2 KAGAWAD ITINUMBA SA BARANGAY HALL

BULLET-1

BUKIDNON – Pinagbabaril hanggang sa mapatay ang dalawang kagawad sa mismong tapat ng barangay hall sa bayan ng Talakag sa lalawigang ito.

Bunsod nito, kinansela ang sesyon ng konseho sa Barangay Dominorog.

Kinilala ang mga biktimang sina Loreno Pedyaan, 69, at  Mauricio Guinto, 73-anyos.

Tinamaan ng bala sa ulo si Guinto habang sa dibdib naman ang tama ni Pedyaan.

Natagpuan ng mga pulis sa crime scene ang apat na basyo ng .45 kalibre ng baril.

Ayon kay P/Capt. Dominador Orate Jr., ang hepe ng Talakag Municipal Police Station, inihayag ng isang testigo na inabangan ng suspek sa barangay hall ang mga biktima at pinagbabaril.

Inaalam pa ng pulisya ang posibleng motibo sa pamamaril ngunit isa sa tinitingnan ay anggulong politi-ka.

Hinala ng mga awtoridad, gun for hire ang mga suspek sa krimen.

May lead na rin ang pulisya sa pagkakakilanlan ng posibleng nag-utos sa pamamaril.

Hustisya naman ang panawagan ng pamilya ng mga biktima. (KIKO CUETO)

Please follow and like us:
Read More

LIVE-IN PARTNERS PINATAY SA BAHAY

BARIL-9.jpg

SORSOGON City – Patay ang mag-live-in partner makaraang pasukin at pagbabarilin sa kanilang bahay ng dalawang hindi kilalang mga suspek sa Sitio San Lorenzo, Brgy. Bibincahan sa lungsod na ito, noong Lunes ng gabi,

Kinilala ang mga biktimang sina Lawrex Roy Tina Marinda, 35, tricycle driver, at Moriel Barsaga Sola, bi-naril at napatay dakong alas-6:50 ng gabi sa nasabing lugar.

Sa paunang ulat ng ng Sorsogon City Police Station, nagpapahinga ang dalawang biktima sa kanilang tahanan nang biglang pasukin at pagbabarilin ng mga suspek sa hindi pa batid na dahilan.

Dead on the spot ang dalawang biktima na tinamaan ng mga bala sa iba’t ibang bahagi ng kanilang ka-tawan mula sa hindi pa batid na kalibre ng baril habang naglalakad lamang palayo ang mga suspek makaraan ang krimen.

Kasalukuyang tinutugis ng mga tauhan ng Sorsogon CPS at mga miyembro ng SWAT team ang tumakas na mga suspek habang iniimbestigahan ng mga awtoridad ang insidente. (NICK ECHEVARRIA)

Please follow and like us:
Read More

BOMBAY TINANIMAN NG TINGGA SA ULO

BINARIL SA ULO-2

CAMARINES Sur – Patay ang isang Indian national makaraang barilin ng hindi kilalang suspek sa loob ng kanyang sasakyan habang nakaparada sa tabing kalsada sa bayan ng Bulan sa lalawigang ito, nitong Linggo ng umaga.

Kinilala ng Bulan Municipal Police Station (MPS) ang biktima ng pamamaril bandang alas-9:30 sa Provincial Road, Zone 1, Brgy. Balaogan ng nasabing bayan, na si Surjit Singh y Kaur, 40, may asawa, residente ng Zone 6, Brgy. San Miguel, Iriga City.

Sa paunang ulat ng Bulan MPS, nasa loob umano ng kanyang nakatigil na sasakyan sa nasabing lugar ang biktima  nang biglang sumulpot ang hindi pa kilalang suspek at agad itong binaril sa ulo.

Nabatid na nawawala ang bag ng biktma na may lamang cellphone at hindi pa batid na halaga ng pera na hinihinalang tinangay ng suspek.

Patuloy na inaalam ng pulisya ang posibleng motibo sa krimen at pagkakakilanlan ng hindi batid na bilang ng mga suspek sa insidente. (NICK ECHEVARRIA)

Please follow and like us:
Read More

BOY PADYAK TODAS SA BALA SA LEEG

BLOODY BULLET

TODAS ang isang 28-anyos na pedicab driver matapos barilin sa leeg ng hindi kilalang suspek kahapon ng madaling-araw sa Navotas City.

Agad nagkikisay sanhi ng tama ng bala sa leeg si Gregorio Coroña, nasa hustong gulang, ng Buwan-Buwan St., Brgy. North Bay Boulevard South (NBBS) Kaunlaran.

Ayon sa tanod na si Rodrigo Elivado, nasa loob siya ng barangay outpost dakong alas-12:45 ng madaling araw nang makarinig ng putok ng baril.

Ilang sandali pa, isang batang lalaki ang pumunta sa outpost at ipinaalam sa kanya na may duguang lalaking nakabulagta at nang puntahan ay nakita ang bangkay ng biktima.

Batay naman sa pahayag ng saksing hindi ipinabanggit ang pangalan, nakita niya ang nag-iisang suspek na nagkukumahog na tumakas matapos ang pamamaslang.

Hanggang sa kasalukuyan ay blangko pa ang pulisya kung sino ang suspek at ano ang motibo sa krimen. (ALAIN AJERO)

Please follow and like us:
Read More

DATING PRESO TEPOK SA KUMATOK

BINARIL-4

GEN. SANTOS City – Patay ang isang dating preso makaraang pagbabarilin ng hindi kilalang suspek na kumatok sa kanyang bahay, iniulat nitong Miyerkoles ng umaga sa lungsod na ito.

Kinilala ang bikimang si Romeo Zamora, nasa hustong gulang at residente ng Sarangani Homes Phase 1, Barangay San Isidro, ng nasabing lungsod.

Batay sa report ng GenSan Police Station, dakong ala-1:00 ng hapon nang mangyari ang insidente sa nasabing lugar.

Lumabas sa imbestigasyon ng pulisya, nasa loob ng kanyang bahay ang biktima nang biglang may kumatok sa pinto.

Agad binuksan ng biktima ang pintuan ngunit sinalubong siya ng mga bala mula sa baril ng suspek na agad ikinamatay ni Zamora.

Makaraan ang pamamaril ay mabilis na tumakas ang suspek sa hindi malamang direksyon.

Kuwento naman ng kapatid ng biktima, kalalabas lamang ng kulungan ng kanyang kuya noong nakalipas ng taon.

Nagpapatuloy ang imbestigasyon ng pulisya sa nasabing insidente para alamin ang posibleng motibo sa krimen. (ANNIE PINEDA)

Please follow and like us:
Read More

BIYUDO DEDO SA RAPIDO 

BULLET-1

BUMULAGTANG walang buhay ang isang 44-anyos na biyudo makaraang pagbabarilin ng hindi kilalang mga suspek sa Malabon City noong Linggo ng hapon.

Kinilala ang biktimang tinamaan ng bala sa ulo at katawan na si Renato Dacara, driver, residente ng Blk. 1, Lot 3, Sitio Gulayan, Brgy. Catmon.

Ayon sa ulat ng pulisya, alas-3:30 ng hapon, nakatayo ang biktima sa Sitio Gulayan St. nang sumulpot ang mga suspek sa likod at pinagbabaril si Dacara.

Nang matiyak na patay na ang biktima ay tumakas ang mga suspek patungo sa Pilapil St., Brgy. Catmon.

Sa kasalukuyan, blangko pa ang pulisya kung sino ang mga suspek at kung ano ang motibo sa krimen. (ALAIN AJERO)

Please follow and like us:
Read More

MAG-UTOL DEDBOL SA PARAK

gun

CEBU City – Kapwa namatay ang magkapatid na lalaki makaraang pagbabarilin ng kanilang kapitbahay na pulis dahil sa matagal nang alitan, iniulat nitong Lunes ng umaga sa lungsod na ito.

Kinilala ang namatay na magkapatid na sina Joel Cabrera, 35, at Jerbes Cabrera, 30-anyos, kapwa resi-dente ng Barangay Dumlog, Talisay Cebu.

Habang nadakip naman ang suspek na kinilalang si Staff Sgt. Sidney Alisoso, 32, miyembro ng Region-al Drug Enforcement Unit-Police Regional Office 7 Cebu City.

Batay sa report ng Talisay Police Station, dakong alas-10:00 ng gabi nang mangyari ang insidente sa labas ng bahay ng mga biktima.

Lumabas sa paunang imbestigasyon, bigla lamang umanong pumasok ang suspek sa bahay ng magka-patid at kinaladkad palabas si Jerbes saka pinagbabaril.

Nagising naman ang natutulog na si Joel at nang mabatid ang ginawa ng suspek ay mabilis na lumabas ngunit maging siya ay pinagbabaril din ng suspek.

Ayon naman sa ina ng magkapatid, nag-ugat ang alitan ng kanilang pamilya at ni Alisoso, dalawang taon na nakalilipas, dahil sa tubig at kanilang bakod na lumagpas umano sa tamang sukat.

Hanggang sa muli umanong naungkat ang alitan nang matalsikan ng debris ang bahay ng suspek.

Mabilis namang nagresponde ang mga pulis at nadakip ang suspek na nahaharap sa kasong double murder. (ANNIE PINEDA)

Please follow and like us:
Read More

KAGAWAD NA TULAK, ITINUMBA

pinagbabaril copy.jpg

CAPIZ – Bumulagtang walang buhay ang isang barangay kagawad na sangkot sa pagbebenta ng ilegal na droga makaraang pagbabarilin ng  armadong kalalakihan, iniulat nitong Miyerkoles ng umaga sa lalawigang ito.

Kinilala ang namatay na si Kagawad Onel ‘Dodoy’ Arandez, ng Brgy. Punta Tabuc, Roxas City.

Batay sa report ng Tabuc Police Station, umaga noong Martes nang mangyari ang insidente sa harap ng isang talyer sa Brgy. Cagay, ng lungsod.

Lumabas sa imbestigasyon, nagpapaayos ng kanyang motorsiklo ang biktima nang biglang sumulpot ang armadong mga suspek sakay ng Toyota Innova at pinaulanan ng bala si Arandez na agad nitong ikinamatay.

Napag-alaman, dating nadakip ang biktima sa drug buy-bust operation na ikinasa ng Philippine Drug Enforcement Agency at itinuring na ‘high value target’.

Una na rin siyang napabilang sa listahan ng Directorate for Intelligence (DI) ng pulisya dahil sa pagtutulak ng ilegal na droga.

Patuloy ang imbestigasyon ng pulisya sa nasabing insidente. (ANNIE PINEDA)

Please follow and like us:
Read More

DALAGITA BULAGTA SA KUMATOK

(Ni ANNIE PINEDA)

BULAGTA ang isang dalagita sa loob ng kanilang bahay nang pagbabarilin ito ng hindi pa kilalang suspek matapos kumatok , iniulat kaninang umaga sa probinsya ng Camarines Sur.

Kinilala ang biktimang si Jessiel Cultivo, 15-anyos at residente ng Barangay Patitinan, Sagñay, Camarines Sur.

Batay sa report ng Camarines-PNP, dakong 12:10 ng hatinggabi nang maganap ang insidente sa nasabing lugar.

Lumabas sa paunang imbestigasyon, bago ang insidente may naghahanap sa kinakasama ng biktima sabay katok sa bahay at paglabas ni Cultivo, dito na siya binaril sa noo at dibdib na agad niyang ikinamatay.

Matapos ang pamamaril mabilis na tumakas ang suspek sa hindi malamang direksyon.

Nagpapatuloy naman ang imbestigasyon ng mga awtoridad para alamin ang tunay na motibo sa krimen at pagkakakilanlan sa suspek.

Please follow and like us:
Read More

BINATA, BINOGA SA SARI-SARI STORE

crimebaril1

(Ni BONG PAULO)

NORTH COTABATO – Nakahandusay at naliligo na sa kanyang sariling dugo ang isang 22-anyos na binata nang matagpuan ng kanyang kamag-anak nang barilin ng ‘di pa nakilalang gunman habang nasa kanyang Sari-sari Store sa Sitio Paglaum Relocation, Barangay Poblacion B sa bayan ng Mlang, North Cotabato, Huwebes ng gabi.

Kinilala ang biktima ng pamamaril na si Dave Fuentes, 22 anyos, single, isang self-employed at residente sa lugar.

Ayon sa spot report ng Mlang PNP, alas 9:00 pasado ng gabi habang nasa kanyang sari-sari store ang biktima ay nakarinig diumano ang mga kamag-anak ng sunod-sunod na putok ng baril.

Agad na tinungo ng mga kaanak maging ng kapitbahay ang pinagmulan ng putok at dito na nila inabutang nakabulagta ang biktima at naliligo sa sariling dugo.

Ayon sa ilang kaanak maging kapitbahay ng biktima walang katao-tao sa lugar ng mangyari ang pamamaril kayat walang makapagturo sa posibleng pagkakakilanlan sa gunman. Sa ngayon ay patuloy ang isinasagawang malalimang imbestigasyon ng pulisya sa bayan ng Mlang sa pagpatay kay Fuentes.

Please follow and like us:
Read More

TRAFFIC ENFORCER BINISTAY NG BALA NG TANDEM

gun12

(Ni KOI HIPOLITO)

Binawian ng buhay ang isang traffic enforcer matapos na pagbabarilin ng dalawang hindi pa nakikilalang suspek sakay ng hindi naplakahan na motorsiklo bandang 9:30 ng umaga nitong Lunes sa kahabaan ng Edsa Extension sa tapat ng Double Dragon Plaza, Brgy. 76 sa lungsod ng Pasay City.

Nakilala ang biktima na si Joey De Chavez, nasa hustong gulang at regular na Traffic Enforcer sa Pasay City Government.

Base sa report ng isang nakasaksi sa krimen, nakarinig umano siya ng sunod-sunod na putok ng baril malapit sa kanyang pinagtatrabahuan at bigla na lamang umanong nagtakbuhan ang ilan mga by stander sa lugar.

Ang bumaril na dalawang suspek ay sumakay ng isang motorsiklo patungo ng North Bound sa Edsa Extension.

Napag-alaman ng mga rumespondeng otoridad sa misis ng biktima na nakakatanggap ng  pagbabanta sa buhay ang kanyang namatay na asawa dahil sa kanyang trabaho.

Nanawagan naman si Pasay City police chief PCol. Bernard Yang, sa iba pang  mga

posibleng nakasaksi at nakakilala sa mga salarin na agad makipag-ugnayan sa Pasay City Police Station para mapanagot at madakip ang mga suspek.

Please follow and like us:
Read More

DATING PULIS TININGA SA ULO

GUNMAN-3

(Ni ROSE G.PULGAR)

Binaril sa ulo ng dalawang hindi pa nakikilalang salarin ang isang dating pulis Pasay habang kumakain kasama ang kanyang anak sa isang karinderia at isang babae naman ang sugatan nang tamaan ng ligaw na bala kamalawa ng gabi sa Pasay City.

Dead on the spot sa pinangyarihan ng insidente ang biktimang si Joselito Lopez,46 anyos, dating nakalatalaga sa  Station Intelligence Unit ng Pasay City Police at naninirahan sa sa Apelo Cruz St. Extention, Malibay Pasay City makaraang magtamo ng dalawang tama ng bala ng hindi pa mabatid na kalibre ng baril sa ulo.

Samantala patuloy naman nilalapatan ng lunas sa Pasay City General Hospital ang ginang na nakilalang si Arlene Israel,31 anyos, nakarira sa no. 455 Tramo St. EDSA  nang nasabing lungsod makaraang tamaan ng ligaw na bala sa kaliwang hita.

Batay sa isinumiteng report ni Police Col. Bernard Yang, hepe  ng Pasay City Police  dakong alas 10:55 kamakalwa ng gabi nang maganap ang pamamaril habang kumakain ang biktima kasama ang kanyang anak na lalaki na nasa edad na 21 sa Cusi-Nah Resturan na matatagpuan sa Zamora St. Barangay 95 Zone 11 nang lapitan umano ng dalawang hindi pa nakikilalang mga salarin at sabay na pinaputukan ng dalawang beses sa ulo na naging sanhi ng agaran nitong kamatayan.

Natulala na lamang ang anak na binata ng duguang bumagsak sa harap niya ang kanyang ama.

Matapos  ang pamamaril mabilis na tumakas ang mga salarin sakay ng isang hindi naplakahang motorsiklo sa di batid na direksyon.

Hindi pa mabatid ng Pasay City Police kung may kinalaman sa dating trabaho ni Lopez ang ginawang pagpatay sa kanya.

Si Lopez ay dating nakatalaga sa Intelligence Unit at sa Drug Enforcement Unit sa nasabing lungsod.

Base sa report , may kinakaharap umano ng kaso ang nasabing pulis sa Office of the Ombudsman (hindi na binanggit na kaso) hanggang sa nagkaroon ng dismissal at natanggal sa serbisyo.

Sa ngayon ay inatasan naman ni Col Yang ang kanyang mga imbestigador na magsasagawa ng masusing imbestigasyon hinggil dito at busisisiin din ang close circuit television (CCTV) camera kung nahagip ito para sa pagkakilanlan ng mga salarin.

Please follow and like us:
Read More

2 ADIK SA COMPUTER GAMES, PINASABOG ANG BUNGO

GUN FIRE-2

(Ni BONG PAULO)

BUTAS ang bungo ng isang 17-anyos na binatilyo habang patay din ang isa pa nitong kasama na kapwa sinasabing adik sa computer games matapos na pabulagtain ng gunman ang dalawa sa loob mismo ng internet café na nasa National Highway ng Barangay San Pablo sa Tacurong City, Sultan Kudarat.

Kinilala ang nasawi na si Jp Ramos alias Kokey at Mark Arthur Bukani alias Dading, 14-anyos, na kapwa residente ng nasabing lugar.

Batay sa ulat, alas-7:00 ng gabi nitong Lunes ng pinasok ng di pa nakilalang suspek ang PisoNet Café sa nasabing lugar at pinagbabaril ang mga biktima sa ulo.

Patay noon din ang mga biktima matapos na barilin habang naglalaro ng computer games.

Mabilis namang tumakas ang suspek sa ‘di malamang direksiyon sakay ng isang motorsiklo.

Patuloy pang inaalam ang motibo sa krimen.

Please follow and like us:
Read More

LALAKI NA BUMIBILI NG NOODLES, BINOGA SA BATOK

BARIL-8

(Ni JUN V. TRINIDAD)

LUCENA CITY – Isang 19-anyos na lalaki ang binaril habang bumibili ng noodles sa tindahan sa Gumaca, Quezon nitong Linggo ng gabi.

Sa report ng pulisya, naganap ang insidente ng pamamaril habang ang biktima na kinilalang si Boyet San Buenaventura, 37, ay bumibili ng noodles sa isang tindahan na tinatauhan ni Jessie Mark Batugon, 19, sa Barangay Progreso dakong 10:30 ng gabi.

Matapos na bumili ng noodles na lulutuin bilang midnight snack ay tumalikod na sa tindahan ang biktima nang bigla itong barilin ni San Buenaventura.

Matapos ang pagbaril ay mabilis na tumakas ang suspek.

Mabilis na isinugod ng mga residente ang biktima sa San Diego Hospital sa kabayanan subalit patay na ito nang dumating sa nasabing pagamutan.

Inaalam pa ng mga otoridad ang motibo ng suspek sa pagpatay.

Please follow and like us:
Read More

PULIS PINATAY SA HARAP NG BAHAY

police

PERSONAL na alitan ang tinututukan ngayon ng mga imbestigador matapos barilin at patayin ang isang pulis sa harap ng kanyang bahay sa Sitio Central, Barangay Pit-os, Cebu City, Linggo ng umaga.

Tinadtad ng tama ng bala si PO2 Romeo Jumalon, 42, at hindi na umabot nang buhay sa ospital Sinabi sa report na nakatayo si Jumalon sa harap ng bahay bandang alas-4 ng madaling araw nang biglang pumarada ang isang sasakyan at pagbabarilin siya ng mga sakay nito.

Si Jumalon ay nakatalaga sa Regional Service Group of the Police Regional Office sa Central Visayas. Nagsilbi rin siya sa Regional Personnel Holding Administrative Office at Regional Police Anti-Illegal Drugs Office./jda

 

Please follow and like us:
Read More

PUWET NG BATA LUMAKI SA BOGA NG PINSANG MINOR DE EDAD

gun 3

(Ni ANNIE PINEDA)

LUMAKI ang butas ng puwet ng isang 7-taong-gulang na batang lalaki makaraang mabaril ito ng kanyang pinsang minor de edad kahapon sa Pasay City.

Inoobserbahan na ang biktima matapos gamutin ng doktor ang kanang bahagi ng puwet na tinamaan ng bala ng kalibre 38.

Arestado ang 17-anyos na suspek na dinala sa Social Welfare Department ng pamahalaang local alinsunod sa itinakda ng batas.

Sadyang hindi pinangalanan ang magpinsan dahil kapwa menor de edad.

Ayon kay Supt. Noel Flores, hepe ng Pasay police, nagulat ang tiyahin ng bata nang makarinig ng putok ng baril sa loob ng kanilang bahay hanggang nakita nitong duguan ang biktima.

Ani Flores, iniimbestigahan na ang insidente upang malaman kung aksidente ang krimen o hindi.

Sabi naman ni Kagawad Teddy Rosales ng Brgy. 184 na maaaring pag-aari ng suspek ang baril dahil marami na rin itong rekord sa barangay na sangkot sa pagnanakaw at iba pang krimen.

Please follow and like us:
Read More

30-ANYOS PATAY NANG TADTARIN NG BALA

POLICE LINE

NATAGPUAN ang duguang katawan ng isang 30-taong-gulang na lalaki sa Lungsod ng Parañaque kagabi.

Ang biktima ay si Ron Christopher Paulino na maraming tama ng bala sa kanyang katawan, ayon sa pulisya.

Natagpuan ang bangkay dakong 11:00 p.m. sa kanto ng Bethlehem at Jordan Streets sa Brgy. San Isidro.

Tatlong basyo ng bala ng calibre 45 at dalawang metallic jacket ang natagpuan ng mga pulis malapit sa katawan ni Paulino, sabi ng pulisya.

Iniimbestigahan na ng pulisya ang dahilan ng pagpatay at bumira sa biktima.

Please follow and like us:
Read More