KAWATANG CALL CENTER AGENT HULI SA CCTV

MAGNANAKAW-4

BUKING ang isang call center agent sa ninakaw na Laptop makaraang masapol ng CCTV sa Brgy. Nangka, Marikina City, nitong Lunes.

Kinilala ang nadakip na suspek na si Michael Solis y Gonzales, 41-anyos, binata, call center employee, residente ng 38 Balubad St. ng parehong Barangay.

Nabatid sa imbestigasyon ng Marikina City Police Station, natutulog ang biktimang si Christian Lebrano y Gagarin, 20, estudyante sa kanilang bahay sa Block 25, Lot 2, Phase 2, Balubad Settlement, Brgy. Nangka sa nasabing lungsod, nang pasukin ito ng suspek.

Walang kahirap-hirap na nakuha ng suspek ang Acer laptop ng biktima na P40,000 ang halaga habang mahimbing itong  natutulog makaraang dumaan sa naiwang nakabukas na pintuan.

Pasado alas-6:30 na umano ng umaga nang magising ang biktima ay nadiskubreng nawawala na ang kanyang laptop na nakapatong sa kanyang kama.

Mabilis na nirebyu ng biktima ang footage ng CCTV at doon nabisto na kinuha ng suspek ang nawawalang laptop nito.

Positibo namang kinilala ng  witness na si  Milagros Ragua y Patnubay, 60-anyos, married at nakatira sa 161 Balubad St. ng kanilang Barangay, na ang suspek ang nakita niyang pumasok sa bahay ng biktima matapos nitong mapanood ang CCTV footage kung saan malinaw na nakuhanan ang insidente.

Agad namang inaresto ng mga tauhan ng Police Community Precinct (PCP) 5 ang suspek sa ikinasang follow-up operation ngunit hindi na nabawi ang ninakaw na laptop. (NICK ECHEVARRIA)

Please follow and like us:
Read More

SEAMAN TINADTAD SA MOTEL

(NI HARVEY PEREZ)

WALONG saksak sa katawan ang nakita sa bangkay ng isang lalaki sa isang motel sa  Sta. Mesa, Maynila.

Kinilala ang biktima na si Darell Miana, 22.

Kwento ng nanay ng biktima, kinabahan siya matapos na hindi makauwi ang kanyang anak na nagpaalam lamang na pupunta sa isang kaibigan.

Kaya’t pinuntahan na niya ang bahay ng kaibigan na sinabing pupuntahan ng anak at nagulat na hindi rin umano sila nagkita nito. Pinost na rin nila ang litrato ni Darell sa mga social networking sites.

Lunes ng madaling araw nang makita ang bangkay ni Miana sa loob ng isang motel. Nakita pa sa CCTV ang pagcheck-in nito at ng kasama nitong lalaki bandang alas -11 ng gabi.

Ngunit pagkalipas ng tatlong oras na check-out time na sana nito ay isang lalaki na lamang ang lumabas. Sinita ito ng gwardiya ng motel, ngunit, dire-diretso itong umalis sakay ng motorsiklo dahilan upang i-check nila ang kwarto na pinaggalingan ito at tumambad sa kanila ang walang buhay na katawan ng biktima.

Pagnanakaw ang isa sa motibong tinitingnan ng pulisya dahil wala na ang wallet na may pera, cellphone, ATM at ang motor nito.

Blangko ang pamilya ni Miana sa pagkakakilanlan ng suspek at sa motibo ng krimen at labis ang paghihinagpis ng kanyang ina dahil pasakay na sana ng barko ang anak upang mag-seaman.

Nanawagan naman ang Manila Police District sa sinumang makapagbibigay ng impormasyon tungkol sa salarin na nakuhanan ng CCTV.

 

Please follow and like us:
Read More

2 SA BROADCASTER SLAY-TRY NAHAGIP NG CCTV, TINUTUGIS

(NI DONDON DINOY)

DAVAO CITY–TINUTUGIS na mga awtoridad ang dalawang persons of interest sa pamamaril ng radio broadcaster sa Barangay Visayan, Tagum City, noong Biyernes, Oktubre 11.

Ayon sa mga otoridad nahagip ng CCTV ang dalawang lalaki, na lulan ng motor nang pagbabarilin ang commentator na si Pat Lucero Pacquiao, kasalukuyan ding Provincial Information Officer ng Davao del Norte.

Dagdag ng pulisya na nakita rin sa CCTV ang pagtakas ng mga salarin.

Sinabi ni Police Lt. Col. Ariel Acala, hepe ng Tagum City Police, tugma ang hitsura ng dalawang suspek sa mga inilarawan ng mga nakasaksi umano sa pamamaril.

Sugatan si Pacquiao sa likod matapos madaplisan umano ng bala. Ayon kay Pacquiao, hindi niya inakala na tototohanin siya ng kanyang mga nakabangga sa komentaryo.

“Normal lang iyan sa akin, ang mga banta di ko na iyan pinakialaman, may nag-advise na sa akin na mag-bodyguard, hindi ko akalain na tototohanin nila ako,” ani Pacquiao.

Patuloy ang isinagawang imbestigasyon ng mga pulis para makilala ang mga responsable base sa CCTV footage.

Hindi na muna binigay sa media ang kopya ng CCTV.

 

Please follow and like us:
Read More

GRUPO NG INTERNET INSTALLER INARARO NG TRUCK, 1 PATAY

accidentsign1

(NI KEVIN COLLANTES)

ISANG internet installer ang binawian ng buhay habang sugatan naman ang anim pa niyang kasamahan, nang salpukin sila ng isang dump truck na nawalan ng kontrol, habang nagkakabit ng kable ng internet sa gitna ng kalsada sa Barangay Wack-Wack, Mandaluyong City nitong Martes.

Tinangka pa ng mga doktor ng The Medical City sa Pasig na isalba ang buhay ng biktimang si Jayzel Arada, 28, empleyado ng internet provider na Source Telecommunication Company, ngunit binawian din ito ng buhay dahil sa matinding pinsala sa ulo at katawan.

Samantala, sugatan at nilapatan na ng lunas sa pagamutan ang anim pa niyang kasamahan na nakilalang sina Joseph Broñola, 27, na nagtamo ng bone collar fracture; Julius Miranda, 30, na nagka-fracture sa sakong; Jonard Broñola, 24, na nagkaroon ng skin and tissue laceration; at sina Rolly Balberan, 27; Rene Deus Reyes, 26; at Leo Amora, 51, na pawang nagtamo ng sugat sa kanilang ulo.

Tumakas naman at tinutugis na ng mga awtoridad ang driver ng dump truck na nakilalang si Raul Petervo.

Nabatid mula sa ulat ng Mandaluyong City Police na dakong alas-2:00 ng madaling araw nang maganap ang insidente sa eastbound ng Ortigas Avenue, malapit sa tanggapan ng Philippine Overseas Employment Agency (POEA), sa Barangay Wack Wack.

Base sa kuha ng CCTV footage na nakalap ng pulisya, lumilitaw na bago ang insidente ay nagkakabit ng fiber optic cable ang mga biktima sa gitna ng Ortigas Avenue nang bigla na lang silang araruhin ng dump truck, na minamaneho ni Petervo.

Makikita sa kuha ng CCTV na binabagtas ng dump truck ang basang kalsada ng Ortigas Avenue patungong EDSA nang pagsapit sa pababang bahagi ng kalsada ay tila nawalan ng kontrol sa manibela ang driver ng sasakyan kaya’t nagpagewang-gewang ang takbo nito hanggang sa salpukin ang mga nagtatrabahong biktima.

Naisugod pa sa pagamutan si Arada na nagtamo nang pinakamatinding pinsala ngunit idineklara ring patay ng mga doktor dakong alas-6:00 ng umaga.

Si Peterva ay mahaharap sa kasong reckless imprudence resulting in homicide and multiple injuries.

 

Please follow and like us:
Read More

LALAKI PUMATAY SA LIVE-IN PARTNER TINUTUGIS

crime

(NI JULIE DUIGAN)

TINUTUGIS na ng mga tauhan ng Manila Police District ang isang lalaki na pumatay sa kanyang ka-live-in, Biyeres ng gabi sa Malate,Maynila.

Ang suspek na nakilalang si Jervis Cabrera, security guard at  residente ng Plaridel, Bulacan, ay inilagay na sa manhunt operation.  Siya ang itinuturong bumaril at nakapatay sa ka-live in na si Jenny Rose Manila, 25, domestic helper at naninirahan sa  Taal St.,  Malate.

Batay sa ulat ng MPD-Homicide Section, isang tawag sa telepono ang natanggap ng pulisya , bandang alas-7:33 ng gabi  sa kalye ng  San Andres kanto ng Taal St.,.sa Malate kung saan nakahandusay si Manila na wala nang buhay.

Sa imbestigasyon ng pulisya , tinawagan umano sa celfone ang biktima ng dati niyang kinakasamang suspect para mag-dinner sa isang convenience store sa lugar.

Pinaunlakan naman ito ng biktima at habang naglalakad si Manila sa kahabaan ng San Andres, kitang kita sa CCTV nang magkaroon ng komosyon at makitang hinaltak sa balikat ang biktima.

Dito ay binunot ng suspect ang dalang baril  saka pinagbabaril  ang biktima. Tumakas ito habang ang biktima ay nakita pang bumagsak sa ilalim ng jeep.

Sa pagsisiyasat ng pulisya, bago ang pamamaril, nitong nakaraang February 14 Araw ng mga Puso , binigyan pa ng bulaklak at chocolate si Manila ng kanyang dating kinakasama, pero tumanggi itong  kunin.

Nais din umanong makipagbalikan ang suspect sa biktima alang-alang sa tatlo nilang anak.

Please follow and like us:
Read More

2 TEACHER BIKTIMA NG AKYAT-BAHAY

akyat15

(NI NICK ECHEVARRIA)

ISINARADO at siniguradong naka-lock ng dalawang guro ang pintuan ng kanilang inuupahang kwarto sa Blk. 19B Welfareville Compound, Bgy. Addition Hills, Mandaluyong City, bago umalis patungo sa paaralan na kanilang pinapasukan noong Huwebes ng umaga bandang alas-5:45.

Ito ang pahayag ng dalawang teacher na sina Lurita Sabulao y Esquierdo, 29, at Theresa Karla Abucot, 28,  nang magtungo sa himpilan ng pulisya sa nabanggit na lungsod para magreklamo.

Ayon sa salaysay ng mga biktima, nagulat na lamang si Lurita ng i-chat siya ng isa nilang kapitbahay habang nasa paaralan at itanong kung naiwan nilang nakabukas ang kanilang pintuan mahigit isang oras pa lamang ang nakalilipas.

Agad ipinaalam ni Lurita sa kasamahang si Theresa ang pangyayari na mabilis namang umuwi ng bahay  na inabutang  nakabukas ang kanilang pintuan at nakakalat ang kanilang mga gamit.

Nadakip naman kaagad ang dalawang akyat bahay  na sina, Al Vadehueza, 24,  at Abel Aniceto, 25, sa isang follow up operations makaraang malinaw na mahagip ng CCTV ang isa sa kanila na bitbit ang backpack ni Theresa.

Kabilang sa mga nabawing ninakaw na gamit ang isang laptop na nagkakahalaga ng P18,000 at ilan pang mga personal na kagamitan ng dalawang biktima, subalit hindi na nabawi ang P8,000 cash mula sa dalawang suspek na nakakulong ngayon sa Mandaluyong City Police.

 

 

Please follow and like us:
Read More

STUDENT TINARAKAN SI SIR

isabela

(NI JG TUMBADO)

PATAY ang isang head teacher makaraang burdahan ng sunod sunod na saksak ng kanyang grade 7 student sa loob mismo ng bahay ng una sa Aurora, Isabela.

Agad namang nadakip sa isinagawang follow up operation ng mga awtoridad ang suspek na menor de edad na lalaki na nasa pangangalaga ngayon ng municipal social welfare and development matapos na mai-turn over ng pulisya.

Batay sa nakarating na ulat kay Police Senior Insp. Villamor Andaya, hepe ng Aurora municipal police station, nakilala ang biktima na si Bobby Galiza, head teacher V ng Donya Aurora National High School at residente ng Barangay Camarunggayan.

Si Galiza ay natagpuang nakahandusay at wala ng buhay sa labas ng kanyang bahay bunsod ng maraming tama ng saksak sa ibat ibang katawan nito.

Nakatakbo pa umano palabas ng bahay ang guro subalit bigla itong bumulagta sa kalsada.

Lumalabas sa pagsisiyasat ng pulisya na bago pa pagsasaksakin ang biktima ng menor de edad na studyante ay una munang nilooban nito kasama ang isa pang mag-aaral na grade 10 student ang bahay ni Galiza.

Balak lamang umanong pagnakawan ng mga suspek ang bahay ng guro subalit nanlaban umano ito sa kanila kung kayat nagawa ang pananaksak gamit ang kutsilyo sa naturang tahanan ng biktima.

Mismo ang kasamahan ng suspek na pinangalanan lamang na “Arnulfo” ang nagturo dito na siyang umatake sa guro matapos naman na matukoy sila sa CCTV habang papalabas sa bahay ni Galiza.

Ang perang naipon na pondo sa isang palahok sa naturang paaralan ang sanay pakay na nakawin ng mga estudyanteng suspek.

 

Please follow and like us:
Read More