GRANDSLAM PRESSURE 

(NI ANN ENCARNACION)

MAS tumindi ang pressure sa San Miguel Beer na masungkit ang ikalawang grandslam title sa Philippine Basketball Associaiton (PBA) matapos maibulsa ang Commissioner’s Cup title kontra TNT Katropa.

Unang napanalunan ng Beermen ang Philippine Cup title kontra sa Magnolia Hotshots sa decider Game 7 noong Mayo bago tinalo ang TNT Katropa sa Game 6 noong Biyernes at isukbit ang ikalawang titulo.

“Naabot na natin ang 2/3 ng target, 1/3 na lamang ang natitira,” sabi ni Robert Non, SMB’s representative sa PBA Board.

Hindi pa rin nakalilimutan ni Non ang masaklap na nangyari dalawang taon na ang nakararaan kung saan halos abot-kamay na nila ang grandslam subalit nabigo sa ikatlong at huling titulo na PBA Governors’ Cup nang matalo sa semifinals sa sister team Barangay Ginebra, na tinalo sa finals ang Meralco Bolts.

Limang koponan lamang ang naka-grand slam sa 43 taong PBA league; Crispa Redmanizers, Alaska, San Mig Coffee, at San Miguel team nina Ramon Fernandez, Hector Calma at Samboy Lim sa ilalim ni coach Norman Black noong 1989.

Sa apat na grandslam teams, tanging Crispa lang ang nakadalawang grandslam, at ito ang tatangkaing pantayan ng Beermen.

At para maisaktuparan ang kanilang misyon, kukunin ng Beermen ang serbisyo ng isang NBA G-League player sa katauhan ni Dez Wells para sa 2019 Governor’s Cup, ayon sa ulat ng Spin.ph.
Ang 27-anyos at 6-foot-5 na si Wells ay naglaro ng isang taon para sa Xavier bago lumipat sa Maryland kung saan siya tinanghal na First Team All-Big Ten ng coaches noong 2015.

Naglaro rin siya para sa Oklahoma City Blue sa NBA G-League bago sa Greece at Italy. Huli siyang naglaro para sa VL Pesaro sa Serie A sa Italy at nag-averaged ng 8.75 points, 3 rebounds at 1.25 assists.

Nabatid na maglalaro na ito para sa San Miguel sa East Asia Super League Terrific 12 sa Macau sa susunod na buwan (Setyembre).

Hindi makakasama sa Macau si June Mar Fajardo na inaasahang magpapahinga muna matapos ang Gilas Pilipinas obligations sa FIBA World Cup ngayong buwan, at Marcio Lassiter na nagpapagaling pa rin sa MCL sprain injury.

Please follow and like us:
Read More

BEERMEN NAMUMURO

(NI ANN ENCARNACION)

ISANG panalo na lang ang kailangan ng San Miguel Beer kontra TNT para makopo ang 2019 PBA Commisioners‘s Cup crown.

Kung sakali, ito ang magiging ikalawang conference title ng Beermen ngayon taon matapos pagharian ang All-Filipino Cup nitong Mayo.

Hangad ng Beermen na makuha ang ikalawang grandslam sa 44 na taong professional basketball league sa bansa.
Pipilitin naman ng Katropa na pigilan ang Beermen sa kanilang Game 6 match-up ngayong alas-7 ng gabi sa Araneta Coliseum at makapwersa ng decider Game 7.

Itinakas ng Beermen ang krusyal na 99-94 panalo kontra Katropa sa Game 5 kung saan nagawa nilang habulin ang 16 puntos na kalamangan ng kalaban sa huling 12 minuto at kunin ang 3-2 bentahe.

Muling sinandigan ng Beermen ang ex-NBA player na si Chris McCollough na kumamada ng walong diretso sa kabuuang 19 puntos ng Beermen para selyuhan ang naturang panalo.

“We got to have rest, then go to practice and be ready for Game Six, play good basketball and win championships,” sabi ni McCollough.

Nagtala si McCollough ng kabuuang 35 puntos, 22 rebounds, apat na assists, isang steal at tatlong blocks.

Ang tira ni McCollough ang nagtulak sa Beermen sa 95-94 abante sa natitirang 26.5 segundo ng laro. Una rito ay ipinasok niya ang dalawang free-throws upang ilapit ang Beermen sa 93-94.

Matatandaan na sinabi ni McCollough na wala siyang pakialam sa Best Import of the Conference award na napanalunan ni TNT import Terrence Jones at sa halip ang pokus niya ay mapagkampeon ang Beermen.

Inaasahan naman ni SMB coach Leo Austria na mas lalong magiging mahirap ang laban nila sa Game 6 kaya kailangan umano nilang maghanda ng husto upang masungkit ang hinahangad na titulo.

Please follow and like us:
Read More

BEERMEN, KATROPA UNAHAN SA GAME 5: ‘TOSS COIN’

(NI ANN ENCARNACION/PHOTO BY MJ ROMERO)

“BACK to square one” ang TNT Katropa at San Miguel Beer matapos magtabla, 2-2, kaya’t inaasahang  mas magiging mahigpit ang sagupaan ng dalawang team sa krusyal na Game 5 ng 2019 PBA Commissioner’s Cup best-of-seven finals Miyerkoles sa Araneta Coliseum.

Mag-uunahan ang Katropa at Beermen na masungkit ang ikatlong panalo para magkaroon ng bentahe at makalapit sa Commissioner’s Cup crown sa alas-7:00 ng gabi.

Nagawang maitabla ng Beermen ang serye Linggo ng gabi matapos maisahan ang Katropa, 106-101.

Muling ipinamalas ni San Miguel big man June Mar Fajardo kung bakit siya ang natatanging five-time league MVP nang akayin sa panalo ang Beermen sa Game 4 at maitabla ang serye. Nagposte si Fajardo ng 22 points at seven rebounds sa harap ng 13,578 manonood na biggest “so far” sa mid-season conference at “largest finals attendance without Barangay Ginebra” simula noong Game 7 ng 2016 Philippine Cup finals sa pagitan ng San Miguel at Alaska.

“Buti nakuha namin yung panalong ito. Mahirap kasing mabaon sa 1-3, so buti naitabla namin yung series,” sabi ng 6-foot-10 Fajardo matapos ang laro kung saan ginawaran ng Best Player of the Conference si Jayson Castro at Best Import of the Conference si Terrence Jones, kapwa ng TNT Katropa.

Binigyan keredito naman ni Fajardo ang kanyang teammates sa magandang inilaro niya. “Hinahanap ako ng mga teammates ko. Kahit nagmimintis ako, pero hinahanap pa rin nila ako. Binibigyan nila ako ng kumpiyansa, kaya kailangan suklian ko yung tiwala nila.”

Inaasahang sasandigan din ng Beermen ang kanilang import  na si Chris Mccolough na nagtala ng 27 puntos, 22 rebounds, apat na assists, isang steal at isang block at nagbigay ng krusyal na pasa kay Fajardo na nagselyo ng kanilang panalo.

“We just have to play harder and tougher on both offense and defense,” sabi naman ni Katropa coach Bong Ravena.

Umaasa rin si Ravena na mas magkakapagpokus sa kanyang game ang kanilang import na si Jones, na laging may nakakabanggang Beermen, ang pinakahuli ay si Arwind Santos na nakasigawan niya.

 

Please follow and like us:
Read More

GAME 3 KATROPA VS BEERMEN: UNAHAN MAKA-2

(NI ANN ENCARNACION/PHOTO BY MJ ROMERO)

INAASAHANG mas pisikal na laro ang magaganap sa pangatlong paghaharap ng TNT KaTropa at San Miguel Beer ngayong Biyernes matapos maitabla ng Beermen ang serye sa 2019 PBA Commissioner’s Cup.

Ganap na alas-7 ng gabi muling magsasagupa ang Katropa at Beermen na mag-uunahang makakuha ng bentahe sa Game 3 ng kanilang best-of-seven final series sa Araneta Coliseum.

Animo dumaan sa ‘butas ng karayom’ ang Beermen na kinailangan ang double overtime bago tinalo ang Katropa, 127-125, Miyerkoles para maidikit ang serye sa 1-1.

Sinamantala ng Beermen ang pagkakatalsik sa laro nina TNT import Terrence Jones at keyman Troy Rosario para maitakas ang panalo sa Game 2.

Napatalsik si Jones matapos ang ikalawang technical foul dahil sa pagbangga sa bantay niyang si Chris Ross ng Beermen sa first overtime.

Nasayang din ang mainit na laro ni Rosario nang matawagan ng ikaanim at huling foul sa rebound play kontra kay June Mar Fajardo sa natitirang 1:15 minuto ng laro.

Mula sa 17 puntos na pagkakaiwan ay nagawa ng Katropa, sa pangunguna ni Rosario na nagtala ng career-best 34 points sa kanyang 8-of-12 three point shooting, na makahabol. Ngunit dala ng experience ay nanaig sa huli ang SMB.

Inaasahang muling sasandigan ng Beerme si Chris McCullough na kumamada ng 32 puntos, 22 rebounds at pitong assists. Nagambag sina Romeo ng 29, 25 si Ross, 19 si Cabagnot at 12 points at 10 rebounds naman si Fajardo.

Nagtala naman si Jones ng kabuuang 28 puntos, 13 boards, pitong assists, limang steals at tatlong blocks bago napatalsik sa laro.

Please follow and like us:
Read More

‘STOP JONES AT ALL COST!’

(NI ANN ENCARNACION/PHOTO BY MJ ROMERO)

HINDI pa ‘panic mode’ ang San Miguel Beer lalo’t pangalawang game pa lang ngayon sa Commissioner’s Cup best-of-seven final series nila ng TNT Katropa, ngunit matindi ang hangarin ng Beermen na maitabla ang serye.

At upang magawa ito, kailangan ng SMB na madepensahan ng husto si Katropa import Terrence Jones, pinulutan ang Beermen sa Game 1 ng serye nang magposte ng almost perfect game 41 points, 12 rebounds, at walong assists sa 109-96 win ng team noong Linggo.

Ginawa naman ni San Miguel Beer coach Leo Austria at ng kanyang players ang assigment nila laban sa TNT, subalit sadyang hindi nila kinaya ang dating Houston Rockets player.

“The problem is they have Jones, and he really took over,” ayon kay Austria.

“Magaling talaga at ang dami niyang dala-dala sa team–puntos, pasa, depensa at rebounds,” pagamin ni SMB’s Arwind Santos.

Ngunit kaya naman umanong talunin ang Katropa basta’t mapigilan lang nila si Jones o ang local players ng TNT.

“Sa Game 1 maganda ang laro ni Jones, maganda pa laro ng locals,” ani Santos. “Kailangan hindi dapat ganun ang mangyari. Kung ma-off namin import, okay lang maganda laro ng local. Kung ma-off namin local, dapat ‘yung import, hindi na. Mamimili kami sa side na ‘yun.”

Ayon sa ilang basketball analysts, malaking paktor sa pagkatalo ng Beermen ang kawalan nila ng pahinga lalo’t isang araw lang ang pagitan ng huling semifinal game nila kontra sa Rain or Shine Elasto Painters at unang game sa final series nila ng Katropa.

Kaya naman ngayong nakapagpahinga na ang SMB, inaasahang mas handa na silang sagupain ang TNT, na sasandal pa rin kay Jones at local players na sina Jayson Castro, RR Pogoy, Troy Rosario at Don Trollano.

Please follow and like us:
Read More

COMMISSIONER’S CUP FINALS GAME 1: SIMULA NA NG GIYERA

(NI ANN ENCARNACION)

HINDI pa man nakapagpapahinga ay agad nang sasabak sa panibagong ‘digmaan’ ang San Miguel Beer kontra TNT Katropa sa pagsisimula ng kanilang best-of-seven Commissioner’s Cup championship series.

Ganap na 6:30 ng gabi sa Araneta Coliseum magsasagupa ang nagbabalik sa kampeonato makalipas ang dalawang taon na Katropa laban sa naghahangad na muling maka-grandslam na Beermen.

Nagawang ibulsa ng Beermen ang ikalawang silya sa kampeonato matapos nitong tuluyang takasan ang Rain Or Shine Elasto Painters, 98-95, sa Game 4 ng kanilang best-of-five semifinals Biyernes ng gabi.

Nauna rito ay sinipa naman ng KaTropa noong Huwebes ng gabi sa Game 4 din ang Barangay Ginebra, 103-92.

Gaya ng mga naunang games sa kanilang semifinal series ng ROS, naghabol na naman ang Beermen sa ikaapat na paghaharap nila bago nanalo sa E-Painters.

Inaasahang magiging kapanapanabik ang bakbakan ng TNT at SMB na parehong may dating NBA player na import sa katauhan nina Terrence Jones ng Katropa at Chris Mccollough ng Beermen.

Isa pang kaabang-abang sa finals matchup ng dalawang team ay si Terrence Romeo. May gusto ba siyang patunayan sa pakikipagsagupa sa dating ballclub na ipinamigay siya sa SMB?

“Wala sa akin yun. San Miguel vs TnT,” giit ni Romeo. “Wala, normal game. May the best team win.”

Matatandaan na si Romeo ang dating franchise player ng Katropa ngunit nagkaroon sila ng  “fall-out” kaya’t nagdesisyon ang koponan na i-trade siya sa Beermen kapalit nina Brian Heruela, David Semerad, at future first round pick (2020).

At mula sa pagiging bida sa TNT ay naging supporting role na lang si Romeo sa SMB. Sa kabila nito ay masaya ang 27-anyos na guard na sa wakas ay nakaranas mag-champion noong 2019 All Filipino Cup matapos ang anim na taong paglalaro sa PBA.

“Mahirap silang kalaban. Kailangan mag-focus kami, kailangang makagawa kami ng magandang game plan para sa kanila,” pag-amin ni Romeo. “Siyempre hindi magiging madali, lahat maganda yung nilalaro. Any given night puputok yung locals nila.”

Batid din nito na hindi sila maaaring magrelaks kontra sa Katropa kahit sa unang bahagi ng game, gaya nang nangyari sa serye nila ng Elasto Painters.

“Pag nalamangan kami ng TNT, hindi namin masasabi kung kaya namin ulit bumalik kasi sobrang organized ng TNT. Every possession nila, very organized sila.”

Ayon pa kay Romeo, “I’m sure hindi magiging madali ito kasi sobrang ganda ng nilalaro ng TNT. Kaya kailangan paghandaan namin sila.”

Please follow and like us:
Read More

 2019 COMMISSIONER’S CUP FINALS; KATROPA KONTRA BEERMEN 

(PHOTO BY MJ ROMERO)

HINDI na pinagtagal ng San Miguel Beer ang paghihintay ng una nang nakapasok sa Commissioner’s Cup finals na TNT Katropa matapos dispatsahin ang karibal na Rain or Shine, 98-95, sa Game 4 ng kanilang best-of-five semifinal series Biyernes ng gabi sa Araneta Coliseum.

Magsisimula sa Linggo ang una sa best-of-seven finals showdown ng Beermen at Katropa, na sinipa naman ang Barangay Ginebra noong Huwebes sa ikaapat na paghaharap nila.

Angat pa ng one point ang Elasto Painters ngunit naagaw ng Beermen ang kalamangan nang pumasok ang tres ni Chris McCullough na sinundan pa ng isang long 2-pointer ni Terrence Romeo, 98-94, less than two minutes sa game.

Isa ang naipasok ni Rey Nambatac sa dalawa niyang freethrows kaya’t naibaba ang lamang ng Beermen sa tatlo, 98-95.

May pagkakataon pang maka-tie ang E-Painters ngunit nabigo si James Yap na  maisakatuparan ang planong three-point shot kaya’t tuluyang naitakas ng Beermen ang panalo.

 

Please follow and like us:
Read More

BEERMEN OLATS SA BOLTS

(NI RAVENSON BIASON)

BUHAY pa ang pag-asa ng Meralco Bolts na makapasok sa quarterfinals pagkatapos na dispatsahin ang San Miguel Beermen, 95-91, sa 2019 PBA Commissioner’s Cup.

Bumida sa panalo ng Bolts si import Delroy James na nagtala ng 34 puntos, 5 rebounds at 6 assists.

Tumulong din ang locals na sina Chris Newsome na naglista ng 20 puntos, Raymund Almazan 15, at Bryan Faundo 10 puntos.

Mahigit kalahati ng kabuuang iskor ng Beermen ay mula kina Chris McCullough at June Mar ‘The Kraken’ Fajardo, kapwa gumawa ng tig- 27 puntos.

Nagambag naman si Terence Romeo ng 11 puntos ngunit maliban sa kanila nina McCullough at Fajardo ay wala nang iba pang Beermen na nakadouble figure.

Sa kabila nito ay naging dikdikan ang laban ng SMB at Bolts simula umpisa at nagkatalo lang sa huling sandali ng laro.

Dahil  sa panalo, sasalang sa do-or-die match para sa number 8 spot ang Meralco kontra sa Alaska Aces sa  Biyernes.

Ang Aces, Bolts at Phoenix ay pawang may 4-7 na kartada ngunit dahil sa quotient system, bumagsak ang Fuelmasters sa 10th spot at tuluyang napatalsik sa elimination round.

Box scores:

Meralco 95 – James 34, Newsome 20, Almazan 15, Faundo 10, Amer 8, Jackson 3, Quinto 3, Hodge 2, Salva 0, De Ocampo 0.

San Miguel 91 – McCullough 27, Fajardo 27, Romeo 11, Standhardinger 9, Santos 6, Lassiter 3, Nabing 3, Pessumal 3, Ross 2, Rosser 0.

Quarterscores: 22-21, 42-42, 74-70, 95-91.

 

Please follow and like us:
Read More

BEERMEN NAUNGUSAN NG DYIP

(PHOTO BY MJ ROMERO)

HINDI umubra ang All-Filipino Cup champ San Miguel Beermen sa  Columbian Dyip na sinilat sila sa overtime, 134-132, ngayong gabi sa Smart Araneta Coliseum.

Bumida sa naturang panalo si import Lester Prosper na kumamada ng 40 points at 13 rebounds. Ito ang pinakamagandang laro ni Prosper para sa Dyip sa Commissioner’s Cup.

Nag-ambag ang rookie na si CJ Perez ng 34 points at walong rebounds habang 24 puntos at 14 assists naman si Rashawn McCarthy.

At kahit nakawalong puntos lang si  Glenn Khobuntin, ang kanyang two big shots kabilang ang isang tres sa krusyal na sandali ang nagbigay sa Dyip ng kumportableng kalamangan sa Beermen, 132-128.

“If we play together, be patient on our offense, if we play hard on defense, nothing is impossible, sabi ko,” ani Columbian coach Johnedel Cardel.

Nanguna para sa Beermen ang import na si Charles Rhodes na nagtala ng 26 points, 15 rebounds at anim na assists habang double-double din si June Mar Fajardo sa kanyang 24 points at 15 rebounds.

Dahil sa pagkatalo ay lalong dumausdos ang Beemen sa 2-5 win-loss record at kinakailangang maipanalo ang mga nalalabing laro upang manatiling buhay ang tsansa na mapasama sa walong teams na aabante sa playoffs.

Box scores:

Columbian 134 – Prosper 40, Perez 34, McCarthy 27, Cahilig 9, Camson 9, Khobuntin 8, Corpuz 7, Cabrera 0, Escoto 0, King 0, Faundo 0.

 

San Miguel 132 – Rhodes 26, Fajardo 24, Lassiter 19, Santos 16, Pessumal 15, Cabagbot 12, Nabong 8, Ross 7, Tubid 3, Rosser 2, Standhardinger 0.

Quarterscores: 33-26, 59-53, 88-82, 118-118, 134-132.

 

Please follow and like us:
Read More

GAME 2:  TATABLA O DADALAWA?

beer12

(NI ANNE ENCARNACION/PHOTO BY MJ ROMERO)

ITABLA ang serye ang hangad ng Phoenix Pulse Fuelmasters habang makadalawang sunod na panalo ang asam ng San Miguel Beer sa paghaharap nila sa Game 2 ng kanilang best-of-seven semifinals sa 2019 PBA Philippine Cup ngayong gabi sa Araneta Coliseum.

Ganap na alas-7 ng gabi muling magsasagupa ang Fuelmasters at Beermen na parehong gustong manalo, ang una dahil ito ang unang beses na nakapasok sa semifinals habang ang huli’y gustong makalimang championship.

Sa ngayon ay nasa Beermen ang 1-0 bentahe sa serye matapos talunin ang Fuelmasters, 100-88, Sabado ng gabi sa Big Dome.

“Nagpapasalamat ako talaga dahil nag-alala ako bago magsimula ang laro,” pag-amin ni SMB coach Leo Austria. “We hardly had ample time to prepare while they have been practicing. But my players, they were really focused.”

Tinutukoy ni Austria ay ang isang araw lang na pahinga ng Beermen mula sa laban kontra TNT KaTropa bago nila sinagupa ang Phoenix na maagang nakaabante sa semifinal round.

Ngunit mas nanaig ang ekspriyensya ng Beermen nang makahabol matapos mapag-iwanan ng Fuelmasters sa unang bahagi ng kanilang laro at nagawa pang lumamang ng hanggang  24 puntos, 73-49, sa ikatlong yugto patungo sa pagsungkit sa unang panalo sa serye.

Samantala bagama’t nagpakita ng puso sa laban ang Fuelmasters sa paghulog ng 15-2 pasabog sa ikaapat na yugto at napababa ang lamang sa pitong puntos, 89-82, hindi nagpabaya ang Beermen at napigil ang paghahabol ng tropa ni coach Louie Alas.

Naniniwala naman si Alas na kung nakaya nilang talunin ang Filipino Cup defending champ sa pinakauna nilang paghaharap sa elimination round sa Panabo City, magagawa nila itong muli sa Game 2 match up nila.

“Andito na kami sa semis at nandoon na kami sa punto na kaya naman namin manalo kaya lang pumasok ang mga tira ng kabila. Sayang pero makakabawi pa naman kami,” kumpiyansang sabi ni Alas.

 

Please follow and like us:
Read More