw nagbayad o nag-remit ng kanilang Presumptive Monthly Revenue Receipt (PMRR) sa PCSO na aabot sa halagang P4.607 billion.

Gayunman, kahit saang anggulo tingnan, mali ang naging pasya ni Pangulong Duterte sa kadahilanang charitable institution ang PCSO, na ang mga kababayang mahihirap na humihingi ng tulong pambayad sa hospital bills, pampa-opera, pampa-chemo, pang-dialysis at iba pa ay sa ahensyang ito ng gobyerno lumalapit.

Bukod diyan ay marami rin ang mawawalan ng trabaho at pati mga mananaya na nakataya na sa mga palaro ng PCSO ay apektado rin dahil hindi na nila puwedeng i-refund o bawiin ang naitaya na nila, at ang tanging nasabi na lang ng mga PCSO official ay itabi ang mga tiket at hintayin ang muling pagbubukas o pag-operate ng kanilang mga pasugalan.

Ang dapat na ginawa ni Pangulong Duterte sa sinasabi niyang katiwalian sa PCSO ay inatasan niya ang Department of Justice (DOJ), National Bureau of Investigation (NBI), Philippine National Police-Criminal Investigation and Detection Group (PNP-CIDG) at Presidential Anti-Corruption Commission (PACC) na magsanib-puwersa sa pag-iimbestiga sa mga anomalyang naganap sa ahensyang iyan ng gob­yerno, na ang sinomang mapatutunayang sangkot sa katiwalian ay sampahan agad ng kaso.

At pagkaraan ng imbestigasyon, na kung ayaw na ng Pangulo na may pasugalan sa PCSO ay magbigay siya ng taning kung kailan ito ipatitigil at hindi basta-basta ipinatigil ang gambling schemes ng ahensya nang walang naibibigay na alternatibong hihingan ng tulong pampagamot ng mahihirap na kababayan, alternatibong trabaho sa mga mawawalan ng trabaho at para hindi na rin tumaya ang mga mananaya sa mga pasugalan ng PCSO.

Ang naging diskarte ni Pangulong Duterte na biglang pagpapasara sa operasyon ng mga palaro o pasugalan ng PCSO ay masasabing utos-hari, na basta na lang maisipang ipasara ay ipinasara na at wala siyang pakialam sa mamamayan na maaapektuhan sa desisyon niyang ito. (CHRISTIAN’S BOMB / CHRISTIAN HERNANDEZ)

Please follow and like us:
Read More