KRISTONG HUDAS INUTAS

BLOODY GUN

NASAWI ang 54-anyos na tagakuha ng taya o “Kristo” sa sabungan na umano ay sangkot sa pandaraya sa mga sabungero at ipinagkakanulo maging mga sariling amo matapos pagbabarilin sa garahe ng sabungan sa Malabon City kamakalawa ng gabi.

Kinilala ang biktima na si Alexander Francisco, ng 36 S. Pascual Beacum, Brgy. San Agustin habang tumalilis patungong Obando, Bulacan ang hindi pa nakilalang gunman na lulan ng motorsiklong minamaneho ng kanyang kasabwat.

Ayon sa pulisya, naglalakad si Francisco sa garahe ng Dampalit Cockpit Arena dakong alas-6:25 ng gabi nang lapitan at pagbabarilin ng salarin.

Dagdag pa ng pulisya, bilang Kristo ay tinatandaan lamang ni Francisco ang taya ng mga sabungero na umaabot ng libo-libong piso at hindi lang umano minsang inireklamo ito ng pandaraya sa mga nananalo at pagkaraan ay nagtatago ng ilang linggo o buwan.

Napag-alamang nagtrabaho rin bilang trainer ng mga manok na panabong si Francisco para sa “malalaking” sabungero na dinugas din umano nito.

Sinasabi umano ni Francisco na nasa kondisyon at hustong timbang na ang mga manok na ipinagkatiwala sa kanya kahit hindi totoo kaya kapag inilaban ay milyon-milyon ang natatalo sa kanyang mga amo. (ALAIN AJERO)

Please follow and like us:
Read More

MAG-ASAWA, ISA PA PINAULANAN NG BALA

bala-1

COTABATO – Patay ang isang mag-asawa at isa sa kanilang kaanak habang sugatan ang tatlong iba pa matapos pasukin ang kanilang bahay ng mga armadong lalaki at pagbabarilin habang naghahapunan sa  lalawigan ng North Cotabato.

Dead on the spot ang mag-asawang sina Ernesto Gatella, 70, magsasaka at asawang si Lorena, 43, na kapwa nagtamo ng mga tama ng bala sa katawan ha-bang nasawi rin  si Jose Gatella, 70, magsasaka, habang nilalapatan ng lunas sa pagamutan.

Sugatan at nilalapatan ng lunas sina Emmelita Getalla, Joe Gatella at Daryl Getalla.

Sa ulat ng Matalam Police Station, naghahapunan ang mag-anak na Gatella sa ka-nilang bahay sa Purok Sampaguita, Poblacion, Matalam bandang alas-7 ng gabi nang biglang pumasok ang mga hindi nakilalang salarin na pawang armado ng M-16 rifle.

Walang salitang binitiwan umano ang mga suspek na bigla na lang nagpaputok ng mga hawak na baril nang walang habas at tinamaan ang mga biktima.

Nang makitang nakabulagta at sugatan ang mga biktima, mabilis na tumakas ang mga suspek.

Patuloy ang imbestigasyon ng mga pulis na nakapulot ng mga basyo ng bala sa lu-gar ng krimen at inaalam ang motibo sa pangyayari. ANNIE PINEDA

Please follow and like us:
Read More

LALAKI TIGOK NANG PAGBABARILIN SA ULO

GUN FIRE-3

PATAY ang isang lalaki makaraang ilang ulit na barilin sa ulo ng hindi kikilalang mamamatay-tao sa Quezon City madaling araw ng Martes.

Ayon sa pulisya, nakasubsob ang ulo at wala nang buhay ang biktima nang datnan ng mga awtoridad sa isang puwesto sa Austria Market.

Maraming tama sa ulo ang biktima na hindi muna ibinigay sa media ang pangalan habang nagsasagawa pa sila ng malalim na imbestigasyon upang matukoy kung sino ang suspek, tugon ng pulisya.

Ang sinabi lang ng mga pulis, napakatindi ng galit ng pumatay o nagpapatay sa biktima.

Please follow and like us:
Read More