TATAY GINILITAN NG ANAK 

crime43

(NI ANNIE PINEDA)

INUNAHAN na ng isang anak, bago pa man siya mapatay ng kanyang ama, matapos niyang bagsakan ng bato at gilitan sa leeg ang kanyang tatay habang natutulog, iniulat kaninang umaga sa Zamboanga del Sur.

Kinilala ang biktimang si Fernando Bulaga Mercado, 54, habang nadakip naman ang suspek na kinilalang si Robert Cabrera Mercado, 24, kapwa residente ng Sitio Tambulian, Barangay Malim, Tabina, Zamboanga del Sur.

Batay sa report ng Tabina Police Station, himbing na natutulog ang biktima sa kanilang bahay nang bagsakan ito ng malaking bato sa ulo ng anak saka ginilitan sa leeg na agad nitong ikinamatay.

Lumabas sa imbestigasyon, bago ang insidente, lasing na umuwi ang matandang Mercado sa kanilang bahay at pinagbantaan ang anak (suspek) na papatayin at tinutukan niya ito ng airgun.

Pagkatapos ay natulog na ang biktima. Dito na isinakatuparan ng suspek ang pagpatay sa ama.

Kusa naman sumuko sa pulisya ang suspek at nahaharap sa kasong murder.

 

Please follow and like us:
Read More

PULIS ITINUMBA NG NPA SA BDAY PARTY NG ANAK

(NI ANNIE PINEDA)

NABALOT ng kalungkutan ang selebrasyon, nang pagbabarilin at mapatay ang miyembro ng Philippine National Police (PNP) ng mga hinihinalang kasapi ng New People’s Army (NPA) sa mismong kaarawan ng anak ng una sa Surigao del Sur.

Kinilala ang biktimang si Staff Sergeant Emmanuel Lamigo, ng Brgy. Poblacion, Marihatag, Surigao del Sur, at nakadestino sa Marihatag Municipal Police Station.

Batay sa report ng Police Regional Office PRO-13, dakong alas 6:30 ng gabi nang pagbabarilin ang biktima ng mga armadong suspek sa harapan mismo ng kanyang bahay.

Lumabas sa imbestigasyon, pasakay na ang biktima ng motorsiklo para sana bumalik sa kanyang trabaho sa nasabing istasyon nang bigla na lamang itong pagbabarilin ng mga suspek gamit ang .45 na baril.

Umuwi lamang ito upang makisalo sa birthday celebration ng kanyang anak.

Sa kabila ng mga tama ng bala sa iba’t ibang parte ng katawan  ng biktima nagawa pa nitong gumanti ng putok subalit kalaulanan at nalagutan na rin ng hininga.

Patuloy naman ang ginagawang pagtugis ng mga awtoridad laban sa mga suspek na mabilis na tumakas.

 

Please follow and like us:
Read More

MISIS ITINUMBA SA HARAP NG ANAK

crime100

(NI BONG PAULO)

PATAY ang isang ginang matapos pabulagtain ng hindi pa nakilalang mga armadong kalalakihan sa harap mismo ng anak sa krimeng naganap sa Purok 6, Barangay Poblacion, sa bayan ng Compostela, Compostela Valley, Lunes ng gabi.

Kinilala ang biktima na si Armie Angcot Bernardo, 33, may asawa at residente sa nasabing lugar.

Ayon sa ulat ng Compostela Municipal Police Station, alas-6:00 ng gabi, nasa loob lamang ng kanilang bahay ang biktima nang dumating ang hindi pa nakilalang mga suspek na sakay ng motorsiklo.

Isa sa mga suspek ang bumaba sa motorsiklo at hinanap ang biktima, dahilan para tawagin ng 14-anyos na anak ang kanyang ina.

Paglabas ng biktima ay nagkasagutan sila ng suspek at tinatanong ito kung gusto pa ba siya’ng mag trabaho sa ‘Sunshine Karton’.

Gayunpaman, hindi na umano nakasagot ang biktima at narinig na ng kanyang anak ang sunud-sunod na alingawngaw ng baril at nakita na lamang nito na naliligo na sa sariling dugo ang ina.

Tumakas ang mga suspek habang nagpapatuloy ang malalimang imbestigasyon ng mga pulisya.

Please follow and like us:
Read More

SINISI SA PAGKATALO SA SABONG, TATAY HINATAW NG TUBO SA ULO

crime600

(NI ANNIE PINEDA)

BASAG ang bungo ng isang ama makaraan hatawin ito ng tubo sa ulo ng sariling anak matapos umanong magtalo dahil sa panabong na manok, iniulat kaninang umaga sa Iloilo City.

Kinilala ang biktimang si Edwin Guillergan, 52, habang nadakip naman ang suspek na kinilalang si Erol Guillergan, 24, kapwa residente ng Barangay Nabitasan, La Paz, Iloilo City.

Batay sa report ng La Paz Police Station, gabi ng Linggo, naganap ang insidente sa loob ng bahay ng mag-ama.

Lumabas sa imbestigasyon, kinompronta ng matandang Guillergan ang anak nito tungkol sa kanilang manok at pumatas lamang ang laban.

Dahil sa nakainom na rin ng alak ang batang Guillergan, nabuwisit sa ama at tila siya ang sinisisi nito kaya kumuha siya ng tubo at inihampa sa ulo ng ama at nagtamo ng matinding pinsala.

Kaagad naman dinala sa Iloilo Saint Pauls Hospital ang biktima pero nalagutan ng hininga.

Nadakip naman ang suspek at nahaharap sa kasong pagpatay.

 

Please follow and like us:
Read More

TATAY, ANAK NAGPATAYAN SA SOBRANG KALASINGAN

(NI BONG PAULO)

KAPWA patay ang isang ama at ang anak matapos magpatayan ang dalawa nang magtalo sa sobrang kalasingan sa Purok Sto. Niño, Brgy. BS Aquino, Norala, South Cotabato.

Kinilala ng Norala PNP na pinamumunuan ni Police Major Nathaniel Panaguiton ang biktima na si Isagani Futolan, 56. Suspek sa krimen ang anak ni Isagani na si Angelo Futulan, 30-anyos, binata, walang trabaho at nakatira din sa nasabing lugar. Lumabas sa inisyal na pagsisiyasat ng mga pulis na habang nagtatalo, nataga ni Angelo ang amang si Isagani.

Sa kabila ng natamong mga sugat nagawa pang makuha ng amang biktima ang kanyang paltik na 12 gauge shotgun na ginamit sa pagbaril sa anak na suspek.

Ang mag-amang sugatan ay dinala ng kanilang mga kaanak sa Norala District Hospital kung saan idineklarang dead on arrival ang biktimang si Isagani.

Ang suspek sa pagtaga sa kanya at anak na si Angelo na tinamaan ng bala sa tiyan ay nagpapagaling pa sa nasabing ospital, pero binawian din ng buhay habang ginagamot.

Ayon sa kanilang mga kaanak, ang anak na suspek ay mayroon umanong problema sa pag-iisip.

Narekober ng mga pulis sa crime scene ang itak na ginamit sa krimen at 12 gauge shot gun ng nasawing biktima at basyo ng nasabing armas.

 

Please follow and like us:
Read More

MAG-LOLA NATAGPUANG BANGKAY; KAANAK TUGIS

(NI BONG PAULO)

NORTH COTABATO – Naliligo na sa sariling dugo ang mag-lola matapos matagpuan sa isang damuhan ang kanilang mga bangkay malapit sa kanilang bahay sa Purok San Jose Brgy. San Pablo, Tacurong City, Lunes ng umaga.

Kinilala ang mga biktima na sina Sanday Raiven Escolano, 9, at ang lola nito na si Rose Mary Datoon Escolano,63, kapwa residente sa Purok San Jose Brgy. San Pablo, ng nasabing lungsod.

Ayon sa kapatid ng biktima na si Mary Ann Santos Tomas, nagtaka na lamang ito ng walang nadatnang tao sa loob ng bahay ng kanyang ina at may mga patak ng dugo, agad siyang nagtungo sa Tacurong PNP upang i-report ang nangyari.

Habang ang kanyang ibang kapatid ay sinuyod ang buong paligid at doon na natagpuan ang mga bangkay ng biktima na naliligo na sa sariling dugo at halos hindi na makilala.

Suspek sa naturang pagpatay ang mismong anak nito na kinilalang si Ernisto Datoon Escolano Jr., alyas Junior, 30.

Dagdag pa, lulong umano ang suspek sa illegal na droga at ito ang nakikitang dahilang kung bakit nito nagawang patayin ang sariling ina at pamangkin.

Sa ngayon ay nagsagawa na ng manhunt operation ang Tacurong City PNP para sa madaliang paghuli sa suspek.

Please follow and like us:
Read More

LASENGGONG ANAK, TINAGA NI ITAY

(NI ANNIE PINEDA)

HINDI umubra ang tapang ng isang anak nang sugurin nito ang kanyang ama sa bahay at nagwala, dahilan para tagain ito, sa Roxas City.

Kinilala ang biktimang si Genesis Evangelio, 29, habang sumuko sa pulisya ang suspek at ama nitong si Jaime, 66, at kapwa residente ng Barangay Sinamongan, Pilar, Capiz.

Batay sa report ng Pilar Municipal Police Station, lango sa alak ang biktima nang sugurin nito ang kanyang ama sa bahay at nagwawala. Sa inis ng matandang Evangelio, kumuha ito ng itak at tinaga sa dibdib ang anak .

Kaagad naman dinala sa ospital ang biktima pero dineklara na rin itong patay ng umatending doktor.

Kusa naman sumuko sa pulisya ang suspek at inaantay na lamang ang desisyon ng pamilya kung magsasampa ng kaso.

 

Please follow and like us:
Read More

ASAWA’T ANAK SINASAKTAN; LALAKI BINOGA NG BIYENAN 

crime32

(NI ANNIE PINEDA)

BUTAS ang tiyan ng isang mister makaraan pagbabarilin ito ng kanyan biyenan nang tangkain umanong saksakin ng una ang kanyang asawa na anak ng huli, iniulat kaninang umaga sa probinsya ng Sultan Kudarat.

Kinilala ang biktimang si Melvin Talimudao, 33, habang nadakip naman ang suspek na kinilalang si Jose Denosta, 67, at kapwa residente ng Purok. Mabuhay, Brgy. Bambad, Isulan, Sultan Kudarat.

Batay sa report ng Sultan Kudarat-PNP, naganap  ang insidente sa bahay ng biktima at asawa nito sa nasabing lugar.

Lumabas sa pagsisiyasat ng pulisya, bago ang insidente, nagtalo ang mag-asawa at tinangka umanong saksakin ng biktima ang kanyang misis sa harapan mismo ng kanilang dalawang anak.

Sa takot ng mga bata, tumakbo ang mga ito sa kanilang lolo (suspek) na kalapit lamang sa kanilang bahay at isinumbong na may hawak na kutsilyo ang kanilang ama at sasaksakin ang kanilang ina.

Mabilis na sumugod si Jose sa bahay ng mag-asawa at naabutan umanong sasaksakin na ng biktima ang kanyang anak, kaya agad niyang ikinasa ang dalang 12 gauge shotgun at binaril si Denosta na tinamaan sa tiyan at balikat na naging dahilan ng agaran kamatayan .

Matapos ang insidente kusa naman sumuko sa pulisya ang suspek at nakatakdang sampahan ng kaukulang kaso.

 

Please follow and like us:
Read More

TATAY ‘DI NASARAPAN SA ULAM; MISIS, ANAK SINAKSAK

crime34

(NI ANNIE PINEDA)

KRITIKAL ang mag-ina makaraan pagsasaksakin ng kanilang padre de pamilya habang kumakain nang hindi umano masarap sa nilutong ulam, probinsya ng Cauayan.

Kinilala ang mag-inang Gloria De Guzman, 52, at anak nitong si Angelito De Guzman, 24, binata, pintor, habang nadakip naman ang suspek na kinilalang si Edward Carag, 51 anyos, pawang residente ng Sipat St. Purok 7, Brgy. District 3, Cauayan City, Isabela.

Batay sa report ng PNP Cauayan, nasa hapag-kainan ang tatlo at kumakain nang bigla na lamang uminit ang ulo ng suspek at kumuha ng kutsilyo saka pinagsasaksak ang mag-ina.

Nabatid, na hindi umano nasarapan ang suspek sa pagkain at nagreklamo kung magulo ang bahay na nauwi sa pananaksak.

Kaagad naman dinala sa ospital ang mag-ina at nilapatan ng lunas ang mga tinamong sugat sa katawan.

Nadakip naman ng mga rumespondeng pulis ang suspek na ngayon ay nahaharap sa kasong double frustrated homicide.

 

Please follow and like us:
Read More

ANAK KRITIKAL SA SAKSAK NG AMA

aklan12

(NI ANNIE PINEDA)

KRITIKAL sa ospital ang isang anak nang pag-uundayan ito ng saksak ng kanyang sariling ama dahil sa sinitang bitbit na kutsilyo, iniulat kaninang umaga sa probinsya ng Aklan.

Kinilala ang biktimang si Josegani Santillan, Jr, 25, habang nadakip naman ang suspek at ama nitong si Josegani Santillan, Sr., 60, kapwa residente ng Sitio Laguna, Brgy. Union, Nabas, Aklan.

Batay sa report ng Nabas Police Station, pauwi na ang mag-ama galing inuman nang sitahin umano ng batang Santillan ang matanda tungkol sa dala nitong kutsilyo.

Sa halip na itabi ng matandang Santillan ang dala nitong patalim, itinarak niya sa kanyang anak na tinamaan sa tiyan, dibdib, balikat at mga kamay.

Nagtulung-tulong naman magkakapitbahay na dalhin sa Aklan Baptist Hospital ang biktima para lapatan ng paunang lunas at kalaunan ay inilipat din sa Aklan Provincial Hospital at patuloy na inoobserbahan.

Nadakip naman ng mga rumespondeng pulis ang suspek at nakatakdang sampahan ng kaukulang kaso.

Please follow and like us:
Read More

TAKOT IWAN NG BF, YAYA NANGIDNAP NG ‘ANAK’ 

BACOLOD12

(NI KIKO CUETO)

BACOLOD CITY – Inaresto ang isang 19-anyos na babae nang dukutin ang sanggol ng kanyang amo, para ipakilala bilang anak ng kaniyang nobyo para hindi siya iwan.

Sa imbestigasyon, sinasabing tatlong linggo pa lamang nagsisilbing kasambahay ang babae sa mag-asawang nakatira sa Barangay Alijis sa lungsod na ito.

Pero sa kwento ng pamilya, matagal na umano nilang kilala ang suspek dahil kapitbahay nila ito sa dating tinitirahan sa Barangay Mandalagan.

Dagdag pa ng pulisya, nagpo-post na ang suspek sa social media ng mga retrato kasama ang bata at sinasabing anak niya ito.

Noong una ay hindi naman nag-aalala ang pamilya, hanggang nitong Lunes, kinabahan ang mga ito dahil hindi nakauwi ang suspek at ang kanilang anak.

Lunes ng gabi nang dumulog sa pulisya ang pamilya.

Hinanap ng pamilya ang suspek at kinausap sa Facebook ang nobyo ng suspek.

Napag-alamang taga bayan ng Miag-ao, Iloilo ang nobyo at doon posibleng pumunta ang suspek.

Humingi ng tulong ang Bacolod City Police sa Miag-ao Police at doon nakita ang suspek at ang kanyang kinuhang bata.

Agad namang dinala ang bata at ang suspek sa Bacolod City.

Inamin naman ng suspek ang pagdukot sa bata. Aniya, ginawa niya ito para hindi siya iwan ng kanyang nobyo.

Ipinakilala niya ang bata na anak umano ng nobyo niya para panagutan nito at hindi siya iwan.

Haharap sa kasong kidnapping ang suspek.

Please follow and like us:
Read More