BIYUDO DEDO SA RAPIDO 

BULLET-1

BUMULAGTANG walang buhay ang isang 44-anyos na biyudo makaraang pagbabarilin ng hindi kilalang mga suspek sa Malabon City noong Linggo ng hapon.

Kinilala ang biktimang tinamaan ng bala sa ulo at katawan na si Renato Dacara, driver, residente ng Blk. 1, Lot 3, Sitio Gulayan, Brgy. Catmon.

Ayon sa ulat ng pulisya, alas-3:30 ng hapon, nakatayo ang biktima sa Sitio Gulayan St. nang sumulpot ang mga suspek sa likod at pinagbabaril si Dacara.

Nang matiyak na patay na ang biktima ay tumakas ang mga suspek patungo sa Pilapil St., Brgy. Catmon.

Sa kasalukuyan, blangko pa ang pulisya kung sino ang mga suspek at kung ano ang motibo sa krimen. (ALAIN AJERO)

Related posts

Leave a Comment