JANE HINDI NAGING GF NI ARJO

JANE32

(NI BOY ABUNDA)

BAGO pa man naging kasintahan ang miyembro ng Girltrends noon na si Sammie Rimando ay si Jane Oineza muna ang naka-date noon ni Arjo Atayde. Taong 2016 nang magsimulang lumabas sina Jane at Arjo pero hindi naging opisyal na magkasintahan ang dalawa.

“Hindi naman umabot sa gano’n, wala pong gano’n. Busy kasi pareho so hindi umabot sa gano’n. Wala po akong issue sa kanya. Sa scheduling din, parang naudlot na hindi na natuloy,” pagtatapat ni Jane.

Kahit sinasabing nagkakamabutihan na umano ngayon sina Arjo at Maine Mendoza ay wala naman daw problema kay Jane kung sakaling magkasama sila ng aktor sa isang proyekto. “Oo naman, wala naman sa akin. Magaling siyang actor at it would be interesting kung ano ang kalalabasan kung magkakaroon kami ng project together,” giit ng aktres.

Samantala, kamakailan ay nakatambal ni Jane sa pelikulang ‘Finding You’ si Jerome Ponce. Ayon sa aktres ay malaki na ang ipinagbago ni Jerome bilang isang aktor. “Proud ako kay Jerome na nag-mature siya as an actor at nakita ko ‘yon. Pero team player tayo dito, bigayan. Dapat parehong makikita ‘yung characters namin, wala namang dapat na lamunang nagyayari. Nag-mature siya as an actor and nakita ko binigay niya talaga ‘yung all niya sa pelikula,” pagbabahagi ni Jane.

Kabilang din sa nasabing proyekto si Barbie Imperial at ayon kay Jane ay siya ang nakaisip na isama rin sa pelikula ang kaibigan. “Kasi magkasama kami sa Christmas Special ng ABS-CBN and naghahanap ng mga gaganap na ex ni Jerome dito. Sabi ko si Barbie baka pwede tapos tinanong ko din siya, close kami. And then ayun, pinaalam na namin sa Star Magic. Sila na ‘yung nag-usap-usap. And masaya ako na natuloy na nakasama namin si Barbie sa pelikula. Though wala kaming eksena dito masyado,” nakangiting pahayag ng dalaga. -Reports from JCC-   

 

Please follow and like us:
Read More

MAINE NALALAOS NA; PDA KAY ARJO WA EPEK

maine23

pwede ed deleon(NI ED DE LEON)

PAKI-EXPLAIN mo sa akin Tito KC, masasabi bang “exclusively dating” lang iyang sina Maine Mendoza at Arjo Atayde eh doon sa nakita naming video na kuha ng isang fan, “tinutuka:” ni Arjo sa batok si Maine kahit na nasa harap sila ng maraming tao, at hindi mo naman kinakitaan ng pagtutol si Maine.

Kung noong araw iyan, aba malaking gulo na iyan. Malamang kalbuhin pa ng magulang ang babae para hindi na makababa ng bahay. Noon masyadong conservative pa ang mga Pilipino eh, pero ngayon mukhang ok na nga iyang halikan in public na kung tawagin nila ngayon ay “public display of affection”.

Pero ang gumagawa nang ganyan ay iyong talagang mag-syota lang. Bakit nga ba ayaw pang aminin nina Maine at Arjo na talagang mag-syota na sila eh nagtutukaan na nga sa harap ng tao? O baka naman ang iniisip nila, hindi na kailangan ang kahit na anong sasabihin nila, nagtutukaan na nga eh.

May mga kritiko na nagsasabing mukhang ang kanilang relasyon ay hindi naman nakakatulong sa kanilang career. Medyo bumaba kasi ang popularidad ni Maine nang umurong na ang fans ni Alden sa kanya. Si Arjo naman, ganoon pa rin, wala naman siyang nagawang hit na pelikula. Ibig sabihin, walang epekto sa kanyang career ang relasyon nila ni Maine. Talagang relasyon lang.

Pero personal na nila iyon eh. Ano pa nga ba ang pakialam natin sa mga bagay na iyon? Hindi na iyon dapat na pinanghihimasukan pa, kaya lang nakikita kasi eh.

Magtukaan man sila nang magtukaan kung hindi nakikita ng ibang tao, at hindi nakukunan ng video ng mga fans, aba eh sino nga ba ang makikialam sa kanila. Kung nakikita ng publiko, ibang usapan na nga iyan. Mayroong hindi makikialam dahil nangyayari naman talaga iyon ngayon eh. Minsan nga kahit na sa MRT siksikan may naghahalikan eh. Minsan nga may makikita ka pang kahit dalawang lalaking naghahalikan. Pero doon sa medyo conservative, parang malabo pa rin iyon.

HAPPY BIRTHDAY MY FRIEND MAYOR HERBERT BAUTISTA

Bago nga pala namin makalimutan, ngayon mismo ang birthday ng kaibigan naming si Mayor Herbert Bistek Bautista. Ok lang naman siyang banggitin Tito KC dahil hindi naman siya kandidato ngayon para sa kahit na anong posisyon. Gusto na muna ni Mayor Bistek na magpahinga sa pulitika. Ang sabi ay haharapin daw muna niya ang pagiging “tatay” niya.

Aba eh malalaki na rin naman ang mga anak niya. Iyong isa nga niyang anak, si Race, pumirma na sa Viva para mag-artista at director na rin yata, dahil nag-aral iyan ng film making sa New York at nanalo na ng award bilang director ng isang short film.

Sa totoo lang, magandang panahon ito para magbalik pelikula si Mayor Bistek, kasi mukhang sawa na ang mga tao doon sa ibang comedians na laging sila na lang ang napapanood, kaya nga laos na eh. Kailangan natin ang bubuhay sa comedy. Iyong totoong comedy, hindi iyong pang gay show lamang.

MADAM AURING, MADAM VENUS AT MADAM SARAH TINAMAD SA PANGHUHULA

Napansin lang namin, mukhang walang hulang lumabas si Madam Auring kung sino ang mananalo sa eleksiyon. Hindi rin nakuha ang hula ni Madam Sarah.

Pati ang kaibigan ni Shalala na si Madam Venus wala ring hula. Mukhang mahirap hulaan ang mananalo sa eleksiyon.

Hindi nila matunugan kung ano ang ilalabas ng mga computer, hindi gaya noong araw na tao lang ang nagbibilang kaya nahuhulaan nila gamit ang baraha. Ang tinitingnan naman namin noon, kung sino ang sinasabi nilang hindi mananalo, dahil mas malamang iyon ay makakaupo sa puwesto.

Hula nga lang eh.

 

Please follow and like us:
Read More

SYLVIA SANCHEZ  OA ANG PAG-IYAK SA ALDUB FANS

MAINE500

pwede ed deleon(NI ED DE LEON)

MUKHA ngang masasabing over reaction na iyong sinasabing umiiyak si Sylvia Sanchez at nakikiusap sa mga nagbabantang papatayin ang kanyang mga anak na sina Arjo at Ria dahil lamang sa panliligaw ng anak niyang lalaki kay Maine Mendoza.

Talaga bang naniniwala si Sylvia na kayang gawin iyon ng mga fans ng Aldub? Kami kasi hindi naniniwala eh. Una, hindi na kaso ganoon karami at kalakas iyang mga Aldub. Kung kagaya pa rin iyan nang dati, bakit bumaba ang popularidad noong love team? Ang pinaka matinding inabot niyan noong sinasabing una silang nagkaharap, aba napuno nila iyong Philippine Arena. Pero noong bagsak ang rating ng kanilang ginawang serye, na sinugalan pa ng Channel 7 sa primetime, eh nakita naming nagsawa na rin ang tao. Unti-unti nang bumaba ang love team. Kasi nga nakikita na sila araw-araw kung tanghali, nilagyan pa ng serye sa gabi na sila rin, maaga silang pinagsawaan.

Kung matindi ba talaga iyang Aldub, magagawang aminin ni Maine na hindi naman totoo ang relasyon nila ni Alden? Aba, baka nagsisimula pa lang siyang magbalak na aminin iyon ikinadena na iyan ng mga managers niya. Isipin ninyo ang laki ng mawawala kung aaminin niya iyon. Pero inamin niya at mukha namang walang nawala. Sikat pa rin si Maine.

Iyon namang si Arjo Atayde, mukhang desididong ipamukha sa lahat na wala na iyang Aldub at ArDub na ngayon. Sa kabila ng pagbabanta ng mga fans kuno, noong isang gabi nakita na naman silang nagde-date sa isang restaurant sa Rockwell. Wala namang masama, kumain lang sila. Wala namang masasabing pagkatapo kumain may ginawa silang iba.

Wala iyang mga bantang iyan. Kasabihan nga ng mga Kastila, iyang mga ganyan ay “habla que te habla” lang. Puro dakdak wala namang magagawa.

*****

Ano ba naman ang nangyayari sa music industry Tito KC?

Noong isang araw lang namatay ang rock and roll icon sa Pilipinas na si Joey Pepe Smith. Tapos kinabukasan , namatay naman ang music legend na si Michel Legrand. Paborito namin iyang si Michel Legrand. Kung natatandaan mo pa Tito KC, siya ang gumawa ng mga kantang Windmills of Your Mind, iyong Summer of 42, iyong Brian’s Song at marami pang ibang magagandang awitin.

Tapos namatay na si James Ingram na edad na 66, dahil sa cancer sa utak. Si James Ingram naman ang nagpasikat noong Just Once, Somewhere Out There at marami pang ibang mga hit songs.

Nauubos na ang lahat ng magagalingsa musika, at ang mga bago namang singers ngayon, puro pagak din ang boses.

******

Ipinagyayabang daw ng isang dating male sexy star na kinukuha siyang “model” ng isang malaking “women’s club” sa Shanghai at malaking suweldo ang pangako sa kanya. Mas malaking di hamak kaysa sa kita niya sa mga ginagawa niyang indie films. Ang malungkot lang, ni-raid ng pulisya ang nasabing club at ipinasara na ng gobyerno ng China matapos na maging viral sa internet ang “tungkol sa mga nangyayari sa club na iyon”. May mga VIP rooms pala kung saan ine-entertain ng mga male models nila ang mga customer na matron. Ganoon pala iyon. Ngayon wala na siyang pupuntahan.

 

 

Please follow and like us:
Read More

ALDUB FANS MANOOD KAYA NG MOVIE NI ARJO?

ang kulit ni Lolit(NI LOLIT SOLIS)

ANO ba yan! Parang ako na naman ang nagpa-presscon sa mga presscon na napuntahan ko kahapon.

Ako yung mga pinagtatanong tungkol dun sa idedemanda raw ako ni Nicko Falcis dahil sa mga pinagsasabi ko sa Instagram ko na parang ipinagtatanggol ko si Kris.

Nakita nyo naman siguro ang comment sa post sa akin ng magkapatid na Atty. Jess at si Nicko Falcis.

Hay naku! Hindi ko naman siniseryoso yung mga pinagsasabi ko dun kay Kris, at lalo namang hindi ako apektado sa sinasabing demanda sa akin.

Sabi ko nga si Kris ang pagbabayarin ko ng abugado ko pag idemanda ako ni Nicko no!

Sa totoo lang, hindi nga kami nagkikita ni Kris o kahit nakausap man lang sa telepono.

Basta ang concern ko lang yung ibibigay niya sa akin na GC ng S&R no!

Sabi ko nga kay Gorgy Rula, kung idemanda talaga ako ni Nicko, siya na ang kumulit kay Kris ng abugado ko no!

Wala naman akong balak makipagtsikahan kay Kris no!

Basta bahala si Nicko kung magdemanda siya.

Diyos ko sa edad kong to na mag-72 na ako, may demanda pa ako! Ipapakulong pa ako ni Nicko? Kaloka ha?

(Ready na ang ating publisher, si  SIR Atty. VICTOR D. RODRIGUEZ to represent you, Manay.-Ed)

-0-

Pagkatapos nga raw na mag-open si Arjo Atayde na exclusively dating sila ni Maine Mendoza, aba panay na raw ang date nila ngayon!

Ang dami na nga raw nakakita sa kanila na lumalabas sa Rockwell, sa BGC, ewan ko kung saan pa yung iba.

Ako kasi paborito ko ang Rockwell, kaya lang malayo sa amin. Kung masalubong ko dun sina Arjo at Maine, haharbatan ko sila pambili ng pagkain ng mga dogs ko!

‘Yung iba kasing  nakakakita kinukunan nila yung dalawa, tapos i-post nila sa social media account nila.

Dun naman pini-pick up ng ilang bloggers kaya napapabalita tuloy.

Pero sabi ni Arjo, ayaw nilang i-showbiz kung ano man yung namamagitan sa kanila ni Maine.

Inaasahan nga sa premiere night ng ‘Tol na ginanap sa Trinoma nung nakaraang Marte, January 29, na darating si Maine, pero ang pagkakaalam ko waley apir ang Maine!

Sabi naman kasi ni Arjo, walang pressure kay Maine kung makakadalo siya sa premiere night o hindi.

“Maine has nothing to do with my work at all. If she goes, she supports me thank you, and if she’s busy I understand,” sabi ni Arjo sa nakaraang presscon ng ‘Tol.

Ang kuwento sa amin, may binabalak si Maine na pa-block screening para dagdag kita pa yan sa pelikula na palabas na ngayon sa mga sinehan.

Kung matutuloy yung block screening, dadalo kaya ang mga AlDub fans o mga Mainenatics lang?

Basta kahit papano, nandiyan ang suporta nila sa kanilang career.

Pero nilinaw ni Arjo, na hindi nila sinu-showbiz ang kanilang relasyon.

Sagot nga ni Arjo sa tanong kung okay na lang na magsama sila sa isang project, na magtambal sila;

“This is the personal level, not the showbiz thing. This is totally on our personal level.

“We haven’t talked anything like that, and if we ever we do think, thank You Lord. Siyempre we do work together, and if we don’t, it doesn’t really matter. Because what matters to me is the personal side.”

Yun na

Please follow and like us:
Read More

‘EXCLUSIVELY DATING’

ma

MATAPOS aminin ni Maine Mendoza na friends lang sila ng aktor na si Arjo Atayde, inamin naman ng aktor na ‘exclusively dating’ na sila ngayon ng tv host/actress.

Sa press conference, walang paliguy-ligoy na inamin ni Arjo na exclusively dating na sila ni Maine at ito raw ang dahilan kung bakit napakasaya niya.

“We are exclusively dating. I am at my happiest now and further details I will not say anymore. So hanggang doon na lang muna,” sabi ni Arjo nang pigain sya para sa movie na ‘Tol.

Tungkol sa kanyang bashers, sinabi ni Arjo na kaya nyang sanggain ang mga pamba-bash sa kanya pero hindi maaaring hindi niya idepensa si Maine at kanyang pamilya.

“To insult me is fine and I can take it. I’m a very passive person. But to insult my family or Maine… sabi ko nga in (As I said on) social media, I’ll let it go. Wala akong kalaban dyan ( I can’t fight that).”

“I don’t know how to get mad, I don’t know how to disrespect people. I despite disrespectful people. So if they disrespect me, it’s fine. But for my family to get affected, for Maine to be disrespected, like anything, that’s not okay with me.”

Ibinahagi rin ng aktor na marami silang bagay na pinagkakasunduan at madalas umanong napapatawa siya ni Maine.

Please follow and like us:
Read More