EO NO.02 (FOI) NI PRES. DUTERTE BINABALEWALA?

BOMBAHAN NA FINAL

HINDI maintindihan ng BOMBAHAN NA kung bakit hindi kinikilala o binabalewala ng iba’t ibang ahensiya ng gob­yerno ang Executive Order No. 02 o Freedom of Information (FOI) na nilagdaan ni Pangulong Rodrigo Roa Duterte noong Hulyo 23, 2016.

Hindi lang mga ordinaryong mamamayan ang nakararanas nito kundi maging ang mga nasa propesyon ng pamamahayag (media) sa bansa.

Malinaw pa po sa sikat ng araw ang nilalaman ng EO No. 02.

Isa-isahin po natin: Unang paragraph pa lang po nito ay mababasa na ang “Operationalizing in the executive branch the people’s constitutional right to information and the state policies to full public disclosure and transparency in the public service and providing guidelines”.

Malinaw po ang layunin para magkaroon ng ‘transparency’, ibig sabihin ni Pangulong Duterte, walang itatago ang mga ahensiya ng gobyerno sa taumbayan.

Pangalawang paragraph, “Whereas, pursuant to Section 28, Article II of the 1987 Constitution, the State adopts and implements a policy of full public disclosure of all its transactions invol­ving public interest, subject to reasonable conditions prescribed by law”.

Sa Section 7 ng Article III ng Constitution ay bi­nibigyan ng garantiya ang karapatan ng mga tao na mabigyan ng impormas­yon na may kinalaman sa publiko.

Nasa kontrol ng Presidente ng bansa, sa ilalim ng Section 17, Article VII ng Constitution, ang executive departments, bureaus at offices at ang trabaho nila ay tiyakin na maipatupad nang tama ang nakalagay sa batas.

Awtomatikong dapat sumunod sila sa anomang pinirmahang EO ni Pa­ngulong Duterte.

Ito pa ang nakapaloob sa EO No. 02, “SECTION 1. Definition. For the purpose of this Executive Order, the following terms shall mean (a) “Information” shall mean any records, documents, papers, reports, letters, contracts, minutes and transcripts of official meetings, maps, books, photographs, data, research materials, films, sound and video recording, magnetic or other tapes, electronic data, computer stored data, any other like or similar data or materials recorded, stored or archived in whatever format, whether offline or online, which are made, received, or kept in or under the control and custody of any government office pursuant to law, executive order, and rules and regulations or in connection with the performance ortran­saction of official business by any government office.

(b) “Official record/records” shall refer to information produced or received by a public officer or employee, or by a government office in an official capacity or pursuant to a public function or duty.

(c) “Public record/records” shall include information required by laws, executive orders, rules, or regulations to be entered, kept and made publicly available by a government office”.

Hinikayat din ang local government units (LGUs) na sundin ang kautusan na ito.

Ngayon ang katanungan ng taumbayan sa mga opisyal ng gobyerno ay bakit hindi n’yo sinusunod ang EO No. 02?

Ang pananaw po ng BOMBAHAN NA, pambabastos kay Pangulong Duterte ang hindi ninyo pagsunod sa kanyang kautusan.

Tulad na lang ng National Commission for Culture and Arts (NCCA) sa pamumuno ni Chairman Virgilio Almario. May itinatago ba sila na ayaw makalkal?

Malinaw pa sa sikat ng araw ang nakapaloob sa EO No. 02 na pati dokumento ng kontrata ng Metropolitan Theater (MET Theater) restoration ay hindi nyo dapat itinatago sa taumbayan.

Bukod sa ayaw magbigay ng dokumento ay mga isnabero pa ang mga ito.

Ano kaya pakiramdam nila sa kanilang mga opisina, pribadong pag-aari nila?

oOo

Pasabugin ang katiwalian, magsumbong sa BOMBAHAN NA, mag-email joel2amongo@yahoo.com

Please follow and like us:
Read More