NANAY NI GERALD AYAW KINA BEA AT JULIA

pwede ed deleon(NI ED DE LEON)

TALAGA yatang hindi matatapos iyang issue na iyan tungkol kay Bea Alonzo, Gerald Anderson at Julia Barretto. Iyong isang dapat sana ay pribadong issue lamang at hindi naman napag-uusapan, lumaki dahil sa katatalak ng kampo ni Julia Barretto na pati ang lola nagtatalak din sa pagdedepensa sa apo niya. Quiet lang si Bea.

Noong halos matatapos na ang gulo, si Julia naman mismo ang nagtatalak na akala mo nagdeklara na ng giyera laban kay Bea sa isang social media statement na ang hinala ng kanyang tiyahin ay gawa ng isang ghost writer. Nang mag-boomerang iyon at nasisi pa siya dahil sa pagtalak niya, naiba na ang tono ni Julia na nakikiusap nang tigilan na lahat iyan dahil lahat naman sila nasasaktan, kabilang na si Bea, na hindi naman pumatol sa hamon niya noong una pa.

Eh ‘di ang inaasahan ng mga tao matatahimik na, aba bigla namang nagtatalak ang nanay ni Gerald Anderson na nagsabing sa simula pa lang daw ayaw niya kay Bea. Sinabi pa niyang sobra na ang paninira ni Bea sa kanyang anak. Pati daw make up artist ni Bea sinisiraan si Gerald.

Pero hindi rin daw siya pabor kay Julia, na ang tingin niya ay masyadong bata pa para kay Gerald.

Eh kailan nga ba matatapos iyang issue na iyan kung ayaw namang tumigil sa katatalak ang mga third parties na hindi naman dapat sumali sa problema? Iyong nanay ni Gerald, siya rin naman ang nagsabi na may edad na ang anak niya, lalaki pa iyon. Bakit hindi niya hayaang si Gerald na lang ang magsalita?

Lalong lumalala ang sitwasyon dahil sa talakan nila, pero in the end, maniwala kayo sa amin na ang makakakuha ng simpatiya ng mga tao riyan ay ang hindi tumatalak na si Bea Alonzo at Joshua Garcia.

Minsan mas maganda pa nga iyong tahimik ka lang eh.

Please follow and like us:
Read More

BALIPURE INILAMPASO NG CHOCO MUCHO 

(NI LOUIS AQUINO/PHOTO BY MJ ROMERO)

NO Bea de Leon, no problem.

Ito ang pinatunayan ng Choco Mucho matapos walisin sa tatlong sets ang  BaliPure, 25-12, 25-18, 25-18, sa Premier Volleyball League, Open Conference Miyerkoles sa Arena, San Juan.

Na-injured si de Leon ngunit halos hindi ito naramdaman dahil sa magandang laro ng kanyang teammate na si Kat Tolentino na umiskor ng 14 points, 10 kills, dalawang blocks at dalawang aces para sa Flying Titans.

Sa kabila nito, si setter AC Masangkay ang napiling Player of the Game matapos magtala ng 15 excellent sets para kina Tolentino, Bang Pineda, at Maddie Madayag tungo sa pagkubra ng panalo.

“Sinabi ng coaching staff na teamwork talaga at tiwala talaga kay God,” sabi ni Masangkay. “If ever na magkaroon kami ng error, balik agad kami.”

Agad naman nagparamdam si Santos-Ng, iconic player ng De La Salle University at nagbalik sa competitive volleyball matapos ang isang dekada, nang maka-service ace para sa 21-8 iskor pabor sa Choco Mucho.

Pinilit bumangon ng BaliPure sa Set 2 kung saan lumamang sila, 13-9, ngunit nakahabol ang Choco Mucho at lumamang pa ng isa, 16-15. Mula rito ay tinuloy-tuloy na ng Flying Titans ang paglampaso sa Water Defenders.

Please follow and like us:
Read More

TULFO KINA JULIA, BEA: ANG KAY PETRA AY KAY PETRA!

ANG GARA NI VINIA(NI VINIA VIVAR)

ANG kay Petra ay kay Petra at ang kay Maria ay kay Maria.”  Ito ang malamang komento ng matinik na broadcaster na si Raffy Tulfo hinggil sa Bea Alonzo-Gerald Anderson-Julia Barretto brouhaha.

Matatandaang nitong mga nakaraang araw ay talk of the town si Raffy dahil sa pag-imbita niya sa talo sa kanyang radio program sa TV5 para ayusin ang mga hindi pagkakaintindihan ng mga ito.

Ngayon ay may bago na namang statement si Raffy hinggil sa controversy sa latest interview sa kanya ng TV5 reporter.

Tinanong si Raffy kung ano ba ang ipapayo niya sa tatlo sakali ngang pumunta ang mga ito sa kanyang radio program.

“Well, una sa lahat, eh dapat talaga, ‘yung pag-aari ni Petra ay kay Petra. ‘Yung pag-aari ni Maria ay kay Maria. Ok? Saka ba’t n’yo pag-aawayan ang mga lalaki?

“Alam mo ‘yung dalawa, nakita ko sa Facebook, sa YouTube, ang gaganda nila, super-ganda. Hindi ko kayo binobola, mga girls. ‘Yung bang pag nasalubong mo sila sa mall, kahit na hindi sila artista, ‘yung bang mapapalingon ka at halos malaglag ang brief mo, kung ikaw ang lalaki. Nakaka-laglag brief,” pahayag ni Raffy,

Tila takang-taka ang broadcaster na pinag-aawayan ng magagandang babae ang isang lalaki.

“Ba’t n’yo pag-aawayan ‘yung mga lalaki? Dapat ang lalaki ang nagkakandarapa sa inyo,” sey niya.

Natural lang naman daw na magmahal pero ulit niya, ‘yung kay Petra ay kay Petra at ‘yung kay Marya ay kay Marya.

“Hindi pwedeng gagalawin mo ‘yung pag-aari ni Petra at gagalawin mo ang pag-aari ni Maria, eh talagang magkakaroon ng friction ‘yan, magkakaroon ng away ‘yan,” he said.

Well, as we all know, si Julia ang hinihinalang nang-agaw ng pag-aari ni Bea which is Gerald.

Ang nakakaaliw pang parte, nanawagan pa si Raffy kay Gerald.

“Gerald, ano kayang anting-anting meron ka’t ikaw ay habulin at pinag-aagawan ng mga napakagandang mga girls. Kung merong ganun’g klaseng anting-anting, kahit na isang milyon pa ‘yan, sigurado ako maraming bibibili.”

Dagdag pa ng broadcaster, feeling daw niya talaga ay may anting-anting si Gerald at pa-share naman daw. Hahaha!

Nagbigay din ng mensahe si Tulfo kay Gerald.

“Ikaw, Gerald, napakaswerte mong tao, dapat, magdasal ka palagi kay Lord. Na dapat ika’y mabait at hindi ka kukunin. Para patuloy ka pa ring maraming nagmamahal sa ‘yo,” ang mensahe ni Raffy kay Gerald.

 

 

 

Please follow and like us:
Read More

EX-BFFs NA EX-GFs NI GERALD ALIW SA BONDING SA NJ

(NI ROSE GARCIA)

NAALIS kami sa parehong Instagram post ng dating mag-best friend at dating ex-girlfriends ni Gerald Anderson na sina Kim Chu at Maja Salvador.

Kung matatandaan, may panahong nagkatampuhan at hindi rin nag-usap ang dalawa. Ito yung naging girlfriend naman ni Gerald si Maja.

Pero naibalik ng dalawa ang friendship nila as time passes by. Pareho na rin silang happy sa kanya-kanyang lovelife nila. Si Kim kay Xian Lim at si Maja naman kay Rambo Nunez.

Nasa New Jersey sina Kim at Maja for a Kapamilya show.

Sa IG post ni Kim, sinabi nitong, “endless reminiscing with this one, remembering our kalokohan before… laugh here and there, stories this and that. From wedge, heels to white sneakers now!!! hahaha some things never change!! Still the same us!!! Fun times in times square at 1am.

Pati si Kris Aquino ay napa-comment sa happy pictures ng dalawa at sey nito, “May I join?,” sa bonding o future bonding pa nila. At sabi pa rin niya, “So happy to see the happiness.”

Pareho din malapit ang dalawang Kapamilya stars kay Kris.

Siyempre dahil sa napakasayang pictures nina Kim at Maja, hindi maiiwasang maisip naman ang patuloy na isyu sa pagitan nina Bea Alonzo at Julia Barretto ngayon.

All of them, may pagkakatulad, lahat sila naging o Gerald Anderson’s girls.

Both Kapamilya rin, but Gerald’s ex and present now na nag-unfollow na sa isa’t-isa sa Instagram.

Tulad nina Kim at Maja, darating kaya ang panahon na magiging okay rin sila at babalik muli sa “Ate” ang tawag ni Julia kay Bea? Huh!

 

 

 

Please follow and like us:
Read More

TRUST RATING NI BEA MAS MATAAS KAY DU30 SA 87%

pwede ed deleon(NI ED DE LEON)

“AND the winner by a technical knockout is Bea Alonzo.”

Parang ganyan ang narinig namin noong isang gabi nang gamit ang kanilang mga facilities, nagsagawa ng isang spot survey ang mga tauhan ng isang survey firm tungkol sa controversy nina Bea, Gerald Anderson at Julia Barretto. Parang bumagsak sa isang suntok ang dalawang kalaban, dahil gamit ang 1200 samples, lumalabas na 87% ang mas naniniwala kay Bea. Aba eh lumalabas na mas mataas pa iyan sa approval ratings ni Presidente Digong, kaya ano pa ba ang dapat pag-usapan ngayon.

Wala nang paki si Bea. Ganyan kataas ang approval ratings niya sa publiko sa kabila ng kung anu-anong nasabi na laban sa kanya. Aba eh matibay siya. Kaysa sa maghanap pa siya ng isang ghost writer na sasagot sa mga akusasyon sa kanya, ang intindihin na lang niya ay kung ano nga bang magandang project ang kailangan niyang unahin, at kung anong endorsement offer ang kailangan niyang tanggapin agad. Kung ganyan kataas ang approval ratings mo, aba hindi magagawa ng mga advertisers na pigilin ang mga ad endorsements mo. Magagawa lang nila iyan kung sira ang iyong kredibilidad.

Tingnan ninyo ang social media, malaking malaki rin ang lamang noong tinatawag na Team Bea kaysa sa ‘timtiman”. Kaya nga ano pa ba ang pag-uusapan?

In the first place Tito KC, ang tanong nga ay tama ba naman ang pinagtatalunan? Ikaw ang tinatanong ko dahil alam ko mas may impormasyon ka sa mga bagay na ganyan.

KAABANG-ABANG CELINE VS. DORIS

Lumalabas walang kuwentang laban iyan dahil maliwanag naman kung sino ang mas pinaniniwalaan ng mga tao, para tuloy ang mas gusto na naming abangan ngayon ay ang away naman Asec Celine Pialago ng MMDA at ni Doris Bigornia ng ABS-CBN.

INUUTUSAN MONG MAG-SUICIDE ANG MGA SINEHAN

Siguro nga masasabi nating sa lahat ng mga festivals ng mga pelikulang indie, pinaka kinikilala na iyang Cinemalaya. Kasi nasa ilalim iyan ng CCP. Iyan din ang pinakamatagal nang festival ng mga pelikulang indie. Pero kung iisipin mo, doon sa isang mall ay may apat na screenings lamang sila sa isang maliit na sinehan. Slide screening iyon. Ibig sabihin iba-ibang pelikula ang palabas sa bawa’t screening. Bilang suporta, mas maliit pa ang admission prices. Pero iilang tao rin ang nanonood sa mga pelikula.

Kung iyong Cinemalaya ay ganyan, eh di lalo na ang ibang festivals. At ano ang aasahan mo sa mga pelikulang indie na ipinipilit nilang kailangang ipalabas sa mga sinehan ng isang linggo? Ano iyan inuutusan mong mag-suicide ang mga sinehan? Mag-isip naman sana tayo ‘day.

Usap-usapan lang ito Tito KC ha, totoo nga kayang isinumpa talaga si direk kaya kahit na anong pelikula ang kanyang gawin ay hindi kumikita? Sa totoo lang, wala pa kaming natatandaang kumitang pelikula ni direk kahit na ok naman ang mga artistang nabobola pa niyang gumawa ng kanyang pelikula.

May nagsasabi namang baka raw may malas lang na kasama si direk, at basta nawala ang malas susuwertihin din siya. Pero alin man doon ang totoo, isang bagay ang tiyak na tiyak namin, maglulupasay na naman sa takilya ang pelikula niyang ilalabas na.

Pareho lang kasi sila ng artista niya sa pelikula na kapwa “laon” na. (‘Di ba dapat ‘pag laon ay maalsa na?-Ed)

Ang buhay nga naman lalo na kung walang suwerte talaga.

 

Please follow and like us:
Read More

EXPLANATION NI GERALD ‘DI KATANGGAP-TANGGAP

pwede ed deleon(NI ED DE LEON)

HINDI pwede. Hindi kami talaga papayag sa ganoong explanation lang ni Gerald Anderson tungkol sa naging split nila ni Bea Alonzo. Kasi ang sabi niya, basta nag-aaway lang sila nang nag-aaway kaya naisip niyang tapusin na ang kanilang relasyon.

Kaya nga relasyon eh, mutual decision iyan. Kailangan kung tatapusin man, maging mutual decision din. Hindi naman puwede iyong kahit na sabihin mong napuno ka na dahil away kayo nang away basta hindi mo na lang kakausapin ang syota mo at manliligaw ka na lang ng iba.

Kung iisipin mo, siya rin ang may kasalanan kung bakit nasasabing third party si Julia Barretto. Kahit na nga sinabi niyang walang ibang taong involved sa kanilang split, hindi pwede. Kasi nga lumabas na nanliligaw na siya kay Julia, na umisplit naman kay Joshua Garcia, nang walang kamalay-malay ang kanyang dating girlfriend na si Bea Alonzo na split na pala sila, dahil gumawa siya ng solong desisyon na tapusin na ang kanilang relasyon.

Unless masasabi ni Gerald na napakabigat ng dahilan ng kanilang pag-aaway at mapapalabas na kasalanan naman iyon ni Bea, hindi niya mababaliktad basta ang paniniwala ng mga tao sa kanilang sitwasyon. Akala namin hindi na siya magsasalita eh. Mabuti pa nga kung hindi na lang siya nagsalita at hinintay na lang na mamatay ang issue. At least gentleman pa ang labas niya, kagaya ni Joshua.

Pero dahil sa sinasabi niyang ang totoo ay nakunsumi siya dahil away lang sila nang away, binabanatan pa niya si Bea, at malamang sa hindi magsasalita rin iyan. Dahil nauna na si Bea, nagkaroon na siya ng advantage sa opinion ng masa. Kaya nga bukambibig ngayon iyong “baka ka ma-Bea”.

Sa kabilang banda naman, mukhang wala ring katutunguhan ang statement ni Julia Barretto na tigilan na ang pagpapalabas na kawawa si Joshua. Hindi naman kumikibo si Joshua eh, sinasabi pa nga noon na nasasaktan din siya sa naririnig niya dahil may nakaraan din naman sila ni Julia.

Kung sa tingin ng mga tao kawawa si Joshua, aba eh tingin nila iyon at wala namang kinalaman si Joshua roon. Doon lang sa katotohanang may sinasabi na nga silang negatibo, palagay ba ninyo pakikinggan pa nila ang sinasabi ni Julia?

Kung iyon ngang mga tiyahin niyang sina Gretchen at Claudine nakisimpatiya kay Bea eh, at sigurado nakikisimpatiya rin sila kay Joshua, iyong ibang tao pa ba?

“NAGLOKO RIN SI JOSHUA”

“Bakit, alam ba ninyo nang minsang si Joshua naman ang kumaliwa sa kapatid ko? Hindi ninyo alam ang buong istorya kaya tumahimik na kayo, “sabi naman ng buntis na si Dani Barretto, na anak ni Marjorie kay Kier Legaspi. Iyan naman kasing si Julia, anak iyan ni Marjorie kay Dennis Padilla.

Pero kung mayroon mang panahong nagloko si Joshua, hindi kasi nabalita iyon eh. Mukhang magaling ang publicity handler niya at naitago iyon. Maliban kung handa naman silang ilabas ang buong detalye noon, mahirap din nilang baliktarin ang simpatiya ng tao kay Joshua sa ngayon.

Pero iyang nakukuhang simpatiya ni Joshua sa ngayon, makatutulong iyan nang malaki sa kanyang seryeng The Killer Bride. Tiyak na pampataas din iyan ng kanilang ratings kahit na papaano.

Aywan ko kung ano ang opinion mo sa mga bagay na iyan Tito KC, basta sa akin talagang hindi pwede ang ganyang explanation lang.

 

 

Please follow and like us:
Read More

LOLA NI JULIA NAKIPAGTALAKAN SA BASHERS

pwede ed deleon(NI ED DE LEON)

AYAN na, pumasok na ang lola. Nakipagtalakan talaga si Inday Barretto sa mga bashers ng kanyang apong si Julia sa social media. Bakit naman daw kasi kinalakadkad ang apo niyang si Julia sa problemang ang dapat na mag-usap ay sina Bea Alonzo at si Gerald Anderson lamang, kasi relasyon nila iyon. Nilinaw din niya, hindi si Bea ang inaaway niya, kungdi iyong mga bashers lamang ng kanyang apo.

Pero may matitindi talaga sa mga bashers ha, mayroon pang isa na nagsabi kay Julia na “remember, noong mangyari iyon mag-on pa kayo ni Joshua”. Kaya pala nauso iyong sinasabing “mas masakit na ma-Joshua kaysa sa ma-Bea”.

Ang isa pang punto kasi, hindi maide-deny ni Julia ang kanyang pagkakasangkot sa usapan, kahit na sabihin mong noong pumasok siya ay tapos na ang relasyon nina Gerald at Bea. Inamin ni Gerald eh na nanliligaw siya kay Julia, bago pa man nagkaroon ng closure iyong affair nila ni Bea na hindi na lang niya kinausap. Iyon ang punto roon.

Walang nagsasabi na inagaw ni Julia si Gerald kay Bea. Ang sinasabi nanligaw na si Gerald kay Julia nang wala pa silang formal break up ni Bea.

Ang kailangan diyan sa isang mahusay na damage control. Hindi makukuha iyan sa talakan. Kung magkakasiraan, mas marami pang mga bagay na hindi dapat madamay na maaaring madamay pa. Isa pa, sa pamilya mismo nila may trouble. Ano ang masasabi ng nanay na dalawa sa kanyang mga anak, sina Gretchen at Claudine ay kumampi kay Bea? Sina Gretchen at Claudine ang mga artistang Barretto na sumikat talaga ha. Dahil sikat, ano man ang sabihin ninyo, sila iyong may clout.

Siguro maaayos naman nila iyang problemang iyan sa mas magandang paraan. Huwag nang makipagtalakan pa.

 

Please follow and like us:
Read More

TALO SINA GERALD, JULIA SA PINASOK NA SITWASYON

pwede ed deleon(NI ED DE LEON)

PAREHONG talo sina Gerald Anderson at Julia Barretto sa nangyayaring controversy ngayon sa kanilang personal na buhay.

Nadidiin si Gerald Anderson dahil sa ginawa niyang style ng pagdispatsa sa dati niyang girlfriend na si Bea Alonzo. Basta raw hindi na lang niya kinausap iyon.

Tumagilid din naman si Julia Barretto dahil sa mga denials na siya nga ang third party sa nangyari kina Gerald at Bea, na nang malaunan, ang kanila mismong idine-deny ay inamin diumano ni Gerald kay Dennis Padilla na tatay ni Julia. Simula noon, hindi na rin nila mapanindigan ang kanilang denial.

Hindi biru-birong simpatiya ang bumuhos para kay Bea. Maging si Claudine Barretto, at nauna na nga si Gretchen, na siyang pinakasikat sa kanilang pamilya ay nagpakita ng suporta kay Bea. Hindi lang sa social media ha, nagpadala pa ng bulaklak ang dalawa.

Maging si Derek Ramsey na siya rin mismo maraming controversy sa kanyang love life, nakisimpatiya rin kay Bea. Ganoon din naman ang isa pang controversial ang lovelife, si Paulo Avelino.

Iyong mga kasama naman nila sa network, nagsisimula na ring magpasaring sa pagsasabing hindi naman malakas na artista si Gerald na ang kumita lamang pelikula ay iyong ginawa kasama si Sarah Geronimo. Maski pala mga pelikula nina ni Kim Chiu noon mahina rin sa takilya. Eh si Bea raw consistent hit maker, at alam na ninyo kung ano ang gusto nilang sabihing kasunod.

Napansin din namin, mukhang napakarami rin ng kumakampi kay Joshua Garcia. Siya naman iyong sinasabing dating boyfriend ni Julia Barretto. Mukhang sa labanang iyan, talo talaga sina Gerald at Julia, ano man ang gawin nila.

LONGEST RUNNING TV SHOW IN ASIA ANG EB

Iyong Eat Bulaga, na nagdiwang ng kanilang ika-40 taon noong isang araw ang masasabi mo ngang longest running game show. Maaaring sabihin nating sila na nga ang longest running sa buong Asya. Sa loob ng 40 taon, ang Eat Bulaga ay nakapag-labas na ng 12, 480 shows sa kabuuan.

Sa buong mundo, ang longest running game show ay ang Chiffres et des Lettres, isang show sa France na nagsimula noong 1965, at bale 54 years na on the air.

Maaaring iyang Eat Bulaga ay maitatala na nga sa ating history bilang longest running noontime show of all time. Wala namang tumagal nang ganyan sa noontime slot eh. Maski na iyong mga shows nina Nora Aunor at Vilma Santos na itinuturing na mga longest running personality shows, hindi tumagal nang apatnapung taon.

KA-FACE NI MOTHER SITANG ANG IPINAKILALA NA WIFEY  NI EX-MATINEE IDOL SA AMIN

Nagulat pa kami kagabi nang batiin kami sa isang mall ng isang dating matinee idol noong araw, na isang negosyante na ngayon. Medyo tumaba at siyempre nagka-edad pero pogi pa rin si matinee idol. Nagulat kaming lalo nang ipakilala niya sa amin ang “misis” niya. Aba eh hindi nalalayo ang hitsura noon sa matandang transgender mula sa Thailand na kung tawagin ay Mother Sitang.

Kung hindi lang ang dating matinee idol mismo ang nagsabi sa amin, hindi kami maniniwalang iyon nga ang kanyang asawa. Isipin ninyo, lahat ng nakarelasyon niya noong araw magaganda tapos babagsak siya sa isang kamukha ni Mother Sitang.

 

Please follow and like us:
Read More

‘NA BEA ALONSO KA NA BA BES?’

ANG GARA NI VINIA(NI VINIA VIVAR)

LALONG dumarami ang mga artistang nagpapahayag ng suporta kay Bea Alonzo sa hiwalayan nila ni Gerald Anderson especially after magbigay ng pahayag ang aktres na bigla na lang siyang hindi kinausap ng boyfriend.

Isa si Paulo Avelino sa latest na nagbigay ng suporta kay Bea nang mag-tweet siya about the issue.

“Na Bea Alonzo ka na ba bes?” tweet ni Paulo saka nilagayan ng hashtag na “ghosting.”

Ang ghosting ay millennial term kung saan ang ibig sabihin ay “the practice of ending a personal relationship with someone by suddenly and without explanation withdrawing from all communication.”

Kilala si Paulo bilang tahimik na tao kaya naman nakakagulat na nag-tweet siya ng ganito na isang malinaw na patama kay Gerald and indirectly ay kinokondena niya ito sa ginawa sa aktres.

Sa comment section nga ay nagsipag-comment din ang ilang artista tulad nina Angel Locsin, Loisa Andallo at Bayani Agbayani.

Komento ni Angel na parang nagulat, Heneraaaaaal!!!!!

Sinagot naman ni Loisa ito ng “masyado si Heneral ate!!!!!!!!!”

“Reaksyon naman ni Bayani, May katapangan kang taglay Heneral.”

Marami ring natuwang netizens sa tweet ni Paulo at may nagsabi pa na follower na siya ng aktor because of this.

Pero meron din namang hindi nakagusto sa tweet dahil insensitive raw at pinade-delete kay Paulo.

   NICOLE AND RACE NEWCOMERS TO WATCH OUT

Masaya ang mga Viva young stars na sina Nicole Omillo at Race Matias na mabigyan ng break at makasama sa pelikula si Nadine Lustre via Indak.

This is the biggest break so far for Nicole who started her showbiz journey as a member of the all-girl pop group Sugar ‘N Spice. She plays a very important role in the “Indak” which is perfectly previewed in the soundtrack song “Trianggulo” that she performs alongside Nadine and leading man Sam Concepcion. The track has only been released for over a week and has already accummulated nearly a million streams and views.

“I feel so blessed with this project,” pahayag ni Nicole. “It’s such an honor to be working with Nadine and Sam who are not only great actors but also singer-performers. Nakaka-inspire sila.”

Race feels the same and only has praises for Nadine.

“You can’t help but admire her. She goes way beyond what’s required of her. She makes me want to do better in what I’m doing.”

The new actor, who is a dead ringer for Thai superstar Mario Maurer, is no stranger to showbiz, being the son of actor and former Quezon City mayor Herbert Bautista.

“I got my passion for work from Dad,” sey ni Race.

“Indak” actually marks Race’s comeback of sorts in Viva. He had a cameo appearance in the Viva film “Like Father, Like Son” that starred Herbert. The title is also the title of the 11-minute short film he starred in that was shown in several international film festivals including the New York Independent Film Festival.

A graduate of a film course at the New York Film Academy, Race hopes to be an international-caliber director someday. In the meantime, he is showcasing his talents as an actor and performer in front of the cameras.

“Indak” opens in cinemas nationwide on August 7.

 

 

 

 

Please follow and like us:
Read More

TIKOM ANG MGA BIBIG NI GERALD

MAY mga nakalulusot na kuwento sa amin mula sa ilang taong malapit kina Gerald Anderson at Julia Barretto na meron na raw talagang namamagitan sa kanila. Pero hindi raw totoong break na si Gerald kay Bea Alonzo, pero nagkakalabuan lang daw.

Kaya lang, hindi na nakontrol ang mga pangyayari pagkatapos mag-post ni Bea sa kanyang Instagram account at kumalat na rin ang mga kuhang magkasama sina Gerald at Julia.

Ayon sa ilang nagkuwento sa amin, hindi raw talaga magsasalita si Gerald kaugnay sa isyung ito.

Kahit lumalabas na siya na ang masama at hindi naipagtanggol ang sarili, wala raw siyang sasabihin tungkol dito.

Kahit nga si Bea ay hindi rin daw magsasalita, at tama na raw muna iyung mga ipinu-post niya.

Ang dami lang nakisakay ngayon sa isyung ito, lalo na’t pinapansin at pini-pick up ang post nila sa social media.

Isang pinsan ni Bea ang nakisakay pati ang kaibigan nito na inalipusta nang husto si Gerald sa social media pero deadma pa rin ang aktor.

Pati si Gretchen Barretto ay may drama pang nagpadala ng bulaklak kay Bea.

Kanya-kanyang eksena sa mainit na isyung pinag-uusapan.

BELA IPINALIT KAY NADINE NA MAY SAKIT

Sayang at hindi na pala si Nadine Lustre ang makakasama ni Aga Muhlach

sa MMFF entry ng Viva Films na Miracle in Cell No. 7.

Ito ang isa sa kuwentong nasagap sa launching ng Metro Manila Summer Film Festival na ginanap sa MMDA nung nakaraang Huwebes nang hapon.

Mula sa Executive Committee ng MMFF ang nagpahayag na nag-beg off na raw si Nadine sa project na ito.

Ang sabi sa pormal na request na ipinadala ng Viva; “due to persistent medical concerns and her resulting inability to perform her duties as an actress during the shoot up to the promotion of the film.”

Doon na rin nila isinumite ang pangalan ni Bela Padilla bilang kapalit kay Nadine.

Tinanggap naman ng Execom ng MMFF na si Bela na ang kapalit.

Ang sabi nila; “We believe that Bela Padilla is an excellent actress and a bankable star and she will significantly contribute to the film’s artistry and commercial success.”

Samantala,  pormal na ring inilunsad ang isa pang MMFF na panukala ni Sen. Bong Go.

Ginawa na nilang summer sa taong 2020.

Magsisimula ito sa Black Saturday next year na madalas may malaking Pinoy film na ipinapalabas sa araw na yan.

Kaya ang nakakaloka, Lenten season nagtatrabaho ang mga artistang may pelikulang kalahok at hindi na makapagbakasyon. Hindi na rin makapag-observe ng Holy Week dahil aligaga pa sila sa pagpu-promote niyan.

Magsisimula kasi ang festival sa isang parada na gagawin nilang Palm Sunday, at magsisimula ang showing ng Black Saturday.

Labing-isang araw na mapapanood ang walong pelikulang kalahok sa mga sinehan, at sa pang-limang araw ng festival na tatama sa April 15 ay ang Gabi ng Parangal.

Sana maganda ang kalalabasan nito, kaya excited ang mga producers na sumali sa bagong filmfest na ito.

May isang sikat na aktor na ngang kumausap sa aking interesado siyang sumali.

Matagal na rin siyang hindi nakakagawa ng pelikula, kaya gusto na niyang bumalik.

Ang gusto raw ng namumuno nito, ang MMDA, MMFF Execom at CEAP o Cinema Exhibitors Association of the Philippines, mga pelikulang pampamilya at youth-oriented film ang gusto nilang mga pelikulang mapapanood sa MMSFF o Metro Manila Summer Film Festival.

Kasali pa rin kaya rito ang FDCP ni Chairman Liza Dino na meron namang Pista ng Pelikulang Pilipino na pinasimulan?

 

 

Please follow and like us:
Read More