MAGTIYUHIN TODAS SA BUS

accident12

QUEZON –  Patay ang magtiyuhing sakay ng isang motorsiklo matapos banggain at araruhin ng pampasaherong bus sa Quirino Highway sa bayan ng Tagkawayan sa lungsod na ito, noong Lunes ng hapon.

Kinilala ang mga namatay na sina Celso Postre Jr., 35, driver ng motorsiklo, at Christopher Postre, 21, kapwa residente ng Del Gallego, Camarines Sur.

Base sa report ni P/Capt. Milo Tabernilla, hepe ng pulisya, dakong ala-1:00 ng hapon nang mangyari ang insidente sa Brgy. Bagong Silang.   

Ayon sa ulat ng pulisya, inagawan ng linya at sinalubong umano ng AB Liner Bus ang motorsiklong sinasakyan ng dalawang biktima na patungo sa Barangay Tabugon para magtupada.

Nasugatan ang magtiyuhin sa iba’t ibang bahagi ng kanilang katawan na nagresulta sa kanilang pagkamatay.

Agad namang naaresto ang driver bus si Armando Ricarte, 37-anyos at residente ng Gen. Vicente St., Lopez, Quezon.

Kasalukuyang nakakulong ang suspek sa lock-up jail ng Tagkawayan police station at sinampahan ng kasong reckless imprudence resulting in homicide and damage to property. (NILOU DEL CARMEN)

Please follow and like us:
Read More

KARERA SA KAMATAYAN

accident12

(NI KIKO CUETO)

SORSOGON City — Isa ang kumpirmadong patay habang marami ang sugatan sa banggaan ng isang bus na nakikipagkarerahan sa dalawang bus at bumangga sa pampasaherong jeep sa Barangay Bulabog.

Sa imbestigasyon, sinabi ni Police Maj. Renato Ibarondo, deputy chief ng Sorsogon City Police, na binangga ng bus ang jeep na magbababa sana ng pasahero.

Lumalabas din na nakikipaghabulan umano ang driver ng bus sa dalawa pang bus, na ang isa sa mga ito ay kasama ng driver.

Dinala sa ospital ang mga nasugatang pasahero ng jeep.

Labing-walo ang sakay ng jeep at 17 sa mga ito ang sugatan, habang isang lalaking pasahero ang namatay.

Kabilang sa mga sugatan ang driver ng jeep.

Nagtamo rin ng minor injury ang dalawang sakay ng bus.

Ayon kay Ibarondo, mahaharap sa kasong reckless imprudence resulting in homicide and multiple physical injuries ang driver ng bus.

Please follow and like us:
Read More

2 BUS, 1 VAN NATABUNAN NG LANDSLIDE

(NI KIKO CUETO)

NATABUNAN ng landslide ang dalawang pampasaherong bus at isang van.

Nangyari ito sa Barangay Binaloan, bayan ng Taft, Samar, Biyernes ng hapon.

Sa imbestigasyon ng pulis, bago ang nasabing insidente, nagkaroon pa ng dalawang landslide sa lugar sa umaga dahil sa mga pag-ulan.

Sinabi naman ng Department of Public of Works and Highways Eastern Samar na pansamantala rin muna nilang ipinahihinto ang clearing operation para na rin sa kaligtasan ng publiko.

Ayon kay Police Lt. Ruben Caspe, ng Taft Philippine National Police, ligtas na nakalabas agad ang mga sakay ng mga sasakyan.

Please follow and like us:
Read More

21 SUGATAN SA NAHULOG NA BUS SA BANGIN

(NI KIKO CUETO)

KIDAPAWAN City — Hindi bababa sa 21 ang sugatan nang mahulog ang isang pampasaherong bus sa isang pailalim na lugar dito, ayon sa Cotabato police.

Sinabi ni Police Lieutenant Colonel Bernard Tayong,  tagapagsalita ng Cotabato Police Provincial Office, nawalan ng kontrol ang driver ng Mindanao Star habang nasa madulas na bahagi ng national highway sa Barangay Amas.

Sinabi nI Tayong na madulas ang mga kalsada sa oras na mga iyun kaya’t dumulas ang bus.

Dalawa sa mga sugatang pasahero ang seryoso ang kondisyon, pero walang namatay.

Lahat naman ng mga sugatang pasahero ay dinala sa Cotabato Provincial Hospital sa Barangay Amas.

Ang Mindanao Star bus 15676, na minamaneho ni Jimmylu Jose, ay papunta ng Cotabato City nang mangyari ang aksidente sa Kilometer 110 sa Barangay Amas sa Kidapawan-Cotabato highway.

 

 

Please follow and like us:
Read More

12 SUGATAN SA TUMAGILID NA BUS

accident121

(NI KIKO CUETO)

SOCORRO, Oriental Mindoro — Aabot sa 12 katao ang sugatan nang tumagilid ang pampasaherong bus dito, Linggo ng madaling araw.

Sa report ng pulis, sinasabing galing ng Roxas Port ang Elms bus at may sakay na 24 pasahero. Papunta ang mga ito sa Calapan City Port nang mangyari ang aksidente.

Sinabi pa sa report ng Mimaropa Police na isinugod sa Oriental Mindoro Provincial Hospital sa Calapan City ang mga sugatang pasahero.

Sa imbestigasyon, nagkamali umano ng kalkulasyon ang driver ng bus na si Marcelio Reyes pagdating sa zigzag road kaya nawalan siya ng kontrol hanggang tumagilid ito.

Hindi nasaktan ang driver na hawak na ngayon ng mga awtoridad.

Kabibigay lang sa bus ng special permit ngayong holiday season sa rutang Iloilo – Batangas – Calapan – Roxas – Caticlan.

 

 

Please follow and like us:
Read More

BUS NAHULOG SA BANGIN; 20 SUGATAN 

cebu200

(NI NICK ECHEVARRIA)

SUGATAN ang 20 pasahero makaraang mahulog sa bangin ang isang pampasaherong  bus  sa kahabaan ng national highway sa bayan ng Catmon sa northern Cebu, Linggo ng umaga.

Naganap ang insidente pasado alas-8:00 habang nilalakbay ng Ceres bus ang national highway na sakop ng Brgy. Panalipan sa nabanggit na bayan lulan ang 28 sakay nito kasama na ang driver, inspector at konduktor.

Halos isang oras pa lamang umano ang nakalilipas mula nang umalis ang Ceres bus sa bayan ng Tabogon patungo sa kanilang North bus terminal sa Mandaue City nang mangyari  ang insidente.

Ayon kay P/Cpl Orven Julius Montuerto, ng Catmon Municipal Police Station (MPS), kasama sa mga nasugatan ang dalawang batang lalaki na may edad na 4 at 11.

Mabilis namang nadala ng mga nagrespondeng police at emergency personnel  ang lahat ng mga nasugatan sa kalapit na district hospital sa bayan ng  Sogod  para lapatan ng lunas ang mga tinamong pinsala sa iba’t bang bahagi ng katawan.

Patuloy na iniimbestigahan ng pulisya sa bayan ng Catmon ang sanhi at kung may naganap na kapabayaan sa naganap na insidente.

Please follow and like us:
Read More

BUS NAHULOG SA BANGIN; 28 PASAHERO LIGTAS

(NI KIKO CUETO)

DEL GALLEGO, Camarines Sur — Nakaligtas sa tiyak na kamatayan ang 28 pasahero ng Philtranco bus na nahulog sa bangin sa Andaya Highway, Barangay Magais, nang itulak ng malakas na hangin mula sa Bagyong Tisoy.

Sa report, sinasabing galing sa Pio Duran, Albay ang Philtranco bus at patungo sana sa Maynila nang mangyari ang aksidente alas-11 ng gabi.

Sinabi naman sa imbestigasyon ng Del Gallego Municipal Police Station, nawalan ng kontrol sa manibela ang driver ng bus dahilan para dumulas ang gulong sa highway at mahulog sa bangin.

Malakas ang ulan sa lugar dahil sa bagyong Tisoy.

Nahirapan naman ang mga rescuers dahil sa taas ng bangin.

Nataon din na madulas at maputik rin ang pagbaba dito.

Winasak ng mga pasahero ang bintana sa likuran ng bus at ang windshield upang makalabas sila.

Ang mga sugatan ay isinugod sa Ragay District Hospital sa Ragay, Camarines Sur.

Dalawang senior citizen na pasahero ng bus ang nagtamo ng grabeng sugat habang ang iba naman ay minor injury lang ang tinamo.

Ilan sa mga nakaligtas ay mga teachers mula sa Bato, Camarines Sur na dadalo sana sa isang convention sa Maynila.

Kinilala naman ang driver na si Marlon Borromeo.

Kwento niya, sobrang madilim sa lugar at hindi maayos ang mga warning signs sa road reblocking.

 

Please follow and like us:
Read More

BUS HINABOL, LALAKI NAGULUNGAN, PATAY

accidentsign1

(NI ROSE PULGAR)

PATAY ang isang komyuter nang magulungan ng bus na kanyang hinabol para lamang makasakay pauwi, Biyernes ng hapon sa Makati City.

Nakilala ang nasawi na si Alvin Eric Aniag, 43, laborer at naninirahan sa no. 13 Zodiac Street, Remaville Subdivision,Barangay. Bagbag, Quezon City.

Nakilala naman ng pulisya ang suspect na si David Jimena, 44, driver ng Transport Service Bus na may plakang TYU 313 at nakatira sa Maria Louisa Zabarte Road, Camarin, Caloocan City.

Mabilis na tumakas ang naturang driver at iniwan ang kanyang bus na nagresulta ng mas matinding trapik sa lugar.

Batay sa report ng Makati City Police, naganap ang insidente dakong alas-4:00 ng hapon sa kanto ng EDSA at Harvard Street sa may Barangay Guadalupe Nuevo sa naturang lungsod.

Ayon sa mga nakasaksi, naghihintay ng masasakyang bus ang biktima sa EDSA.

Hinabol nito ang bus na biyaheng Quezon City at sumabit ngunit nakabitaw dahil sa umaandar ang bus.

Hanggang sa pumailalim sa bus ang biktima at nagulungan.

Isinugod ng mga rescuers ang biktima sa St. Lukes Medical Center sa Taguig City ngunit nalagutan ng buhay dakong alas-4:28 ng hapon.

Patuloy naman ang imbestigasyon ng pulisya sa insidente habang sinampahan na ng kasong Homicide through Reckless Imprudence sa Makati City Prosecutor’s Office ang suspect na si Jimena.

 

Please follow and like us:
Read More

2 BEBOT TIGOK SA SUMIRKO NA BUS

accident23

(NI ANNIE PINEDA)

PATAY ang dalawang babae habang sugatan ang isa pa nang sumirko ang pampasaherong bus na kanilang sinasakyan, sa probinsya ng Bukidnon.

Kinilala ang mga nasawi na sina Marisol Marinay, 23, at Mary Joy Bongcales, 20, habang ginagamot sa ospital ang sugatan na si Jemuel Silmaro, 38.

Hawak naman ng pulisya ang suspek at driver ng Rural Transit Mindanao Incorporated (RTMI) na kinilalang si Leomerde Garcia Velarde .

Batay sa report ng pulisya, naganap ang insidente sa gitna ng Sayre highway, Sitio Bagong Silang Impalutao, Barangay Impasug-ong Bukidnon.

Lumabas sa pagsisiyasat ng mga awtoridad, minamaneho ni Velarde ang bus sakay ang 34 pasahero nang bigla na lamang umanong gumulong ang bus na naging dahilan ng pagkamatay ng dalawa.

Sinabi naman ni Velarde na nawalan siya ng kontrol sa manibela dahil madulas ang kalsada .

Nakatakdang sampahan ng kasong reckless imrpudence resulting to multiple homicide at physical injuries si Velarde.

Patuloy naman ang imbestigasyon ng pulisya sa insidente.

 

Please follow and like us:
Read More

DILG EMPLOYEE, TSERMAN, TIGOK SA SINALPOK NA BUS

accident12

(NI ANNIE PINEDA)

PATAY ang isang kawani ng Department of Intreriorand Local Government (DILG) at Punong Barangay makaraang bumangga ang kanilang sasakyan sa nakahintong pampasaherong sa gilid ng kalsada, Lunes ng umaga sa North Cotabato.

Kinilala ang mga nasawi na sina PB Kesay Mamasalagat, ng Brgy. Buliok, Pagalungan, Maguindanao; at Allan Anta, kawani ng DILG, habang ang mga sugatan ay sina Sengko Macagcaid, barangay treasurer ng nasabing barangay at Johaiden Manonsol, drayber ng kotse.

Batay sa report ng pulisya, alas 8:10 ng umanga nang maganap ang insidente sa Barangay Bialong M’lang Matalam, North Cotabato.

Sa imbestigasyon, minamaneho ni Manonsol ang kulay pula na Toyota Vios sakay ang mga biktima nang bigla na lamang silang sumalpok sa Rural bus na minamaneho naman ni Dante Salon Pizana.

Dahil sa lakas ng pagkakasalpok agad namatay ang dalawa habang kritikal sa ospital sina Manonsol at Macagcaid.

Depensa naman ni Pizana, nakaparada sa crossing ng nasabing lugar ang bus at nagulat na lamang sila sa malakas na kalabog.

Wala naman naitalang nasugatan sa mga sakay ng bus.

Nabatid na patungo sana sa Barangay Bagontapay ang kotse habang papunta naman sa Matalam ang bus.

Nagpapatuloy ang imbestigasyon ng pulisya sa nasabing insidente.

 

Please follow and like us:
Read More

RIDER TODAS SA BUS

accident12

(NI NILOU DEL CARMEN)

PATAY ang isang empleyado matapos araruhin ng bus ang sinasakyan nitong motorsiklo sa Maharlika highway sakop ng Sto.  Tomas,  Batangas, Biyernes ng maghahatinggabi.

Kinilala ang nasawi na si Globert Arellano,  43,  tubong Naujan,  Oriental Mindoro.

Batay sa report ng Sto Tomas police,  bandang alas 11:20 ng gabi,  patungo ang biktima sa direksyon ng Sto. Tomas galing sa San Pablo City at tinatakbo ang highway nang pagdating sa bahagi ng Barangay San Vicente, ay matumbok ito ng kasalubong na bus.

Nag-overtake umano ang bus sa isa pang sasakyan at hindi pa nakakabalik sa kanyang linya nang mangyari ang head on collision.

Nagtamo ang biktima ng mga grabeng pinsala sa ulo at katawan at nalagutan ng hininga bago pa man mairating sa Laurel District Memorial hospital sa Tanauan City.

Tumakas ang driver ng bus na nakilalang si Mario Rambuyong matapos ang insidente.

Pinaghahanap na ito ngayon ng mga pulis at sasampahan na rin ng kasong reckless imprudence resulting to homicide.

 

Please follow and like us:
Read More

BUS VS WING VAN; 1 TODAS, 8 SUGATAN

accident121

(NI BONG PAULO)

NORTH COTABATO – Isang 50-anyos na babae ang nasawi habang hindi bababa sa walo katao, halos mga pasahero ng bus, ang nasugatan sa inisyal na ulat sa banggaan ng bus at wing van truck sa Mc Arthur Highway, Central 1 Barangay Binugao Toril, Davao City, Martes ng hapon.

Kinilala ang nasawi na si Judy Tepacia Mejares, 50.

Sa ulat na nakarating kay Police Col. Alexander Tagum, hepe ng Davao City Police, nangyari ang aksidente ala-1:15 ng hapon.

Ang wing van ay minamaneho ni Nick Barcelona Lopez, 37, ng Purok 9 Livara Compound Tacurong Sultan Kudarat, ay patungo ng Digos na direksiyon habang ang Mindanao Star Bus (M01-15-002647) ay papasok ng Davao City Proper.

Ang bus ay minamaneho ni Zandro Saiden Abdulwahab, 37, ng Cotabato City.

Ayon sa ulat, nasa parehong magkasalungat na direksiyon ang dalawang mga sasakyan na nasangkot nang magkasalpukan.

Dahil sa lakas ng impact, wasak ang unang bahagi ng bus na ikinasugat ng ilang mga pasahero na sina Jeffrey Abarquez, 29,; Theresa Gonzales, 55, Bayugan 1, Agusan del Sur; Lizel Ramos, 25, ng  Bansalan Davao del sur; Lucrecia Aller Gomez, 74, retired teacher at ang kanyang kapatid na si Patrocenia Aller Gomez, 81, kapwa residente ng Ubas compound Matina, Davao City; Dorotea Masangay, 81, ng Mercedez Caraga Davao Oriental at Emediline  Masangay, 51, ng Duha San Rafael Maa, Davao city.

Ang mga sugatan ay dinala sa iba’t-ibang pagamutan sa lugar.

 

Please follow and like us:
Read More

BUS NAHULOG SA BANGIN; 3 PATAY

accidentsign1

(NI BONG PAULO)

TATLO katao ang naiulat na nasawi makaraang mahulog ang isang pampasaherong bus sa isang bangin sa Purok Euphobia, Brgy Lutiman, Alicia, Zamboanga Sibugay Province, Sabado ng umaga.

Kinilala ang mga nasawi na sina Gertrudes Buhat Baya, 73, ng Brgy Samonte, Talusan, ZSP; Rina Ahay Mualam, 14, estudyante at Salma Mualam, 35, kapwa nakatira sa Brgy Buhangin Mahaba, Olutanga, ZSP

Sa ulat ni Pol. Lt. Col. Helen Galvez, tagapagsalita ng PRO -9 nangyari ang aksidente alas-7:10 ng umaga kung saan binabaybay ng isang Lizamay Express Bus (JVC 315) kulay asul na minamaneho ni Noriel Bucoy Andico, 41, ng Brgy Luboc, Sirawai, Zamboanga Del Norte ang nasabing highway nang mawalan umano ito ng kontrol.

Batay sa ulat, pumalya umano ang makina ng bus kaya nahulog ito sa bangin na nagsanhi ng pagkamatay ng tatlo at pagkakasugat ng apat na iba pa.

Kinilala ang apat na sugatan na sina Victor Antiampo, 62; Medivina Antiampo, 55, kapwa residente ng Brgy Fama, Olutanga, ZSP; Karim Jarol, 62 at Sapiya Jarol, 62, ang dalawang huli ay mga residente ng Brgy Buhangin Mahaba, Olutanga, ZSP.

Sakay ng nasabing bus ang 45 na pasahero nang maaksidente buhat sa bayan ng Olutang patungo sana sa Zamboanga City nang mangyari ang aksidente.

Hawak na ngayon ng pulisya ang drayber ng bus.

Dinala naman sa Lanchita Medical Hospital ang mga sugatan.

Please follow and like us:
Read More

7 SUGATAN SA BUS NA SUMALPOK SA POSTE NG LRT1

(NI JULIE DUIGAN)

PITO katao, kabilang ang tsuper ng bus, makaraang bumangga sa poste ng Light Rail Transit 1(LRT) sa Ermita, Manila, Sabado ng umaga.

Base sa ulat ni P/ Lt.Colonel Igmedio Bernaldez, station commander ng Manila Police District-Ermita Police Station 5, bandang alas-9:10 ng umaga , nang maganap ang insidente sa  Likod ng Manila City Hall sa Arroceros St., Ermita.

Ayon kay Arnel Ramirez , 36, driver ng Alabang Transport Service Cooperative Bus ( UVD-442 ) nasa  northbound lane ng Padre Burgos St. ang bus nang bumangga ito sa poste ng LRT.

Bukod kay Ramirez, sugatan din ang mga pasahero na nakilalang sina Norma de la Rosa, 62; Charlie Chua, 26; Adelia Leynes, 16 ; Danny Reyes, 36; Jasmine Peralta, 22; at David Timothy Improgo, 21.

Patungo ang bus sa Plaza Lawton  at pagsapit sa lugar ay nakatulog umano ang tsuper,  kaya ito bumangga sa poste ng LRT.

Gayunman , mabilis na isinugod sa Justice Jose Abad Santos General Hospital ang mga nasugatan na  pashero maging ang driver na naipit sa  bus.

Please follow and like us:
Read More

RIDER SUMEMPLANG, PISAK SA BUS

accident12

(NI ANNIE PINEDA)

PISAK ang isang rider makaraan magulungan ito ng pampasaherong bus nang sumemplang umano ito sa pag-overtake, sa Iloilo City.Kinilala ng biktimang si John Martinez, 37, at residente ng Barangay Ito Norte, Cabatuan, Iloilo.
Hawak naman ng pulisya ang suspek at driver ng Ceres bus na si Richard Sayat.

Batay sa report ng Dumangas-PNP, dakong alas 4:30 ng hapon ng Linggo nang maganap ang insidente sa kalsada ng Brgy. Balabag, Dumangas, ng nasabing lungsod.

Lumabas sa pagsisiyasat ng pulisya, binabaybay ng biktima ang nasabing lugar nang mag-overtake umano ito sa kasunod na motorsiklo subalit bigla na lamang siyang nawalan ng kontrol sa manibela dahilan para sumemplang ito.

Sakto naman na kasunod rin ang Ceres bus dahilan para pumailalim ito at magulungan ang katawan.

Kaagad naman dinala sa Don Jose Monfort Medical Center sa Barotac Nuevo, Iloilo si Martinez, pero nalagutan din ng hininga makalipas ang ilang oras.

Kusa naman sumuko sa pulisya si Sayat at nakatakdang sampahan ng kaukulang kaso.

Please follow and like us:
Read More

BAHAY SA GILID NG KALSADA INARARO NG BUS; 1 TODAS

accident121

(NI ANNIE PINEDA)

INARARO ng pampasaherong bus ang dalawang bahay sa tabi ng kalsada na ikinasawi ng isang ginang at comatose naman ang isa pa sa P-6 Brgy. San Felipe, Basud, Camarines Norte.

Dead on the spot si Eleonor Corea, residente ng nasabin lugar habang comatose naman ang isang pasahero ng bus na kinilala lamang sa pangalan na Periño na tinatayang 60-anyos.

Sa ulat ng pulisya, binabaybay ng Peñafrancia Bus na minamaneho ni Cyrus Kim Teoxon ang kahabaan ng Maharlika Highway papunta sa bayan ng Daet nang mawalan umano ito ng kontrol sa manibela at dumiretso sa dalawang bahay dahil sa madulas na kalsada dala ng pag-ulan.

Ayon kay De Vera, nagkataong nasa labas ng bahay si Corea at nag-iigib ng tubig.

Si Periño ay isa sa mga sakay ng bus na posible umanong tulog sa biyahe kaya tumama ang ulo sa bakal na bahagi ng sasakyan na naging sanhi ng kanyang pagka-comatose.

Please follow and like us:
Read More

2 NASAKTAN SA NASUNOG NA BUS

(NI ALAIN AJERO)

DALAWA katao ang sugatan nang magliyab ang isang pampasaherong bus sa bahagi ng EDSA na nasasakop ng Caloocan City, Huwebes ng hapon.

Nasugatan sa kanang siko at kanang binti si Marcyden Resuello, 24; habang nabugbog si Joy Marfil, 18, sa tinatayang P1 milyong pinsala ng sunog.

Napag-alamang tumakas ang driver at konduktor ng AC Trans bus na may plakang TXY 780 matapos ang insidente.

Nabatid na alas 2:20 ng hapon ay binabagtas ng bus ang southbound lane ng EDSA sa Barangay 95, Bagong Barrio Caloocan City nang biglang magliyab ang unahang bahagi nito at naapula matapos ang 20 minuto.

Iniimbestigahan pa ang dahilan ng pagliyab.

Please follow and like us:
Read More

SUNTUKAN SA BUS: SSS EMPLOYEE PATAY SA SEKYU

(NI TJ DELOS REYES)

NAMATAY ang isang empleyado ng Social Security System (SSS) matapos suntukin ng security guard sa batok, na nakaalitan nito sa pampasaherong bus Huwebes ng gabi sa Quezon City.

Kinilala ang biktima na si Robin Corpuz Rosales, 48, may asawa, at residente ng Blk 8, Lot 27, Soldiers Hills, Tala Caloocan City.

Nadakip ang suspek na si Dionicio Luyas Dilubio, 23, binata, ng Marban Security and Investigation Agency, Inc. ng Brgy. Addition Hills, Mandaluyong City.

Base sa ulat, dakong alas-8:30 ng gabi nang mangyari ang insidente sa Edsa Kamuning kanto ng Kamias Road, Brgy. West Kamias.

Sakay ng pampasaherong bus si Rosales kasama ang kanyang misis na nakilalang si Leiya, nang magkabanggaan sila ng suspek na lulan din sa nasabing bus.

Ang simpleng banggaan ng katawan ay nauwi sa suntukan sa loob ng bus hanggang sa awatin ang dalawa ng mga pasahero.

Dahil dito, nagdesisyon na lamang si Rosales at ang misis nito na bumaba sa bus subalit habang patungo sa Victory Liner terminal ay sinundan siya ni Dilubio at sinuntok sa batok.

Tumumba sa kalsada ang biktima at nawalan ng malay kaya isinugod sa Philippine Heart Center subalit binawian din ng buhay dahil inatake pala ito sa puso.

Nakapiit na sa QCPD ang suspek at nahaharap ito sa kasong murder.

 

Please follow and like us:
Read More

3 SAKAY NG MOTORSIKLO PATAY SA BUS

accident121

TOBOSO, Negros Occidental—Patay lahat ang tatlo kataong sakay ng motorsiklo matapos sumalpok sa kasalubong na bus sa Barangay Tabu-ac sa bayang ito, Huwebes ng umaga.

Kinilala ng pulisya ang mga nasawi na sina Junrey Bawaan, Arnel Selma, at isang 15-anyos na lalaki.

Magkakaangkas umano ang tatlong nakamotorsiklo at mabilis ang takbo dahil may hinahabol umanong isang pang motorsiklo.

Nabangga sila ng kasalubong na bus nang makarating sa pakurbadang daan sa naturang barangay.

Dead on the spot si Bawaan, habang sa ospital na binawian ng buhay ang dalawa niyang kasama.

Nakakulong na ngayon sa istasyon ng pulisya ang driver ng bus.

 

Please follow and like us:
Read More

LALAKI PATAY SA NAHULOG NA BATO SA MARCOS HWAY

crime145

BAGUIO City — KUNG oras mo, oras mo na.

Ito ang nangyari sa isang lalaki na namatay nang mahulugan ng bato mula sa bundok habang sakay sa pampasaherong bus sa Marcos Highway, Sabado ng gabi.

Ang biktima ay pauwi na sa Pangasinan nang maganap ang insidente.

Nahulog umano ang bato  na kasing laki ng ulo ng tao at eksaktong bumagsak sa kinauupuan ng biktima.

Isinugod sa ospital ang biktima ngunit namatay din ito.

Nangako naman ang bus company na sasagutin lahat ang gastos sa sinapit ng biktima.

Sinabi ni Police Lt. James Acod, Hepe ng Tuba Municipal Police Station, na maglalagay na ng signage sa lugar upang magabayan ang mga motoristang dumaraan.

 

Please follow and like us:
Read More

MAG-INA DADALO SA GRADUATION PATAY SA NAHULOG NA BUS

accident

(NI KIKO CUETO)

HAMTIC, Antique — Tatlo ang patay, kasama ang  mag-ina,  habang walo katao ang sugatan nang mahulog sa malalim na bangin ang bus na sinasakyan ng mga ito.

Sinasabing ang Ceres bus ay may sakay na siyam na pasahero, isang driver at isang konduktor.

Hindi pa alam ang pagkakakilanlan ng mga biktima ngunit sinasabing dadalo sa graduation ang mag-ina nang maganap ang trahedya.

Sa imbestigasyon,  papunta umano ng San Jose, Antique ang bus galing ng Iloilo City nang mahulog sa bangin.

Sinabi ni Police Sr. Master Sgt. Llanie Adores na inaalam pa buong detalye sa aksidente.

Please follow and like us:
Read More

HIGIT 30 KATAO SUGATAN SA SALPUKAN NG BUS, TRUCK SA MAYNILA

bus12

(PHOTO BY JHAY JALBUNA)

MAHIGIT sa 30 pasahero ang sugatan nang  magsalpukan ang isang pampasaherong bus at trailer truck sa kanto ng San Marcelino at Remedios St., Maynila, Martes ng gabi.

Ayon sa inisyal na imbestigasyon, ang pampasaherong bus na may plakang CDK 3992

ay galing ng Lawton at patungong Tagaytay nang magsalpukan.

Sa tindi ng salpukan ay tumagilid ang bus na naging sanhi ng pagkasakitan ng mga sakay na pasahero.

Patuloy na iniimbestigahan ng pulisya ang insidente.

Please follow and like us:
Read More

APAT PATAY, 40 SUGATAN SA SALPUKAN NG 2 BUS

compostella

(NI JESSE KABEL)

APAT ang inulat na nasawi habang mahigit 40 ang sugatan sa nangyaring salpukan ng dalawang bus sa Purok. 91, sa Nabunturan, lalawigan ng Compostela Valley nitong Lunes ng hapon.

Ayon kay Police Officer 3 Barry Castillo ng Nabunturan PNP , bukod sa apat na  nasawi, patuloy pa ring nilalapatan ng lunas sa pagamutan ang 25 sa mga ansugatan sa insidente.

Kinilala ang tatlo sa namatay na sina Lorilyn Palo, Alexander Campos at Vicente Dujali.

Lumitaw sa pagsisiyasat na sumabog ang gulong ng Metro Shuttle bus kaya’t nawalan ng kontrol sa manibela ang driver na naging sanhi para masakop ang kabilang lane  at makasalpukan ang kasalubong na Bachelor Bus,

Base sa impormasyon ng Nabunturan police papunta sana ng Veruella, Agusan del Sur ang Metro Shuttle bus habang papunta namang Davao City ang Bachelor Tours.

Agad na isinugod sa ospital ang mga sugatan.

Ligtas ang dalawang driver pero nasa ospital pa rin dahil sa natamong sugat.

Patuloy pa ngayon ang ginawang imbestigasyon sa naturang insidente.

Please follow and like us:
Read More