ESTUDYANTE PATAY, UTOL KRITIKAL SA AKSIDENTE SA SUBDIBISYON

accident12

(NI JG TUMBADO)

DEDBOL ang isang estudyante habang kritikal ang kapatid nito nang makasalpukan ang isang kotse sa Imus, Cavite, Miyerkoles ng madaling araw.

Nakita sa kuha ng CCTV ng subdivision sa Barangay Anabu II ang isang sasakyan na nasa Emilio Aguinaldo highway na naghihintay na makaliko. Nang paliko na ito papasok ng subdivision ay biglang sumulpot ang motorsiklo at nangyari ang banggaan.

Sa lakas ng impact ng banggaan, tila umikot sa ere ang angkas ng motorsiklo habang sumemplang naman ang drayber.

Nakilala ang mga sakay ng motorsiklo na sina Rommel Garcia, 21, at kapatid niyang si Danriel Alfonso, 19.

Naisugod pa sa ospital ang magkapatid ngunit nasawi rin si Rommel habang nakikipaglaban pa sa kamatayan si Danriel.

Ayon sa tiyahin ng makapatid, hindi nila agad nalaman na itinakas ng magkapatid ang motorsiklo para gumala.

Iginigiit naman ng drayber ng kotse na si Noxin Wenceslao na dahan-dahan ang kanyang pagpapatakbo dahil papasok siya sa subdivision.

“Hindi po ako ‘yung bumangga, alam ko po ‘yung ginagawa ko talaga. Maluwag po ‘yung highway pero di ko pa rin binilisan,” paliwanag nito.

Nahaharap ngayon si Wenceslao sa kasong reckless imprudence resulting in homicide, serious physical injuries, at damage to property.

 

Please follow and like us:
Read More

P34-M SHABU NASABAT SA MAG-ASAWA SA CAVITE

(NI ROSS CORTEZ)
AABOT sa P34 milyon ang halaga ng nasabat na shabu ng pinagsanib na puwersa ng PNP Drug Enforcement Group, Region 4A Drug Enforcement Unit, Imus Component Police Station at PDEA Cavite, sa mag-asawang suspek, sa parking lot ng isang mall, sa lungsod ng Imus, Cavite.

Kinilala ang mga naarestong suspek na sina Emard Jimenez at Gretchen Jimenez , mga residente ng Ususan, Taguig City, na umano’y kinuha nila sa isang lugar sa Manila ang humigit kumulang sa 5 kilong shabu, para i-deliber sa kanilang katransaksyon sa Imus Cavite, pasado alas 10:00 Sabado ng gabi.

Lingid sa kaalaman ng mag-asawang suspek, operatiba na pala ang kanilang katransaksyon kaya agad silang inaresto matapos tanggapin ang buy bust money na ibinayad ng poseur buyer

Tumangging humarap sa kamera at magbigay ng pahayag ang mga suspek, maliban sa pagsasabing transporter lang daw sila ng mga nakumpiskang shabu.

Nahaharap sila sa reklamong paglabag sa sec 5 at 11 ng RA 9165 kaugnay sa mga nabawing 5 kilo ng shabu, 10 bundle ng P1,000 boodle money at gamit nilang kotse na may plakang NIN 654.

Please follow and like us:
Read More

DELIVERY BOY ‘NAGPAGPAG’ NG ARI SA HARAP NG BABAE, INARESTO   

(NI SIGFRED  ADSUARA)

ARESTADO  ang isang 23-anyos na delivery boy nang ipagpag ang kanyang pagkalalaki sa harap ng kanilang customer ng gasul sa Imus City, Cavite.

Kasong unjust vexation ang kinakaharap ngayon ng suspek na si Jonred del Rosario, ng Brgy Santiago, General Trias City, Cavite dahil sa reklamo ni  ‘Mayann’, 38, ng Brgy Alapan 2-B Imus City, Cavite.

Sa ulat ni  Pat. Gerald Ashley Gervacio, ng Imus City Police Station,  dakong alas-8:30 Lunes ng umaga nang nagpa-deliver ng gasul ang biktima sa kanilang bahay.

Matapos ikabit ng suspek ang nasabing tangke ng gasul, humingi ito ng permiso na makigamit ng palikuran dahil sa tawag ng kalikasan.

Pero paglabas nito, mistulang batang ibinuyangyang ang kanyang ari sa biktima habang ipinapagpag pa ito.

Humingi naman ng tulong ang biktima sa security guard ng subdibisyon na nagresulta sa pagkakaaresto ng suspek.

Please follow and like us:
Read More

GERMAN, 2 PINOY HULI SA COCAINE, MARIJUANA

(NI ROSS CORTEZ)

TIMBOG ang tatlong drug suspect na kinabibilangan ng isang German national, Fil Am at isang Pinoy matapos makipagtransaksyon sa poseur buyer na operatiba ng Cavite Provincial Intelligence Branch, sa Barangay Molino 4 lungsod ng Bacoor Cavite, alas-9:00 kaninang umaga.

Kinilala ang mga suspek na sina Andreas Waltney, alyas Andrew, 34, English teacher, ng 1035 Rizal Blvd Tagapo, Sta. Rosa City, Laguna), Patrick Paredes, 22, ng 459 Sonny Boy St. Brgy Hulo, Mandaluyong City at Alex Joel Tolentino, 44, ng 14L Bldg 9 3rd St Taguig City.

Nabatid na katransaksyon ng mga operatiba ang German na suspek at nagbenta ng 4 na pouch ng high grade marijuana kush na tumitimbang ng 112 gramo kapalit ng P128,000 boodle money

Narekober din sa Pinoy at Fil Am na suspek ang apat na pouch ng dried marijuana at isang sachet na naglalaman ng hinihinalang cocaine na tumitimbang ng 3.24 gramo at nagkakahalaga ng 24, 000. Nakuha rin sa mga suspek ang anim na pakete ng party drugs.

Sa panayam, sinabi ni Waltney na driver lamang umano siya ay binabayaran ng hanggang P10,000 magpapadrive ang mga kasama niya para magdeliver ng droga

Kolektor naman at taga remit ng perang pinagbentahan ng droga ang papel ng Pinoy na si Patrick, ayon sa kanya, sa isang “Alvin” na taga Mandaluyong City niya inireremit ang nakokolektang pera sa droga.

Habang for medication sa kanyang gout ang dahilan ng Fil Am na si Alex, gayunma’y sasampahan pa rin sila ng kasong paglabag sa Comprehensive Dangerous Drug Act of 2002.

 

Please follow and like us:
Read More

SELOSONG EX-LOVER NAPATAY NG GINANG

(NI SIGFRED ADSUARA)

TULUYAN nang tinapos ng isang 34-anyos na negosyanteng ginang ang pagiging seloso ng kanyang dating live-in partner nang barilin at mapatay nito nang  sumugod sa kanilang bahay matapos na pagselosan ang kanyang driver, sa Imus City, Cavite.

Namatay sa pinangyarihan ng insidente si Roderick Linazan, driver  ng Green State Subd., Brgy. Malagasang 1F, Imus City, Cavite dahil sa tama ng bala sa katawan habang ginagamot sa Ospital ng Imus si Rolly Ayop, 32, may-asawa ng  Green Valley Subd. Brgy San Nicolas 3, Bacoor City, Cavite dahil sa saksak sa katawan.

Hawak naman na ng pulisya ang suspek na si Mary Car  Canete, 34, may-asawa, ng B23, L21, Phase 2, Green State subd, Brgy Malagasang 1F, Imus City, Cavite.

Sa ulat ni SMSgt Ronaldo Orozco ng Imus City Police Station, sumugod umano si Linazan sa bahay ng kanyang dating live-in partner dakong alas-10:10 kamakalawa ng umaga nang nalaman nito na  may lalaki ito saloob.

Kinompronta ni Linazan si Ayop na humantong sa kanilang pagtatalo hanggang sa  bugbugin siya ng una kaya pumasok ang si Ayop sa loob ng bahay pero sinundan pa rin siya  hanggang sa kumuha ng kutsilyo si Linazan at sinaksak ito.

Narinig naman ng suspek ang komosyon kaya lumabas ito at nakita ang dalawa kaya bumalik ito ng kanyang kuwarto at kinuha ang kanyang baril  at kinompronta ang dating live-in partner  at ipinutok ito na nagresulta sa kanyang agarang kamatayan.

Si Ayop ay isinugod naman sa ospital ng mga kapitbahay.

Ayon kay report, apat na buwan na umanong hiwalay ang dalawa dahil sa pagiging seloso ng lalaki, bagama’t biniyayaan sila ng isang anak.

Nabatid pa na kapapasok lamang na driver ng suspek si Ayop.

Narekober sa crime scene  ang isang kalibre 45 na baril na inaalam pa kung lisensiyado ito at isang kitchen knife.

Please follow and like us:
Read More

RESBAK NG MGA MISIS: 21 MISTER PINAHULI SA TUPADA 

sabong20

(NI KIKO CUETO)

TIMBOG ang 21 lalaki sa ginawang operasyon ng pulis laban sa iligal na sabungan. Ang nagbigay ng tip – ang mga misis ng mga naaresto.

“Nagrereklamo na nga to’ng mga asa-asawa nila dahil nga kung minsan imbis na ibigay sa kanila yung pera, ginagamit lang sa sugal,” sinabi ni Police Colonel Jun Alamo ng Imus Philippine National Police (PNP)

Agad namang nagpunta ang mga nakasibilyang pulis ang sabungan na nasa Barangay Pasong Buaya, na nasa isang bakanteng lote na malayo sa sentro ng komunidad.

Nagtangka pang tumakas ng isa sa mga sabungero pero naabutan siya ng pulis.

Nakumpiska sa sabungan ang mga perang pang taya, tari, at ang mga manok na ginagamit sa pagsasabong.

Hindi nagbigay ng pahayag ang mga sabungero na kaagad naman nakalabas ng himpilan ng pulisya matapos magpiyansa.

“Eh sa mga tupada, sir, during weekends maliwanag po ang ating instructions diyan, lahat ng tupada magkaroon ng intensified police operations para maitigil na,” sabi ni Police colonel Marlon Santos ng Cavite PNP.

Idinagdag naman ni Alamo na kanilang napansin ang pagtaas ng ibang mga krimen tulad ng pagnanakaw dahil sa pagsusugal.

“Isa rin yan sa nagiging cause ng insidente ng holdapan, nakawan dahil nga para masuportahan mo ang bisyo mo sa pagsusugal,” ani Alamo

 

 

Please follow and like us:
Read More

MAG-AMA NANAGA NG KAPITBAHAY SA AWAY-PAMILYA

(NI SIGFRED ADSUARA)

MAGKASAMA sa kulungan ang mag-ama matapos pagtulungan saksakin at tagain ang kanilang kapitbahay dahil sa matagal ng awayan ng pamliya sa Trece Martires City, Cavite.

Nakakulong ngayon sa Trece Martires Custodial Center ang mag-amang suspek na si  Lauro Landicho, 56, isang security guard at anak nitong si Laurence, 28, kapwa ng Block 9 Lot 41 Cuidad Adelina Brgy Conchu, Trece Martires City, Cavite.

Nagpapagaling naman na sa Gen Emilio Aguinaldo Hospital ang biktima na si Wilfred Digo, driver ng Blk. 3 Lot 21 Ciudad Adelina Brgy. Conchu TMC Cavite sanhi ng tama ng saksak at taga sa iba’t ibang bahagi ng kanyang katawan.

Sa ulat ni PSSgt Romeo Damance ng Trece Martires City Police Station, naglalakad si Emily Digo, asawa ng biktima sa Ciudad Adelina, Brgy Conchu ng naturang Lungsod dakong alas-10:30, Sabado ng umaga nang kamuntik na nasagi ng minamanehong motorsiklo ni Laurence kung saan angkas nito ang kanyang nanay.

Subalit imbes na humingi ng pasensiya ang panig ng suspek, nagsigawan pa si Emily at nanay ng suspek, na naungkat dahil sa matagal nang alitan ng pamliya.

Nagsumbong naman si Laurence sa bahay ng kanyang lola na malapit lang sa lugar at nang bumalik ito ay kasama na niya ang kanyang amang si Lauro na armado ng patalim at itak at pinagtulungan saksakin at pagtatagain ang biktima.

Sa isinagawang follow up operation, naaresto si Lauro pero ang anak na si Laurence ay tumakas at nagtago sa Amadeo pero sa isinagawang follow up operation ay naaresto si Laurence ilang oras matapos ang krimen.

 

Please follow and like us:
Read More

EX-REPORTER, BUMBERO HULI SA BUY BUST

ARRESTED-9

(NI SIGFRED ADSUARA)

ARESTADO ng Cavite Police ang isang retiradong bumbero at isang dating reporter sa isinagawang buy bust operation sa Bacoor City, Cavite.

Iniharap ni PBGen Vicente Danao , Jr, Regional Director , PRP 4A ang suspek na si Wilfredo Palmares, 66, ng Sitio Sulok Brgy Panapaan 3, Bacoor City, Cavite at Marvin De Guzman, 62, dating nagsusulat sa Toro at sa Splash, isang weekly tabloid sa Laguna, at residente ng Manila Hilyon Village, Brgy. Nioh 2, Bacoor City.

Nauna dito, nagsagawa ng buy bust operation ang Bacoor City Police sa magkakahiwalay na lugar kung saan target ang mga suspek at nagresulta sa kanilang pagkakaaresto.

Bukod sa dalawa, 41 pang katao ang inaresto kung saan humigit kumulang sa 69 gramo ng shabu ang nasamsam na nagkakahalaga ng P500,000.

Inamin ni Palmares na gumagamit siya ng shabu na pampagising tuwing nagbabatay ng mga alagang baboy habang pampagising din ang dahilan ni De Guzman kung bakit gumagamit ng shabu.

Samantala, tinatayang 145 na kumpiskado at 747 na for safekeeping na matataas na armas ang i-turn over sa Cavite Police Provincial Office sa pagbisita ni Danao sa Camp BGen Pantaleon Garcia, Imus City, Cavite.

Please follow and like us:
Read More

ROAD RAGE: BRGY TANOD BINARIL SA DIBDIB 

(NI JG TUMBADO)

PATAY sa pamamaril ang isang 23-anyos na barangay tanod sa umanoy away-trapiko o road rage sa Dasmarinas City sa Cavite.

Nakilala ang biktima na si Samim Sarilama, tanod ng Barangay H2, habang tumakas naman ang lalaking bumaril sa kanya na isang delivery van driver sa kalagitnaan ng kanilang alitan sa trapiko.

Nabatid kay Police Lt. Col. Nerwin Ricohermoso, chief of police ng Dasmarinas, pauwi na sana ang biktima kasama ang kanyang pamangkin na si Abdul Khair Jaffar sakay ng tricycle nang sila ay mapahinto dahil sa nakatigil na closed van sa gitna ng kalsada na kanilang daraanan pasado alas 3 ng madaling araw ng Linggo.

Dito umano bumaba ang biktima mula sa minamaneho nitong tricycle para kausapin ang driver ng closed van na iparada nang maayos ang kanyang sasakyan.

Subalit, sa kalagitnaan ng argumento ay bumunot ng baril ang driver ng van at pinaputukan nito ang biktima sa dibdib.

Agad tumakas ang suspek matapos ang pamamaril sa biktima.

Dead on arrival sa ospital si Sarilama na napuruhan ng bala ang kanyang dibdib.

Patuloy namang inaalam ng mga awtoridad ang pagkakakilanlan ng suspek sa road rage.

 

Please follow and like us:
Read More

2 PATAY SA ‘DI BINAYARANG RESTO BILL

accident121

(NI ROSS CORTEZ)

DEAD on the spot ang dalawa sa tatlong sakay ng dalawang motorsiklo, habang sugatan ang isa pa, sa habulan sa Barangay Sabang, sa lungsod ng Dasmariñas Cavite, alas-2:00 ng madaling araw kanina.

Sa tala ng pulisya, sakay ng unang motorsiklo  ang magkapatid na sina Edgardo at Teddy Laudato, habang hinahabol sila ng ikalawang motorsiklo  na minamaneho ni Eurigine Jiao, may-ari ng bar.

Galing umano sa isang resto bar a pag aari ni Jiao, ang magkapatid na Laudato at nag inuman, ayon sa mga saksi na tumangging humarap sa kamera, hindi umano kumpleto ang ibinayad ng mga ito sa kanilang bill at agad na umalis ng bar.

Dito na sila hinabol ng may ari ng bar na si Jiao, sa malas, pagdaan sa kurbadang kalsada sa Brgy Sabang, hindi nakapagpreno ang driver ng unang motor na si Edgardo Laudato, at diretsong sumalpok sa sementadong pader sa tabing kalsada.

Segundo lang ang pagitan at sumalpok din ang ikalawang motorsiklo na minamaneho ni Jiao sa kaparehong pader na sinalpok ng unang motorsiklo.

Resulta nito, agad binawian ng buhay sina Edgardo at Jiao, habang naitakbo naman sa ospital si Teddy

Sa panayam sa residente sa lugar na si Diane De Guzman, bago ang aksidente, nakarinig sila ng malakas na kalabog.

Nakita na ang nakahandusay  na  mga biktima;  dalawa ay hindi na gumagalaw at ang isa ay nangingisay habang nadugo ang bibig.

Ayon mga residente, malimit ang aksidente sa lugar dahil sa pakurbadang daan dito.

 

Please follow and like us:
Read More

3 HUMABOL SA UNDAS

accident12

(NI SIGFRED ADSUARA)

IMBES na dumalaw sa puntod ng kanilang mga mahal sa buhay, sila pa ngayon ang pinaglalamayan matapos na maaksidente  sa magkakahiwalay na lugar sa Cavite.

Kinilala ang mga naiulat na nasawi sa aksidente na sina Arlan Tadifa, 31, vendor, ng 318 Tokwahan, Brgy Medicion II-B, Imus City, Cavite; Ronnie Mora, 20, ng Sorosoro, Ilaya, Batanags City at Juan Ogena, 44, welder, ng Sitio Quarry Brgy Bancud, Indang Cavite.

Sa ulat ni Corporal Danilo Martinez ng Imus City Police Station, dakong alas-3:00 kamakalawa ng hapon nang naganap ang insidente kung saan minamaneho ni Tadifa ang kanyang motorsiklong Honda at binabagtas ang kahabaan ng Brgy Bucandala  patungo sa south direction pero pagsapit ng Brgy Alapan  II-B ng nasabi ring Lungsod nang mabangga nito ang isang bakal na harang sa tulay dahilan upang mahulog ang motorsiklo nito sa tulay habang halos mabiyak umano ang dibdib nito sa pagkakatama sa bakal.

Ayon kay Martinez, galling umano sa birthday ng Nanay nito kaya pinaniniwalaang nakainom ito.

Sa ulat naman ni Patrolman Glenford Alcaraz ng Amadeo Municipal Police Station, minamaneho ni Mora ang kanyang motorsiklong Suzuki at binabagtas ang kahabaan ng CM Delos Santos Ave., sa Brgy Banaybanay, Amadeo, Cavite patungong South direction dakong alas-11:00 kamakalawa ng gabi  nang banggain siya ng isang pampasaherong jeepney (CPT 414) na minamaneho ni Noly Dela Cruz, 58, galing naman ng opposite direction, dahilan upang tumilapon ang katawan nito at natamo ng malaking sugat sa ulo at katawan.

Isinugod pa sa Ospital ng Tagaytay ang biktima subalit idineklarang dead on arrival.

Sa ulat naman ni PSMsgt Arnel Julian ng Indang Municipal Police Station, naganap ang insidente dakong alas-4:20 kahapon ng madaling araw kung saan kapwa naglalakad ang mag-amang Ogena sa kahabaan ng Indang-Trece Road sa Brgy Mataas na Lupa  sakop ng Indang nang tumawid sila sa kalsada pero nauna ang matanda at nahuli ang kanyang anak na si Joseph .

Tiyempo naman na paparating ang minamanehong Honda City (NEA 1348) ni SN2 Ivan Christopher Mendoza, miembro ng Philippine Coast Guard (PCG) na patungo naman sa direksiyon nang mabangga ang matandang Ogena. Isinugod pa ang biktima sa General Emilio Aguinaldo Hospital suablit binawian din ito ng buhay.

Kasong Reckless Imprudence Resulting in Homicide ang kinakaharap ng miembo ng PCG.

 

Please follow and like us:
Read More

KAGAWAD KULONG SA NINAKAW SA CELLPHONE 

crime robber12

(NI SIGFRED ADSUARA)

HINDI na lumusot sa pangalawang pagkakataon nang tinuluyan ang isang 27-anyos na barangay councilor na mahilig dumikwat  ng  mga bagong cellphone matapos ireklamo ng isang menor de edad na kanyang biniktima sa General  Mariano Alvarez, Cavite.

Kasong robbery ang isinampang kaso laban sa suspek na si Jose Adonis, 27, binata, Brgy Councilor ng Brgy Gavino Madean, GMA, Cavite,  at ng Block 6 Lot 11 Brgy Gavino Maderan. GMA, Cavite dahil sa reklamo ni  alias Rain, 14, ng Brgy. Gavino Maderan, GMA, Cavite.

Sa ulat ni PSSgt Jonarey Visca, ng GMA Municipal Police Station, dakong ala-1:30 Biyernes ng madaling araw ay mahimbing na natutulog ang biktima sa kanilang bahay nang puwersahang pumasok ang suspek sa pamagitan ng pagsira ng pintuan.

Nang makapasok ang suspek, dumiretso sa kuwarto ng biktima na mahimbing na natutulog at kinuha sa tabi nito ang isang OPPO A9 ; IPhone 6  at 2 G-Shock na relo  na may kabuuang P38,000.

Papalabas na sana ang suspek pero dahil sa ingay nito papatakas ay nagising ang biktima kung saan hinabol niya.

Kinabuksan, pinanoood ang CCTV sa kanilang kapitbahay kung saan nakilala ang suspek na siyang pumasok sa kanilang bahay.

Nabatid na mag-isa lamang nakatira ang biktima matapos na maghiwalay ang kanyang magulang at ang ama nito na nagtratrabaho sa ibang bansa.

Ayon kay Visca, dalawang beses nang nagnakaw ang biktima pero hindi umusad ang unang kaso matapos aregluhin ng suspek ang kanyang nabiktima at ibalik ang ninakaw subalit ngayon ay desidido si alias Rain na kasuhan ito.

Dagdag  pa ni Visca na alam niya kung sino ang bibiktimahin niya at umano’y mahilig sa mga bagong cellphone.

Nabatid na ibinenta ng suspek ang tinangay na mga gadgets sa Laguna.

Please follow and like us:
Read More

KOREANO ARESTADO SA PAGDUKOT NG 4 KABABAYAN 

kidnap12

(NI ANNIE PINEDA)

NADAKIP ang isang Korean national na itinuturong utak sa pagdukot sa apat nitong kababayan sa ginawang operasyon ng Philippine National Police Anti-Kidnapping Group, sa Cavite.

Kinilala ng nadakip na suspek na si Cho Jung Gi, 28, South Korean national at nakatira sa Barangay Buho Silang, Cavite.

Batay sa report ng Tagaytay City Police Station, dakong alas 6:00 ng Martes nang madakip ang suspek sa bahay nito sa nasabing lugar.

Sa bisa ng warrant of arrest sa kasong kidnapping-for-ransom na ipinalabas ni Judge Caesar Buenagua, ng Pasig City Regional Trial Court Branch 160 noong February 27, 2017, nadakip ang suspek ng pinagsamang puwersa ng PNP-AKG at Tagaytay Police.

Nabatid na noong Enero 2015, ay isinangkot ang suspect sa pagdukot sa apat na Korean national na kinilalang sina Kan Dea Jin, Kim Thin Sung, Kim Kyung Ju at Cho Hyun Seokin, sa loob ng bahay ng mga ito sa Vito Cruz Street, Bgy. Maytunas, San Juan City.

Lumabas sa rekord ng mga awtoridad, hiningan ng suspek ang mga biktima ng P4 milyon para sa kalayaan ng mga ito at mismong araw din iyon ay idineposito sa bank account na sinabi ng suspek ang kabuuang P5 milyon.

 

Please follow and like us:
Read More

200 KILO KARNE NG MANOK, NASABAT

(NI SIGFRED ADSUARA)

KINUMPISKA ng  National Meat Inspection Service (NMIS) ang tinatayang 200 kilo ng karne ng manok sa Carmona, Cavite.

Sa ulat ni Corporal Luciano Cortez Jr ng Carmona Municipal Police Station, dakong alas-5:30 Biyernes ng umaga nang sitahin ang may 210 kilo na karne ng manok habang sakay ng isang tricycle na minamaneho ni Carl Saracanlao sa Maguyam Road, Brg Bancal, Carmona, Cavite.

Nauna rito, nagsasagawa ng routinary inspection ang mga tauhan ng NMIS  sa pamumuno ni George Garcia  kung saan pinara nila ang isang tricycle na may mga laman na karne ng manok.

Gayunman, imbes na tumigil ang motorsiklo, pinasibad ito dahilan upang humingi ng tulong sa Carmona MPS na nagresulta sa pagkakaaresto kay Saracanlao.

Wala ring maipakitang permit to transport at meat inspection certificate ang nasabing mga karne ng manok.

Paliwanag ni Cortez, ipinagbabawal  din ang pagta-transport ng anumang klase ng karne sa isang open vehicle.

Ang nasabing mga karne ng manok ay galing pa ng Bulihan , Silang Cavite na pagmamay-ari ng isang Carmina Delos Santos.

Please follow and like us:
Read More

2 RIDER, NABANGGA, NAGULUNGAN PA NG TRUCK

accident121

(NI SIGRED ADSUARA)

NAKABANGGA na, nagulungan pa ng truck ang dalawang motorcycle rider nang kapwa matumba matapos na makasagi ang isang kotse sa Trece Martires City, Cavite.

Namatay  habang ginagamot sa Gen Emilio Aguinaldo Hospital si Rogen Almoguera, 20, binata at angkas nitong si Mark Romero , 21, kapawa construction worker  at tubong Masbate at  resident e ng  Blk 4, Lt 32, Regina Ville 200, Brgy. Inocencio, Trece Martires City, Cavite.

Hawak naman na ng pulisya ang driver ng isang kulay orange na Hino truck ma may plakang SAF 165 na si Sonny Reyes, 45, ng Luciano Bitangan, Trece Martires City, Cavite.

Sa ulat ni PSSgt Rene Bibon ng Trece Martires City, Cavite, dakong alas-7:30 Biyernes ng umaga nang maganap ang insidente sa Trece_Indang Road, Brgy Inocencio , Trece Martires City, Cavite kung saan kapwa minamaneho ni Almoguera ang kanyang motorsiklo at  isang kulay gray na metallic na Toyota  naman ni Merlyn Vida, 33,  at binabagtas ang kahabaan ng  Trece-Indang Road, galing sa Regina Ville Subd., patungo sa direksiyon ng San Agustin sa Trece Martires City, Cavite.

Nauna ang kotse ni Vida habang nakasunod naman ang motorsiklo ni Almoguera at angkas nito si Romero.

Minamaneho naman ni ni Reyes ang isang Hino truck at binabagtas ang kabilang kalsada patungo sa direksiyon ng Inocencio St sa nasabing ring Lungsod.

Pero pagsapit sa barangay hall ng Brgy Inocencio sa Trece-Indang Road at nabangga ng harapang bahagi ng motorsiklo ni Almoguera dahilan upang matumba sila sa kaliwang bahagi ng kalsada at magulungan naman ng truck ni Reyes.

Kapwa sinaklolohan ng City Disaster Risk reduction Management ang dalawang motorcycle rider at isinugod sa ospital subalit namatay sila habang ginagamot.

 

Please follow and like us:
Read More

P1-M SHABU NASAMSAM SA 3 TULAK SA CAVITE

(NI SIGFRED ADSUARA)

UMABOT sa mahigit P1 milyon halaga ng shabu ang nakumpiska sa isinagawang buy bust operation na nagresulta sa pagkakaaresto sa tatlo katao kung saan isa sa kanila ay nasundan sa loob ng ospital matapos makipagpalitan ng putok sa mga awtoridad sa Gen Trias City, Cavite.

Nakaratay pa sa loob ng Silang Specialist Medical Center nang arestuhin si Derwin De Castro, alias “Buddha”, 27, ng Block 20 Lot 11 Elliston Place, Brgy. Pasong Camachille 2, Gen Trias City, Cavite habang sa mismong lugar ng operasyon naaresto sina Paul Christian Pasamonte, 31, ng B113 L2 P4 Marycris Complex, Brgy. Pasong Camachile 2,  Gen. Trias City , Cavite at Arnel Hermoso, 38, may-asawa ng B76 L25 P3 Marycris Complex., Brgy., Pasong Camachile 2, City of Gen. Trias, Cavite

Sa ulat ni PSSgt Jeremiah Baniasia, ng Gen. Trias City, Cavite, dakong ala-1:00 Huwebes ng madlaing araw nang isagawa ang buy bust operation ng mga operatiba ng Gen. Trias City MPS at PDEA 4A sa Elliston Place Brgy. Camachille 2, Gen Trias City, Cavite kung saan target si alias Buddha.

Sa kalagitnaan ng transaksiyon, aarestuhin na sana si alias Buddha nang nahalatang awtoridad ang kanyang kausap dahilan upang humingi ng tulong kina Pasamonte at Concillado kaya nakatakas ito gamit ang kanyang motorsiklo.

Pero habang papatakas, pinaputukan niya ang mga pulis dahilan upang gumanti ang awtoridad kung saan tinamaan si alias Buddha subalit nakatakas pa rin.

Nagsagawa ng hot pursuit operation ang Gen. Trias MPS kung saan hinalughog ang lahat ng ospital sa Cavite kung sino ang pasyenteng sugatan dahil sa tama ng bala  at natunton si alias Buddha sa Silang Specialist Medical Center at nagresulta sa kanyang pagkakaaresto kasama ang dalawa pa.

Nakuha sa mga suspek ang tinatayang shabu na may street value na P1,200,000.

Kasong paglabag sa Sec 5 at 11, Article 2 ng RA 9165 ang isinampa laban sa tatlong naarestong mga tulak.

 

Please follow and like us:
Read More

NAMBOSO KAY TITSER, HULI

(NI SIGFRED  ADSUARA)

SWAK sa kulungan ang isang 34-anyos na lalaki nang naaktuhan habang sinisilipan ang isang teacher na naliligo sa Rosario, Cavite.

Kasong Unjust vexation, Disobedience,  resisting arrest to agent of Person in Authority at paglabag sa Sec. 12 Article II of R.A 9165 ang isinampa laban sa suspek na si Rolando Aquino, ng DO Jimenez St., Brgy Wawa 1 Rosario, Cavite,  dahil sa reklamo ng 39-anyos na teacher, ng Brgy Wawa, Rosario, Cavite.

Sa ulat ni Corporal Joeyluz Pulasan ng Rosario Municipal Police Station, naligo ang biktima dakong alas-3:30 Biyernes ng hapon nang napansin na tila nabaklas ang bubong ng kanilang banyo hanggang sa nakita ang mga matang nakatitig sa kanya.

Nagsisigaw ito at tumawag ng saklolo sa kanilang kapitbahay na tiyempo namang napadaan ang ilang barangay Tanod.

Tinangka pa ng suspek na manlaban hanggang sa hindi rin nakapalag nang tuluyan siyang bitibitin.

Nang kapkapan ang suspek, narekober sa kanyang katawan ang 3 pirasong foil strip na naglalaman ng hinihinalang shabu.

Nakakulong ngayon sa Rosario Custodial Center ang naarestong suspek.

 

Please follow and like us:
Read More

PULIS, 1 PA KIDNAPER NG MGA TAUHAN NG BIR, PATAY SA ENGKWENTRO

crime55

(NI AMIHAN SABILLO)

DEAD on the spot ang isang dating pulis at isang tauhan nito na umano’y sangkot sa pagdukot sa mga tauhan ng Bureau of Internal Revenue (BIR) matapos ang engkwentro sa mga tauhan ng Cavite Police at PNP Anti-Kidnapping group sa Abaya Road, Brgy Toclong, Kawit, Cavite, Lunes ng madaling araw.

Ayon kay Police Staff Sgt. Jason Murcia, imbestigador sa kaso, ihahain lang sana ng Cavite Police, kasama ang PNP-AKG ang warrant of arrest, laban sa suspek na dating pulis na si PO2 Arlan Ranera at kasamahan nito, subalit pagsapit umano ng mga operatiba, nakatakas ang mga suspek gamit ang motorsiklo at nagpunta sa direksyon ng Brgy. Putol.

Kumilos ang operatiba na nauwi sa habulan at dito na nakipagbarilan ang mga suspek sa pulis na naging dahilan ng kanilang pagkakasawi.

Sinasabing sangkot ang mga suspek sa pagdukot sa ilang tauhan ng BIR at sinasabing miyembro rin ng Gapos Gang.

Si Aguilar ay isa rin sa mga itinuturo na mga nasa likod ng pagpatay kay Atty. Eduardo Torres Malinis na isa rin sa kanilang mga na biktima.
 

Please follow and like us:
Read More

2 PATAY, 1 SUGATAN SA KOTSE NG NIGERIAN NATIONAL  

accident12

(NI SIGFRED ADSUARA)

NASAWI ang dalawa katao, habang bali ang hita ng isa pa nilang kasama nang makaladkad ng sasakyang ng isang Nigerian national habang naglalagay  ng warning  signage sa isang hinukay na poste ng isang telecommunication company sa Gen Trias City, Cavite.

Dead on the spot ang biktimang si Roderick Dela Rosa, 47, habang namatay  habang ginagamot sa Gen Trias Doctors Medical Center si Nico Pajaron, 18, habang kritikal naman ang isang alias Raz, pawang mga construction worker at residente ng Sitio Tirona, Brgy santaigo, Gen Trias City, Cavite

Naaresto naman ang driver ng isang Nissan Sentra (UEA 552) na si Oluwafemi Ogunrinde, 28, binata, isang Nigerian national at residente ng MS4 B4 L10 Lancaster New City, Navarro Gen. Trias City, Cavite nang makorner sa Liora Homes Subd., Pasong Camachile 2, Gen Trias City, Cavite.

Sa ulat ni P/Corporal Ronald Didal ng Gen Trias City Police Station, dakong alas-2:45 Linggo ng madaling araw nang maganap ang insidente sa kahabaan ng Arnaldo Highway , Pasong Camachile 2, Gen Trias City, Cavite kung saan ang mga biktima ay naglalagay ng warning  signage sa isang hinukay na butas ng poste ng Globe Telecom.

Minamaneho naman ng suspek ang kanyang Nissan sentra habang binabagtas ang nasabing lugar at dire-diretso lang nitong nabangga at nakaladkad ng ilang metro ang katawan ng mga biktima.

Ikinatuwiran ng driver na hindi nito nakita ang tatlo dahil hindi umano nito akalain na may nagtratrabaho ng madaling araw.

Kasong reckless imprudence resulting in double homicide, serious physical injuries and damaged to property ang isinampa laban sa suspek.

 

 

Please follow and like us:
Read More

KILLER PUNCH!

crime500

(NI SIGFRED ADSUARA)

TULUYAN nang hindi nagising sa malakas na suntok na dumapo sa mukha ng isang 22-anyos na estudyante ng bigwasan siya  ng kanyang kainuman sa Tagaytay City, Cavite.

Nakakulong ngayon sa Tagaytay City Police Station ang suspek na si John Carlo Aterado, 23, ng Brgy Mendez Crossing East Tagaytay City, matapos  suntukin sa mukha ang biktimang si Patrick John Ernie, ng Pabahay, Brgy Mendez Crossing East, Tagaytay City.

Sa ulat ni PMSgt Jude Camitan ng Tagaytay City Police Station, dakong alas-8:00 kamakalawa ng gabi nang naganap ang insidente sa Brgy. Zambal, Tagaytay City kung saan nag-iinuman ang biktima at kapatid nitong si Jayson, suspek at ilang kaibigan nila.

Sa kalagitnaan ng kanilang inuman ay nagkaroon ng mainitang pagtatalo ang suspek at si Jayson at nang napansin ito ng biktima ay bigla itong lumapit sa kanila na inakala umano ng suspek na  magkakampihan at susuntukin ito kaya inunahan na  niya ng suntok sa mukha na ikinabagsk ng biktima at nawalan ng malay.

Isinugod ang biktima sa ospital subalit namatay ito habang ginagamot.

Tumakas ang suspek subalit  naaresto rin ito sa isinagawang follow up operation ng pulis.

 

Please follow and like us:
Read More

2 PATAY SA DUMP TRUCK

accident121

(NI ANNIE PINEDA)

PATAY ang isang rider at angkas matapos bumangga ang kanilang motorsiklo sa dump truck, Miyerkoles ng gabi, sa harap ng mall, sa Bacoor City, Cavite.

Kinilala ang mga namatay na sina Joko Reyes, 22, at Raymond Diaz, 24, habang inaalam pa ang pagkakakilanlan ng suspek at driver ng dump truck.

Batay sa report ng Bacoor Police Station, dakong alas 11:50 ng gabi nang maganap ang insidente sa harap ng SM Bacoor, ng nasabing lungsod.

Sa paunang imbestigasyon ng pulisya, binabaybay nina Reyes ang Aguinaldo Highway sa nasabing lugar pagdating sa intersection ng SM Bacoor, nakabanggaan nila ang dump truck.

Dahil sa lakas ng pagkakabangga agad na namatay si Reyes habang binawian naman ng buhay si Diaz pagdating sa ospital.

Nagpapatuloy naman ang imbestigasyon ng pulisya sa insidente at posibleng maharap sa kasong reckless imprudence resulting to multiple homicide ang driver ng truck.

Please follow and like us:
Read More

LASING NA PULIS-CAVITE, NAMARIL, ARESTADO

PNPLOGO1

(NI SIGFRED ADSUARA)

NAWALAN sa katinuan dahil sa kalasingan ang isang 38-anyos na pulis Cavite nang barilin nito ang isang  pipi’t bingi na lalaki habang naglalaro ng volleyball sa Trece Martires City,Cavite.

Ginagamot ngayon sa Gen. Aguinaldo Memorial Hospital ang biktimang si Hermes Guevarra, alias Metmet, ng Block 7 Lot B-7, L-42, Phase 1, Regina Ville 2000, Brgy. Inocencio, Trece Martires City, Cavite, matapos barilin ni PMSgt Paulo Gagua, 38, nakatalaga sa Trece Martires City Police Station, at residente ng B-16, L-8, Phase 1, Regina Ville 2000, Brgy. Inocencio, Trece Martires City.

Sa ulat ni PSSgt Rene Bibon ng Trece Martires CPS, dakong alas-6:30 Linggo ng gabi nang naganap ang insidente sa bahay ng biktima.

Nauna dito, naglalaro ng volleyball ang biktima at Dexter Dimaranan sa gitna ng kalsada sa nasabing subdibisyion nang dumating ang suspek na lango sa alak at galit na kinompronta ang dalawa sa kanilang paglalaro.

Ilang sandali pa ay bigla na lamang sinuntok ng pulis ang biktima sa likod.

Sa takot ng dalawa ay tumakbo pauwi sa kanilang bahay pero sinundan siya ng pulis at sa pagkakataong ito ay armado siya ng kanyang service firearm at hinanap ang biktima sa ama nitong si Jessie Guevarra pero nang sinagot ng huli ay sampal ang kapalit.

Ilang sandali pa ay nahanap ng suspek ang biktima sa kanilang kusina kung saan dinala ito sa kalapit na creek hanggang sa nakarinig na lamamg sila ng putok ng baril.

Pinuntahan ng mga kamag-anak ng biktima kung saan naabutan nila sa creek na may tama ng bala sa tiyan kaya isinugod ito sa ospital.

Ayon kay Binon, posibleng naingayan lamang ang nasabing pulis at dahil lasing na lasing kaya ito nagalit.
Naaresto naman ang suspek sa isinagawang follow up operation.

Please follow and like us:
Read More

LASING NA RIDER, SHOOT SA MANHOLE, PATAY

accident121

(NI SIGFRED ADSUARA)

DAHIL sa sobrang kalasingan at mabilis na pagmamaneho, nakipagpatintero sa kamatayan ang isang 38-anyos na security guard nang bumulusok ang minamanehong motorsiklo sa isang manhole sa Trece Martires City, Cavite.

Hindi na umabot nang buhay sa MV Santiago Medical Center ang biktimang si Christian Luneta, ng  385 Brgy. Paradahan 1 Tanza, Cavite.

Sa ulat ni Pat. John Gregory Bago, ng Trece Martires City Police Station, dakong ala-1:48 ng madaling araw nang maganap ang insidente sa kahabaan ng Governor’s Drive ng naturang lungsod kung saan  minamaneho ng biktima ang kanyang motorsiklong Yamaha DT125 na may plakang PC 5115.

Binabagtas ng biktima ang nasabing lugar patungo sa direksiyon ng Manggahan sa Gen. Trias City Cavite at pagsapit sa tapat ng Waltermart nang nawalan ng kontrol ang kanyang manibela.

Dahil sa kalasingan ay bumulusok ang kanyang motorsiklo sa isang malalim na manhole dahilan upang mabagok ang ulo na nagresulta sa kanyang kamatayan.

 

Please follow and like us:
Read More

BUY BUST: LIVE IN PARTNERS NAKIPAGBARILAN; 1 PATAY

(NI CYRILL QUILO)

PATAY ang isang lalaki habang sugatan ang kanyang live-in partner nang makipagbarilan sa mga pulis matapos pumalpak ang buy bust operation sa Brgy. Niyugan, Laurel, Batangas hanggang sa Brgy. Anuyong Alfonso, Cavite, Miyerkoles ng hapon.

Ayon sa report ni PCPT Garry Abregunda ng Laurel Municipal Police Station kay Batangas Provincial Director PLt. Col. Edwin Quilates, kinilala ang mag live in partners na sina Reinier Ambion, ng Brgy.1 Amadeo Cavite at Marygrace Casulang, residente ng Sarrido Salitran 3 Summerwind Phase 2 Excess Lot Dasmarinas Cavite.

Nakatunog ang dalawang suspek na pulis ang kanilang ka-transaksyon kaya’t nagmadaling tumakas gamit ang puting kotseng Chevrolet na may Plate number ZAG 607, bandang ala 1:40 ng hapon.

Matinding habulan habang nagbabarilan sa daan ang mga suspek mula Laurel Batangas na nagtapos sa Alfonso Cavite. Humantong sa pagkamatay si Ambion samantalang si Casulang ay dinala sa Tagaytay Medical Hospital upang gamutin.
Kamakailan lang nag plea bargaining ang magkalive-in dahil nasangkot na din sila sa droga.

Nakuha ang limang plastic sachet na hinihinalang  shabu na may bigat 25 grams, isang 38 cal. revolver at ilang bala sa loob ng kanilang sasakyan .

Patuloy pa rin ang isinasagawang imbestigasyon ng pulisya.

Please follow and like us:
Read More