GUWAPONG ACTOR NEEDS ANGER MANAGEMENT

(NI GORGY RULA)

KATATAPOS lang ng drama series na pinagbidahan nitong guwapong aktor, pero nag-iwan siya ng di magandang alaala sa production staff na nakatikim ng bayolenteng pagsusuplado niya.

Ewan ko ba kasi dito sa guwapong aktor na hindi dumaan sa anger management, ibang klase siyang magalit.

Likas naman siyang mabait at magiliw sa mga katrabaho niya lalo na sa staff, pero kapag magalit siya, hindi ma-control ang sarili, nagiging bayolente, nasisira ang mga gamit sa set.

Wala naman siyang sinasaktang tao, pero  sira ang mga mesa, nasusuntok ang dingding ng CR, nababato ang mga props at kung anu-ano pa.

Minsan nga ay pinagbabato ang isang classroom ng paaralang katabi ng pinagteypingan nila dahil sa maingay daw ang mga batang mag-aaral sa loob, hindi siya makapag-concentrate.

Meron ding biglang nagkalabugan ang mga gamit sa loob ng dressing room kapag hindi niya gusto ang damit na pinapasuot sa kanya.

Takot na ang mga staff, at aware ang ilang co-actors sa topak niya, kaya umiiwas na lang sila.

Alam ni guwapong aktor na ilag na ang ibang katrabaho, kaya bago sila nagkahiwalay, humingi naman daw siya ng sorry at nangakong hindi na raw mauulit kapag binabaltik siya.

Sana nga hindi na niya ito gagawin ulit, dahil ganun lagi ang nararanasan ng mga katrabaho niya sa mga programang nagawa niya.

Baka naman magbago na siya kapag mag-asawa na sila ng matagal na niyang karelasyong magandang aktres.

 

Please follow and like us:
Read More

ACTOR LAGING NASA HOME CLINIC NG BADING NA INTERNIST

hunk

pwede ed deleon(NI ED DE LEON)

ALAM mo Tito KC, mukhang masyado ngang health conscious ngayon ang poging male star na may kasamang dentista last week.

May isa pa kasing tsismis, si pogi raw ay dumalaw sa bahay ng isang doctor dahil may clinic din naman iyon sa kanyang bahay. Isang  “internist” ang doctor. Espesyalista sa internal medicine. Inabot din nang magdamag ang check up ng actor sa clinic.

Tinatanong din ng ilan, ano kayang internal organ niya ang kanyang ipina-check. Bading din daw ang internist.

Kung sa bagay mabuti rin naman na nagiging health conscious na ang poging male star ngayon.  At least pinangangalagaan niya ang kanyang kalusugan. Isipin mo nga naman, may asawa na siya at magdadalawa na ang anak niya. Kailangan talaga healthy siya para mas maihanda niya ang kinabukasan ng kanyang mga anak.

Tama ba ako Tito KC?

 

Please follow and like us:
Read More

MALE STAR ATRAS SA REQUIREMENT NG PRODU PARA SA LEAD ROLE

malestar silhouette

(NI ED DE LEON)

TOTOO iyon Tito KC, isang dating male star talaga ang nagsabi sa amin. Tinawagan daw siya ng isang film producer, bago pa natapos ang unang pelikulang kanyang ginagawa. Sinabi sa kanya, sa susunod niyang pelikula ay bida na siya, solong bida at bibigyan ng malaking build up. Pelikula iyon tungkol sa isang macho dancer. Pero ang kapalit, kailangang maging syota siya ng bading na film producer.

Natakot daw siya, at nang umalis sa opisina ng producer ay hindi na nagbalik pa, kahit na may ilan pang eksenang hindi nakukunan sa ginawa niyang pelikula. Siyempre siniraan siya, sinabing unprofessional, at sinabing inuna pang itinanan ang girlfriend niya kaysa sa kanyang career. Pero hindi naman totoo iyon. Hindi siya nagtanan. Nag-aral siyang muli.

Pero kagaya nga noon, may kaso ng sexual harassment, pero ang katuwiran ay “wala namang nangyari eh”. May isang kasong napagsamantalahan “pero kung magdedemanda ako, sabi ni attorney para din daw rape iyan, kailangang ikuwento ng detalyado kung papaano ako inabuso ng bakla. Ano naman ang mangyayari sa akin pagkatapos, malalaman lang ng mga tao ang nangyari sa akin”.

At saka mahal ang attorney’s fees. Mabuti ngayon nag-aalok si Jimmy Bondoc ng legal assistance, kung hindi, aba sa acceptance fee pa lang ng kaso, patay ka na sa pagbabayad.

 

Please follow and like us:
Read More