NENE NILASING BAGO SINIMSIM

RAPE-4

MULI na namang napatunayan na kapag may alak, may balak nang lasingin muna ng isang 28-anyos na lalaki ang isang dalagita saka minolestiya sa Valenzuela City, nitong Lunes ng gabi.

Swak sa selda ang suspek na si Jeffrey Borromeo dahil sa kahalayang ginawa sa 14-anyos na biktimang na itinago sa pangalang “Maine”.  

Napag-alaman, inimbita ni Borromeo si Maine at apat pang kaibigan sa isang inuman sa kanilang bahay sa 133 C. Guansing St., Brgy. Polo.

Alas-7:00 ng gabi nang mahilo na si Maine matapos silang makaubos ng ilang bote ng alak kaya’t hinayaan muna siya ng mga kainuman na pansamantalang magpahinga.

Nang umuwi na ang apat na kainuman ay pinasok umano ng suspek sa kuwarto ang biktima at minolestiya.

Ngunit nang maramdaman ng biktima ang ginagawa ng suspek ay agad itong bumalikwas at umalis.

Pagdating sa kanilang bahay ng biktima ay agad siyang nagsumbong sa ina na mabilis na humingi ng tulong sa mga pulis na nagresulta sa pagkakadakip sa suspek.

Sinampahan ang suspek ng kasong acts of lasciviousness na may kaugnayan sa paglabag sa Anti-Child Abuse Law. (ALAIN AJERO)

Please follow and like us:
Read More

AMA PINATAY SA PANIS NA ALAK

ALAK-11
 AKLAN – Mistulang naburyong ang isang lalaki na pinatay sa taga ang kanyang ama makaraang inumin ang panis na alak, iniulat nitong Martes ng umaga sa lalawigang ito.
Kinilala ang biktimang si Felix Teofilo Cawaling, 64-anyos, habang nadakip ang suspek na anak niyang si Joey Cawaling, 31-anyos, kapwa residente ng Brgy. Cabatanga, Makato, Aklan.
Batay sa report ng Makati Police Station, Sabado ng gabi nang mangyari ang insidente sa loob ng bahay ng mag-ama sa nasabing lugar.
Lumabas sa imbestigasyon, nag-inoman ang mag-ama nang bigla na lamang nagkaroon ng pagtatalo ang mga ito hanggang sa kumuha ng itak ang batang Cawaling at pinagtataga ang ama sa iba’t ibang parte ng katawan.
Agad dinala sa ospital ang matandang Cawaling ngunit idineklarang dead-on-arrival.
Nabatid na ang iniinom na alak ng mag-ama ay ang mga natira sa kanilang ininom.
Dinakip ng nagrespondeng mga pulis ang suspek ngunit hindi nagsampa ng kaso ang pamilya  sa kasunduang hindi na siya uuwi sa kanilang bahay. (ANNIE PINEDA)
Please follow and like us:
Read More

LASING, WALANG GAWANG MAGALING

ALAK-11

(Ni Guillermo Octavio / Huling labas)

TOTOONG walang buting maidudulot ang pagpapakasawa sa alak. Marami ang napapasama at napapariwara dahil sa pag-inom ng alak nang sobra. Hindi nga masama ang uminom ng alak suba­lit kailangang kaya itong dalhin ng isipan. Hindi puwedeng mangibabaw ang espiritu ng alak sa utak ng umiinom dahil kapag nangyari iyon, tiyak na gulo ang mangyayari.

 Walang basagan ng trip

Noong Marso, agaw-buhay ang isang closed-circuit television technician nang pagsasaksakin ng kainuman nang tangkaing umawat ng biktima sa pagtatalo ng suspek at isa pa nilang kainuman  sa Malabon City.

Itinakbo sa Valenzuela Medical Center sanhi ng mga saksak sa katawan si Rannie Garcia, 32, ng 144 Compound, Orange Rd., Barangay  Potrero.

Naaresto naman ang suspek na nakilalang si Renato Badidles, 58,  kapitbahay ng biktima.

Alas-3:40 ng hapon,  umiinom ang biktima, ang suspek at  isa pa nilang kapitbahay na si Wilson Alising, 23, sa loob ng  compound.

Nang tumama na ang alak ay nagtalo ang suspek at si Alising at nang umawat si Garcia ay sa kanya nabaling ang galit ng suspek at tinarakan ang biktima ng screw driver.

Marso rin nang pagsasaksakin at paluin ang isang lalaki ng  grupo ng mga lasing na kalalakihan na binawalan nitong umihi sa tabi ng kanyang bahay sa Caloocan city.

Duguang isinugod sa ospital ang biktimang si  Jerome Sambayon, 38 ng Phase 8 Blok 77 Lot Excess Brgy. 176 Bagong Silang.

Alas-5:45 ng hapon nang mapansin ni Sambayon ang isang tropa ng mga nag-iinuman at nang matuklasang ginawang comfort room ang gilid ng kanyang bahay ay sinita niya ang mga ito.

Kumuha ng bote ang mga suspek  bago pinagtulungang pagpapaluin sa ulo ang biktima na tatakbo sana papasok ng bahay ngunit bumunot pa ng patalim ang isang suspek at inararo ng saksak ang biktima.

Abril naman nang halihawin ng saksak habang umiihi ang isang lalaki ng kainumang best friend na pinauuwi na ng biktima dahil sa kalasi­ngan, sa Malabon City.

Isinugod sa Tondo Medial Center si John Renz, 22, ng 22 Perez Street, Barangay Tonsuya ng lungsod, dahil sa saksak sa leeg at kanang balikat.

Palaisipan naman sa mga pulis kung sino ang sumaksak sa suspek na si Redenze Manaclang, 24,  kapitbahay ng biktima,  na may saksak din sa dibdib at likod nang mahuli sa follow-up operation.

Ayon sa pulisya, alas-2 ng madaling-araw ay tuloy pa sa pagtagay sina Rez at Manac­lang sa kahabaan ng Perez Street, Barangay Tonsuya.

Bilang bespren, pinayuhan ni Renz si Manaclang na umuwi na dahil  lasing na ito at  tumayo na rin si Renz para umuwi ngunit nagpaalam muna ito sa kaibigan na iihi lamang.

Habang dyumidyinggel ang biktima ay sumalipawpaw ang ihi nito nang pagsasaksakin ng tila nahihibang na si Manaclang saka tumakas dala ang ginamit na patalim.

Nakita ni Ryan Revecencio, pinsan ni Renz, na du­guan ito kaya itinakbo sa sa nasabing pagamutan ang kaanak.

Nalaman ng iba pang kaanak ni Renz ang kinaroroonan ni Manaclang at humi­ngi ng tulong mga pulis  at ipinadakip ngunit nang dakpin ay duguan din ito dahil sa mga saksak kaya dinala sa  Jose Reyes Memorial Hospital si Manaclang  at kinasuhan ng frustrated murder

Noon namang Hulyo, hindi na nalagok ng isang 20-anyos na lalaki ang iniaabot  sa kanyang tagay nang aksidenteng mabaril ng kanilang tanggero na iniabot ang baso ng alak gamit ang kamay na may tangang baril sa Caloocan City.

Idineklarang dead-on-arrival sa Tala Hospital sanhi ng tama ng bala sa kanang bahagi ng katawan ang biktimang si  Jomar Selagan, ng San Jose Del Monte, Bulacan at agad na tinugis ng mga pulis ang suspek na si Leo Mape, 19, residente ng Caloocan City, na tumalilis matapos ang insidente.

Nabatid, lumalaklak ng alak ang bitkima at suspek kasama ang isang Christian De Oro, 19,  sa Barangay 185, Malaria  alas-10:30 ng gabi nang may hugutin si Mape mula sa kanyang baywang.

Baril pala ang binunot ni Mape at sinimulang ibida ito sa mga kaharap at nang iaabot na ang tagay ni Selagan ay hawak pa rin niya ang armas.

Aksidenteng nakalabit ni Mape ang baril at pagputok ay tinamaan ng punglo ang biktima na isinugod sa nasabing osptital ngunit sa daan pa lamang ay nalagutan na ito ng hininga.

Hulyo rin nang masakote sa Caloocan City ang isang lasing na driver matapos na mabundol ang isang tricycle na minamaneho ng isang se­nior citizen sa Navotas City  at  maikipaghabulan sa mga pulis.

Lasing pa nang masakote si Ralf Alcalde, 44, ng Block 16, Lot 57, Phase 2 Area 2, Brgy Longos, Malabon City, sa Samson Road nang tinangka niyang takbuhan ang nabanggang tricycle ni Ricardo San Pedro, 71, ng C-4 Road, Brgy Bagumbayan North, Navotas City.

Itinakbo sa Tondo Medical Center si San Pedro para magamot habang ang gray na Suzuki Ciaz, na may conduction no. G0-M126 na minamaneho ng suspek ay dinala sa Navotas impounding area.

Binabagtas ni Alcalde ang  M. De Vera St. Brgy. Navotas West dakong alas-10:15 p.m. nang mabangga ang minamanehong tricycle ng matandang biktima.

Matapos mabangga ay nawalan ng control si  San Ped­ro at bumangga sa puwitan ng  isang Navotas police mobile patrol car, isang Toyota Avanza na sakay na dalawang pulis.

Sa halip na huminto para tulungan ang biktima, humarurot si Alcalde papuntang  C-4 Road, at hinabol ito ng mga nagmamalasakit na riders at sa tulong ng mga pulis ay nadakma  ang suspek sa Samson Road.

Kasong reckless imprudence resulting in physical injury, damage to government and private property at  paglabag sa anti-drunk and drugged driving act ang ikinaso laban sa suspek sa Navotas City Prosecutor’s Office.

Kaya’t ngayong Kapaskuhan, para sa kapakanan ng iba, ng kanilang pamilya, ng ating pamilya, at para na rin sa pansarili nating kaligtasan, mga kaibigan, hinay-hinay lang ang tagay upang ang alak ay mailagay sa tiyan at hindi sa bao na may bumbunan.

Please follow and like us:
Read More

LASING, WALANG GAWANG MAGALING

ALAK-10

(Ni Guillermo Octavio)

Sa panahon ng Kapaskuhan ay kaliwa’t kanan ang mga Christmas at New Year parties.  Laganap ang kasiyahan, pagbibigayan ng mga regalo, pagmamahalan at kainan.

Syempre, kadalasan kapag may kainan, hindi  nawawala ang mga inuman, at ‘pag may inuman, tiyak na may malalasing, dahil anuman ang gawin ng sangkatauhan, hindi pa nito natalo ang espiritu ng alak kailanman.

Kapag malagihay lang ang tama, may mga ginagawa ang mga nakakainom na nakatutuwa, gaya ng paghingi ng tawad sa matagal nang atraso.  Mayroon din namang nakatatawa, gaya ng pag-ihi sa loob refrigerator dahil ito ang una niyang nabuksang pintong mayroong ilaw kaya’t inakala niyang kasilyas ito.  Mayroon din namang hindi na umaalis at doon na mismo umiihi at minsan naghahalo ang ihi at suka.

Ngunit kapag nasobrahan na ang tama ng alak ang tumatagay ang kukote niya ay tiyak nang papasukin ni Taning at  malamang makagagawa ng mga bagay na tanging lasing lamang ang may kakayahang gumawa.

Nito lamang Disyembre  21, amoy chico nang ibalibag sa selda ang isang 23-anyos na istambay matapos dakmain ang ari ng isang 63-anyos na lola at suntukin pa ang isang tanod sa Valenzuela City. Nagawa ito ng suspek siyempre dahil sa tama ng alak.

Acts of Lasciviousness ang ikinaso kay John Paul Lomame, 23, ng Elsewhere St., Looban, Malanday, matapos ang kahalayang ginawa kay alyas “Lola Sela”.

Maliban dito, kakasuhan din ng Direct Assault at Resisting Arrest si Lomame dahil sinapak  din niya si Gregorio Lepon, 43, tanod ng Barangay Barangay Malanday na rumesponde sa paghingi ng tulong ng pinagsamantalahang matanda.

Alas-9 ng gabi ay naglalakad ang biktima sa M.H. Del Pilar St. matapos dumalo sa raffle sa 35 Malanday.

Pa-ekis ekis na nalaglakad dala ng kalasingan ang mahilig na suspek ngunit hindi naman ito pinansin ng matanda.

Hindi akalain ng lola na naispatan na pala siya ng suspek at dagling pinagnasaan kaya’t napahiyaw na lang ang matanda nang dakmain siya sa pagitan ng hita ng buhong na si Lomame.

Narinig ni Lipon ang palahaw ng matanda at agad rumesponde at tinangkang dakpin ang suspek subalit sinalubong siya ng kamao ng suspek at nasapul sa tainga.

Dumating ang iba pang tanod at at mga nagrorondang pulis at dinakip si Lomame na nag-positibong lasing matapos isailalim sa medical examination.

Tunghayan ang ilan pang kwento ngayong 2019 na magpapatunay na ang -nasobrahan ng lasing, kailanman ay walang gagawing magaling.

Silang mga tumanggi sa tagay

Noong Pebrero,  lasing at may black eye nang umuwi ang isang totoy na nasa Ikawalong baitang pa lamang noon matapos na tugisin ng lagari, sapakin at batuhin ng basong may alak ng isang lasing na construction worker nang tumanggi sa tagay ang estudyante sa lungsod ng Valenzuela.

Naglalakad mula sa paaralan sa kahabaan ng Feliciano Street, Barangay Mapulang Lupa  kasama ang mga kaibigan ang 14-anyos na itinago sa pangalang Elmer nang alukin ng tagay ng bangengeng obrerong si Jimmy Mengote, 51.

Tumanggi si Elmer at sinabi umano sa suspek na “Ang sabi ni Inay, ‘wag munang tumagay.”

Dito umusok ang bumbunan ng suspek at ibinato ang basong may alak sa bata saka sinapak.

Nang tumakbo ang bata ay hinabol ito ni Mengote habang armado ng lagari na ikinabulabog ng mga residente at nagresulta sa kanyang pagkakadakip.

Sa selda na nahimasmasan ang suspek at dito na niya napagtantong kinasuhan na siya ng physical injuries at grave threat in relation to child abuse.

Buwan naman ng Abril nang romansahin ng gulpi ng isang biyudo at bataan nito na kapwa lasing hanggang sa hindi na makagulapay ang isang lalaking pauwi lang ng bahay sa Malabon City.

Walang malay nang isinugod sa Tondo Medical Center upang magamot ang mga pinsala at masuri kung may mga nabaling buto ni Nelson Adrino, 30, binata ng C. Perez St., Brgy. Tonsuya.

Nasakote naman at sinampahan  ng kaukulang kaso ang mga suspek na si Mitechell Parcel III, 44, biyudo, ng 129 Joreta St., at Ronie Mark Ortiz, 24, ng 112 C. Perez, kapwa ng Brgy. Tonsuya.

Alas-5:30 pa lang ng hapon ay bangenge na si Parcel  at ang bataan nitong si Ortiz dahil sa maghapong paglaklak ng alak.

Naglalakad si  Adrino  sa kahabaan ng C. Perez St. pauwi nang harangin ng dalawang lasing at inimbitahan sa kanilang inuman.

Umayaw si ang biktima at dito umusok ang bumbunan ng dalawang suspek at -sinimulang kulatain ang hindi na nakapormang si Adrino.

Nahinto lamang ang panggugulpi ng mga suspek nang  may rumespondeng mga barangay tanod  ngunit sa puntong ito ay halos gulay na ang biktima.

Dagling dinakip ang dalawa at itinakbo naman sa nasabing ospital  ang biktima.    (May Karugtong)

Please follow and like us:
Read More

KAPAG MAY ALAK, MAY BALAK (3)

DRUNK LADY

Hindi nagtagumpay sa masamang plano

(NI MAC CABREROS)

MARAMING insidente ang naganap na nagtagumpay ang mga manyak na nanghalay ng kanilang mga biktima dahil sa lakas ng loob na dulot ng tapang na hiniram sa espiritu ng alak.

May ilang nahuli at nakulong kaya naman kahit paano ay naibsan ang sakit at hapding dulot ng masamang karanasan sa mga biktima.

Subalit hindi naman natatapos sa pagkakakulong ang sakit na pinagdaanan ng mga naging biktima at pamilya ng mga ito. Dahil hindi lang naman doon natatapos ang masamang panaginip na kanilang pinag­daanan. Kailangan pa rin ang katarungan at iyon ay kanilang hihintayin pa hanggang mahatulan ang mga nagkasala.

Alam naman ng ma­rami na ang masaklap na kapala­ran ng biktima sa kamay ng kanyang salarin ay kanyang dadalhin sa kanyang buong buhay sapagkat ito ay tatanim na sa kanyang isipan.

Kapag lumaban ang api

Sa kabutihang palad, hindi lahat ng mga balak ng mga manyak na lango sa alak ay nagtatagumpay, lalo na kapag buo ang loob ng kanilang ina­api, gaya ng isang 23-anyos na gurong  nakaligtas sa isang lasing na  manyak na niromansa na siya ng gulpi makaraang manlaban matapos na hubaran at tangkaing halayin sa loob ng isang abandonadong bahay sa Valenzuela City noong Hunyo.

Sa tulong ng isang nagmalasakit na tricycle driver at mga maagap na  opisyal at tanod ng barangay ay nailigtas ang puri ng guro na iti­nago sa pangalang Charo, ng isang subdivision sa Barangay Gen. T. De Leon mula sa sa manyakis na si Romnick Pa­dua, 30, ng Jeremias St., Pag-asa, Barangay Karuhatan na kinasuhan ng attempted rape at physical injuries sa Valenzuela City Prosecutor’s Office.

Naglalakad pauwi ang guro dakong alas-11:40 ng gabi nang hablutin mula sa likuran at puwersahang kina­ladkad ng lasing na suspek papasok sa isang abandonadong bahay sa Tamaraw Hills, Barangay Marulas.

Nagpumiglas si Charo subalit nangibabaw ang lakas ng suspek hanggang maipasok siya sa loob ng bahay at sini­mulang hubaran habang nakasubsob ang mukha sa sahig.

Nang dakmain at himasin ni Padua ang dibdib ng guro habang sapilitang inaalis ang natitirang saplot sa katawan ay itinodo ng biktima ang kanyang lakas at pilit na nanlaban kaya’t sa galit ay pinagbubugbog siya ng suspek.

Napukaw ang atensyon ng dumaraang tricycle driver na si Eugenio Guzman, Jr. sa sigaw ng guro kaya’t sinilip niya ang loob ng abandonadong bahay at nakita niya ang ginagawang panggugulpi ng suspek sa halos nakahubad nang biktima.

Humingi ng tulong sa mga tanod ng Barangay Marulas ang testigo na nag resulta sa pagkakadakip sa suspek.

Nito lang Nobyembre, naudlot ang panggagahasa sa isang bubot na bebot nang tadyakan ng biktima sa pagitan ng hita ang suspek na isang tricycle driver sa Malabon City.

Kulungan ang binagsakan ni Joel Mantaotao, 38, ng People’s Village, Barangay Catmon matapos lamutakin at muntik nang magahasa ang 17-anyos na Grade 12 student ng Arellano University na iti­nago sa pangalang “Cynthia”.

Bago nangyari ang bigong panggagahasa, nag-iinuman ang suspek at ang ama ni Cynthia sa kanilang bahay sa Hernandez St., Barangay  Catmon dakong alas-9 ng gabi.

Lingid sa kaalaman ng tatay ni Cynthia, dinadaya siya sa tagay ng suspek dahil may balak ito sa kanyang anak at ilang ikutan lamang ng baso ay nakatulog kaagad sa labis na kalasingan ang ama ng dalagita.

Nang inililigpit na ni Cynthia ang  pinag-inuman ng ama at ng suspek ay dinaluhong na ng suspek ang biktima at pinaghihimas ang hita ng dalagita.

Dala ng takot at pagka­bigla, hindi kaagad nakapalag si Cynthia at inakala ng suspek na nagustuhan ng dalagita ang kanyang ginagawa hanggang isandal niya sa pader ang biktima at pinupog ng halik at sinisimulan nang lamutakin ang dibdib ng nene.

Dito ay biglang sinipa ng biktima ang suspek sa pagitan ng hita saka nagtatakbong palabas at nasabat ng mga nagrorondang ta­nod na sina Jay Ar Ronquillo at Ronaldo Santiago at agad ipinahuli ng biktima.

Nawa ay magsilbing aral ang mga kinalap na pangyayari ng may-akda  lalo na ng mga kabataang babae upang makaiwas sila sa masamang posib­leng kahinatnan sa kamay ng mga manyak.

Please follow and like us:
Read More

KAPAG MAY ALAK, MAY BALAK (2)

LADY DRUNK

(Ni Guillermo Octavio)

Los Demoñitos

MAYROON namang mga bata pa lamang ay may mga sungay na, tulad ng 17-anyos na lalaki na dinakip dahil sa dalawang beses na  panggagahasa sa isang 13-anyos na babae sa Valenzuela City.

Inaresto ang suspek na itinago sa pangalang Marlito sa kanyang bahay sa Dulong Tangke St., Barangay Malin­ta matapos na humingi  ng tulong ang ina ng biktimang itinago sa pangalang Tisha sa Valenzuela City Child Protection Center nang malaman ang nangyari sa dalagitang anak.

Nabatid, pumunta ang biktima at isang kaibigan sa Valenzuela People’s Park Lunes, Hunyo 17, at nakipagtagpo sa suspek na umimbita sa kanila sa kanyang bahay.

Alas-10:30 ng gabi ay umuwi ang kasama ni Tisha at naiwang mag-isa ang biktima at nakumbinsi ni Marlito na makipagtalik.

Pag-uwi ni Tisha sa kanilang bahay nang Martes ng hapon ay kinagalitan siya ng ina hanggang sa aminin ng nene na nakipagtalik siya kay Marlito.

Isinalaysay pa ng biktima na noong Marso 14, kasama niya ang isang nagngangalang Nicole ay pumunta sila sa bahay ni Marlito at nakipag-inuman kasama ang isang nakilala lamang bilang Kuya AJ.

Nang tamaan na ng alak ay pumunta sila sa rooftop ng isang abandonadong bahay sa Malinta kung saan unang ginahasa ni Marlito si Tisha.

Kinasuhan si Marlito ng consented abduction at two counts ng rape sa Valenzuela City Prosecutor’s Office.

Kamanyakan naman ang natutunan sa paaralan ng dalawang totoy na halinhinang ginahasa ang nilasing nilang 13-anyos na kaklase, sa Valenzuela City.

Dinampot ang estudyante ng alternative learning system (ALS) na sina Christian Aranas, 18, at isang 17-anyos na itinago sa pangalang “Jeremiah” na inilipat na sa City Social Welfare and Development Office (CSWDO).

Inimbita ni Jeremiah ang biktimang itinago sa pangalang Kathryn na pumunta sa kanyang birthday party sa Sitio Kabatuhan, Barangay  Gen. T. De Leon pagkatapos ng klase.

Pumunta naman si Kathryn ngunit lingid sa kaalaman nito ay idadaan ni Jeremiah at Aranas ang maitim na balak sa alak at pagdating pa lamang sa party ay sinalubong na ng tagay ang dalagita.

Hindi na namalayan ni Kathryn na nakakarami na siya ng tagay hanggang sa siya ay mawalan ng malay at maram­daman na lamang niyang may mga kamay na naglilikot sa pagitan ng kanyang mga hita.

Nagpapasag si Kathryn ngunit wala itong nagawa sa dalawang kaklaseng hayok sa laman na halinhinang gumahasa sa kanya.

Hindi pa kuntento sa kanilang kahayupan, nang makaraos ay kinaladkad na parang hayop ng mga suspek si Kathryn at iniwang parang nanlilimahid na basahan sa ilalim ng malakas na ulan sa Camcam Street, Barangay Gen. T. De Leon bago magmadaling-araw.

Kahit na nalamog ang katawan at naluray ang dangal ay pinilit makauwi ni Kathryn at isinalaysay sa kanyang ina ang malupit at kahalayang sinapit sa kamay ng dalawang manyka na kaklase.

Wala namang inaksa­yang sandali ang ina ni Kathryn at pumunta sa himpilan ng pulisya at ipinadakip ang  dala­wang manyakis na binatilyo.

Kawangis ng nangyari kay Kathryn ang sinapit  ng dalawang 15-anyos na dalagita sa kamay ng kanilang dalawang kaeskuwela at itinuturing na kaibigan sa Navotas City.

Inimbitahan ng mga suspek na si Chijaiky Arex Alonzo, 19 at 17-anyos na itinago sa alyas “Noel” ang mga biktima na itinago sa pangalang “Donna” at “Mean”, kapwa Grade 10 students, na mag-inuman sa isang bahay sa Policarpio St.,  Barangay San Jose na pinaunlakan naman ng dalawang dalagita.

Pagsapit ng alas-11 ng gabi, nalasing ang mga biktima at hindi na makagulapay subalit sa halip na ihatid pauwi, sinamantala ng mga suspek ang kalasingan ng dalawa at magkasabay nilang ginahasa ang mga ito sa loob ng naturang bahay.

Nagawa lamang makauwi ng dalawang biktima sa kani-kanilang bahay matapos mahimasmasan at isinumbong sa kani-kanilang magulang ang kahalayang ginawa sa kanila ng kaeskuwela.

Kaagad namang humingi ng tulong sa pulisya ang mga magulang ng mga biktima na nagresulta sa pagkakadakip sa dalawang suspek sa ginawang follow-up operation.

Mga pinulutan ng kainuman

Hindi lamang mga nene ang mga pinagsasamantalahan ng mga lasing, mayroon ding mga nasa hustong gulang, ngunit wala sa hustong pag-iisip, dahil sila man ay lasing din, gaya ng isang dalagang call center agent na nilantakan ng kainumang lalaki nong Hul­yo sa  Valenzuela City.

Agad nagsumbong sa pulisya ang 27-anyos na biktimang itinago sa pangalang “Annaylyn” nang ibalik siya ng suspek na si Jay Castaneda, 40, sa kanilang pinag-inuman.

Kasama sa barkada ang biktima at suspek na nag-iinuman sa Mico’s Bar sa Deparo, Caloocan City na inabot ng madaling araw.

Dala ng kalasingan,  ina­lok ng suspek si Annalyn na sumakay na sa kanyang motorsiklo dakong ala-1 ng madaling araw at ihahatid umano ang dalaga pauwi kaya pumayag naman ang biktima.

Sa kabiglaan ng biktima, sa halip na ihatid siya kanyang bahay, ay dinala siya ng suspek sa bahay nito sa Unit 9, Cora Apartment, Ibaba St., Barangay Bignay, Valenzuela City at ginahasa.

Nang makaraos ang makamundong pagnanasa, parang pinagsawaang napulot na laruan na ibinalik ng suspek ang biktima sa pinag-inuman nilang bar.

Dumiretso sa istasyon ng pulis ang biktima upang magsumbong na nagresulta sa pagkakadakip sa manyak na kainuman.

Kalaboso naman ang isang 50-anyos na lalaki na namburaot muna ng alak sa tagayan ng mga kababaihan bago binola ang isa sa mga ito na naghahanap ng mauuupahan na patutuluying ng libre sa kanyang bahay  ngunit plano palang gagahasain sa Valenzuela City noon ding Hulyo .

Kinasuhan ng rape ang suspek na nakilalang si Rober­to Abalos, alyas “Obet”, binata, machine operator, ng Villa­nueva Compound, Tatalon St., Ugong, Valenzuela City.

Sa salaysay ng biktimang itinago sa pangalang Teresa, tumatagay sila ng mga katropang babae nang makitagay ang suspek at nabanggit sa kwentuhan na naghahanap ang biktima ng marerentahang bahay o silid.

Sa puntong ito ay nagyabang ang suspek na maaaring tumuloy si Teresa ng libre sa kanyang bahay at sa paghahangad na makatipid ay sumama ang biktima sa bahay ni Abalos.

Pagkapasok sa bahay ay nagkukumahog na ikinandado ng suspek ang pinto saka dumampot ng kutsilyo at itinutok sa biktima saka ito pinaghubad na pilit at ginahasa.

Nang makaaos ay nali­ngat ang suspek ay sinamantala ito ng biktima at tumakas saka dumiretso sa kanilang barangay na mabilis kumilos kasama ang mga pulis na dumakip sa suspek. May karugtong

Please follow and like us:
Read More

KAPAG MAY ALAK, MAY BALAK (1)

RAPE-ALAK

(NI GUILLERMO OCTAVIO)

PALASAK na sa kasa­lukuyan, at maaari na sigurong ituring na makabagong “kasabihan” ang linyang “’Pag may alak, may balak”. Tunghayan ang ilang kwentong nagpapatunay ito ay totoo, itaga mo sa bato.

Niñas Inocentes

Malimit na biktima ng mga may masamang balak ay yaong mga wala pa sa hustong gulang at wala pang muwang sa kamunduhan.

Noong Enero ng taong kasalukuyan, isang 15-anyos na dalagita ang dumulog sa pulisya matapos kapain ng isang lasing na kanyang nakasalubong ang kanyang pinakaiingatang hiyas sa Malabon City.

Arestado ang suspek na si Glenn Bodanyo, 37, ng James Village, Magsaysay St.,  ng Barangay San Agustin at kinasuhan ng Acts of Lasciviousness in relation to Republic Act 7610 o Special Protection of Children Against Abuse, Exploitation and Discrimination Act.

Alas-12:30 ng madaling araw ay naglalakad pauwi ang biktimang itinago sa pangalang “Joan” sa kahabaan ng Magsaysay St. kasama ang kanyang pinsan nang makasalubong ng mga ito ang suspek na lango sa alak at biglan na dinaklot ang pagitan ng hita ni Joan.

Agad humingi ng tulong sa mga barangay tanod na sina Winston Anthony Bulado at Ricardo Quiambao  ang biktima at dinampot si Bodanyo.

Buwan naman ng Pebrero nang makalaboso ang isang 29-anyos na lalaking lasing makaraang ireklamo ng pangmomolestiya sa 11-anyos na neneng na  nakitulog para gumawa ng school project  sa Navotas City.

Sa karsel humantong ang suspek na si Aljohn Mariano ng Suarez St., ng Barangay  Daang Hari.

Pumunta ang biktimang si “Lisa,” na nasa Ikaanim na Baitang, sa bahay ng kanyang kaklaseng kapitbahay ng suspek upang gumawa ng kanilang project ngunit ginabi ito at nakitulog na lamang.

Alas-11 ng gabi , nagulat ang ina ng kaklase ng biktima na si Rowena Cruz, 41, nang mabulagang minomolestya ni Mariano ang nene at nang sitahin ay tumalilis ito lulan ng motorsiklo.

Dumulog ang biktima at mga saksi sa mga tanod at sa follow-up operation ng mga tanod kasama ang mga pulis ay nasakote ang suspek.

Noon namang Abril ay hinalay ng isang 29-anyos na obrero ang 12-anyos na babaeng aanak ng kanyang nila­sing na kainuman  sa Valenzuela City.

Nasakote malapit sa kanyang bahay ang suspek na si Ronel Belano sa Block 12, Lot 6, Northville 1B, Barangay Punturin matapos magreklamo sa pulisya ang biktimang itinago sa pangalang Alma kasama ang kanyang ama.

Ala-1:50 ng madaling araw  ay naalimpungatan si Alma dahil may mga pangahas na kamay na lumalamutak sa kanyang mga hita..

Gumapang ang makasa­langang mga kamay at sumunod na nilamas ang dibdib ng nene at sinimulang nang sibasibin ng halik ng mahiwagang lalaki ang labi nang nagpupumiglas na si Alma.

Kasunod nito ay dinakma ng lalaki at dinalirot ang kaselanan ni Alma at dito ay nakakuha ng sapat na lakas ang biktima at naitulak ang nakapatong na at halos walang saplot na suspek.

Nang buksan ni Alma ang ilaw ay bumulaga ang maaskad na karakas ni Belano na natandaan niyang noon lamang nagdaang gabi ay kainuman ng kanyang tatay.

Sa takot ay napalundag palabas ng bintana ang biktima at humingi ng tulong.

Lumitaw sa  sa pagsusuri sa Valenzuela City Emergency Hospital na positbong naka­inom ang suspek na kakasuhan ng panghahalay at paglabag sa R.A 7610 sa Valenzuela City Prosecutor’s Office.

Hunyo naman ang damputin ang isang 29-anyos na lasing na construction worker matapos na molestiyahin ang menor-de-edad na kapitbahay sa Navotas City.

Lango sa alak nang damputin ang suspek na si Alvin Rosales, ng Barangay San Jose matapos na ireklamo ng 13-anyos na neneng kalugar na nasa Grade 6 pa lamang.

Natutulog ang biktimang itinago sa pangalang Conchita sa kanilang bahay alas-5 ng umaga nang pasukin ng senglot na suspek at ipasok ang daliri sa ari ng biktima.

Nagising sa sakit si Conchita at nagtatakbo sa kanyang ama na sinabayan ng takas ng suspek na kinalaunan ay nada­kip din ng mga pulis at sasampahan ng kaukulang kaso.

Noon namang buwan ng Hulyo ay sa pighati humantong ang pagmamagandang loob ng isang nene nang gahasain siya ng lasing sa bahay kung saan nagpasama ang isang kaibigan nang umayaw ang biktima sa tagay.

Lamog ang katawan ng 16-anyos biktimang itinago sa pangalang “Divina” at nagdurugo pa ang ari nang magsumbong sa kanyang 49-anyos na ina nang makauwi.

Wala namang inaksa­yang oras ang ina ng biktima at nagsumbong sa mga pulis na nagresulta sa pagkakadakip sa suspek na si Lolito Gavila, 29, ng  Barangay Bangkulasi.

Pinakiusapan  umano ng isang kaibigang babae si Divina na samahan siya sa bahay ng suspek upang kunin ang hindi batid na halaga ng salapi.

Nagdalang-awa si Divina sa kaibigan dahil maghahatinggabi at dinatnan nila si Gavila na umiinon ng alak mag-isa sa loob ng kanyang bahay.

Nang magpaalam na lalabas lang sandali ang kaibigan ni Divina ay inabutan ng suspek ang biktima ng tagay ngunit tumanggi ang dalagita.

Dito ay pinasok ng espiritu ni Satanas ang kukote ni Gavilla at pwersahang hinubaran ang dalagita at sa kabila ng panlalaban ay nailugso ng buhong na suspek ang puri ni Divina.

Kasong Rape in Relation to Special Protection of Children Against Child Abuse, Exploitation and Discrimination Act ang isinampa laban sa suspek.

Hulyo rin  nang  ibalibag sa selda ang isang lasing na tricycle driver matapos lamutakin ang ari ng isang 9-anyos na nene sa Navotas City.

Kinasuhan ng acts of lasciviousness in relation to R.A. 7610 si Arthur Esase, 44, matapos damputin sa harap ng tinitirhang bahay sa 1234 Rajah Matanda St., ng nasabing barangay nang magreklamo ang ina ng biktimang nasa Ikatlong baitang pa lamang.

Ayon sa pulisya, alas-5 ng hapon ay  inutusan ng kanyang inang si “Janet,” 51, ang anak na si “Jamie” na bumili ng gamot isang botika sa Leongson St., Bgy San Roque alas-5 ng hapon.

Habang bumibili ng gamot ay naispatan ng lasing na suspek ang biktima at tinopak kaya kinarga ang bata at nilamutak ang ari nito.

Parang dalag na nagpapasag si Jamie hanggang makawala saka kumaripas ng takbo pauwi at nagsumbong sa kanyang nanay.

Dumulog sa barangay ang nanay ng biktima at nasakote ng mga tanod at pulis sa follow-up operation si Esase.

May karugtong

Please follow and like us:
Read More

DALAGITA NILASING; 42-ANYOS KAINUMAN HULI SA RAPE 

(NI ANNIE PINEDA)

“BASTA may alak, may balak!”

MULI na naman napatunayan ang salita sa nasabing kanta, makaraan gahasain ang isang 16-anyos ng lalaking kanyang kainuman sa loob ng bahay nito, sa Kalibo, Aklan.

Kinilala ang nadakip na si Malcom Salayon, 42, ng nasabing bayan.

Batay sa report ng Kalibo Police station, dumulog sa kanilang himpilan ang 16-anyos na dalagita at kaibigan nito para pormal na magsampa ng reklamo laban sa suspek.

Kuwento ng biktima, niyaya sila ng suspek sa bahay nito na mag-inuman. Makalipas ang ilang oras ay nalasing sila kaya nakatulog ang mga ito sa bahay ng suspek.

Sinabi naman ng kaibigan ng biktima, nakarinig siya ng boses ng babae na tila nasasaktan kaya bigla siyang bumangon at napansin na hindi na nito katabi ang biktima kaya tinunton niya ang silid ng suspek.

Bumungad sa kanyang harapan ang nakahubad na kaibigan at nakakubabaw ang suspek na wala na ring pang ibaba at ginagahasa ang biktima.

Mabilis niyang itinulak ang suspek at hinila ang biktima saka nagsuot ng damit at tumakbo palabas ng bahay , sakto naman nakita sila ng dalawang market collector at nagpatulong sila para dalhin sa nasabing himpilan ng pulisya.

Mabilis naman tumugon ang mga awtoridad at nadakip ang suspek sa loob ng bahay nito at itinanggi ang akusasyon laban sa kanya.

Nakatakda naman sampahan ng kasong rape ang suspek.

 

Please follow and like us:
Read More

MASAMANG EPEKTO NANG PAG-INOM NG ALAK

ALAK

(Ni ANET VERGEL)

SINASABING nakabubuti rin sa katawan ang katamtamang pag-inom ng alak dahil maraming sakit na posibleng ­maramdaman ng katawan ang napipigilan nito.

Subalit kapag labis na sa itinakdang dami ng alkohol sa katawan, posibleng hindi na maganda ang epekto nang pag-inom ng alak.

Ayon sa mga manggagamit, ang  labis na pag-iinom ng alak ay nagdudulot ng hindi magandang epekto sa ­ating katawan at maging sa ating isipan. Ito ay posibleng mauwi sa mild hanggang life threatening na sakit gaya ng mga sumusunod

Emphysema. Ang baga o lungs ay ­nangangailangan maging elastic at ­flexible upang tayo ay makahinga ng maayos. Ngunit ang ­paninigarilyo ay maaring magdulot ng pagkasira ng ating lungs na magbibigay-dahilan upang masira ang pagiging elastic nito. Ito ay posibleng maging sanhi ng emphysema na kung saan tayo ay nahihirapan huminga. Ayon sa tala ng PDRHealth, ang paninigarilyo ang pangunahing sanhi sa lahat ng kaso ng emphysema.

Lung Cancer. Ang labis na paninigarilyo ang pangunahing dahilan ng lung cancer, kasama na rito ang mga first-hand smoker at second-hand smoker. Ang mga second-hand smoke ay maaaring magtagal pa ng ilang oras loob sa isang kwarto kahit ang wala na doon ang smoker.

Erectile dysfunction. Maaa-ring magkaroon ng erectile dysfunction ang isang lalaki kung siya ay malakas manigarilyo at uminom ng alak, Upang makamit ang tamang erection, nararapat din na maayos ang daloy ng dugo patungo sa kanyang penis.

Kulubot sa noo at mukha. Ang ating balat o skin ay binubuo ng mga elastin at collagen fiber. Ang nicotine at iba pang harmful chemicals ay nakakasira ng collagen at elastin na nagdudulot upang magkaroon ng premature wrinkling. ito ay maaaring makaapekto sa ating katawan pati na rin sa ating mukha at braso

High Blood Pressure o pagtaas ng presyon. Ang madalas na pag-inom at pani-nigarilyo ay maaaring maging sanhi upang magkaroon tayo ng high blood pressure. Kapag ito ay hindi naagapan posibleng ito ay mauwi sa mas malalang sakit gaya ng atake sa puso, pagkasira ng kidney, stroke, vision lost at congestive heart failure.

Upang maiwasan ang pagkakaroon ng mga nabanggit na sakit, dapat na iwasan ang sobrang pag-inom ng alak.

Ang pangunahing dahilan nang pagtataas ng pamahalaan ng  presyo ng buwis sa alak ay upang hindi na makabili ang marami subalit tila balewala ito sa mga lulong na.

Bukod sa mga sakit na posibleng idulot ng sobrang pag-inom ng alak, malaki rin ang posibilidad na may iba pang problemang kaakibat ito.

UMAAKIT NG ­DISGRASYA

Kapag ang isang tao ay lasing o pinasukan na ng ­sobrang alkohol ang katawan at utak, malaki ang epekto nito sa kanyang kakayahang magdesisyon. Kaya naman nagkakagawa ng pagkakamali na kapag nawala ang kalasi-ngan ay malaki ang pagsisisi.

Isang halimbawa ay ang kakayahang magmaneho kung kaya’t nagkakaroon ng disgrasya na pangunahing sanhi ng aksidente at kamatayan sa Pilipinas.

Maaari ring mapaaway ang mga lasing na pwede ring magbigay-daan sa aksidente. Importante rin, ang kalasi-ngan ay maaaring magdulot sa high-risk sexual behavior dahil ­inaalis nito ay hiya o inhibisyon sa mga tao.

Habang lasing, sira rin ang kakahayan na balansehin ang katawan. Maaaring matumba, madapa, matapilok, o makaranas ng iba’t ibang aksidente habang lasing.

NAKAKASIRA NG PAMILYA, BUHAY

Disgraya nga ang hatid ng sobrang pag-inom ng alak kaya’t maituturing ding disgraya sa ngalan ng pamilya at buhay ng manginginom.

Sa paglalasing lalo na kapag naging adik na sa alak, nauubos ang panahon sa pag-iinom sa halip na sa pag-aaral, trabaho o kapaki-pakinabang na gawain na hindi lang sarili ang makakakuha ng benepisyo subalit maging ang pamilya at lipunan.

Kaya naman, dapat ay hindi magpaalipin sa alak. Walang masama kung uminom subalit dapat ay katamtaman lang tulad nang pag-inom ng isang boteng beer o isang basong alak sa loob ng isang araw.

Subalit kapag sobra na at nauuwi na sa pagiging adik sa alak o alcoholic na ang pag-inom nararapat lang na kumonsulta na sa manggagamot. Hindi dapat mag-atubiling humingi ng tulong sa doktor sapagkat malaki ang maitutulong nito upang mapigilang maging sugapa sa alak.

Maisip sana ng taong palainom ng alak na hindi lang buhay niya ang kanyang sinisira sa sobrang pag-inom ng alak subalit maging ang buhay ng kanyang pamilya at mga kaanak na nasasangkot sa ­kanyang maling desisyon kapag nasa impluwensiya na ng alak.

Please follow and like us:
Read More

MABUTING DULOT NANG PAG-INOM NG ALAK 

ALAK-1

(Ni Anet Vergel )

HANGGANG nga­yon, hati pa rin ang opinyon ng nakararami maging ng mga doktor kaugnay sa kabutihan o masamang dulot ng alak sa katawan ng tao.

Subalit marami ang nagsasabi na napatunayan sa pag-aaral na ang katamtamang pag-inom ng alak ay may ibi­nibigay na proteksiyon para maiwasang magkasakit sa puso. Sinasabi pa na ang red wine ay mga karagdagang benepisyo katulad ng pagbaba para hindi magkaroon ng blood clot at mahusay ding antioxidant.

May taglay na kabutihan sa kalusugan ang pag-inom ng alak.

Maaaring ang isang linggong pagtratrabaho ay hindi makagaganda sa pangangatawan at kaisipan ng isang tao subalit ang katamtamang pag-inom ng alak ay may mabuting dulot sa katawan.

Pero dapat tandaan na ang pag-inom ng alak ay dapat ibase sa pangangatawan at kalusugan ng isang indibidwal.

Sinabi ng Dietary Guidelines for Americans, ang katamtamang pag-inom ng alak ay nangangahulugang isang baso sa isang araw para sa mga babae habang dalawa naman bawat araw para sa mga lalaki.

Natural, kapag sumobra sa nakatakdang dami ay hindi na makagaganda sa katawan. Kaya nga dapat malaman ang mga benepisyo ng katamtamang pag-inom ng alak.

Mga Benepisyo nang pag-inom ng alak.

  1. Napapababa nito ang panganib ng pagkakaroon ng pagbabara sa daanang ugat ng puso.

Sa pag-aaral ng School of Public Health sa Harvard University, napatunayang ang katamtamang pag-inom ng alak ay nagpapataas ng antas ng “High-density lipoprotein (HDL) o “good cholesterol” at  antas ng HDL na may kahalong mas angat na proteksyon laban sa sakit sa puso. Ang katamtamang pag-inom ng alak ay nauugnay sa nakatutulong na mga pagbabago mula sa mas maayos na daloy ng dugo upang maiwasan ang pagbubuo-buo na nagiging bara sa mga daluyang ugat.  Ang pagbabagong dulot ng katamtamang pag-inom ng alak ay posibleng pumigil sa pagkakaroon ng maliliit na buong dugo na posibleng makabara sa mga ugat ng puso, leeg, at utak na siyang pangunahin dahilan nang pagkakaroon ng atake sa puso at maging ng tinatawag na “stroke.” Kapwa dumaranas ang mga babae’t lalaki ng ga­nitong sakit o sa madaling salita ay walang pinipili ang sakit sa puso.

  1.  Nagpapahaba ng buhay.

Ang pag-inom ng alak paminsan-minsan ay posibleng makadagdag ng ilang taon pa sa buhay ng tao. Sa pag-aaaral ng Catholic University of Campobasso, naiulat na ang pag-inom ng mas mababa sa  dalawa hanggang apat na baso sa isang araw ng mga lalaki at babae ay posibleng makabawas ng 18 porsiyento ng panganib sa pagkamatay. Sinabi ni Dr. Giovanni de Gaetano, ng Catholic University, ang konting alak lalo na kapag hapunan ang siyang tamang paraan nang pag-inom. Ayon pa kay de Gaetano, isa pang may-akda ng pag-aaral, bahagi ng Mediterranean diet, kung saan tamang-tama lang ang dami ng alak na bahagi to ng hapunan o tanghalian su­balit ang ibang bahagi ng araw ay wala nang iniinom na alak o alcohol.

  1.  Pinapataas ang libido.

Kabaligtaran ng mga matatandang paniniwala, napag-aralan sa bagong pagsusuri na ang katamtamang pag-inom ng alak at posibleng makapigil sa hindi pagtigas ng ari at maagang paglalabas ng libog na tulad ng paginom ng red wine na malaki ang benepisyo lalo na ng mga may sakit sa puso. Sa pag-aaral noong 2009 na nailathala sa Journal of Sexual Medicine, nakita ng mga mananaliksik na nabawasan ng 25 hanggang 30 porsiyento ang hindi madalas na pagtayo ng ari ng mga manginginom. Ayon sa lead researcher na si Kew Kim Chew, isang epidemiologist sa University of West Australia na nagsagawa ng pananaliksik sa 1,770 kalalakihan sa Australia, pinapayuhan niya at kanyang mga kasamahan ang mga kalalakihan na huwag ubusin ang laman ng bote at sa halip ay katamtaman lang ang inumin dahil may koneksyon ang labis na pag-inom ng alak sa pagkabaog.

  1. Nakatutulong sa pagpigil ng sipon.

NAPATUNAYAN ng  Department of Psychology sa Carnegie Mellon University na marami ang nagkakaroon ng sipon dahil sa paninigaril­yo subalit ang katamtamang pag-inom ng alak ay nakababawasa naman sa pagkakaroon ng sipon lalo na sa mga hindi naninigarilyo.  Ang pag-aaral na ito ay isinagawa noong 1993 sa 391 matatanda. Noong 2002, ayon sa New York Times, nakita ng mga mananaliksik na ang pag-i­nom ng walo hanggang 14 na baso ng alak sa isang linggo, lalo na ang red wine, ay nagbabawas ng 60 porsiyento ng panganib ng pagkakaroon ng sipon. Naniniwala ang mga siyentipiko na posibleng may kinalaman ang anti-oxidant properties ng alak sa paglaban sa sipon.

  1.  Pinipigilang maging sinto-sinto.

Sa pag-aaral na ginawa ng Journal of Neuropsychiatric Disease and Treatment ang katamtamang pag-inom ng alak ay nakababawas ng 23 porsiyento sa pagkakaroon ng problema sa pag-iisip o Alzheimer’s disease at iba pang uri tulad ng dementia o pagkabaliw.  Sinabi ni Edward Neafsey, PhD, ang konting alak ay posibleng makapagpataas sa produksyon ng brain cells at pinatatatag ang utak laban sa “stress” at mas pinatatatag ang iba pang bahagi ng utak upang mapaglabanan ang pagkakaroon ng sakit sa utak na dahilan ng sakit na pagkabaliw. Kaya nga ipinapayo ni Neafsey sa mga hindi marunong uminom ng alak na huwag nang mag-aral pang uminom o huwag uminom ng anumang uri ng nakalalasing na likido. Subalit idiniin nito na ang katamtamang pag-i­nom ng alak — kung totoong katamtaman— ay makabubuti sa katawan.

  1. Binabawasan ang panga­nib ng bato sa apdo

Ang pag-inom ng dalawang baso ng alak sa isang araw ay makababawas sa panganib ng pagkakaroon ng bato sa apdo ng halos 33 porsiyento, ayon sa mga mananaliksik ng University of East Anglia. Nakita sa pag-aaral na ang mga nakakaubos ng dalawang baso ng alak sa isang araw ay nagkakaroon ng  malakas na panlaban sa pagkakaroon ng bato sa apdo. Iginiit ng mga mananaliksik na nakita nila sa kanilang pag-aaral na malaki ang benepisyong dulot ng katamtamang pag-inom ng alak dahil malaki ang bawas nito sa mga sakit na dapat sumakatawan ng taong tama lang ang dami ng naiinom na alak.

  1. Bawas sa pagkakaroon ng diabetes

Sa resulta ng pag-aaral sa Holland, ipinakikita na ang malulusog na tao lalo na matatanda ay umiinom ng isa hanggang dalawang baso ng alak kaya naman, nababawasan ang posibilidad na magkaroon ng type 2 diabetes. Ito ay kumpara sa  mga taong hindi umiinom ng alak kahit kailan. Sinabi sa pahayag, ang resulta ng pag-aaral na nagpapakita ng katamtamang pag-inom ng alak ay pagkakaroon ng malusog na buhay kung kaya’t nababawasan ang pagkakaroon ng type 2 diabetes.

Please follow and like us:
Read More