ADIK NA BASURERO GINUTOM ANG SANGGOL NA ANAK, IPINAKULONG NG KA-LIVE-IN

KALABOSO ang isang kolektor ng basura matapos ireklamo ng kanyang live-in partner na kanyang binantaan na papatayin habang kinukuha ang kanilang anak na ginutom ng una sa loob ng limang oras kaya nagpapalahaw ng iyak sa Pasig City.

Mas nabaon sa kaso ang suspek na si Joseph Baradia, 38, ng Camachile St., Barangay Pinagbuhatan, nang maaktuhan siyang sumisinghot ng shabu ng pulis  mula sa Police Community Precinct (PCP) 8 ng Pasig City Police Station na hiningian ng tulong ng kanyang ka-live-in.

Ayon sa babae, ayaw umanong ibigay ni Baradia  sa kanya ang kanilang anak na bandang alas-11 ng umaga pa lang ay hindi na kumakain.

Ilang beses umano niyang tinangkang kunin ang sanggol subalit pinagbabantaan siya ni Baradia na sasaktan ang bata kapag ipinagpilitan niyang kunin.

Iyak nang iyak ang bata kung kaya’t durog na durog ang pusong ina ng babae dahilan upang madesisyon itong humingi ng tulong sa pulis upang mabawi ang kanyang anak.

Sa pagdating ng mga pulis sa kanilang tinutuluyang bahay, naaktuhan si Baradia na sumisinghot ng shabu bukod pa sa nakumpiska ritong 11 gramo ng ilegal na droga. (NICK ECHAVARRIA)

Please follow and like us:
Read More

ADIK NA ANAK NA NAGBANTANG PAPATAYIN ANG INA, IPINAKULONG

KULONG-2

CAVITE – WALANG bakas ng pagsisisi sa mukha ng isang ginang nang makitang nasa likod ng rehas na bakal ang kanyang sariling anak na kanyang ipinaaresto matapos siyang pagbataang papatayin matapos sirain ang kanilang mga gamit sa bahay sa Bacoor City.

Nakapiit sa Bacoor Custodial Center ang suspek na si Robinson Digno, 37, binata, walang trabaho, matapos sampahan ng reklamo ng kanyang inang si Helen Digno, 62, isang balo, ng Castillo St, Sitio Malipay, Brgy Molino 4, Bacoor City.

Sinabi ni Police Staff Sergeant Mark Francis Cortez, ng Bacoor City Police Station,  humingi ng tulong si Helen  upang arestuhin ang kanyang anak bandang alas-6 ng hapon kamakalawa.

Batay sa reklamo ng ginang, humingi ng pera sa kanya si Robinson upang gamitin sa kanyang bisyo subalit tumanggi ang una kaya’t nagalit ang anak at pinagsisira ang kanilang mga gamit sa bahay.

Hindi pa nasiyahang makitang nasira ang kanilang mga kagamitan, pinagbantaan pa ng batang Digno ang kanyang sariling ina na papatayin kaya’t napilitan na ang babae na ipaaresto ang anak.

Nabatid na sumailalim na sa rehabilitasyon si Digno ngunit nakalabas din makalipas ang ilang buwan at muling bumalik sa bisyo. SIGFRED ADSUARA

Please follow and like us:
Read More

25 TULAK, ADIK TIKLO SA QC

QCPD ARRESTED-1.jpg

UMABOT sa 25 katao na pinaniniwalaang mga drug pusher at adik ang nasakote ng iba’t ibang istasyon ng Quezon City Police District (QCPD) sa loob ng dalawang araw.

Ayon sa QCPD, ang bagong bilang ng kanilang huli ay bahagi ng tuluy-tuloy na operasyon laban sa iligal na droga sa Quezon City.

Ito ay pagtalima ng QCPD sa direktiba ni Director Guillermo Lorenzo Eleazar, hepe ng National Capital Region Police Office (NCRPO).

Tiniyak ng pamunuan ng QCPD na patuloy nitong ikakasa ang operasyon laban sa droga.

Please follow and like us:
Read More

‘ADIK’ TIKLO HABANG UMIIHI

PEDICAB DRIVER-3

NAHULI ang isang beteranong pedicab driver habang siya ay umiihi sa Pasay City nitong Lunes ng madaling araw.

Ayon sa pulisya, si Bryan Almadon (38) na residente ng Bakwan, Sto. Niño ay nadakip habang umiihi sa isang gilid sa Primero de Mayo Street, Brgy. 91 nitong 4:30 a.m. ng Nobyembre 27.

Nilabag ni Almadon and City Ordinance 1572 o pag-ihi sa pampublikong lugar.

Ngunit, nang kapaan ng mga pulis si Almadon ay nakuhaan siya ng isang maliit na selyadong sachet na naglalaman umano ng shabu, ayon sa ulat ng Libertad Police Community Precinct na pinamumunuan ni Senior Insp. Crisanto Racoma.

Kaya, kinasuhan siya ng mga pulis sa piskalya ng Pasay dahil sa paglabag umano sa Republic Act 9165.

Si Almadon ay isa lamang sa siyam na nahuli ng mga pulis- Pasay sa loob ng 24-oras simula nitong Nobyembre 27 sa iba’t-ibang panig ng lungsod na operasyon laban sa mga tulak at adik sa shabu at iba pang krimen.

Ang iba pa ay ang magkapatid na Efrael (31) at Efraim Pargas (32), Michael dela Cruz (47), Darrel Barker (23), at John Rayniell Feguro (23) na pawang mga walang trabaho.

Ang iba pang nasakote ay sina  Danilo Bendanillo (41), basurero; Jocelyn Masangya (40), isa ring basurero; at Jeffrey Lambunao (27), construction worker.

Batay sa ulat ng iba’t-ibang PCP na ipinasa kay Senior Supt. Noel Flores, hepe ng pulisya ng Pasay, may mga sapat na ebidensya laban sa kanila na magpapatunay na nilabag umano nila siyam ang RA 9165.

Please follow and like us:
Read More