OBRERO NAGBIGTI SA KABLE

suicide

NATAGPUANG nakabigti at wala nang buhay  ang isang construction worker sa loob ng kanyang tahanan sa Marikina City, nitong Miyerkoles ng hapon.

Kinilala ng Marikina City Police Station ang biktimang si Jhun Rey Gutierrez, 22-anyos, nadiskubreng walang buhay sa loob ng kanyang tahanan bandang alas-5:30 ng hapon sa Block 42, Mais Street, sa Barangay Tumana, ng nabanggit na lungsod.

Nabatid sa salaysay ng testigong si Maricris Parale y Tividad, 23, jobless, nakarinig siya ng kakaibang ingay mula sa bahay ng biktima kaya naisipan niyang sumilip sa harapang pintuan para alamin kung ano ang nangyayari.

Nagulat na lamang siya nang makita niya ang nakabigting biktima gamit ang kable ng kuryente.

Tinulungan ng isa ring construction worker na si Marlon Miguel, 33, si Parale na putulin ang kable na ginamit ng biktima sa pagbibigti ngunit wala na itong buhay. (NICK ECHEVARRIA)

Related posts

Leave a Comment