NAG-AWAY NG GF; CHINESE NATIONAL TUMALON SA BUILDING

crime44

(NI ROSE PULGAR)

AGAW-BUHAY ngayon sa pagamutan ang isang Chinese national nang tangkain nitong magpakamatay sa pamamagitan ng pagtalon mula sa ikaapat na palapag sa isang gusali  matapos silang magkatampuhan ng kanyang nobyang Pinay Biyernes ng madaling araw.

Patuloy na nilalapatan ng lunas sa San Juan De Dios Hospital, ang biktmang si Yang Zhuang, 20, binata, empleyado ng isang online gaming customer service, tubong Jiling Province China at pansamantalang naninirahan sa no. 402 GG Cruz corner Airport Road, Baclaran nang nasabing lungsod.

Ayon kay Police Colonel Rogelio Rosales Jr. hepe  ng Paranaque City Police, dakong alas-5:10 ng madaling araw nang tumalon ang biktima mula sa ikaapat na palapag ng Pearl Plaza Building, Barangay Tambo sa naturang lungsod.

Masuwerte namang nakaligtas sa bingit ng kamatayan ang biktima dahil bumagsak ito sa bubong ng yero ng isang bahay sa tabi ng nasabing gusali.

Agad naman naisugod sa nasabing pagamutan ang biktima na nagtamo ng pinsala sa cervical spine at bali sa magkabilang binti.

Sinabi ni Rosales, bago maganap ang insidente, nagkaroon muna nang pagtatalo ang biktima at ang nobya nitong Pinay (hindi na binanggit ang pangalan) na nauwi sa tampuhan.

Labis na dinamdam ng biktima ang pag-aaway nila ng kanyang kasintahan na naging dahilan ng tangkang pagpapakamatay nito.

Iniimbestigahan naman ng pulisya ang insidente at inaalam din kung may naganap na foul play sa insidente.

Please follow and like us:
Read More

CHINESE NA UMIHI SA PADER, IPADEDEPORT

(NI JULIE DUIGAN)

IPADEDEPORT ni Manila Mayor Isko Moreno ang isang dayuhang umihi sa pader at nanapak pa ng isang barangay tanod na sumita sa kanya sa Binondo, Manila, Linggo ng gabi.

Ayon  sa alkalde susulat ito  sa Bureau of Immigration (BI) hinggil sa suspek na si Chito Villaluz Y Keng , at kung talagang holder ito ng foreign passport, ipadedeport niya ito.

“Mayroong isang Chinese national, umihi sa pader ng Maynila. Sinita ng tanod. ‘Di lang nagalit ang Chinese, sinapak pa ng Chinese national ‘yung tanod. Nakarating sa akin,” anang alkalde sa isang pulong balitaan.

Napag-alaman pa kay Moreno na isang general rule ang hindi pag-ihi sa mga lansangan at kahit sino pa aniya ang gumawa nito ay kailangang arestuhin, maging ito’y isang dayuhan man na galing sa isang malaki at mayamang bansa.

Aniya, hindi welcome sa lungsod at hindi nila palalampasin lalo na kung nanakit pa ito ng mga awtoridad dahil lamang sa pagtupad sa kanilang tungkulin.

“Please, foreigners, immaterial of where you came from, if you go to Manila, you need to follow simple rules,” anang alkalde.

“It is a generally accepted rule that you don’t pee in the streets. You will be arrested because that is illegal. If you hit an enforcer, if you attempt to hurt policemen, because you think your country is a superpower, you are not welcome in the City of Manila,” dugtong pa ni Moreno.

“If he is really a holder of a foreign passport, we will write to the Bureau of Immigration to have him deported. We will deport you and ban you from entering the country,” babala pa niya.

“Wag na wag ninyong gagawin yan sa Maynila. I hope you will not do it again,” pagtatapos ng alkalde.

Please follow and like us:
Read More

IPINOSAS SA KAMA, CHINESE NATIONAL NA-RESCUE  SA MAKATI

(NI NICK ECHEVARRIA)

NASAGIP ng mga elemento ng CIDG-National Capital Region na nakabase sa Eastern Metro Manila at PCP 3, ng Makati City Police Station, ang isang  Chinese national mula sa kanyang mga kidnappers sa Ermita Building, Batangas St., corner Uruguay St., Brgy. San isidro Makati City, Huwebes ng gabi.

Kinilala ni P/MGen. Amador V. Corpus, director ng CIDG, ang nailigtas na biktima si Jiang Fan Li, 22, mula sa umano’y mga suspek na dumukot ditong sina Lee Arvin Lisboa  Apostol at Brian Alit Requintina.

Sa report na nakarating sa Camp Crame, nag-ugat ang rescue operation makaraang magtungo sa tanggapan ng CIDG ang isang concerned citizen bandang alas-4:00 ng hapon ng Huwebes para isumbong ang dinukot na isang Chinese national na umanoy minamaltrato habang nakaposas.

Agad tinungo ng mga operatiba ng CIDG, kasama ang mga opisyal ng Barangay San IsidroPolice operatives ang nasabing lugar kung saan natagpuan ang biktima na nakaposas sa kama.

Hindi naman makausap nang maayos ng mga miyembro ng raiding team ang biktima dahil hirap umano itong makaintindi ng wikang English at Tagalog habang naaresto naman sa isinagawang operasyon ang mga nabanggit na kidnappers.

Nahaharap ngayon sa kasong serious illegal detention ang mga nadakip na suspek habang inaalam din ng pulisya kung may kaugnayan ang inaresto sa iba pang grupo ng mga kriminal.

Please follow and like us:
Read More

RAMBOL SA LABAS NG BAR: 4 CHINESE HULI

arrested124

(NI ROSE PULGAR)

ARESTADO ang apat na Chinese national nang pagtulungang gulpihin ang tatlong Pilipinong customer at binasag pa ang salamin ng bintana ng isang sasakyan sa labas ng isang bar sa Las Pinas City, Miyerkoles ng madaling araw.

Nahaharap sa kasong physical injuries at malicious mischief ang mga suspect na sina ID Tian, 30; Li Hua, 23; Xia Chen, 26; at Zhao Zhoog Bao, 34, pawang Chinese national at residente sa Alabang Studio City, Muntinlupa City .

Kinilala ang mga biktima na sina Joel Caguiat, 43,may asawa, scuba diver instructor,ng 225 Generoso Street, Barangay Talon 2, Las Pinas City; Carlos Federico Magpayo Gil, 42, may asawa, flight attendant, ng 8 Judea St., Multinational Village, Paranaque City; at Amarante Orias Velasco,40, may asawa, cabin crew,ng 407 Field Residences, Sucat, Paranaque City.

Sa pagsisiyasat nina C/M/S Rene Mollenido, S/M/S Gilbert Curaza at S/M Joswey Tobias, imbestigador ng Station Investigation and Detective Management Section (SIDMS),dakong alas-2:30 ng madaling araw nang mangyari  ang insidente sa parking lot ng Cowboy Grill sa Alabang-Zapote Road, Barangay Almanza Uno.

Lumalabas sa imbestigayson, na lumabas ang mga biktima sa bar nang bigla silang kuyugin at bugbugin ng grupo ng mga kalalakihan na kinabibilangan ng apat na Chinese at binasag pa ang salamin ng  bintana ng isang kulay beige na Toyota Corolla Altis na may plakang XJP 621, na pag-aari ng biktimang si Velasco.

Agad rumesponde sina S/Sgt Renato Calda, Cpl Kimberly Acosta ng Police Community Precinct (PCP-7) at mga tanod na sina Rosalie Sarmeinto, Erick Francisco at Samuel Morales, ng Barangay Talon, kung saan nahuli ang apat na Chinese habang nakatakas ang iba nilang kasama.

Positibo namang itinuro ng mga biktima ang apat na suspect na kabilang sa nambugbog sa kanila sa lugar.

Sa ngayon ay nagsasagawa ng follow-up operation ang awtoridad para sa ikadarakip ng iba pang suspect sa naganap na insidente.

 

Please follow and like us:
Read More

CHINESE  NANGGIGIL SA DIBDIB NG BEBOT, KALABOSO 

arrest21

(NI ROSE PULGAR)

ARESTADO ang isang Chinese national matapos manggigil at hindi napigilang dakmain ang malusog na dibdib ng isang babaing nakasabay nito sa elevator sa isang hotel sa Pasay City Lunes ng gabi.

Kinilala ni Police Colonel Bernard Yang , hepe  ng Pasay City Police ang suspect na si Xin Yinbo, 26,  pansamatalang nanunuluyan sa room 204 ng isang hotel sa Roxas Boulevard.

Batay sa reklamo ng biktima na itinago sa pangalang  “Rose”,  dakong alas-8:00 ng gabi nang maganap ang insidente sa loob ng elevator ng naturang hotel.

Ayon sa biktima, lasing umano ang suspect na dayuhan na nakasabay niya pababa mula sa ikalawang palapag ng hotel.

Gayun na lamang ang pagkabigla ng biktima nang wala kaabog-abog na dinakma ng suspect ang kanyang dibdib.

Tiyempo naman bumukas na ang pinto ng elevator at dito humingi ng tulong ang biktima sa security guard na naaktuhang nakahawak pa umano sa dibdib ng biktima.

Agad namang dinala sa himpilan ng pulisya ang suspect at nakatakdang sampahan ng kasong act of lasciviousness.

 

Please follow and like us:
Read More

AUSSIE DINUKOT NG CHINESE NATIONALS SA AIRPORT, NASAGIP

kidnap22

(NI JG TUMBADO)

NAILIGTAS ng mga operatiba ng PNP-Anti Kidnapping Group (PNP-AKG) sa ikinasang operasyon ang isang Australian national na dinukot ng isang grupo ng Chinese nitong May 27 sa Ninoy Aquino International Airport (NAIA) terminal 1.

Batay sa report kay Police Lt. Col. Elmer Cereno, tagapagsalita ng PNP-Anti Kidnapping Group, nasagip ng kanilang operatiba si Jianting Chen nitong gabi ng May 28 matapos mamataan ang isa sa mga suspek sa entrance ng Resorts World Casino sa Pasay City.

Nabatid na may utang na P500,000 ang biktima sa isang grupo ng mga Chinese.

Ginamit umano ng biktima ang pera para ipangsugal ngunit ito ay natalo kaya dinakip ng mga Chinese.

Nanghingi ng P90,000 ransom ang mga Chinese sa asawa ng biktima ngunit hindi ito naibigay.

Dahil dito nakipag-ugnayan ang Australian Embassy Federal Police sa PNP na agad namang nagsagawa ng surveilance operation.

Nananatili sa kustodiya ng PNP-AKG ang isa sa mga suspek na si Lie Meng na nahaharap sa kasong kidnapping for ransom with serious illegal detention.

Please follow and like us:
Read More

2 TAXI DRIVER NA NAMBIBIKTIMA NG CHINESE TIMBOG

ARRESTED-12

(NI DAVE MEDINA)

ARESTADO ang isang taxi driver at kasabwat nito  na sinasabing kasama sa grupo na nambibiktima ng mga Chinese national.

Ang pagkakadakip sa suspek ay dahil sa maagap na mga barangay officials at resulta ng manhunt operation na isinagawa ng mga operatiba ng Ayala Police Community Precinct 5, Makati CPS, SPD  bandang alas-2:00 ng madaling araw ng Martes sa Baliuag Transit, Edsa, Cubao, Quezon City.

Kinilala ang nahuling mga suspek na taxi driver na sina  Fredelino Almirante Amido, 43, nakatira sa 84-A Kapayapaan St., Bagong Barrio, Caloocan City at Ricardo Renio Villarin , 47, residente ng Area 4, Sitio Libo, Brgy. San Antonio,

Base sa  report na isinumite  ni PCAPT Anthony  Bagsik, hepe ng  PCP-5, Makati CPS kay  PCoL Rogelio P. Simon,  Chief of Police ng Makati CPS, sinabi na sumakay ang biktimang  sina Xianhui Zhu at Nam Yan, kapwa Chinese national at residente ng Jazz Residences sa Bel-Air, Makati sa taxi na may  plate number AQA 5556 na minamaneho ni Fredelino sa Urban Avenue, Barangay Pio Del Pilar, Makati City.

Nagpahatid umano ang dalawang Chinese national sa Jazz Mall, Makati City pero dinala sila ng suspek sa Pinagkaisahan, Makati City kung saan sumakay naman ang ikalawang suspek sa tabi ng driver.

Nang marating umano nila ang EDSA Magallanes Southbound, Barangay San Lorenzo, nagdeklara ng holdap ang suspek na si Ricardo Villarin at tinutukan sila ng baril bago kinulimbat ang kanilang  P7, 000 at mobile phone.

Agad umanong bumaba tangay lahat ng pera at mobile phone ang suspek na si Villarin habang nagtuloy sa pagmamaneho ng taxi si Fredelino hanggang makarating ng  Arnaiz Avenue, Makati City.

Dito na nakakita ng pagkakataon ang mga biktima na magsumbong sa barangay officials kaya agad na naaresto ang taxi driver.

Agad na nagsagawa ng  follow-up operations ang pulisya sa Cubao,  Quezon City malapit sa  Baliwag Transit na nagresulta sa pagkakadakip sa suspek na si Villarin, pagkakabawi sa mobile phone ng biktima at pagkakakumpiska  sa Toyota Lovelife na get away vehicle at isang kalibre .38 baril na kanyang ginamit sa panghoholdap.

Kasalukuyan ngayong nakakulong ang mga suspek na kinasuhan sa Makati City Prosecutors Office sa kasong Robbery, Illegal Possession of Firearm at Violation of Omnibus Election Code.

 

Please follow and like us:
Read More

CHINESE KULONG SA ‘DI MABAYARANG P6-K SERBISYO NG SPA

arrested134

(NI ROSE PULGAR)

ARESTADO ang isang Chinese national matapos maghari-harian sa loob ng isang spa at mabigong bayaran ang malaking halaga ng nakonsumong pagkain at serbisyo Huwebes ng gabi, sa Paranaque City.

Kinilala ni Police Colonel Rogelio Rosales, hepe ng Paranaque City Police, ang nadakip na suspect na si Xie Bi, 35, pansamantalang nanunuluyan sa C.O.D. Mania, Barangay Tambo nang nasabing lungsod.

Lumalabas sa imbestigasyon, inakala umano ni Keno Acapulco, tagapamahala ng Golden Age Spa na nasa Barangay Tambo sa naturang lungsod na may kakayahang magbayad si Xie Bi, sa serbisyo ng kanilang establisimiento na nag-aalok ng serbisyong pangkalusugan at pampaganda sa pamamagitan ng steam bath, masahe at kagamitang pang-ehersisyo nang pumasok ang dayuhan dakong alas-8:00 ng gabi.

Ipinagkaloob umano ng mga kawani ng establisimiento sa dayuhan ang lahat ng naisin niyang mga serbisyong inaalok ng establisimiento, pati na ang masasarap na pagkain.

Gayunman, nang matapos na ang ibinigay na serbisyo at maubos na rin ang inihain sa kanyang masasarap na pagkain, ibinigay na ng kawani ang kabuuang bayarin na umaabot sa halagang P6,101.00 na labis na ikinabigla ng dayuhan.

Dito na natuklasan ni Acapulco na walang kakayahang magbayad ang dayuhan kaya’t humingi sila ng tulong sa pulisya na nagresulta sa pagkakadakip ni Xie Bi.

Samantala kasong estafa ang inihaing reklamo ni Acapulco laban sa dayuhan na ngayon ay naghihimas pa ng rehas na bakal sa Paranaque police detention cell.

Please follow and like us:
Read More

CHINESE NA PUMATAY SA MAG-UTOL, NAG-SUICIDE

crime12

(NI JULIE DUIGAN)

MAKALIPAS lamang ang ilang oras matapos umanong patayin ang magkapatid na Chinese sa loob ng condominium sa Quiapo, Maynila, nagpakamatay umano ang Chinese ring suspect sa takot sa ginawang krimen.

Nagpapatrulya umano ang mga tanod sa panulukan ng Avenida Riza at Remegio St., sa Sta. Cruz, Maynila nang mamataas na nilalaslas ng suspect ang kanyang pulso.

Dito na umano isinugod sa  Jose Reyes Memorial Medical Center upang malunasan, ngunit habang nasa emergency room ay tumakbo umano ang suspek patungo sa terasa ng ikalimang palapag ng pagamutan at tumalon, bandang 3:26 ng madaling araw.

Hindi naman kaagad namatay ang suspek, nang masalo  ng scaffolding, na ginagamit sa konstruksiyon sa façade ng pagamutan, subalit dakong alas-6:58 ng umaga nang bawian ito ng buhay dahil sa matinding pinsalang nakuha ng katawan sa paglaslas at pagtalon.

Please follow and like us:
Read More

BOOBS NG DALAGITA DINAKMA; CHINESE NATIONAL KULONG

arrested12

(NI KOI HIPOLITO)

KALABOSO ang isang Chinese national na lango sa alak matapos itong mambastos at mangmolestiya ng isang menor de edad na babae nitong alas-11:45 ng gabi ng Biyernes sa Tower B, Shell Residences, Mall of Asia Complex, Pasay City.

Kinilala ang suspek na si Jihua Yang, 31, pansamantalang residente sa1150  D ng nabanggit na condominum, habang ang biktima naman ay si alyas Maria, 17, residente ng Sto. Niño St.,West Cupang, Alabang Hills Muntinlupa City.

Batay sa ulat ng Pasay City Police Station kasalukuyang nasa lobby ng naturang condominium ang biktima at  ang kanyang tiyahin nang lapitan ng lasing na si Yang at bigla umanong pinisil ng suspek ang dibdib ng biktima sa harap mismo ng naka-duty na guwardiya na naging dahilang para arestuhin ang turistang suspek.

Mahaharap ngayon sa kasong Act of Lasciviousness in Relation to RA 7610 o (Child Abuse) sa Pasay City Procecutors Office ang suspek.

Please follow and like us:
Read More

18 CHINESE NATIONAL HULI SA ONLINE GAMBLING

chinese12

(NI JULIE DUIGAN/PHOTO BY KIER CRUZ)

BINITBIT ng mga tauhan ng National Bureau of Investigation-Cybercrime Division (NBI-CCD), ang 18 Chinese national na sangkot sa iligal na online gambling sa isinagawang pagsalakay sa isang gusali noong Marso 18 sa Angeles City.

Iprinisinta ni NBI Deputy Director Ferdinand Lavin ang mga naaresto sa tanggapan ng  Royal Priggish International Development Corp. na matatagpuan sa 3rd floor ng Saver Mall Bldg., Mc Arthur, Highway Balibago, Angeles City.

Ang raid ay isinagawa sa bisa ng search warrant na inisyu ng Capas, Tarlac RTC, Branch 66.

Nakumpiska sa gusali ang mga mobile phones, desktop computers, laptops, blank Java cards, skimming device, iba’t ibang debit cards, hindi pa nagagamit na sim cards, flask drive, routers at network hubs.

Nakatanggap umano ng impormasyon ang NBI kaugnay sa operasyon ng illegal online gambling at nang makumpirma ang operasyon ay kaagad ikinasa ang raid.

Sinampahan ng kasong paglabag sa Access Device Regulation Act, PD 1602 (illegal gambling)  as amended in relation to RA 10175 kilala bilang Cybercrime Prevention Act of 2002.

Please follow and like us:
Read More

2 BARIL NASAMSAM SA CHINESE NATIONAL SA MAKATI HOTEL

gun12

(NI DAVE MEDINA)

ARESTADO ang isang Chinese national makaraang isumbong sa pulisya dahil sa paglalaro ng baril sa loob ng hotel, Miyerkoles ng umaga, sa Makati City.

Kinilala ang suspek na si Sun Xiao Fan, 31, nanunuluyan sa Unit 808, 131 HV Dela Costa St. Salcedo Village Makati City.

Sa imbestigasyon ng pulisya, lumitaw na ang suspek ay tenant ng Grand Soho hotel na dakong alas 9:00 ng umaga ay humingi ng maintenance personnel o electrician na mag-aayos ng electrical circuit sa kanyang unit na nag-malfunction.

Nang makarating sa kaalaman ng electrician na dapat niyang serbisyuhan ang unit na tinutuluyan ni Sun Xiao Fan, humingi siya ng alalay sa guard on duty sa pagpasok sa unit.

Habang inaayos ng electrician  ang electrical system sa kwarto ni Sun Xiao Fan, hawak-hawak at pinaglalaruan ng Chinese national ang baril nito.

Dahil sa nakitang ginagawa ng Chinese national, inireport ito ng gwardya sa kanyang security officer na si S/O John Lambot na nagpasyang humingi ng tulong sa Makati City  Police.

Nakuha kay Sun Xiao Fan ang isang kalibre .38  na may serial number P14729 Armscor  pero walang bala,  at isang kalibre .38 snub nose na walang serial number.

Please follow and like us:
Read More

CHINESE HULI SA PANGHIHIPO SA 3 BABAE

tsekwa12

MATAPOS mag-viral at makulong ang babaeng nambuhos ng mainit na taho sa pulis na nagbabantay sa MRT3 Boni Avenue Station, isa na namang Chinese national ang inireklamo at nakakulong ngayon dahil sa pambabastos at panghihipo sa tatlong babae sa Pasay City.

Hindo pinalagpas ng isang ina ang insidente sa kanyang anak na babae kasama ang dalawa nitong kaibigan habang nasa isang themed park sa Pasay City.

Agad inaresto ang suspect na si Zhang Yang, 19, empleyado sa isang online casino, na inireklamo ng paghihipo sa maseselang bahagi ng katawan ng mga biktima.

Sinabi ng mga ito na walo siyang namasyal sa themed park at napagkasunduang pumasok sa horror house Huwebes ng gabi nang magulat ang tatlo nang paghahawakan ng suspect ang pribadong parte ng kanilang katawan.

Kahit natakot, isinumbong nila sa guwardya ang ginawa ng suspect na agad namang umaksiyon.

Nag-alok na makipag-ayos ang panig ng suspek, pero nanindigan ang pamilya ng mga biktima na isulong ang kaso.

“Itong Chinese na walang kagagalang-galang sa Pilipinas na hindi naman niya bansa. Ang kapal ng mukha niya. I don’t want this to pass,” pahayag ng ina ng biktima.

Bagay na sinasang-ayunan ng Bureau of Immigration (BI).

Nakakulong na sa Pasay City police ang suspek. Hindi muna iniharap ang dayuhan sa media at patuloy ang imbestigasyon sa insidente.

Please follow and like us:
Read More

PULIS NA SINABUYAN NG TAHO SA MRT PINARANGALAN

cop1

 (NI NICK ECHEVARRIA)

BINIGYANG parangal ngayong umaga kasabay ng flagraising ceremony sa Camp Crame ng liderato ng Philippine National Police si P01 William Cristobal, ang pulis na sinabuyan ng taho ng isang babaeng Chinese national noong Sabado sa MRT.

Personal na isinabit nina PNP Chief Dir. Gen. Oscar Albayalde at secretary Bong Go ang commendation medal sa nabanggit na police officer.

Hinangaan naman ni NCRPO Director Guillermo Eleazar ang ipinakitang pagiging mahinahon ni Cristobal sa harap ng pambabastos na ginawa sa kanya ng dayuhang Chinese na aniya’y maituturing na isang huwaran sa hanay ng pulisya.

Matatandaan na naka-duty si Cristobal sa Boni Station ng Metro Rail Transit 3 ng sabuyan ito ng taho ng Chinese national na si Jiale Zhang makaraang sitahin at pagbawalan ito bunsod ng mahigpit na security na ipinatutupad sa pagdadala ng anumang uri ng likido sa loob ng tren.

Nabatid din na sinampahan na ng pulsya ng kasong Unjust Vexation, Assault at Disobedience to Agent of Person in Authority sa Mandaluyong City Prosecutors Office kahapon  si Zhang.

Ngayong araw na ito pagpapasiyahan ng  prosecutor sa pamamagitan ng ilalabas na isang resolution  kung dapat ba o hindi na ipa-deport ang nasabing dayuhan pauwi ng kanilang bansa.

 

 

Please follow and like us:
Read More

P1.9-B SHABU NASAMSAM; 2 CHINESE PATAY

shabu400

(NI DAVE MEDINA, JESSE KABEL, ROSS CORTEZ)

NASAKOTE ng Phillipine Drug Enforcement Agency (PDEA) ang P 1.9 bilyong halaga ng shabu at humigit kumulang sa 274 kilo, sa isang buy bust operation sa Barangay Amaya 1,  Anterio Soriano Highway, Tanza Cavite Linggo ng alas-4:00 ng hapon.

Magkasanib ang isinagawang operasyon ng PDEA 4A na pinamumunuan ni DIR 3 Adrian G Alvarino,  PDEA IIS sa  liderato ni Dir 2 Jigger Montallana, PDEA NCR na pinamunuan ni DIR 3 Joel Plaza, sa koordinasyon sa ISAFP, Task Force Noah, NISF, at PNP sa direktang  superbisyon ni PDEA DDGO Atty Ruel M Lasala, ay isinakatuparan ang buy bust operation laban sa mga Chinese national na sina  Vincent Du Lim at  Hong Li Wen na nagresulta sa pagkasawi ng dalawang suspek.

Agad bumunot ng baril ang mga suspek nang makatunog na mga pulis ang ka-transaksiyon at nakipagbarilan sa mga operatiba.

Bumulagta  ang dalawang suspek matapos ang putukan.  Narekober rin ang ilang celphone at digital weighing scale at dalawang kalibre ng baril.

Sa dagat umano idinaraan ang mga narekober na shabu bago ipinasok sa bodega, napag-alaman rin na tatlong buwan pa lang na naupa sa bodega ang mga suspek.

Please follow and like us:
Read More

12 PANG CHINESE NATIONAL HULI SA ONLINE GAMBLING

online

LABING-DALAWANG Chinese national pa ang inaresto ng mga tauhan ng National Bureau of Investigation dahil sa pagkakasangkot sa illegal online gambling sa Pampanga.

Ito ay makalipas ang isang linggo matapos maaresto rin ang 15 Chinese national na inakusahang bahagi sa illegal online gambling sa Maynila at Pampanga.

Nilusob ng mga operatiba ang bahay ng umano’y illegal online gambling operator sa Trinidad Village, Barangay Calibutbut, Bacolor, Pampanga.

Ang pagsalakay ay base sa intelligence report na nakuha ng NBI Cybercrime Division na nagsasabing illegal na nagsasagawa ng operasyon ang mga Chinese.

Nabawi sa raid ang 15 mobile phones, 11 desktop computers, dalawang laptop, routers at modem enhancers.

Please follow and like us:
Read More