BUHAY NA SANGGOL NATAGPUAN SA TABING-DAGAT

(NI JG TUMBADO)

ISANG buhay na sanggol na hinihinalang itinapon ang natagpuan ng mga residente sa tabing-dagat sa  Barangay  Bonot, Santa. Rosa Calabanga, Camarines Sur, Miyerkules ng hapon.

Nagulat ang mga residente nang makita ang sanggol na nakadapa at walang saplot sa mga puno ng  bakàwan.

Dali-dali naman itong sinaklolohan ng mga residente, binalutan ng damit at dinala sa Rural Health Unit ng bayan.

Ayon sa  barangay chairman na si Elmer Tanael, pinasok na ng langgam ang tainga ng bata at pinasok na rin ng mga insekto ang katabing  inunan ng sanggol.

Mabuti na lamang aniya at low tide kung kaya’t hindi nalunod ang bata.

Pinangalanan muna ito ng mga awtoridad  na Angela Mirah.

Nasa ligtas na rin itong kalagayan matapos maipagamot sa nasabing ospital.

Marami na rin umano ang nagpahayag na ampunin ang sanggol subalit, ayon sa DSWD  hihintayin muna ang magiging resulta ng imbestigasyon ng Women and Children Protection Desk ng PNP Calabanga,  hinggil sa kung sino ang mga magulang nito  at kung sino ang nagtapon nito sa lugar.

Posible umanong taga roon din sa malapit sa lugar ang nag-iwan sa sanggol.

 

Please follow and like us:
Read More

NAUBUSAN NG PULUTAN; LOLO KINATAY

crime44

(NI ANNIE PINEDA)

MISTULANG basurang itinapon ang bangkay ng isang lolo sa bundok nang pagsasaksakin ng kanyang kainuman na umano’y naubusan ng pulutan habang nag-iinuman, iniulat kaninang umaga sa probinsya ng Camarines Sur.

Kinilala ang biktimang si Jose Villanueva, 63, ng Ragay, Camarines Sur.

Tugis naman ng pulisya ang suspek na kinilalang si Adrian Miranda.

Batay sa report ng pulisya, bago ang insidente, nag-iinuman ang suspek at biktima kasama ang isang Edwin Manriza nang magkaroon umano ng pagtatalo na nauwi sa pananaksak ng suspek sa biktima hanggang sa mamatay, nang wala na umanong mailatag na pulutan.

Kuwento ni Manriza, nagulat na lamang siya nang hiramin sa kanya ni Miranda ang kanyang kalabaw na may karetelya at isinakay ang naliligo sa dugong bangkay ng biktima.

Sinabihan pa siya ng suspek na patay ang biktima at itatapon niya ito sa bundok saka mahigpit pa siyang pinagsabihan na huwag magsusumbong na ito ang pumatay sa biktima.

Subalit, hindi pinatulog ng kanyang konsensiya si Manriza at nagsumbong na ito sa pulisya pero nakatakas na ang suspek.

Patuloy naman ang imbestigasyon ng pulisya sa insidente.

 

Please follow and like us:
Read More

BABAE, GINAHASA, SINUNOG

crime44

(NI ANNIE PINEDA)

SUNOG ang ulo, walang saplot nang matagpuan ang bangkay ng isang babae na pinaniniwalaang ginahasa muna saka pinatay ng hindi pa kilalang suspek, sa Camarines Sur.

Inaalam na ngayon ng mga awtoridad ang pagkakakilanlan sa biktima na tinatayang nasa 30 hanggang 40 anyos.

Batay sa report, natagpuan ang hubad at sunog na katawan ng biktima sa Sitio Rawis, Barangay Patitinan, Sagnay, Camarines Sur.

Sa pagresponde ng mga pulis, nakapulot sila ng isang basyo ng bala sa hindi pa mabatid na kalibre na armas.

Nagpapatuloy naman ang ginagawang pagsisiyasat ng pulisya para alamin ang tunay na motibo sa krimen at pagkakakilanlan sa suspek.

Nanawagan na rin ang pulisya sa mga residente na may nawawalang kaanak para sa pagkakakilanlan sa biktima.

 

Please follow and like us:
Read More

KAMAY PUTOL SA KAPITBAHAY

crime44

(NI ANNIE PINEDA)

PUTOL ang kamay ng isang ama makaraan pagtatagain ito ng kanyang kapitbahay na hindi inimbitahan sa pamamanhikan ng kanyang anak, iniulat kaninang umaga sa probinsya ng Camarines Sur.

Kinilala ang biktimang si Julito Buen, 62, habang tugis naman ang suspek na kinillang si Rosales Saralde, 33, at kapwa residente ng Brgy.Cambalidio, Libmanan, Camarines Sur.

Batay sa report ng Libmanan-PNP, namanhikan ang anak na lalaki ng biktima sa kasintahan nito at hindi naimbitahan ang suspek.

Habang nasa kalagitnaan ng okasyon, bigla na lamang sumugod ang suspek na armado ng itak at galit nag alit na kinompronta ang biktima bakit hindi man lamang ito inimbitahan.

Sinubukan pakalmahin ng biktima ang suspek pero pinagtataga na ito at sinangga niya ang kanyang kamay kaya ito naputol.

Agad naman dinala sa ospital ang biktima para at nilapatan ng lunas habang mabilis na tumakas ang suspek sa hindi malamang direksyon.

Please follow and like us:
Read More

MAG-AMA SUGATAN SA SUMABOG NA GRENADE LAUNCHER

crime44

(NI NICK ECHEVARRIA)

SUGATAN ang mag-ama matapos aksidenteng tamaan ng sumabog na grenade launcher sa Pili, Camarines Sur, Linggo ng gabi.

Nakilala ang mga biktima na sina Christian Almazan, 35, at ang 9 taong gulang na anak nitong si Zaira na kapwa isinugod sa Bicol Medical Center sa Naga City.

Sa ulat na nakarating sa Camp Crame mula kay  Police Regional Office (PRO) Director P/BGen. Arnel Escobal, ang pagsabog  sa Zone 5, Brgy. San Vicente, Pili , Camarines Sur , ay naganap bandang alas-10:32 ng gabi.

Batay sa  imbestigasyon, nakikipag-inuman si Almazan sa kanyang mga kaibigan sa nabanggit na  lugar nang bigla itong pumasok sa kanyang kuwarto, subalit ilang saglit lamang ay narinig na ang malakas na pagsabog mula sa tinutuluyang kwarto ni Almazan na halos yumanig sa lugar.

Nang alamin ng mga kainuman ng biktima  kung ano ang nangyari, natuklasan na lamang nilang sugatan ang mag-ama na parehong nakahandusay sa loob ng kuwarto.

Mabilis namang rumesponde ang mga tauhan ng Scene of the Crime Operatives (SOCO) kung saan narekober ang ilang bahagi ng rifle grenade na agad nai-detonate sa isang bakanteng lote.

Palaisipan pa sa mga awtoridad kung sino ang nagpasabog sa grenade launcher.

Please follow and like us:
Read More

PUPIL NAHULOG SA PUNO NG DUHAT SA LOOB NG SCHOOL , PATAY

crime44

(NI JG TUMBADO)

NASAWI ang isang grade 5 pupil ng San Ramon Elementary School sa bayan ng Pamplona, Camarines Sur matapos itong mahulog sa puno ng duhat na kanyang inakyat sa loob mismo ng kanilang paaralan.

Nitong July 8, araw ng Lunes, sumakabilang buhay ang 9-anyos na si John Llyod Imperial matapos ang dalawang araw na pakikipaglaban kay kamatayan sa Intensive Care Unit (ICU) ng Bicol Medical Center.

Batay sa report ng Pamplona Municipal Police, nagkayayaan umano ang magka klase kabilang ang biktima na umakyat sa puno ng duhat na nasa loob ng compound ng kanilang paaralan.

Habang umano’y umaakyat sa naturang puno ang biktima ay nakita ito ng trabahador at kanya itong sinaway.

Subalit hindi ito nakinig at tumuloy lang sa pag-akyat sa may 27 talampakang taas na puno.

Sa imbestigasyon, bigla na lamang umanong nabali ang sanga na kinakapitan ng bata at tuluyang nahulog  ito at padapang lumagapak sa lupa.

Dahil sa tindi ng pagbagsak ng katawan sa lupa ay naratay ito ng ilang araw sa ospital bago tuluyang binawian ng buhay.

Ngayong Miyerkoles, July 10, ang ikasampung  kaarawan ng bata na ipinagdiwang ng kanyang mga kaanak at maging ng mga kaklase.

Please follow and like us:
Read More

MUKHA SABOG SA PINAGLARUANG SHOTGUN

crime44

(NI NICK ECHEVARRIA)

PATAY ang isang security guard nang makatuwaan nitong paglaruan ang kanyang shotgun na aksidenteng pumutok at tumama sa kanyang mukha sa Camarines Sur, Sabado ng umaga.

Dead on the spot ang biktimang si Carlo Borlagdan, 19, binata, security guard ng Winwin Construction site sa Zone 4 Barangay Del Rosario, Pamplona.

Sa ulat ni P/Capt. Gregorio Bascuna Jr, hepe ng Pamplona Municipal Police Station (MPS),  alas 7:45 ng umaga nang mangyari ang insidente habang nakaduty ang biktima sa  binabantayang kumpanya.

Nabatid naman sa salaysay ng kasamang gwardiya ng biktima na si Albert Marqueses, 19, sabay silang nakaduty nang mapansin niya na maka-ilang beses ikinakasa ng kasamang gwardiya ang 12-gauge shotgun nito dahil barado umano  at ayaw pumutok kaya sinisilip pa umano nito ang barrel ng baril.

Hindi rin siya pinakinggan ng biktima sa kabila ng kanyang patuloy na pagsaway at muling ikinasa at sinilip ng paulit-ulit ang barrel ng kanyang shotgun hanggang sa bigla na lamang itong pumutok na nagresulta sa kanyang kamatayan.

Lumalabas sa imbestigasyon ng Scene of the Crime Operatives (SOCO) ng Camarines Sur Police Provincial Office, na nabutas ang pisngi ng biktima na tinamaan ng bala habang naiwan ang isa pang bala sa nasabing baril.

Upang masiguro na walang nangyaring foul play sa insidente ay inanyayahan pa rin ng pulisya ang kasamang gwardiya ng biktima para hingan ng mga karagdagang detalye.

 

Please follow and like us:
Read More

SUV NAHULOG SA BANGIN: 8 BAKASYUNISTA SUGATAN

accidentsign1

WALO katao ang sugatan nang mahulog sa bangin ang sinasakyang SUV sa Presentacion, Camarines Sur.

Nabatid mula sa Municipal Disaster Risk Reduction and Management Officer (MDRRMO) ng Presentacion na binabaybay ng Toyota Fortuner ang Sitio Angkulan, Barangay Sta. Maria ng nasabing bayan nang mangyari ang aksidente, madaling araw ng Miyerkoles.

Kasamang lulan umano sa sasakyan ang dalawang senior citizen at isang 13-anyos na menor de edad.

Galing umano sa island hopping sa isla ng Caramoan ang mga biktima at pauwi na sana sa bayan ng Tinambac.

Posible umanong inantok ang hindi pa matukoy na driver ng sasakyan dahil wala umano ito sa tamang linya ng kalsada bago mahulog sa 20 metrong lalim ng bangin.

Tulong tulong naman nagresponde ang mga MDRRMO mula sa Goa, Lagonoy, Sagnay, Edmero kabilang rin ang PNP at BFP para makuha ang mga biktima.

Agad naman aniyang dinala sa pagamutan ang mga biktima kung saan tatlo umano dito ang nasa kritikal ang kalagayan.

 

Please follow and like us:
Read More

6 BATA NAKALIGTAS SA PAGDUKOT SA CAMSUR

foil

(NI JG TUMBADO)

LIMANG kalalakihan na umanoy nagtangkang dumukot sa tatlong elementary pupil ang tinutugis ng mga awtoridad sa bayan ng Iriga, sa Camarines Sur Biyernes ng umaga.

Dumulog sa himpilan ng pulisya kasama ang kanilang mga kaanak upang ipagbigay alam ng mga biktima ang sinapit ng mga ito sa hindi pa makilalang mga suspek sa tangkang pagkidnap.

Base sa inisiyal na imbestigasyon ni PO2 Marisol Paloma ng Iriga City police, naglalakad lamang umano ang tatlo papasok sa eskwelahan bago mag alas 6 ng umaga nang harangin umano sila ng isang kulay puting van kung saan lumabas ang mga suspek.

Pero nagawa umanong makatakbo ang isa sa tatlong bata habang ang dalawang naiwan ay sapilitang isinasakay ng mga suspek papasok sa loob ng van.

Ilang saglit pa ay nagawa rin umanong makawala ang dalawang biktima nang kapwa kagatin nila ang mga kamay ng suspek at mabilis din na tumakbo palayo mula sa kanilang abductors.

Naglatag na ng mga checkpoints ang pulisya sa ilang mga lugar na pinaniniwalaang daraanan ng mga suspek.

Please follow and like us:
Read More

RESIDENTE ILILIKAS DAHIL SA MALAMBOT NA LUPA

lanslide

NAGA CITY – Habang lumalakad ang araw ay patuloy na nadaragdagan ang biktima ng landslide dahilan para ilikas na ang may 1,000 residente sa posible pang mga pagguho ng lupa sa Barangay Iraya, Buhi, Camarines Sur.

Masyado umanong malambot ang lupa sa maraming lugar sa Camarines Sur kaya’t nagdesisyon nang ilikas ang mga residenteng nakaligtas sa mga pagguho. Kagabi ay may report sa patuloy na pagtaas ng bilang ng mga narerekober na bangkay. Umaabot na sa 22 biktima ang nakuha habang marami pa ang iniulat na nawawala.

Nagpasiya na rin ang lokal na pamunuan na pansamantalang itigil ang retrieval operations sa Barangay Ipil dahil delikado umano sa kaligtasan ng team dahil sa sobrang lambot ng lupa.

Please follow and like us:
Read More