TRADE RUMORS NAGING INSPIRASYON NI MANUEL

SA halip masira ang diskarte dahil sa trade rumors, ginalingan pang lalo ni Vic Manuel ang laro para tulungan ang Alaska Aces na manatiling buhay ang pag-asa sa playoffs berth ng PBA Governors Cup at tanghaling PBA Press Corps-Cignal Player of the Week.

Tinalo ng 32-anyos na si Manuel sa nasabing weekly honors ang kanyang rookie teammate na si Abu Tratter at pitong iba pang players kabilang sina Kiefer Ravena, Jericho Cruz, at Poy Erram ng NLEX, rookie Bong Quinto, Chris Newsome, at Raymund Almazan ng Meralco, at veteran Barangay Ginebra guard LA Tenorio.

Kumamada si Manuel ng 23 points at 10 rebounds sa huling panalo ng Alaska kontra NorthPort Batang Pier, 106-99, noong Linggo para pagandahin ang record ng Aces sa 3-6 panalo-talo.

Nauna rito kumalat ang balitang ite-trade din si Manuel sa ibang team gaya ni Chris Banchero.

“Last week, kinausap na kami ng management. Yun nga, mukhang papunta na kami sa Phoenix ni Chris. Tapos biglang nabago, hindi natuloy,” ani Manuel.

“Si Chris nakausap ko na rin at sabi nga niya, dun na kami at mukhang reunion kami with Calvin (Abueva) and coach Louie (Alas),” dagdag niya.

Ngunit sa halip sa Phoenix, na-trade si Banchero sa Magnolia kapalit nina Rodney Brondial at Robbie Herndon.

Tinext naman ni Manuel ang kanyang coach na si Jeffrey Cariaso upang linawin kung mate-trade din siya? At nagulat umano siya sa isinagot nito sa kanya.

Sa pahayag ni Manuel na lumabas sa spin.ph, tiniyak umano sa kanya ni Cariaso na hindi siya mate-trade.

“Na-touch ako tapos sabi ko nga, stay na ko. Saka nagustuhan ko rin kako yung mga bagong players ng team. Kaya stay na ko,” paniniguro ni Manuel.

Please follow and like us:
Read More

MISYON NI CARIASO: 1st ALASKA PLAYER, COACH CHAMPION

MAY bago nang coach ang Alaska Aces at siya’y walang iba kundi ang dating player nitong si Jeffrey Cariaso.

Bilang bagong coach ng Aces, misyon ni Cariaso na maging unang Alaska player at coach na magkampeon sa PBA.

Si Cariaso ang longtime deputy ng pinalitan niyang si Alex Compton, nag-resigned kahapon bilang head coach ng Alaska matapos ang limang taon.

Ayon kay Compton, mismong si Alaska team owner Fred Uytengsu ang humiling sa kanyang bumaba na sa puwesto.

“Yesterday at his house, a man I deeply respect, Fred Uytengsu, sat down with me, looked me in the eye, and asked me to step down.”

“I accepted his direction and have agreed to resign as head coach of the Alaska Aces,” dagdag ni Compton. “It has been an honor for me to coach such a storied franchise.”

Sa limang taon niya bilang coach ng Aces, nagawa ni Compton na madala ang team sa limang championship appearances sa 15 conferences, pinakahuli ay ang 2018 PBA Governors’ Cup Finals kung saan natalo sila sa Magnolia.

“We also share that winning (with integrity) is an important aspect of our team, and are grateful that Alex stepped aside to pave the way for someone else to lead our Aces to our next championship,” sabi ni Uytengsu.

Ibinigay ng Alaska management ang kanilang “full trust” sa bagong coach ng team na si Cariaso, na ayon kay Uytengsu ay gusto niyang maging unang Alaska player na manalo ng  championships bilang player at head coach.

“I am honored for the opportunity, and genuinely humbled as I face the challenge,” sabi naman ni Cariaso. “Certainly, I will give my best, nothing less.”

Si Cariaso ay bahagi ng Alaska na binansagang “Team of the 90’s” dahil sa kanilang siyam na championships kasama ang isang grandslam noong 1996. Kabilang din sa naturang team sina Johnny Abarrientos, Jojo Lastimosa at Bong Hawkins.

Please follow and like us:
Read More

MAGNOLIA HINABLOT NG ALASKA

MAGNOLIA-VS-ALASKA

HINDI nagawa ng Magnolia Hotshots na manalo sa ikatlong pagkakataon dahil hinablot ito ng Alaska Aces sa kanilang laban kahapon (Linggo) nang manalo ito sa una.

Ang nakatutuwa ay tinambakan ng Alaska ang Magnolia sa iskor na 100-71 sa Game 3 ng PBA Gover-nors’ Cup finals.

Hindi lang kinayang makadikit ng Alaska sa serye (2-1), pinalasap din nito sa Hotshots ang worst finals loss sa franchise history ng Magnolia.

Pinangunahan ni Mike Harris ang pananalasa ng Aces nang magpaulan ito ng sunod-sunod na puntos kabilang ang tatlong tres, isa sa mga ito ay four-point play pa, at pinalobo ang lamang kontra Hotshots (83-50) sa pagtatapos ng third quarter.

Sa laki ng kalamangan, hindi na pinasok ni Alaska coach Alex Compton si Harris sa fourth quarter.

“I think we had a great defensive effort and we made shots,” ani Compton.

“Overall, the story of the game in the first three quarters was we made a bunch of shots and we didn’t turn the ball over,” susog niya.

Nawala ang bangis na ipinakita ni Romeo Travis sa Game 1 at 2 sa pasabog sa Game 3 ni Harris matapos itong umukit ng 36 puntos at 18 rebounds.

Umayuda kay Harris sina Vic Manuel na gumawa ng 14 puntos, Simon Enciso 12 puntos, at Carl Bryan Cruz 10 puntos, pito rito ay inukit niya sa first half, 50-36.

Maliban kayTravis na may 18 puntos, tanging si Mark Barroca lang sa Hotshots ang nakapagtala ng dou-ble digit score, 13.

ISKOR:

Alaska 100 – Harris 36, Manuel 14, Enciso 12, Cruz 10, Banchero 6, Pascual 4, Teng 4, Galliguez 4, Casio 4, Baclao 2, Andrada 2, Racal 2, Magat 0, Exciminiano 0, Potts 0.

Magnolia 71 – Travis 18, Barroca 13, Herndon 7, Sangalang 7, Mendoza 6, Dela Rosa 5, Abundo 4, Reavis 3, Melton 2, Lee 2, Jalalon 2, Ramos 0, Simon 0, Gamalinda 0, Pascual 0, Brondial 0.

Please follow and like us:
Read More