6 PATAY, 4 SUGATAN SA PENSION HOUSE FIRE

(NINA ANNIE PINEDA, AMIHAN SABILLO)

(UPDATE)

ANIM katao ang kumpirmadong nasawi habang apat ang sugatan matapos sumiklab ang sunog sa isang pension house, kaninang madaling araw sa Bacolod City.

Kinilala ang isa sa mga nasawi na si Ronalyn Daquilla, habang inaalam pa ang pagkakakilanlan ng tatlong lalaki kabilang ang isang bata at 1 pang babae habang ang mga sugatan ay kinilalang sina Sanday Romeo Omnos, 28, residente sa Dumaguete City, John Carlo Rivera, 26, residente sa Pampanga, at Miguel Paolo Nuñez, 34, residente sa Victorias City.

Sa report ng Bacolod Fire Marshal, dakong alas 4:37 ng madaling araw nang sumiklab ang sunog sa Java Pension House (dating Bascon Hotel), sa Gonzaga-Locsin Street, Bacolod City.

Nabatid, na pag-aari ng isang Christopher Java ang nasabing pension house.

Dinala naman ang tatlong sugatan sa Corazon Locsin Montelibano Memorial Regional Hospital habang ang isang Australian national ay dinala sa Riverside Medical Center para lapatan ng lunas.

Ayon sa pulisya, posibleng nasawi ang mga biktima sanhi ng suffocation at nakuha ang mga bangkay sa ikalimang palapag at ang iba ay nasa hallway.

Base sa inisyal na pagsisiyasat, kuwento ng saksi nakita niyang may naghagis ng helmet sa loob ng pension saka sumiklab ang sunog na pinaniniwalaan may gasolina.

Umabot naman sa 5th alarm ang sunog at idineklarang fire out dakong alas 9:15 ng umaga.

Nagpapatuloy naman ang imbestigasyon sa nasabing insidente.

Please follow and like us:
Read More

P15-M ‘SHABU’ NASAMSAM SA BACOLOD CITY

SHABU-ARRESTED

(NI KIKO CUETO)

BACOLOD CITY — Aabot sa P15 milyong halaga ng hinihinalang shabu ang nakuha mula sa isang sinasabing high-value target sa lungsod na ito, Sabado ng gabi.

Gayunman, nagawang makatakas ng target nang mapansin na mga pulis ang kanyang nakatransaksyon.

Nahuli naman ang kanyang 17-anyos na pamangkin sa buy-bust operation.

Sinabi naman ni Police Lt. Col. Leonardo Borromeo, hepe ng Bacolod-City Drug Enforcement Unit, na target ang isa sa mga kasamahan ng nahuling newly identified drug personality na nabawian ng P500,000 na halaga ng ilegal na droga noong Miyerkoles.

 

Please follow and like us:
Read More

16-ANYOS BINARIL SA ULO NG NAKARAMBULAN

BACOLOD CITY — Patay sa isang tama ng bala sa ulo ang isang 16-anyos na binatilyo matapos itong targetin ng lalaking umano’y nakaalitan nito, Miyerkoles ng gabi.

Pinaghahanap na ng pulisya ang suspek na kinilala lamang sa pangalang ‘Jayson’.

Ayon sa ulat ng pulisya, nakatambay sa isang tindahan sa Barangay Handumanan ang biktima kasama ang kaniyang kaibigang menor de edad din.

Bigla na lang umanong ginulpi ang biktima ng tatlong lalaki pero matapos ang ilang saglit ay bumunot na ng baril ang isang alyas ‘Jayson’ at pinutok sa ulo ng biktima.

Dinala pa sa pagamutan ang biktima ngunit binawian din ito ng buhay.

Naaresto naman ang dalawang kasabwat ni ‘Jayson’ pero itinanggi nilang may kinalaman sila sa planong pamamaril.

Tinutugis pa ng pulisya si Jayson habang inihahanda naman ang kasong murder sa dalawang niyang kaibigan.

Please follow and like us:
Read More

STEPSON PATAY SA AMAIN

crime100

(NI ANNIE PINEDA)

DUGUAN na bumulagta ang isang lalaki makaraan pagbabarilin ito ng kanyang amain nang hamunin ng away ng biktima sa pagtutol pa rin nito sa pakikipagrelasyon ng kanyang ina, sa Bacolod City.

Kinilala ang biktimang si Libert Villanueva, ng SP Village, Barangay Pahanocoy, Bacolod.

Tinutugis naman ng pulisya ang suspek na kinilalang si Reynaldo Robles, 67, residente ng nasabing lugar.

Batay sa report ng pulisya, umuwing lasing sa kanilang bahay ang biktima at sinugod umano nito ang kanyang amain sa bahay ng kanyang ina hindi kalayuan sa kanilang bahay at hinamon ng away.

Dito, kinuha ng suspek ang baril at pinagbabaril ang biktima sa iba’t ibang parte ng katawan saka tumakas.

Dinala sa ospital ang biktima pero idineklara na rin itong patay.

Ayon sa ina ng biktima na si Leticia Villanueva, 66, namatay na ang ama nina Libert taon 2000 at siya ay muling nag-asawa ngunit ayaw umano ng kanyang anak kay Robles.

Naniwala naman si Leticia, na nagseselos ang kanyang mga anak kay Robles dahil sa pakiramdam nila ay binabalewala siya sa kabila na madalas ay inaasikaso rin ng suspect ang kanyang mga apo.

 

Please follow and like us:
Read More

LALAKI, TINAGA, NINAKAWAN NG 2 ‘FB FRIENDS’

(NI JG TUMBADO)

ISANG 23-anyos na houseboy ang sugatan makaraang pagtatagain at pagnakawan pa ng dalawang lalaking nakilala lamang sa online sa Bacolod City.

Nasa maselang kondisyon ngayon sa ospital ang biktima bunsod ng mga sugat sa katawan.

Ayon kay Maj. Charles Gever, commander ng Bacolod City Police Station 8, nakipag-eyeball ang biktima sa dalawang lalaking nakilala lamang niya sa social media at nagkayayaang mag-inuman sa bahay ng amo ng biktima noong Huwebes ng gabi.

Ipinakilala pa umano ng biktima sa kanyang amo ang 2 lalaki bilang kaanak.

Pero makalipas ng ilang oras, tinaga at hinampas umano ng arnis stick ang biktima.

Tinangay din umano ng 2 lalaki ang laptop, alahas, at iba pang gamit ng amo.

Pinaghahanap pa ngayon ang mga suspek, ayon sa amo ng biktima, pero aniya hindi niya maiwasang mag-alala na maaaring bumalik ang suspek sa kanilang bahay.

Ipinaalala ng pulisya na maging mapanuri at huwag basta-bastang magtiwala sa mga nakikilala lalo na sa social media sites.

Please follow and like us:
Read More

DROGA INAALAM SA PAGDUKOT SA EX-ANTI-DRUG TF OFFICIAL

crime kidnapping12

(NI JG TUMBADO)

POSIBLE umanong may kinalaman sa kalakaran ng ilegal na droga ang pagdukot ng isang armadong grupo sa dating police official sa Bacolod City.

Ito ang lumabas na ‘development’ sa kaso ni retired Police Major Lito Pirote, dating humawak noon sa na-abolish na Anti-Illegal Drugs-Special Operations Task Force o AIDSOTF ng Philippine National Police (PNP)

Si Pirote ay puwersahang dinukot at isinakay sa isang kulay puting HiAce van ng siyam na armadong lalaki sa labas ng isang hotel noong Biyernes Santo sa nabanggit na lungsod.

“He is in the list. Of course isa sa anggulo na tinitingnan natin ‘yun. As of this time kasi wala pa tayong makitang ibang anggulo except doon sa alleged involvement niya sa illegal drugs,” paliwanag ni Albayalde sa kanyang press conference sa Camp Crame.

Ayon sa opisyal, si Pirote ay kasama umano sa tinaguriang “narco-cops” sa naisumiteng “secret special report” kay Pangulong Rodrigo Duterte noong Oktubre ng nakaraang taon.

Sa naturang report, inakusahan si Pirote sa pagkakaugnay nito sa ilegal na droga partikular sa kalakaran nito, kasama ang ilang na dismiss na police officials na sina Police Col. Eduardo Acierto; Police Col. Leonardo Suan; dating PDEA Deputy Chief for Administration Police Lt. Col. Ismael Fajardo; Police Lt. Col. Lorenzo Bacial; Police Lt. Col. Conrado Caragdag at si Master Sgt. Alejandro Liwanag.

Gayunman, sinabi ni Albayalde na patuloy pang inaalam ng mga imbestigador ang tunay na motibo ng pagdukot kay Pirote.

 

Please follow and like us:
Read More

24-ANYOS HIP-HOP DANCER PATAY SA CONTEST

bacolod city12

NABULABOG ang masayang dance contest matapos duguang bumulagta ang isang lalaki sa gitna ng kompetisyon sa Bacolod City, noong Miyerkoles.

Mga tama ng bala sa ulo at katawan ang tumapos sa biktimang si Paulo Gregor Jimena na umano’y pinatay ng isang John Rey Pasco sa Barangay 2, Bacolod City.

Nabatid na nanonood umano ng contest ang biktima nang biglang dumating si Pasco at isang kasama.

Nang makita ang biktima ay agad itong binaril saka tumakas.

Isinugod pa sa ospital ang biktima ngunit hindi na ito umabot nang buhay.

Naiwan naman ang baril at dalawang basyo ng bala sa pinangyarihan ng insidente.

Sinabi sa report na may matagal nang alitan ang biktima at ang suspect dahil sa umano’y pagsali nito sa mga hip-hop contest.

Patuloy pang hinahanap ang dalawang suspek.

 

 

Please follow and like us:
Read More

TAKOT IWAN NG BF, YAYA NANGIDNAP NG ‘ANAK’ 

BACOLOD12

(NI KIKO CUETO)

BACOLOD CITY – Inaresto ang isang 19-anyos na babae nang dukutin ang sanggol ng kanyang amo, para ipakilala bilang anak ng kaniyang nobyo para hindi siya iwan.

Sa imbestigasyon, sinasabing tatlong linggo pa lamang nagsisilbing kasambahay ang babae sa mag-asawang nakatira sa Barangay Alijis sa lungsod na ito.

Pero sa kwento ng pamilya, matagal na umano nilang kilala ang suspek dahil kapitbahay nila ito sa dating tinitirahan sa Barangay Mandalagan.

Dagdag pa ng pulisya, nagpo-post na ang suspek sa social media ng mga retrato kasama ang bata at sinasabing anak niya ito.

Noong una ay hindi naman nag-aalala ang pamilya, hanggang nitong Lunes, kinabahan ang mga ito dahil hindi nakauwi ang suspek at ang kanilang anak.

Lunes ng gabi nang dumulog sa pulisya ang pamilya.

Hinanap ng pamilya ang suspek at kinausap sa Facebook ang nobyo ng suspek.

Napag-alamang taga bayan ng Miag-ao, Iloilo ang nobyo at doon posibleng pumunta ang suspek.

Humingi ng tulong ang Bacolod City Police sa Miag-ao Police at doon nakita ang suspek at ang kanyang kinuhang bata.

Agad namang dinala ang bata at ang suspek sa Bacolod City.

Inamin naman ng suspek ang pagdukot sa bata. Aniya, ginawa niya ito para hindi siya iwan ng kanyang nobyo.

Ipinakilala niya ang bata na anak umano ng nobyo niya para panagutan nito at hindi siya iwan.

Haharap sa kasong kidnapping ang suspek.

Please follow and like us:
Read More

LIVE–IN PARTNER PINATAY, LALAKI NAG SUICIDE

bacolod city12

(NI JESSE KABEL)

PINATAY ng 47-anyos na lalaki ang kanyang ka live-in sa loob ng kanilang bahay bago ito nagpakamatay sa pamamagitan ng pagbigti sa Bacolod City .

Ito ang nakitang seneryo ng Bacolod City Police Office makaraang tumambad sa kanila ang nakabiting bangkay ni Gerald Lozada, sa Barangay Handumanan, ng nasabing siyudad.

Gamit ang nylon cord, itinali ni Lozada ang dulo ng cord sa kisame sa kanilang bahay sa Purok Paghidaet, Phase A, Barangay Handumanan, Bacolod City.

Isang suicide note ni Gerald ang nakita kung saan inamin nitong pinatay niya ang kinakasama sa bahay nito at pagkatapos ay siya naman ang nagpakamatay.

Kaagad  pinuntahan ng pulisya ang bahay ni Honelyn Teniedo sa Purok San Roque, Barangay Tangub at doon ay nakita ang bangkay nito na may saksak sa leeg.

Wala ring sign of struggle o senyales na nanlaban ang biktima sa suspek.

Inaalam pa ng pulisya ang motibo sa krimen.

Please follow and like us:
Read More

LALAKI IRITADO SA UTI, PINUTOL ANG ARI

bacolod city12

DAHIL sa labis na pagka-irita sa iniindang sakit na urinary tract infection (UTI) pinutol ng isang 41-anyos na crane operator ang kanyang ari upang wakasan na umano ang kanyang sakit sa Bacolod City.

Sinabi ng mga kasamahan ng biktima na nagulat sila nang marinig ang sigaw ng biktima noong Huwebes ng gabi kaya’t agad nila itong pinuntahan sa kanyang quarters sa Paglaum Village, Barangay Masilingan, Bacolod City.

Nang marating ang isang bahagi ng compound ay nagulat sila nang makasalubong ang biktima na duguan at hawak nito sa kamay ang pinutol na ari. Isinugod ng biktima ang sarili sa Corazon Locsin Montelibano Memorial Regional Hospital upang magpagamot.

Ang biktima ay mag-isa lamang umanong naninirahan sa Bacolod City dahil nasa Mindanao ang misis at mga anak nito.

Patuloy na inoobserbahan ang biktima sa ospital.

 

Please follow and like us:
Read More

GALING PRAYER MEETING; MISTER PATAY, MISIS SUGATAN

bacolod crime

PATAY ang isang negosyanteng Chinese at sugatan naman ang kanyang asawa matapos silang pagbabarilin sa Bacolod City.

Kinilala ang mga biktima na si Alex Yao at asawa niyang si Maria Teresa.

Galing sa prayer meeting ang mag-asawa at paalis na sana sa parking lot lulan ng kanilang sasakyan nang pagbabarilin ng mga naka-motorsiklong salarin.

Napag-alaman na may-ari ng isang lending company at supplier ng semento ang nasawing negosyante.

Inaalam pa ng otoridad ang pagkakakilanlan ng mga salarin at motibo nito sa pagpaslang.

Please follow and like us:
Read More

TATAY, TINAGA, SINUNOG NG ANAK

negros

(NI KIKO CUETO)

PINATAY sa taga ang isang 56-anyos na lalaki at sinunog pa ng sariling anak sa loob ng kanilang bahay sa bayan ng Salvador Benedicto, Martes ng gabi.

Sa imbestigasyon, natutulog ang ama kasama ang kanyang asawa nang pasukin ng kanilang 40-anyos na anak na lalaki ang kanilang bahay sa Barangay Igmaya-An.

Pinagtataga ng anak ang kanyang ama hanggang sa namatay matapos nito, hinila ng anak ang bangkay ng kanyang ama palabas ng bahay at saka sinunog.

Sinubukan pigilan ng kanyang 60-anyos na ina ang suspek pero pati siya ay tinaga rin.

Nakatakas naman ang kanyang ina na nagpapagamot sa ospital sa Bacolod City.

Sa imbestigasyon ng pulis, sinasabing may diperensya sa pag-iisip ang nakatakas na suspek.

Lumalabas din na iniwan siya ng kanyang asawa nitong nakaraang linggo kaya maaring nakapagpalala ito sa kanyang pag-iisip ayon sa pulis.

Nakatakda rin sanang sumailalim sa medical check-up ang suspek bago pa man nangyari ang karumal-dumal na pagpatay.

Please follow and like us:
Read More

DEPUTY CHIEF PATAY SA AMBUSH

bacolod200

BACOLOD CITY – TINAMBANGAN at napatay ang deputy chief ng Police Station 6 sa lungsod na ito habang papasok sa trabaho Sabado ng umaga.

Ang biktima na si SPO4 Oscar Exaltado ay sakay ng kanyang motorsiklo nang maganap ang insidente.

Naka-uniporme pa ang pulis nang pagbabarilin ng mga hindi pa nakikilalang mga salarin.

Ayon sa nakasaksi sa insidente, bumaba sa SUV ang dalawang salarin at agad na sumakay sa nakaabang na motorsiklo matapos ang insidente. Pagkasakay sa motorsiklo ay sinundan na ng mga suspect ang pulis at pinagbabaril.

Patuloy ang imbestigasyon sa pananambang.

Please follow and like us:
Read More