19-ANYOS NAKURYENTE SA POSTE NG TRAFFIC LIGHT

electrocution

(NI DONDON DINOY)

DAVAO CITY-Patay na ng dumating sa pagamutan ang isang 19-anyos na lalaking mag-aaral sa Grade 11 matapos pinaniniwalaang nakuryente ng maapakan nito ang tubig na nasa gilid ng poste ng traffic light ala 1:30 ng madaling araw ng Miyerkules sa Barangay Panacan, nitong lungsod.

Ang biktima ay nakilalang isang Laurence Allen Barrios Siarot, mag-aaral sa Rizal Memorial Colleges (RMC), at residente ng Avocado Street, Phase 2, Doña Mercedez Subdivision sa naturang barangay.

Alas 2:00 ng madaling araw, nang isugod ang biktima sa Southern Philippines Medical Center (SPMC) ng mga Panacan volunteers ngunit hindi na umabot nang buhay.

Ayon sa nakasaksi na si Frederick Lumantad Tolibas, 43, security guard ng Depo Panacan, na kabababa lang ng sinasakyang jeepney ang biktima nang bigla na lang mangisay pagdaan nito sa may poste na may nakapondong tubig dahil umano sa buhos ng ulan.

Please follow and like us:

Related posts

Leave a Comment