TUMATAGINTING na P200,000 ang ipinataw na multa ng Philippine Basketball Association kay San Miguel forward Arwind Santos dahil sa racial gesture laban kay TNT import Terrence Jones sa Game 5 ng 2019 PBA Commissioner’s Cup finals.
Maliban dito ay inatasan din si Santos na mag-community service (100 hours) at sumailalim sa seminar at counseling tungkol sa equality and racial discrimination.
Nauna rito ay ipinatawag ni PBA commissioner Willie Marcial si Santos noong Huwebes matapos makunan ng camera na umaastang unggoy sa harapan ni Jones nang matawagan ito ng foul sa huling bahagi ng second quarter.
Mariing binatikos sa pamamagitan ng social media ni Jones ang ginawa ni Santos na tumangging mag-apologize sa kanyang monkey gesture.
“I don’t normally post responses to negative things said about me – but as a father and a black man, this can’t be ignored,” ani Jones sa kanyang Instagram noon din Huwebes.
“I came to the PBA to play – and to share my talent – in a country where I have tremendous respect for its culture and its people,” ani Jones. “My son is of Filipino descent. I cannot and will not tolerate racial slurs and gestures. They’re not only disrespectful to me but to my family and my race. I teach my son to be proud of who he is and to be respectful of all.
“This wasn’t a case of ‘mind games’ in an athletic competition – it was racism. Period. And it is unacceptable. Swift, significant action needs to be taken by the PBA to send a STRONG, clear message that racism in any form is UNACCEPTABLE will NOT be tolerated,” ayon pa kay Jones.
Mariing binatikos din ng TNT management, PBA players ang officials, at maging ng fans ang pang-iinsulto ni Santos kay Jones.