ANCAJAS MAGDIDIKTA NG LABAN

(NI EM RUBIN)

HINDI magmamadali si IBF Super Flyweight World Champion Jerwin Ancajas sa kanyang pakikipagsagupa kay Miguel Gonzalez ng Chile sa Disyembre 7 sa Puebla, Mexico.

“Pag-aaralan po muna niya sa early rounds po, katulad sa mga ginagawa niya lagi,” ayon sa trainer at manager ni Ancajas na si Joven Jimenez sa isang text message mula sa California.

“Hindi po siya magmamadali pero siya agad ang magdidikta simula round 1,” paliwanag nito.

Dagdag ni Jimenez, handa si “Pretty Boy” na lumaban ng 12 rounds sa ikawalong pagdepensa niya ng kanyang 118-pound na titulo, na pagmamay-ari nito noon pang 2016.

“Hindi po namin pinaplanong pabagsakin ang kalaban. 12 rounds po ang plano namin palagi, pero kung may pagkakataon, papasukin ni Jerwin ang kalaban,” ani Jimenez.

“Nakita po namin may lakas ang kalaban. Kaya hindi po basta-basta pababagsakin.”

Wala naman nakikitang problema si Jimenez sa pagkuha ng timbang ng 27-anyos na Pinoy champion, na dapat ay noon pang Nobyembre 2 lumaban kontra Jonathan Rodriguez ng Mexico.

Sa ngayon aniya, tumitimbang ng 122 pounds ang pambato ng Panabo City.

Nasa tapering stage na si Ancajas, at light sparring na lamang ang ginagawa.

Ayon pa kay Jimenez, Disyembre 1 sila tutungo sa Mexico, ilang araw bago ang laban.

Please follow and like us:
Read More

SIX-PEAT SA NU LADY BULLDOGS

(NI LOUIS AQUINO/PHOTO BY MJ ROMERO)

NAG-REYNANG muli sa pambihirang ikaanim na pagkakataon ang National Universtiy Lady Bulldogs nang walisin sa Game 2 ang kalabang University of Santo Tomas Lady Tigresses sa  UAAP Season 82 women’s basketball finals kahapon sa Mall of Asia Arena.

Ang 66-54 Game Two victory ng NU kontra UST ang ika-96 historic winning streak ng Lady Bulldogs.
Tatlong Lady Bulldogs ang nagtala ng double digit scores sa pangunguna ng tinanghal na Finals MVP na si Monique del Carmen, 15 points, four assists, two rebounds, at two steals.

Nagposte rin ng 15 points, five rebounds, two assists, at two steals si Kaye Pingol na dalawang beses lumabas second half, una dahil sa hindi inaasahang banggaan nila ni Ruby Portillo kung saan tinamaan siya sa midsection sa third quarter, at pangalawa ay nang ma-injured ang kanyang kanang balikat sa unang parte ng last quarter.

Nagdagdag naman si Congolese center Rhena Itesi ng 12 points, eight boards, three dimes, at three steals.
Naging impresibo ang NU na nagawang manalo sa kabila ng pagkawala ng Mythical Team at senior member nila na si Jack Animam, nananatiling nasa Auckland, New Zealand at nagpapagaling dahil sa tinamong orbital fracture.

Nanguna para sa silver medal finisher na Lady Tigresses si Tantoy Ferrer na kumamada ng 16 points, six rebounds, at three steals, habang si Season MVP Grace Irebu ay may double-double, 11 points at 10 rebounds.

 

Please follow and like us:
Read More

KAMPANYA NG PINAS SISIMULAN NG POLO TEAM

(NI ANN ENCARNACION)

ISANG linggo bago ang pinakaaabangang pagbubukas ng ika-30 edisyon ng Southeast Asian Games sa Nobyembre 30, sisimulan na ng Philippine Polo  team ang kampanya ng bansa para sa inaasam na maging pangkalahatang kampeon sa kada dalawang taong paligsahan.

Polo ang pinakaunang laro sa 30th SEA Games na magsisimula  bukas ng hapon (Nobyembre 24) sa Iñigo Zobel Polo facility sa Calatagan, Batangas.

Ganap na ala-una ng hapon bubuksan ng labanan sa Division A na 4-6 Goals event sa pagitan ng apat na bansa kabilang ang Brunei, Malaysia, Indonesia at host Pilipinas.

Ngayong araw naman isasagawa ang drawing of lots para sa mga kalahok, bago ang inaasahang welcome dinner para sa players, mga opisyales at guests na kinabibilangan ng royalties at top government officials na sasabak sa kompetisyon.

Dumating na sa bansa ang mga kalahok sa kompetisyon kung saan mahigit sa 200 na gagamiting mga kabayo ang inaasahan din ipapasok sa bansa.

Sinabi ni PNFPP founding director at House Deputy Speaker Mikee Romero ng 1 Pacman Partylist, kahit may injury ay pipilitin niyang makapaglaro para sa pambansang koponan na kinabibilangan din nina Gus Aguirre, Tommy Bitong, Jay de Jesus, Jam Eusebio, Anthony Filamor, Coco Garcia, Santi Juban, Ed Lopez, Marty Romualdez, Tonio Veloso at Noel Vecimal.

Kababalik lang ng PH Polo team mula sa friendly competitions at trainings sa Argentina, Australia at United States.
Galing din ang koponan sa Buenos Aires kasama sina De Jesus, Eusebio, Garcia, Lopez, Veloso at Romero pati ang five-goaler at isa sa pinakamagaling na coaches sa Asia na si Anthony Garcia at team manager  Lope Juban.

Samantala, matapos ang Polo ay sunod na magsasagawa ng elimination competition ang Floorball, Football at Netball sa Lunes, Nobyembre 25.

 

Please follow and like us:
Read More

 SEA GAMES SPORTS MAPANONOOD NANG LIBRE

(NI ANN ENCARNACION)

GOOD news sa mga Pinoy na gustong manood ngunit “cannot afford” bumili ng tickets sa mga laro sa 30th Southeast Asian Games.

Mayroong ilang sports na pwedeng mapanood nang libre, ayon kay 2019 SEA Games director for marketing Raoul Floresca.

Ilan sa SEA Games sports na maaaring mapanood ng mga Pinoy, upang masuportahan na rin ang mga kababayang atleta, ay  Triathlon at Duathlon na gaganapin sa Subic Bay Freeport Zone.

Outdoor sports ang triathlon (swim-bike-run) at duathlon (run-bike-run) kaya’t hindi na kakailanganin pang bumili ng tiket ng mga gustong manood nang aktuwal na competitions.

Ang dalawang nabanggit na events ay kasama sa pinakaunang paglalabanan sa 2019 SEA Games. Ang Triathlon ay gaganapin sa Disyembre 1 at 4, habang ang Duathlon ay sa Disyembre 2 at 5.

Tatangkain ng Triathlon gold winner noong 2017 SEA Games sa Kuala Lumpur, Malaysia na si Kim Mangrobang ng Pilipinas na depensahan ang kanyang korona sa 30th SEAG.

Maliban sa Triathlon at Duathlon, ang iba pang SEA Games events na gaganapin sa Subic Bay na hindi na kakailangan ng tiket at libreng mapapanood ng mga Pinoy ang Canoe/Kayak, Rowing, Sailing, Windsurfing, open water swimming at shooting.

Please follow and like us:
Read More

13 GINTO ASAN NG PH DANCESPORTS

(NI ANN ENCARNACION)

KUMPIYANSA ang danceports association na kaya nilang walisin ang lahat ng nakatayang gintong medalya sa paghohost ng bansa sa ika-30 edisyon ng Southeast Asian Games na magsisimula sa Nobyembre 30.

Inaasahan ang dancesport ang magiging isa sa mga minahan ng ginto ng Pilipinas na tangkang masungkit ang pangkalahatang kampeonato (sa ikalawang pagkakataon) sa ikaapat na beses na paghohost ng bansa sa multi-sports tournament na magsisimula sa Disyembre 1 hanggang 11.

Ipinahayag ni Dancesport Council of the Philippines president Becky Garcia ang kanilang hangarin na hakutin ang ginto sa 13 events upang tulungan ang Team Philippines na maabot muli ang tagumpay sa pangrehiyong torneo.

Sinabi ni Garcia na nag-hire sila ng dalawang foreign coaches upang tulungan na mahasa ang kanilang skills. Ito ay sina Alina Novak ng Poland at Alexander Melnikov ng Russia na dumating sa bansa tatlong linggo na ang nakalilipas upang turuan at ihanda ang mga Filipino athletes.

Si Nowak ay beteranong dancer na nagwagi sa Adult Latin Division ng World Championship habang si Melnikov ay isang seasoned mentor na itinuturo ang kahusayan sa balance, coordination at movement.

Maliban sa pag-aaral sa mga turo ng foreign coaches, nagsanay din ang mga Pinoy dancers sa Italy noong nakaraang buwan at dumalo rin sa dance camp.

Ayon kay Garcia, ayaw niyang mangako ngunit desidido silang makamit ang sweep sa itinuturing na pinakamalaki at pinakaprestihiyosong multi-sports tournament sa rehiyon.

“I don’t want to predict but if we can go for a sweep, we’ll do it,” sabi ni Garcia.
Nagawa ng Pinoy dancesports team na magwagi ng dalawang ginto at dalawang pilak sa SEA Games noong 2005.

“We had a training camp and we hired foreign coaches. We had a good preparation for the SEA Games and the athletes are ready. We just have to keep our fingers crossed and hope for the best,” dagdag ni Garcia, na pinasalamatan ang Philippine Amusement and Gaming Corporation (Pagcor) at Philippine Sports Commission (PSC) sa pagtulong sa kanilang paghahanda.

Una nang nagpahayag ang Skateboarding and Roller Sports Association na kanilang wawalisin ang kabuuang walong medalya sa lahat ng events sa biennial meet.

Please follow and like us:
Read More

9 HULI SA ILLEGAL BETTING

arrested12

(NI DENNIS INIGO)

PINAIGTING ng Games and Amusements Board (GAB), sa pamumuno ni Chair Abraham ‘Baham’ Mitra, ang kampanya laban sa illegal betting makaraan ang matagumpay na operasyon sa Tondo at Sampaloc, Manila.

Iniulat ni Mitra, siyam na katao ang nadakip sa magkakasunod na pagsalakay na isinagawa ng GAB, sa kooperasyon ng Manila Police District-RID RSOG at MPD-DID DPIOU, sa dalawang illegal bookies sa lungsod.

Unang ni-raid ang isang bahay sa may Ortega St., Tondo kung saan ay nasakote ang kahera at anim na mananaya. isinunod ang isang bahay sa Maria Clara St., Sampaloc na ikinahuli rin ng cashier at isang bettor.

“The GAB is determined to pursue its mandate to regulate professional sports and protect the interest of the government against illegal betting,” pahayag ni Mitra sa TOPS (Tabloids Organization in Philippine Sports).

Binalaan ni  Mitra, lubusang sinusuportahan nina Commissioner Eduard Trinidad at Mar Masanguid, ang illegal bookies na hindi sila titigil sa kanilang kampanya hanggat hindi nasasawata ang pagpapatuloy ng illegal gambling sa bansa.

Ang kampanya ng GAB ay paraan nito ng pagtulong sa horse racing industry na pinababagsak ng illegal bookies.
Ikinasa na ang kaukulang charges ng MPD laban sa mga nadakip sa illegal gambling operations.

Please follow and like us:
Read More

ATENEO BACK-TO-BACK CHAMP

GUMAWA ng kasaysayan ang Ateneo Blue Eagles nang magkampeon na may perpektong kartada sa UAAP Season 82 men’s basketball finals sa Mall of Asia Arena kahapon.

Winalis ng Blue Eagles ang UST Growling Tigers nang talunin ito sa iskor na 86-79 sa Game 2 ng kanilang best-of-three finals series.

May perpektong 16-0 ngayong season ang Ateneo, itinuturing na “most dominant campaign” sa buong collegiate basketball.

Bumida para sa Blue Eagles si Thirdy Ravena na umiskor ng 17 puntos, kabilang ang walo sa huling quarter, bukod sa pitong rebounds at limang assists.

Si Ravena rin ang tinanghal na Finals MVP.

Tinangka ng UST na makabawi mula sa kanilang 91-77 pagkatalo sa Game 1 noong Sabado, ngunit sa huli ay hindi na rin nito kinaya at nanaig pa rin ang ngayo’y  three consecutive champ Ateneo. (PHOTO BY MJ ROMERO)

Please follow and like us:
Read More

LETRAN HARI NG NCAA MEN’S BASKETBALL  

MAY bago nang hari ang NCAA men’s basketball ngayong season at ito ang Letran Knights.

Nitong Martes ay  ay hinubaran ng korona ng Knights ang San Beda Red Lions nang talunin ito sa iskor na 81-79 sa makapigil-hiningang do-or-die Game 3 ng NCAA Season 95 men’s basketball tournament.

Ito ang unang NCAA crown ng Letran simula noong 2015.

Dobleng sakit ang pagkatalo para sa San Beda na nabahiran ang sana’y perpektong season nang silatin ng Letran sa Game 1 ng kanilang best-of-three finals series at nabulilyaso pa ang inaasam na fourth consecutive title.
Na-sweep ng San Beda ang elimination round at may perpektong 32-game winning streak bago ginulat ng Knights sa Game 1, 65-64.
Agad naman bumalikwas ang San Beda at kinuha ang Game 2, 79-76, para makapwersa ng decider Game 3.
Ngunit sa huli ay nanaig ang Knights para hablutin ang ika- 18 titulo sa seniors division.
Unang nagkampeon ang Letran noong Season 91, nang tinalo nito ang San Beda sa three games. (PHOTO BY MJ ROMERO)

Please follow and like us:
Read More

30th SEA GAMES: SIMULA NA NG TOTAL GUN BAN

guns

(NI JESSE KABEL)

SIMULA bukas (Nobyembre 20) ay mahigpit nang ipatutupad ng Philippine National Police ang total gun ban sa apat na rehiyon sa Luzon kaugnay sa seguridad na inilalatag para sa idaraos na 30th Southeast Asian Games.

Bahagi ng security blanket na inilatag ng PNP at maging ng Armed Forces of the Philippine ang pagpapairal  ng gun ban sa mga lugar na pagdarausan ng kada dalawang taon na biennial meet.

Ayon kay PNP spokesperson Brig. Gen. Bernard Banac, iiral ang total gun ban partikular sa Region 4A o CALABARZON areas, National Capital Region (NCR)  Region 1 (La Union) at Region 3 (Central Luzon).

Nabatid na magtatalaga rin ang AFP-Joint Task Force NCR ng sapat na puwersa para ayudahan ang may 27, 440 pulis na idedeploy ng PNP para sa  SEA Games security kasama na rito ang mga escort sa mga convoy ng mga delegado ng iba’t ibang mga bansa na kasali sa SEA Games.

Ang gun ban sa apat na rehiyon ay ipatutupad simula sa November 20 (Miyerkules) hanggang sa December 14 (Sabado).

Ang pormal opening ceremony ng 30th SEA Games ay gaganapin sa Philippine Arena sa Bocaue, Bulacan sa darating na Nobyembre 30, 2019 habang ang  closing ceremony ay gaganapin sa December 11.

Sa mga nakalipas na araw ay todo na ang mga aktibidad ng AFP at PNP bilang bahagi ng iba’t ibang uri ng paghahanda, kasama na rito ang send off ceremony sa mga pulis na itatalaga sa mga venues at mga magiging parte ng delegasyon sa biennial meet.

Please follow and like us:
Read More

HINDI MANGINGITLOG ANG UNDERWATER HOCKEY SA SEAG

UNDERWATER HOCKEY

ILANG araw na lamang ang ating binibilang,  12 days na lang from now kaya amoy na amoy na natin ang paghahanda sa ating pagiging punong abala sa 30th Southeast Asian Games.

From November 30 untill December 11  nasa rurok na tayo ng bakbakan at sinasabing hindi tayo mapapahiya pagiging host country natin,  ayon sa ating mga sports official na nabigyan ng appointments sa kanilang kinalalagyan.

Tiniyak din nila na hindi na magkakaroon ng kalituhan o gulo dahil naplantsa na ang lahat ng problema at naisaayos na ang lahat para sa paparating na biennial meet.

Well,  dapat lang naman na magkaisa ang ating mga opisyal sa 30th Southeast Asian Games lalo’t tayo ang host country sa 10-countries na dadayo para sa inaabangang kada dalawang taong sporting event sa Southeast Asia.

Marami pang pagkakaabalahan ang ating sports officials patungkol sa pagkaantala sa  akreditasyon,  billeting,  sasakyan,  food and drinks, at kung paano ang magiging sistema sa coverage ng ating mga local sports media at visitors na nais magpunta sa iba’t ibang lugar na pagdarausan ng 30th SEA Games.

Himutok ng ating mga kapwa sports media, saan sila pupulutin pagdating sa aktuwal na pagsisimula at pagtatapos ng kada dalawang taong palakasan. Hmmmm.?

oOo

Walang puwang ang mga isyung ibinabato sa hanay ng national underwater hockey team na masizero raw sila sa darating na biennial meet.

Tiniyak ng grupo na matatag ang kanilang samahan at matagal na nilang pinaghandaan ang SEA Games kaya’t wala umanong dahilan para husgahan na mangingitlog sila sa araw ng kompetisyon.

Ayon kay UWH President Dennis Valdes,  maging ang mga player nila na sina JV at Bem Lim, at Topz Policarpio ay dumaan sa mahabang pagsasanay upang ipakita sa sambayanang Pinoy na aangat tayo sa underwater hockey. Tiniyak din nila na mabibigyang pansin na sa ating bansa ang naturang sports.

Maging sa SEAG ay bago pa lang ang underwater hockey kaya naman tinitiyak nina forwards JV at Topz, at middle catcher Bem, na hindi sila susuko at lahat ay kanilang gagawin upang manalo. Siniguro rin ng mga ito na hindi sila mauubusan ng hininga sa ilalim ng pool upang sisirin ang unang ginto sa underwater hockey.

Aabangan po namin yan mga bossing! (OBERTAYM / Dennis Inigo)

 

Please follow and like us:
Read More

PINOY ATHLETES SASANDIGAN NI RAMIREZ

poc

(NI ANN ENCARNACION)

 

OPTIMISTIKO si Philippine Sports Commission (PSC) William ‘Butch’ Ramirez na ang matinding paghahanda ng mga pambansang atleta ang magiging susi sa inaasam nitong muling pagsungkit sa pangkalahatang titulo sa pagho-host ng bansa sa ika-30 edisyon ng Southeast Asian Games.

Aminado si Ramirez na pinakasusi sa kampanya sa internasyonal na torneo ang planado at mahabang na paghahanda para sa ninanais makamit na tagumpay sa Nobyembre 30 hanggang Disyembre 11.

Ayon kay Ramirez, sa kanyang pagdalo sa SCOOP On Air Forum, halos 75 percent ng mga atleta sa bawat National Sports Association ay mayroong international exposure.

Idinagdag niya na bagama’t walang ‘Sports Godfathers’ ngayon ang ating mga atleta, sinuportahan sila ng PSC sa kinakailangan nilang international training and exposure na kinakailangan nila.

Katulad ng ipinagutos ni President Digong (Rodrigo Duterte), ginawa umano ng PSC ang lahat upang matiyak na magiging matagumpay ang mga atletang Pinoy at ang bansa sa ikaapat na paghohost nito sa biennial meet.

Ito ang ikalawang pagkakataon na tatayo bilang chef de mission si Ramirez. Nauna niyang hinawakan ang nasabing posisyon noong 2005 SEA Games kung saan nakamit ng Pilipinas ang pangkalahatang kampeonato sa kada dalawang taong mulit-sports tournament.

At ngayong 2019 SEA Games, kaisa ni Ramirez ang buong bansa na umaasang magagawang muli ng Pilipinas na maging overall champ sa naturang biennial meet.

Please follow and like us:
Read More

“ATTRACTION” NG SEA GAMES

seagames12

 SA darating na Southeast Asian Games, kung ikaw ay atleta at hindi basketball, boxing, football o volleyball ang sport mo, malamang ay hindi ka mabigyan ng sapat na pansin.

Alam naman natin lahat na established na ang apat na sports sa Pilipinas dahil ito ang mga paboritong panoorin o laruin ng Pinoy.

Ngunit ngayong SEA Games, pagkakataon na para maipakilala sa mga Pinoy sports fans ang iba pang games sa biennial meet.

Aminin man natin o hindi, may mga sports na imbes na ang laro ang sundan nga mga fans, mas kinagigiliwan nilang masilayan ang kagandahan at kagwapuhan ng mga atleta.

Pero imbes na kutyain natin ang mga sports fans dahil sa tila mali ang kanilang dahilan para manood ng sports, mas mabuti pa na gawin itong pagkakataon para makakuha ng sapat na atensyon.

Hindi naman kaila na ang football, bago tuluyan itong akapin at intindihin ng mga Pinoy, mas unang napansin ang tikas ng magkapatid na Phil at James Younghusband at binudburan pa ng ilang mga European-based Filipino players.

Kinalaunan, natuon na ang pansin ng mga fans sa tunay na ganda ng laro hanggang sa tuluyan nang maka-attract ito ng pure football Pinoy fans.

oOo

Ngayong SEA Games, ilan sa mga sports ay magpaparada ng kanilang mga pambato na hindi lamang magbibigay ng gold medals kungdi sapat na atensyon na din dahil sa kanilang angking kagandahan at kagwapuhan.

Isa na dito si world-rated Karateka Joane Orbon na ipinanganak sa California buhat sa mga magulang na nanggaling ng Bicol at Ilocos.

Umabot sa top 10 ang ratings ng Pinay karateka na mala-Miss Universe ang tindig at itsura nang ito ay miyembro pa ng United States Federation.

Tiyak na mapapamahal agad si Orbon sa mga Pinoy fans dahil sa desisyon nito na iwan ang mas makinang na career sa US at irepresenta ang Pilipinas hindi lamang sa SEA Games kungdi maging sa 2020 Tokyo, Olympics.

Nitong November 13 lamang ay inilabas ng World Karate Federation (WKF) ang desisyon na kilalanin si Orbon bilang atleta ng Pilipinas.

Gaganapin ang mga karate events ng SEA Games sa World Trade Center sa Pasay City

oOo

Sa lahat ng mga sports sa SEA Games, ang skateboarding ang nagnanais na mabago ang imahe pagdating sa paningin ng mga Pinoy.

Sa matagal na panahon, kinunsidera bilang mga “pasaway” sa kalsada ang mga skateboarders ngunit sa Asian Games success ni Margielyn Didal ay unti-unti nang nakakakuha ng respeto ang nasabing sport.

Ngayong SEAG, makakatuwang ni Didal sina Jaime De Lange at Tomas Romualdez pagdating sa paghakot ng medalya at mga karagdagang fans.

Sina De Lange at Romualdez ay maglalaro sa Downhill Skateboarding o ang pagkarera sa kabundukan gamit ang kanilang skateboarding.

Paborito si De Lange sa nasabing event dahil sa international experience kumpara kay Romualdez ngunit tiyak na guguluhin ng dalawa ang isipan ng mga female fans na manonood ng kanilang event dahil wala kang itulak kabigin pagdating sa tikas nilang dalawa.

Please follow and like us:
Read More

BATTILER BABAWI SA GAME 3

NA-FRUSTRATE si NCAA Season 95 MVP Calvin Oftana ng San Beda sa Game 1 performance niya kaya’t bumawi siya sa Game 2 at naitabla ang serye kontra Letran at nakapwersa ng deciding Game 3 sa Martes sa Mall of Asia Arena.

Umiskor ang 6-4 Dumaguete native ng 17 points, kabilang ang go-ahead three-point play sa nalalabing 19.1 seconds na naging susi sa 79-76 panalo ng San Beda noong Biyernes.

“Nung natanggap ko yung ball, sabi ko, ‘Lord, ikaw na bahala rito.’ Yun talaga nasa isip ko. Luckily naipasok ko, foul-counted, at syempre kailangan yung free throw kaya lumamang kami ng isa.”

May pag-asa pa sanang masilat ng Letran ang San Beda ngunit nabigo si Bonbon Batiller na maisyut ang bola.

“Isang shot na lang, isang lay-up ko na lang, (expletive) champion na. Para sa akin ako ang nagpatalo sa game,” naiiyak na sabi ni Batiller matapos ang makapigil-hiningang laro ng dalawang teams.

“Nahihiya ako sa teammates ko kasi, isang shot na lang, isang layup ko na lang, kung na-convert ko yun hindi ganun ang takbo ng game. Pero (expletive) nadulas talaga,” ayon sa transferee mula sa University of the East na si Batiller.

Katulad ni Oftana matapos ang Game 1 loss nila sa Letran, nangako ang 25-anyos na General Santos City native na babawi sa do-or-die sa Game 3.

“Yun na nga sinasabi ng mga boss namin e, sabi ng mga boss and mga coaches, hindi pa tapos at may time pa para bumawi sa Game 3. Positive lang,” ani Batiller.

 

Please follow and like us:
Read More

PBA CAREER NI KRAMER TAPOS NA

(NI LOUIS AQUINO)

MAGANDA na rin ang naging ending ng 12-taong karera sa PBA ni Doug Kramer matapos manalo ang kanyang Phoenix Pulse team sa pagtatapos ng kampanya ng koponan sa Governor’s Cup

Si Kramer, 36, ay nagpahayag ng pagreretiro sa PBA bago ang game ng Phoenix Pulse kontra Blackwater noong Biyernes kung saan nanalo ang Fuel Masters sa overtime, 120-117.

Sa kanyang huling laro sa Fuel Masters ay nakapagtala ng three points at 10 rebounds si Kramer.
Maliban sa Phoenix Pulse, naglaro rin siya sa mga koponan ng Air21, Barangay Ginebra, Rain or Shine, Barako Bull, Petron/San Miguel at GlobalPort.

Para sa dating Ateneo Blue Eagles star, napiling fifth overall noong 2007 PBA Rookie Draft, nanghihinayang siya na hindi nakapasok ang Phoenix Pulse sa quarterfinals, ngunit masaya na nanalo sila bago nag-exit sa third conference.

Nilinaw din niya na hindi biglaan kundi matagal niyang pinag-isipan ang pagreretiro. “I planned this maybe for the past year and then parang na-solidify lang ‘yung plans ko the past few months. I wanted to announce it, No. 1 because parang no-bearing na ‘yung game and I wanted the fans to know also that it was my last game. There were some fans that came out and said their goodbyes.”

Dagdag niya, “Basketball is something that I made na parang one of my avenues. I’ll give my all, I’ll be professional, but knowing it’s only an X amount of years, six years, 10 years, 12 years, whatever it may be. At the end of the day, I’m still very young. I’m 36. I still want to do so much.”

Masaya din siya na nagretiro nang walang sakit o injuries. “I’m very healthy, I’m very strong physically, I can still take the banging. But parang naging notion na kasi for almost every basketball player, will you wait till something is really painful until you give up, until puro pain killer ka na lang? I’m not like that.”

Ayon pa kay Kramer, marami siyang plano kasama ang kanyang pamilya at iaanunsiyo niya ito ‘soon’ sa social media.

 

Please follow and like us:
Read More

PINAS PALABAN SA 30TH SEAG

30th SEA GAMES-2

SADYANG masakit na tanggapin ang mga report na hindi aahon sa kahit ikatlong puwesto man lamang ang ating bansa sa 30th Southeast Asian Games,  na tayo pa naman ang punong abala.

Nakatatakot ang report ng ilang local media natin na sa pakiwari ko’y hindi dapat bigyan ng anumang pakahulugan at dapat ay maging pulis o sundalo tayo para sa ating ikalalakas lalo ng ating mga atleta na sasabak sa SEA Games. Inuulit ko po,  tayo ang host contry,  ang PILIPINAS.

Nagpalabas na ng report ang ilang matataas nating sports officials ukol sa kalalabasan ng resulta ng ating ikaapat na pagsasagawa ng biennial meet ( from 1981,  1991,  2005 at ngayon pong 2019) at ayon po sa nakalap nating report sa Philippine Sports Commission (PSC) ay may tsansa na tayong makaakyat mula sa 7th place tungo sa 1-3 posisyon sa taong ito.

Kung tama ang prediksiyon nina PSC Chairman Butch Ramirez na 200 plus,  ang grupo ng ilang bigating NSAs with reports  from Chair Butch din na 145,  ang inyong abang lingkod ay nasa 167 golds (palakasan ng loob), siguradong makukuha natin ang inaasam ng lahat na maging overall champion sa 11 bansang kasapi ng SEAG.

Ipagdarasal natin ang laban ng ating Philippine Team na pawang gigil na upang makapagbigay ng karangalan sa bansa.

Napakasaya kasi patuloy nating naisasakatuparan ang biennial meet na mismong ang Pilipinas ang punong abala, at may mga magagaling na mandirigmang atleta tayong lumalaban sa anumang klase ng bakbakan.

Ang nakalulungkot lang, ilang araw na lamang at magsisimula na ang kada dalawang taong paligsahan pero may mga samu’t saring aberyang nangyayari pa rin pala sa mga itinalagang officials at staff na mangangalaga sa 30th SEAG.

Susme kayong mga nasa SEAG group, nakasusuka na ang mga pinagggagawa nyo. Yun pong mga nasa staff, sana ay mahiya at umayos na kayo!

Eniwey,  ako po ay lubusang sumasaludo sa ating mga atleta,  kay Chair Butch at sa lahat ng mga opisyal at kawani ng Philippine Sports. MABUHAY PO KAYONG LAHAT!

Please follow and like us:
Read More

KASIKATAN NG MGA PH BOXERS

PH BOXER-2

Sa nakaraang 15-20 years, mas marami na ngayon ang boxing promotions sa Pilipinas kumpara noon.

Mas marami din ang nagiging world champions na mga Pinoys ngayon dahil nga sa dami ng activities na mga nasalihan ng mga ito maging sa ibang bansa.

Sa kasamaang palad, hindi maituturing na “celebrated” o sikat na mga Pinoy boxers na naging world champions na maihahanay sa mga pangalan nina Manny Pacquiao, Nonito Donaire, Jr., Luisito Espinosa, Donnie Nietes at magkapatid na Dodie Boy at Gerry Penalosa.

Ilan sa mga maituturing na magagaling na world champions ng bansa ay sina Johnriel Casimero, Jhack Tepora at Marlon Tapales.

Sa kasamaang palad, hindi nila nakuha ang atensyon na nakuha ng mga tanyag na boxers noon.

Hindi naman maikakaila na ang mga performance ng recent champions katulad nina Casimero at Tepora ay maihahalintulad sa mga kalidad nina Donaire et al – explosive at exciting.

Pero bakit nga ba tila hindi kasikatan ang mga boxers ngayon kumpara ngayon kahit na halos linggo-linggo na ang paboksing sa Pilipinas?

Karamihan kasi sa mga promoters ngayon, kuntento nang nakakapag-promote sila ng mga boxing event.

Paniwala nila, sapat na ang manalo ang kanilang boxers, gumanda ang record, mapansin ng mga boxing organizations at maging world-rated.

Ang malaking kakulangan nila, katulad ng kakulangan ng handlers nina Tepora at Tapales, hindi napapanood ng mga boxing fans ang kanilang mga laban lalo na sa early part ng kanilang career.

Akala ng mga promoters at managers, lalo na ang mga baguhan, sapat na ang maging world champions ang kanilang boxers at automatic na sisikat ang mga ito at pagkakaguluhan ng TV networks at sponsors.

Hindi nila alam, business ang TV production at ang pagbebenta ng produkto ng mga potential sponsors.

Ibig sabihin, basic sa mga ito na kilala at sikat ang mga boxers na posible nilang suportahan dahil hindi nga naman magandang business ang buhusan mo ng pera ang isang boxer, kahit na world champion na yan, kung iilan lamang ang nakakakilala sa kanila.

Less awareness sa mga boxers, less exposure ang makukuha ng mga TV at advertisers.

Kaya malaking bagay noon kay Pacquiao na may “Blow By Blow” dahil ang teenager pa lamang na Pacquiao noon ay todong exposure na ang kaniyang nakukuha.

Kungdi ako nagkakamali, halos lahat ng laban ni Pacquiao ay napanood sa television, kaya ganoon na lamang ang following ni Pacquiao nang una itong lumaban sa world championship

Para malaman ng mga promoters kung gaano ka-epektibo ang TV exposure sa kanilang mga boxers, ikumpara nyo na lang si unbeaten Mark “Magnifico” Magsayo, na hindi pa napapalaban sa world crown, kay Tepora na isang WBA world titleholder.

Sina Magsayo at Tepora ay parehong naka-base sa Cebu at kung sila ay maglalakad sa SM Cebu, tiyak ko na si Magsayo ang pagkakaguluhan imbes na si Tepora na isa nang world champion.

Suggestion ko lang, kesa gastusan ninyo ang mga sobrang mahal na regional title belts na nagpapataw ng sanction fees, ibuhos niyo na lang sa TV production na sa aking estimate ay mas mahal lamang ng bahagya kumpara sa gagastusin sa isang regional title fight.

Kesa kumuha din ng mga boxers from Thailand o Indonesia na isa o dalawang rounds lamang ay tulog na, mag-promote na lamang ng All-Filipino title fight o mag-promote ng GAB-sanctioned Philippine title fight o Philippine Boxing Federation championships.

At an average, $5,000 ang kakailanganin para magdala ng mga walang kwentang Thai o Indon sa Pilipinas, pero sa halagang Php50,000.00, makakakuha ka na ng de-kalidad na Filipino boxer na magbibigay naman ng magandang aksyon sa boxer na alaga ng isang manager/promoter.

 

 

Please follow and like us:
Read More

TWICE-TO-BEAT TARGET NG KINGS

KINGS-2

(NI ANN ENCARNACION)

UMAASA ang Barangay Ginebra na makakasama nila si Greg Slaughter sa pagsabak ng Gin Kings ngayong gabi kontra sa mapanganib na Columbian Dyip sa huling laro nila sa pagtatapos ng elimination round ng 2019 PBA Governor’s Cup sa Smart Araneta Center.

Ngunit bago ang salpukan sa pagitan ng Gin Kings at Dyip sa alas-7 ng gabi, una munang magsasagupa ang kapwa eliminated nang Phoenix Pulse Fuelmasters at Blackwater Elite sa alas-4:30 ng hapon.

Kapwa nasa hulihan at may 2-8 panalo-talong kartada ang Fuelmasters at Elite na parehong nasarhan na ng pintuan papasok sa susunod na round ng Governor’s Cup.

Importante sa Gin Kings, na bitbit ang kabuuang 6-3 kartada, na masungkit ang ikalawang sunod na panalo para magpatatag ang kapit sa ikaapat na puwesto at makakuha ng twice-to-beat advantage.

Pilit naman iiwas ang Dyip na mahulog sa posibleng three-way playoff para sa ikapito hanggang ikawalong puwesto.

Tangan ng Dyip ang kabuuang 4-6 panalo-talong record kasalo ang Alaska Aces at NorthPort Batang Pier na kaagaw nito sa huling dalawang puwesto patungo sa quarterfinal round.

Samantala, hindi nakasama ng Gin Kings si Slaughter sa nakaraang laban kontra TnT KaTropa matapos na magtamo ng bali sa kanyang hinlalaki.

“We are still unsure how long Greg will be out,” sabi ni Gin Kings coach Tim Cone. “He dislocated his thumb.

“We are hoping it’s a few days but we can’t really tell. We didn’t see any ligament damage in the MRI or any broken bones but there was a clear dislocation. You could see his finger was dangling when he got hit during practice,”  dagdag nito.

Please follow and like us:
Read More

YULO SASABAK AGAD SA UNANG GINTO

(NI ANN ENCARNACION)

MANGUNGUNA si Tokyo-Olympics bound Carlos Edriel Yulo sa mga batang miyembro ng  Philippine Skating Union (PSU) sa kampanya ng bansa na maghakot ng ginto, isang araw bago ang pormal na pagbubukas ng 30th Southeast Asian Games sa Philippine Arena sa Bocaue, Bulacan sa Nobyembre 30.

Agad sisimulan ang dalawang qualifying event sa figure skating Senior Ladies-Short Program na susundan ng Senior Men-Short Program sa Nobyembre 29, sa SM Megamall sa Mandaluyong City.

Unang paglalabanan sa Short Program para sa mga uusad sa susunod na kategorya na free skate, bago ang final round kung saan naghihintay ang gintong medalya sa Disyembre 1.

Inaasahang mangunguna sa Senior Men-Short Program ang 2017 SEA Games silver medalist na si Michael Martinez.

Sa Disyembre 1 naman magsisimula ang kampanya ni artistic gymnastics world champion Carlos Edriel “Caloy” Yulo.

Hindi na ibinigay kay Yulo ang dapat sanang responsibilidad na maging torch bearer ng bansa dahil agad siyang sasabak alas-2 ng hapon sa unang gymnastics event na Men’s Artistic Gymnastics (MAG) Individual All-Around Qualification.

Agad igagawad ang gintong medalya sa MAG Individual All-Around winner sa ganap na alas-4 ng hapon.

Please follow and like us:
Read More

ANCAJAS VS GONZALEZ: SAME GAME PLAN

(NI EM RUBIN)

PAREHO pa rin ang magiging game plan ni IBF Super Flyweight World Champion Jerwin Ancajas kahit na may pagbabago sa kanyang makakalaban sa Disyembre 7 sa Puebla, Mexico.

Makatatapat na ng 27-anyos na si Ancajas si Miguel Gonzalez ng Chile, na ayon kay trainer at manager Joven Jimenez ay wala halos pinagkaiba sa orihinal na kalaban ng Pinoy champion na si Jonathan Javier Rodriguez ng Mexico.

“Halos parehas din,” ani Jimenez. Nobyembre 2 (Nobyembre 3 sa Pilipinas) dapat ang bakbakan nina Ancajas at Rodriguez sa Carson, California, pero hindi ito natuloy matapos magkaproblema ang Mexicano sa pagkuha ng kanyang US visa.

Mayroong 31-2 record at walong knockout ang 30-anyos na si Gonzalez, kumpara sa 21-1 kartada at 15 knockout ni Rodriguez.

Paliwanag ni Jimenez, mahilig ding makipagpalitan ng suntok sa malapitan si Gonzalez tulad ni Rodriguez.  Hindi rin umano magiging problema para kay Ancajas ang height ng Chilean challenger, na mas mababa rito ng dalawa’t kalahating pulgada.

Matatandaang nahirapan noon ang 5-foot-6 na si Ancajas kay Alejandro Santiago ng Mexico, na may taas na 5-foot-2 ½ inches.  Nauwi ang kanilang laban sa split draw.

Gayunpaman, sinabi ni Jimenez na hindi nila mamaliitin si Gonzalez, at patuloy nilang panoorin ang video ng mga laban nito para mapag-aralan ang kanyang istilo.

Nasa Redondo Beach sa California pa rin ang Team Ancajas at tutungo sa Mexico isa o dalawang linggo bago ang ikawalong pagdepensa sa korona ng pambato ng Panabo City, Davao del Norte.

Please follow and like us:
Read More

UAAP SEASON 82 SEMIFINALS: LAST CHANCE SA UST, UP

INAASAHANG magiging mas mainit ang bakbakan ng UST at UP sa kanilang do-or-die game bukas (Nobyembre 13) sa Mall of Asia Arena.

Ang mananalo ang siyang makakabangga ng undefeated Ateneo de Manila University sa best-of-3 finals.
Umabante ang fourth-seeded UST sa semifinals stepladder kontra UP makaraang talunin ng Growling Tigers ang No. 3 Far Eastern University, 81-71, noong nakaraang Miyerkoles.

May twice-to-beat advantage ang No. 2 Fighting Maroons at nangangailangan lang ng isang panalo papasok sa finals ngunit binigo sila sa ikatlong pagkakataon ng Growling Tigers, 89-69, Linggo para makapwersa ng decider game.

Bago ito, tinalo ng UST ang UP sa dalawang beses na paghaharap nila sa elimination round, 85-69 sa first round, at 84-78 sa second round.

Bumida para sa UST ang Season 82 MVP na si Soulemane Chabi Yo na tumipon ng double-double 17 points at 15 rebounds.

Nag-ambag din ang tandem nina Rhenz Abando at Mark Nonoy ng kabuuang 33 points at 11 rebounds, habang nagdagdag si Sherwin Concepcion ng 12 points, kabilang ang crucial 3-pointers sa final quarter, at  Renzo Subido 8 points at 12 assists para sa Growling Tigers.

“It’s all about execution. Execution on both defense and offense. We executed our game plan and lahat ng instructions ko, sinusunod ng mga players. We were connected out there,” sabi ni UST coach Aldin Ayo matapos ang kanilang panalo.

Maganda ang naging simula ng Growling Tigers nang kumunekta ng triples nina Subido at Rhenz Abando na nagpaabante sa UST 19-13 sa opening quarter.

Pagdating ng third quarter, lumobo na ang lamang ng UST, 52-33, ngunit sa pangunguna ni UP Maroons’ Bright Akhuetie bahagyang naibaba ito sa 57-46, 1:15 ang nalalabi sa oras.

Naibaba pa ng Maroons sa single digit ang lamang ng Tigers nang pumasok ang floater ni Kobe Paras, 72-63, 3:14 ang nalalabi sa last quarter.

Ngunit magkasunod na pumukol ng tres sina Concepcion at Nonoy upang muling dumistansiya ang UST, 78-63, at mula rito ay hindi na sila nahabol ng UP. (PHOTO BY MJ ROMERO)

Please follow and like us:
Read More

PVL OPEN CONFERENCE SWEEP: CREAMLINE KAMPEON!

(NI LOUIS AQUINO/PHOTO BY MJ ROMERO)

WINALIS ng Creamline ang Petro Gazz, 29-27, 25-22, 27-25, sa kanilang best-of-three finals series Sabado sa The Arena, San Juan para angkinin ang Premier Volleyball League Open Conference title.

Umiskor ng 18 puntos si Alyssa Valdez, habang nagdagdag ng 16 ang tinanghal na Open Conference MVP na si Jema Galanza para sa Cool Smashers na nagtala ng pambihirang 20-0 record sa buong tournament.

“Alam niyo, napakasarap sa pakiramdam na nananalo talaga, lalo na’t na-sweep din namin,” sabi ni Valdez, nagtamo ng mid-foot injury sa kalagitnaan ng conference.

“We grew as a team din this conference, actually napakahirap ng pagkuha ng panalo namin, but I believe we had so many struggles and challenges this conference, that’s why we pulled through,” dagdag niya.

Lamang pa ang Petro Gazz sa third set, 19-16, nang tatlong magkakasunod na puntos ang pinalo ni Valdez upang itabla ang iskor sa 19-all.

Muling inagaw ng Gazz ang abante, 21-20, ngunit umatake ng back-to-back si Galanza upang muling makuha ng Creamline ang kalamangan, 23-22.

Nakuha ng Angels ang set point, 24-23, matapos tumama sa antena ang tira ni Galanza, na agad bumawi para muling itabla ang iskor sa 25-all.

Dinala ni Valdez sa match point ang Cool Smashers at sa error ni Angels’ Paneng Mercado ay tuluyang naselyuhan ang panalo ng Creamline.

Ito ang third title overall ng koponan matapos silang magkampeon sa Open Conference at Reinforced Conference noong nakaraang taon.

Samantala, dahil sa pag-sweep ng Creamline sa Petro Gazz, awtomatikong nakuha ng BanKo  ang bronze medal finish.

Nakuha ng Banko ang Game One sa straight sets, habang nakabawi ang Motolite sa four sets sa kanilang Game Two best-of-three for third series.

Please follow and like us:
Read More

MANO-MANO SA DUMEGUETE

(NI DENNIS INIGO)

MAGKAKASUBUKAN ang pinakamagagaling na mixed martial arts stars mula sa iba’t ibang lugar sa bansa sa paghataw ng “Mano-Mano: Battle of the Strikers” na gaganapin sa Dumaguete City sa Nobyembre 25.

Lalarga ang event kaalinsabay  sa taunang fiesta celebrations sa Dumaguete City.

“We’re bringing exciting muaythai action for the first time in Dumaguete, the “City of Gentle People,” saad ni DTC Events Chairman Ed Dames.

“Mano-Mano; Battle of the Strikers” will be a fitting but long-overdue follow-up to the highly-successful Mano-Mano competition held at the Philsports Arena (formerly ULTRA) in 2004, ” ayon kay Dames.

“Exactly 15 year ago, we’ve organized the first–ever Mano-Mano at the ULTRA, which followed the K-1 rules and featured the best strikers from all over the country, representing boxing, karate, kuntaw,yaw-yan, taekwondo, sikaran, sanda and muaythai.”

“Today, muaythai forms the pillar of the striking discipline in mixed martials arts,” giit ni Dames, siya ring responsable sa ginanap na first-ever professional muaythai competition sa Metrowalk sa Pasig noong Marso 27.

Magtatagpo sa main event sina veteran Janito “Optimum Prime” Blanca ng Leyte at Jason”The Mutant” Vedana ng Cabanatuan City sa prestihiyosong one-day event na inorganisa  ng DTC at PhilThaiboxing Association of the Philippines, sa kooperasyon ng Dumaguete City government at ni Mayor Ipe Remollo.

Isa sa tiyak na aabangan ng mixed martial arts fans ang bakbakan nina John “The Punisher” Vallega Dumaguete at Edyson “Knockout Artist” Serrano ng Zamboanga, isa sa main event sa Mano-Mano na suportado ng Bethel Guest House (official hotel), Tactic (official fight gear), iConcepts at San Miguel Beer.

Masasaksihan din sa event na sanctioned ng Games and Amusements Board (GAB), ang arnis at muay boran performances,  at maging ang entertainment numbers ng mga ipinagmamalaking talento sa Dumaguete at Negros Oriental, ayon kay Dames.

Please follow and like us:
Read More

159 GINTO HAHAKUTIN SA 30TH SEA GAMES

(NI ANN ENCARNACION)

KUMPIYANSA si Philippine Olympic Committee (POC) president Abraham ‘Bambol’ Tolentino na makakaya ng bawat isang National Sports Association (NSAs) na tuparin ang kanilang medal projection sa isinagawang executive board meeting ng asosasyon noong Biyernes sa Conrad Hotel sa Pasay.

Umabot sa kabuuang 159 gold medals ang inaasahang maisusukbit ng lahat ng miyembro ng Team Pilipinas na sasabak sa 30th Southeast Asian Games base na rin sa ipinangako ng bawat National Sports Association na nagsidalo sa final coordination meeting noong Huwebes sa Century Park Hotel sa Manila. May 45 NSAs ngunit 37 lamang ang nakadalo sa Chef de Mission coordination meeting kung saan ay inaasahang aabot pa sa 264 ang ginto mahahakot ng bansa dahil sa pagdaragdag sa electronic sports o  eSports na inaasahang madodomina ng Pilipinas.

Kumpiyana si Tolentino na magagawa ng Team Pilipinas na maging domintante sa biennial meet ngunit mas realistiko umanong isipin ang 159 gold haul o kalahati ng medal projection ng NSAs sa nasabing CDM meeting.

Naniniwala rin ang POC na makakaya ng host Pilipinas na makapagtapos sa unang tatlong puwesto sa 11 kalahok sa bansa sa 2019 SEA Games na magsimula sa Nobyembre 30 hanggang Disyembre 11.

Bilang dating chairman ng Sports and Rules Committee ng Philippine Southeast Asian Games Organizing Committee (PHISGOC), naging bahagi si Tolentino sa pagpili ng sports na paglalabanan sa SEAG.

Umaabot sa 56 sports at 530 events ang paglalabanan ng mga atleta mula sa mga bansa sa Southeast Asia sa biennial meet.

Nagkasundo naman ang POC Board na isagawa ang huling general assembly sa Disyembre 17, kasunod ang post SEA Games celebration at POC Christmas Party, kasama na rito ang awarding of cash incentives sa mga Pilipinong gold medal winners sa kada dalawang taon multi-sports competition.

Please follow and like us:
Read More

KAHIT TALO, GOLDEN TROPHY NAIUWI NI DONAIRE

NABIGO man, nakuha naman ni Filipino pride Nonito Donaire Jr. ang respeto ng tumalo sa kanyang si Japanese Naoya Inoue nang ipinahiram nito ang napanalunang Muhammad Ali trophy bilang pagtupad sa pangako ng una sa kanyang dalawang anak na lalaki.

Napanatili ni Inoue ang kanyang IBF at Ring Magazine Bantamweight Championships at inangkin ang WBA (Super) Bantamweight Championship matapos ang 12 rounds unanimous win kontra Donaire, 116-111, 114-113, 117-109, Huwebes ng gabi sa Japan.

Sa kanyang Facebook post ay ipinahayag ni Donaire ang pagpayag ni Inoue at ng kampo nito na ipahiram sa kanya ang Muhammad Ali trophy matapos ang kanilang laban.

“I came to Japan to take the Muhammad Ali trophy. I promised my sons they would see it in the morning,” sabi ni Donaire sa kanyang Facebook post.  “And with tears in my eyes, I humbly asked Inoue to borrow it for a night, not for me but for my [world.]”

Ayon kay Donaire, gusto niyang magsilbing aral ito para sa kanyang mga anak. “It’ll pain them to see my face. They’ll kiss my wounds. They’ll see a trophy we don’t get to take home and understand what it means to want to train harder.”

Pinasalamantan niya rin ang lahat ng mga tumulong at sumuporta sa kanya, at maging ang haters niya.

“Haters said I was out in 1 round but we showed em our heart, our determination,” pagmamalaki ni Donaire.

Please follow and like us:
Read More