KAGAWAD NIRAPIDO NG KABARANGAY

BATANGAS CITY12

(NI NILOU DEL CARMEN)

PATAY ang isang barangay kagawad matapos na ito ay ratratin  ng kanyang kabaranggay sa Batangas City noong Sabado ng gabi.

Kinilala ang Batangas City police ang biktima na si  Jorge Almarez,  residente at kagawad ng Barangay Bolbok.

Ayon sa report, nagkaroon ng mainitang pagtatalo at nakasagutan ng biktima ang suspek na si Gilbert Acuña nang magkita ang dalawa sa Purok 7  sa kanilang barangay alas-7:45 PM.

Sa kainitan ng pagtatalo ng dalawa,  biglang  bumunot ng   baril ang suspek at sunud-sunod na ipinutok sa kagawad.

Nagtamo ito ng mga tama ng bala sa iba’t-ibang bahagi ng katawan at nasawi bago pa man mairating sa to Saint Camillus De Lellis hospital.

Pinaghahanap naman ng mga awtoridad ang tumakas na suspek  na nahaharap sa kasong homicide.

 

Please follow and like us:
Read More

SUSPEK SA MURDER NG PASTOR, PATAY SA TANDEM

CRIME12

(NI NILOU DEL CARMEN)

ISANG buwan matapos masangkot sa kasong murder, binaril naman ng hindi nakilalang riding in tandem gunmen ang umano ay pangunahing suspek sa pagkamatay ng isang pastor sa San Juan, Batangas.

Ayon sa San Juan police, agad nasawi ang biktimang si Edwin Razon Triviño matapos ratratin habang nagmamaneho ng  isang Toyota Revo sa national road sa Barangay Calubcub 2, alas 4:30 ng Martes ng hapon.

Nagtamo ito ng isang tama sa dibdib at hindi na umabot nang buhay sa San Juan District Hospital.

Tinapatan umano ito ng mga hindi nakilalang suspek na nakasakay sa motorsiklo at saka pinagbabaril ang biktima.

Batay sa report, ang biktima ang itinuturong salarin sa pagkamatay ng 30-anyos na pastor na si Renato Remegio ng Jesus Alone Church Mission International,   na binaril sa harap ng kanyang bahay sa nasabi ring barangay noong October 28.

Sinasabing usapin sa lupang tinitirhan ng pastor at ng iba pang residente ang ugat ng pagpaslang sa pastor.

Si Triviño ay dating katiwala sa pinag-aawayang lupa na pag-aari ng Macalintal Land Properties na ngayon  ay  sumasailalim sa housing project ng DMCI Homes Corporation.

Umaabot sa nasa 100 kabahayan at pamilya  ang sapilitang pinalayas sa kanilang mga dating tirahan dahil sa proyekto.

Patuloy pa ang isinasagawang malalimang  imbestigasyon ng mga pulis sa pangyayari.

 

Please follow and like us:
Read More

BUMANGGA SA 3 SASAKYAN; 2 LASING NA RIDER TODAS

accident12

(NI NILOU DEL CARMEN)

KAPWA namatay ang dalawa umanong lasing na magkaangkas sa motorsiklo matapos na ang sinasakyan ng mga ito ay kumarambola at sumalpok sa tatlong sasakyan  sa Tagatay – Nasugbu highway sa Barangay Kaylaway, Nasugbu, Batangas Martes ng gabi.

Dead on the spot ang backrider na si Rene Gonzales, 46,  samantalang nasawi  rin matapos na maisugod sa ospital ang nagmamaneho na si Gilmark De Villa.

Ayon kay PMAJ Ronald Cayago, hepe ng Nasugbu police, batay sa findings nang doktor sa pinagdalahan na Metropolitan Hospital, parehong amoy alak ang dalawa.

Base sa report, tinatahak ng mga ito ang highway nang sumalpok muna ang mga ito sa likuran ng isa ring motorsiklo.

Nawalan ng kontrol ang mga biktima at sumalpok muli sa kasalubong na drop truck na minamaneho ni Rolando Torreta  bago pa muling napabalik sa kanilang linya at bumangga sa kasunod na Toyota Fortuner na minamaneho naman ni Rodlyn Fernandez Alvaran.

Kinostudiya ng Nasugbu police ang driver ng dalawang nakabanggaang sasakyan at sasampahan na rin ng kaso.

 

Please follow and like us:
Read More

BABY BOY TINADTAD NI MOMMY

baby feet12

(NI JG TUMBADO)

MATINDING depresyon ang dahilan kung bakit nagawang paslangin ng isang 30-anyos na ina ang kanyang sariling anak na isang taong gulang sa pamamagitan ng pagtataga nito sa bayan ng Mataas na Kahoy sa Batangas.

Labis na ikinagulat na rin ng pulisya nang magtungo sa kanilang himpilan ang mismong suspek na si Aiza Lorcha, upang ipagbigay alam ang ginawa nitong karumal-dumal na krimen.

Ayon kay Police Col. Edwin Quilates, Batangas Provincial Police Office (BPPO) Director, nakararanas umano ng sakit na “postpartum depression” ang suspek na umanoy karaniwang tinataglay sa mga ina kung kaya’t ito ang hinihinalang nagtulak sa kanya para gawin ang krimen.

Batay sa imbestigasyon ng pulisya, nangyari ang insidente habang magkasama ang mag ina sa kanilang bahay sa Barangay 2A pasado alas-5:00 ng hapon ng Martes.

“Kasama pa nila ang uncle ni Lorcha sa bahay ng alas 3 ng hapon subalit umalis din ito para manundo ng bata sa eskwelahan at naiwan ang baby na umiiyak sa kanyang ina”, pahayag ni Quilates.

Subalit pagbalik umano ng tiyuhin sa bahay ay agad siyang tinungo ni Lorcha para sabihing pinatay niya ang kanyang anak.

Isinugod pa mismo ng mag-tyuhin ang bata sa Metro San Jose Medical Center (MSJMC) subalit nalagutan na ito ng hininga bunsod ng tatlong tama ng taga sa katawan.

Wala naman ang ama ng bata nang oras na naisagawa ang krimen ng ina dahil sa trabaho nito sa Lipa City.

Nakapiit na sa nabanggit na police station si Lorcha at nahaharap sa kaso.

Please follow and like us:
Read More

PASTOR NIRATRAT NG KATIWALA

(NI NILOU DEL CARMEN)

PATAY ang isang pastor matapos pagbabarilin ng caretaker  ng kanyang tinitirikang lupa sa San Juan, Batangas, Lunes ng gabi.

Agad nasawi ang biktimang si Renato Yangzon Remigio, 30, residente ng Sitio Macalintal, Barangay Calubcub 2, na nagtamo ng mga tama ng bala sa katawan.

Ang biktima ay pastor ng Jesus Alone Church Mission International sa San Juan, Batangas.

Batay sa report ng San Juan police, nakaupo sa harap ng kanyang bahay ang biktima nang ito ay malapitang  barilin ng suspek na si Edwin Triviño, dakong alas 8:45 ng gabi.

Usapin umano sa lupang tinitirikan ng bahay  ng biktima ang motibo sa krimen.

Ayon pa sa report, ang suspek ay katiwala ng Macalintal land properties na noong nakaraang taon ay pinalayas ng may-ari ang mga residenteng naninirahan para sa gagawing development sa lugar.

Subalit hindi umano umalis sa lugar ang pamilya ng pastor at isinampa sa Department of Agrarian Reform ang usapin sa lupa.

Pinaghahanap na ngayon ng mga pulis ang tumakas na suspek.

 

 

Please follow and like us:
Read More

MAG-UTOL NA HITMAN, NILIKIDA

crimeshooting12

(NI NILOU DEL CARMEN)

DALAWANG  bangkay  ng magkapatid na umano’y kapwa hitman sa lalawigan ng Quezon, ang nadiskubre sa San Juan, Batangas, Sabado ng madaling araw.

Laking gulat ng nakakitang residente  nang bumulaga rito  ang mga bangkay na parehong nakagapos ang mga kamay at nakabulagta sa gilid ng kalsada sa   Barangay Janao-Janao.

Kinilala ng San Juan police ang mga ito na sina Elmer at Noli Alano, mga residente ng Sariaya, Quezon at umano ay parehong gun for hire at sangkot sa ilang serye ng pamamaslang sa iba’t ibang bayan sa Batangas at Quezon.

Sa pagsisiyasat ng awtoridad, nakita na tadtad ng mga tama ng bala ang sa iba’t ibang bahagi ng katawan ang dalawang bangkay.

Nakabalot din pareho ng packaging tape ang ulo ng mga ito.

Ayon kay PLTCOL Rosell Encarnacion, hepe ng San Juan police, posibleng sa ibang lugar pinatay ang dalawa at itinapon lamang doon ang mga bangkay dahil walang ibang nakitang ebidensya maliban sa  mga katawan.

Napag-alaman din na ang dalawa ay dating naninirahan sa nasabing barangay subalit matagal nang lumipat ng tirahan sa Sariaya.

Palaisipan din sa mga awtoridad kung anong gustong iparating na mensahe ng mga salarin at  bakit sa pinagmulang lugar ng dalawa itinapon ang mga bangkay.

 

Please follow and like us:
Read More

2 LALAKI NIRATRAT SA VAN

CRIME12

(NI NILOU DEL CARMEN)

KRITIKAL ang  dalawang lalaki matapos nang pagbabarilin habang sakay sa isang  van sa Barangay Pinamucan Proper, Batangas City, Miyerkoles ng gabi.

Kinilala ang mga biktima na sina Ronnie Sauro Jr., 27, machine operator at residente ng Brgy. Natunuan North, bayan ng San Pascual  at Angelito Saes, 41, driver, ng Barangay Simlong, Batangas City.

Ayon sa imbestigador ng Batangas City Police, sakay sa Toyota hiace ang mga biktima na minamaneho  at  patungong Barangay Simlong nang biglang pinaulanan ng bala ng suspek na sakay din ng isang hindi nakilalang sasakyan.

Natadtad ng bala ang kaliwang bahagi ng van.

Target umano ng hindi pa nakikilalang suspek ang driver na si Saes na nagtamo ng tama ng bala sa iba’t ibang bahagi ng katawan.

Nadamay din ang katabi nito na si Sauro na nagtamo rin ng tama ng bala sa katawan.

Blangko pa ng pulisya sa motibo sa pamamaril at kung sino ang mga suspek.

 

Please follow and like us:
Read More

GRAB DRIVER NIRATRAT SA BEACH RESORT

batangas1

(NI NILOU DEL CARMEN)

PATAY  ang isang grab driver matapos pagbabarilin ng isang umano ay lango sa ipinagbabawal na gamot habang nasa isang beach sa Nasugbu, Batangas, Martes ng hapon.

Dead on the spot dahil sa mga tama ng bala sa ulo at katawan ang biktimang si Junnel Mar Alano, 35, residente ng Bicutan, Taguig City.

Ayon kay PMaj Ronald Cayago, hepe ng Nasugbu police,  naglalaro ang biktima  sa dalampasigan ng Munting Buhangin Beach Camp sa Barangay Natipunan nang pagbabarilin ng suspek dakong alas dos ng hapon.

Bigla na lamang umanong lumapit ang suspek at binaril sa ulo ng ilang beses ang walang kamalay-malay na biktima.

Kinilala ang suspek na si Dennis Esmeralda, 31, negosyante at residente ng Binan City, Laguna at guest din sa nasabing resort.

Batay sa imbestigasyon lango sa iligal na droga ang suspek at napagtripan lamang nito ang pamamaril sa biktima.

Ayon sa girlfriend nito, tatlong gabi na umano itong hindi natutulog,

Bigla na lamang umano itong lumabas sa kanilang cottage na bitbit ang baril na caliber. 40.

Nasa beach naman ang biktima matapos maarkila ang sasakyan nito patungo sa lugar.

Napag-alaman din na may dati na rin kasong kaso ng murder ang suspek sa Muntinlupa City.

Nakakulong na ito ngayon sa Nasugbu police station at sinampahan na ng kasong murder.

 

Please follow and like us:
Read More

BANGKAY SA ILALIM NG TULAY

BATANGAS CITY12

(NI NILOU DEL CARMEN)

INAALAM na ng mga otoridad ang pagkakakilanlan ng natagpuang bangkay ng lalaki sa ilalim ng tulay sa Sabang River, Barangay Tinga Itaas, Batangas City.

Ayon sa   Batangas City Police, pasado alas-2:00 ng Biyernes ng hapon nang matagpuan ng mga opisyal ng barangay  ang bangkay  na nakalutang sa naturang ilog.

Agad isinagawa ng PNP at ang mga tauhan City Disaster Risk Reduction Management Office

(CDRRMO) at Bureau of Fire Protection (BFP)  ang retrieval operation.

Matapos maiahon mula  sa ilalim  ng  nasa 150 talampakan na ilog,  tumambad ang bangkay ng lalaki na nakatali ang dalawang kamay sa likod.

Ayon sa mga awtoridad, tinatayang  nasa 5’5-5’6 ang taas nito, may tattoo sa kaliwang dibdib at nakapantalon at walang suot na damit.

Sa inisyal na imbestigasyon, wala namang nakitang tama ng bala ang bangkay ngunit tadtad ito ng mga pasa na mistulang binugbog bago pa man itinapon sa ilog.

Panawagan naman ng pulisya  sa mga nawawalan ng mga kamag-anak na makipag-ugnayan sa kanilang himpilan para kilalanin ang biktima.

 

Please follow and like us:
Read More

RIDER TODAS SA BUS

accident12

(NI NILOU DEL CARMEN)

PATAY ang isang empleyado matapos araruhin ng bus ang sinasakyan nitong motorsiklo sa Maharlika highway sakop ng Sto.  Tomas,  Batangas, Biyernes ng maghahatinggabi.

Kinilala ang nasawi na si Globert Arellano,  43,  tubong Naujan,  Oriental Mindoro.

Batay sa report ng Sto Tomas police,  bandang alas 11:20 ng gabi,  patungo ang biktima sa direksyon ng Sto. Tomas galing sa San Pablo City at tinatakbo ang highway nang pagdating sa bahagi ng Barangay San Vicente, ay matumbok ito ng kasalubong na bus.

Nag-overtake umano ang bus sa isa pang sasakyan at hindi pa nakakabalik sa kanyang linya nang mangyari ang head on collision.

Nagtamo ang biktima ng mga grabeng pinsala sa ulo at katawan at nalagutan ng hininga bago pa man mairating sa Laurel District Memorial hospital sa Tanauan City.

Tumakas ang driver ng bus na nakilalang si Mario Rambuyong matapos ang insidente.

Pinaghahanap na ito ngayon ng mga pulis at sasampahan na rin ng kasong reckless imprudence resulting to homicide.

 

Please follow and like us:
Read More

KABLE NAPUTOL; 2 BINATA NAKURYENTE, PATAY

electrocution

(NI NILOU DEL CARMEN)

PATAY ang dalawang binatang trabahador ng isang poultry farm sa  Calaca,  Batangas nang kapwa makuryente, Martes ng hapon.

Parehong nakatimbuwang  at wala nang mga buhay nang makita ang katawan ng mga biktimang sina Michael Sola,  21,  at Hernando Ocap,  23,  mga tubong Masbate City at mga helper sa R. A.  Punzalan poultry farm sa Barangay Putong kahoy.

Ang dalawa ay nakita ng kapatid ng isa sa mga ito na nakabulagta at batbat ng paso sa iba’t ibang bahagi ng katawan.

Malapit sa mga biktima ang isang napatid na kable ng kuryente na hinihinalang siyang naging dahilan ng pagkakuryente ng mga ito.

Sinubukan pang sagipin ang dalawa at isinugod sa ospital subalit ideneklara na ang mga itong patay ng doktor.

Patuloy pa ang imbestigasyon ng mga awtoridad at tinitingnan kung walang foul play sa pangyayari.

 

Please follow and like us:
Read More

2 PILOTO NASAGIP SA PLANE CRASH

(NI CYRILL QUILO)

NASAGIP ng mga mangingisda ang dalawang pilotong pabalik na sana ng Sangley Point matapos bumagsak at bumulusok sa dagat ang kanilang eroplano, Sabado ng tanghali sa Nasugbu, Batangas.

Nagkaroon ng aberya ang PA23-250 Piper Aztec Multi-Engine Plane na pabalik na sana sa Sangley Point Cavite galing Kuyung, Palawan.

Hindi inaasahan ng mga piloto na sina Pilot Capt.Eugene Avila ,65, ng Pasya City at Co-Pilot Capt. Armando Ducat, 25, ng Las Pinas City na babagsak ang kanilang sinasakyang eroplano dahil sa fuel system failure.

Bumulusok ito pababa ng 17 metrong lalim sa dagat ng Brgy. Papaya, Nasugbu, Batangas.

Nasagip sila ng mga mangingisda ng nakakita sa pangyayari.

Maswerteng minor injuries lamang ang tinamo ng dalawang piloto na agad dinala sa Jabez Medical Center.

Please follow and like us:
Read More

2 DRUG SUSPECT PATAY SA P7-M BATANGAS ENCOUNTER

(NI JG TUMBADO)

PATAY matapos makipagbarilan ang dalawang  drug suspect sa buy bust operation na ikinasa ng pulisya sa Batangas City kung saan nasamsam ang may P7 milyong halaga ng hinihinalang shabu.

Nakilala ang mga napaslang na suspek na sina Melanio Matanguihan, alyas Suma  at Abdul Wahid, alyas Minso.
Sa ulat mula sa Police Regional Office 4-A, isinagawa ang operasyon alas-11:45 ng gabi ng Lunes.

Lulan ang mga suspek ng itim na sasakyan na may plakang ZCV 306.

Matapos ang transaksyon, nakatunog ang  mga suspek na pulis ang buyer at peke ang pera na ibinayad sa kanila.
Bumunot ng baril ang isa sa mga suspek kaya agad na napatakbo ang pulis sa papalayong direksyon habang pinapaputukan.

Ligtas na nakasakay sa van ang pulis na nagpasaklolo naman sa support team.

Hinabol ng mga pulis ang mga suspek hanggang sa ma-korner nila ang mga ito sa highway matapos bumangga sa puno.

Dito na nagkapalitan ng putok na nagresulta sa pagkakasasawi ng mga suspek.

Wala namang naiulat na nasawi sa panig ng mga pulis.

Nakuha mula sa mga suspek ang 10 pakete ng hinihinalang shabu na may bigat na isang kilo na umaabot sa halos P7 milyong halaga.

Please follow and like us:
Read More

2 TINODAS NG KAINUMAN 

shooting6

(NI NILOU DEL CARMEN)

DALAWANG lalaki ang nasawi matapos kapwa pasabugin ang bungo ng kanilang mga nakainuman sa magkakahiwalang na insidente sa bayan ng Sto. Tomas at Calatagan sa Batangas.

Base sa report ng Batangas PNP, Huwebes ng umaga nang matagpuan na lamang na sabog ang ulo at  walang buhay sa loob ng isang kubo sa Brgy. San Vicente, Sto Tomas  ang biktimang si Crispin Nayle.

Huli umanong nakasama ng biktima ang suspek na si Edgar Sidlacan habang ang dalawa  ay nag-iinuman sa nasabing lugar.

Nawawala naman at hindi pa nagpapakita ang suspek na si Sidlacan.

Patay din ang 23-anyos na binatang  si Cris  Rosales matapos na ito ay barilin umano sa ulo ang kainumang si Abelardo Bahia habang nag-iinuman sa isang abandonadong bahay sa Brgy. Talisay sa bayan ng Calatagan, Huwebes ng gabi.

Nagkaroon muna umano ng mainitang pagtatalo ng dalawa na humantong sa pagbunot ng kalibre  .45 baril ng suspek at ipinutok sa hindi na nakakilos na biktima.

Mabilis na nakatakas ang suspek na sumakay sa kanyang motorsiklo.

Patuloy naman   ang imbestigasyon ng mga awtoridad at inaalam ang pinag-awayan ng mga ito at  kung bakit sa abandonadong bahay nagtagpo ang dalawa.

 

Please follow and like us:
Read More

1 PANG NAKAGAPOS NA BANGKAY NAANOD SA TAAL LAKE

(NI CYRILL QUILO)

ISA pang nakagapos na bangkay ng lalaki ang muling bumulaga sa mga residente sa Barangay Ambulong na nasa baybayin ng Taal lake, sakop ng  Tanauan City.

Sabado ng alas 9:00 ng umaga nang maanod sa dalampasigan ang bangkay na hinihinalang kasamahan ng unang nadiskubre noong Biyernes ng tanghali.

Kapwa nakagapos ang mga kamay nito at katulad ng naunang nakita sa parehong lugar, may kakabit itong sako na hinihinalang ang laman ay pampabigat para lumubog ang mga bangkay.

Unang inakala ng mga nakakita na katawan lamang ng  namatay na hayop ang kanilang natatanaw na palutang-lutang sa laot, subalit nang mapadpad sa dalampasigan ay natuklasan na bangkay ito ng isang lalaki.

Hinala ng mga imbestigador, sa ibang lugar pinatay ang mga biktima at tinangkang itago ang krimen sa pamamagitan ng pagpapalubog dito sa lawa.

Subalit lumutang pa rin ang katawan ng mga biktima at nadala ng hangin at alon sa baybayin ng nasabing barangay.

Dinala na ang labi sa Funeraria Bayrante sa bayan ng Sto. Tomas.

Isinailalim na rin ang mga ito sa autopsy upang malaman kung ano ang ikinamatay ng hindi pa nakikilalang mga biktima.

 

 

Please follow and like us:
Read More

SANGGOL SA BALDE

batangas1

(NI NILOU DEL CARMEN)

TINATAYANG  nasa pito hanggang siyam na buwan na ang edad ng kawawang sanggol   na natagpuan sa isang balde sa palikuran sa loob ng isang subdivision sa Sto. Tomas, Batangas, nitong Huwebes.

Ayon sa imbestigador, isang hindi nakilalang  babae na nakiusap lamang sa mga tanod sa subdivision na makigamit ng banyo ang siyang posibleng nag-iwan nito.

Ayon pa sa mga awtoridad,   “fully-developed” na ang sanggol na nakasilid sa isang puting balde  nang ito ay matagpuan sa comfort room ng subdivision sa Barangay San Rafael.

Maaari umanong premature na isinilang ang sanggol at  patay na  ito nang ilabas kaya nagpasya na lamang ang walang pusong magulang o kung sino mang kaanak nito na itapon na lamang ito sa nasabing lugar.

Dinala na sa isang funeral parlor ang labi ng sanggol samantalang nangangalap pa rin ng mga impormasyon ang mga awtoridad upang matunton ang nag-iwan dito.

Maaring makasuhan ng kasong infanticide ang mga magulang ng sanggol kung sakaling mahanap ito ng mga kinauukulan.

 

 

Please follow and like us:
Read More

BROKER PATAY SA AMBUSH NG TANDEM

crime143

(NI CYRILL QUILO)

TINAMBANGAN ang isang real estate broker sa Brgy. Bulbok,Lipa City, Batangas, Sabado ng umaga.

Tama ng bala sa ulo ang agad na ikinamatay ni broker kahapon ng umaga matapos pagbabarilin ng mga riding in tandem sa Brgy. Bolbok  Lipa City, Batangas.

Kinilala ni PLt. Col. Balauag ng Lipa City Police Station, ang biktimang si Florencio Maranan , 59, ng Purok 3 Brgy. Bolbok, Lipa City.

Ayon sa imbestigasyon, habang tinatahak ni Maranan ang Brgy.San Guillermo Lipa, isang motorsiklo ang sumabay sa kanyang paglalakbay at biglang may dalawang kalalakihan ang sumulpot sa daan saka bumunot ng baril at pinaputukan ang biktima.

Tama ng bala sa ulo ang agad na ikinamatay ng biktima habang tumakas palayo sa lugar ng pinangyarihan ang mga suspect.

Dinala sa Funeraria Lacorte ang labi ng biktima upang ma-autopsy ng SOCO at dadalhin ang kanyang motorsiklong kulay pula at puting Honda Wave sa Regional Crime Laboratory Office ng Batangas Provincial Police Office bilang ebidensya.

Please follow and like us:
Read More

BUY BUST: LIVE IN PARTNERS NAKIPAGBARILAN; 1 PATAY

(NI CYRILL QUILO)

PATAY ang isang lalaki habang sugatan ang kanyang live-in partner nang makipagbarilan sa mga pulis matapos pumalpak ang buy bust operation sa Brgy. Niyugan, Laurel, Batangas hanggang sa Brgy. Anuyong Alfonso, Cavite, Miyerkoles ng hapon.

Ayon sa report ni PCPT Garry Abregunda ng Laurel Municipal Police Station kay Batangas Provincial Director PLt. Col. Edwin Quilates, kinilala ang mag live in partners na sina Reinier Ambion, ng Brgy.1 Amadeo Cavite at Marygrace Casulang, residente ng Sarrido Salitran 3 Summerwind Phase 2 Excess Lot Dasmarinas Cavite.

Nakatunog ang dalawang suspek na pulis ang kanilang ka-transaksyon kaya’t nagmadaling tumakas gamit ang puting kotseng Chevrolet na may Plate number ZAG 607, bandang ala 1:40 ng hapon.

Matinding habulan habang nagbabarilan sa daan ang mga suspek mula Laurel Batangas na nagtapos sa Alfonso Cavite. Humantong sa pagkamatay si Ambion samantalang si Casulang ay dinala sa Tagaytay Medical Hospital upang gamutin.
Kamakailan lang nag plea bargaining ang magkalive-in dahil nasangkot na din sila sa droga.

Nakuha ang limang plastic sachet na hinihinalang  shabu na may bigat 25 grams, isang 38 cal. revolver at ilang bala sa loob ng kanilang sasakyan .

Patuloy pa rin ang isinasagawang imbestigasyon ng pulisya.

Please follow and like us:
Read More

TRUCK BUMULUSOK SA KURBADA,  2 NADALE

accident121

(NI NILOU DEL CARMEN)

PATAY ang truck driver habang kritikal ang pahinante matapos na ang sinasakyan nilang truck ay bumangga sa  mga railings ng binabagtas na pababang kalsada sa Ibaan, Batangas, Biyernes ng umaga.

Kinilala ng Ibaan police ang nasawing driver na si Jojit Villanueva,42, ng Caloocan City,  samantalang ang nasugatang pahinante ay si Florido Ortillo Jr.,41, ng Tondo, Manila.

Batay sa report ng Ibaan police, patungo sa Barangay Libjo,  Batangas City ang Fuso dropside truck ng mga ito na kargado ng mga bakal na tubo nang bumulusok ang truck sa mahabang palusong at kurbadang bahagi ng daan sakop ng Barangay Balanga,  Ibaan.

Dahil sa bigat ng karga, hindi na kinaya ng preno ng truck at hindi na rin nakaliko sa matalim na kurbada ang sasakyan at todo-lakas na sumalpok ito sa railings na humaharang at nagpoprotekta sa mga sasakyan patungo sa malalim na ilog.

Nasawi ang driver bago pa man maisugod sa ospital dahil natagalan ito bago nahugot sa nawasak na unahan ng truck.

Batay sa impormasyon,  hindi umano kabisado ng driver ang delikadong kalsada na siyang shortcut na daan mula sa bayan ng Ibaan patungo sa Batangas City-Lobo highway.

Gumamit lamang umano ang driver ng navigational apps kaya napalihis ito sa main highway na mas malayo pero ligtas na daanan ng mga kargadong sasakyan.

Noong buwan lamang ng Abril,  lima naman ang nasawi matapos maaksidente ang isang arkiladong jeep na patungo sa isang resort sa bayan ng Lobo mula sa Laguna sa parehong lugar kung saan sumalpok ang naturang truck.

Please follow and like us:
Read More

KUBRADOR SA BATANGAS DINAMPOT; LOTTO OUTLETS IKINANDADO

(NI NILOU DEL CARMEN)

SA lalawigan ng Batangas, umaabot sa 40 kubrador ng STL mula sa ibat-ibang bayan ang inaresto ng mga pulis nitong Sabado, sa unang araw ng pagbabawal ng   operasyon ng PCSO games.

Karamihan sa mga naaresto ay mga kalalakihan  at mga kababaihan.

Pinakamarami ang dinampot sa lunsod ng Lipa na umaabot sa 20 kubrador.

Dinala sa mga presinto ang mga hinuli at kinumpiska ang mga STL paraphernalia at mga perang pinagpatayaan ng mga ito.

Ayon sa ibang nahuli, hindi sila nagpasabihan agad at hindi nila alam na iligal na ang kanilang ginagawa.

Nagulat naman ang ibang naaresto nang isailalim din ang mga ito sa standard booking  procedures sa presinto  at  kuhanan ng mga mug shot.

Isinara rin ng PNP ang mga bukas pang lotto outlets sa   Batangas City, Lipa at mga bayan ng Mabini, Rosario, San Juan  at Lobo.

Marami rin namang mga outlets ang nagkusa ng isarado ang kanilang mga establisimyento.

 

Please follow and like us:
Read More

BABAENG MISTAH NG PMA, TODAS SA AKSIDENTE

accident121

(NI NILOU DEL CARMEN)

PATAY ang isang babaeng miyembro ng Philippine Airforce at kaka-graduate lang sa PMA  matapos maaksidente ang sinasakyang multi purpose vehicle (MPV) sa STAR tollway sakop ng Tanauan City, Batangas, Huwebes ng gabi.

Sugatan din ang walo pang sakay ng sasakyan na ang ilan ay PMA graduate at mga miyembro din ng PMA.

Kinilala ng Tanauan City police ang nasawi na si 2Lt. Karen Lei Cunanan na idineklarang dead on arrival sa  CP Reyes Medical Center sa Tanauan City.

Nasugatan naman ang mga  second lieutenant  na sina Kayl Calanno, Paulo Miguel Salcedo,  Neil Jessie Licuben,  James Daryl Ligutan, Richard Magabo, Jared Nicolasora,  at James Benedict Doranco na magka-klase sa PMA “Mabalasik” Class of 2019.

Ayon sa report, ang mga biktima na kumukuha ng  Basic Air Force Officer Course (BAFOC), ay sakay ng isang Mitsubishi Xpander patungo sa San Fernando Airbase sa Lipa City galing sa Villamor Airbase sa Pasay City, nang maganap ang aksidente sa southbound lane ng STAR tollway sakop ng  Barangay Sambat, Tanauan City pasado alas-8:00 ng gabi.

Nawalan umano ng kontrol sa manibela ang nagmamaneho kaya nagpagewang-gewang  ang sasakyan hanggang sa tumaob sa gitna ng highway.

Agad isinugod sa ospital ang mga biktima subalit nasawi na si Cunana bago pa man mairating sa pagamutan.

 

Please follow and like us:
Read More

PARAK TIMBOG SA EXTORTION

(NI NILOU DEL CARMEN)

NAARESTO ng mga tauhan ng Integrity Monitoring and Enforcement Group (IMEG) ang isang pulis na umano’y nangotong sa isang babae sa Lipa City, Batangas, Biyernes ng gabi.

Kinilala ang suspek na si Senior Master Sergeant Darwin Ona, miyembro ng Mataas na kahoy, Batangas police station habang nakatakas naman ang umano’y kasabwat nito na miyembro ng Philippine Air Force.

Inaresto ang suspek sa Barangay Inusluban habang bininilang nito ang pera na iniabot ng biktimang babae sa loob mismo ng kanyang bahay.

Batay sa imbestigasyon, humingi ng tulong ang biktima kay Ona at sa isang tauhan ng Philippine Air Force (PAF) para mabawi ang mga titulo ng kanyang mga ari-arian na walang pahintulot na naisangla sa banko ng kanyang caretaker.

Ayon sa biktima, pangalawang araw pa lang silang nagkakilala ng suspek ay hiningan agad siya ng P40,000 ng pulis.

Naibenta rin ng biktima ang kanyang SUV pero nahuthot din ni Ona at ng Air Force ang naturang pera.

Tinakot pa umano ng dalawa ang biktima.

Desidido ang biktima na kasuhan ng extortion si Ona habang hinahanap na ng awtoridad ang tauhan ng PAF na sangkot din sa kasoo

Nakakulong ngayon sa detention facility ng IMEG sa Kampo Crame ang naturang pulis.

Please follow and like us:
Read More

SHABU PASALUBONG SA PRESONG MISTER, BUKING

arrestwomen12

(NI CYRIL QUILO)

NAHULI ang isang misis na may pasalubong na shabu sa dadalawing preso na mister sa kulungan, Huwebes ng alas 3:30 hapon sa BJMP Tanauan,Batangas.

Ayon sa report ni Jail Officer 1 Donnalyn Castillo, BJMP Tanauan, Batangas, nakapkapan niya ang misis ng isang bilanggo na si Marilyn Guce, 37, na may dalang droga na nakatago sa kanyang bag. Isiniksik umano nito sa kanyang ID ang ilang gramo ng shabu.

Dinadalaw ni Guce ang kanyang live in partner na si Norberto Ebres na nakapiit sa BJMP dahil sa kasong droga rin.
Nahaharap sa kasong paglabag sa RA 9165 o Comprensive Dangerous Drugs Act of 2002 ang suspek.

Please follow and like us:
Read More

8 SASAKYAN INARARO NG TRUCK; 13 SUGATAN

(NI NILOU DEL CARMEN)

LABINGTATLO ang sugatan matapos araruhin ng isang truck ang walong sasakyan sa national highway, Barangay Marawoy, Lipa City Lunes ng hapon.

Batay sa report ng Lipa City police, nawalan ng preno ang six wheeler truck na minamaneho ni Patrick Perillo at sinagasa ang dalawang pampasaherong jeep, isang kotse at limang tricycle, alas 2:30 ng hapon.

Ayon sa mga imbestigador, unang nabangga ng truck ang nakaparadang kotse sa gilid ng highway at kasunod na nasapol ang dalawang namamasaherong jeep na kapwa nasa unahan.

Dumiretso pa ang truck sa shoulder at natumbok naman ang limang nakapilang tricycle sa isang terminal.

Sa lakas ng pagkabangga tumagilid pa ang isang jeep na sinasakyan ng 13 nasaktan kabilang ang nagmamaneho na si Dennis Mantuano.

Isinugod ang mga nasaktan sa Metro Lipa Medical Center samantalang naaresto naman ng mga pulis ang nagmamaneho ng truck.

Please follow and like us:
Read More