TRADER PATAY SA AMBUSH

gun15

HINDI umabot nang buhay sa ospital ang isang negosyante makaraang pagbabarilin ng isang lalaki sa Palace St., Southland, Brgy. CAA/BF Intl., Las Piñas City, nitong Miyerkoles ng hapon.

Sa inisyal na report ng Southern Police District, dakong alas-5:30 ng hapon, sakay ang negosyanteng si Michael Padlan, 42-anyos, residente ng B19, Elizarde St., EVS Subd., CAA/BF Intl., Las Piñas City, ng kanyang kotse na silver grey na BMW na may plakang AOT 88, nang biglang sumulpot ang suspek na sakay ng motorsiklo at pinagbabaril ang biktima.

Agad isinugod sa University of Perpetual Help Hospital ng asawa ng biktima na si Pearl Ann Evangelista, ang negosyante ngunit hindi umabot nang buhay.

Samantala, makaraan ang pamamaril ay mabilis na tumakas ang suspek na natatakpan ng panyo ang mukha kaya hindi nakilala ng mga saksi.

Sinisikap ng mga imbestigador na sina P/Msgt. Tobias at P/Cpl. Oblea na matukoy ang motibo sa krimen at pagkakakilanlan ng suspek. (DAVE MEDINA)

Please follow and like us:
Read More

TANOD PATAY, 2 SUGATAN SA AMBUSH

BLOODY BULLET

COTABATO City – Nalagutan ng hininga ang isang barangay tanod habang sugatan ang dalawa pang bik-tma, kabilang ang punong barangay, nang tambangan at pagbabarilin ng hindi kilalang armadong mga suspek, iniulat nitong Lunes ng umaga sa lungsod na ito.

Kinilala ang napatay na si Kunti Kadatuan Solaiman, miyembro ng Barangay Peacekeeping Action Team (BPAT), habang sugatan sina Brgy. Chairman Kutin Idtug, 67-anyos, isa ring MNLF political affairs officer, at Antonio Saban.

Batay sa report ng Matalam Police Station, nangyari ang insidente sa plantasyon ng tubo sa Brgy. Mar-bel, Matalam Cotabato.

Lumabas sa imbestigasyon, sakay ang mga biktima ng multicab ng barangay na minamaneho ni Solaim-an, galing sa palengke.

Pabalik na ang mga biktima sa nasabing barangay ngunit pagsapit sa naturang lugar ay hinarang sila ng mga suspek na armado ng M14, M16 at carbine rifles.

Pinaulanan ng bala ng mga suspek ang mga biktima na agad ikinamatay ni Solaiman habang nasugatan ang dalawang kasama.

Patuloy ang pagtugis ng mga awtoridad sa mga suspek na mabilis na tumakas matapos ang krimen.

Samatala, inaalam pa ng mga awtoridad ang posibleng motibo ng mga suspek sa pananambang. (ANNIE PINEDA)

Please follow and like us:
Read More

MAGUINDANAO COA AUDITOR PATAY SA AMBUSH

gun 100

COTABATO City – Patay ang auditor ng Commission on Audit (COA) ng Maguindanao matapos tambangan ng hindi kilalang mga suspek habang lulan ng sasakyang minamaneho ng kanyang mister, iniulat ng pulisya nitong Sabado sa lungsod na ito.

Kinilala ang biktimang si Guiaria Bagundang Akmad, 60-anyos, habang ligtas ang kanyang mister na si Hadji Ali Akmad, kapwa residente ng Krislamville, Brgy. Rosary Heights 6, Cotabato City.

Batay sa report ng Maguindanao Police Station, bandang alas 11:00 ng tanghali noong Biyernes nang mangyari ang insidente sa Avelina Street, Barangay Rosary Heights 6 sa Cotabato City.

Lumabas sa imbestigasyon, sakay ang biktima sa Toyota pick-up na minamaneho ng kanyang asawa ngunit pagdating sa nasabing lugar ay bigla na lamang silang hinarang ng dalawang suspek na sakay ng motorsiklo.

Pagkaraan ay pinagbabari ang biktima ng isa sa mga suspek na armado ng .45 kalibreng baril saka mabilis na tumakas.

Agad dinala sa Cotabato Regional and Medical Center ang biktima ngunit hindi umabot nang buhay habang nakaligtas ang kanyang mister.

Patuloy ang pagsisiyasat ng mga awtoridad para malaman ang posibleng motibo sa krimen at pagkakakilanlan ng mga suspek. (ANNIE PINEDA)

Please follow and like us:
Read More

RETIRADONG HENERAL PATAY SA AMBUSH

ambush

PANGASINAN – Patay ang isang retiradong police general matapos tambangan at pagbabarilin ng hindi kilalang armadong kalalakihan, iniulat noong Huwebes ng umaga sa lalawigang ito.

Kinilala ang biktimang si retired Police Brigadier General Marlou Chan, dating provincial director ng Pangasinan Police at nagretiro noong 2013.

Batay sa report ng Calasiao Police Station, dakong alas-2:50 ng hapon nang mangyari ang insidente sa national highway ng Barangay Nalsian sa nasabing bayan.

Lumabas sa inisyal na imbestigasyon, sakay ng kanyang pick-up ang biktima nang tambangan at pagbabarilin ng isa sa dalawang suspek na sakay ng motorsiklo.

Matapos ang pamamaril, mabilis na tumakas ang mga suspek sa hindi malamang direksyon.

Agad namang dinala sa pinakamalapit na ospital ang biktima ngunit idineklarang dead on arrival.

Inaalam ng mga awtoridad ang posibleng motibo sa krimen at pagkakakilanlan ng mga suspek.

Napag-alaman, iniuugnay amg biktima sa umano’y pamumulitika sa nasabing lalawigan sa panahon ng kanyang panunungkulan. (ANNIE PINEDA)

Please follow and like us:
Read More

IMBESTIGASYON SA PAGPATAY SA EX-VICE GOV NILALIMAN

PAGPATAY SA EX-VICE GOV

DAVAO CITY-Nagsasagawa na ng malalimang imbestigasyon ang mga awtoridad kaugnay sa pamamaslang sa dating bise gobernador ng Sultan Kudarat, pasado ala Una noong Martes, Enero 7.

Sa ulat ng Sultan Kudarat Police Provincial Office, sakay ng kanyang kulay itim na L-200 pick-up ang biktimang si Rolly Recinto, 80-anyos, residente ng Purok Inamnama Barangay, Poblacion, sa bayan ng Lambayong, Sultan Kudarat nang pagbabarilin ito  pagsapit sa national highway sa Brgy. Bilumin.

Naglagos ang mga bala ng kalibre. 45 pistola at M16 armalite rifle sa sasakyan ng biktima dahilan para ito mapuruhan.

Si Recinto na isa ring dating alkalde ng Lambayong, ay mag-isa lamang bumiyahe galing ng Tacurong City at pauwi na sana nang ito’y tambangan.

Bumuhos naman ang pakikiramay sa pamilya ng biktima na kilalang makamasa at marami ang natulungan noong nasa serbisyo pa ito.

Kinondena rin ng mga lokal na opisyal at mamamayan ang pananambang sa dating bise-
gobernador. DONDON DINOY

 

Please follow and like us:
Read More

TSERMAN, KAPATID NIRATRAT SA HARAP NG SIMBAHAN

crimeshooting

(NI KIKO CUETO)

NAKALIGTAS mula sa pananambang ang isang barangay chair at kanyang kapatid matapos silang tambangan sa Padre Garcia, Batangas City.

Sa report, sinasabing nagpapagmot at kritikal sa ospital ngayon ang kapitan na kinilalang si Nelson Lique.

Nagpapagaling din ang kanyang kapatid na si Robert.

Lumalabas naman na Martes pa nang pagbabarilin ang mga biktima.

Nakasakay sila noon sa nakaparada nilang sasakyan sa labas ng isang simbahan nang dumating ang mga salarin sakay ng kotse.

Mabilis na tumakas ang mga gunman.

Inaalam pa kung sino at ano ang motibo sa likod ng krimen.

 

Please follow and like us:
Read More

VETERINARIAN PATAY SA AMBUSH

crimeshooting12

(NI KIKO CUETO)

TALISAY, Cebu — Pinagbabaril hanggang sa mapatay ang isang beterinaryo dito.

Sa imbestigasyon ng pulis, pauwi na ang biktimang si Dr. Niel Boligao galing sa

palengke nang pagbabarilin ng mga nakamotorsiklong salarin.

Sa inisyal na imbestigasyon ng pulis, posibleng negosyo ang ugat ng krimen.

Lumalabas na bukod sa pagiging beterinaryo, suma-sideline rin ang biktima bilang supplier ng karne sa palengke.

Mayroon nang mga person of interest sa krimen, pero patuloy pa sa pangangalap ng ebidensya ang mga pulis.

 

Please follow and like us:
Read More

EX-BRGY KAGAWAD NA DRUG SURRENDERER ITINUMBA

TINADTAD ng bala ang katawan ng isang drug surrenderer ng barangay kagawad nang tambangan habang sakay ng motorsiklo, Sabado ng hapon sa Sarrat, Ilocos Norte.

Kinilala ang biktima na si Rodante Corales, drug surrenderer at dating kagawad ng Barangay Medina, Dingras, Ilocos Norte.

Nagtamo ang biktima ng iba’t ibang tama ng bala sa katawan mula sa kalibre .45 at kalibre .9 mm na baril.

Nagkalat din ang mahigit sa siyam na basyo ng bala ng kalibre .9 mm at tatlong basyo ng kalibre .45 sa crime scene.

Sa imbestigasyon, napag-alamang nakasakay ng motorsiklo ang biktima ng pagbabarilin ng dalawang salaring de-motorsiklo sa Barangay 20.

Wala ring nakakuha ng plaka ng mga suspek dahil ayon sa mga saksi. Napakabilis ng pangyayari at natakot din ang mga suspek sa mga armado.

Sa ngayon, inaalam pa ng pulisya ang pagkakakilanlan ng mga suspek.

Ayon kay Police Captain Carlo Abing, hepe ng Sarrat Police, droga ang isa sa mga anggulong tinitingnan sa krimen.

Patuloy ang imbestigasyon sa kaso.

Please follow and like us:
Read More

LGU EMPLOYEE SA DAVAO DEL SUR PATAY SA AMBUSH 

(NI DONDON DINOY)

MAGSAYSAY, Davao del Sur – Patay sa pamamaril ang isang empleyado ng lokal na gobyerno matapos sundan ng mga kriminal ang minamaneho nitong motorsiklo, alas 9:10 ng umaga ng  Biyernes.

Ang mga suspek ay inilarawan ng mga nakasaksi na nakasakay ng isang kulay puti na Innova kung saan inabangan ang biktima at binaril pagdating nito sa Badagoy solar drier ng Brgy. Poblacion.

Kinilala ni Police Major Jeffmar Tercero, hepe ng Magsaysay Police Station, ang biktima na si Philip Marl Delosa Ruelo.

Ayon kay Tercero na bigla na lang umalingawngaw ang putok ng baril at nahulog ang biktima mula sa kanyang motorsiklo.

Tinangka pang dalhin ang biktima sa Davao del Sur Provincial Hospital ngunit dead on arrival na ito.

Hindi pa masabi ni Tercero kung ano ang motibo ng pamamaril maging ang pagkakilanlan ng mga suspek na nakita umanong pabalik-balik sa lugar bago mangyari ang krimen.

Inabisuhan din ng pulisya ang publiko na agad magbigay ng impormasyon kaugnay sa mga suspek upang agad malutas ang kaso.

 

Please follow and like us:
Read More

MISIS PATAY, MISTER KRITIKAL SA AMBUSH 

(NI ANNIE PINEDA)

PATAY ang isang misis habang kritikal ang mister nito makaraan tambangan at pagbabarilin sila ng mga dalawang suspek na umano’y kaaway ng mag-asawa, iniulat kaninang umaga sa probinsya ng Surigao del Sur.

Kinilala ang nasawi na si Violeta de Guzman habang ginagamot sa ospital ang asawa nitong si Julius, at kapwa residente ng Purok-1, Barangay Diatagon, Lianga, Surigao Del Sur.

Tugis naman ang mga suspek na kinilalang sina Jhong Marcelo at Tata Ceronda ng nasabing lugar.

Batay sa report ng Police Regional Office -13, dakong alas 6:05 ng gabi nang maganap ang insidente sa nasabing lugar.

Lumabas sa imbestigasyon, sakay ang mag-asawa ng motorsiklo nang bigla na lamang silang harangin ng mga suspek at pinagbabaril gamit ng .45 kalibre na baril saka mabilis na nagsitakas.

Tinamaan si Violeta sa iba’t ibang parte ng katawan na agad nitong ikinamatay habang dinala naman sa ospital si Julius para lapatan ng lunas.

Nagpapatuloy naman ang ginagawang imbestigasyon ng pulisya hinggil sa insidente.

 

Please follow and like us:
Read More

PASTOR TINADTAD NG BALA; PATAY SA AMBUSH

TINADTAD ng bala ang tiniyak na patay ang isang 58-anyos na pastor at supervisor ng Department of Education (DepEd) matapos tambangan at pagbabarilin ng hindi pa kilalang salarin sa loob ng kotse,  Huwebes ng hapon.

Si Babito Manliguez, senior pastor ng The Harvest Christian Church Community Assembly of God at district supervisor din ng DepEd sa Panabo City, ay  galing sa bahay at papunta na sana sa kanyang trabaho sa DepEd nang pagbabarilin siya ng maraming beses.

Sinabi sa imbestigasyon na inabangan ang biktima sa pasukan ng kanilang subdibisyon. Nakuha rin sa crime scene ang limang basyo ng bala ng hinihinalang kalibre .45.

Nabatid na posible umanong personal na galit ang motibo ng suspect dahil kasapi umano ang biktima sa investment scheme, ani Police Lt. Col. Ernesto Gregore.

May suspect nang sinusubaybayan ang Panabo City Police sa krimen.

Ayon naman sa mga church member, posible umanong napagkamalan lamang ang biktima dahil wala umano silang alam na kaalitan ng kanilang pastor.

 

Please follow and like us:
Read More

TSERMAN, KALIVE-IN PATAY SA AMBUSH

(NI JG TUMBADO)

UTAS  matapos umanong pagbabarilin ang kapitan ng barangay at ang live-in partner nito sa Marilog District, Davao City, Sabado ng umaga.

Batay sa paunang imbestigasyon ng pulisya, magka-angkas sa motorsiklo sina Fernando Banayao at Genevive Valenzuela nang tambangan sa Purok Mundo Hill, Sitio Quarry sa Barangay Gumitan.

Agad namatay si Banayo habang hindi na umabot ng buhay nang isugod sa ospital si Valenzuela.

Narekober sa lugar ng krimen ang pitong basyo ng kalibre .45 na baril at dalawang .9mm.

Patuloy na nagsasagawa ng imbestigasyon ang awtoridad hinggil sa krimen.

Sinasabing aktibo sa kampanya laban sa mga miyembro ng New People’s Army (NPA) ang kapitan ng barangay.

 

Please follow and like us:
Read More

MUNICIPAL TREASURER, CAMPAIGN MANAGER NI REP MANGUDADATU SUGATAN SA AMBUSH

(NI JG TUMBADO)

TINAMBANGAN ng armadong grupo ang mag-asawang municipal treasurer at campaign leader ng isang mambabatas sa Maguindanao, gabi ng Miyerkules.

Kapwa nasa kritikal na kondisyon sa Maguindanao Provincial Hospital ang mga biktimang sina Jocie Kuit, Municipal Treasurer ng Ampatuan Maguindanao at mister nitong si Jeric Kuit, campaign leader ni Representative Esmael “Toto” Mangudadatu.

Batay sa report ng Maguindanao Police Provincial Office, naganap ang insidente sa Barangay Bagan Guindulungan pasado alas-9 ng gabi.

Sa imbestigasyon, lulan umano ang mag-asawa sa kanilang Mitsubishi Montero na may plakang CAM-4811 galing Cotabato City at pabalik na sana sa bayan ng Ampatuan.

Pagsapit sa naturang lugar ay bigla na lamang silang pinagbabaril ng mga hindi kilalang armadong kalalakihan gamit ang M-16 armalite rifles.

Nahulog sa gilid ng kalsada ang sinakyan ng mga biktima at mabilis namang tumakas ang mga suspek.

Mariin naman kinondena ni Representative Mangudadatu ang pamamaril sa mga biktima.

Hinala ng mga awtoridad, may kinalaman sa pulitika o Maguindanao massacre ang nasabing insidente.

Patuloy naman ang imbestigasyon ng mga awtoridad para madakip ang mga suspek at alamin ang tunay na motibo sa tangkang paglikida sa mag asawa.

Please follow and like us:
Read More

EX-PDEA AGENT PATAY SA AMBUSH

(NI JG TUMBADO)

PATAY sa pamamaril ng riding in tandem ang isang retiradong ahente ng Philippine Drug Enforcement Agency (PDEA) sa Baguio City, araw ng Lunes.

Sa inisyal na impormasyon ni Police Staff Sgt. Minado Dimmangna Jr., imbestigador ng kaso, tinambangan ng hindi pa kilalang mga salarin ang biktimang si Samuel  Mora, 58, ng Cuanso Road, Sto. Nino Road, Bakakeng Central, pasado alas 8:00 ng umaga.

Nabatid na nasa loob ng kanyang hi-lux pick up ang biktima nang tabihan ng dalawang lalaking lulan sa motorsiklo at makailang beses na pinaputukan.

Patuloy pa ang imbestigasyon ng Baguio City police kaugnay ng krimen.

Please follow and like us:
Read More

MILF COMMANDER PATAY SA AMBUSH

(NI DONDON DINOY)

 

DAVAO CITY– Patay ang Moro Islamic Liberation Front o MILF commander matapos pagbabarilin ng hindi pa nakikilalang suspek sa Barangay Marbel Matalam, North Cotabato ala 1:00 ng hapon, Martes.

Ayon kay Matalam PNP Chief Police Major Brian Placer na nasawi si Hadji Mansor Blancia Imbong, 51, Deputy Brigade Commander ng 5th Brigade, 108 Base Command ng MILF at residente sa Purok Tagumpay 1, Baranagy Marbel, Matalam, Cotabato.

Sa isinagawang imbestigasyon ng Matalam PNP, lumalabas na pinagbabaril ang biktima habang lulan ng kanyang motorsiklo pauwi ng kanilang bahay.

Sinasabing sinundan umano ng mga suspek na sakay ng Toyota Hilux na walang license plate ang biktima at nang makakuha ng pagkakataon ay dito na pinagbabaril at napatay si Imbong.

Patuloy pa ang ginagawang imbestigasyon ng PNP sa motibo sa pagbaril at pagpatay sa kanya.

 

Please follow and like us:
Read More

TAUHAN NG BUCOR NILIKIDA SA HARAP NG BILIBID

bilibid12

(NI DAVE MEDINA)

HINDI nakaligtas kay kamatayan  ang isang opisyal ng Bureau of Corrections (BuCor) makaraang tambangan sa harap lamang ng New Bilibid Prisons (NBP) sa Muntinlupa City, Miyerkoles ng umaga.

Kinilala ni BuCor Spokesperson Maj. Alberto Taripu ang biktima na si CO1 Porferio Bergula , na nakatalaga sa Medium Security Compound (MedSC) sakop ng New Bilibid Prisons Reserve Complex (NBPRC).

Sa imbestigasyon, lumitaw na ang biktima ay nasa tapat ng isang restaurant na 400 metro lamang ang layo sa gate ng NBP nang pagbabarilin ng riding-in-tandem.

Nagawa pang isugod sa ospital ang biktimang si Bergula pero binawian din ng buhay.

Patuloy namang inaalam ang pagkakakilanlan ng mga suspek.

Inaalam din ang motibo sa pananambang.

Please follow and like us:
Read More

OPISYAL NG PNP ITINUMBA SA HARAP NG MISIS 

(NI ANNIE PINEDA)

DUGUANG bumulagta sa harap mismo ng kanyang misis ang isang opisyal ng Philippine National Police (PNP) matapos pagbabarilin ng hindi pa kilalang suspek na naka-motorsiklo habang naglalakad kasama ang asawa, Huwebes ng gabi  sa Cebu City.

Kinilala ang biktimang si Police Lieutenant Colonel Joie Yape, dating Provincial Intelligence Branch ng Cebu Provincial Police Office.

Batay sa report ng Police Station 2 ng Cebu City,  bandang alas 6:00 ng gabi nang maganap ang insidente sa Sitio Molave sa Barangay Kamputhaw, Cebu City.

Lumabas sa imbestigasyon, magkasama ang biktima at asawa nitong naglalakad sa nasabing lugar nang biglang dumating ang suspek na nakamotorsiklo.

Dito, hinarang ang kanilang daanan at pinagbabaril ang biktima na agad nitong ikinamatay habang mabilis na tumakas ang suspek.

Nabatid, dumadalo ang biktima ng 3-araw na seminar sa lungsod at bandang alas 2:00 ng hapon ay umatend pa ito ng pagdinig sa CCPO na may kinalaman sa kasong iligal na drorga.

Si Yape ay spokesperson ng Bohol Provincial Police Office at nadestino sa Internal Affairs Services sa Camp Crame.

Nagpapatuloy naman ang imbestigasyon sa insidente at inaalam na ang tunay na motibo sa krimen.

 

Please follow and like us:
Read More

KAGAWAD ITINUMBA

(NI BONG PAULO)

NORTH COTABATO – Patay ang opisyal ng Barangay makaraang pagbabarilin ng di pa kilalang suspek sa Barangay Lower Paatan, Kabacan Cotabato, hapon ng Lunes.

Nakilala ang biktima na si Freddie Balansiawan, Kagawad ng Barangay Cuyapon, ng nasabing bayan.

Sa isinagawang imbestigasyon ng Kabacan Police, lumalabas na lulan ng motorsiklo ang biktima nang pagbabarilin ng hindi pa kilalang suspek sa naganap na krimen alas 3:20 ng hapon.

Mabilis ding tumakas ang umano’y apat na mga suspek patungo sa Barangay Cuyapon habang narekober sa crime scene ang mga basyo ng caliber .45 pistol.

Hanggang sa ngayon ay patuloy pa ang ginagawang imbestigasyon ng PNP sa kung ano ang motibo at sino ang responsable sa pagbaril at pagpatay sa biktima.

 

Please follow and like us:
Read More

JAIL OFFICER PATAY, 1 KRITIKAL SA AMBUSH

(NI JG TUMBADO)

PATAY sa pamamaril ang isang jail officer habang nasa kritikal naman na kondisyon ang kasamahan nito sa Bacolod City.

Nakilala ang nasawi sa pag-atake si Jail Officer 1 Jayvee Jason Vargas, 28, habang inoobserbahan sa ospital bunsod ng isang tama ng bala sa katawan si Gian Philipp Yoro, 25 anyos.

Ayon kay Bacolod City Police Office (BCPO) Director Lt. Col. Henry Binas, pasado alas 11 ng gabi ng Biyernes nang pagbabarilin sina Vargas at Yoro kasama ang isa pa nilang kaibigan na si Fenny Tano sa bahagi ng Barangay Pahanocoy habang sakay ang mga ito sa kotse.

Napag-alaman sa imbestigasyon na  binuntutan ng riding in tandem ang mga biktima hanggang pagsapit ng mga ito sa nasabing lugar ay doon na sila pinaulanan ng bala.

Dead on the spot si Vargas nang mapuruhan ito habang si Yoro naman ay naisugod agad sa ospital dahil na rin sa paghingi ng saklolo ni Tano.

Inaalam pa sa imbestigasyon ng mga awtoridad kung ano ang motibo sa pananambang.

Please follow and like us:
Read More

HEAD INVESTIGATOR NG BATUAN POLICE, PINASLANG

crime22

(NI JG TUMBADO)

ISANG chief investigator ng Batuan Municipal Police Station sa Masbate ang napatay sa pamamaril ng hindi pa natutukoy na salarin malapit sa kanyang himpilan, araw ng Biyernes.

Dead on the spot sa ilang tama ng bala ng baril ang biktima na nakilalang si Police Senior Master Sergeant Oscar Alegada.

Batay sa ulat , kausap ni Alegado ang isang babaeng non-uniformed personnel ng PNP nang sumulpot ang salarin at pinagbabaril ang biktima nang malapitan.

Agad tumakas ang suspek habang isinugod naman sa ospital ang biktima pero hindi na umabot nang buhay.

Hindi naman nasaktan ang babaeng kausap ni Alegado.

Iniimbestigahan pa ng mga awtoridad ang insidente habang patuloy na tinutugis ang nasa likod ng paglikida sa pulis.

Please follow and like us:
Read More

NPA SA LIKOD NG DOLE OFFICIAL SLAY? LABOR CASE INAALAM NG NCRPO

(NI HARVEY PEREZ)

MAY posibilidad umano na mga miyembro ng New People’s Army (NPA) ang pumaslang  sa isang opisyal ng Department of Labor and Employment (DOLE), noong Nobyembre 3 sa Malvar St. Malate, Maynila.

Ayon kay NCRPO Regional Director PBGen Debold Sinas, sa imbestigasyon ng pulisya, nabatid na walang kaaway o kaalitan ang biktimang si  Helen Dacanay, 59, senior labor and employment officer sa DOLE Manila head office, at residente ng Block 11, Lot 1, Casimiro THMS Queensrow East, Molino, Bacoor, Cavite.

Maari umanong  may kinalaman sa kanyang trabaho sa DOLE ang posibleng motibo  ng pagpaslang kay Dacanay kaya inaalam nila kung anu-anong labor case ang dumaan sa tanggapan nito.

Una nang nakita sa CCTV ang mukha ng dalawang gunman na nakitang bumaril ng may 16 na beses sa biktima.

Gayundin, nanawagan si Sinas sa  publiko na agad ipagbigay alam sa mga awtoridad kung kilala nila ang mga   suspek na muling sumakay sa motorsiklo at iniwan sa isang lugar sa Linao St., bago sumakay lamang ng tricycle.

Naganap ang insidente alas 4 :45 ng hapon noong Nobyembre 3 sa Malvar Street, sa nabanggit na lugar.

Kalalabas lamang  umano ni Dacanay sa kanyang tanggapan sa DOLE Manila head office, sa 4th Floor ng DY International Building, San Marcelino Street, kanto ng Malvar Street, sakay ng itim na Honda Brio, na may plakang ACA-7338.

Habang binabaybay ang Malvar Street, pagitan ng Singalong at Benitez Streets, nang tambangan at pagbabarilin ng dalawang suspek na riding in tandem.

Idineklarang dead in arrival sa Ospital ng Maynila (OSMA) ang biktima.

Hindi naman tinamaan ng bala si Atty. Agata Ann Daquigan, labor arbiter sa DOLE main office at kasama ni Dacanay sa sasakyan nang maganap ang krimen.

 

Please follow and like us:
Read More

3 ANGGULO TINUTUTUKAN SA PINASLANG NA BRODKASTER

(NI NICK ECHEVARRIA)

AGARANG ipinag-utos ni Central Visayas PNP Director P/BGen.Val de Leon ang masusing imbestigasyon sa ambush-slay ng isang  radio blocktime broadcaster sa Dumaguete City, nitong Huwebes.

Ayon sa pulisya, tatlo ang posibleng motibo sa krimen ang tinututukan ngayon sa pananambang sa 67-anyos na si Dindo Generoso.

Isa sa mga anggulo ang pagiging  hard-hitting radio broadcaster umano ng biktima na posibleng may nasagasaan sa kanyang programa sa radyo, gayundin ang paghahain nito ng kandidatura sa mayoralty election noong 2016, subalit idineklarang nuisance candidate, at ang land dispute sa pamilya ng biktima.

Si Generoso na isang blocktime broadcaster sa 96.7 dyEm FM Station sa Dumaguete, ay tinambangan at napatay habang minamaneho ang kanyang kotse (YKU 946) papasok sa kanilang himpilan ng radyo bandang alas-7:30 ng umaga sa Brgy. Piapi, Huwebes ng umaga.

Pitong basyo ng kalibre .45 baril ang narekober ng mga nagrespondeng pulis sa lugar na pinangyarihan ng krimen.

“We are now cooperating with the Presidential Task Force on Media Security (PTFoMS) for the immediate solution of this. We will not stop until those involved are brought to justice,” pahayag ni de Leon.

Si Generoso ang ika-15 sa bilang ng mga miyembro ng media na napatay sa ilalim ng kasalukuyang administrasyon.

 

Please follow and like us:
Read More

OPISYAL NG PNP BINOGA SA ULO

(NI NICK ECHEVARRIA)

PATAY ang isang opisyal ng Philippine National Police (PNP) matapos barilin sa ulo ng makailang ulit ng hindi pa nakikilalang suspek sa bayan ng Batuan, Masbate, Huwebes ng gabi.

Nakilala ang biktima ng pamamaril na si P/SMsgt Oscar Alegada, 43, nakatalaga sa Batuan Municipal Police Station (MPS) at nakatira sa Poblacion ng nasabing bayan.

Sa ulat ng Masbate Police Provincial Office na ipinarating sa Camp Crame, nangyari ang pananambang sa napatay na police personnel bandang alas-7:10 ng gabi habang nakikipag-usap  kay Mylene Olarita, ng NUP, sa gilid ng kalsada sa Brgy. Canvanez, Batuan sa nabanggit na lalawigan.

Naisugod pa sa ospital sa San Fernando, Masbate ang biktima subalit hindi na ito umabot nang buhay dahil sa tinamong mga tama ng bala sa ulo mula sa tumakas na suspek.

Patuloy na tinutugis ng pulisya ang salarin at inatasan na rin ang mga kalapit na police stations sa lugar na maglatag ng checkpoint para sa posibleng pagkakakadakip nito.

 

Please follow and like us:
Read More

SUSPEK SA AMBUSH SA DOLE OFFICIAL NAHAGIP NG CCTV

(NI HARVEY PEREZ)

MAY mukha na ang dalawang gunman na nanambang sa isang opisyal ng Department of Labor and Employment (DOLE) noong Nobyembre 3 ng hapon  sa Malvar St. Malate, Maynila.

Sa press briefing ni NCRPO PBGen Debold Sinas, nakita umano  sa CCTV ang paglabas sa kanyang tanggpan ng biktimang si Helen Dacanay, 59, senior labor and employment officer na nakatalaga sa DOLE Manila head office, at residente ng Block 11, Lot 1, Casimiro THMS Queensrow East, Molino, Bacoor, Cavite at pagsunod ng dalawang lalaking  naka-motorsiklo na posibleng kasamahan ng mga gunman.

Sinundan umano ng dalawang suspek ang kotse ni Dacanay na Honda Brio, na may plakang ACA-7338, at habang binabaybay ang Malvar Street, pagitan ng Singalong at Benitez Streets, ay  nakita rin na bumaba sa sinasakyan nilang motorsiklo ang dalawang gunman  at naghintay sa daraanan ng biktima at nang mapatapat  sa kanila ay saka pinagbabaril si Dacanay.

Nakita  rin sa CCTV na sumakay muli sa motorsiklo ang dalawang gunman   at iniwan ang motor sa Linao St. bago sumakay ng tricycle .

Ilang sandali pa ay may dumating na lalaki at sumakay sa iniwanang motor ng suspek.

Kasabay nito,nanawagan si Sinas sa publiko na kaagad na ipagbigay alam sa Manila Police District (MPD) ang anumang impormasyon sa pagkakilanlan ng mga suspek para mabilis na maaresto ang mga gunman.

Samantala, patuloy pa rin ang MPD-homicide section sa isinasagawang imbestigasyon para matukoy ang motibo ng pagpaslang sa biktima.

Naniniwala ang pulisya na mga hired killers ang  mga pumatay kay Dacanay.

Please follow and like us:
Read More