MAINE: ‘IBA TALAGA AKO MAG-ISIP!’

boy abundaPatuloy na pinipilahan sa mga sinehan ang pelikulang ‘Hello, Love, Goodbye’ na pinagbibidahan nina Kathryn Bernardo at Alden Richards. Nakapagsimula na rin ng shooting ang pelikulang pinagtatambalan nina Maine Mendoza at Carlo Aquino na ‘Isa Pa With Feelings.’

Para kay Maine ay hindi raw siya nakararamdam ng pressure dahil sa tagumpay ng pelikula nina Alden at Kathryn. Matatandaang maraming proyekto na rin ang pinagtambalan nina Maine at Alden at ngayon nga ay nasubukan ng  dalawang makipagtambal sa iba. “Honestly wala (pressure), kasi hindi naman ako producer. So parang ang concern ko lang talaga is sana makagawa kami ng magandang pelikula. Parang ‘yung quality pa rin talaga ‘yung nagma-matter sa akin. Parang hindi ko naman ini-expect na magiging blockbuster ‘yung film namin or anything. Ang gusto ko lang talaga na maka-deliver kami ni Carlo and magustuhan ng tao ‘yung magagawa namin,” giit ni Maine.

Ayon sa Kapuso actress ay ibibigay na lamang niya ang lahat ng kanyang makakaya para maganda ang kalabasan ng pelikula nila ni Carlo. “Honestly sa pelikula, ako kasi, as an actress and not as a producer, ang main focus ko ngayon is makagawa ng magandang pelikula. Iba talaga ako mag-isip. Never naging thing sa akin ‘yung kikitain ng pelikula or ‘yung kung saan pa pupunta ‘yung pelikula. Ang gusto ko lang ang maging sure ‘yung makagawa kami lahat ng pelikula na magiging proud kami at maganda ‘yung story, ‘yung execution, lahat,” paliwanag ng dalaga.

Samantala, kung mabibigyan ng pagkakataon ay gusto na muling makapag-record ni Maine ng isang album para sa mga tagahanga. “Medyo busy na ngayon lalo na sa movie with Carlo Aquino and an upcoming MMFF movie din with Bossing (Vic Sotto). Tapos ‘yung Eat Bulaga everyday so naghahanap lang kami ng time kung kailan makapag-record ng ibang music para ma-release na din ‘yung album ko. Pero sa ngayon medyo focused kami sa dalawang movies,” pagbabahagi ng aktres.

-Reports from JCC-

Please follow and like us:
Read More

IAN, SUPORTADO NINA REGINE AT OGIE SA CONCERT

Ian Veneracion

Hindi man aktibo ngayon sa telebisyon ay nae-enjoy naman daw ni Ian Veneracion ang kanyang pagkanta at pagtugtog ng gitara. Nakailang concerts na ang aktor simula noong isang taon. “My first concert was a year ago. I have songs pa na out sa Spotify. Actually marami pang ibang magagandang songs. Nae-enjoy ko ‘yung recording, talking with arranger and up to the final mix. And also with my band, I’ve been playing with only one band since I started, playing live and we became friends. So it’s a collaboration talaga. Minsan may suggestions ‘yung drummer, minsan may suggestions ‘yung gitarista. Masarap kasi hindi lang siya ‘yung piyesa-piyesa then game,” nakangiting kwento ni Ian.

Ayaw daw ng aktor na nagbabasa ng piyesa ang kanyang banda sa tuwing nagpe-perform sila sa entablado.  “Lahat mayroong flow, ayaw ko kasi sila nang nagbabasa. Kapag rehearsal, basa-basa pero kapag nagpe-perform, walang basahan. May risk din, hindi siya perfect all the time, pero minsan may magic na nangyari. Minsan magkakaiba ng tiyempo pero nagiging dynamic, it’s exciting,” pagtatapat niya.

Sa July 11 at 12 ay gaganapin sa Music Music ang ‘Ian In Color’ concert ng aktor. Masayang-masaya si Ian dahil magiging panauhin ang mag-asawang sina Regine Velasquez at Ogie Alcasid sa nasabing concert. “I feel legit kasi si Ogie, ‘yung mag-asawa, mga beterano sa music. Silang mag-asawa very supportive sa mga pumapasok pa lang sa industriya. I’m very thankful that they are very supportive, they are there not just to introduce the show but to be my special guests,” paglalahad ng aktor.

Hindi raw nakikita ni Ian na makakapag-concert din siya sa Araneta Coliseum sa mga susunod na taon. “Hindi ko alam eh, parang focused ako sa music part, hindi ‘yung production number. Minsan kasi song and dance, effects and LED’s. Ako I enjoy watching ‘yung mga gano’n pero ako ang nae-enjoy ko is ‘yung music part talaga then borloloy na lang ‘yung lights, LED’s,” pagtatapos ni Ian. (BOY ABUNDA X-CLUSIVES)

-Reports from JCC-

Please follow and like us:
Read More

LOISA, BALAK PANG MAGDAGDAG NG NEGOSYO

LOISA ANDALIO-2

boy abundaNakalipat na ang buong pamilya ni Loisa Andalio sa bagong bahay na naipundar ng aktres. Masayang-masaya ang dalaga dahil sa murang edad ay mayroon na siyang mga naipundar mula sa kanyang mga trabahong pinaghirapan.

“Di ko sinasabing bahay ko. Bahay nila, para sa kanila. Dati kami nakikitira lang talaga kami sa tita ko. Eh ngayon wala na kami doon, lumipat na kami. Una sa salon, nagkaroon ako ng salon. Mayroon do’n na kwarto na isa. So do’n sila umuuwi, doon lang sila umuuwi sa salon. Tapos naisip ko, parang hindi naman pwede na dito lang kami sa salon. So do’n na nagpagawa na ako ng bahay para sa kanila,” kwento ni Loisa.

Hindi naging madali para sa aktres na makapagpundar lalo pa’t siya ang tumatayong breadwinner sa kanilang pamilya. “May time na nasisimutan talaga ako ng pera. As in nasisimot talaga. As in hindi ako makahingi ng pera kay mama kasi alam kong walang pera. Kahit ngayong artista na ako as in no’ng last year. Hindi ako nakakahingi ng pera kay mama kasi alam kong wala talaga,” pagbabahagi ng dalaga.

Bukod  sa sariling salon ay nagbabalak umanong magbukas ng iba pang negosyo na pwedeng pagkakitaan si Loisa para sa kinabukasan ng aktres. “Kasi sa trabaho ko hindi naman ako sure kung hanggang kailan ako may trabaho eh. Kumbaga hindi ko pa din masasabi kung kailan ako may trabaho eh. So gusto ko mayroon pa din kaming siguradong pagkukuhaan,” paliwanag niya.

-Reports from JCC-

Please follow and like us:
Read More

CSC, NAPAHANGA KAY BEA

CHARO-BEA-2

Sa kauna-unahang pagkakataon ay nagkasama sa isang pelikula sina Charo Santos-Concio at Bea boy abundaAlonzo. Sa March 27 ay mapapanood na sa mga sinehan ang ‘Eerie’ na pinagbibidahan ng dalawang aktres.

Ayon kay CSC ay talagang napahanga siya sa pagiging magaling na aktres ni Bea sa bagong proyekto. “Bea was only thirteen years old when I met her. Talagang nasundan ko ang kanyang career bilang artista at isa siya sa mga hinahangaan ko sa mga kabataang artista. So I felt so excited and I really looked forward to working with her. She’s a very intelligent, intuitive and generous actress. She works hard. Talagang she comes to the set prepared. ‘Pag break naman, nagbe-break din naman siya from her character. She’s a true professional. Her attitude towards her craft is admirable,” nakangiting kwento ni Charo.

Samantala, mahigit apat na dekada na ang nakalilipas nang makasasunkit ng Best Actress award si CSC para sa  pelikulang ‘Itim’ na kauna-unahang horror film na nagawa ng beteranang aktres. Hindi raw umaasa si Charo ngayon na muling magkakamit ng award para sa bagong pelikula na may kaparehong tema sa direksyon ni Mikhail Red.

“What can I say? I just gave my best. Kanya-kanyang mata ‘yan. Kanya-kanyang perspektibo ‘yan di ba? Wala sa aming mga kamay. Talagang na-appreciate ko ‘yung character ni Alice (madre na karakter niya). Kasi nag-aral din ako sa isang eksklusibong paaralan para sa mga kababaihan that was run by nuns. Alam n’yo naman ‘yung mga pinapatupad na guide posts ng nagpapatakbo ng institusyon and minsan ‘yung mga bata, ‘yung guilt minsan ang nagmo-motivate ng behavior mo ‘pag bata ka.”

“Kasi ang patakaran tapos ‘pag di mo nasunod, may corresponding punishment. And ‘pag bata ka pa, hindi mo pa naiintindihan ‘yung lawak ng mundo. So may appreciation ako sa struggle ng isang babae na nanggaling sa very traditional na upbringing,” pagdedetalye ni CSC tungkol sa bagong pelikula.

-Reports from JCC-     (BOY ABUNDA X-CLUSIVE)

Please follow and like us:
Read More