TSERMAN SA TONDO PINASLANG NG TANDEM

crimeshooting12

(NI HARVEY PEREZ)

BUMULAGTA  ang isang barangay chairman matapos pagbabarilin ng mga suspek na riding in tandem, sa  Tondo, Maynila, Biyernes ng umaga.

Hindi na naisalba ng mga doktor  sa Chinese General Hospital ang biktimang si  Alfredo Lansingan, chair ng Barangay 161 sa Gagalangin, Tondo.

Nakatakas naman ang mga suspek na nakasakay sa dalawang motorsiklo matapos na makitang napuruhan  ang biktima.

Sa imbestigasyon ng  Manila Police District-homicide section , dakong  alas 9:30 ng umaga nang maganap ang krimen sa panulukan ng Solis Street at Dagupan Street sa Tondo.

Base sa  kuha ng CCTV sa lugar, nakasakay umano sa kanyang motorsiklo ang biktima, nang tawagin  ng mga susupek at saka  apat na beses  ulit na pinaputukan, ngunit dalawang bala lamang ang tumama sa biktima.

Sinabi ng mga nakakita na inakala nilang may y pumutok lamang na gulong pero nagulat sila nang makitang bumagsak ang biktima at duguan.

Inaalam pa ng pulisya kung may kinalaman sa kanyang trabaho ang motibo ng pagpaslang sa biktima.

 

Please follow and like us:
Read More

BRGY CAPTAIN BINARIL SA CLEAN UP DRIVE, PATAY

crime12

(NINA CYRILL QUILO, AMIHAN SABILLO)

NAUWI sa matinding argumento na humantong sa barilan ang clean up drive ng barangay captain at ilang residente sa isang barangay sa Cavite, Linggo ng umaga.

Isang tawag ang natanggap ng Dasmarinas City Police Station na pinagbabaril si Barangay Captain Edwin Cuevas ng isang tumakas na suspek na kinilalang si Renante Casawa.

Ayon sa imbestigasyon, bandang alas-10:30 ng umaga ng Hulyo 28 nang magkaroon ng clean up drive ang mga residente sa Solar Homes Subd. Brgy. San Agustin 1,Dasmariñas City .

Sinita ng kapitan ang dalawang residente na sina Jon Bon Jovic Cawasa at Cedric George Martin,  nakatira sa creek ng nasabing lugar.

Doon na nagkaroon ng matinding pagtatalo at pagkakagulo sa lugar.

Bigla umanong dumating ang tiyuhin nina Martin at Cawasa at pinagbabaril ang kapitan sa ibat ibang bahagi ng katawan.

Matapos ang insidente ay tumakas ang suspek samantalang ang biktima naman ay dinala sa DSLUMC Hospital at nasa inoobserbahan pa ng mga doktor ngunit namatay din.

Please follow and like us:
Read More

2 OPISYAL NG DEPED, BRGY CAPT, PATAY SA NEGROS

crimeshoot

(NI NICK ECHEVARRIA)

PATAY ang isang school principal at kanyang kapatid, gayundin ang isang barangay captain sa magkakahiwalay na insidente ng pamamaril sa loob mismo ng kanilang mga bahay sa Guihulngan City, Negros Oriental, Huwebes ng madaling araw.

Ayon sa Guihulngan City Police Office, pinasok ng mga hindi nakikilalang suspek ang bahay nina Arthur Bayawa, 55,  Principal ng Guihulngan Science High School  at kanyang kapatid na si Ardale, 49, Curriculum Implementation Division Chief ng DepEd Guihulngan City Division sa Brgy. Hibaiyo, bandang ala-1:00 ng madaling araw at saka pinagbabaril ang mga biktima hanggang sa mamatay.

Samantala, wala pang isang oras ang nakalipas, sinalakay at pinagbabaril din sa loob ng kanyang tahanan ang barangay captain ng Brgy. Buenavista sa nabanggit na lungsod na si Romeo Alipan, 64.

Naisugod pa sa Guihulngan  District Hospital  si Alipan at ang magkapatid na Bayawa subalit hindi na umabot nang buhay ang mga biktima.

Matatandaan na ikinukunsidera ng militar at pulisya ang Guihulngan  na pinamumugaran ng mga komunistang rebeldeng New People’s Army.

Patuloy na iniimbestgahan ng pulisya ang motibo ng insidente at ang pagkakakilanlan ng mga suspek para sa agarang ikadarakip ng mga ito.

Please follow and like us:
Read More

BRGY CAPT, 3 PA SUGATAN SA AMBUSH

crimeshooting12

(NI NICK ECHEVARRIA)

SUGATAN ang isang barangay captain, kasama ang tatlong iba pa, makaraang pagbabarilin ng hindi pa nakikilalang suspek ang kanilang sinsakyan brand new mini multi-purpose vehicle sa mataong lugar sa kahabaan ng national road sa Jaro, Leyte, Linggo ng gabi.

Nakilala ang mga biktimang nasugatan na sina Estrella Geraldo, 62, village chief ng San Pedro sa bayan ng  Tunga ;  Leopoldo Po, 44, negosyante (driver);  Ailen Po, 40, public teacher at Rachel Cuña, 40.

Ayon kay   P/Lt. Arnel Saregumba, hepe ng Jaro Municipal Police Station (MPS), galing ang mga biktima sa Tacloban City pauwi sa kanilang tahanan sa bayan ng Tunga, nang ratratin ng mga suspek lulan ng isang sports utility vehicle na hinihinalang nakabuntot sa kanila.

Masuwerte namang hindi nahagip ng bala ang 62-anyos na si  Wilfredo Geraldo at dalawang bata na 6 at 4- anyos na kasama ng mga biktima ng maganap ang pag-atake sa  Hibucawan village.

Agad namang naisugod ng mga rescuers ang mga biktima sa isang ospital sa Tacloban City para lapatan ng lunas.

Nabatid na tinamaan umano sa ulo ang kanilang driver dahilan para mawalan ito ng kontrol sa minamanehong sasakyan na sumadsad sa isang bangin malapit sa isang tulay.

Patuloy na tinutugis ng pulisya ang mga salarin na tumakas at bumuwelta pabalik sa direksyon ng Tacloban.

 

Please follow and like us:
Read More

EX-BRGY CAPTAIN, PAMANGKIN PINASLANG SA BAHAY

(NI JG TUMBADO)

ISANG dating kapitan ng barangay at ang kanyang pamangkin ang pinasok sa loob ng bahay at sabay na pinagbabaril ng isang armadong grupo sa bayan ng Getafe sa Bohol.

Pasado alas-5:00 ng madaling araw ng Biyernes nang madiskubre ang wala nang buhay na mga biktima na nakilalang si Alejandro Abaño, 59, dating kapitan ng Barangay Jagoliao, isang isla sa bayan ng Getafe.

Habang nakita naman sa kwarto ang lalaking pamangkin ni Abano na patay din at may tama ng bala sa kanyang ulo.

Nabatid sa report kay Police Captain Benicer Tamboboy, hepe ng Getafe police station, mahimbing na natutulog sa bahay ang mga biktima nang pasukin at magkasabay na pinagbabaril ng tatlong kalalakihan.

Hindi pa matukoy sa imbestigasyon ng pulisya kung ano ang motibo sa krimen lalo na at wala sa drug watchlist ang biktima at kasama nito.

Please follow and like us:
Read More

BRGY CAPTAIN  SA LUMBAN, NIRATRAT SA LOOB NG  VAN

lumban12

(NI NILOU DEL CARMEN)

WALA nang buhay nang datnan ng mga pulis sa loob ng kanyang minamanehong van ang isang barangay captain na pinagbabaril ng hindi nakilalang salarin sa Sta Cruz, Laguna, Martes ng gabi.

Kinilala ang biktima na si Rommel “Toktok” Pandakila, residente at chairman ng Barangay Bagong Silang, bayan ng Lumban.

Batay sa report ng Sta Cruz police, sakay ng kanyang ipinapaarkilang   van, kasama ang barangay tanod ng Barangay Bubukal na si Mario de Lima, pupuntahan sana ng kapitan ang umarkilang  pasahero sa nasabing barangay nang makita ng mga ito ang nag-aabang na suspek na nakatayo sa gilid ng highway, alas 11:30 ng gabi.

Sa suspek pa mismo nagtanong ng direksyon ang biktima, subalit apat na bala ang isinagot nito sa kapitan. Pinilit pa ng biktima na patakbuhin ang sasakyan subalit hinabol pa ito ng suspek at muli pang binaril ng tatlong beses.

Agad ding tumakas ang salarin matapos ang pamamaril habang nahulog naman ang sasakyan sa irrigation canal na nasa gilid ng highway.

Ligtas naman ang barangay tanod na kasama nito na nakatalon habang pinuputukan ang sasakyan.

Iniimbestigahan pa ng mga awtoridad ang pangyayari at inaalam kung sino ang salarin at ano ang motibo sa krimen.

Si Pandakila ang ikalawang barangay captain ng Lumban na napatay sa pamamaril ngayong taon.

Noong Pebrero 10 nang  pagbabarilin din ng hindi nakilalang mga riding in tandem suspect  ang barangay captain ng Maytalang 1 na si Ramir Evangelista habang ito ay nakahinto sa isang ginagawang tulay sa bayan ng Lumban.

Please follow and like us:
Read More

EX-US MARINE NAG-AMOK, 2 PATAY; SARILI SINILABAN

talisay12

(NI JG TUMBADO)

PATAY sa pakikipagbarilan sa pulisya ang isang retiradong US Marine ilang sandaling mapatay naman nito ang kanilang barangay captain at anak-anakan nang mag-amok ito sa Talisay City, Cebu.

Pero bago pa mapatay ng mga awtoridad ay nagawa munang silaban ng suspek na si Dean Torrefranca ang kanilang bahay sa Barangay Lawaan Dos alas-11:00 ng umaga ng Huwebes.

Base sa imbestigasyon ng pulisya, bago ang pag aamok ni Torrefranca ay huli itong nakitang nakikipag talo sa anak ng kanyang dating asawa na si Jedd Ybanez sa harap ng kanilang bahay.

Hatian umano sa mga ari –arian, partikular ng bahay at dalawang sasakyan, ang sinasabing dahilan ng pagtatalo ng dalawa simula nang pumanaw si Delia Ybanez Torrefranca may isang buwan na ang nakalilipas.

Agad umanong pumagitna ang kapatid ni Ybanez na si Boboy Omana at nagkasundong pag-usapan na lamang sa barangay hall ang kanilang hindi pinagkakaunawaan.

Pero mabilis din namang umalis si Torrefranca sa barangay hall dahil nabigo umano ang dalawa sa kasunduan.

Dito na nagpasya ang kanilang kapitan na si Jimmy Bartilic na samahan ang dalawang magkapatid para magtungo sa kanilang bahay at doon na lamang ipagpatuloy ang pag-uusap subalit laking gulat na lamang nila nang makita nang nakasuot ng vest si Torrefranca at may hawak na itong baril.

Sa takot umano ay tumakbong palabas ng bahay sina Bartilic at Ybanez subalit hinabol sila ng suspek hanggang sa labas at doon sila pinagbabaril nito.

Matapos ang pamamaril ay bumalik umano si Torrefranca sa bahay at doon nagkulong hanggang rumesponde na ang pulisya sa pangyayari.

Nagkaroon umano ng maikling negosasyon para sa pagsuko ni Torrefranca subalit maging ang mga pulis ay pinagbabaril nito.

Nagkaroon na umano ng palitan ng putok sa pagitan ng magkabilang panig hanggang silaban na ni Torrefranca ang bahay nito.

Narekober ng pulisya ang sunog na bangkay ni Torrefranca matapos ang isang oras na shootout.

 

Please follow and like us:
Read More

2 BGY CAPTAIN TIMBOG SA VOTE BUYING

north cotabato 12

(NI JG TUMBADO)

NATIMBOG ng mga awtoridad ang dalawang kapitan ng barangay sa North Cotabato dahil sa kapwa  pagkakasangkot ng mga ito sa pagbili ng boto sa ilang mga residenteng kanilang sinasakupan.

Walang palag nang dakmain ang mga suspek na sina Alfredo Losbañez, kapitan ng Barangay Baynosa at Richard Pandacan, kapitan ng Barangay Caridad, sa bayan ng Tulunan sa nasabing lalawigan.

Batay sa impormasyon, ang dalawa ay naharang ng mga pulis sa isang check point habang sakay ang mga ito ng sasakyan na may government plates patungo sa bayan ng Mlang.

Ang mga sasakyan ay puno ng mga bigas, election campaign materials at nakuhanan din ang dalawang kapitan ng sobre na may mga pera.

Maaari umanong galing sa isang political gathering ang dalawa kung saan nila nakuha ang mga sako ng bigas at pera.

Maghahain ang pulisya ng kaso laban sa dalawang kapitan ng barangay.

Please follow and like us:
Read More

1,000 TSERMAN PINAGPAPALIWANAG SA MANILA BAY REHAB

manilabay rehab12

(NI JEDI PIA REYES)

PAGPAPALIWANAGIN ng Department of the Interior and Local Government (DILG) ang may 1,000 mga kapitan ng barangay dahil sa kapabayaan sa paglilinis sa Manila Bay.

Ayon kay DILG Undersecretary Martin Dino, inihahanda na ang paglabas ng show cause order para sa mga barangay chair sa Region 3, 4-A, at National Capital Region (NCR) matapos na mabigong kumilos at makiisa sa clean-up campaign ng gobyerno sa ilog.

“Right now we have prepared for the issuance of show cause order to barangay captains in Regions 3, 4A, and NCR who failed to comply with the mentioned circular,” ani dino.

Ang tinutukoy ni Dino ay ang DILG Memorandum Circular No. 2019-09 na ipinalabas noong Enero na nag-aatas sa may 178 city at municipal mayors at sa 5, 714 na barangay captain na mag-organisa ng clean-up drive sa mga baybayin at iba pang inland water system sa kanilang nasasakupan para tumulong sa rehabilitasyon ng Manila Bay.

“Despite this pronouncement, meron pa ring sasabihin natin na matitigas ang ulo. Our rough estimate is around 1,000 punong barangay out of 5,714 remain to be indifferent to our cause, making a complete mockery of our overall campaign,” ayon sa opiyal.

Sinabi naman ni DILG Undersecretary at spokesperson Jonathan Malaya, ang show cause order ay magbibigay ng pagkakataon sa mga opisyal ng barangay na ipaliwanag ang sinasabing kapabayaan ng mga ito.

Sakaling hindi pa rin tumugon sa atas ng DILG, mahaharap sa mga kasong administratibo tulad ng misconduct at negligence ang mga barangay official.

“Kahit anong linis ang gawin natin sa Manila Bay, kung patuloy naman ang pagtapon at pagdaloy ng basura sa estero, kanal, ilog patungo sa Manila Bay ay wala rin magandang mangyayari,” paliwanag ni Dino.

Please follow and like us:
Read More

PAGPASLANG SA KAPITAN INAKO NG NPA

npa

BUTUAN CITY – Inako ng rebeldeng New People’s Army (NPA) ang pag-ambush at patay sa barangay captain sa bayan ng San Luis, Agusan Del Sur Huwebes ng tanghali.

Ayon sa nagpakilalang spokesperson ng NPA na si Ka Omar Ibarra, sinabi nito na sila ang pumaslangkay Rodencio Salamurin, barangay captain ng Barangay San Pedro.

Tinambangan umano ng grupo ang biktima matapos makarating sa kanila ang umano’y pang-eespiya nito sa makakaliwang kilusan gayundin ang pagpatay sa mga sibilyan at paggamit umano ng posisyon upang makakolekta ng buwis para umano sa NPA.

Tatlo raw ang mga dahilan kung bakit pinaslang si Salamurin at kabilang dito ang pang-ingispiya daw nito sa makaliwang kilusan, pagpatay sa mga sibilyan at ang paggamit daw nito sa NPA sa pangongolekta ng buwis.

Ngunit sinabi naman ni Police Senior Insp. Emerson Bajao, hepe ng San Luis Municipal Police Station, hindi ambush ang nangyari.

Galing umano sa kanyang bahay ang biktima at patungo sa bayan para dumalo sana sa isang pagpupulong.

Subalit pinara raw ito ng tatlong armadong lalaking naka-bonnet at saka pinagbabaril.

Share

Please follow and like us:
Read More

GUNMAN NG ABC PREXY, HULI

huli

ARESTADO na ang sinasabing bumaril at nakapatay sa barangay chair at presidente ng Association of Barangay Captains (ABC) sa Lipa City. Hindi pa inilalabas ang pangalan ng suspect na ngayon ay nasa pangangalaga ng Batangas Police.

Si Marlon Luancing, barangay captain ng Barangay Antipolo del Sur ay nasa Lipa Games and Amusement Complex at nagsasabong nang barilin bandang alas-8 ng gabi. Naisugod pa sya sa ospital ngunit patay na nang idating. Iniimbestigahan pa ang motibo sa pagpatay kay Luancing.

Si Luancing ay ikalawang barangay official mula Batangas na napatay ngayong linggo. Sa Balayan, nakitang patay si Dindo Legaspi, village treasurer ng Barangay Sampaga, noong December 27. May tama ng bala sa ulo ang biktima.

Please follow and like us:
Read More