GAMBLING LORD, UTAK SA BROADCASTER AMBUSH SLAY

(NI JG TUMBADO)

ISANG aktibong pulis ang itinuturong gunman sa pagpaslang kay local radio broadcaster na si Dindo Generoso sa Dumaguete City, Negros Oriental.

Kasabay nito ay tinukoy na rin ng pulisya ang isang gambling lord na siyang itinuturong mastermind sa krimen.

Ayon kay Police Brig. General Valeriano De Leon, Police Regional Office Director sa Central Visayas, kinilala nito ang gunman na si Police Cpl. Roger Rubio na nakatalaga sa 2nd Provincial Mobile Force Company (2nd PMFC).

Sinabi ni De Leon na posible pa umanong nasa Negros area lang si Rubio at hindi pa nakalalayo nang tuluyan.

Bukod kay Rubio, isang gambling lord naman na pinangalanang Tomacino Aledro ang sinasabing mastermind sa paglikida kay Generoso na ngayon ay nakalabas na ng bansa at nagtatago sa Estados Unidos.

Nitong nakaraang linggo ay nauna nang nadakip ang mga kasabwat ni Rubio na sina Teddy Reyes at Glenn Corsame, batay na rin sa kuha ng CCTV footage at ilang mga saksi sa krimen.

Nakikipag-ugnayan na ang Negros police sa Bureau of Immigration at maging sa International Police (Interpol) upang mahabol at madakip ng tuluyan si Aledro.

 

Please follow and like us:
Read More

3 ANGGULO TINUTUTUKAN SA PINASLANG NA BRODKASTER

(NI NICK ECHEVARRIA)

AGARANG ipinag-utos ni Central Visayas PNP Director P/BGen.Val de Leon ang masusing imbestigasyon sa ambush-slay ng isang  radio blocktime broadcaster sa Dumaguete City, nitong Huwebes.

Ayon sa pulisya, tatlo ang posibleng motibo sa krimen ang tinututukan ngayon sa pananambang sa 67-anyos na si Dindo Generoso.

Isa sa mga anggulo ang pagiging  hard-hitting radio broadcaster umano ng biktima na posibleng may nasagasaan sa kanyang programa sa radyo, gayundin ang paghahain nito ng kandidatura sa mayoralty election noong 2016, subalit idineklarang nuisance candidate, at ang land dispute sa pamilya ng biktima.

Si Generoso na isang blocktime broadcaster sa 96.7 dyEm FM Station sa Dumaguete, ay tinambangan at napatay habang minamaneho ang kanyang kotse (YKU 946) papasok sa kanilang himpilan ng radyo bandang alas-7:30 ng umaga sa Brgy. Piapi, Huwebes ng umaga.

Pitong basyo ng kalibre .45 baril ang narekober ng mga nagrespondeng pulis sa lugar na pinangyarihan ng krimen.

“We are now cooperating with the Presidential Task Force on Media Security (PTFoMS) for the immediate solution of this. We will not stop until those involved are brought to justice,” pahayag ni de Leon.

Si Generoso ang ika-15 sa bilang ng mga miyembro ng media na napatay sa ilalim ng kasalukuyang administrasyon.

 

Please follow and like us:
Read More

BROADCASTER AGAW-BUHAY SA AMBUSH

NASA bingit ng kamatayan ang isang local radio broadcaster sa Tacurong City sa Sultan Kudarat matapos itong pagbabarilin ng riding in tandem, ngayong Miyerkoles.

Kritikal sa St. Louis Hospital ang biktima na nakilalang si Benjie Caballero, station manager ng Radyo ni Juan Tacurong.

Ayon kay Police Lt. Colonel Rey Egos, chief of police ng Tacurong, pasado ala-una ng hapon nang maganap ang pamamaril sa biktima habang ito ay nag-aabang ng tricycle sa Purok Sampaguita, Barangay New Isabel.

Nabatid na huminto sa kanyang harapan ang dalawang lalaking sakay sa isang motorsiklo at walang sabi-sabing pinagbabaril siya ng mga ito.

Ilang tama ng bala ng baril sa iba’t ibang bahagi ng katawan ang tinamo ng biktima.

Bumuo na ng team ang Tacurong police para tutukan ang naturang tangkang paglikida kay Caballero na sinasabing may kaugnayan sa pagiging hard hitting commentator nito.

Please follow and like us:
Read More

2 SA BROADCASTER SLAY-TRY NAHAGIP NG CCTV, TINUTUGIS

(NI DONDON DINOY)

DAVAO CITY–TINUTUGIS na mga awtoridad ang dalawang persons of interest sa pamamaril ng radio broadcaster sa Barangay Visayan, Tagum City, noong Biyernes, Oktubre 11.

Ayon sa mga otoridad nahagip ng CCTV ang dalawang lalaki, na lulan ng motor nang pagbabarilin ang commentator na si Pat Lucero Pacquiao, kasalukuyan ding Provincial Information Officer ng Davao del Norte.

Dagdag ng pulisya na nakita rin sa CCTV ang pagtakas ng mga salarin.

Sinabi ni Police Lt. Col. Ariel Acala, hepe ng Tagum City Police, tugma ang hitsura ng dalawang suspek sa mga inilarawan ng mga nakasaksi umano sa pamamaril.

Sugatan si Pacquiao sa likod matapos madaplisan umano ng bala. Ayon kay Pacquiao, hindi niya inakala na tototohanin siya ng kanyang mga nakabangga sa komentaryo.

“Normal lang iyan sa akin, ang mga banta di ko na iyan pinakialaman, may nag-advise na sa akin na mag-bodyguard, hindi ko akalain na tototohanin nila ako,” ani Pacquiao.

Patuloy ang isinagawang imbestigasyon ng mga pulis para makilala ang mga responsable base sa CCTV footage.

Hindi na muna binigay sa media ang kopya ng CCTV.

 

Please follow and like us:
Read More