POKPOK NG MGA INTSIK SA SUBIC

ANG TOTOO

MULA nang nag­lipana ang mga Intsik sa Subic dahil sa malawakang Online Gambling Operations dito, naglipana na rin ang mga “pokpok” na parausan ng mga ito.

Ito Ang Totoo: pala-palapag at meron pang buong hotel mismo ay ginagamit sa Online Gambling na ang mga em­pleyado ay pawang mga Intsik mula sa Tsina.

Meron pang dating eskuwelahan na ginawa nang sugalan at pati mga dapat opisina ay sugalan na, tirahan pa ng mga intsik na hindi matiyak kung lahat ay dokumentado.

Mga Pinoy na residente mismo ang lumapit sa atin upang mag­reklamo, kaya tiningnan natin at ang reklamo, nakita natin mismo na totoo.

Ito Ang Totoo: nakakaawa rin ang Pinay na gabi hanggang mada­ling araw ay lumalagare sa  lansangan, palipat-lipat sa mga Intsik na kung sa salita ay hindi magkaintindihan, pero sa senyasan ay nagkakaunawaan, medyo malaswa nga lang tingnan.

Hindi natin hinuhusgahan ang ating mga Pinay na kababayan pero may mali sa kanilang kinasasadlakan.

At ang mga intsik na empleyado ng dapat sana ay Pinoy ang nagtatrabaho, hindi natin alam kung ano-anong sakit ang dala, kung meron man, na maaaring kumalat sa ba­lat ng lupa ng ating bansa.

Ito Ang Totoo: ipinaabot na ito sa kaalaman ni Subic Bay Metropolitan Authority (SBMA) Chair & Administrator (ChAd) Atty. Wilma T. Eisma kaya siya ay nagtakda ng pakikipagpulong sa mga operator ng Online Gambling.

Ang pag-approve sa Online Gambling sa Subic ay inabutan na ni Chad Eisma mula sa nakalipas na administrayon kaya, aniya, nakatali ang kanyang mga kamay.

Pero ang ganitong mga sitwasyon ay pwede niyang pakialaman bilang kasalukuyang tagapamuno ng SBMA.

Sabi ni Chad Eisma, wala siyang sinasanto pagdating sa tama at mali. Sa bagay na ito, ang kanyang salita ay pwede niyang patunayan, o pabulaanan.

Kung ano ang kahihinatnan ng pakikipag-usap sa Online Gambling operators, aabangan natin. Ito Ang Totoo! (ANG TOTOO / VIC VIZCOCHO JR.)

Please follow and like us:
Read More

SPECIAL TREATMENT NI DUTERTE SA MGA CHINESE 

ANG TOTOO

KAPAG ang Pinoy ay nangibang bansa, lahat ng mga batas at alituntu­nin ay kailangang sundin at sinusunod niya.

Ito Ang Totoo: kapag lumabag ang Pinoy sa mga batas at alituntu­nin ng pinuntahang bansa, kalaboso kung hindi deportation ang bagsak niya.

Dito sa Pilipinas, ina­agawan ang mga Pinoy ng mga dayuhang intsik hindi lamang ng trabaho kundi pati negosyo.

Umaayon tayo kay Senador Panfilo Lacson na hindi dapat payagan ang mga dayuhan, partikular ang mga Intsik, na kumpitensiyahin ang mga Pinoy sa mga Small at Medium Scale na negosyo.

Ito Ang Totoo: pwede naman sila pumasok sa malalaking negosyo, o kontrata, huwag lamang magkaroon ng mga probisyong mistulang pagsuko sa ating soberenya at kasarinlan tulad ng sa Kaliwa Dam.

Hindi rin kailangan sa mga kontrata na payagang okupahan ng mga Intsik ang mga trabahong kaya naman ng mga Pinoy.

Halimbawa sa Chico River Irrigation Project, mistulang sinugod na ng mga Intsik ang Tabuk City, ayon mismo sa rek­lamo ng Cordillera Peoples Alliance (CPA).

Sumusuweldo pa umano ang mga intsik na ito ng sampung patong kumpara sa suweldo ng mga Pinoy.

Ibig sabihin, bukod sa nawalan na ng pagkakataon sa trabaho ang maraming Pinoy, ang babayarang utang ng Pilipinas sa kontratistang Intsik ay hinahakot din naman ng mga Intsik sa pamamagitan ng suweldo pabalik sa Tsina.

Ito Ang Totoo: hindi ginagawa ng Tsina sa ibang bansa, tulad ng Canada at Belarus, ang mag-empleyo ng mga Intsik sa pwedeng gampanang trabaho ng mga lokal.

Kung gayon, bakit kailangang pumayag ang Malacañang na pagkaitan ang mga Pinoy ng trabaho na kikita naman ng limpak-limpak na salapi para sa nangongontratang kompanyang Intsik?

Kita na sa kontrata, kita pa sa manggagawa, magaling sa perspektibo ng nagnenegosyo. Kaya lang, may tinatapakan, tayo iyon – mga Pinoy.

Darating ang panahon, huhusgahan ng kasaysayan ang direksiyong ito ng administrasyong Duterte: ang mga kabaliwang kaliwa’t kanan na yumuyurak sa dignidad at karapatan ng mga Pinoy na walang kahiya-hiyang isinusuko, partikular sa bansang Tsina. Ito Ang Totoo! (ANG TOTOO / VIC V. VIZCOCHO JR.)

Please follow and like us:
Read More

HINDI SAPAT ANG PAKAWAY-KAWAY LANG 

ANG TOTOO

MALAMANG nangyayari ito hindi lamang sa ilang bayan ng lalawigan ng Zambales kundi pati sa iba’t ibang panig ng Pilipinas.

Ito Ang Totoo: maganda at nararapat lang na may kanya-kanyang “traffic enforcers” ang bawat bayan sa bansa.

Pero nararapat din na alam ng mga “traffic enforcer” ang kanilang ginagawa.

Halimbawa, sa ba­yan ng Castillejos, Zambales, may mga “traffic enforcer,” naka-uniporme pa, kahit hindi kagandahan at ayos ang pagkakasuot.

Sa may tapat ng palengke at kurbada ng daan ang “bottle neck” sanhi ng mga dami ng tao, mga tricycle at iba pa na nagkukumpitensiya sa daan.

Ang mga “traffic enforcer” naman, kaway nang kaway para sa “stop and go.” Ok na sana pero gano’n na nga, kaway lang nang kaway, tila hindi naman nag-iisip kung may dapat pa bang gawin dahil sa kabila ng kanilang kakakaway, ma-traffic pa rin.

Ito Ang Totoo: kung gumagana lang ang kokote ng mga kamote, maiisip nila na lalong bumabagal ang daloy ng trapiko dahil sa mga motorista, kasama ang pribado at pampubliko, mga tricycle, jeepney at lahat ng uri ng sasakyan, mapa-suv o kakala-ka­lampag na kotse, na dumadaan sa “shoulder” ng lansangan para unahan ang mga nagtitiyagang pumila sa “stop & go” ng mga manga-ngaway.

Dapat sana, bago pa dumating sa kabayanan, lalo na sa papasok mula sa Norte, may mga “enforcer” na gumigiya at sumusuweto sa pasaway na motorista, siyempre, kasama ang mga botanteng tricycle at jeepney drivers.

May katulad ding sitwasyon sa bayan ng Subic na ang pag-unlad ay hindi na maitatago.

Dahil sa ganitong sitwasyon, ang biyaheng kalahating oras mula San Marcelino hanggang Olongapo ay inaabot ng mahigit isang oras.

Ito Ang Totoo: ang solusyon ay pagsasanay at pag-armas ng kaalaman sa mga “traffic enforcer.” Responsibilidad ito ng mga namumuno sa bayan.

Hindi dapat makuntento sa pakitang-tao na may nagmamando kunwari ng trapiko. Dapat maibsan ang pagtigil o pagbagal ng daloy ng trapiko.

Sayang naman ang pagbibilad sa ilalim ng sikat ng araw, o kaya’y buhos ng ulan, kung wala namang epekto at ma-traffic pa rin.  Hindi sapat ang kaway lang nang kaway. Ito Ang Totoo!  (ANG TOTOO / VIC V. VIZCOCHO JR.)

Please follow and like us:
Read More

ANG UTANG NG MANILA TIMES COLLEGE SA SUBIC 

ANG TOTOO

UUBRA kaya si Subic Bay Me­tropolitan Authority (SBMA) Chair & Administrator Wilma T. Eisma sa ipinapasarang Manila Times College ni Dante Ang?

`Ito Ang Totoo: mahigit P60-M na ang sini­singil ng SBMA kay Dante Ang “as of July 2018” kaya August 3, 2018, “binawi” nang SBMA ang may 2.5 ektaryang lupain at mga gusali sa dalawang lugar ng Subic Freeport.

Gayunman, pinagbigyan ng SBMA ang Manila Times na tapusin ang “school year” para sa kapakanan ng mga mag-aaral.

Ngayong tapos na ang “school year” at para­ting na ang pasukan, makapagbubukas pa kaya ang Manila Times College?

Ito Ang Totoo: tanong natin ito at ng marami pang iba na humanga kay Chad Eisma nang walang kagatol-gatol na ipinag-utos pa rin ang pagpapasara ng Manila Times College kahit maimpluwensiya si Dante Ang.

Kinatigan pa ng Kor­te si Eisma at ibinasura ang hiniling ni Ang na “preliminary injunction” sa kasong isinampa laban sa SBMA.

Ngayon ay malinaw ang tibay ni Dante Ang sa Malacañang, buong diaryo ba naman ay isaa­lang-alang para sa kapakanan ng tila sira-ulo sa Palasyo.

Ito Ang Totoo: daan libo lang ang utang ay ipinasara  na ng SBMA, pero kay Dante Ang, P60-M ang sinisingil na ayaw niyang bayaran.

Kabilang dito ang Subic Bay Apparel Corp. na ayon sa statement mismo ng SBMA ay P218,253.75 lamang ang utang.

Ang pagkakaiba, wala silang Dante Ang na “Special Envoy for International Public Relations” ni Pangulong Duterte, batikang PR Man at may sariling national broadsheet, ang dating respetadong Manila Times.

Ito Ang Totoo: alam natin na dati nang may “pressure” kay Chad Eisma kasama ang mula sa Malacañang pero ipina­kita niya na meron siyang paninindigan.

Ngayong tapos na ang “school year” na palugit, magkakaalaman. Tuloy kaya ang tibay ng paninindigan ni Chad Eisma o mapuwersa na ring bumigay sa impluwensiya?

Tiwala naman tayo kay Chad Eisma dahil marami na siyang napatunayan.

Gayunman, makikita natin sa mga susunod na araw kung may pagbabago o wala ang kanyang may “balls” na paninindigan. Ito Ang Totoo! (ANG TOTOO / VIC V. VIZCOCHO)

Please follow and like us:
Read More

SERYOSOHIN ANG INSPEKSIYON NG MGA GUSALI 

ANG TOTOO

LAHAT ng edad 27 pababa na naka­tira ngayon sa Gitnang Luzon, partikular sa Olongapo, Subic, Clark at Pampanga ay hindi pa nakaranas ng malalakas na pag­lindol gaya ng dala ng pagsabog ng bulkang Pinatubo noong 1991.

Ito Ang Totoo: ang pagyanig nitong 5:11 PM noong Lunes ay pinakamalakas na lindol na naranasan sa nakalipas na 28 taon, kung pagbabatayan ang rekoleksiyon ng mga noo’y nasa mga nabanggit na lugar na.

Sa Olongapo, maraming pinsala ang SM Mall, bagama’t walang nasawi, may mga nasugatan dala ng panic, ang iba’y sa mga nabakbak na tiles at sala­ming mga nabasag.

Sa Subic Freeport, isinara rin ang Harbor Point Mall dahil titiyakin muna kung ligtas ang istruktura ng mga ito.

Grabe sa Pampanga na may mga nasawi, at pati ang airport sa Clark ay may gusaling gumuho, dahilan para isuspinde ang pag-alis at paglapag ng mga eroplano.

Ito Ang Totoo: malaking perhuwisyo hindi lamang sa mga ari-arian ang lindol, perhuwisyo rin sa takbo ng buhay ng mga apektado.

Pero para makasigurado, dapat seryosohin ang pag-inspeksiyon ng mga gusali at iba pang istruktura sa lahat ng antas, mapa-pampubliko man o pribado, pati mga bahay at negosyo.

Sa lakas ng lindol na 6.1 M, kumalog talaga ang lupa kaya marami ang makikitaan ng pagbiyak, o “crack,” sa mga pader, kisame at pati poster ng mga istruktura.

Ito Ang Totoo: dala ng mga nalikhang “crack,” ang dating tibay ng mga istruktura ay hindi na kagaya ng dati, at kapag umulit ang kasing lakas lang na paglindol, baka hindi na kayanin.

Ang masaklap, at huwag naman sana mangyari, ay kung may pagyanig na mas malakas pa sa dati.

Nasa mga kinauukulan ngayon ang bola para ipatupad ang inspeksiyon, at kailangan din ang kooperasyon ng mga mamamayan.

Kung hindi makikiisa ang mamamayan, dapat may pamamaraan ang pamahalaan na gumawa ng hakbang, sukdulang umabot sa puwersahan. Marami kasi ang mahirap umunawa gaya ng mga kayang-kayang utuin ng ating presidenteng si Rodrigo Duterte.

Ito Ang Totoo: maaaring sa gastusan magkaproblema ang iba, o marami, kaya may pamamaraan din dapat ang pamahalaan para ang mamamayan ay tulungan.

Sana seryosohin kapwa ng gobyerno at pribadong sektor ang mga “crack” o bitak na a­ting nabanggit dahil kung hindi, huwag naman sana, malamang kapag mu­ling lumindol, ang bagsak natin ay mas malalang sakuna. Ito Ang Totoo!  (ANG TOTOO / VIC V. VIZCOCHO JR.)

Please follow and like us:
Read More

IHANDA ANG MGA DATING MANGGAGAWA NG HANJIN

ANG TOTOO

HALOS 30,000 mang­gagawang Pilipino ang na­wa­lan ng trabaho sa kaduda-dudang pagkabangkarote ng Korean company na Hanjin, ang dating pinakamalaking investor sa Subic Bay Freeport.

Ang Totoo: nakabuo na ng “consortium” ang mga bangkong pinagkakautangan ng Hanjin at may isinumite na itong “rehab plan” para sa kompanyang pinag-iinteresan ngayon ng limang dayuhang kompanya.

May mula Denmark, 2 sa U.S., isang Korean at isang sikreto raw pero pinaniniwalaang Japan.

Mapapansin na wa­lang kompanyang mula China, kahit gaano kasipsip sa Intsik si Pangulong Duterte, hindi niya maisisiksik ang mga ito, pero huwag tayo pakasisiguro, alam naman natin ang ating pangulo, parang ‘sira-ulo.’

Pinaaaprubahan na ng “Consortium” ang “rehab plan” sa korteng pinagsampahan ng petisyon ng Hanjin para protektahan ito sa mga pinagkakautangan.

May paniwala ang “consortium” na kaila­ngan aprobahan ng SBMA ang “rehab plan” pero Ang Totoo: si Judge Richard A. Paradeza ng Regional Trial Court  branch 72 lamang ang may kapangyarihan bilang “presiding judge” ng pinagsampahan ng aplikasyon ng pagpapa-“receivership” ng Hanjin.

Protektado ang mga banko, kikita pa ang Han­jin, pero ang mga mang­gagawa, nakanganga, kan­ya-kanyang diskarte para mabuhay, makaraos sa pang-araw-araw.

Nabayaran naman ang kanilang mga “sepa­ra­tion pay” pero hanggang saan aabot ang 20 hang­gang 100 libong piso?

Dito dehado ang mga manggagawa. Nai­ha­han­da ang interes ng namumuhunan, ang mga manggagawa, sunod-su­nu­ran o kaya iniiwanan.

Ang Totoo: kakaila­nganin muli ang mga da­ting manggawa ng Hanjin kapag in-operate na ng kapalit ang “shipyard.” Kaya lang, hanggang kailan sila maghihintay?

Tuloy ang bayad sa upa o hulog sa bahay, kailangang kumain araw-araw, kailangang magpagamot ng mga may sakit, gumastos sa pag-aaral ng mga anak at iba pa.

Marami na sa kanila ang nagsipag-alisan at naghanap ng trabaho sa ibang lugar, ang iba’y nagsiuwian na sa probinsiya, sa Visayas at Min­danao.

Hindi maipagpapaliban ang mga batayang pangangailangan ng mga manggagawa at kanilang pamilya, pero ang pamahalaan, parang walang pakialam.

Kinukuha natin ang pansin ni Labor Sec. Silvestre Bello III: sana’y huwag pabayaang magka­windang-windang ang bu­­hay ng mga manggagawa at kanilang mga pamilya habang naghihintay ng tiyak namang darating na tagasalba ng bangkaroteng Hanjin. Pwede naman, bakit hindi po gawin? (ANG TOTOO / VIC V. VIZCOCHO JR.)

Please follow and like us:
Read More

HALIMBAWA NG SIPAG AT GALING NG PILIPINO ANG U.S. BASE WORKERS

ANG TOTOO

TAMAD daw ang mga Pilipino, sabi ng isang kinatawan ng Pilipinas sa Tsina.

Ang Totoo: ang pahayag ng naturang Pinoy na kinatawan ng bansa sa Tsina ay pagtatanggol sa pagtanggap ng mga manggagawang Intsik sa Pilipinas kahit kulang pa nga para sa mga Pilipino ang trabaho rito.

Mali na hayaang agawan ng trabaho ng mga Intsik ang mga Pilipino, tamad man o hindi ang mga ito, kasing mali ng pagsasabi na tamad ang mga Pilipino.

Ang Totoo: kilala at subok ang mga Pilipino, hindi lamang sa kasipagan, pati sa kahusayan.

Isang halimbawa ang mga manggagawang base o empleyado noon ng mga baseng militar ng America sa bansa tulad ng sa Subic at Clark.

Mahigit 20,000 “direct-hire” Pinoy emplo­yees o direktang emple­yado na sibilyan at mahigit dobleng bilang na “indirect-hire” employees, ng US Navy ang natrabaho sa Subic at Clark, kabilang tayo riyan.

Matiwasay at epektibong gumana ang naglalakihang base militar ng Amerikano dahil sa sipag at galing ng mga Pilipino sa loob ng halos isang siglo.

Ang Totoo: kahit ang “State” ng Hawaii ay nakinabang sa sipag at galing ng mga manggagawang Pilipino, gaya ng isla ng Guam kung saan maraming Pinoy ang inasahan ng Amerika sa pamamahala.

Hindi na natin kailangang ipagduldulan ang sa gitnang silangan o Middle East.

Maging ang bansa natin mismo, makikita ang bunga ng kasipagan at husay ng manggagawang Pilipino na ngayon ay sinasampal na lang ng kalapastanganang hagupit ng administrasyong Duterte para lamang sumipsip sa kinababahagang-buntot na Tsina.

Mali na sabihing tamad ang manggagawang Pilipino gaya nang maling pagsabi na lahat ng “media’ ay “corrupt.”

Ang Totoo: tama na may mga “corrupt” sa “media” tulad ng may mga tamad na manggagawang Pilipino. Pero para sabihing lahat ng “media” ay “corrupt” at ang lahat ng manggagawang Pilipino ay tamad, aba’y katarantaduhan na ito.

Hinay-hinay dapat ang pang-aalipusta sa sariling lahi, huwag gumaya sa mga nakalolokong pahayag ng pangulo dahil ang Pangulo sa ngayon ay parang nasisi­raan ng ulo. (ANG TOTOO…)

Please follow and like us:
Read More

TAUNANG BUHOL-BUHOL NA DALOY NG TRAPIKO 

ANG TOTOO

BUHOL-BUHOL na daloy ng trapiko na naman ang maaasahan sa mga lansangan tungo sa mga lalawigan sa para­ting na Semana Santa o Mahal na Araw.

Ang Totoo: sa mga panahong ito lang nag­luluwag ang daloy ng trapiko sa kamaynilaan, lalo na sa EDSA.

Pero sa labas ng Metro-Manila, maraming “EDSA” ang nararanasan kapwa ng mga mananampalataya at mga walang sampalataya, mga bakasyunista, gimikero at gimikera  lang.

Sa paborito ng marami na Subic Bay Freeport (SBMA maling sabi ng marami), natiyempong under construction ang maraming lansangan na sa haba ng panahon ay napabayaan.

Ibig sabihin nito, makakaasa ng mas mabagal ng daloy ng trapiko hindi lamang bunga ng maraming sasakyan sa lansangan, bagkus dahil sa mga “detour” at sira-sirang “under construction” na daan.

Kasamang apektado ang patungo sa naggagandahang “beaches” at “resorts” ng Subic Bay.

Ang Totoo: may plano naman ang Subic Bay Metropolitan Authority (SBMA) sa pangunguna ni Chair & Administrator Wilma T. Eisma, pero sa naturang kalagayan, anong plano ang lulubay sa pagkakabuhol-buhol ng daloy ng trapiko?

Pati mga hotel at resorts sa loob at labas ng Subic Freeport, fully-booked ilang buwan pa bago ang kuwaresma, kaya iyong mga nagpapa-book ngayon lang, sorry po na lang.

Sinulat na natin ngayon pa lang ang maaring asahan sa mga lansangan kaya ito’y pag­handaan na mga kababayan.

Ikondisyun ang mga sasakyan, tiyakin ang baon na pagkain at inumin para sakaling maipit ng matagalan sa lansangan, at magdala ng arinola ang hindi makapag-pigil sa kuwan.

I-plano rin ang tamang oras at araw pabalik sa mga pinanggalingan, para kung hindi man maiwasan, makabawas-bawas man lang sa hirap ng biyahe sa daan.

Ang Totoo: dapat magbaon ng maraming pasensiya para hindi agad uminit ang ulo.

At kasing importante, huwag balahura sa pagmamaneho, at huwag rin tatanga-tanga para hindi mapaaway o kaya maaway ng walang kapararakan, tulad ng ibang may nauuwi sa sakitan at kung minsa’y patayan.  (ANG TOTOO / VIC VIZCOCHO JR.)

Please follow and like us:
Read More

KIKILOS PA KAYA SI DUTERTE PARA IPAGTANGGOL ANG PANATAG SHOAL? 

ANG TOTOO

PINALAYAS na naman ng mga Intsik sa Panatag (Scarborough) Shoal kamakailan ang mga kababayan nating mangingisda dahil nga inaangkin ng Tsina ang naturang teritoryo ng Pilipinas, kasama na ang malawak na karagatan sa paligid nito.

Ang Totoo: hindi pala inaangkin, INANGKIN na ng Tsina. Katunayan, kontrolado nila ang Panatag Shoal habang ang pamahalaan natin ay nakanganga at ang mga tagabantay ng karagatan o Coast Guard ay kukuya-kuyakoy at ang Philippine Navy ay kunwari parang walang alam sa nangyayari.

Hindi naman sikreto na OK lang sa Pangulo ang ginagawa ng Tsina, hindi raw siya makikigiyera para ipagtanggol ang mga isla at karagatang sinasakop at sinakop na ng Tsina.

Ipinagdiinan pa kamakailan ni Presidential Legal Counsel at Spokesman Salvador ­Panelo ang posisyon ng Pangulo, sabi niya sa medya: “ano gusto niyo gerahin natin ang Tsina?” Protesta lamang ang magagawa ng Pilipinas, aniya, pero nagprotesta ba?

Ang Totoo: nanalo na ang Pilipinas sa inihaing reklamo ng Pamahalaang Aquino sa pandaigdigang otoridad kaugnay ng karapatan at pagkilala sa hangganan ng ­teritoryo ng mga bansa sa mga karagatan.

Gayunman, hindi ito ginagawang tuntungan ng Duterte Administration para igiit ang posisyon ng bansang Pilipinas, bagkus, paulit-ulit pang naglalabas ng mga ­pahayag ang Pangulo ng bantulot na posisyon na tawag ng iba ay ka-traydoran sa bansa kung hindi karuwagan.

Samantala, habang sumisipsip ang pamahalaang Duterte sa bansang Tsina, nagugutuman ang maraming mangingisdang taga-Zambales at Pangasinan, may hindi makapagpagamot ng sakit o may sakit na kapamilya, hindi makapag-aral, at hindi makabayad sa mga utang na patuloy na nadaragdagan.

Ang Totoo: puro pakitang-tao o “band-aid solution” ang kunwari ­ibinibigay na asiste ng mga ahensiya ng pamahalaan sa mga ­mangingisda. Karamihan ay mistulang pinag-iiba na ng kabuhayan kahit pangingisda na ang kinamulatan gaya ng mga ninunong ang yapak ay kanilang sinundan.

Walang makitang solusyon sa problema ng mga mangingisda. Mas walang maaasahan ang buong bansa sa pamahalaang Duterte sa pagtatanggol ng teritoryo at soberenya nito. Kailan kaya gigising ang ­Pangulo?  (ANG TOTOO / VIC V. VIZCOCHO JR.)

Please follow and like us:
Read More

TSINO O AMERIKANO SA HANJIN? 

ANG TOTOO

NAG-UUNAHAN ang mga Intsik at Amerikano sa Hanjin na napipintong iwan ng mga Koreano dahil sa pagka-bangkarote nito.

Ang Totoo: kama­kailan, may malalaking eroplano -chartered plane – na lumalapag at bumababa sa malimit tahimik na Subic International Airport.

Ayon sa isang opisyal ng Subic Bay Metropolitan Authority (SBMA) na humiling huwag mapangalanan, mga Amerikano ang laman ng naturang eroplano at Hanjin ang pakay ng mga ito.

Samantala, may mga Intsik umano na umupa ng mga speedboat ng pang ilang buwan sa isang Hotel Resort dito sa Subic at araw-araw nagpaparoo’t parito sa kabilang ibayo ng Subic Bay kung nasaan ang Hanjin Shipyard.

May mga nagtatalo kung kanino dapat mapunta ang $2B Hanjin Shipyard, sa mga Tsino o Amerikano?

Hindi ba dapat sa Filipino?

Ang Totoo: nagpahayag ng pagkabangkarote ang Hanjin noong Enero at may nauna nang mahigit 20,000 manggagawa na ang tinigbak nito sa trabaho.

May natitira pang 3 libong manggagawang Filipino pero inaasahang titigpasin na rin ang mga ito ngayong buwan ng Marso.

Hinahabol ng mga bangko ang Hanjin dahil sa mga pagkakautang nito na sa mga lokal na bangko pa lamang ay mahigit $400M na.

Kung bakit nalugi ang Hanjin ay dapat busisiin ng mga kinauukulan, dahil mahigit isandaang malalaking barko na ang nagawa at na-deliver nito, napakamura ng pasuweldo sa mga Filipino, may tax incentives, at gobyerno ng Pilipinas ang sumagot sa gamit ng kuryente nito.

Ang Totoo: walang kumpanyang Filipino ang nabigyan ng kaluwagan, ayuda at insentibo gaya ng pinagpasasaan ng Hanjin kaya marapat lang na alamin kung bakit nga ba nalugi ito.

Nakabibingi at mahi­waga ang katahimikan ng Senado at Kongreso. Bakit kaya? Baka naman… kuwan… ganu’n… alam niyo iyon… siguro!  (ANG TOTOO / VIC VIZCOCHO JR)

Please follow and like us:
Read More

PRES. DUTERTE ‘DI NA BA IIMBESTIGAHAN ANG PAGKA-BANGKAROTE NG HANJIN?

ANG TOTOO

HINDI “overnight” o biglaan ang pagsasara ng Hanjin Shipyard sa Subic Bay Freeport.

Ang Totoo: napakahina naman ng mga kinauukulan kung hindi nila nakita noong 2018 pa na magsasara ang bangkaroteng Hanjin na kompanyang Koreano na ­gumagawa ng mga dambuhala, hindi lang naglalakihang barko.

Ang ating punto, dapat napaghandaan ang pagsasara ng Hanjin na noo’y halos may 30,000 manggagawang Pilipino.

Hindi na bale ang mga bangko, nasa magandang posisyon ang mga ito para mabawi ang perang ipinautang sa Hanjin, ang mga manggagawa, nganga sa kakahabol sa separation pay na kakapiranggot na nga lang. Salamat nga pala sa tulong ni SBMA Chairman & Administrator Wilma T. Eisma, natanggap na ng huling may 3,000 manggagawang natanggal ang separation pay nila.

Pero balik tayo sa paghahanda, lumalabas na hindi ito nangyari, bagkus, parang mga trumpeta ng Hanjin ang mga kinauukulan para ibandera ang kompanyang Koreano na sa halip na magpasok ng pera sa bansa ay problema ang ibinigay sa napakaraming manggagawa.

Ang Totoo: may suspetsa na ang bilang ng manggagawa ng Hanjin ay puno ng multo – “ghost employees,” kaya umano naabala ang pagbabayad ng separation pay ng mga manggagawa dahil sa pagbusisi ng ilang bangko.

Sinabi na natin at inuulit pa: dapat imbestigahan ang pagka-bangkarote ng Hanjin dahil mahigit isandaang dambuhalang barko ang nagawa at naibenta nito sa loob ng nakalipas na labing-isang taon.

Napakababa ng sweldo ng mga manggagawa, nagtampisaw sa libreng buwis sa mahabang panahon at gobyerno o mamamayang Pilipino pa ang sumagot sa gastos sa kuryente nito, paano nalugi ang Hanjin?

Ang Totoo: hinihintay natin kumilos si Pangulong Duterte kaugnay nito. Kaya nga lang, parang walang naririnig si Pangulo. Akala natin kontra siya sa katiwalian?

Baka busy lang, sa dami ng mumurahin at itutumba?  (ANG TOTOO)

 

Please follow and like us:
Read More

DAPAT KUMILOS SI DUTERTE PARA SA MGA MANGGAGAWA NG HANJIN 

ANG TOTOO

MAY 288 milyong piso umano ang nakalaan para sa mga manggagawa ng Hanjin Subic na hindi pa nababayaran ang “separation pay,” tiniyak ito ni Subic Bay Metropolitan Authority (SBMA) Administrator Wilma T. Eisma.

Ang Totoo: ang problema ay kung kailan mababayaran ang may 3,000 manggagawang tinanggal sa trabaho ng Hanjin nitong kalagitnaan ng Pebrero, ikaapat na grupo nang mahigit 20,000 manggagawang Pilipino na nawalan ng trabaho sa pagka-bangkarote ng kompanyang Koreano.

Napapaiyak na lamang ang mga manggagawa na lumapit sa atin, lahat baon na sa utang, ang mga anak ay nagugutuman, may hindi makabayad sa paaralan, ilan ay inaaway na ng asawa, at marami pang kinakaharap na problema.

Dagdag pa nila, meron silang kasama, namatay na ang ama habang hinihintay ang “separation pay” niya na pampa-ospital at gamot sana.

Meron pang nasiraan ng bait, anila, paglabas pa lamang ng gate ng Hanjin, sa kakaisip na wala na siyang trabaho.

Ang Totoo: maayos na ang lagay ng 5 bangkong lokal na pinagkakautangan ng Hanjin ng $412M, ang RCBC, BDO, Metrobank, Landbank at BPI, dahil nakabuo na sila ng “consortium” na mistulang may-ari ngayon ng Hanjin, na siyang kinakausap ng mga nagnanais mag-take-over sa pagawaan ng malalaking barko.

Pero ang mga manggagawa, maliit lang ang makukuhang “separation pay” bawat isa, lagi na lang pinaaasa.

Pinapirma na nga ng kasinungalingang “voluntary retrenchment” o kusang-loob na nagpatanggal sa trabaho, hindi pa rin natanggap ang ipinangakong “separation pay” noong Pebrero 28, tapos Marso 5, na muling nabigo at ginawang ika-7, tapos, ika-8 at ika-15 ng Marso na pawang bigo pa rin at ngayong Lunes na naman daw ang sabi ng feeling announcer na si Severino Pastor, hepe ng Labor Dept. ng SBMA, na sa radyo lang nakikipag-ugnayan.

Ngayong Lunes pa umano matatapos ang “validation” ng mga manggagawa, kung talagang tao o “ghost” employee, kaya swerte talaga kung maipapasok sa mga ATM account nila ang “separation pay” ngayong araw mismo.

Ang Totoo: masasalamin ang kahinaan ng Labor Dept. ng Pilipinas, hindi lamang ng SBMA, sa karanasan ng Hanjin.

Hindi naman “overnight” o biglaan ang pagsasara ng Hanjin pero puro porma at “lip service” ang mga ito sa pangangalaga at paghahanda sa kapakanan ng manggagawa.

At kung sasabihin ni Pangulong Rodgrigo Duterte na kalagitnaan ng taon ng 2018 pa lamang ay hindi pa niya alam na magsasara na ang Hanjin, sasama ito sa haba ng listahan ng kanyang mga kasinungalingang binitiwan sa mamamayang Pilipino.

Sana naman Pangulong Duterte, dito mo po ipakita ang yabang mo, ipag-utos ang agarang pagbabayad sa “separation pay” ng mga manggagawang nawalan ng trabaho dahil sa kapalpakan at kalokohan ng mga nagpatakbo ng Hanjin Subic Shipyard.  (ANG TOTOO / VIC V. VIZCOCHO)

Please follow and like us:
Read More

SERYOSOHIN ANG LABAN SA SUNOG SA BUNDOK

ANG TOTOO

HABANG tinitipa natin ang kolum na ito, tanaw sa kabilang ibayo ng Subic Bay ang may ilang oras nang nananalasang sunog sa bundok sa isang bahagi ng bayan ng Subic.

Ang Totoo: kapag tag-init, kahit papasok pa lamang, malimit ang sunog sa mga bundok sa iba’t ibang panig ng bansa.

May iba dala ng kapabayaan ng mga walang pakundangang nagtatapon ng upos ng sigarilyo, meron ding kapabayaan ng mga ang libangan ay umakyak ng bundok at kung minsa’y nagkakampo pero ang pinaglutuan ng kung ano, naiiwang may ningas pa.

Marami, hindi natin alam ang dahilan, pero meron ding sinasadya para makapag-kaingin, o makapagtanim sa lupang sinunugan, gayon din ang paggawa ng uling, mga bagay na ipinagbabawal pero hindi masawata ng hindi nahihiyang mga kinauukulan sa kanilang kabiguan.

OK, meron ding sanhi ng kidlat.

Ang Totoo: ayon sa isang hepe ng Bureau of Fire Protection (BFP) unit sa lalawigan ng Zambales, ang mga sunog sa bundok ay saklaw ng kanilang responsibilidad at katungkulan.

Katunayan, kapag may proyektong ¬plantasyon na sinagasaan ng apoy, kinakailangan ang sertipikasyon ng BFP para sa banko o ahensyang pinanggalingan ng pondo.

Sa ibang bansa, gumagamit pa ng eroplano ang mga tauhan ng pamatay-sunog, nagpa-parachute pa nga para lang makarating sa laban.

Itong sunog na halos kalahating araw nang rumaragasa sa tanaw nating kabundukan, hindi ¬binibigyang kaukulang atensyon gaya ng napapanood sa TV o sa sine.

Wala naman kasing gamit ang BFP at kulang din sa tauhan, bukod pa sa wala namang daan tungo sa pinangyayarihan ng sunog.

Ang Totoo: ang ganitong mga sitwasyon ay naghihintay na lang ng kusang pagkaapula ng apoy na pasasaa’t mawawala rin. Ang masaklap, bago kusang mawala ang apoy, ¬malaking pinsala na ang nagawa, matapos ang kung minsa’y ilang araw.

Maraming hayop ang namamatay sa sunog sa bundok, hindi lamang mga insekto. Nangangamatay rin ang mga halaman at puno, manipis na nga, nasusunog pa.

Kapag may kubong dinaanan, tapos ang usapan, na sabi ng iba, hindi bale na, kubo lang naman.

Pero Ang Totoo, at ito ang ating punto, panahon na para seryosohin ang mga sunog sa bundok.

Bukod sa pagkakaroon ng mga kagamitan at sistema ng paglaban, ¬pag-ibayuhin ang mga hakbangin upang ang mga sunog sa bundok ay maiwasan.

Kailangan pa bang i-memorize iyan? (Ang Totoo / VIC V. VIZCOCHO JR.)

Please follow and like us:
Read More

CCTV SA PAGRESOLBA SA SYTIN MURDER

ANG TOTOO

MALAKING bahagi ang Closed Circuit Television o CCTV sa pagresolba sa pagpatay sa negosyan-teng si Dominique Sytin sa tapat ng Lighthouse Hotel sa Subic noong nakaraang Nobyembre.

ANG TOTOO: ayon kay Subic Bay Metropo¬litan Authority (SBMA) Chair & Administrator Atty. Wilma T. Eisma, hindi matutukoy ng mabilis ang katauhan ng gunman at iba pang suspects kung hindi sa mga CCTV sa iba’t ibang bahagi ng Subic Bay Freeport.

Naaresto na ng Phi¬lippine National Police (PNP) ang suspected gunman noong ika-5 ng Marso na si Edgardo Guib na, ayon kay PNP Chief Oscar Albayalde, ay tumukoy kay Dennis Sytin, kapatid ng biktima, na umano’y mastermind ng krimen.

Positibong naiugnay ng mga imbestigador si Guid sa mga bala, basyo ng bala at get-away vehicle na nakitaan pa ng fingerprints nito.

Ayon kay Eisma, sulit gastos ang CCTV at layon ng kanyang admi¬nistrasyon ang karagdagang units sa iba’t ibang panig pa ng Subic Bay Freeport.

ANG TOTOO: pwede naman ang pagkakaroon ng CCTV nang hindi lumalabag sa privacy ng ma-mamayan.

Pagdating kasi sa kaligtasan, may mga pagkakataong ang privacy ay maisasantabi para sa kapakanan ng mamamayan. Dito siguro, pwede tayo magkaintindihan. (ANG TOTOO / VIC V. VIZCOCHO)

Please follow and like us:
Read More

PANG-AAPI SA MGA NADISKARIL NA HANJIN  SUBIC WORKERS

ANG TOTOO

AKALA natin pangangalagaan ang kapakanan ng mga manggagawang nawalan ng trabaho sa kaduda-dudang nabangkaroteng Hanjin Shipyard sa Subic Bay Freeport.

Ang Totoo: tuluyan nang tinanggal sa trabaho ang natitira pang may 3,000 Pinoy na manggagawa na ngayo’y kasama na ng mahigit 20,000 iba pa bago matapos ang 2018.

Pawang ilan daang maintenance workers na lamang ang naiwan sa Hanjin Shipyard habang hinihintay na maibenta ito para mabayaran ang mga bangkong pinagkakautangan at malamang, kikita pa ang kumpanyang Koreano.

Pero ang mga manggagawang nawalan ng trabaho, ngayon pa lang nakanganga na.

Voluntary retrenchment o kusang-loob na pagbibitiw sa trabaho ang sapilitang pinapirmahan sa mga manggagawa kahit ANG TOTOO: labag sa loob nila na mawalan ng trabaho at hindi boluntaryo.

Sabi ng mga manggagawa, partikular itong huling 3,000, pumirma na rin sila dahil ang pangako, Pebrero 28 ay matatanggap nila ang separation pay.

Iyon nga namang may 10 taon na sa Hanjin ay makatatanggap ng may P100k rin sana.

Pero lumipas ang Pebrero 28, at ika-7 na ng Marso, hindi naman ­ibinigay ang ipinangakong separation pay.

Mabulaklak at mala-rosas ang ipinintang larawan ni Subic Bay Metropolitan Authority (SBMA) Chairman & Administrator Wilma T. Eisma sa kanyang State of the Freeport kahapon (Huwebes) na may batayan naman, sa dami ng pag-usad sa ilalim ng kanyang panunungkulan.

Pero itong mga manggagawa ng Hanjin, kailangan na niyang direktang pakialaman dahil ang mga tauhan niya sa SBMA Labor Dept. ay natutulog sa pansitan.

Hindi lamang interes ng mga bangko at mga Koreano ang dapat pangalagaan, dapat nga unahin pa ang mga manggagawang nawalan ng kabuhayan.

Marami na sa kanila ang nagugutuman, nawalan ng tirahan, at may mga nagkakahiwalay na mag-asawa at pamilya.

Para sa mga manggagawa, nananawagan ang Ang Totoo kay CHAD  Eisma, pakitulungan na po sila, pakitutukan para hindi pagpasa-pasahan o idribol-dribol lang na gawa ng marami ninyong tauhan sa iba’t ibang departamento ng ahensyang inyong pinamumunuan. (ANG TOTOO /VIC VIZCOCHO)

Please follow and like us:
Read More

POSTE NG KURYENTE MISMONG SA MGA DAAN

ANG TOTOO

MAHIRAP unawain kung bakit may mga poste ng kuryente sa mga highway na nilaparan ng Dept. of Public Works & Highways (DPWH).

Iniinspeksyon at inaaprobahan ng DPWH ang mga natatapos na kalsada ng mga kontraktor pero nakapapasa pa rin ang mga daang may poste ng kuryente.

ANG TOTOO: mapanganib para sa mga motorista at commuters ang mga bumubulagang poste ng kuryente, lalo na sa mga highway.

Malimit ang dahilan kaya dahil may poste ng kuryente sa daan mismo ay kapag may “road-widening,” hindi na iniuusog ang mga poste ng kuryente.

Sinisemento ng mga kontraktor ang bagong daan kesehodang may poste na hinahayaan na lang. Mga bahay o gusali ay ginigiba kundi tinatabasan, pero ang mga poste ng kuryente, naka-pirmis lang.

Marami na ang naaaksidente bunga ng mga poste pero parang wala lang sa mga kinauukulan.

ANG TOTOO: kung totoong ayaw ni Pangulong Duterte ng katiwalian, hindi niya palalampasin ang konstruksiyon ng mga daan na puro kalokohan.

Dapat sitahin ni Duterte si DPWH Sec. Mark Villar kung bakit natutulog ito sa pansitan at hinahayaan na lang ang mapanganib na pananatili ng mga poste ng kuryente sa mga bagong niluwagang mga highway sa iba’t ibang panig ng bansa.

Ito namang si Sec. Villar na sandamakmak na negosyo na ang kinokopo ng kanilang pamilya sa iba’t ibang sulok ng bansa, hindi naman na siguro niya kailangan ang mga porsiyentong bigay ng mga kontratista kaya pwede niyang sitahin ang tauhan niyang pumapayag sa pananatili ng poste sa mga niluluwagang mga daan.

ANG TOTOO: sa plano pa lamang ay hindi na dapat inaaprubahan ang pagsisimula ng proyektong pagpapaluwag sa daan kung hindi kasama sa plano ang agad na pag-aalis ng mga poste ng kuryente na nakatirik sa lugar mismo ng bagong daan.

Pwede po ninyong dito simulan ang imbestigasyon, Sec. Villar, o baka naman kailangan pa ang utos ng Pangulo, kung mag-uutos man. (ANG TOTOO / VIC VIZCOCHO)

Please follow and like us:
Read More

TSINO O AMERIKANO SA HANJIN? 

ANG TOTOO

NAG-UUNAHAN ang mga Intsik at Amerikano sa Hanjin na napipintong iwan ng mga Koreano dahil sa pagka-bangkarote nito.

Ang Totoo: ilang araw na, na may malala­king eroplano -chartered plane – na lumalapag at bumababa sa malimit tahimik na Subic International Airport.

Ayon sa isang opisyal ng Subic Bay Metropolitan Authority (SBMA) na humiling huwag mapangalanan, mga Amerikano ang laman ng naturang eroplano at Hanjin ang pakay ng mga ito.

Samantala, may mga Intsik umano na umupa ng mga speedboat ng pang ilang buwan sa isang Hotel Resort dito sa Subic at araw-araw nagpaparoo’t-parito sa kabilang ibayo ng Subic Bay kung nasaan ang Hanjin Shipyard.

May mga nagtatalo kung kanino dapat mapunta ang $2B Hanjin Shipyard, sa mga Tsino o Amerikano?

Hindi ba dapat sa Filipino?

Ang Totoo: nagpahayag ng pagkabangkarote ang Hanjin noong Enero at may nauna nang mahigit 20,000 manggagawa na ang tinigbak nito sa trabaho.

May natitira pang 3 libong manggagawang Filipino pero inaasahang titigpasin na rin ang mga ito ngayong buwan ng Marso.

Hinahabol ng mga bangko ang Hanjin dahil sa mga pagkakautang nito na sa mga lokal na bangko pa lamang ay mahigit $400M na.

Kung bakit nalugi ang Hanjin ay dapat busisiin ng mga kinauukulan, dahil mahigit isandaang malalaking barko na ang nagawa at na-deliver nito, napakamura ng pasuweldo sa mga Filipino, may tax incentives, at gobyerno ng Pilipinas ang sumagot sa gamit ng kuryente nito.

Ang Totoo: walang kumpanyang Filipino ang nabigyan ng kaluwagan, ayuda at insentibo gaya ng pinagpasasaan ng Hanjin kaya marapat lang na alamin kung bakit nga ba nalugi ito.

Nakabibingi at mahiwaga ang katahimikan ng Senado at Kongreso. Bakit kaya? Baka naman… kuwan… ganu’n… alam niyo iyon… siguro! (ANG TOTOO / VIC V. VIZCOCHO)

Please follow and like us:
Read More

SI ALYAS JIMMY AT ONLINE GAMBLING SA SUBIC 

ANG TOTOO

KUNG si Subic Bay Metropolitan Authority (SBMA) Chairman at Administrator Wilma T. Eisma ang tatanungin, ayaw niya ng Online Gambling sa mga hotel ng Subic Bay Freeport.

Ang Totoo: kinakapos na ng matutuluyan ang mga turista, local o dayuhan, sa Subic dahil sa pangmatagalang kontrata ng Online Gambling sa mga kuwarto ng hotel, kung hindi pala-palapag, buong hotel na, at may binili pa, ang Hotel Buma, para sa operasyon ng Online Gambling at tirahan ng mga dayuhang Intsik na ipinasok sa bansa para sa naturang sugal.

Katwiran kasi ng kunwari iba-ibang kum­panyang operator, kailangan mga Intsik ang empleyado dahil karamihan sa mananaya sa Online Gambling ay mga Intsik din.

Dinatnan na, aniya, ni Eisma ang Online Gambling operations sa Subic Freeport pero kung siya na raw ang nakaupo noon, hindi siya papayag na sa Online Gambling ginagamit ang mga ito.

Ang Totoo: papayag siya –Eisma – sa Online Gambling kung limitado sa isang lugar ang operasyon nito, halimbawa sa dating eskuwelahang American International School (AIS) na sapilitang ipinasara ni dating SBMA Chairman Ro­berto V. Garcia para ibigay sa Lyceum of Subic na hindi naman tumupad sa development commitment at taon ding hindi nagbayad ng upa.

Ang kaduda-duda, sa halip na binawi ng SBMA ang pasilidad, kinunsinte nito ang “pagbenta” ng Lyceum sa Online Gambling operator at nagkasosyo pa sa Online Gambling ang may-ari ng Lyceum of Subic na lubog sa utang sa SBMA.

Gayunpaman, dapat pag-aralang mabuti ng kasalukuyang SBMA Board ang operasyon ng Online Gambling Sa Subic na hindi naman nagpapasok ng pondo sa gobyerno tulad ng Pagcor Casinos at wala ring tulong sa pangangailangan ng trabaho ng mga Filipino.

Ang Totoo: lalong dapat bantayan ni Eisma ang hanay ng kanyang administrasyon, mula board pababa, kung sinu-sino ang kumikita sa Online Gambling operations sa Subic Freeport, kung meron man, na nasa payroll umano ng isang Intsik na alyas Jimmy.

Hanggang Malacañang kaya, me­ron? Ano po sa palagay ninyo, Pangulong Duterte?  (ANG TOTOO / VIC VIZCOCHO JR.)

Please follow and like us:
Read More

TAMANG LUGAR NG PAGMAMANEHO SA HIGHWAY 

ANG TOTOO

MAPAGANIB ang bara-barang pagmamaneho ng sasak­yan, kahit na sa anong lansangan.

Ang Totoo: kaya nga may mga patakaran at batas sa tamang pagmamaneho ng mga sasakyan ay para maiwasan ang aksidente, magkaroon ng kaayusan at mapangalagaan ang mamamayan.

Sa napakagandang tanawin na Subic-Clark-Tarlac Expressway o SCETEx, maraming motorista na hindi mawari kung saan at paano nagkalisensiya sa pagmamaneho.

Marami ang nagbababad sa “left lane” o “inner lane” na ang tamang gamit ay sa pag-“overtake” lamang.

May mga SUV, jeepney, malaki at maliit na kotse, van at pati government at military/police vehicles, makikita na nagbababad sa “left lane” kahit wala naman nang ino-overtake-an.

Ang Totoo: mali ang nagbababad sa “left lane” o “outer lane” kahit pa masasabing hindi ka naman “slow-moving.”

Ang “slow-moving vehicle” kasi dapat ay sa “outer lane” o kanang bahagi ng highway pero kahit naka-“maximum speed” na 100kph sa SCTEx, dapat nasa kanan pa rin kung hindi naman umo-overtake.

Iyon ding mga naglalakihang sasakyan sa Jose Abad Santos Highway na dating Olongapo-Gapan Road patungo at ga­ling Olongapo, marami rin ang nagpupumilit sa “inner lane” tumahak at magbabad.

Ang Totoo: nagtataka tayo sa PNP HPG at iba pang otoridad sa mga highway kung bakit hinahayaan nila itong mapanganib at bobong gawaing ito.

Simple pero importante kaya dapat hindi binabalewala. Kayong may trabaho ng pagpapanatili ng kaayusan at kaligtasan sa kalye, huwag tamad at magtrabaho kayo.

Kung ayaw niyo ng trabaho niyo, magsipag-resign na kayo! (ANG TOTOO / VIC V. VIZCOCHO JR.)

Please follow and like us:
Read More

BILYONG PISONG HALAGA NG BILARAN NG PALAY, PARKING AT TINDAHAN

ANG TOTOO

BILYON-BILYONG piso na ang ginagastos ng pamahalaan sa mga “road –widening” sa iba’t ibang panig ng bansa.

Ang Totoo: mahalaga ang “road-widening” o pagpapaluwag ng mga daan dahil kailangan ito tungo sa pag-unlad.

Lahat ng sektor ng lipunan ay nangangailangan ng ma-tinong lansangan.

Kailangan sa agrikultura ang daan mula sa pagtatanim hanggang sa bentahan ng mga ani.

Kailangan ang daan sa kalakalan, mapa-produkto o serbisyo.

Ang mga manggagawa ay paroo’t parito sa mga pabrika, opisina at tahanan, at maging sa panahon ng pagpapahinga o bakasyon, daan pa rin ang tatahakin.

Ang Totoo: ang mga daan ay para daanan, pero dahil sa mga inutil na ki-nauukulan, ginagamit ng mga pasaway ang daan sa ibang paraan.

Bilaran ng palay, parking, lagayan ng “display” ng mga paninda, nire-repair na sasakyan at marami pang iba, ilan lang sa walang pakundangang gamit sa daan, lalo na sa mga highway na bilyon-bilyon ang ginastos na pera ng bayan.

Ang pagbibilad ng palay sa daan ay matinding panganib sa mga motorista, ganoon din ang mga naka-park na sasakyan sa ibabaw mismo ng niluwagang mga bahagi ng daan.

May mga nadisgras-ya na dahil ang niluwagang daan ay nilalagyan ng mga paninda o kaya’y mistulang garahe ng mga nire-repair na sasakyan.

Marami tayong masasabi tungkol sa maling paggamit sa ginastusan ng bayan na mga daan.

Ang Totoo: nakapagtatakang nakatutulog pa nang mahimbing ang mga hinayupak na kinauukulan kahit alam nilang nasasayang ang pera ng taumbayan sa pagpapaluwag ng lansangan.

Napaka-simple ng sitwasyon, kapag bawal, ipatupad ang pagbaba-wal, ibig sabihin, hulihin ang mga pasaway.

Huwag lang mamulitika o kaya’y manguwarta ang mga kinauukulan, kaya naman ipatupad at puwedeng sundin ng mga pasaway.

‘Di ba nga sa ibang bansa, sumusunod naman sa patakaran ang Pinoy pero kapag nasa Pilipinas, bakit ayaw?

Kasi nga inutil ang mga kinauukulan. Dapat mahiya kapag ang trabaho ay hindi nagagawa. Huwag makapal ang mocha! (ANG TOTOO / VIC V. VIZCOCHO)

Please follow and like us:
Read More

ANG MUKHA NI MOCHA SA JOBS CARAVAN 

ANG TOTOO

HABANG nakaantabay tayo sa gagawing aksiyon ng Malacañang, kung meron man, sa paglipana ng Online Gambling sa Subic Bay Freeport, balikan natin ang isyu ng pagkabangkarote ng Hanjin Shipyard dito rin sa Subic.

Kahit kasi bilyon-bilyong dolyares ang kinita ng Koreanong kumpanyang Hanjin sa paggawa ng naglalakihang mga barko, nakapagtatakang nabaon ito sa utang at hinahabol na ng mga bangkong pinagkautangan.

Ang Totoo: mahigit 20,000 na ang nawalan ng trabaho at ang natitirang 3 libo ay nanganganib ding matulad sa mga nauna nang pinagtatanggal sa trabaho.

Nitong nakaraang Sabado ay isang malaking “Jobs Fair” o “Caravan” ang ginawa sa Subic Gym at marami rin ang nagpunta, nagbaka-sakaling makasungkit ng trabaho.

Marami sa mga aplikante ay mga apektadong empleyado ng bangkaroteng Hanjin.

Ang Totoo: maganda naman na may mga katulad na pagkakataong nililikha ang mga otoridad.

Naroon mismo si Labor Sec. Silvestre Bello, si DPWH Sec. Mark Villar, SBMA Chairman & Administrator Wilma T. Eisma at Senator Richard J. Gordon.

Ok naman at naroon ang mga pangunahing opisyal ng pamahalaan pero nagtatanong ang marami kung bakit naroon at panay ang selfie ng tinaguriang reyna ng fake news na si Mocha Uson.

Ang Totoo: wala namang hawak na posisyon sa pamahalaan ngayon si Mocha na makatutulong sa mga nangangailangan ng trabaho.

Lumalabas na si Mocha ang nangangailangan ng tulong para mahalal sa posisyong inaasinta sa darating na halalan.

Iyang ganyang mga diskarte ay halatang-halata na pamumulitika pero si Mocha, makapal talaga ang Mocha.

Sana, huwag nang haluan ng pulitika ang mga tulad na aktibidad dahil ang paglikha ng pagkakataong magkatrabaho ay maituturing naman na isa sa mga batayang serbisyong dapat ibinibigay ng pamahalaan para sa mamamayan.

Ang Totoo: masaya tayo para mga nagkaroon agad ng trabaho, lalo na sa mga “HotS” o “Hired on the Spot” na 186.

Pero mas magiging masaya tayo kapag ang mahigit 8,000 iba pang nagtiyaga sa mahabang pila sa ilalim ng sikat ng araw ay tuluyang magkaroon na rin ng trabaho, kasama na ang mga kinawawang dating empleyado ng Hanjin. (ANG TOTOO / VIC V. VIZCOCHO JR.)

Please follow and like us:
Read More

OK BA PANGULONG DUTERTE ANG ONLINE GAMBLING SA SUBIC?

ANG TOTOO

SUBUKAN ninyong mag-check-in sa Buma Hotel at Hotel Inter-Park dito sa Subic Bay Freeport at sigurado ang sasabihin sa inyo ng front desk na walang bakante – fully occupied.

Ang Totoo: okupado naman talaga, pero hindi ng mga turista kundi ng operasyon ng Online Gambling.

Sa halip na matuluyan ng mga turista, mapalokal o banyaga, wala nang makapag-check-in sa Buma Hotel at Hotel Interpark dahil ang naturang mga hotel ay hindi na nag-ooperate bilang hotel.

Sa Buma Hotel at Hotel Interpark nakalatag-pala-palapag ang mga computer na ginagamit ng mga Intsik na staff ng Online Gambling.

Ang Totoo: meron pang ibang mga pasilidad sa Subic Freeport na ginagamit sa operasyon ng Online Gambling na kahit iba-iba ang lokasyon ay iisa ang may kumpas, isang nagngangalang “Bong.”

Ayon kay Subic Bay Metropolitan Authority (SBMA) Chairman & Administrator Wilma T. Eisma, hindi niya gusto na napagkakaitan ang mga turista ng dapat sana ay magagamit na mga kuwarto ng hotel sa Subic, ang mga hotel nga naman ay para sa pansamantalang pag-okupa, hindi tulad ng mga apartment o condo na pangmatagalan ang deklaradong negosyo.

Malaki kasing kawalan sa turismo ang kakulangan ng mga kuwarto para sa mga turista at ang Subic ay hindi pa nga karamihan ang mga hotel ay kinakapos na lalo dahil nga sa operasyon ng Online Gambling.

Ang Totoo: dinatnan na aniya – ni Chad Eisma – ang transaksyon ng pagbebenta o pagpapaupa nang buo sa Online Gambling ng mga hotel pero gusto niyang ilimita na lamang ito sa iisang lugar.

Sa dating American International School (AIS) sa Upper Cubi umano na nakahihinalang ipinasara noong 2016 ni dating SBMA Chairman Roberto V. Garcia, nababagay i-concentrate ang Online Gambling.

Ang dating eskuwelahan ngayon ay isa sa pinakamalaking pasilidad ng Online Gambling sa Subic.

Ang Totoo: hindi pinakikinabangan ng pamahalaan o mamamayang Filipino ang Online Gambling gaya ng pakinabang sa mga regular na Casino ng Pagcor.

Puro Intsik kasi karamihan ang empleyado ng Online Gambling at hindi naman obligadong magpasok ng pera sa kaban ng bayan gaya ng regular na Pagcor Casino.

Ang nakapagtataka, ayaw umano ni Pangulong Duterte ng Casino sa Subic Freeport pero naglipana ang Online Gambling. Baka hindi niya alam? O ngayon, alam na niya. Tingnan natin ang susunod na mga kabanata!

Please follow and like us:
Read More

ONLINE CASINO SA SUBIC DAPAT BUSISIIN 1

ANG TOTOO

NAKATENGGA ang Casino sa Subic Bay Yacht Club, ayaw kasi payagan ng Subic Bay Metropolitan Authority  (SBMA) na mag-ope-rate.

Ang Totoo: utos ng Malacañang kaya binawi ng SBMA ang LoNO o Letter of No Objection nito sa pag-o-operate ng naturang Casino.

Nakahanda na ang pasilidad matapos ang matagal, bukod sa magastos, ring renobasyon na ginawa sa Yacht Club para maiporma ito bilang Casino.

Hindi malinaw ang dahilan, at nai-intriga na ang pamunuan ng SBMA dahil sa pagbabawal sa pag-operate ng Casino sa Yacht Club. Hindi kaya Malacañang ang dapat ma-intriga?

No Casino daw kasi sa Subic, sabi umano ni Pangulong Duterte.

Meron naman nang mga, yes, MGA, Casino sa Subic Bay Freeport – ang Oriental Paradise Casino sa may Waterfront Road at Pagcor Club sa Venezia Hotel sa may Aguinaldo St., pero tuloy lang ang mga operasyon nito.

Ang Totoo: naglipana rin sa Subic Bay Freeport ang mga Pa-sugalang Online o Online Casino.

Ang Online Casino ay umu-okupa ng kundi buong hotel, ay halos iyong buo na.

Malaking kabawasan sa turismo ng Su-bic ang nabawas na bilang ng mga kuwarto ng hotel dahil sa mga Online Casino na halos puro mga Intsik mula China ang mga empleyado.

At dahil mga Intsik ang empleyado, walang tulong ito sa paglikha ng trabaho para sa mga Pilipino, na hindi naman daw pwedeng i-empleyo dahil Intsik ang karamihang mananaya sa Online Casino.

Ang Totoo: hindi lamang regular na Casino ang dapat tingnan ni Pa-ngulong Duterte kundi pati ang operasyon ng Online Casino sa Subic Bay Freeport.

Sa dami ng mga Intsik na dumarating, ang iba’y napatunayang pang iligal pero pinag-multa lang ang Online Casino operator sa halip na i-revoke ang lisensiya, napag-kakaitan ng trabaho ang mga Pilipino.

Sa susunod na mga kolum natin, abangan ang mga karagdagang kaalaman kaugnay ng Online Casino sa Subic Bay.

Please follow and like us:
Read More