BAWAL ANG JUDGEMENTAL (2)

SHABU BUYER

(Ni Guillermo Octavio)

Kung kaya ng babae, kaya rin ng bading

NAPATUNAYAN ng mga babae at lalaki na sa ngalan ng pag-ibig ay kaya nilang itaya ang kanilang mga buhay at sariling kaligayahan mapasaya lang at maibigay ang kagustuhan ng kanilang mga mahal sa buhay.

Hindi lamang babae’t lalaki ang humahamak sa batas nang dahil sa pag-ibig kundi maging mga bading.

Noong Hunyo, sa karsel humantong ang isang parlorista at ang dyowa nitong tulak nang maaktuhang nag-aabutan ng shabu sa kalsada sa Valenzuela City.

Swak sa selda ang tulak na si Jordan Tanaun alyas “JM”, 28, ng Block 3,  Bukid, Malinta; at dyowa nitong hairstylist na si Jeffrey Gadi alyas “Paula”, 29, ng Phase 1, Barangay Bagbaguin, Caloocan City.

Nabulaga ang dalawa alas-4:25 ng umaga nang abutan ni Tanaun ng isang plastic sachet ng shabu si Gadi sa Maysan Road, malapit sa lumang city hall.

Dinaluhong ng mga pa­rak ang mga suspek at nakumpiska kay Tanaun ang da­lawang plastic sachet ng shabu at P200 bill habang nasamsam kay Gadi ang isang sachet ng shabu.

Pagtatagpong palihim nabuking

Noon ding Hunyo, ibina­libag sa selda ang isang babae at ang umano’y karelasyon nitong construction worker matapos mabulagang bumabatak  ng shabu sa Caloocan City.

Arestado sina Monaliza Alapide, 47, ng 12 Wyoming St. at Cirilo Paz Jr., 50, ng Santiago St., kapwa ng Vista Verde Executive Village, Caybiga, Barangay 166, ng lungsod.

Alas-3 ng umaga ay may nagnguso sa mga pa­rak na may rumaratrat sa isang bahay sa naturang village.

Pagresponde ng mga pa­rak ay nabulaga nito ang mga suspek na humihigop ng usok ng shabu sa ­Copenhagen St., Vista Verde ­Executive Village, Barangay Llano.

Hindi na pumorma ang dalawa at nakumpiska sa mga ito ang nakabukas na transpa­rent sachet, isang plastic sachet na naglalaman ng, isang lighter at ­dalawang strip ng aluminum foil.

Sweet November

Tila wala ngang kasingtamis ang Nobyembre kaya’t ginawa ang pelikulang “Sweet November” at ni-remake noong 2001 at pinagbidahan ni Keanu Reeves, na kilala ng millennials bilang si “John Wick” at “Ted” ng naunang henerasyon, at ang magandang bebot na si Charlize Theron, na maniwala kayo o hindi ay may dugong Aprikano,  kung saan…panoorin n’yo na lang kung matibay kayo sa antok.

Nitong Nobyembre kalaboso ang isang babaeng ­tin­edyer at ang umano’y sugar daddy nitong tulak nang kapwa masakote sa isang buy-bust operation sa Malabon City.

Ibinalibag sa magkahiwalay na selda ang sinasaibing magsing-irog na sina Orlando Ocampo, alyas “Body,” 45; at  ng bubot na chikas nitong si Chrizialyn Pingol, alyas “Desiree,” 18; kapwa walang hanapbuhay at residente ng Barangay Longos, ng lungsod.

Alas-12:30 ng madaling-araw nang madamba ang mga suspek sa Barangay Longos matapos bentahan ng shabu na nagkakahalaga ng P300 ang isang undercover police.

Walong sachet ng shabu na tumitimbang ng halos 1.9 gramo na may street value na halos P12,700 ang nakum­piska sa mga suspek.

Nobyembre din nang hi­git sa P144,000.00 halaga ng shabu ang makumpiska sa ­dalawang pares ng magsing-irog  na nasakote sa magkahiwalay na buy-bust operations sa Navotas City.

Dakong alas-2:15 ng hapon nang malambat sina Marlon Ramirez, 21 at kanyang kinakasamang si Roan Joyce Santiago, 19, sa Market 3, Fishport, Barangay North Bay Boulevard North.

Nakumpiska sa mga suspek ang anim na plastic sachets ng shabu na tumi­timbang sa 7.3 gramo at nasa  P46,640.00 ang halaga, coin purse at P300 marked money.

Alas-2:30 ng madaling araw naman nang mahuli sa F. Pascual, Barangay Tangos South sina Roberto Alcantara alyas Puroy, 46; at dyowang si Rhodora Joaquin alyas Doray, 40;  matapos bentahan ng isang sachet ng  shabu ang isang pulis na poseur-buyer kapalit ng P1,000 marked money.

Nasamsam sa mga suspek ang dalawa pang plastic sachet ng shabu bukod sa naiskor ng undercover agent na tumi­timbang sa 14.4 gramo at nasa P97,920.00 ang street value.

Sa lungsod naman ng Caloocan, nadamba ang nasa drug watchlist na si Christian Pio, 33, at ang kinakasama nitong si Marife Dominguez 36, na dati nang sumuko sa kasagsagan ng Oplan Tokhang ngunit nagbalik sa shabu nang dahil sa kapritso ni Pio.

Tatlumpu’t limang sachet ng shabu ang nakumpiska sa dalawa na may tinatayang ha­lagang P81,609.00.

Please follow and like us:
Read More

HUSTISYA NAKAMIT NA NI ERIK SANTOS

(Kopya po ito  sa Pep.ph article ni Rachella Siazon na lumabas noong Nover 16, 2019. Isang aral para sa mga tabloid writers na moonlighting din as online writers at bloggers/vloggers. Isang babala ito na ang cyber libel ay may ngipin kaysa  ordinaryong libel)

Nakamit ni Erik Santos, 36, ang minimithing hustisya halos tatlong taon mula nang idemanda niya ng multiple counts of cyber libel ang radio host/entertainment columnist/talent manager na si Jobert Sucaldito, 58.

Noong unang magsampa ng kaso si Erik,  inakusahan niya ng 21 counts of cyber libel, 2 counts of libel, at six counts of grave threats si Jobert.

Iba pa rito ang reklamong 22 counts of cyber libel, 1 count of slander, at 6 counts of grave threats na isinampa ng talent manager ni Erik na si Erickson Raymundo laban kay Jobert.

Nagsimula ang legal battle nila noong March 30, 2017.

October 2017 nang pormal na kasuhan ng 37 counts of cyber libel si Jobert. Nabasura naman ang mga reklamo nina Erik at Erickson na grave threats, slander, at libel laban kay Jobert.

Hanggang sa noong January 2019, makalipas ang mahigit dalawang taong paglilitis, nag-plead ng guilty si Jobert sa salang ordinary libel sa halip na cyber libel.

Tumawad siyang mapababa ang kanyang offense at saka nag-apply na sumailalim sa “probation” sa halip na magsilbi ng sentensiyang pagkakakulong.

Ang legal counsels na may hawak ng kaso ni Jobert ay sina Atty. Ferdinand Topacio, Joselito Lomangaya, at Jun Matthew Guerrero ng Topacio Law Office.

Sa kabilang partido, ang legal counsels nina Erick at Erickson ay sina Atty. Josabeth “Joji” Alonso at Chris Liquigan ng Alonso and Associates Law Office.

ERIK AND ERICKSON’S LIBEL COMPLAINTS VS JOBERT

Ano ba ang pinagmulan ng pagdedemanda nina Erik at Erickson laban kay Jobert?

Sunud-sunod na blind items ang inilathala ni Jobert sa kanyang Facebook account, mula March 10 hanggang March 22, 2017.

Tungkol ito sa “mag-talent/manager” na tinawag ni Jobert na “gay, bakla, baklita” kalakip ng iba’t ibang tirada hinggil sa diumano’y “kawalanghiyaan, kaplastikan, kabaklaan” ng mga ito.

Ilan pa sa blind items ni Jobert ay naglalarawan ng diumano’y sexual liaisons ng mag-talent/manager.

 

Narito ang bahagi ng sinumpaang salaysay ni Erik na isinumite sa Quezon City Prosecutor’s Office noong March 30, 2017:

“The words and phrases that he used are calculated to induce the readers of his Facebook page to suppose and understand that I am gay and that I engage in sexual relationships with people of the same gender.

“The same are indisputably defamatory for they impute upon me a condition which is sufficient to impeach or reputation as bankable artist and to hold me up to public ridicule.

“Attacking my sexuality is a clear insult and harmful to my person and career. He also repeatedly attacked my character, labelling me a traitor and one who mooches on other people.”

Nakasaad pa sa reklamo ni Erik na dumanas siya ng “mental anguish, serious anxiety, sleepless nights, besmirched reputation, wounded feelings and social humiliation” dahil sa mga pinakalat na umano’y malisyosong akusasyon sa kanya ni Jobert.

Sa kaso ni Erickson, dawit din ang kanyang pangalan at propesyon sa umano’y mapanirang blind items ni Jobert sa Facebook.

Si Erickson ay president at founder ng Cornerstone Entertainment Inc., ang talent management company na may hawak sa career ng Kapamilya singer na si Erik.

Nakalakip sa sinumpaang salaysay ni Erickson ang kopya ng Facebook posts ni Jobert hinggil sa talent management company na diumano’y nanunulot ng shows mula sa ibang management groups.

May isa pang blind item na nagsasabing inaalok ng “BUY ONE TAKE ONE” ang artists ng talent management company “kaya ang ibang artists ay nababump off” sa isang show.

Magaling din daw ang talent management company na manghikayat ng “promising singers” na magpa-handle sa kanila, kapalit ng pangakong “sure win” ang mga ito sa sasalihang talent search na ang mga “hurado” ay hawak din nilang artista.

For the record, deleted na ang Facebook posts ni Jobert noon pang March 30, 2017—o noong araw na isinumite nina Erik at Erickson ang kanilang reklamo sa Quezon City Prosecutor’s Office.

JOBERT’S FACEBOOK POSTS DEEMED AS MALICIOUS, DEFAMATORY

Kinalaunan, lumabas sa preliminary investigation ng Quezon City prosecutor na pinangalanan ni Jobert sina Erik at Erickson sa kanyang kontrobersiyal na blind items.

Partikular na sa Facebook post na ito ni Jobert (published as is, except for select expletives with asterisks):

“Abot-langit na ang galit ko sa dalawang mag-tiyahin na ito- ERIK SANTOS na iyakin at ERICKSON RAYMUNDO ng Cornerstone na ubod na ng yabang ngayon.

“Wala kayong mga utang na loob. Mga p***eta kayo!!! Hindi ako takot sa mga pagsusumbong ninyo.

“Ako na nga ang binastos ninyo ako pa ang papalabasin ninyong masama sa mga boss natin. Magsubukan tayo. T*ngn*!!!!!”

Sabi pa sa preliminary investigation, malinaw na puno ng “obscene” at “vulgar” statements ang magkakasunod na blind items na isinulat ni Jobert.

Hindi lang daw dahil tinawag ni Jobert na “gay” o “bakla” si Erik kundi ang kabuuan ng ipinakalat na “defamatory remarks” ng entertainment columnist sa kanyang Facebook posts.

“In determining whether such allegation is defamatory or not, what should be considered is how the matter was conveyed to a fair and reasonable man and not the intention of the author.

“To tell another person he is ‘gay’ whether it be true or not, should be construed as to its context and what it is to third persons.

“Statements should not be interpreted by taking the words one by one out of context; they must be taken in their entirety.

“In the instant case, taken in its entirety, it is apparent that respondent has no other intention to call Mr. Raymundo and Santos as ‘gay’ or ‘bakla’ but to defame them or disparage their integrity and honor.”

Ang libel, ayon sa Revised Penal Code of the Philippines, ay tumutukoy sa pagpapakalat sa publiko ng malisyosong paratang ng isang “crime, vice, or defect,” mapa-totoo man o gawa-gawa lang, at iba pang “act, omission, condition, status, or circumstance” na nakakasira sa puri ng isang tao o alaala ng isang yumao.

Base pa rin sa preliminary investigation ng piskalya, “present” ang lahat ng “elements” ng libel sa reklamo nina Erik at Erickson kay Jobert.

Kabilang dito ang mapanirang akusasyong ipinapakalat ng akusado, paglathala sa publiko ng paratang, pagkikilanlan ng taong sinisiraan, at malisyosong intensiyon ng nagparatang.

Pati raw ang tirada ni Jobert na sangkot si Erickson sa panunulot ng mga proyekto at iba pang pailalim na transaksiyon upang ma-book ang artists ng kanyang management group ay maituturing na malisyoso.

“These accusations smack of bad faith and reveal an intention to besmirch the name and reputation of Mr. Raymundo, as well as Cornerstone.”

JOBERT CITES “FREEDOM OF SPEECH” AS INITIAL DEFENSE

Noong simula pa lang ng kaso, nanindigan si Jobert na walang katotohanan ang reklamong sinisiraan niya sina Erik at Erickson.

Depensa niya, “public figures” sina Erik at Erickson kaya natural lang na maging tampok ang mga ito ng “fair comment” sa publiko.

Inilaban din ni Jobert ang kanyang “freedom of speech” at ang kanyang mga isinusulat ay “privileged in nature.”

Pero saad sa preliminary investigation ng salaysay ng magkabilang-kampo, hindi raw saklaw ng freedom of speech ang paggamit ni Jobert ng “insulting language” laban kina Erik at Erickson.

“It is the cardinal condition of all criticism that it shall be bona fide, and shall not spill over the walls of decency and propriety.”

Sa kaso nga raw na ito, hindi nakitaan ng magandang intensiyon ang “series of Facebook posts” ni Jobert, at malinaw na ginawa ang mga ito para raw hiyain at sirain ang reputasyon nina Erik at Erickson.

Sabi pa ng Quezon City prosecutor noong October 2017, “Respondent went beyond his duties as a newsperson to actually attack complainants’ personal preferences in life.”

KAILAN BA LIBELOUS ANG BLIND ITEMS

Ipinaliwanag din ng Quezon City prosecutor na walang dudang “acceptable practice” ang paggamit ng “blind items” sa “field of journalism” at pati na rin sa batas.

Kaya raw sa kasong libel, mahalagang mapatunayan na na-identify sa blind item ang naghain ng reklamo.

Kung hindi man daw direktang pinangalanan, maaari raw makasuhan ng libel ang akusado kung matukoy ng mga nagbabasa kung sino ang laman ng blind item base sa paglalarawan dito.

Ang mga “clue” at “hint” ni Jobert sa kanyang blind items na talent management na katunog ng “bato,” mga patamang “hindi ka SANTO, mahirap maging banal” ay “quite obvious” pero mahirap daw patunayan.

Pero giit ng Quezon City prosecutor, “The downfall of Mr. Sucaldito is when he actually named and positively identified complainants Raymundo and Santos on one of his posts, which makes the element of identity present, as evidenced by the Fifteenth and Eighteenth count in the complaint-affidavit of Raymundo and Eighteenth and Nineteenth count in the complaint affidavit of Santos.”

Iyon nga ay nang banggitin ni Jobert sa Facebook ang mga katagang “Huwag ako ERICKSON RAYMUNDO at ERIK SANTOS na parehong WALANG UTANG NA LOOB!!! HUWAG!!!”

At pati ang Facebook post ni Jobert na “Abot-langit na ang galit ko sa dalawang mag-tiyahin na ito- ERIK SANTOS na iyakin at ERICKSON RAYMUNDO ng Cornerstone na ubod na ng yabang ngayon.”

ANO KAYA  ANG MAGIGING COURT DECISION ON LIBEL CASE VERSUS JOBERT

Sa huli, nag-plead bargain si Jobert na siya ay “guilty” sa mas mababang offense na “libel” sa halip na “cyber libel.”

Sa pagsasaliksik ng PEP.ph, ang libel o ordinary libel ay ang pagpapakalat ng impormasyong nakasisira sa reputasyon ng isang tao sa pamamagitan ng paglathala nito sa print media tulad ng newspaper, magazine, book, o pamphlet.

Saklaw ito ng Revised Penal Code of the Philippines No 3815, kunsaan ang nakasaad na sentensiya sa libel ay pagkakakulong mula “6 months and 1 day to 2 years and 4 months” kung ang penalty ay prision correccional in its minimum period.

O “2 years, 4 months, and 1 day up to 4 years and 2 months” kung ang penalty ay prision correccional in its medium period.

Humingi rin ang PEP.ph ng legal expertise mula sa University of the Philippines Criminal Law professor na si Atty. Sandra Marie Colonel upang ipaliwanag kung bakit ordinary libel sa halip na cyber libel ang inakong offense ni Jobert.

Ang cyber libel ay may kinalaman sa paninirang-puri na naipakalat sa Internet sa pamamagitan ng paggamit ng computer o similar technological device.

Ang kaibahan nito sa ordinary libel ay mas mataas ang penalty sa cyber libel, alinsunod sa probisyon ng Cyber Crime Prevention Act of 2012.

Kada bilang ng cyber libel ay may parusang pagkakakulong sa loob ng “6 years and 1 day up to 8 years” o tinatawag na “prison mayor in minimum.” O parusang “8 years and 1 day to 10 years” kung ang penalty ay “prison mayor in medium period.”

Sa kaso ni Jobert, lumalabas na nag-plead siya ng guilty sa kasong ordinary libel upang mapababa ang kanyang offense.

Noong Sabado, November 16, nailathala sa PEP.ph ang court document kunsaan makikitang tumawad si Jobert na gawing probation ang kanyang penalty sa halip na siya ay makulong.

Hindi malinaw kung may lumabas nang desisyon hinggil sa kanyang application to qualify for probation.

Ayon sa court insiders, noong nakaraang linggo ay katatapos lang mainterbyu ng probation officer ang dalawang kasamahan sa showbiz ni Jobert.

Bahagi ito ng background check kay Jobert upang masigurong karapat-dapat siyang rekomendahan ng probation ng Board of Probation and Parole.

(Bukas ang pahinang ito para sa mga karagdagang pahayag mula sa mga nabanggit rito.)

 

Please follow and like us:
Read More

BADING BUMIGAY SA PROBLEMA, NAG-SUICIDE 

(NI ANNIE PINEDA)

TINAPOS ng isang bading ang sariling buhay sa pamamagitan ng pagbigti bilang solusyon sa matinding problemang iniinda nito, sa Guimaras.

Kinilala lamang ang biktima sa alyas na ‘Ash’, 32, ng Buenavista , Guimaras.

Batay sa imbestigasyon ng Buenavista PNP, umaga ng Linggo, nang matagpuan ang katawan ng biktima na nakabitin sa loob ng kanilang bahay gamit ang lubid.

Nabatid, bago ang insidente, nag-text pa ang biktima sa kanyang pamangkin na gusto na niyang magpahinga dahil sa mga problema.

Wala naman nakikitang foul play ang pamilya ng biktima sa insidente.

Please follow and like us:
Read More

BINATILYO MINOLESTIYA; MAKE-UP ARTIST, KULONG

(NI FRANCIS SORIANO)

HIMAS-rehas ngayon ang isang make-up artist matapos kasuhan ng binatilyo ng unjust vexation sa Malabon City Prosecutor’s Office dahil sa pangmomolestiya.

Kinilala ng Malabon City Police Women and Children’s Protection Desk (WCPD) ang suspek na si Ace Luziano, 20, ng Gov. Pascual Avenue, Brgy. Potrero, Malabon City.

Ayon sa imbestigasyon ni P/SSgt, Diana Palmones ng WCPD, mahimbing na natutulog ang biktimang itinago sa alyas ‘Mando’, 17, ng Brgy. Tonsuya, sa bahay ng kaibigan sa Gov. Pascual Avenue, nang maramdaman at magising ito  sa paulit-ulit na paghimas at pagpisil ng suspek sa kanyang maseselang bahagi ng katawan dakong alas-2:00 ng madaling araw.

Napabalikwas ito nang makita ang suspect na nakasubsob na sa kanyang kaselanan. Agad humingi ng tulong sa barangay si Mando kasama ang kaibigan na nagresulta sa pagkakadakip sa suspek.

 

Please follow and like us:
Read More

BADING HULI SA RAPE NG 5-ANYOS NA BATA

(NI KIKO CUETO)

ARESTADO ang isang lalaki dahil sa panggagahasa umano sa paslit na lalaki.

Agad inaresto ang 18-anyos na lalaki sa rape sa 5-anyos na lalaki.

Nakaposas na nang dalhin sa Consolacion Police Station ang suspek nang positibo siyang ituro ng biktima na gumahasa sa kanya.

Sinabi naman ng ama ng biktima, Martes ng umaga, umiiyak nang umuwi ang bata sa kanilang bahay.

Agad na isinumbong ng bata na ginahasa siya ng kanilang kapitbahay.

Inamin naman ng bading ang kanyang ginawa sa bata at nagsisisi sa ginawang kalaswaan.

Sa imbestigasyon naman ng Children and women’s desk ng Cosolacion PNP, sinasabing gumamit umano ng ilegal na droga ang suspek bago niya ginawa ang krimen.

Lumabas din sa medical exam ng bata na may anal laceration ito.

Kakasuhan ng rape ang suspect.

 

Please follow and like us:
Read More

BADING, ‘BFF’, SABAY NAG-SUICIDE SA TULAY

dagupan

(NI ANNIE PINEDA)

PINATUNAYAN ng magkaibigan ang ‘best friends forever o bff),’ dahil hanggang sa kamatayan ay sinamahan ng isang lalaki ang kaibigan nitong bading na magpakamatay sa pamamagitan ng pagtalon sa tulay, iniulat kahapon ng umaga sa lalawigan ng Dagupan City.

Kinilala ang mga nasawi na sina Jerry Soriano, miyembro ng LGBT at Michael Balolong, kapwa ng Bonuan Catacdang, Dagupan City.

Batay sa report ng Dagupan Police Station, bago ang insidente, nag-inuman pa ang mga biktima sa bahay ng kanilang amo, saka tumalon saTanap Bridge Bonuan Catacdang Road Dagupan City.

Bandang alas 11:35 ng umaga nang matagpuan ang bangkay ni Soriano habang si Balolong naman ay alas-3:00 ng hapon.
Nakita rin ang suicide note ni Soriano para sa kanyang pamilya na nagpapaalam at nagpapasalamat.

Lumalabas sa imbestigasyon na sinamahan ni Balolong na magpakamaty si Soriano.

Inaalam na ngayon ang dahilan ng pagpapakamatay ng mga biktima.

Please follow and like us:
Read More

GWAPO, MATANGKAD NA AKTOR PINALAYAS SA CONDO

hunk

(NI GORGY RULA)

USAP-USAPAN ng mga kabadingan ang nangyaring pagpapalayas kay guwapo at matangkad na baguhang aktor na miyembro ng isang sikat na grupo.

Ito raw kasing si guwaping na baguhang aktor ay nakatira sa isang condo unit na sponsored daw ng dyowang mayamang matrona.

Pero isang gabi, nag-surprise visit si matronix kay guwaping na boylet nito,  siya ang na-surprise sa nadatnan niyang eksena.

Nandun si boylet pero may kasamang bading na mayaman din daw.

Hindi raw masabi ni matrona kung anong eksena ang naabutan niya na hindi niya matanggap kaya nung oras na iyun mismo ay pinalayas daw niya ang karelasyong boylet at binawi ang susi ng kotse na service pa nito.

Hindi na namin alam kung sinagip ni mayamang bading o kanino muna tumuloy si baguhang aktor.

Tuloy pa rin naman ang trabaho niya at paminsan-minsan nakikita ko siya sa isang daily show na sinasalihan niya. Kasama rin daw siya sa online show nitong programa kaya tuluy-tuloy pa rin naman ang raket niya.

Napapag-usapan na nga naming mga bading na iba na rin talaga ang power ng kabadingan ngayon na minsan ay natatalo pa ang ilang mayamang matronang mahilig sa guwapong boylet.

Kaya hindi maiwasang kinaiinsikyuran na rin ng mga babae ang mga kabadingan.

Pero iba naman ang drama ng isang guwapo at baguhan ding aktor na kasasali lang sa isang talent show.

Tapos na ang episode niya sa ilang nakarelasyong bading. Mas happy na siya ngayon sa mayamang matrona na all-out ang suporta sa pagsali niya sa talent show.

Pagkatapos nga ng show niya, kaagad na nagbakasyon siya sa ilang Asian countries kasama si matronang sponsor.

Ang hindi lang ako sure, ano ang mangyayari sa kanya  kapag magkabukingan na at makarating ito sa kaalaman ng dyowa ni mayamang matrona.

 

Please follow and like us:
Read More

BADING BINARIL, ITINAPON  

south cotabato12

(NI ANNIE PINEDA)

PALAISIPAN ngayon sa mga awtoridad ang pagbaril at pagpatay sa isang bading na natagpuang may mga tama ng bala, Miyerkoles ng hapon sa South Cotabato.

Kinilala ang biktimang si Ariel Malayon, 31 ng Brgy. Lampitak, Tampakan, Sumala, South Cotabato.

Batay sa report ng Tantangan Police Station, dakong alas 2:00 ng hapon nang matagpuan ang bangkay ng biktima sa Brgy. Tinungkop, ng nasabing bayan.

Tatlong tama ng bala sa katawan ang tinamo ng biktima na naging dahilan ng agaran nitong kamatayan.

Ayon sa ina ng biktima at mga kaibigan, wala silang matandaang may nakaaway si Malayon para gawin sa kanya ang pamamaril.

Nagpapatuloy naman ang imbestigasyon ng pulisya sa insidente at inaalam na rin ang pagkakakilanlan sa mga suspek.

Paniwala ng mga awtoridad, posibleng pinatay sa ibang lugar ang biktima at itinapon lamang ito sa naturang bayan.

Please follow and like us:
Read More

MATINEE IDOL MASUGID NA SUITOR NI POGING CAGER

pwede ed deleon(NI ED DE LEON)

SUS ginoo, ano ba naman iyang matinee idol na iyan na ‘nanliligaw’ naman ngayon sa isang poging basketball player. Kung sa bagay, marami talaga ang may crush sa poging basketball player kahit na noong araw na nasa varsity league pa lang siya, eh di lalo na nga ngayon.

Ang sinasabi daw ng bading na matinee idol, “basta makalusot iyong SOGIE bill, pakakasalan ko siya agad kung gusto niya”. Sus, eh papatulan ba naman siya ng poging cager. Baka hindi rin tapos hahagulgol lang siya ng iyak pagdating ng araw.

Alam naman ninyo ang key word sa mga bading ngayon, ‘hagulgol’.

 

Please follow and like us:
Read More

ROMANSAHAN SA JEEP: BADING, LOVER DINAMPOT

(NI GUILLERMO OCTAVIO)

HULI sa akto ang isang bading at lover nito habang nagroromansahan sa loob ng nakaparadang jeep, Martes ng madaling araw sa Malabon City.

Hindi na nakapalag ang 20-anyos na lover, ng Brgy Tangos, Navotas City habang nagpaparaos sa umano’y bading na isa ring 20-anyos ng Brgy. Dampalit, Malabon, nang arestuhin ng mga barangay tanod.

Nabatid na  nagpapatrulya sa naturang lugar sina Jason Ramos at Edison Amboyon, kapwa tanod ng Barangay Hulong Duhat,  nang makarinig ng halinghing mula sa loob ng isang nakaparadang jeep sa Marlon St., sa naturang barangay, dakong ala-1:30 ng madaling araw.

Pagdungaw ng mga tanod sa jeep ay naaktuhan ng mga ito ang dalawa habang nakahubad pang-ibaba ang lover.

Hindi rin umano napansin ng dalawa na nasa harap na nila ang mga barangay tanod.

Agad na dinamba ng mga tanod ang dalawa dinala sa Malabon police headquarters upang masampahan ng kasong grave scandal sa piskalya.

 

Please follow and like us:
Read More

BADING NANABOY NG ASIDO SA GF NG EX-BF, ARESTADO

arrested

(NI ROSE PULGAR)

“PASENSIYA na nagmahal lang ako. Hindi ko rin gusto ang nangyari sa ‘yo.”

Ito ang humahagulhol na pahayag ng arestadong suspect na nagsaboy ng asido sa mukha hanggang sa mabulag na saleslady sa follow-up operation ng mga tauhan ng Pasay City Police, Biyernes ng tanghali sa Tabaco City, Albay.

Kinilala ni Police Colonel Bernard Yang, hepe  ng Pasay City Police ang nadakip na suspect na si Ramon Culada Jr. y Montallana, alyas “Mona” 30, beautician at naninirahan sa Barangay Sto Cristo, Purok 3 Tabaco City, Albay.

Dakong alas-12:30 ng tanghali kahapon nang maaresto ang suspect sa tindahan ng ina nito sa Tabaco City Albay na kung saan nagsagawa ng follow-up operation sa pangunguna ni Police Major Wifredo Sangel, hepe ng Station Investigation and Detective Management Branch.

Ayon kay Yang, natunton ng kanyang mga tauhan ang suspect matapos sabuyan ng asido si Glory Cris  Cuera, 27, dalaga, ng San Antonio St. Tondo Manila.

Nabulag ang dalawang mata ng dalawa at nangangailangan ng agarang operasyon.

Naganap ang insidente noong Hulyo 15 araw ng Lunes ng alas-10:30 ng umaga sa ika-apat na palapag ng 3F Trade  Center Mart , Two Shopping  Center na sa  Taft Avenue Extension  corner  Cuneta Avenue.

Nagselos umano ang suspect sa biktima matapos ipagpalit siya ng kanyang nobyo na kasintahan ngayon ng biktima.

Sasampahan ng kasong serious physical injury ang suspect sa Pasay City Prosecutors Office.

Please follow and like us:
Read More

GF, SUGAR MOMMY NG BF NA MAY SIDELINE SA MGA BADING

(NI ED DE LEON)

USAP-USAPAN ang katotohanan na sa ngayon pala, si girlfriend pa ang nagtutustos ng mga pangangailangan ng boyfriend niyang ka-live in at wala namang masyadong trabaho.

May pera man daw itinatago naman iyon ng boyfriend sa girlfriend niya, dahil selosa si girl at alam niyang maaaring galing iyon sa mga “sideline” ng kanyang boyfriend.

Kahit naman kasi live in na sila, alam ni girlfriend na may mga bading pa ring nagkaka-interest sa kanyang boyfriend.

Minsan nahuhuli pa niya ang text ng mga iyon sa phone ng boyfriend niya. Kaya kung may sideline man, itinatago na lang iyon ni boyfriend sa girlfriend niya.

Please follow and like us:
Read More

PARLORISTANG BADING, PAROKYANO HULI SA DROGA

ARRESTEDHAND12

(NI FRANCIS SORIANO

HINDI na himas buhok kundi himas rehas naman ngayon ang isang hairstylist at kasama nito, matapos maaktuhan ng mga pulis na nag-aabutan ng droga sa Valenzuela City.

Kininilala P/Col. Carlito Gaces, bagong hepe ng Valenzuela City Police Station ang naarestong mga suspek na si Jordan Tanaun, alyas “JM”, ng 28 ng Blk 3 Bukid Malinta at Jeffrey Gadi alyas “Paula”, 29, ng Phase 1, Bagbaguin Caloocan City.

Ayon kay Gaces, dakong alas-4:25 ng madaling araw nang maaktuhan nina PSSg Rolando Magno Jr. at PCpl Mario Martin III ng Station Drug Enforcement Unit (SDEU) ang mga suspek na nag-aabutan ng hinihinalang shabu na nagresulta sa kanilang pagkakaaresto.

 

Please follow and like us:
Read More

MALE STAR ATRAS SA REQUIREMENT NG PRODU PARA SA LEAD ROLE

malestar silhouette

(NI ED DE LEON)

TOTOO iyon Tito KC, isang dating male star talaga ang nagsabi sa amin. Tinawagan daw siya ng isang film producer, bago pa natapos ang unang pelikulang kanyang ginagawa. Sinabi sa kanya, sa susunod niyang pelikula ay bida na siya, solong bida at bibigyan ng malaking build up. Pelikula iyon tungkol sa isang macho dancer. Pero ang kapalit, kailangang maging syota siya ng bading na film producer.

Natakot daw siya, at nang umalis sa opisina ng producer ay hindi na nagbalik pa, kahit na may ilan pang eksenang hindi nakukunan sa ginawa niyang pelikula. Siyempre siniraan siya, sinabing unprofessional, at sinabing inuna pang itinanan ang girlfriend niya kaysa sa kanyang career. Pero hindi naman totoo iyon. Hindi siya nagtanan. Nag-aral siyang muli.

Pero kagaya nga noon, may kaso ng sexual harassment, pero ang katuwiran ay “wala namang nangyari eh”. May isang kasong napagsamantalahan “pero kung magdedemanda ako, sabi ni attorney para din daw rape iyan, kailangang ikuwento ng detalyado kung papaano ako inabuso ng bakla. Ano naman ang mangyayari sa akin pagkatapos, malalaman lang ng mga tao ang nangyari sa akin”.

At saka mahal ang attorney’s fees. Mabuti ngayon nag-aalok si Jimmy Bondoc ng legal assistance, kung hindi, aba sa acceptance fee pa lang ng kaso, patay ka na sa pagbabayad.

 

Please follow and like us:
Read More

BADING HULI SA SEXTORTION

sextortion

(NI SIGFRED ADSUARA)

MATAPOS pagpantasyahan ng isang 30-anyos na miyembro ng LGBT ang mga video at hubad na larawan ng kanyang FB friend, gusto pa nitong huthutan at binantaan ilalabas  ang mga litrato nito kung hindi siya magpapadala ng pera sa GMA, Cavite.

Gayunman,  hindi umubra ang kagustuhan ng suspek na si Gerome Malicdim, alias “Gerome Celda”, ng Block 6 Excess Lot, Brgy.  Poblacion 5 GMA, Cavite, matapos itong arestuhin sa isang entrapment operation dahil sa reklamo ni Edmond Salomon, 30, binata, isang negosyante  ng Block 10 Lot 77 Mayors Drive Brgy Ramon Cruz, GMA, Cavite.

Sa reklamo ni Salamon kay  PSSgt Bobbie Balazo ng GMA Municipal Police Station, nagkakilala sila ng suspek sa pamagitan ng social media (Facebook)  kung saan inakala nito na isang babae.

Lumawig pa ang kanilang pagkakaibigan hanggang sa nagkapalagayan ng loob na humantong sa pagpapadala ng hubad na larawan si Malicdim na isang babae hanggang sa nahikayat din nito ang biktima na magpadala ng video na hubad nitong larawan hanggang sa lumaon ay humingi na ito ng pera at nagbanta na kung  hindi ito magbibigay ay ilalabas nito sa Facebook ang mga hubad nitong larawan at mga videos.

Noong una ay nagpadala ng halagang P2,000  ang biktima subalit muling humingi  at nagbanta at dahil alam na niya kung saan kinukuha ng suspek ang pera ay nagsumbong ang biktima sa pulisya kung saan ikinasa ang entrapment operation at sa aktong inilalabas nito ang ipinadalang cash ng biktima sa isang pera padala center sa Brgy Dacon , GMA, Cavite  ay naaresto ang suspek dakong alas-6:30, Huwebes ng gabi.

 

Please follow and like us:
Read More

BADING NATAGPUANG  PATAY

sta12

(NI JULIE DUIGAN)

WALANG saplot nang matagpuang patay ang isang bading na pinaniniwalaang na heat stroke, Lunes ng umaga sa Sta.Cruz,Manila.

Nakilala ang  biktimang si Nell Dawn Sanchez, nasa 55 hanggang 60 anyos , sinasabing miyembro ng  LGBT,hair dresser sa Chams Salon and SPA at nangungupahan sa Rm 403 NDR Building  sa 2207 Oroqueta St. Sta.Cruz,Manila.

Batay sa ulat na nakarating kay P/Capt. Henry Navarro , hepe ng Manila Police District-Homicide Section, bandang alas- 6:30 ng umaga nang madiskubreng patay ang biktima ng isang  kasambahay at naninirahan sa roof top ng gusali.

Huling nakitang buhay ang bading noong Abril 5 sa loob ng parlor.

Gayunman, malaki ang hinalang na heat stroke ang biktima dahil wala naman anumang sugat na nakita sa katawan nito.

Nabatid kay Jimmy Torres, sekyu ng gusali , nakaamoy umano siya ng masangsang sa tinutuluyang silid ng bading  , kaya  agad nitong ipinagbigay alam sa  may ari ng salon  dahilan para atasan nito ang kasambahay na si Roman na tingnan ang kuwarto ng biktima.

 

Please follow and like us:
Read More

PAMANGKIN NG SIKAT NA SINGER, NAGPA-‘BOYLET’ NA SA BADING

boylet12

(NI SHALALA)

DAHIL wala sila help mula sa tita niyang sikat na singer, ang boylet na  jumangkin  ay working too hard para helping ang mudra at lowla nya.

Crew ng isang hamburger chain si boylet. Churang inaabot na siya nang madaling araw hanggang na-sight siya ng isang bading na regular  customer sa burger store na ‘yon.

Give love pa ng tip ang nyokla tuwing lumalafang siya doon.

Naging close  sila at nang  minsan nagipit ito at  ‘di niya alam kung paano siya makabibili ng gamot ng kanyang lowla dearest.

Doon niya naisip ang standing offer ni vaklush. Tinext nya ito at nang makalabas sa work dumeretso na sa housing ni bakla.  Doon niya na sinurender ang kanyang junjun kay vaklang wrangler. Binigyan niya si boylet ng P1,000.

Sana naman si sikat na singer ay  tulungan niya na ‘yung kapatid niya, nanay at mga pamangkin. Kung may isyu o away, pwede naman nilang pag-usapan.

Wag niyang hayaang maging callboy ang gwaping na pamangkin tuwing may health emergency ang mother dearest ng sikat na sikat na singer.

Please follow and like us:
Read More

BADING PINATAY, IBINAON NG 2 BAGETS 

bading1

(NI JV TRINIDAD)

GUINAYANGAN, Quezon – Isang binatilyo ang dinakip habang ang isa niyang kasamahan ay hinahanting pa ng mga awtoridad matapos na matuklasan ng pulisya ang umano’y karumal-dumal na pagpatay ng mga suspek sa isang bakla sa bayang ito.

Sa ulat ni Senior Supt. Osmundo de Guzman, Quezon police director, inaresto ng lokal na pulisya si Godofredo Sales Jr., 18, residente ng Barangay Calimpak dakong madaling-araw ng Martes.

Ang katropa niyang si KC Einstein de la Concepcion alias “Lover Boy”, walang edad sa report, na hinihinalang may kinalaman din sa krimen ay pinaghahanap pa ng pulisya.

Sa imbestigasyon, bandang 12:30 ng madaling araw ng Martes ay nagreport sa istasyon ng pulisya sina May-Ann Gonzales at Laiza Cericos at inilahad ang natuklasan nilang bangkay ni Gregorio Rocha, 32, na nakabaon sa tabi ng bahay ni Sales.

Agad nagpunta ang mga pulis sa lugar na sinabi ng dalawang impormante at pagkatapos ng paghuhukay ay lumantad ang nakalibing na bangkay ni Rocha.

Sa follow-up operation ay mabilis na nadakip si Sales.

Sa report ng pulisya, nalaman ng dalawang impormante ang tungkol sa nakalibing na bangkay nang pumunta sila sa bahay ni Sales noong Feb 12. Nadatnan din ng dalawa si Concepcion sa nasabing bahay.

Sa hindi pa malamang kadahilanan ay ipinagtapat ng dalawang suspek sa kanilang bisita na pareho nilang kaibigan, ang tungkol sa ibinaon nilang bangkay ni Rocha noong February 7 dakong alas-tres ng madaling-araw.

At bilang patunay sa katotohanan ng kanilang kuwento ay niyaya nila Sales at Concepcion ang kanilang bisita sa lugar na kanilang pinaglibingan. Humukay ng isang bahagi ng kanilang pinagbaunan ang dalawang suspek hanggang sa mapalantad sa mga bisita ang paa ng biktima.

Hindi sinabi sa ulat kung ano ang nagtulak sa dalawang impormante para ireport sa pulisya ang krimen pagkatapos nila itong matuklasan pagkalipas nang mahigit tatlong linggo.

Ayon sa isang batikang imbestigador sa siyudad, na “posibleng nakukunsiyensya na ang mga impormante. At naliwanagan siguro nila na puwede silang sumabit sa krimen kung hindi nila ito ibubulgar.”

Ayon kay Senior Insp. Ginalyn de Leon, Guinayangan police chief, ang biktima ay kilalang bading sa nasabing bayan.

“Base sa initial investigation, may ipinangako ang biktima sa mga suspek. Ngunit hindi niya tinupad ang pangako,” ang pahayag ni De Leon sa panayam sa mobile phone phone.

Hindi na ipinaliwanag ni De Leon kung ano ang umano’y pangakong hindi tinupad ng biktima na siyang naging dahilan ng kanyang kamatayan dahil patuloy pa aniyang nagsasagawa sila ng imbestigasyon.

Nagsusuri pa rin ng mga eksperto kung paano pinatay at ano ang ginamit sa pagpatay sa nakabaong bangkay ni Rocha. Inaalam pa rin ng pulisya kung ang dalawang suspek ay nasa impluwensiya ng alak o anumang ipinagbabawal na droga nang gawin ang krimen.

Si Sales ay nakakulong sa Guinayangan police jail.

 

 

 

 

Please follow and like us:
Read More

BADING NAGPASAKSAK NG COLLAGEN SA DIBDIB, PATAY

bora200

KALIBO, Aklan – INAALAM ngayon ng awtoridad kung ang isinaksak sa dibdib ng lalaking nagpalaki ng dibdib ang dahilan ng pagkamatay nito sa isla ng Boracay.

Sinabi na ang biktimang si Aldwin Esperanzilla, 31, ng Nara, Palawan at pansamantalang nakatira sa isang resort sa Barangay Balabag, Boracay, ay lumapit sa isang kaibigan na kinilalang si Dave Nacar, alyas ‘Marga’ para magpa-inject ng collagen sa dibdib.

Sa report, tinurukan umano ni Marga si Aldwin ng collagen ngunit makalipas ang ilang minuto ay nagreklamo na ito ng pananakit ng dibdib. Agad nang isinugod sa ospital si Aldwin nang hindi na ito makahinga.

Sinabi ni SPO1 Rogelio Tiongson ng Malay-Philippine National Police Sub-Station, na sa pamamagitan ng autopsy ay matutukoy ang sanhi ng pagkamatay ng biktima. Agad tumakas si Marga nang malamang namatay na ang kanyang kaibigan kagabi ng alas-6:45 pagkatapos ng halos limang oras sa ospital.

Please follow and like us:
Read More