10 SUGATAN SA BANGGAAN NG TREN, VAN

(NI CYRILL QUILO)

CALAMBA, Laguna- Isang van ang sumalpok sa rumaragasa tren ng PNR sa Purok 6 ,Brgy. Rd Parian, Calamba, Laguna, ngayong Martes.

Ayon sa inisyal na imbestigasyon ni PolLt. Col. Jac Malinao, bandang alas 4:50 ng madaling araw patungong Tutuban Maynila ang tren ng Philippine National Railways PNR nang tumawid ang puting van lulan ang driver na si Jourdan Charlie Lunaria, 31, ng JP Rizal St. Victoria, Laguna at Miguel Aguilar, 22, ng Brgy. Looc Calamba City.

Nahagip ang kaliwang bahagi ng van na tutungo sa Brgy. Parian. Sumalpok ito sa rumaragasang tren saka tumama sa ilang kabahayan nina Albert Bunagwa, Mark Lester Ricafranca at Jennielyn Leonen.

Damay din sa banggaan ang isang tricycle ni Gloria Villanueva.

Samantala, sugatan naman ang apat pang residenteng sina Nilda Leonen,Lea  Chavez,Lorena Tiamzon at Jan Aireel Manood.

Sa pangunguna ni Jeffrey Rodriguez, ng Public Order and Safety Office (POSO) dinala ang lahat ng mga sugatan sa JP Rizal Memorial Hospital upang lapatan ng lunas.

Please follow and like us:
Read More

GASTUSIN SA MGA BIKTIMA NG PLANE CRASH SAGOT NG LION AIR

(NI DAVE MEDINA)

TINIYAK ng Lion Air, may-ari ng medical evacuation plane na bumagsak sa resort sa Calamba City, Laguna,  na handa nilang bayaran ang gastusin sa ospital at pagpapalibing sa mga biktima ng aksidente.

Gayunman, uunahin umano nilang maibigay sa mga kaanak ang labi ng mga biktima, at mabigyan nang maayos na medical attention ang mga sugatan at nasaktan.

“So far right now, we’re managing all of the funeral expenses. The rest of the expenses…corporate will have more answers,” sabi ni Atty. Lester Ople, abogado ng Lion Air sa panayam.

Haharapin din umano ng Lion Air ang posibleng pagpapatawag ng imbestigasyon ng mga awtoridad, kagaya ng Civil Aviation Authority of the Philippines (CAAP).

Sa inilabas na pahayag ng CAAP, bumagsak ang BE350 medical evacuation aircraft na may registry number RP-C2296 sa resort sa Bgy. Pansol, Calamba, Laguna

Kinilala ang mga biktima na sina Capt. esus Hernandez (piloto), First Officer Lino Cruz Jr (copilot), Dr. Garret Garcia, Kirk Eoin Badila (nars), Yamato Togawa (nars), Ryx Gil Laput, Raymond Bulacja, Tom Carr (pasyente) at asawa nitong si Emma Carr.

Umalis ng Dipolog City ang eroplano dakong 1:40 ng hapon patungo ng Maynila para sa isang medical evacuation flight para maipagamot ang lalaking pasyente pero bumagsak sa swimming resort.

Kasama sa mga biktima ang dalawang caretaker ng isang resort sa Barangay Pansol na kinilalang sina Malou Roca, 49, at anak niyang si John Ray Roca , 19.

Kasalukuyang nagpapagaling na ang mag-ina sa Calamba Doctor’s Hospital makaraang magtamo ng mga paso sa iba’t ibang parte ng katawan.

Please follow and like us:
Read More

BABAENG ANAK NG EX-MAYOR TIGOK SA PAMAMARIL

(NI NILOU DEL CARMEN)

PATAY ang isang 53-anyos na babae na anak ng dating mayor  matapos pagbabarilin sa harap ng kanilang bahay sa Calamba City, Linggo ng hapon.

Mga tama sa iba’t ibang bahagi ng katawan ang ikinasawi ng biktimang si Maria Rosario Delmo Tan, residente ng Barangay 6.

Ang biktima na isa ring negosyante at nagmamay-ari ng sabungan sa lungsod ay anak ng dating mayor ng Calamba City na si Salvador Delmo.

Batay sa report ng Calamba City police, pahinto na ang sinasakyang Toyota Fortuner ng biktima sa harap ng kanilang bahay nang lumapit ang gunman at walang habas na paputukan ang biktima na nakaupo sa passenger seat ng SUV alas-5:30 ng hapon.

Nahagip din ng mga bala ang driver nito na si Allan Salarila Valenzuela.

Mabilis na tumakas ang hindi nakilalang salarin matapos ang insidente.

Agad isinugod ang dalawa sa Calamba Medical Center subalit nalagutan din ng hininga ang biktima makalipas ang isang oras habang nilalapatan ng lunas.

Patuloy ang malalim na imbestigasyon ng pulisya at inaalam kung ano ang motibo at kung sino ang suspek at ang nasa likod ng krimen.

 

Please follow and like us:
Read More

SUSPEK SA EXTORTION, TINODAS SA HIGHWAY

crimeshooting

(NI NILOU DEL CARMEN)

ISANG umano ay extortionist  at miyembro ng criminal group ang pinagbabaril  hanggang sa mapatay ng mga hindi nakilalang salarin na magkaangkas sa motorsiklo sa Calamba City Huwebes ng hapon.

Kinilala ang napatay na si Alfredo Fajardo, miyembro umano ng Marvin Fajardo criminal and drug group na nag-ooperate sa Calamba City at sa iba pang bahagi ng Laguna.

Batay sa report ng Calamba City police, sakay ng motorsiklo ang biktima at tinatahak ang national highway sa Barangay Lecheria nang makita na hinahabol ito ng dalawang armadong lalaki na magkaangkas sa motorsiklo alas 3:40 ng hapon.

Nagawang makapasok ng biktima sa isang maliit na eskinita  sa gilid ng isang restaurant subalit naabutan pa rin ito ng mga suspek.

Walang awang tinadtad ito  ng bala ng dalawa at  nagtamo ng mga tama sa iba’t ibang bahagi ng katawan na agad nitong ikinamatay.

Sa patuloy na imbestigasyon, napag-alaman na batay sa record ng Police Regional Office 4A, nahaharap ito sa ilang reklamo ng  pangingikil.

Inireklamo rin ito ng ilang negosyante sa Calamba City dahil umano sa pagbabanta at pagpapadala nito ng mga death threat sa  kanyang mga binibiktima.

Inaalam naman ng mga pulis kung sino ang mga salarin at kung ano talaga ang motibo sa krimen.

 

Please follow and like us:
Read More

TULAK BULAGTA SA DRUG BUST

crimeshoot

(NI CYRILL QUILO)

PATAY ang isang tulak nang manlaban sa operatiba ng Laguna Police Provincial Office / Drug Enforcement Unit (LPPO/DEU) sa isinagawang drug buy bust operation sa Bgy. Prinza, Calamba City, Biyernes ng hapon.

Kinilala ni Police Lt. Col. Jac Malinao, hepe ng Calamba City Police ang nasawing suspek na si Eduardo Dumasing, residente sa naturang barangay.

Si Dumasing ay kabilang sa Directoriate Intelligence watchlist ng Calamba police.

Sa imbestigasyon ni Pat. Robinson Manaig, may hawak ng kaso, naganap dakong alas 2:30 ng hapon ang isinagawang buy bust operation sa hideout nito kung saan nakatunog na pulis ang katransaksiyon at nauwi sa barilan ang bentahan ng droga.

Nabawi ng operatiba ng pulisya ang isang heat sealed plastic sachet ng hinihinalang shabu, isang kalibre .45 pistol, marked money at tatlong piraso ng fired cartrige.

Ayon sa pulisya , ang pagkapatay kay Dumansing ay patunay lamang na nababawasan sa lungsod at karatig na mga barangay ang talamak na iligal drug trade.

Please follow and like us:
Read More

SPA NA PROSTI JOINT, 24 SINAGIP

prosti

(TEKSTO/PHOTO BY NILOU DEL CARMEN)

NASA 24 na kababaihan ang na-rescue ng mga pulis matapos salakayin ang  dalawang spa clinics na front umano ng prostitution sa Calamba City Sabado ng gabi.

Inaresto rin ang dalawang cashier ng mga spa   habang sasampahan naman ng kaso ang mga may-ari  ng naturang establisyemento.

Kinilala ni Senior Supt.  Eleazar Matta, Laguna Police Provincial Director, ang naaresto na sina Ian Rosen Tacumba, cashier ng   Aquarius Massage Clinic, at Mary Rose Delos Reyes Moreno, cashier ng Divine Massage and Spa.

Unang sinalakay ng mga tauhan ng Provincial Intelligence Branch (PIB) at Calamba City police    ang Aquarius Massage Clinic na nasa Barangay Halang matapos na makumpirma ng surviellance team na  bukod sa massage services ay nag-o-offer pa ito sa mga kliyente ng “extra sexual service” sa halagang mula P1,500.00 pataas.

Na-rescue rito ang 18 kababaihan na nagtatrabaho bilang mga masahista.

Nasa anim namang mga  kabataang babae ang nakuha ng mga awtoridad sa Divine Massage and Spa na nasa Barangay Real na siyang kasunod na sinuyod ng mga pulis.

kinustodiya muna ng Calamba police ang mga babae habang pinoproseso ng Department of Social Welfare and Development ang paglipat sa kanila sa temporary shelter.

Sasampahan naman ng kasong paglabag sa  Anti-Trafficking in Persons Act of 2003 (RA 9208) as amended by Expanded Anti-Trafficking in Persons Act of 2012 (RA 10364)  ang dalawang kahera at ang mga may-ari ng dalawang spa na sina Horace Louie Asis at Rolando Mapa.

Please follow and like us:
Read More

BABAENG ASSET NILIKIDA

shoot

(NI NILOU DEL CARMEN)

PATAY ang isang babaeng asset ng mga pulis makaraang barilin ng isang hinihinalang hitman sa Calamba City, Laguna kamakalawa ng gabi.

Napatay naman ng mga nagrespondeng pulis ang suspek nang ito ay makipagbarilan habang papatakas sa crime scene.

Kinilala ang biktima na si Lyza Pelante Cunanan, 38, residente ng Barangay Parian, Calamba, habang nakilala rin ang suspek sa pamamagitan ng TIN ID na nakuha dito na si Mauro Atienza Sandoval Jr.,40, residente ng Sitio Mckinley, Barangay San Francisco, Victoria, Laguna.

Ayon kay Superintendent Harold Depositar, hepe ng Calamba police, si Cunanan ay dating drug addict na naging volunteer police asset na siyang naging daan  para maaresto ang ilang mga bigtime pusher sa Calamba City at mga karatig lungsod at bayan.

Posible umanong benggansa laban sa biktima ang siyang motibo sa krimen.

Batay sa imbestigasyon, dakong alas 10:20 ng gabi nang pagbabarilin ng suspek ang biktima at ang kasama nitong  si  Bryan Gelilio Alcasabas sa may tabing riles sa   Sitio Ilaya, PNR Site, Brgy. Parian.

Dead on the spot si Cunanan samantalang sugatan naman si Alcasabas.

Papatakas na ang  suspek nang masabat ito ng mga magreresponding pulis.

Nagkaroon ng maiksing barilan na humantong sa pagkapatay sa suspek.

Narekober dito ang isang kalibre 45 baril na ginamit nito sa pamamaril.

Please follow and like us:
Read More