1 PATAY, 3 PA MALUBHA SA TUMAOB NA BANGKA

BANGKA-3

AKLAN – Patay ang isang turista habang nasa malubhang kalagayan ang tatlong kasamahan nito mata-pos na tumaob ang sinasakyan nilang bangka sa bayan ng Malay sa lalawigang ito, nitong Martes ng umaga.

Sa ulat na ibinahagi sa media ni Police Lt. Col. Jonathan Pablito, chief of police ng Malay, bandang alas-11:00 ng umaga nang mangyari ang insidente sa karagatang sakop ng Station 1 sa  Boracay, ang pamo-song Island resort sa bayan ng Malay.

Sinasabing sakay ng isang bangka ang grupo ng mga turista sa karagatang sakop ng Station 1 at pabalik na mula sa pag-island hopping.

Hababang papalapit umano sa dalampasigan ay biglang tumaob ang bangka ngunit agad namang nasa-gip ang mga biktima ng kalapit na bangka.

Agad silang isinugod sa Ciriaco Tirol Hospital ngunit isa sa kanila ang nalagutan ng hininga. (JESSE KABEL)

Please follow and like us:
Read More

3 BANGKA PINATAOB NG ALON, 12 PATAY

BANGKA

LABING DALAWA na ang naitalang patay habang apat ang nawawala sa pagtaob ng tatlong bangka sa pagitan ng Iloilo at Guimaras ngayong hapon.

Sa inisyal na ulat, dakong alas-12:15 ng tanghali nang tumaob ang dalawang pampasaherong motor boat na may rutang Iloilo-Guimaras vice versa.

Nagmula umano ang mga bangka sa Iloilo patungong Jordan, Guimaras ngunit habang naglalayag ay hinampas ng dambuhalang alon dahilan para tumaob ang mga ito.

Nasa 43 umano ang mga pasahero ng MB Chi-chi habang apat namang crew ang sakay ng MB Keziah.

Sa huling ulat, nasa 32 pasahero kabilang na ang mga crew ng dalawang bangka ang nasagip ng mga awtoridad.

Bandang alas-3 ng hapon nang maiulat naman ang paglubog ng MB Jennyville na may 38 pasahero at crew. Isa ang naitalang namatay sa huling insidente.

Puspusan pa rin ang rescue operation ng mga tauhan ng Philippine Coast Guard sa nasabing lugar.

Please follow and like us:
Read More

2 DAYUHAN, 3 PA, NAWALA SA KARAGATAN NG LEYTE, NASAGIP

(NI NICK ECHEVARRIA)

LIGTAS na ang lima katao na naunang iniulat na nawawala, matapos umanong lumubog ang sinasakyang bangka ng mga ito  sa karagatang sakop ng Southern Leyte, Linggo ng umaga.

Kabilang sa mga nasagip ang dalawang Australian national na sina Grahame David Hastings at Donald Don Cox, kapwa 60-anyos at ang mga Filipino na sina Jar-ar Aradaza, 19; Serecio Adanza, 40, at Michael Samatina, 33.

Ang lima ay nasagip ng mga tauhan ng Hinunangan, Silago at Hinundayan disaster risk and reduction management office, kasama ang mga rescuers ng Loreto, Surigao del Norte, Philippine Coast Guard, at Philippine National Police sa pagitan ng Southern Leyte at Surigao del Norte.

Ayon sa ulat ng Hinundayan Municipal Police Station, natagpuan ang lima na palutang-lutang sa karagatan malapit sa Homonhon Island habang nakakapit sa mga nalalabing bahagi ng bangkang de-motor na kanilang sinasakyan Linggo ng hapon.

Nagsasagawa umano ng fishing expedition ang mga nasagip noong Linggo ng umaga nang lumubog ang kanilang bangka makaraang magka-problema ang makina.

 

Please follow and like us:
Read More