TULAK KALABOSO SA P.4-M BATO

arrested88

KALABOSO ang isang hinihinalang tulak ng ilegal na droga makaraang makumpiskahan ng mahigit P.4 milyong halaga ng umano’y shabu sa buy-bust operation sa Malabon City, nitong Miyerkoles ng madaling araw.

Kinilala ang dinakip na si Jonathan Swing y Aranas, 29, nahaharap sa kasong paglabag sa RA 9165 o Comprehensive Dangerous Drugs Act of 2002.

Ayon sa pulisya, dakong alas-2:50 ng madaling araw nang isagawa ang operasyon laban sa suspek sa panulukan ng Dr. Lascano St. at P. Aquino St., Brgy. Tugatog, Malabon City.

Isang poseur buyer umano ang nakaiskor ng isang sachet ng shabu na tinatayang P1,000 ang halaga, kaya’t dinamba ng mga awtoridad ang suspek.

Nakuha sa pag-iingat ng suspek ang limang sachet ng shabu na tumitimbang ng 61 gramo na may presyong P414,800 at buy-bust money. (ALAIN AJERO)

Please follow and like us:
Read More

TULAK HULI SA BUY-BUST

huli

NAKUMPISKA ng mga tauhan ng Taguig City Police ang P572,500 halaga ng shabu, ecstacy at baril sa isang lalaking sinasabing drug pusher sa ikinasang buy-bust operation sa lungsod kamakalawa ng gabi.

Ang suspek na si Michael Gumaro, 31, alyas Putol, ng Block 66, Lot 2, Phase 3, Upper Bicutan, Taguig City, ay naaresto bandang alas-9:30.

Nakuha kay Gumaro ang 83 gramo ng shabu, 7 tableta ng ecstacy, .38 kalibreng baril paraphernalia, P2,000 marked money at mobile phone.

Ayon sa ulat, inaresto si Gumaro matapos iabot sa isang poseur buyer cop ang shabu kapalit ng buy-bust money.

Nakapiit ang suspek sa Taguig Police Station detention cell at walang piyansang inirekomenda ang piskalya para sa kanyang pansamantalang paglaya matapos sampahan ng kasong paglabag sa Comprehensive Dangerous Drugs Act of 2002.  (Dave Medina)

Please follow and like us:
Read More

SUNDALO, MISIS TIMBOG SA BUY-BUST

arrested12

(NI DONDON DINOY)

DAVAO CITY– Naghimas na sa rehas ang isang sundalo at asawa nito matapos mahuli sa isang buy-bust ng mga otoridad sa Villa Cacacho Subdivision, Barangay Mankilam, Tagum City, Biyernes ng umaga.

Isinagawa ng Philippine Drug Enforcement Agency (PDEA)-Davao, National Bureau of Investigation (NBI)-Davao at Tagum Police Station, ang operasyon laban kay Staff Sergeant Ramil Edullantes, miyembro ng 10th Infantry Division, at asawa nitong si Flora Mae.

Nakuha sa posisyon ng mga naaresto ang walong gramo ng pinaghihinalaang shabu, marked money, cellphone, at drug paraphernalia.
Ayon sa mga otoridad matagal na nilang minanmanan ang kilos ng suspek hanggang sa maikasa ang operasyon.

Kinokonsiderang high-value target (HVT) sa kanilang talaan ang mga suspek.

Sa ngayon ay inihanda na ng pulisya ang kaso laban sa mag-asawa.

 

Please follow and like us:
Read More

EX-COP TODAS SA BUY BUST

(NI AMIHAN SABILLO)

PATAY nang ideklara ng mga doktor ang isang retiradong pulis na nakipagbarilan samga kawani ng Philippine National Police (PNP) sa isinagawang buy bust operation, Lunes ng hatinggabi sa Novaliches, lungsod ng Quezon.

Kinilala ni PNP-Integrity Monitoring and Enforcement Group (IMEG) commander Colonel Romeo Carramat Jr. ang napaslang na si retired Police Colonel Tirso Agustin Lactaotao, 48, at residente ng Barangay Bagumbayan, Pililia, Rizal.

Dakong alas- 12:25 ng hatinggabi sa kahabaan ng Austria street, Novaliches, Quezon City, nangyari ang buy bust operation ng pinagsamang puwersa ng mga elemeto ng IMEG , Regional Special Operation Group (RSOG) ng National Capital Region Police Office (NCRPO) at Police Regional Office(PRO)4A.

Nagkaroon pa umano ng bahagyang negosasyon nang makatunog ang dating pulis na ang kanyang katransaksyon ay mga operatiba ng pulisya subalit nanlaban umano ito kaya nauwi sa barilan na ikinasawi nga ng suspek.

Sinabi pa ni Caramat na ang nasawing suspek ay sangkot umano sa pagre recycling at pagbebenta ng illegal drug sa lalawigan ng Rizal at kalapit na lugar kasabay ng paggamit na din ng droga.

Narekober naman mula sa suspek ang isang caliber 9mm pistol, PNP ID, PDEA ID, AMSLAI ID, PSSLAI ID , tatlong empty shells para sa caliber 9mm pistol, dalawang piraso ng tig- P1,000 buy-bust money; 7 sachets na pinaniniwalaang shabu at 2 cellphone units.

 

Please follow and like us:
Read More

2 TIMBOG SA BUY BUST

(NI LYSSA VILLAROMAN/PHOTO BY DANNY BACOLOD)

TIMBOG sa ikinasang buy-bust operation ng Pasay City police Station Drug Enforcement Unit (SDEU) ang isang construction worker at isang masahista na parehong nasa drug watchlist ng pulisya, Biyernes ng gabi.

Kinilala ni Pasay police chief Colonel Bernard Yang ang mga arestadong suspects na sina Ricky Rosagas, alyas  Kuya, 46, residente ng 1120 Hyacinth St., at Catherine Bareja, 37, ng 1144 Hyacinth St., na pawang nasa Brgy. 184 Zone 19, Maricaban, Pasay City.

Base sa report na isinumite kay Yang ng hepe ng SDEU na si P/Capt. Deni Mari Pedrozo, naisagawa ang buy-bust operation bandang alas 9:40 ng gabi sa mismong bahay ni Rosagas.

Nauna rito, nakatanggap ng impormasyon si Pedrozo tungkol sa ilegal na aktibidad ng mga suspect kung kaya’t nagkasa ang tropa ng SDEU ng buy-bust operation na nagdulot ng pagkakaaresto sa mga suspect.

Nakumpiska sa posesyon ng mga suspect ang walonog  plastic sachets na naglalaman ng hinihinalang shabu at ang marked money na P1,000 na ginamit sa naturang operasyon.

Nasaksihan nina Teddy Rosales at Jesus Fernandez, kapwa Barangay Kagawad, at Eric Jason Drew ang pag-iimbentaryo ng mga nakumpiskang droga sa mga suspect.

Ang mga nakumpiskang shabu na tumitimbang ng 35.2 gramo at nagkakahalaga ng P239,360 ay dinala sa SPD Crime Laboratory para dumaan sa chemical analysis.

Ang mga suspect ay kasalukuyang nakapiit sa SDEU custodial facility habang inihahanda ang pagsasampa sa kanila ng kasong paglabag sa RA 9165 o anti-drugs law.

Please follow and like us:
Read More

BRGY HALL BAGSAKAN NG DROGA; TSERMAN HULI SA BUY BUST

SHABU-ARRESTED

(NI ANNIE PINEDA)

SHOOT sa kulungan ang isang punong barangay na nasa drug watchlist matapos madakip ng mga awtoridad sa ginawang buy bust operation sa probinsya ng Leyte.

Kinilala ang nadakip na si PB Beinvinido Tijano Lozada Jr., 43, kapitan ng Barangay Bahay , Abuyog, Leyte.

Batay sa report ng Abuyog Police Station, nadakip ang suspek sa mismong barangay nang magpanggap na buyer ang isang kasapi ng pulis at aktong nagkaabutan ng droga at saka dinamba si Lozada.

Nakuha mula sa suspek ang limang pakete ng hinihinalang shabu na aabot sa halagang P5,000, cellphone at P1,000 na ginamit bilang buy bust money.

Sinampahan na ng kasong paglabag sa RA 9165 o Comprehensive Dangerous Drugs Act of 2002 ang suspek.

 

Please follow and like us:
Read More

29 KATAO KALABOSO SA BUY-BUST SA CAVITE

(Ni SIGFRED  ADSUARA)

UMABOT sa 29 katao na hinihinalang mga drug user ang pinagdadampot ng Cavite police sa magdamag na buy-bust operation sa magkakahiwalay na lugar kung saan mahigit sa P194K ang halaga ng shabu ang nasabat sa Cavite.

Sa ulat ng Cavite Police Provincial Police Office (CPPO), nanguna ang Kawit sa may pinakamataas na bilang ng naaresto na umabot sa 5; kasunod ang Imus City na may 4; habang tig-3 naman sa Bacoor City; tig-2 naman sa Kawit at Gen. Trias City at  tig-1 sa Tagaytay City  at Dasmariñas City.

Ang nasabing operasyon ng pinagsamang puwersa ng Cavite police at  PDEA PRO4A  ay isinagawa sa loob ng 24-oras.

Ang mga naarestong suspek ay sinampahan na ng kasong paglabag sa RA 9165 at kasalukuyang nakakulong sa Cavite Custodial Center.

Please follow and like us:
Read More

P1.5-M SHABU NAKUMPISKA SA BUY BUST

SHABU-ARRESTED

(NI CHERK BALAGTAS)

TATLONG mga umano’y notorious na tulak ng ipinagbabawal na gamot ang naaresto sa isinagawang buy bust operation ng mga awtoridad kung saan nasa 225 gramo ng shabu na nagkakahalagang P1.5 milyon ang nakumpiska sa kanila sa Lungsod ng Navotas, Linggo ng madaling araw.

Sa ulat ni Navotas City Police Chief P/Col. Rolando Balasabas, kinilala ang mga suspek na sina Warly Romay, 36, Edmundo Quijano, 48, pawang ng R. Domingo Street, Barangay Tangos North; Roxanne Jimenez, 36, ng Golden City, Taytay, Rizal at Romeo Limbaro, 32, na nakatakas at pinaghahanap na ngayon ng pulisya.

Ganap na alas-3:30 ng madaling araw nang magkasa ng operasyon ang mga tauhan ng Station Drug Enforcement Unit (SDEU) sa pamumuno ni P/Lt. Charlie Bontigao sa lugar nina Romay at Quijano na may isang linggo na ring nasa surveillance operation.

Nang magkaabutan na ng inorder na shabu at marked money na P500 ay doon na dinamba ng mga awtoridad ang tatlong sa mga suspek ngunit nagawang makatakas ni Limbaro.

Nang kapkapan ay nasa 79 piraso ng small heat-sealed transparent plastic sachets ng shabu ang nakuha sa kanila na may street value na P1.539,090.90 milyon at iba’t ibang mga drug paraphernalia.

Nasa kustodiya na ng Navotas City detention facilities ang mga naarestong suspek at nahaharap sa kasong RA 9165 o Comprehensive Dangerous Drugs Act of 2002, patuloy naman ang manhunt operation sa nakatakas na suspek.

Please follow and like us:
Read More

P6.8-M SHABU SA TEABAGS NASAMSAM SA P’QUE BUY BUST

(NI ROSE PULGAR)

NASA P6.8 milyong halaga ng shabu na nakalagay sa lalagyan ng tsaa ang nakumpiska sa lalaking naaresto sa buy-bust operation ng mga awtoridad sa Paranaque City, Miyerkoles ng hapon.

Kinilala ni Southern Police District (SPD) Director Police Brig. General Nolasco Bathan ang nadakip na si Bayan Salamat Ibrahim, 32, ng 10 C Ninoy Aquino Avenue, Barangay San Dionisio ng nabanggit na lungsod.

Lumabas sa report ng pulisya, dakong ala-1:30 kamakalawa ng hapon nang madakip ang suspect ng pinagsanib na pwersa ng Caloocan City Police at Paranaque City Police sa Russia St., Brgy. Don Bosco ng nabanggit na lungsod.

Ayon kay Bathan, nakatanggap ng report ang Caloocan City Police hinggil sa pagbebenta ng droga ng suspect.

Nakipag-ugnayan ang Caloocan Police sa tanggapan ng Paranaque City Police hanggang bumuo ng team para sa buy-bust operation laban sa suspect.

Isa sa mga pulis ang nagpanggap na bibili ng droga at nang magpositibo ay dito na nila dinakip ang suspect.

Nakumpiska sa suspect ang shabu na 1 kilogram na nagkakahalaga ng P6.8 million, na nakalagay sa malaking tea bag na may brand na “Refine Chinese Tea”, 5 pirasong P1,000 bills at 95 pirasong P1,000 bills  boodle money, na ginamit sa buy bust operation, isang kulay puting Toyota Vios  na may plakang ABH-9953 at cellphone.

Sasamapahan ng kasong paglabag sa Republic Act 9165 o comprehensive dangerous drug act of 2002 ang suspect sa Paranaque Prosecutor’s Office.

Please follow and like us:
Read More

DALAGITA, 9 PA, NASAKOTE SA MAKATI BUY BUST

arrested

(NI DAVE MEDINA)

NASAKOTE at naaresto ang 10 katao, kabilang ang isang menor de edad, sa pagsalakay na isinagawa ng mga operatiba makaraan ang buy bust operation ng pulisya sa Camia St., Bgy. Pembo, Makati City, Martes ng umaga.

Ayon kay Makati City Police Chief PCol. Rogelio Simon, lima sa mga naaresto ay mga babae at isa ang menor de edad.

Target aniya ng buy bust operation ang isang alyas Jayson pero naaktuhan sa lugar ang siyam pang suspek kaya matapos makabili ng droga ang poseur buyer ay agad silang inaresto ng mga operatiba.

Nakuha sa mga suspect ang 81 sachet ng shabu, dalawang ecstasy tablet, 2 kalibre .45, 18 piraso ng mga bala ng kalibre .45 pistola , 15 piraso ng bala ng kalibre .22 na baril , timbangan, toother, tactical bag, holster, 2 pouch at isang Toyota Avanza na may plate # NAV 5327.

Ayon sa pulisya, nagkakahalaga ng P350,000 ang nakuhang shabu at P3,000 halaga ng ecstasy tablet sa mga suspek.

Ang mga suspek ay kinilalang sina Niro Rabina alyas Niro, Allan Conception, alyas Allan, Raymond Manlapat, alyas Mon, Venzen Valeros, alyas Jeboy, Jayson Ongmanchi, alyas  Inchik, Beatrice Donioza, Rosa Donioza, Jennelyn Flores at Maria Ronela Evangelista,  alyas Myka ; at ang menor de edad na alyas Ann Nazario na nasa pangangalaga ng Women’s Desk sa City Social Welfare and Development Office.

Nakadetine ngayon ang siyam na suspek  sa himpilan ng pulisya habang inihahanda ang isasampang kasong paglabag sa RA 9165 sa mga ito.

 

Please follow and like us:
Read More

P36-M SHABU NASABAT SA PASAY CITY

(NI KOI HIPOLITO/PHOTO BY JOVEN ORTEGA)

AABOT sa anim na kilo ng mga pinaghihinalaang shabu na nagkakahalaga ng hindi bababa sa P36 milyon ang nakumpiska sa dalawang big time drug pusher ng mga operatiba ng Philipphine Drug Enforcement Group (PDEG) sa buy bust sa Roxas Blvd.Baclaran ng Pasay City.

Kinilala ang suspek na target ng operasyon na si Emerson Fernandez at isang hindi pa kilalang suspek.

Batay sa ulat, nakipagtransaksyon ang isang pulis na nagpanggap na buyer sa mga suspek para bumili ng iligal na droga at nagkasundo na magtagpo sa nasabing lugar, Lunes ng gabi.

Nang magpositibo ang bentahan ng droga ay agad inaresto ang mga suspek at nabawi ng otoridad ang 47 plastic packs na may laman ng hinihinalang shabu at isang kulay puting Toyota Camry (XAF 784).

Mahaharap ngayon ang mga suspek sa paglabag sa violation of Sec.5 at 11 ng RA 9165 o Comprehensive Laws on Dangerous Drugs Act.

 

Please follow and like us:
Read More

5 PUSHER HULI SA P13.6-M SHABU SA ZAMBO

SHABU-ARRESTED

(NI BONG PAULO)

ARESTADO ang lima katao na sangkot sa pagtutulak ng illegal na droga makaraang makuhanan ng dalawang kilo ng shabu na nagkakahalaga ng P13.6 milyon sa ikinasang drug buy-bust operation sa isang food chain sa Barangay San Jose Gusu, Zamboanga City, linggo ng umaga.

Kinilala ang mga naaresto na sina Jumdatol Mohamod, 51; Julim Salapuddin, ng Jolo, Sulu; Yacub Alih, 39, at Pae Kamsa, 39, mga residente ng Sitio Pasay, Barangay San Roque, Zamboanga City; at isang Warid Palahudin, 62, ng Panamao, Sulu.

Ayon kay Darmalyn Jumlail, tagapagsalita ng Philippine Drug Enforcement Agency sa Western Mindanao, ang mga suspek ay nadakip sa ikinasang drug buy-bust operation sa harap ng isang fast food chain alas-10:40 ng umaga.

Nakuha sa mga suspek ang dalawang kilo ng ipinagbabawal na droga na nagkakahalaga ng P13.6 million, dalawang paper bags, isang itim na cellophane na nakabalot sa brown packaging tape, 32 bundles ng boodle money, isang public utility jeep na ginagamit ng mga suspek sa pagtutulak ng droga.

Nabatid na bago inilunsad ang buy-bust operation ay ilang araw ding minamanmanan ang mga suspek.

Please follow and like us:
Read More

PULIS, DRUG SUSPECT PATAY SA BUY BUST/ HOSTAGE

(NI KEVIN COLLANTES)

ISANG pulis, na nagsilbing poseur buyer, ang patay habang sugatan ang dalawa pa niyang kasamahan, nang pagbabarilin ng isang drug suspect na napatay rin ng mga awtoridad matapos mang-hostage pa ng siyam na bata, sa isang buy-bust operation na nauwi sa madugong engkwentro sa Pililla, Rizal, nitong Biyernes.

Batay sa imbestigasyon nina P/SSgt Dave Bias at P/Cpl Jimbo Sagofian, ng Pililla MPS sa Rizal Police Provincial Office (RPPO), nakilala ang napatay na police poseur buyer na si P/SSgt Michael Cabillo, habang sugatan naman sina P/SSgt Lazaro Guinao-wa at Pat. Paul Ryan Santos.

Samantala, patay rin ang drug suspect na si Neser Tena, residente ng Barangay Bagumabayan, ng naturang bayan.

Nabatid na dakong alas-11:10 ng umaga nang maganap ang madugong buy-bust operation sa Aida’s Farm sa Barangay Bagumbayan.

Nauna rito, nagkasa umano ng buy-bust operation ang mga tauhan ng Drug Enforcement Team (DET) ng Pililla MPS laban sa suspek, sa superbisyon ni P/Major Florante Yu, acting Chief of Police, kasama ang mga tauhan ng Explosive Ordnance Division at Special Weapons and Tactics (SWAT), matapos makatanggap ng tip hinggil sa ilegal nitong aktibidad.

Nagsilbing poseur buyer si Cabillo at bumili ng isang pakete ng shabu mula sa suspek.

Gayunman, bago pa man maaresto, ay nakahalata ang suspek na pulis ang katransaksiyon kaya’t kaagad na bumunot ng baril at pinaputukan ito, na nagresulta sa kanyang kamatayan.

Kaagad namang rumesponde ang mga back-up cops at hinabol ang tumatakas na suspek, ngunit maging sila ay pinaputukan ng suspek, na nagresulta upang masugatan ang dalawa pang pulis.

Nagawa naman umano ng suspek na makapasok sa kanyang inuupahang tahanan at hinostage ang tatlong batang nasa loob nito.

Naging siyam naman ang batang hostage ng suspek, nang matakot ang anim na bata pa sa nagaganap na putukan, at pumasok sa katabing apartment, kung saan sila pinuntahan rin ng suspek at ginawa na ring hostage.

Tinangka ng mga pulis na makipag-negosasyon sa suspek upang sumuko na at palayain na ang mga bata ngunit nagmatigas umano ito.

Nang makahanap ng tiyempo, kaagad nang binaril ng mga pulis ang suspek, na ikinamatay nito, at nasagip ang mga batang kanyang ginawang hostage.

Please follow and like us:
Read More

HIGIT P1 MILYON SHABU, NAKUMPISKA SA NIGERIAN NATIONAL

(NI SIGFRED ADSUARA)

TINATAYANG mahigit sa P1 milyon halaga ng shabu ang nakumpiska sa isang Nigerian national sa isinagawang buy bust operation sa Imus City, Cavite.

Nakakulong ngayon sa Imus City Custodial Center ang suspek na si Leonard Ohaeri, 27, isang Nigerian national at pansamantalang nakatira sa BF Resort, las Pinas City.

Sa ulat ng Imus City Police station, dakong alas-8:00 Miyerkoles ng umaga nang nagsagawa ng buy bust operation ang Drug Enforcement Unit ng Imus CPS at PDEA 4A, sa loob ng 7-11 sa Brgy Bayan Luma 4, Imus City, Cavite, kung saan target ang suspek.

Naipag-transaksiyon ang isang poseur buyer sa suspek kung saan iniabot ng huli ang isang plastic na nakatali na naglalaman ng hinihinalang shabu kapalit ng halagang P200,000 na nagresulta sa pagkakaaresto ng suspek.

Nang maaresto ay narekober din sa kanyang pag-iingat ang isang kulay green na eco bag na naglalaman ng ng shabu na may street value na P1,360,000.

Kasong paglabag sa Sec 5 at 11 ng article II ng RA 9165 ang isinampang kaso laban sa suspek. Gene Adsuara

 

Please follow and like us:
Read More

2 KANO SA OLONGAPO HULI SA BUY BUST

(NI ANNIE PINEDA)

LAGLAG ang dalawang American national sa isinagawang buy bust operation ng mga awtoridad, sa Angeles City.

Kinilala ng mga nadakip na sina Paul Montemayor, 42, at Shaneeka McAlister, 38, kapwa naninirahan sa Barangay Anunas sa Angeles City.

Batay sa report ng Philippine Drug Enforcement Agency (PDEA)- Central Luzon, ikinasa ang operasyon laban sa dalawang suspek nang makatanggap sila ng report hinggil sa iligal na pagbebenta ng kush oil na kinukuha mula sa cannabis plant, isang high-grade type ng marijuana, na mahigpit na ipinagbabawal sa bansa.

Nakuha mula sa mga suspek ang isang vape na may yellow liquid, dalawang maliit na kahon na may 33 gramo ng kush oil na aabot sa P14,000.00 halaga at buy-bust money.

Nabatid, na si Montemayor ay nagtatrabaho bilang disc jockey, habang si McAlister ay dating English teacher sa South Korea noong 2016 at nasa Pilipinas sa loob ng mahigit isang buwan bilang turista.

 

Please follow and like us:
Read More

BUY BUST: 1 PATAY, 3 SUGATAN

(NI JG TUMBADO)

NAUWI sa barilan ang drug bust operation na nagresulta sa pagkakapatay sa isang notoryus na tulak ng droga at ikinasugat pa ng dalawang pulis sa bayan ng Opol, Misamis Oriental.

Sinabi ni Major Evan Vinas, tagapagsalita ng Misamis Oriental Provincial Police Office, binunutan umano ng baril ng suspek ang dalawang pulis na umaktong bibili ng shabu nang makatunog na aarestuhin na siya nitong Biyernes ng hapon.

Nabatid na bago isagawa ang operasyon ay nakaabang na ang suspek na si Maingko Alinog sa sa tapat ng kanyang bahay at hinihintay nito ang pagdating ng kanyang mga customers.

Subalit nang dumating ang dalawang police undercover agents sa lugar ay bigla umanong pinaputukan ang mga ito ng suspek nang matunugan na mga pulis ang kanyang ka-transaksyon.

Sa kabila ng tinamong tama ng bala sa braso at kamay ay nagawang gumanti ng putok ang dalawang pulis na sina Corporal Reynante Rara, Staff Sgt. Homer Rapliza at Staff Sergeant Rex Tenio na nagpapagamot sa J.R. Borja General Hospital.

Agad nasawi ang suspek sa pinangyarihan ng shootout makaraang mapuruhan Ito.

Ang nabanggit na mga pulis ay kapwa nakatalaga sa city drug Enforcement unit ng Cagayan de Oro City Police Office (CDOCPO).

Napag-alaman na si Alinog ay kakalabas pa lamang ng piitan isang linggo na ang nakalilipas dahil sa kaparehong kaso sa pagtutulak nito ng ilegal na droga.

Si Alinog ay isinasangkot din sa brutal na pagpatay sa isang lalaking mall worker na si John Lagumbay nitong Oktubre 8 sa Barangay Camaman-an.

Please follow and like us:
Read More

POLICE OFFICIAL, 1 UTOL NG PULIS, HULI SA BUY BUST

(NI DONDON DINOY)

DAVAO CITY-Nahuli ng mga operatiba ng Philippine Drug Enforcement Agency (PDEA) at Talomo Police Station ang isang opisyal ng pulisya at kasamahang kapatid din ng isang pulis.

Isinagawa ang buy-bust operation sa Barrio Obrero nitong lungsod, Miyerkoles ng gabi.

Kinilala ang mga suspek na sina S/Sgt. Ancelito Colita, 35, ng Brgy. Sasa at nakadestino sa Marilog-PNP at Art John Muring, alyas ‘Dodong’, 40, kapatid umano ng isang opisyal na nadestino sa Davao City Police Office.

Ayon sa ulat, nagkakahalaga ng P10,500 ang mga drogang narekober ng mga otoridad mula sa mga suspek.

Nakuha rin mula sa kanilang posisyon ang dalawang maikling armas at mga bala.

Ayon sa report, bago lang nadiskubre na gumagamit ng droga ang mga suspek kung saan ang pulis ay sinasabing High Value Target.

Sinabi naman ni PRO-11 Regional Director, Police Brigadier Gen. Marcelo Morales, na posibleng ma-discharge ang nahuling pulis at posibleng ma-relieve ang kapatid na pulis ni Muring.

Nangyari ang pag-aresto habang nasa kainitan ng imbestigasyon ang sinasabing mga “Ninja Cops” sa Senado kung saan idinadawit si PNP Chief General Oscar Albayalde.

Nakatakda namang magsagawa ng press conference ang Police Regional Office-11 ngayong araw (Huwebes) tungkol sa pagkahuli ng mga suspek.

 

 

Please follow and like us:
Read More

PULIS, MISIS, 5 PA HULI SA TAGUIG BUY BUST

(NI ROSE PULGAR)

ARESTADO ang pitong drug suspects kabilang ang isang aktibong pulis sa buy-bust operation ng mga tauhan ng Station Drug Enforcement Unit (SDEU) ng Taguig City Police, Biyernes ng gabi sa Taguig City.

Iniharap kanina sa mga mamamahayag nina National Capitan Region Police Office (NCRPO) Director Police Major General Guillermo Eleazar , Southern Police District (SPD) Director Police Brig. General  Nalacso Bathan at Taguig City Police Chief Police Col. Alexander Santos ang mga suspect na sina PCMS Rahid Sanguan, nakatalaga sa Police Security Protection Group (PSPG); ng Phase 2 Block 8 Lot 8  Upeer Bicutan , Taguig City, misis na si Normina Sanguan; Alfonso Obejas; Ernie Legaspi; Joseph Denjuan; Ronnie Mark Sueno at Nagrodin Ayob.

Base sa natanggap na report ni Bathan, dakong alas-6:15 ng gabi nang madakip ang mga suspect sa VP Cruz St., Barangay Lower Bicutan, Taguig City.

Nagkasa ng buy-bust operation ang mga tauhan ng SDEU ng Taguig City Police bunsod na rin sa natanggap nilang impormasyon hinggil sa umano’y pagtutulak ng droga ng mga suspect kabilang ang aktibong pulis.

Isa sa mga awtoridad ang nagpanggap na poseur buyer na bumili ng P500 halaga ng droga sa mga suspect hanggang sa maaresto ang mga ito.

Nakumpiska ng mga pulis mula sa pitong suspect ang anim na  transparent plastic sachet na naglalaman ng hinihinalang  shabu, na humigit kumulang na nasa 4 na gramo na ang street value ay nasa P27,200; 1 plastic sachet na naglalaman ng marijuana na nasa  17 gramo na ang halaga ay nasa P2,100; isang cellphone at P500 buy-bust money.

Nakakulong sa nasabing himpilan ng pulisya at sasampahan ng kasong paglabag sa Republic Act 9165 o Comprehensive Dangerous drug act of 2002 sa Taguig Prosecutor’s Office ang mga inaresto.

 

Please follow and like us:
Read More

AWOL NA PULIS HULI SA BUY BUST

(NI KOI HIPOLITO)

MAHAHARAP ngayon sa mga hiwalay na kaso ng paglabag sa Violation of Sec. 5 at 11 ng RA 9165 (Comprehensive Laws on Dangerous Drugs Act.of 2002) ang isang Absent without Leave o AWOL na pulis matapos masakote sa isinagawang drug buy-bust operation ng mga pinagsanib na elemento ng mga operatiba ng RDEU, RSOU ng National Capital Region Police Office, PNP IMEG at Muntinlupa City Police Station Huwebes ng hapon sa Brgy. Poblacion, Muntinlupa City.

Ang suspek na si dating Patrolman Victor Bustamante, 37, ay narecruit noong 2011 at dating nakadestino sa Holding Unit ng Southern Police District (SPD) bago napunta ng SPD District Intelligence Division (DID) subalit hindi na nagpakita sa kanyang unit simula nuong February 2019 at napaulat na involved na ito sa pagtutulak ng iligal na droga.

Base sa panayam ng media kay NCRPO Chief PMGen. Guillermo Eleazar, si Bustamante ay inaresto matapos bentahan ng dalawang piraso ng transparent plastic sachet ng mga pinaghihinalaang shabu ang isang pulis na poseur buyer kapalit ng P10.000.

Nabawi mula sa kay Bustamante ang limang  gramo ng mga pinaghihinalaang shabu na may street market value na P68.000, dalawang piraso ng Glock 17 magazine, isang PNP ID ng suspek, cell phone at marked money.

Please follow and like us:
Read More

NIGERIAN, 4 PA, TIKLO SA P7-M QC BUY BUST

(NI LILY REYES/PHOTO BY JACOB REYES)

TINATAYANG aabot sa P7 milyon iligal na droga ang nasamsam ng mga ahente ng Philippine Drug Enforcement Agency (PDEA) sa Brgy. Ramon Magsaysay, sa Quezon City, Miyerkoles ng gabi.

Kinilala ni  PDEA Director Levi Ortiz, ang Nigerian national na si Ifeanyi Agustin at ang mga kasamahan na sina Jamal Sumangan Landuan, Karen Christine Mallari, Amrudin Hadji Hassan at Rudin Hadji.

Sa imbestigasyon ay nabatid na  bandang alas 10:00 ng gabi  nang isagawa ang buy–bust operation ng mga ahente ng PDEA National Capital Region (NCR) sa Barangay Ramon Magsaysay, Quezon City.

Nakuha sa mga suspek ang higit isang kilo ng hinihinalang shabu na may halagang P7 milyon.

Ayon sa report, wholesale at malakihan ang modus operandi ng sindikato na ang binabagsakan din ay mga bigtime pusher kung saan inimbestigahan na  kung anong drug group sila.

Ang limang suspek ay nakapiit ngayon sa PDEA main office sa QC makaraang sampahan ng kaso sa korte ng paglabag sa RA 9165 o Comprehensive Drug Act of 2002.

Matatandaang noong nakalipas na  Marso  at Enero 2018, apat na Nigerian national  na umano’y miyembro ng African drug syndicate at Black Mamba ang natimbog  ng PDEA sa Bacoor, Cavite at Dasmarinas, Cavite.

Please follow and like us:
Read More

3 NAITUMBA, P74-M SHABU NABAWI SA BUY BUST OPERATION

BUY-BUST-2.jpg

NANLABAN hanggang mamatay ang tatlong hinihinalang drug pusher nang makatunog sa buy bust operation sa Mandaue City nitong Martes.

Umaabot sa P74 milyong halaga ng hinihinalang shabu ang nabawi sa mga nasawi.

Lulan ang mga nasawi ng isang van nang isagawa ang buy bust operation.

Sinabi ni Mandaue City Police Office PCol. Jonathan Abellana, tumagal nang halos isang buwan ang surveillance sa mga suspect bago isinagawa ang operasyon.

May 11 kilo ng shabu umano ang nakuha mula sa van.

Inaalam na ngayon ng awtoridad kung saang sindikato nakaanib ang mga suspect gayundin ang pinagmulan ng kontrabando.

Please follow and like us:
Read More

DATING TEEN STAR HULI SA BUY BUST

(NI JG TUMBADO/PHOTO BY RAFAEL TABOY)

KALABOSO ngayon ang isang dating teen star kasunod ng buy-bust operation na isinagawa sa isang exclusive subdivision sa Bacoor City, Cavite, Lunes ng umaga.

Batay sa paunang impormasyon mula sa pulisya, natukoy ang pagkakakilanlan ng suspek na si Angela Garcia Bobis o Angela Zamora.

Ayon kay Colonel Vicente Cabatingan, hepe ng Bacoor City Police,  kasama ni Zamora na nadakip ang live-in partner nitong si Vladimir Bersana gayundin sina Jovencio Isler, Christian Lawrence Macanlalay at Loro Lopez.

Unang naaresto si Bersana na nagturo sa kanyang live-in partner na nagbebenta umano ng shabu sa kanilang inuupahang bahay.

Agad na nagsagawa ng follow-up operation ang mga pulis kung saan naaresto si Zamora at mga kasamahan.
Nasamsam sa kanila ang tinatayang P68,000 na halaga ng shabu na may bigat na 10.08 gramo.

Kinasuhan na ang mga suspek ng paglabag sa Comprehensive Dangerous Drugs Act of 2002 at nakapiit na ngayon sa Bacoor City Detention Center.

Please follow and like us:
Read More

AKTIBONG SUNDALO HULI SA BUY BUST OPERATION

SHABU-ARRESTED

(NI JESSE KABEL)

ISANG tauhan ng Philippine Army ang dinakip ng mga kagawad ng Philippine National Police (PNP) sa ikinasang buy-bust operation sa Barangay 31-D, Davao City Huwebes ng gabi.

Sa ulat ng Davao City Police Huwebes ng gabi, isang active member ng Philippine Army 10th Infantry Division sa Mawab Compostella Valley  na may ranggong  staff sergeant ang inaresto ng kanilang mga tauhan .

Nakumpiska sa suspek ang tatlong pakete ng hinihinalang shabu at isang pakete ng umano’y marijuana.

Ayon sa suspek, nag-optional retirement siya noong Nobyembre at naghihintay na lang sa utos sa itaas bago lumabas sa serbisyo.

Tahasang naman na itinaggi ng sundalo ang paratang sa kanya.

“’Di ko alam pagdating ko, umupo ako at nag-usap kami. ‘Di ko alam na buy-bust na pala iyon,” aniya.

Nasa 21 taon na siyang nagseserbisyo sa Philippine Army.

Ayon kay Police Maj. Ronald Lao, station commander ng Talomo police, posibleng nagbebenta na ng droga habang nasa serbisyo ang sundalo.

“Siya ang nagbabagsak dito sa lugar. Makikita naman natin sa cellphone ang mga katransaksiyon niya,” aniya.

Napag-alam ng mga pulis na mula Compostela Valley ang supply ng droga ng sundalo.

Mahaharap sa mga kasong kriminal at administratibo ang suspek.

Please follow and like us:
Read More

BRGY SECRETARY, 4 PA, LAGLAG SA SHABU

(NI SIGFRED ADSUARA)

SWAK sa kulungan ang isang barangay secretary at apat nitong kasama nang maaresto sa isang buy bst operations sa Gen. Trias City, Cavite.

Kasong paglabag sa Sec. 5 at 11 Art. II ng RA 9165 ang isinampang kaso laban kina Benedicto Saringo, Barangay Secretary ng Pasong Kawayan 2, Gen. Trias City, Cavite; Shirley Trinidad; Jose Rey Lusong; at Ric Fauni, residente ng Sitio Canatuan, Brgy San Francisco, Gen. Trias City, Cavite.

Sa ulat ni PCpl Marnol Cunanan, ng Gen. Trias City Police Station, dakong alas-12:30 Huwebes ng madaling araw nang isinagawa ang buy bust operations sa Brgy Sitio Canatuan  ng mga miembro ng Gen. Trias CPS at PDEA Cavite na nagresulta sa pagkakaaresto sa mga suspek na pawang nasa Street Level Target (SLT).

Nakuha sa kanilang pag-iingat ang 19 pirasong sac het ng hinihinalang shabu  o 22.82 gramo na may street value na P155,000 at buy bust money.

 

Please follow and like us:
Read More