JULIA MATAPANG SA IG POST; BEA INAKUSAHANG BULLY

LALO nang lumalala ngayon ang isyung hiwalayan nina Bea Alonzo at Gerald Anderson, pagkatapos mag-post si Julia Barretto ng matapang niyang pahayag kaugnay sa isyung ito.

Tahasan niyang inakusahan si Bea ng bullying, kaya ang daming nag-react at ilang oras lang, trending na agad.

Kaya lang si Julia ang natira nang husto at nakisawsaw pa ang tiyahin niyang si Gretchen Barretto na Team Bea for the win daw siya.

Sinasabi pa niyang ghost writer daw ang gumawa ng statement ni Julia.

Talagang ghost month nga ngayon, dahil sa buwang ito pinasikat ang ghosting, at pinagbintangan pang ghost writer ang gumawa ng mga pahayag ni Julia.

Pero dahil sa lumalaking isyung ito, marami ang nagtatanong bakit hindi iayos ng Star Magic at ng ABS-CBN 2?

Lalo pa ngang lumaki nang ipinost mismo ni Roxy Liquigan na taga-ABS-CBN 2 ang nag-iisa lang si Joshua sa table sa after-party ng ASAP sa Amerika at sinamahan na lang nina Daniel Padilla at Kathryn Bernardo.

Doon na nagsimulang mag-react si Julia hanggang sa nagbigay ng statement para ipagtanggol ang sarili.

Ngayong nag-trending na ito at ang dami nang nakisawsaw sa isyung ito, may mga repercussions na tuloy.

Isa na rito ang mga advertisers, na ang narinig namin meron na raw gustong mag-back out at hindi na itutuloy ang pagkuha kay Julia o baka kay Gerald.

Pinipili talaga ng mga advertisers ang wholesome na image para mag-endorse ng isang produkto.

Kaya ang inaabangan kung ano ang hakbang ng Kapamilya network sa isyung ito.

GABBY PUMALIT KAY DEREK SA KRIS MMFF 2019 FILM

Nagulat ang Executive Committee ng MMFF 2019 sa lumabas na balitang

hindi na matutuloy si Derek Ramsay sa MMFF entry ng (K)ampon). Schedule talaga ang tinuturong dahilan dahil sa halos araw-araw na taping nito.

Nasalubong pa namin si Atty. Joji Alonso ng Quantum sa Cinemalaya at sinasabi niyang nagsu-shooting pa naman daw sila pero hindi pa niya  binanggit na hindi na si Derek ang leading man ni Kris Aquino.

Kahapon lang kumalat na ang ipinalit daw kay Derek ay si Gabby Concepcion na.

May dagdag pang pasabog na may special participation daw si Mayor Herbert Bautista sa naturang pelikula.

Nasa IG post na nga ni Kris ang mga pagbabago sa MMFF movie niya.

Nag-like at may thumbs up emoji si Gabby sa isang post ni Kris at sinagot niya ito nang mahaba.

Sabi ni Kris kay Gabby; “Looking forward to working with you soonest and also meeting your family.”

May hirit pa si Kris na hoping pa rin siyang matuloy ang reunion movie nila nina Gabby at Sharon Cuneta, na willing pa raw siyang makipag-co-produce dahil noon pa man ay fan daw siya ng Gabby-Sharon loveteam.

Pero isang malaking ‘good luck’ yan.

Si Derek naman ay nag-message din sa isang post ni Kris na “enjoy your happy place” dahil ilang araw na lang ang bakasyon ni Kris sa itinuturing niyang ‘happy place’ ay isasalang na siya sa trabaho, itong  pagsisimula niya sa shooting ng (K)ampon.

Sinagot naman ni Kris si Derek na may pahaging pang may namamagitan talaga kina Derek at Andrea Torres.

Sabi ni Kris kay Derek; “Please tell @andreatorres to not text me with ‘po’ in her message? I’m not going to be her mother-in-law.

“Glad we had that long talk and came to an understanding about our scheduling conflicts because you’re right, people don’t throw away almost 15 years of friendship because of a movie. My love to Tita Medy. And looking forward to seeing your whole family soon.”

Ang tungkol naman sa partisipasyon ni Mayor Herbert ay wala pa silang sinasagot kaugnay dito.

Kahit si Kris ay wala ring naipu-post.

As of presstime, hindi pa rin sinasagot ni Atty. Joji ang mga tanong ko kaugnay sa proyektong ito.

Inaabangan din namin ang pahayag ni MMFF sa ibinago sa casting, dahil ang pagkakaalam ko rin, hanggang July 30 lang ang deadline ng mga changes sa mga MMFF entries.

 

Please follow and like us:
Read More

14-ANYOS DALAGITA SINAKSAK NG KAAWAY SA MUKHA

stab

(NI CHERK BALAGTAS)

NASA kritikal na kalagayan ngayon ang isang 14 anyos na dalagita matapos na saksakin sa mukha ng kanyang nakaaway sa tapat ng isang convenience store sa Caloocan City, Miyerkoles ng gabi.

Sa ulat ng Caloocan City Police Community Precinct 1, ganap umanong alas – 7:45 ng gabi nang maganap ang insidente sa tapat ng 7/11 convenience store sa kahabaan ng Malolos Avenue, Barangay 164, Bagong Barrio ng nasabing lungsod.

Pauwi na ang biktimang itinago sa pangalang Jewerlyn, grade 9, kasama ang isa niyang kaibigang babaeng menor de edad din mula sa nasabing convenience store nang lapitan sila ng mga suspek na itinago rin sa mga pangalang Jan Pauleen,13, , grade 8 at Journey, 14, grade 8.

Doon na kinumpronta ng mga ito ang biktima sa hindi na nalaman pang usapin, nagkapalitan ng maaanghang na salita sa pagitan ng dalawang panig hanggang bumunot ng patalim si Jan Pauleen at biglang tinarakan sa kanang bahagi ng kanyang mukha ang biktima.

Matapos ang insidente ay agad ding nagsitakas ang mga suspek habang mabilis din namang ipinagbigay alam ng kanyang kaibigan sa ina ng biktimang si Jocelyn Ramos ang insidente na siyang nagsugod dito sa Manila Central University Hospital na ngayon ay patuloy na inoobserbahan ang kalagayan.

Nagsagawa ng follow -p operation ang mga awtoridad na nauwi sa agarang pagkakaaresto sa mga suspek na pawang mga nasa pangangalaga na ngayon ng City Social Welfare.

 

Please follow and like us:
Read More

TOTOY KRITIKAL SA BUGBOG NG 2 BULLY

(NI ALAIN AJERO)

NAKARATAY sa pagamutan ang isang totoy na nawalan ng malay nang mag-tag-team ang dalawa ring totoy at suntukin saka  hampasin ng bato sa ulo ang biktima dahil sa umiiba na umano ito ng barkada, sa Navotas City.

Nananatili sa Tondo Medical Center ang 15-anyos na biktimang itinago sa pangalang  Kevin, grade 10 habang isinailalim na sa pangangalaga ng Bahay Pag-asa ng Navotas City Social Welfare and Development Office (CSWDO) ang mga suspek na sina alyas Steph, 17, at Klay, 16.

Ayon sa pulisya, nagtalo muna sa loob ng San Rafael Technological and Vocational School sa Taliba Street, Road 2 corner Kalakal St., sa San Rafael Village, ang suspek na si Steph at biktimang si Kevin dahil kumakalas na umano sa barkada ang huli.

Paglabas ng paaralan nina Steph at Klay ay bumubulusok umanong sinuntok ni Kevin si Steph.

Sinalubong naman ng kamao ni Steph ang nguso ni Kevin kaya’t nawalan ng malay ang huli.

Nabatid na pumasok pa sa eksena ang suspek na si Klay at hinampas pa ng bato sa ulo ang wala nang malay na biktima.

Itinakbo si Kevin sa nasabing ospital habang dinakip ng mga pulis sina Steph at Klay bago inilipat sa kustodiya CSWDO.

 

Please follow and like us:
Read More

BATA, BATA, BULLY O BIKTIMA KA BA?

SCHOOL BULLY

(Ni Dan Salcedo / Unang bahagi)

ANG bullying ay nangyayari kapag ang isang tao o grupo ng tao ay paulit-ulit at intensyunal na gumagamit ng salita o aksyon laban sa isang tao o grupo ng tao upang mabalisa o magkaroon ng panganib sa pagkatao nito.

Ang pambu-bully ay kadalasang ginagawa ng mga taong may impluwensiya o kapangyarihan laban sa isang tao o kaya naman ay nagnanais na maramdaman ng isang tao na siya ay walang lakas o kaya naman ay kaawa-awa.

Ang bullying o pananakot ay malaki ang pagkakaiba sa hidwaan o alitan sa isang tao na puwedeng mauwi sa suntukan o awayan o kaya naman ay pag-ayaw sa isang tao, pero ang tao ay puwedeng manakot sa kapwa dahil naman sa kanilang hidwaan o pag-ayaw sa pagkatao.

Sa mga bata, ang simpleng tuksuhan ay bahagi ng kanilang paglaki at totoong ang bawat bata ay nakakaranas nito. Subalit ang ordinaryong biruan ay posibleng mauwi sa bullying o pananakot sa kapwa bata kapag masasakit na salita na ang ginagamit bukod pa sa ginagawa nang paulit-ulit.

Ang pagbabansag ng pangalan sa isang tao ay posibleng masabing bullying. Puwede ring masabing bullying ang pagkakalat ng mga balitang hindi naman totoo at nais lang sirain ang pangalan at pagkatao ng taong pinatutungkulan nito.

Obligasyon ng paaralan

Nakasaad sa Republic Act 10627 o “Anti-Bullying Act of 2013” na obligasyon ng paaralan na aksiyunan ang mga nangyayaring pambubuska sa loob ng eskuwelahan.

May mga tuntunin dito na dapat sundin ng mga paaralan.

Maliwanag na hindi matututo ang mga mag-aaral lalo na ang mga bata at tined­yer kapag magulo at bayolente ang kanilang kapaligiran tulad ng paaralan kung saan sila nakakaranas ng pambubuska, pamimikon at pang-aasar.

Kaya naman, kailangang ang nasa pamunuan ng paaralan, mga guro at mga magulang ay magtulungan upang maiwasan ang mga kaso ng pambubully.

Kailangang magkaroon ng programa ang mga paaralan upang mapigilan ang bullying sa paaralan.

Dapat ding magkaroon ng mga tuntunin at polisiya kaugnay sa bullying ang mga paaralan upang hindi dumanas ang mga mag-aaral ng pananakot at pang-aapi mula sa mga batang mag-aaral na nais ay makilala ang kanilang impluwensiya at kapangyarihan sa kanilang paaralan.

Maaaring tanggalan ng Department of Education ng lisensya ang eskuwelahan kapag napatunayang ito ay may pagkukulang sa pag-imbestiga ng bullying na nangyari.

Bully o biktima, paano malalaman?

Madalas mangyari ang bullying sa eskwelahan. Ang school campus ay isa nang lugar na dumarami ang bullying na hindi lang pambubuska, pananakot at   pang-iinsulto ang nangyayari kundi sa pisikal na paraan. Maraming paraan o porma ng pananakot. Direkta o hindi. Pisikal, emosyonal o sa isipan. Hindi makapalag ang mga biktima at wala ring boses ang mga saksi na pigilan ang baluktot na aktibidad ng bully.

Ang panlalamig at pagbalewala ng mga nakakakita ay isang paghihikayat sa bully na ituloy ang mga aksyon.

Isa sa mga dahilan kaya nambu-bully ang mga mag-aaral ay dahil wala silang tiwala sa sarili at sila ay naiinggit, ginanahan sa maling ginagawa sapagkat nakukuha nila ang atensyon na kulang sa kanila, at sa pananakot nila mararanasan. Nararamdaman ng bully na sa pananakot o pananakit, sila ay nagiging mapangyarihan,  sikat at  pinag-usapan.

Madalas maging biktima ang sa tingin nila ay mahina, hindi kilala at madaling matakot.

Batang biktima ng bullying

Hindi kaagad nalalaman ng mga magulang ng mga batang mag-aaral na biktima na ang kanilang mga anak ng bullying sa eskuwelahan. Bilang magulang, dapat nyong makilatis at mabatid ang mga senyales na binubully ang iyong anak.

Hindi ka makaaasa at makasisiguro na bibigyan ka ng impormasyon ng iyong anak dahil ayaw nilang mag-alala ka o kaya naman ay ma­lagay pa sa gulo kapag nangbatid ang nangyayari sa kanila sa eskuwela.

Narito ang mga ideya na maaaring makatulong sa pagtukoy ng mga palatandaan.

  1. Pakinggan ang mga sinasabi o kwento ng mga bata. Karamihan sa mga bata ay hindi direktang inilalarawan ang kanilang karanasan. Alamin ang nangyari kung atubili ang mga bata na ilarawan ang nararandaman at kung ito ay insidente na ng pambubuska. Payuhan ang mga bata kung paano malalagpsan ang bullying. Tiyakin sa kanila na hindi sila ang dahilan ng bullying.
  2. Pansinin ang nawawalan mga kaibigan. Ayon sa Verywell family, bilang magulang, ikaw ang higit na nakakikilala sa mga kaibigan ng iyong anak. Bigyan ng pansin kung ang kaibigan ng iyong anak ay hindi na pumapasyal o sumasama sa iyong anak. Bahagi ng yugto ng paglaki ng bata ang paghahanap at pabago-bago ng mga kaibigan, ngunit, may pagkakataon na ito ay isa nang indikasyon na nangyayari na ang pambubully sa iyong anak.
  3. Pagbabago ng saloobin. Alamin ang pagbabago ng ugali at personalidad ng bata.. Ang batang nabubully ay madalas na balisa, nagiging mahiyain at, malungkutin at nawawalan ng tiwala sa sarili. Dahilan man o hindi ang bullying, ang mga ugali at kilos ng mga bata ay hindi binabalewala.
  4. Pagbabago ng nakagawian sa pagkain. Nagpapakita ang mga bata ng pagbabago ng gawi sa pagkain, tulad ng hindi pagkain sa eskwelahan dahil iniiwasang mabully.Gutom kaya malakas silang kumakain pag-uwi ng bahay. May mga bully na inaagaw ang pagkain ng kanilang biktima.
  5. Alamin ang sanhi ng sugat at reklamo sa kalusugan. Ang nabubully na bata ay madalas na magreklamo na sumasakit ang ulo, tiyan at iba pang pisikal na sakit. May mga galos, sugat at mga gasgas sa balat. Kakikitaan din ang bata ng pagbabago sa pagkain. Ugaliing magtanong kung ano ang kanyang nararam­daman.
  6. Sira o nawawala ang mga gamit. Kapag umuwi ang inyong anak na wala o sira ang mga personal na gamit at gamit sa pag-aaral ay dapat ninyong alamin ang dahilan. May mga bully na kinukuha o sinisira ang gamit ng biktima.
  7. Bigyan pansin ang pagbagsak ng grado. Ang binubully ay nawawalan ng konsentrasyon sa pag-aaral kaya maaaring bumagsak ang kanyang grado. Alamin ang iskedyul ng bata. Ayon sa Verywell Family,  ang pagliban sa mga aktibidad o dahilan na kanselado ang klase ay posibleng dahilan na nabubully ang iyong anak. Bigyan din ng pansin kung ang iyong anak ay nawalan ng interes sa hilig na laro at aktibidad.
  1. Palatandaan ng pagbabago sa pagtulog. Ang pagbabago sa nakagawiang pagtulog ay pahiwatig na may problema ang inyong anak. Ang mga biktima ay nakararanas ng bangungot, pag-ihi sa kama at biglang pag-iyak.
  2. Sinisira ang sarili. Ang biktima ng bullying ay maaa­ring magkaroon ng nakasasamang ugali, tulad ng paglayas sa tahanan, depresyon, at sinasaktan ang sarili.
Please follow and like us:
Read More

I WAS A BULLY –VIN

vin12

ANG GARA NI VINIA(NI VINIA VIVAR)

INI-REVEAL ni Vin Abrenica na bully pala siya noong kabataan niya at ito raw ang isa sa medyo hindi magandang past niya.

“Ako ‘yung black sheep, medyo bad boy talaga ako noong bata ako,” pag-amin niya.

“I was also a bully, seryoso. Sobrang pinakamasama na pinaka-pinagsisisihan ko sa buong buhay ko,” pahayag ni Vin sa presscon ng Past, Present Perfect kung saan ay leading man siya ni Shaina Magdayao.

Ngayon ay nagkikita-kita raw sila ng mga friends na na-bully niya at humingi na raw siya ng tawad. Ang iba ay okay naman daw at sinabihan siya ng “ok lang ‘yun, mga bata pa tayo.”  Pero may mga iba raw na namumula pa rin ang mga mata sa tuwing magso-sorry siya.

“So, ewan ko, ewan ko kung ano ang ginawa ko noong bata ako and I said sorry. That’s my bad past.”

Pero siyempre, he has learned his lesson na hindi talaga tama ang mang-bully at ngayon ay against na against na siya rito.

 

Please follow and like us:
Read More

EMOSYON NAILABAS NI MOIRA MATAPOS MA-BULLY

boy abunda(NI BOY ABUNDA)

NARANASAN ni Moira dela Torre na ma-bully noong kabataaan niya. Ayon sa singer ay talagang mahirap ang kanyang mga pinagdaanan noon kaya nahilig sa pagsusulat.

“If you look at my journals when I was growing up, most of them started with, ‘I don’t know what to do anymore. I miss my family. Is this dream really for me? Is this actually possible? I have a crush, does he like me back?’ Things like that. So my prayers revolved around getting married, having my own family, my career,” pagbabahagi ni Moira.

Para sa singer ay malaking bahagi na ng kanyang buhay ang pagsusulat ng mga kanta. Dito nailalabas ni Moira ang iba’t ibang emosyon na kanyang nararamdaman. “I find my music as an outlet. Music helps me embrace whatever emotion I have. It helps me feel life more. Music has helped me so much in coping with my season,” giit niya.

Kamakailan ay nagpakasal na si Moira at Jason Marvin Hernandez kaya masayang-masaya ang singer sa bagong yugto ng kanyang buhay. Wala na raw ibang mahihiling pa si Moira dahil maganda rin ang takbo ng kanyang karera. “The past couple of years, it’s been so hard for me to feel my seasons, because everything’s happening too quickly. Everything happened in a span of two years. So while I’m grateful, I also feel like, ‘Hey! Wait, it’s happening too fast.’” nakangiting pahayag ng singer. -Reports from JCC- 

Please follow and like us:
Read More

ESTUDYANTE BASAG ANG ILONG SA MGA BULLY

ilocos

(Ni FRANCIS ATALIA)

LAOAG CITY – Kailangang maoperahan ang isang binatang mag-aaral habang patuloy na nagsasagawa ng imbestigasyon ang mga awtoridad sa kaso ng pambubugbog umano ng apat na kapwa niya mag-aaral sa Paoay City, Ilocos Norte.

Sa pahayag ng isang Jeff Agcolicol, tiyuhin ng hindi na pinangalanang biktima, na-disalign ang ilong ng binata sa naturang insidente kaya kailangan itong isailalim sa operasyon.

Nanawagan din si Agcolicol sa magulang ng mga suspek para sagutin ang bayarin sa nasabing operasyon.

Sa imbestigasyon ng pulisya, nawalan ng malay ang estudyante ng Paoay National High School matapos umanong bugbugin ng apat na senior high school students.

Bukod sa nasabing nadispormang ilong, namaga rin umano ang isang mata ng biktima.

Please follow and like us:
Read More

TATAY NG ATENISTANG NAM-BULLY, HINDI PULIS

DURANA-1

PINABULAANAN ng pamunuan ng Philippine National Police (PNP) ang kumakalat sa social media na isa umanong pulis ang tatay ng batang estudyante ng Ateneo de Manila University (ADMU).

Ayon kay PNP Spokesman CSupt. Benigno Durana Jr., walang pulis sa kanilang record na Joaquin Montes Sr.

Matatandaan na sa kainitan ng isyu ay sinabi ni dating Department of Interior and Local Government Sec. Raffy Alunan na isang scalawag na pulis ang ama nang batang nambully.

Samantala, sinipa na ng pamunuan ng ADMU ang batang nam-bully.

Please follow and like us:
Read More

‘ WAG GAMITIN ANG TAEKWONDO SA KAWALANGHIYAAN — MONSOUR

(Ni ED DE LEON)

Maliwanag ang statement ni Congressman Monsour del Rosario na hindi pinapayagan sa taekwondo na gamitin iyon sa pambubugbog sa ibang tao, lalo na’t kung alam mo na dahil sa nalalaman mo sa martial arts ay walang laban iyon sa iyo. Hindi rin tama, sabi niya, na gamitin ang taekwondo, o alin mang martial arts para takutin ang kapwa tao.

Nasa disiplina ng taekwondo, na iyan ay gagamitin lamang bilang self defense at hindi offense.

Kailangang mag-react ni Monsour, kasi nga sinasabing iyan taekwondo champion, black belter, ginagamit ang taekwondo sa kawalanghiyaan.

“Mga anak ko mismo tinuturuan ko ng taekwondo eh, pero lahat ng tinuruan ko ng martial arts, mas inuuna kong turuan ng disiplina at kagandahang asal. Kasi naniniwala ako na kung hindi maganda ang attitude ng tao, hindi na dapat turuan ng martial arts, kasi nga magagamit iyan ay hindi maganda. Hindi naman iyan ang layunin ng sports.

Maski na noong araw, iyong simula niyang mga martial arts, pinag-aaralan iyan at ginagamit para ipagtanggol ang tama. Iyong martial arts noong una, itinuturo iyan ng mga monks sa templo. Hindi iyan para makapanakit lang, kaya mali na gamitin iyan sa pambu-bully,” sabi ni Monsour.

Bilang isang congressman, sinasabi nga niyang naniniwala siyang kailangan na ngang muling pag-aralan, amyendahan o tuluyan nang ibasura ang RA 9344, o iyong Juvenile Act na ginawa ni Senador Kiko Pangilinan.

“Maganda iyong layunin ng batas, pero lumalabas na ang masamang epekto nito dahil nagagamit sa maling pangangatuwiran. Kailangan na iyang pag-aralan ng susunod na kongreso, “sabi pa niya.

                                                                            

Dapat kumikitang pelikula ang gawin

 

Totoong kailangan natin ng mga may katuturan, pero kumikita namang mga pelikula. Mukhang may maling paniniwala na iyong mga pelikulang pang-award ay dapat na iyon lang ang ambisyunin, iyong awards at hindi naman kumikita. Tandaan ninyo, higit sa lahat ang pelikula ay isang industriya, at kung industriya dapat kumikita dahil maraming mga taong umaasa ng kanilang kabuhayan diyan.

Tama iyong ambisyon nila na makarating sa mga festivals abroad, manalo ng awards, pero may pag-asa bang kumita ang mga iyon? Nakalabas ba sa mga commercial theater circuits sa abroad maging ang mga pelikula ng henyong si Akira Kurosawa? Kumita ba ang mga pelikula ni Luchino Visconti? Nakalabas ba sa mainstream cinema si Pier Paolo Pasolinni? Ang kumita sa Japan ay iyong mga kuwento ng mga samurai. Ang kumita sa Italya ay mga cowboy films kung tawagin ay “spaghetti westerns”. Kung wala ang mga iyon, gutom ang industriya sa Japan at sa Italya noong araw. Kagaya rin ng gutom ang film industry sa Pilipinas ngayon.

Please follow and like us:
Read More