12-ANYOS ARSONIST NALAMBAT

kabacan north cotabato

(NI BONG PAULO)

NADAKIP ng pulisya ang isang 12-anyos na suspek sa panununog sa ilang mga establisimyento sa Kabacan, North Cotabato.

Ayon kay Disaster Risk Reduction and Management Head David Don Saure, may witness umano na nakakita sa naturang bata na may dalang plastic at lighter bago ang insidente ng sunog.

Nabatid na abot sa pitong mga establisimyento ang nasunog simula gabi  hanggang kaninang madaling araw.

Kabilang sa mga nasunog ay ang Bahay Buko, dakong alas-7:30 ng gabi at abandonadong bahay na pag-aari ng Orpiano family (pasado alas-8:00 ng gabi) na kapwa nasa Barangay Osias.

Ang limang iba pa ay nasunog kaninang madaling araw sa Poblacion na kinabibilangan ng Manolette Bakeshop, Pritong Manok, Corpuz Patilan, Cake’s by Lial at isang space for rent na stall.

Ayon kay Fire Inspector Albert Lagura ng BFP Kabacan, umaabot sa P2.233 milyon ang kabuuang danyos sa pitong magkakahiwalay na sunog.

Maituturing na arson ang insidente dahil sa intensiyon na pagsunog.

Patuloy pang iniimbestigahan ng pulisya at BFP ang motibo sa sunog maging ang kasabwat nito.

 

Please follow and like us:
Read More

ARSON TINITINGNAN SA STAR CITY FIRE

(NINA KOI HIPOLITO, KIKO CUETO)

ARSON ang isa tinitingnang anggulo sa Star City fire Miyerkoles ng madaling araw na tumupok sa halos 80 porsiyento ng amusement park sa Vicente Sotto St., CCP Complex, Pasay City.

Ito ay matapos may mag-post sa social media na ‘star city will die’ ganun din sa sinasabing halos sabay-sabay na nasunog ang iba’t ibang lugar sa 28-taong Star City. Nagsimula umano ang apoy sa imbakan ng stuffed toys at iba pang premyo pasado alas-12 ng hatinggabi.

Kasamang nasunog ang Aliw Theater at mga tanggapan ng Manila Broadcasting Corporation. Ayon sa report ng CCP Complex Police Community Precint ng Pasay City Police Station, nadiskubre ng security guard na nasusunog ang bahagi ng Snow World sa bandang likuran ng Star City.

Ayon naman kay District Fire Marshall Fire Supt. Jerry Berte at Pasay Fire Marshall Supt. Paul Pili, nirespondehan ng hindi bababa sa 70 fire trucks sa buong Metro Manila ng Bureau of Fire Protection at ng mga Fire Volunteers na umakyat sa 5th alarm o Task Force Bravo bago idineklarang fire under control ang sunog dakong 4:30 ng umaga at wala naman ulat na nasugatan.

Nakikipag-ugnayan na ang mga opisyal ng Manila Broadcasting Company sa mga otoridad tungkol sa naganap na sunog at  magpapatuloy naman ang broadcasting operation ng mga FM stations na kanilang pagmamay-ari tulad ng Love Radio, Yes the Best at Easy Rock habang ang DZRH ay magbabalik sa loob ng 48 oras.

Inaasahan na maibabalik ang ang Star City sa October 2020 at wala munang trabaho ang mga seasonal workers dito habang ang mga regular employees naman ay pinag-aaralang bigyan ng compensation assistance, ayon sa tagapagsalita ng Star City na si Atty. Rudolph Jularbal.

WALANG STAR CITY NGAYONG PASKO

Ayon sa pamunuan ng Star City, posibleng ma-mi-miss nila ang 2019 na Pasko dahil mapipilitan silang magsara dahil 80 porsyento ng kanilang compound ang nasunog.

Sinabi ni Pasay City fire marshal Paul Pili na mabilis kumalat ang mga apoy dahil na rin sa mga nasunog na mga premyo at ibang gamit sa amusement park.

Bumagsak  ang bubong ng Snow World habang ang Star Theater ay natupok.

Nangangamba naman ang mga nagtatrabaho sa Star City na mawawalan sila ng trabaho ngayong Pasko.

Sinabi ni Star City spokesperson Rudolph Jularbal na sa October 2020 na sila posibleng magbukas.

 

 

 

 

 

 

Please follow and like us:
Read More

ARSON POSIBLENG DAHILAN NG SUNOG SA CALOOCAN

fire1

ARSON ang tinitingnan na anggulo sa sunog na naganap sa Caloocan City, Biyernes ng madaling araw matapos makakita ng mga bote ng gasolina at damit na nakalublob sa gasolina.

Bandang ala-1:40 ng madaling araw nang sumiklab ang sunod sa residential area sa Barangay 181, Caloocan City, ayon kay Fire Supt. Stephen Requina, nang maireport sa kanila ang sunog na naapula makalipas ang isang oras.

Nakakuha ang mga bombero ng mga plastik na naglalaman ng mga damit na ibinabad sa gaas at mga bote na may gasolina.

Naniniwala ang mga nasunugan na sinadya ang sunog dahil may grupo umanong umaangkin sa lupang nasunog. May nakakita rin umano ng grupo ng kalalakihan na nagsabit ng plastic bag bago nagliyab ang lugar.

Pangatlong beses na umano itong ginawa pero napigilan noon ng mga barangay tanod.

Ayon kay 181 Barangay Chairman Dong Quiboi, may naghahabol umano sa lupa, ngunit hindi na niya dinetalye kung sinong grupo ang mga ito.

Kabilang sa nasunog ang 10 bahay at isang motorsiklo at apektado ang nasa 30 pamilya.

Please follow and like us:
Read More

NA-PRANING SA PUYAT NATODAS

hostage

(NI JULIE DUIGAN)

PATAY ang isang 26 anyos na binata, na sinasabing lulong sa bawal na shabu at umano’y taltong araw nang walang tulog  nang manunog ng bahay ng kapitbahay saka nagawa nitong manghostage sa Pandacan Manila, Sabado ng umaga.

Naisugod pa sa ospital, pero binawian din ng buhay ang suspek na nakilalang si Ranil Christian Baje, ng 2408 Floresca St., Pandacan.

Sugatan naman sa tama ng patalim at ligtas na sa kapahamakan ang dalawang negosyador na sina P/Insp. Francis Guevarra at P/Insp. Genesisi Aliling,kapwa tauhan ni P/Supt. Erwin Dayag , Station Commander ng MPD-Station 10 .,

Batay sa ulat ng MPD-Homicide Section, bandang 10:00 ng umaga , naganap ang insidente sa kabilang bahay ni Baje.

Una rito, tumawag si Chairman Rene Janda ng Brgy. 860 Zone 94 , dahil sa panununog ng bahay ng suspek.

Dito na nagresponde ang mga tauhan ng MPD-Beata Police Community Precinct, para arestuhin si Baje , subalit  nagtatakbo sa loob ng kanilang bahay at hinostage nito ang kanyang lola ; tiyuhin at ang pamangkin nito.

Muli umano itong lumipat ng ibang bahay, kaya nasundan siya ng mga awtoridad, dito na tinangkang payapain ni Insp. Tililing , subalit sinaksak siya sa bandsang bahagi ng batok , maging si Insp. Guevarra ay sinaksak din nito at nagawa nitong sanggahain kaya tumama ito sa kanyang palad, at dito na siya binaril ni P/Insp. Aliling.

Batay sa ilan nitong kaanak, tatlong araw na umanong walang tulog si Baje, dahil sa shabu at napag-alaman na nagkaroon na umano ito ng kaunting sayad.

Wala namang iba ang nadamay sa sunog , nang magtulong tulong ang mga kapitbahay na apulain ito.

Please follow and like us:
Read More