21 SUGATAN SA NAHULOG NA BUS SA BANGIN

(NI KIKO CUETO)

KIDAPAWAN City — Hindi bababa sa 21 ang sugatan nang mahulog ang isang pampasaherong bus sa isang pailalim na lugar dito, ayon sa Cotabato police.

Sinabi ni Police Lieutenant Colonel Bernard Tayong,  tagapagsalita ng Cotabato Police Provincial Office, nawalan ng kontrol ang driver ng Mindanao Star habang nasa madulas na bahagi ng national highway sa Barangay Amas.

Sinabi nI Tayong na madulas ang mga kalsada sa oras na mga iyun kaya’t dumulas ang bus.

Dalawa sa mga sugatang pasahero ang seryoso ang kondisyon, pero walang namatay.

Lahat naman ng mga sugatang pasahero ay dinala sa Cotabato Provincial Hospital sa Barangay Amas.

Ang Mindanao Star bus 15676, na minamaneho ni Jimmylu Jose, ay papunta ng Cotabato City nang mangyari ang aksidente sa Kilometer 110 sa Barangay Amas sa Kidapawan-Cotabato highway.

 

 

Please follow and like us:
Read More

5-ANYOS PISAK SA UMAATRAS NA PICKUP

accident12

(NI SIGFRED ADSUARA)

NAMATAY  ang isang 5-anyos na batang babae nang magulungan ng isang  sasakyan habang nagpa-park sa Bacoor City, Cavite.

Namatay habang ginagamot sa Binakayan Hospital ang biktimang si alias Angel, ng BARS  Habay 1, Bacoor City, Cavite habang naka-hospital arrest  ang driver ng isang Nissan Navarra pick up na may plakang NED 9016 na si Elizabeth Camello, 49, may-asawa ng Yakal St., Habay II, Bacoor City, Cavite.

Sa ulat ni Corporal Christian Jovita ng Bacoor City Police Station, dakong ala-11:30 Huwebes ng gabi nang naganap ang insidente sa harap ng Mercury Drug sa Tirona Highway, Habay 1, Bacoor City, Cavite kung saan naglalakad ang biktima sa nasabing lugar habang ipaparada sana ni Camello ang kanyang kulay itim na Nissan Navara upang bumili ng gamot pero hindi niya napansin ang bata na naglalakad kaya nabangga nito.

Isinugod pa ang bata sa ospital subalit namatay din ito habang ginagamot.

Dahil naman sa pangyayari, tumaas ang presyon ng dugo ng babaeng driver kaya isinugod din sa ospital kung saan siya hospital arrest dahil sa reklamo ng ina ng batang babae.

Kasong Reckless Imprudence resulting in homicide ang kinakaharap ng babaeng driver.

Please follow and like us:
Read More

TSERMAN, 2 PA PATAY SA ROAD ACCIDENT

accident12

(NI JESSE KABEL)

PATAY ang isang barangay captain at ang asawa nito nang salpukin sila ng kasalubong na sport utility vehicle na ikinasawi rin ng driver nito sa kahabaan ng national highway sa Brgy. Balinsasayao, Abuyog, Leyte.

Ayon kay P/Cpt. Antonio Angcay Jr., chief of police ng Abuyog Municipal Police Station, tinatahak ng kasalubong na Toyota Fortuner ang direksyong papuntang Maynila mula sa Surigao lulan ang apat na pasahero.

Habang  papuntang Baybay City naman ang dump truck na sinasakyan ng mag-asawa mula sa Barangay Libertad.

Lumilitaw sa paunang pagsisiyasat na mabilis ang takbo ng Fortuner at dahil sa malakas at walang humpay na pag-ulan, nalubog sa tubig baha ang lansangan hanggang sa mawalan ng  kontrol ang driver nito at sumalpok sa kasalubong na dump truck.

Dead on arrival ang driver ng dump truck na si Peter Japson, kapitan ng Barangay Libertad at ang asawa nito na si Evelyn Japson habang nasawi rin ang isang pasahero ng Fortuner na kinilalalang si Ian Malang.

Sa ngayon ay patuloy pa ang ginagawang imbestigasyon ng mga otoridad sa nasabing insidente.

Please follow and like us:
Read More

MAG-ASAWANG GALING SA CHRISTMAS PARTY, PATAY SA AKSIDENTE 

accidentsign1

(NI ANNIE PINEDA)

NAUWI sa madugong trahedya ang masayang dinaluhan christmas party ng mag-asawa, makaraan bumangga ang kanilang sinasakyan tricycle sa elf truck , kagabi (Martes), sa Ilocos sur.

Kinilala ang biktimng sina Jayson Yabes, 37, at Rizalyn Edelora Yabes, 38, kawani ng lokal na pamalahalaan sa Ilocos Sur at kapwa residente ng Barangay Calanutian Sinait, Ilocos Sur.

Hawak naman ng pulisya ang driver ng Isuzu elf truck na kinilalang si Oscar Rebollo Libed, 61, residente ng Barangay Nalupta, Batac City, Ilocos Norte.

Batay sa report ng Sinait Police Station, bandang alas 10:00 ng gabi nang maganap ang insidente sa national highway ng Barangay Magsaysay, Sinait, Ilocos Sur.

Lumabas sa imbestigasyon, pauwi na sana ang mag-asawa sakay ng tricycle na minamaneho ni Jayson nang agawin umano nito ang kabilang linya ng nakasalubong na Isuzu Elf na minaneho naman ni Libed dahilan para magkabanggaan ang mga ito.

Sa bilis ng pangyayari hindi na umano nagawa pang makaiwas ni Libed at sa lakas ng salpukan nagtamo ang mga matinding pinsala sa ulo at iba’t ibang bahagi ng katawan ang mga mag-asawa na agad nilang ikinamatay.

Patuloy naman ang imbestigasyon ng otoridad sa nasabng insidente.

Please follow and like us:
Read More

2 PULIS PATAY, 4 PA SUGATAN SA SUV NA SUMALPOK SA PUNO

zamboanga sibugay

(NI NICK ECHEVARRIA)

PATAY ang dalawang pulis habang sugatan ang apat na iba pa matapos bumaligtad ang sinasakyan nilang sports utility vehicle (SUV) nang mawalan ng kontrol sa matalim na kurbada sa kahabaan ng national highway sa bayan ng Malangas, Zamboanga Sibugay Lunes ng gabi.

Dead on the spot matapos magtamo ng malubhang pinsala sa ulo at katawan ang mga biktimang sina P/Cpl. Jourecel Jake Revilla Celestial at Patrolman Alexander Toribio Laquinon, habang kasalukuyang nakaratay sa Wilfredo Palma Memorial Hospital sa Diplahan, Zamboanga Sibugay ang apat nilang kasamahan na sina P/Cpl. Rommel Pangate Apiong; P/Pat. Stephen Ray Lanigao Alicando, 23, P/Pat. Logie Suarez Servo, 24, at P/Pat. Arcel Sugabo Matugas, na pawang mga miyembro ng 903rd Maneuver Company Regional Mobile Force Battalion 9 na nakabase sa Camp Del Castillo sa Barangay  Candilis, Malangas, Zamboanga Sibugay.

Sa ulat na ipinadala ng Police Regional Office (PRO) 9 sa Camp Crame, naganap ang insidente dakong alas 6:30 ng gabi sa kahabaan ng National highway sakop ng Purok 3, Barangay Guilawa ng nabatid na bayan.

Lulan ng Nissan Frontier Navara na may plakang KEX-497 ang mga biktima na minamaneho ni P/Cpl. Apiong ng mawalan ito ng kalkulasyon pagsapit sa kurbadang bahagi sa nabanggit lugar at bumangga sa tatlong puno ng mahogany hanggang sa bumaligtad ang sinasakyang SUV ng mga pulis na naging sanhi ng kamatayan ng dalawang pulis at pagkakasugat ng apat na kasamahan ng mga ito.

Mabilis namang naisugod sa pagamutan ang mga sugatang pulis kung saan naka confine ang mga ito dahil sa tinamong mga pinsala sa ulo at katawan.

Please follow and like us:
Read More

3 PATAY, 7 KRITIKAL SA BULACAN MISHAP

(NI ELOISA SILVERIO)

BULACAN- Tatlo katao ang kumpirmadong patay habang pito pa ang sugatan nang suyurin umano ng isang sport utility vehicle (SUV) ang pitong sasakyan sa kahabaan ng Manila North Road sa Barangay Binang 1st sa bayan ng Bocaue, Lunes ng tanghali.

Ayon kay Bocaue Police chief PLtCol. Rizalino Andaya, naganap ang aksidente dakong alas-12:30 ng tanghali nang biglang mawalan ng kontrol ang isang SUV at walang habas na sinuyod ang pitong sasakyan kabilang ang dalawang 4-wheel van, tatlong motorsiklo at dalawang tricycle.

Nabatid na idineklarang dead on the spot ang driver ng motorsiklo at angkas nitong babae gayundin ang pasahero ng isa sa mga tricycle makaraang magkalasug-lasog ang mga katawan nito sanhi ng tinamong pinsala dulot ng pagkakabangga.

Pito pang mga biktima kung saan apat dito ang kritikal na nilalapatan ng lunas sa ospital na pinagdalhan sa mga ito.

Ayon kay Col. Andaya, habang sinusulat ang balitang ito ay hindi pa rin batid ang pagkakilanlan ng mga nasawi at nasugatan maging ang driver suspek.

Base naman sa inisyal na report, nakabangga umano ang nasabing SUV subalit sa takot na dumugin at bugbugin ng taumbayan ay hinarurot nito patakas ang SUV kung saan aksidenteng nasuyod ang mga biktima.

Patuloy pang iniimbestigahan ng pulisya ang naturang aksidente.

Please follow and like us:
Read More

EX-TSERMAN TODAS SA BUS 

accident12

(NI JUN V. TRINIDAD)

QUEZON – Isang dating barangay chairman sa Lucena City ang namatay matapos salpukin ng pampasaherong bus ang kanyang sinasakyang motorsiklo sa siyudad na ito sa lalawigan ng Quezon, araw ng Lunes.

Kinilala ang biktima na si Pedrito Ranillo, 76, at dating kapitan ng Barangay Talao-Talao.

Sa report ng pulisya, lumalabas mula sa city hall compound ang biktima ay papasok na sa diversion road nang bigla banggain ng humaharurot na Cagsawa bus na minamaneho ni Roberto Trinidad patungong Maynila.

Sa lakas ng pagkakabangga ay tumilapon sa sementadong kalye ang biktima. Dead on the spot ang dating opisyal ng barangay sanhi ng grabeng pinsala sa katawan.

Naganap ang insidente sa Barangay Kanlurang Mayao bandang alas-7:00 ng umaga.

Sa imbestigasyon, wala umanong lisensya sa pagmamaneho ang biktima.

Nakapiit sa city police jail si Trinidad at inihahanda ang kaukulang demanda na isasampa laban sa kanya.

 

Please follow and like us:
Read More

SUV VS MOTORSIKLO: 9 SUGATAN

(NI DONDON DINOY)

MAGSAYSAY, Davao del Sur– Dalawang drayber at pitong pasahero ang sugatan sa banggaan ng isang sports utility vehicle (SUV) at motorsiklo sa Magsaysay- Bansalan Provincial Road sa Brgy Dalawinon, Magsaysay, Davao del Sur, alas 6:40 ng umaga, Martes, December 10, 2019.

Ayon sa ulat ng Magsaysay Police Station, isang sports utility vehicle (SUV) Ford Everest na may plate number ZLU 972, kulay silver na minamaneho ni Mark Aton Tilap, residente sa Brgy. Poblacion.

Wala umanong lisensya na minaneho nito ang SUV habang sakay sina Marsha Tilap, 30; Adrea Aton, babae, 11; James Tilap, 13; Gina Aton, 50; Dwaine Mark Tilap, isang taon; at Annamae Gillarte, 32, ng Brgy. Poblacion.

Habang ang isang motorsiklo na may pangalangang motoposh ay minamaneho ni Victorino Regala Pajel,  43, at sakay ang anak na si Melvin Pajel, 16-anyos, residente sa Brgy. New Ilocos ng lugar.

Sa imbestigasyon ni Police Master Sgt. Ramil Locostales, traffic in-charge, ang nasabing motorsiklo ay naglalakbay galing Magsaysay Davao del Sur papuntang Bansalan Davao del Sur samantala ang Ford Everest naman ay galing sa Bansalan Davao del Sur papuntang Magsaysay Davao del Sur ng biglang nagpalit ng direksiyon ang Ford Everest na naging dahilan upang masalpok ang motorsiklo at dumeretso sa isang puno.

Nagtamo ng grabeng pinsala ang mga biktima. Agad dinala sa Viacrusis Hospital, sa Bansalan Davao del Sur para magamot ang mga biktima kung saan kritikal ang dalawang drayber.

 

Please follow and like us:
Read More

3 PATAY SA BANGGAAN NG 2 MOTORSIKLO, SUV

accident12

(NI NICK ECHEVARRIA)

TATLO ang patay sa banggaan ng dalawang motorsiklo at isang sports utility vehicle (SUV) sa Negros Oriental, Lunes ng gabi.

Naganap ang trahedya sa kahabaan ng national highway sa km 39 na sakop ng Brgy. Napacao sa bayan ng Siaton sa nasabing lalawigan.

Sa paunang ulat ng Siaton Municipal Police Station (MPS),  nakilala ang mga nasawi sa insidente na sina Gregorio Encabo Jr., 54, driver ng Honda XRM 125,  ng Poblacion, Bayawan City at ang angkas nito na si Nenito Rebotazo, 61, residente ng Sto. Rosario, Sta. Catalina, at Jayson Gaitera Ajer, 22, driver  ng isa pang Yamaha Mio 125 motorcycle, ng Brgy 3, Siaton.

Naisugod pa sa isang lokal na pagamutan malapit sa lugar ng insidente ang mga biktima subalit hindi na umabot nang buhay ang magka-angkas na sina Encabo at Rebotazo, samantalang binawian naman ng buhay si Ajer makalipas ang ilang oras habang nilalapatan ng lunas.

Nabatid kay P/Cpl. Argie Aliabo, traffic investigator, patungo umano ng Norte ang SUV na minamaneho ni Anthony Egara, 45, ng Brgy. Inalad sa bayan ng Siaton nang magkaroon ng head on collision sa dalawang nabanggit na motorsiklo na nasa southbound ng kalsada nang tangkain mag-overtake ni Egera sa isang bus.

Sa report ni Aliabo,  ang SUV na sangkot sa insidente ay nakatalaga sa Mayor’s office ng Municipality ng Siaton habang boluntaryo namang sumuko sa mga pulis ang driver nito na si Egera makaraan ang insidente.

Please follow and like us:
Read More

MAG-INA PATAY SA ROAD MISHAP

accident12

(NI DONDON DINOY)

DAVAO CITY– Isang ina at anak na babae  ang nasawi sa banggaan ng mga sasakyan sa Davao-Cotabato national highway, ng Brgy Coronon, Sta. Cruz, Davao del Sur, Linggo ng gabi.

Ayon sa ulat ng Sta. Cruz Police Station, sakay ng tricycle na minamaneho ni Justin Villaflor, 24, ang mga biktimang sina Rhea Mae Debain Sanchez kalive-in partner ng naturang driver, STL Teller at isang taong anak na si Justia Villaflor, pawang nakatira sa Sitio Lubo, Brgy Zone 1 ng nasabing lugar.

Dagdag sa ulat na habang binabaybay nila ang national highway, nakasalubong nila ang isang XRM na motorsiklo na may plakang 1158 LF na minamaneho ni Arnold Pezon, 40, at isang Suzuki FB Van na may plakang MEJ 829 na minamaneho ni Erwin Amore Bituin, 40, ng Mintal, Davao City.

Nasangkot din sa aksidente ang isa pa na si Renberic Araña Tagaod,  24.

Sa imbestigasyon ng mga pulis, ang Suzuki FB Van ay naglalakbay  papuntang Davao samantalang ang tricycle at ang motor naman ay nakaharap sa south na direksiyon sa outer lane ng daan.

Ayon sa mga nakasaksi, matulin ang takbo ng van ngunit biglang lumampas sa kabilang daan nang mabangga ang dalawang sasakyan.

Nagtamo ng matinding sugat ang mga drayber ng sasakyan.

Agad namang dinala ang mga biktima sa Davao del Sur Provincial Hospital para magamot subalit ang mag-ina na sakay ng tricycle ay idineklarang patay.

Nakapiit na ngayon ang drayber ng van.

 

Please follow and like us:
Read More

4 SUNDALO, 6 PA PATAY SA AKSIDENTE

accident12

(NI JG TUMBADO)

DEDBOL ang apat na sundalo gayundin ang anim na iba pa sa magkakahiwalay na aksidente sa Samar, Bohol at Isabela.

Maliban sa apat na sundalong namatay, tinatayang pitong indibidwal pa ang nasugatan sa karambola ng apat na sasakyan sa national highway sa Barangay Apolonia, Paranas, Samar.

Sa inisyal na impormasyon mula kay Police Col. Maria Delia Rentuaya, naganap ang aksidente dakong alas-9:00ng umaga ng Martes.

Sangkot sa insidente ang wing van truck, Hilux at traysikel.

Kabilang sa mga nasawi sina SSgt Crisostomo Gabuay; Sgt. Sherwin Antonio; Sgt. Romel Ombrog at 2nd Lt Sharefe Cabanog, mga miyembro ng Philippine Army.

Sugatan naman sina  Lt. Col. Edgar Allan Orbito, Sgt Abadiano, Mat Raymond Barante, Warren Dabut, Janica Obidos Baco, Jella Bacay Baccol, at Sheryl Sayasa Maurillo.

Samantala, dalawang motor rider ang namatay nang makasalpukan ang van sa national highway ng bayan ng Corella, Bohol nitong Lunes ng hapon.

Tinukoy ni Police Corporal Christopher Ramirez, Corella Police Station investigator, ang mga nasawi na sina Roniel Placa, 33, at Raymond Piyao, 25.

Galing umano sa birthday party at lasing ang dalawang biktima nang bumiyahe pauwi sa kabila ng pagpigil sa kanila ng mga kasamahan.

Habang binabagtas ang kalsada sa Barangay Canapnapan sa bayan ng Corella, nag-overtake umano ang dalawa ngunit nabulaga sa paparating na van na nasa kabilang linya. Sa lakas ng impact ay tumilapon ang dalawa mula sa kanilang sinasakyang motorsiklo.

Patay naman ang isang tricycle driver gayundin ang tatlo niyang pasahero nang sumalpok sa trak, Lunes ng hapon.

Napag-alaman mula kay Police Major Richard Babaran, Cabatuan police chief, ang pagkakakilanlan ng mga biktima na sina Wilson Guillermo, 56; Jerry Yu, 61; Jahlen Acosta, 19; at Juanita Iglesia, 69.

Batay sa paunang imbestigasyon, nag-overtake umano ang trak na minamaneho ni Marvin de Guzman at umokupa ng kabilang linya ngunit hindi na nakaiwas sa paparating na traysikel.

Dead on the spot si Guillermo habang sa ospital na nasawi ang iba pang biktima. Sumuko na sa mga otoridad ang drayber ng trak na nahaharap sa mga kasong kriminal.

Please follow and like us:
Read More

VAN SUMALPOK SA BAHAY: TITSER PATAY, 4 SUGATAN

accident12

(NI BONG PAULO)

NORTH COTABATO – Dead on arrival sa pagamutan ang isang guro habang sugatan naman ang apat na iba pa, kabilang ang drayber, matapos bumangga ang pampasaherong van sa isang bahay pahingahan sa National Highway Barangay Dalingaoen sa bayan ng Pikit, North Cotabato.

Kinilala ang nasawi na si Leonila Salang Fernandez, guro ng isang paaralan sa Cotabato City at residente ng Amhersia St. NovaTierra Village Lanang Davao City, habang ang nasugatan ay sina Juvil Hermosura, ng Surallah South Cotabato, Czyrie Jade Cariaso na taga Upi Maguindanao, Kamesa Pananggilan, ng Kabuntalan, Maguindanao.

Ayon kay Police Staff Sergeant Ibrahim Langaban Mandas, traffic investigator ng Pikit PNP, alas 3:00 ng madaling araw ng Martes habang binabaybay ng Toyota van  na inamaneho ni  Celso Geromo Gerago Jr ang national highway galing Davao City at patungo sana sa Cotabato City.

Nang pagsapit sa lugar, iniwasan ng drayber ang tumatawid na aso hanggang sa nawalan siya ng kontrol at bumangga sa bahay pahingahan o purok sa lugar.

Dahil sa lakas ng impact, patay ang guro na papunta na sana ng kanilang paaralan at ikinasugat ng apat na iba pang pasahero.

Patuloy ang imbestigasyon ng mga pulis sa nasabing aksidente.

 

Please follow and like us:
Read More

KAGAWAD PATAY SA KARAMBOLA NG 4 SASAKYAN

accidentsign1

(NI JESSE KABEL)

DEAD on arrival sa pagamutan  ang isang barangay kagawad nang masangkot sa karambola ng apat na sasakyan sa Barangay Tambo, bayan ng Pamplona, Camarines Norte .

Kinilala ang biktima na si Raymundo Constantino, 52.

Sa imbestigasyon, nagpaalam ang biktima sa kanyang asawa  na may may bibilhin lamang sana sa bayan nang maganap ang sakuna.

Ayon sa pulisya, kinain ng van na minamaneho ng German national na kinilalang si  Volker Michael ang linya ng kasalubong na sasakyan, na tumama sa nakaparadang tricycle at motorsiklo ni Constantino.

Ayon kay Police Senior Master Sergeant Rolando Notado, may hawak ng kaso, nabangga ng driver ng southbound na Toyota Hi-Ace van ang Isuzu DMax sa kabilang direksiyon.

Nabangga rin ang  tricycle na nakaparada habang tinamaan pa ang isang motorsiklo.

Hindi na umabot nang buhay sa ospital ang biktima Posible umanong nakaidlip ang driver ng van  kaya nangyari ang insidente.

“Sabi nu’ng asawa niya nabigla na lang daw at nakita niya na nabangga na. Siguro naka-idlip siya, seconds lang nakaidlip siya. Dahil matulin nabangga niya ‘yung isang sasakyan. Pumasok siya sa kabilang linya,” dagdag ni Notado.

Sinampahan na ng kasong reckless imprudence resulting in homicide and damage to properties si Michael.

Please follow and like us:
Read More

MAGLOLO NA DADALO SA KASAL, PATAY SA TRAK

accident12

(NI ANNIE PINEDA)

HINDI na nakadalo pa ang isang dalaga at lolo sa pupuntahan nilang kasal matapos bawian ng buhay makaraan maaskidente ang sinasakyan nilang trak, sa probinsya ng Koronadal City.

Kinilala ang mga nasawi na sina Melanie, 18 at Hadji Abas, 70, kapwa residente ng Dalican, Datu Odin Sinsuat, Maguindanao.

Habang dinala naman sa ospital sa Barangay Tinaman ang 20 iba pang sugatan.

Batay sa report ng South Upi Police Station, naganap ang insidente sa national highway sa Sitio Sinako, Barangay Kuya, South Upi, ng nasabing lungsod.

Sa paunang imbestigasyon ng pulisya, binabaybay ng trak ang nasabing kalsada sakay ang nasa 25 katao para dumalo sana sa kasalan sa Lebak, Sultan Kudarat.

Subalit, pagdating sa pakurbadang bahagi ng daan bigla na lamang umanong nawalan ng preno ang trak  dahilan para magtuloy-tuloy ito sa bangin, pero mabilis na nakabig ng driver ang manibela at ibinangga na lamang niya ito sa concrete  steel.

Sa lakas ng pagkakabangga agad na binawian ng buhay ang dalawa habang patuloy na ginagamot sa ospital ang 20-katao.

Patuloy naman ang imbestigasyon ng mga awtoridad sa nasabing insidente.

 

Please follow and like us:
Read More

RIDER PATAY SA PINALIPAD NA MOTORSIKLO

accident121

(NI ANNIE PINEDA)

PATAY ang rider habang kritikal ang angkas nito matapos umanong paharurutin ang minamanehong motorsiklo at sumalpok sa mga nakaimbak na bato sa may irigasyon, iniulat kaninang umaga sa probinsya ng Capiz.

Kinilala ang namatay na si Renante Exel, 44, residente ng Barangay Consolacion, Dumalag, Capiz habang kritikal ang angkas nitong si Jerry Danid, 50, ng Barangay Poblacion, Tapaz.

Lumabas sa imbestigasyon ng pulisya, minamaneho ni Exel ang motorsiklo at binabaybay ang kalsada malapit sa kanilang tahanan.

Halos lumilipad umano sa pagmamaneho si Exel dahilan para sumalpok ang mga ito at nagtamo ng matinding pinsala sa katawan.

Dinala naman sa ospital ang mga biktima pero idineklara na ring patay si Exel at patuloy na inoobserbahan si Danid.

 

Please follow and like us:
Read More

LAMAY INARARO NG TRAK; 3 PATAY, 9 SUGATAN

accident12

(NI NILOU DEL CARMEN)

TATLO ang patay habang siyam pa ang malubhang nasugatan nang araruhin ng rumaragasang trak ang isang lamayan sa gilid ng national highway sa Barangay San Jose, Alitagtag, Batangas,  Miyerkoles ng madaling araw.

Mabilis umano ang takbo ng trak at nawalan ng kontrol ang driver nang  mag-overtake ito sa isa pang sasakyan kaya nasagasa ang mga taong naglalamay.

Idineklarang dead on arrival sa Polymedic Hospital sa bayan ng Taal ang dalawa sa mga biktima na sina Armando Atienza at Michael Adaya.

Kasama ring isinugod sa nasabing ospital ang 10 nasugatan na sina Joseph Esguerra ,  Joel Bejasa, Ruel Ylagan,   Lionel Ylagan, Ligaya De Guzman,  Jesser Lou De Leon,  Cedrick Johnsen  Quitain,  Nolie Saga, Joel Patulot  at Arsenio Vergara.

Pero, ayon kay PCPT Eduardo Timbol II, hepe ng Alitagtag police, isa sa mga nasaktan ang pumanaw na rin sa pagamutan habang ang iba ay nanatili sa kritikal na kalagayan.

Nangyari aniya ang insidente mag-1:00 ng madaling araw nang ang truck na kargado ng mga feeds at minamaneho ni Jearland del Mundo ay araruhin ang mga biktima habang ang mga ito ay nasa tent sa gilid ng highway sa labas ng bahay.

Sinagasa muna ng truck ang mga nakaparadang motorsiklo bago ito tumagilid sa shoulder ng highway.

Tumakas naman ang driver matapos ang insidente at ngayon ay pinaghahanap na ng mga pulis.

 

Please follow and like us:
Read More

SIMBAHAN NG INC INARARO NG TRAK, 6 PATAY, 20 SUGATAN

accident12

(NI KOI HIPOLITO)

PATAY ang anim habang sugatan naman ang 20 sa 50 pasahero ng isang forward truck matapos bumangga sa isang simbahan ng Iglesia ni Cristo sa Barangay Limonan, San Miguel sa Zamboanga del Sur, Sabado ng tanghali.

Base sa report ni PCaptain Roger Bartiana,  hepe sa nasabing bayan, dead on the spot ang tatlong biktima na sina Gerelyn Chavez, 2 taon gulang, Jhon Brynt Albano, 19 at isang Boboy Cuesta, 34, parehong mga residente ng Barangay Burawin ng Tabina sa Zamboanga del Sur, habang ang tatlong iba pa ay naisugod sa pagamutan bago binawian ng buhay.

Wala naman nasaktan sa mga taong nasa loob ng simbahan.

Ayon sa salaysay ng testigo na si Dennis Amacanin, napakalakas ng ulan at madulas ang aspaltong daan sa lugar subalit hindi naman umano mabilis ang takbo ng trak na minamaneho ng driver na nakilalang si alyas ‘Edgar’.

Sinabi nito na galing sa isang kasalan sa Brgy. Buug, Zamboanga, Sibugay at pauwi na ng bayan ng Tabina subalit nawalan siya ng kontrol sa manibela at naibangga sa simbahan.

Sinabi naman ng mga imbestigador na matagal ng accident-prone ang lugar na pinangyarihan ng aksidente.

 

Please follow and like us:
Read More

2 MOTORSIKLO NAGSALPUKAN: 1 PATAY; 3 SUGATAN

motoraccident12

(NI FRANCIS SORIANO)

ISA ang patay habang tatlo naman ang sugatan matapos magsalpukan ang dalawang motorsiklo sa Bagong Silang Barangay 176 Caloocan City, Martes ng gabi.

Kinilala ng Caloocan City PNP ang mga namatay na sina Luis Abejar, 55, ng Phase 1 PKG 2 Block 29 Lot 17 Bagong silang habang ang suspek naman ay nakilalang si Randelito Lesigues, 38, binata,  construction worker, ng Phase 5A PKG 2 Block 16 Lot 6 Bagong Silang, Barangay 176, Caloocan City.

Ayon sa ulat,  binabatagtas ni Abejar ang panulukan gamit ang kanyang motorsiklo habang angkas nito si Annabelle Manahan, kasapi ng MMDA at residente sa Phase 1 PKG 2 Block 29 Lot 1T, Bagong silang Barangay 176, nang salpukin ni Lesigues na sakay din ng motorsiklo.

Sa lakas umano ng impact ay nagresulta sa kamatayan ni Abejar at pagkakasugat naman ang angkas nitong si Manahan.

Habang sugatan din si Lesigues at angkas nitong si Jemery Sison, 44.

Isinugod ng mga rumespondeng ambulansiya ng Barangay 176 Bagong Silang ang mga biktima sa Dr. Jose Rodriguez Memorial Hospital Tala Caloocan City subalit hindi pinalad si Abejar.

 

Please follow and like us:
Read More

PULIS PATAY SA TRUCK

accident12

(NI DONDON DINOY)

DAVAO CITY–DEAD on the spot ang isang opisyal na pulis matapos madisgrasya ang kanyang sinasakyang motorsiklo alas 5:00 ng umaga ng Lunes sa Lower Tamugan, Marilog District.

Nakilala ang biktima na si Police Lieutenant Aliper dela Camara Mendoza, residente ng Lanao del Sur at nakadestino sa Police Regional Office-Northern Mindanao.

Ayon sa inisyal na imbestigasyon sa traffic section ng Marilog Police Station, isang Saddam truck ang nakabangga sa motorsiklo na minamaneho ng biktima sa madulas na daan sa Lower Tamugan.

Galing sa Lanao ang biktima at papunta ito sa Regional Training Center-Davao sa Mintal, Davao City kung saan nag-schooling para sa Public Safety Officers Basic Course.

Sumuko ang driver ng truck at sasampahan na ng kaukulang kaso.

Please follow and like us:
Read More

BUS HINABOL, LALAKI NAGULUNGAN, PATAY

accidentsign1

(NI ROSE PULGAR)

PATAY ang isang komyuter nang magulungan ng bus na kanyang hinabol para lamang makasakay pauwi, Biyernes ng hapon sa Makati City.

Nakilala ang nasawi na si Alvin Eric Aniag, 43, laborer at naninirahan sa no. 13 Zodiac Street, Remaville Subdivision,Barangay. Bagbag, Quezon City.

Nakilala naman ng pulisya ang suspect na si David Jimena, 44, driver ng Transport Service Bus na may plakang TYU 313 at nakatira sa Maria Louisa Zabarte Road, Camarin, Caloocan City.

Mabilis na tumakas ang naturang driver at iniwan ang kanyang bus na nagresulta ng mas matinding trapik sa lugar.

Batay sa report ng Makati City Police, naganap ang insidente dakong alas-4:00 ng hapon sa kanto ng EDSA at Harvard Street sa may Barangay Guadalupe Nuevo sa naturang lungsod.

Ayon sa mga nakasaksi, naghihintay ng masasakyang bus ang biktima sa EDSA.

Hinabol nito ang bus na biyaheng Quezon City at sumabit ngunit nakabitaw dahil sa umaandar ang bus.

Hanggang sa pumailalim sa bus ang biktima at nagulungan.

Isinugod ng mga rescuers ang biktima sa St. Lukes Medical Center sa Taguig City ngunit nalagutan ng buhay dakong alas-4:28 ng hapon.

Patuloy naman ang imbestigasyon ng pulisya sa insidente habang sinampahan na ng kasong Homicide through Reckless Imprudence sa Makati City Prosecutor’s Office ang suspect na si Jimena.

 

Please follow and like us:
Read More

2 LOLO NASAGASAAN NG 2 JEEP, DEDO

accident12

(NI KEVIN COLLANTES)

DALAWANG lolo ang kapwa patay nang magkasunod na masagasaan ng dalawang pampasaherong jeepney habang magkasabay na tumatawid sa national road sa Cardona, Rizal, Lunes ng gabi.

Kapwa dead on arrival sa pagamutan ang mga biktimang sina Roland Julian, 62, at Eulogio Estrella, 61, kapwa residente ng ID Julian Street, Barangay San Roque, Cardona, dahil sa matinding pinsala sa ulo at katawan.

Samantala, arestado naman at kapwa nakapiit na ang mga driver ng passenger jeepney na sina Edgar Saligumba, 23, ng 1353 Hinayon Street, Barangay Calumpang at Jan Miggs Tabadero, 22, ng Anore Street, Barangay Mambog, kapwa sa Binangonan, Rizal.

Batay sa ulat ng Cardona Municipal Police Station, sa Rizal Police Provincial Office, dakong alas-7:10 ng gabi nang maganap ang aksidente sa national road sa Barangay San Roque, sa Cardona.

Magkasabay umanong tumatawid ang mga biktima sa national road, nang bigla na lang silang salpukin ng mga pampasaherong jeepney na minamaneho naman ng mga suspek mula Cardona patungong Binangonan.

Si Julian ay nabangga ng itim na Isuzu passenger jeepney na may plakang DXG-181, na minamaneho ni Saligumba at dinala sa Rizal Provincial Hospital, sa Morong, Rizal ngunit idineklara na ring patay ng attending physician na si Dra. Rowena Buloran, habang si Estrella naman ay nabundol ng pulang Isuzu passenger jeepney, na may plakang TXE-759 at minamaneho ni Tabadero, at isinugod naman sa Queen Mary Hospital, sa Cardona, ngunit idineklara na ring dead on arrival ng attending physician na si Dra. Ma. Teresa Tero.

Ang mga suspek ay nakatakdang sampahan ng mga kasong reckless imprudence resulting in homicide sa piskalya.

 

Please follow and like us:
Read More

5 PATAY, 4 SUGATAN SA TRUCK VS TAMARAX FX

(NI JUN V. TRINIDAD)

QUEZON –  Lima ang namatay at apat ang sugatan, kabilang ang isang nasa kritikal na kondisyon, matapos sa banggaan ng dalawang sasakyan sa isang bahagi ng Maharlika Highway, sakop ng bayan ng Gumaca sa lalawigang ito noong Sabado.

Sa report ni Gumaca police chief, Major Rodelio Calawit, dead on the spot sina Jimmy Bron, 42; ang asawa niyang si Razel at anak na si JM; at si Emmanuel Junel Sagrit.

Si Francisco Joel Butardo naman ay hindi na umabot nang buhay sa Gumaca District Hospital sa kabayanan sanhi ng grabeng pinsala sa kanyang katawan.

Ayon sa police report, nagmamaneho si Jimmy ng kanyang Tamaraw FX na may sakay na walong pasahero nang aksidenteng bumangga siya sa kasalubong na cargo truck na biyaheng Maynila na minamaneho naman ni Gerome Villar sa isang bahagi ng Maharlika Highway sakop ng Barangay Bamban, bandang 5:45 ng umaga.

Sinabi sa report na tinangka ni Villar na iwasan ang Tamaraw FX na umano’y tumatakbo na wala sa kanyang linya nang maganap ang salpukan.

Sa imbestigasyon, nakatulog umano ang driver ng Tamaraw FX na siyang posibleng dahilan kaya naganap ang banggaan.

Apat na pasahero ng Tamaraw FX na kinilalang sina Fritcie Joyce Butardo, Fatima Jade Butardo, Eda Butardo at Ulpiano Clores, ang pawang nagtamo rin ng mga sugat sa katawan at isinugod sa naturang ospital.

Sa panayam sa telepono, sinabi ni Patrolman Alejandro Veluz Jr., Gumaca police investigator, na nanatiling nasa kritikal na kundisyon si Clores sanhi ng inabot na mas malubhang pinsala.

 

Please follow and like us:
Read More

2 RIDER, NABANGGA, NAGULUNGAN PA NG TRUCK

accident121

(NI SIGRED ADSUARA)

NAKABANGGA na, nagulungan pa ng truck ang dalawang motorcycle rider nang kapwa matumba matapos na makasagi ang isang kotse sa Trece Martires City, Cavite.

Namatay  habang ginagamot sa Gen Emilio Aguinaldo Hospital si Rogen Almoguera, 20, binata at angkas nitong si Mark Romero , 21, kapawa construction worker  at tubong Masbate at  resident e ng  Blk 4, Lt 32, Regina Ville 200, Brgy. Inocencio, Trece Martires City, Cavite.

Hawak naman na ng pulisya ang driver ng isang kulay orange na Hino truck ma may plakang SAF 165 na si Sonny Reyes, 45, ng Luciano Bitangan, Trece Martires City, Cavite.

Sa ulat ni PSSgt Rene Bibon ng Trece Martires City, Cavite, dakong alas-7:30 Biyernes ng umaga nang maganap ang insidente sa Trece_Indang Road, Brgy Inocencio , Trece Martires City, Cavite kung saan kapwa minamaneho ni Almoguera ang kanyang motorsiklo at  isang kulay gray na metallic na Toyota  naman ni Merlyn Vida, 33,  at binabagtas ang kahabaan ng  Trece-Indang Road, galing sa Regina Ville Subd., patungo sa direksiyon ng San Agustin sa Trece Martires City, Cavite.

Nauna ang kotse ni Vida habang nakasunod naman ang motorsiklo ni Almoguera at angkas nito si Romero.

Minamaneho naman ni ni Reyes ang isang Hino truck at binabagtas ang kabilang kalsada patungo sa direksiyon ng Inocencio St sa nasabing ring Lungsod.

Pero pagsapit sa barangay hall ng Brgy Inocencio sa Trece-Indang Road at nabangga ng harapang bahagi ng motorsiklo ni Almoguera dahilan upang matumba sila sa kaliwang bahagi ng kalsada at magulungan naman ng truck ni Reyes.

Kapwa sinaklolohan ng City Disaster Risk reduction Management ang dalawang motorcycle rider at isinugod sa ospital subalit namatay sila habang ginagamot.

 

Please follow and like us:
Read More

LOLA DADALO SA PRAYER MEETING, NASAGASAAN, TIGOK

accident12

(NI ANNIE PINEDA)

HINDI na umabot pa sa dadaluhan prayer meeting ang isang lola makaraan masagasaan ito ng humaharurot na motorsiklo, sa Pangasinan.

Kinilala ang biktimang si Demetria Guillermo, 64, ng Maramba, Lingayen , Pangasinan.

Batay sa report ng pulisya, naganap ang insidente sa kalsada ng Maramba Blvd. ng nasabing bayan.

Lumabas sa pagsisiyasat ng pulisya, patawid ang biktima sa kalsada patungo sa religious activity subalit nahagip ito ng suspek at nagtamo ng matinding pinsala sa ulo na agad nitong ikinamatay.

Hindi naman nagawang tumakas ng suspek matapos itong sumemplang at magtamo ng sugat sa katawan na agad dinala sa ospital para lapatan ng lunas.

Nakatakda naman sampahan ng kasong reckless imprudence resulting to homicide ang suspek.

Please follow and like us:
Read More