RETIRADONG BOKSINGERO TUTULUNGAN NG GAB

boxing gloves

KARAGDAGANG benepisyo sa mga propesyunal sa sports athletes ang sentro ng programa sa 2020 ng Games and Amusement Board (GAB) upang mas mapaangat pa ang karera at kabuhayan ng mga ito, kabilang ang mga retiradong boksingero.

Kabilang na dito ang maalamat na sina Erbito C. Salavarria at Luisito ‘Lindol’ Espinosa.

Nabatid kay GAB Chairman Abraham “Baham” Mitra, gagawin ng ahensiya ang lahat upang mas mapangalagaan at mabigyan ng seguridad ang mga propesyunal na atleta sa kanilang paghahanda, habang lumalaban at matapos ang kanilang career.

“Sa ngayon po ay nakikipag-usap na ang ating butihing Commissioner na si Ed Trinidad sa pamunuan ng Armed Forces of the Philippines para sa libreng dental program ng ating mga atleta sa lahat ng AFP camp at hospital sa buong Pilipinas,” pahayag ni Mitra sa kanyang pagbisita sa TOPS (Tabloids Organization in Philippine Sports) ‘Usapang Sports’ kahapon sa National Press Club sa Intramuros, Manila kahapon.

“Alam naman po natin na very active ang AFP sa community services, kaya baka naman puwedeng maisama na rin natin ang ating mga atleta dito. Napakahalaga po ng dental services para sa kanila lalo na sa boxing at iba pang contact sports,” ayon sa dating Palawan Governor at Congressman.

Ikinagalak naman ni Brigo Sandig, isa sa pinaka-agresibong boxing promoter sa kasalukuyan (Highland Boxing Promotions), ang pinakabagong programa ng GAB.

“Mula po nang magsimula si Chairman Baham sa GAB, talaga pong mas maraming manager at promoters ang naging aktibo. Iyong libreng medical po ay talagang malaking tulong sa amin. Isipin po ninyo na gumagastos ang manager ng hindi bababa sa P5,000 noon kada boxer para sa medical expenses nito,” pahayag ni Sandig, isa sa agarang tumugon sa pakiusap ng GAB na punan ang walong bakanteng Philippine title.

Nangako rin ng ayuda si Mitra kay Espinosa, dating two division champion (bantamweight at featherweight), upang makuha ang prized purse (US$150,000) sa kanyang laban may ilang dekada na ang nakalilipas sa South Cotabato.

“Hinihingi po natin ang kopya ng kontrata niya (Espinosa) at hihingi tayo ng tulong sa ating lawyer para mapag-aralan ito at baka naman po makuha pa natin iyong premyo niya,” sambit ni Mitra.

Kasama ni Espinosa, nakabase na sa China kung saan ay nagtatrabaho siya bilang boxing trainer, si Salavaria, dating WBC flyweight champion para makuha ang insentibong kaloob ng Thai promoter na si Singwungha sa lahat ng mga dating Pinoy world champion.

Sa gabay din ng GAB, nabigyan ang 73-anyos na si Salavaria ng financial assistance ng World Boxing Council Jose Sulaiman Boxers Fund.

“Nagpapasalamat po ako sa patuloy na pagtulong ng GAB at ni Chairman Mitra sa aming mga retiradong boksingero,” pahayag ni Salavaria.  (DENNIS INIGO)

Please follow and like us:
Read More

IKA-3 PANALO KINUBRA NG GINEBRA

SOPRESANG naglaro ang injured na si Raymond Almazan ng Meralco ngunit hindi ang naging resulta ng Game 4 na walang hirap na kinolekta ng Barangay Ginebra, 94-72, Miyerkoles ng gabi sa Smart Araneta Coliseum.

Lamang na ngayon ng dalawang laro ang Gin Kings, 3-1, at nangangailangan na lang isang panalo upang muling makuha ang PBA Governors’ Cup title.

“Obviously, Raymond Almazan’s injury changed the complexion of the series. He showed a lot of courage playing but we all know he’s not playing 100 percent,” sabi ni Ginebra coach Tim Cone patungkol sa Meralco big man.

Nagtamo ng lateral meniscal tear sa kaliwang tuhod si Almazan ilang minuto pa lang sa Game 3 kaya’t may mga nag-akalang hindi siya maglalaro sa Game 4.

“I thought we were really methodical tonight in breaking them down on the offensive side and we did a great job against Durham. We held him to eight points in the first half and that’s amazing.”

Tinanghal na Best Import of the conference si Allen Durham bago magsimula ang ika-apat na pagtutuos nila sa finals ni Justin Brownlee, na pinangunahan ang Gin Kings sa kanyang 27 puntos, walong rebounds at walong assists, habang nagambag si Stanley Pringle ng 21 points at seven rebounds.

Nagtala naman si Durham ng 21 points at 27 rebounds sa kabila ng 9-of-23 field goals niya kasama ang anim na turnovers.  (EBG)

Please follow and like us:
Read More

MERALCO-GINEBRA 1-1 NA

GAYA ng kanilang pangako, bumawi ang Meralco at itinabla ang serye kontra Barangay Ginebra, 1-1, Biyernes sa Quezon Convention Center sa Lucena. 

Nagkaalaman lamang ng nanalo sa huling mga segundo ng laro kung saan nakaungos ang Bolts kontra Gin Kings, 104-102, sa Game 2 ng PBA Governors Cup best-of-seven finals. 

Hindi gaya sa Game 1, kumonekta ang mga tira ng Bolts lalo sa three-point area, kung saan umukit sila ng franchise-record na 16 triples na naging sandata nila para lumamang ng 19-puntos sa halftime. 

Bumalikwas ang Ginebra sa third quarter at nakipagpukpukan sa fourth quarter  ngunit kinapos sa bandang huli. 

Kumamada si Allen Durham ng 21 points, 18 rebounds, at 6 assists para sa Bolts, habang nagdagdag si Baser Amer ng 17 points, kabilang ang 5 triples.

Nagambag din si Chris Newsome ng 17 markers, habang nagsumite ng 15 si Raymond Almazan at 12 si  John Pinto. 

Nanguna para sa Kings si Justin Brownlee na tumapos na may 35 puntos at 11 rebounds, at naging susi para maitabla ang iskor sa 70-all sa third quarter.

Ngunit sa pamamagitan ng 9 na puntos ni Nico Salva ay napanatili ng Meralco ang lamang sa 82-76 sa pagpasok ng huling period. 

Nagtala rin ng double-double, 23 points at 10 rebounds si Stanley Pringle para sa Ginebra. 

Muling magtutuos ang dalawang koponam sa ikatlong pagkakataon bukas ng gabi sa Araneta Coliseum. (EBG) 

Box Scores

Meralco 104 – Durham 21, Amer 17, Newsome 17, Almazan 15, Pinto 12, Salva 9, Caram 5, Quinto 5, Faundo 3, Hodge 0, Hugnatan 0, Maliksi 0.

Ginebra 102 – Brownlee 35, Pringle 23, Aguilar 18, Tenorio 10, Slaughter 6, Thompson 4, Caguioa 4, Mariano 2, Devance 0, Caperal 0, Dela Cruz 0.

Please follow and like us:
Read More

ANCAJAS, RODRIGUEZ TULOY ANG BAKBAKAN

Ancajas VS Rodriguez-2

MAGKAKASUBUKAN na ng husay at lakas sina IBF super flyweight champion Jerwin Ancajas at Jonathan Javier Rodriguez ng Mexico.

Ayon kay MP Promotions president Sean Gibbons, nakatakdang magharap sina Ancajas at Rodriguez sa MGM Grand sa Las Vegas bilang main undercard ng Tyson Fury-Deontay Wilder grudge rematch sa Pebrero 23 (Manila time).

Kung matatandaan, ang 28 anyos na si Ancajas ay dapat sanang magdepensa kay Rodriguez noong Nobyembre 2. Subalit kinansela ang laban nang mabigong makakuha ng US visa ang Mexican boxer.

Bunga nito, napilitan si Ancajas na dumayo sa Puebla, Mexico noong Disymebre 7 para labanan si Chilean Miguel Gonzales, na kanyang tinalo via 6th round TKO.

Iyon ang ikawalong sunod na title defense ng Filipino champion na may 32-1-2, 22 KOs na kartada.

Samantalang ang 24-anyos na si Rodriguez ay may 21-1, 15 KOs at sinasabing pinakamabigat na makakalaban ni Ancajas.

Ang huling nakalaban ng Mehikano na si former world title contender Felipe Orucuta ay na-comatose matapos ang kanilang laban. Pero nakarekober rin ito.

Bilang paghahanda naman sa kanyang nalalapit na 9th defense, nakipag-sparring si Ancajas noong Huwebes sa ka-stable niyang sina Daniel Lim at John Mark Alimane sa loob ng 6 rounds, ayon sa manager nila na si Joven Jimenez. (VT ROMANO)

Please follow and like us:
Read More

MAS BATANG GILAS PINABORAN NG SBP

PBA-SBP

MAYROONG 11 PBA players at 13 collegiate at rookies ang kasama sa 24-man Gilas Pilipinas pool na maghahanda para sa first window ng qualifiers para sa 2021 FIBA Asia Cup.

Nagkasundo ang Samahang Basketbol ng Pilipinas (SBP) at Philippine Basketball Association (PBA) na mula rito ay pipili ng Final 12 na kakatawan sa Pilipinas na lalaban sa Indonesia at Thailand sa Pebrero.

Kabilang sa PBA stars sina Japeth Aguilar, Kiefer Ravena, CJ Perez, Fil-German Chirstian Standhardinger, Ray Parks, Poy Erram, Roger Pogoy,  Mac Belo, Matthew Wright, Troy Rosario at Marc Pingris.

Kasama rin sa pool sina Isaac Go, Rey Suerte, Matt at Mike Nieto at Allyn Bulanadi na hinugot mula sa special Gilas draft noong Disyembre.

Bukod sa mga nabanggit, nasa listahan din sina Thirdy Ravena, Kobe Paras, Fil-American Dwight Ramos, Jaydee Tungcab, Javi Gomez de Liano at Justine Baltazar.

Sa unang pagkakataon ay magkakasama sa isang koponan ang magkapatid na Thirdy at Kiefer, gayundin ang kambal na sina Mike at Matt.

Sa pulong nina PBA commissioner Willie Marcial at SBP president Al Panlilio, hindi pa rin napag-usapan ang uupong interim coach ng koponan sa pagsabak kontra Thailand sa Pebrero 20 at Indonesia sa Pebrero 23.

Kaliwa’ kanang batikos naman mula sa netizens ang inabot ng SBP sa hindi pagsama sa pool kina five-time Most Valuable Player June Mar Fajardo at two-time Asia’s Best Guard Jayson Castro.

Nagpahayag din sila ng pagkadismaya sa pagkakasama kay Marc Pingris, na matagal na hindi nakapaglaro at kababalik pa lamang mula sa isang matinding injury.

“Junemar, Kai sotto, Edu?? Ang liliit ng nasa line up,” komento ni marvin montealegre@benthought12.

“Marc Pingris???? 💀 Could’ve just gotten him to be an assistant coach,” ayon kay McBlur💨@GilasTNT.

“Would love@JAlapag3 to coach this group..and @MPingris15 shud be there to be honored!!! nasabi naman ni Dan Decena@maciel333.  (VT TOMANO, ANN ENCARNACION)

Please follow and like us:
Read More

GINEBRA DOBLE-KAYOD SA GAME 2

coach tim cone-2

KAHIT pa may bentahe bilang crowd-favorite, tanggap ni Barangay Ginebra coach Time Cone na kailangang kumayod ng husto ang kanyang players upang makuha ang pangalawang sunod na panalo sa kanilang PBA Governor’s Cup Finals best-of-seven series ng Meralco Bolts.

Tatangkain ng Gin Kings na makaungos ng dalawang laro laban sa Bolts sa Game 2 na gaganapin alas-7 ng gabi sa Quezon Convention Center sa Lucena, Quezon.

Aminado si Cone na parang ping-pong ang magiging takbo ng laro ng dalawang koponan at tanging sa huling tagpo na lang magkakaaalaman ng magiging resulta.

“I I have been telling the guys that the series will be crucial in a particular point or situation,” giit ni Cone.

Positibo naman si Meralco import Allen Durham na maitatabla nila ang serye ngayong gabi.

makakabalik ito na mas matibay kumpara sa unang laro sa pagtatangkang maitabla ang serye ngayong gabi kontra Barangay Ginebra sa Game Two ng 2019 PBA Governor’s Cup Best of Seven title series sa Quezon Convention Center sa Lucena, Quezon.

Ganap na alas-7:00 ng gabi pipilitin ng Meralco ipantay sa tig-isang panalo ang kampeonato matapos na mabitiwan nito ang 10 puntos na abante sa ikatlong yugto at posibleng panalo sa end gamne bago tuluyang natakasan ng panalo ng Barangay Ginebra noong Biyernes.

“We’ll come back stronger in Game 2,” paniniyak ni Durham, na inako ang responsibilidad sa 91-87 pagkatalo sa Game 1 makaraang malimitahan siya ng Gin Kings sa huling yugto ng laro.

“I got to shoot better. We got great contributions (from locals like Chris Newsome and Raymond Almazan) but I didn’t perform to the best of my ability, so I got to be better next game,” dagdag ng two-time Best Import awardee.

Pinilit ni Durham na itulak ang Bolts sa panalo sa krusyal na yugto subalit nabutata siya ni Ginebra center Japeth Aguilar sa natitirang 11.2 segundo.

“In my opinion, I thought that was a foul. The video made it look like that was a foul. I mean, he was all over my shoulder. I guess the referees said he got more ball than body. So you just got to bounce back from that,” sabi na lang ni Durham.  (ANN ENCARNACION)

Please follow and like us:
Read More

NABONG, ITINAPON NG BEERMEN

Kelly Nabong

TULUYAN nang pinagsarhan ng pinto ng San Miguel Beer ang big man na si Kelly Nabong makaraang i-trade ito sa NorthPort.

Bilang kapalit ay makukuha ng Beemen ang young forward na si Russel Escoto mula sa Batang Pier.

Napunta sa San Miguel ang 6-foot-6 na si Nabong noong Hunyo 2018 at natulungan ang koponan na makuha ang 2019 All-Filipino at Commissioner’s Cup titles.

Ngunit biglang nagbago ang ihip ng hangin nang siya, kasama sina Arwind Santos at Ronald Tubid ay napatawan ng indefinite suspension ng SMB  noong Nobyembre makaraang madawit sa gulo na kinasangkutan din ng import na si Dez Wells.

Dahil dito, tuluyang lumayas si Wells at kasunod nito ay naglaho ang inaasam na grandslam ng Beermen.

Ito ang pangatlong beses na maglalaro si Nabong, may average na 4.1 points at 3.3 rebounds sa 10 games sa PBA Governors’ Cup, para sa Batang Pier.

Una siyang naglaro para sa GlobalPort Batang Pier noong 2013–2015, bago siya napunta sa Meralco Bolts noong 2015-2017. Taong 2017–2018 ay balik-Batang Pier siya at 2018–2020 nang na-trade siya sa San Miguel Beer.

Samantala, si Escoto ay may average 3.7 points na may 47-percent shooting three-point shooting at 2.4 rebounds sa short stint niya sa Batang Pier sa Governors’ Cup. Siya ay bilas ni Beermen Arwind Santos.  EBG

Please follow and like us:
Read More

DAVIS, WALANG PLANONG MAGTAGAL SA LAKERS

Anthony Davis-3

WALANG plano si Anthony Davis ng Los Angeles Lakers na magtagal sa nasabing koponan.

Ito ay kung pagbabasehan ang pagtanggi niya sa $146 million maximum extension offers ng Lakers.

Nabatid na nais ni Davis na maging unrestricted free agency pagdating ng Hulyo.

Mayroong $28.7 million player option sa 2020-21 NBA season ang bagong superstar ng Lakers.

Ngayong season ay naga-average siya ng 27 points, 9 rebounds, 3 assists at 2 blocks.

Samantala, nagkaroon ng bruised sacrum si Davis makaraang patihayang bumagsak matapos niyang tangkaing i-block si Julius Randle ng New York Knicks, mahigit dalawang minuto ang nalalabi sa third quarter.

Nanalo ang Lakers konta Knicks, 117-87, Miyerkoles (Manila time), kahit hindi na nakabalik sa laro si Davis.

Bumida para sa Lakers si LeBron James na umiskor ng 31 points at Kentavious Caldwell-Pope na nagdagdag ng 15.

Nanguna naman para sa Knicks si R.J. Barrett sa kanyang 19 points, at Randle, 15 points at 10 rebounds.

Sa naiposteng ika-30 panalo, sinamahan ng Lakers ang NBA-leading Milwaukee Bucks bilang tanging mga koponan na may 30-games win ngayong season.

Huling  naka-30 win ang koponan noon pang 2008-09 season, nang pangunahan ni Kobe Bryant ang Lakers sa 15th NBA titles nito.

Please follow and like us:
Read More

BRAVES SINILABAN NG ALAB

Pilipinas-Taipei-2

AGAD bumangon ang San Miguel Alab Pilipinas mula sa bangungot na talo sa Macau nang magwagi laban sa Taipei Fubon Braves, 101-96, sa ASEAN Basketball League, Martes sa Filoil Flying V Centre, San Juan.

Inakay sa panalo ng Fil-Am na si Jeremiah Gray ang Alab Pilipinas nang kumamada ng 10 sa kauuang 17 puntos niya sa fourth quarter at dinagdagan pa ito ng anim na assists at limang rebounds.

Halos isang minuto na lang ang nalalabi sa laro nang pumasok ang tres ni Gray para ilayo ng bahagya ang Alab, 99-94, at pagkatapos ay na-block pa ang tangkang tres ni OJ Mayo.

Sinelyuhan ni Khalif Wyatt ang panalo ng Alab nang maipasok ang dalawang freethrow  sa foul line, 8.9 segundo na lang ang nalalabi.

Dahil sa panalo ay nagimprub ang Alab sa 5-2 panalo-talong kartada upang masolo ang ikalawang puwesto.

Nagawa naman ni Sam Deguara na matapos ang game nang hindi napa-foul out at tumapos ng double-double 26 points at 14 rebounds, habang ang kasama nitong si World Import Nick King ay nagtala ng 22 points, anim na rebounds at limang assists.

“I just felt like the other night, we got to such a sluggish start and it really kind of set the tone for the rest of the game kinda playing catch up. We had a couple of miscues at the end of the game, but I thought tonight, our energy was much better,” sabi ni coach Jimmy Alapag patungkol sa 98-93 talo nila sa Macau Wolf Warriors noong Linggo.

Sunod na makakalaban ng Alab ang Singapore Slingers sa darating na Linggo.

Nagposte ng 35 points, siyam na assists, at anim na rebounds para sa Taipei Fubon ang eight-year NBA veteran na si Mayo, na nakapaglaro na sa Memphis, Dallas, at Milwaukee.

Box Scores:

SAN MIGUEL ALAB PILIPINAS 101 — Deguara 26, King 22, Wyatt 21, Gray 17, Brickman 5, Caracut 5, Domingo 2, Vigil 2, Ganuelas-Rosser 1, Heading 0.

TAIPEI FUBON BRAVES 96 — Mayo 35, Garcia 27, Esho 13, K. Lin 8, J. Lin 8, Hung 3, M. Lin 2, Tseng 0, Kuo 0, Weir Chern 0, C. Lin 0, Hung Hsing 0.

Quarters: 20-28, 44-44, 67-68, 101-96. (PHOTO by MJRomero)

Please follow and like us:
Read More

RAY ALEXANDER BIBIGYAN NG TRIBUTE NG WSC 2020

(NI DENNIS IÑIGO)

MAGSISIMULA na naman ang pinakaaabangang “Olympics of Sabong” o World Slasher Cup 2020 ngayong buwan.
Ang taunang 9-cock invitational international derby ay papagaspas sa Enero 20 hanggang 26 sa makasaysayang Smart Araneta Coliseum, bagong rebranded na Araneta City sa QC.

Sa taong ito, maliban sa tagisan ng mga pinakamahuhusay na local at international fowl fighters at cockers sa ruweba, bibigyan din ng tribute ang kinikilalang legendary gamefowl breeder na si Ray Alexander.

Si Alexander na namayapa noong Hulyo 2019 sa edad na 82 ay isa sa nagpasimula sa World Slasher Cup noong dekada 70. Siya rin ang kumimbinsi sa ilang American fighters at breeders na magtungo sa Pilipinas at sumali sa WSC.

Inaasahan naman na muling hahataw ang WSC champs noong nakaraang taon na Thunderbird 1 nina Nene Araneta at Frank Berin, at RC Warriors JD nina Rey Cañedo at Jun Durano.

Tatangkain din depensahan ni WSC 1 2019 solo champ Cris Copas ng Kentucky, USA at partner Claude Bautista ng CPB Group of Mindanao ang kanilang titulo.

Hindi rin pahuhuli ang WSC veterans at dating mga kampeon na sina seven-time champ Patrick “Idol” Antonio, Escolin brothers, mediaman Rey Briones, Magno Lim at Gerry Tesorero.

Kinilala bilang “Olympics of Sabong”, tampok sa World Slasher Cup ang mga pinakapili at pinakamahuhusay na breeds at bloodlines ng winged warriors mula sa fowl farms sa Pilipinas at iba’t ibang bansa.

Sa mga interesadong sumali sa WSC 2020, maaari pa rin magparehistro ng entries sa pamamagitan ng www.worldslashercup.ph o tumawag sa WSC Derby Office sa telepono (8)588-8227 o (8)911-2928.

Para sa karagdagang impormasyon at updates, sundan ang WSC Facebook page @worldslashercup2020, o bisitahin ang kanilang website www.worldslashercup.ph o mag-email sa worldslashercupofficial@gmail.com.

Please follow and like us:
Read More

2020 TOKYO OLYMPICS: 70 PINOY ATHLETE SASABAK SA QUALIFYING EVENTS

(NI ANN ENCARNACION)

MAHIGIT 70 atletang Pinoy ang sasabak sa qualifying events para sa 2020 Tokyo Olympics mula sa iba’t ibang National Sports Associations (NSAs).

Sa Hulyo 2020 na ang 2020 Tokyo Olympics kaya nagkukumahog na ang mga pambansang atleta na makapasa sa qualifying events para sa pinaka-prestihiyosong sports tournament sa buong mundo.

Target ng Pilipinas na makapagpadala ng maraming Filipino athletes sa kada apat na taong torneo kasunod ng matagumpay na kampanya sa nagdaang 30th Southeast Asian Games, kung saan naging overall champion ang bansa.

Pitong weightlifters, sa pangunguna ni Rio de Janeiro silver medalist Hidilyn Diaz at kapwa Olympian Nestor Colonia, ang magpapasimula sa kampanya ng Pilipinas para makakuha ng tiket sa 2020 Tokyo Olympics sa pagsalang sa qualifying meet na Roma 2020 World Cup sa Enero 27-31.

Kukumpletuhin naman  ni SEA Games gold medallist Kristel Macrohon at silver medallist Elreen Ando ang anim na IWF sanctioned events sa pamamagitan ng pagsabak sa 2020 Asian Weightlifting Championships sa Nur-Sultan, Kazakhstan sa Abril 20-25, kasama sina Maryflor Diaz, John Ceniza at Jeffrey Garcia.

Pangungunahan nina reigning world champion Nesthy Petecio at Eumir Marcial ang national boxers na sasagupa sa Asia-Oceania Olympic qualifying meet sa Pebrero 3-14 sa Wuhan, China at panghuli sa world Olympic qualifying tournament sa Mayo 13-24 sa Paris, France.

Tatangkain naman ni SEAG double-gold medallist sprinter Kristina Knott na mag-qualify sa Olympics sa pagtakbo sa Asian Athletics Indoor Championships sa Hangzhou, China sa Pebrero 12-13.

Kasama ni Knott na lalaban sa China si pole vaulter Natalie Uy at marathoner Cristine Hallasgo, na nag-dethrone sa dating SEA Games marathon queen na si Mary Joy Tabal.

Maging ang mga golfer na sina Yuka Saso, Dottie Ardina at Bianca Pagdanganan, at karatekas Joane Orbon, Junna Tsukii, Sharif Afif at Jamie Lim ay susubukan na mag-qualify sa 2020 Olympics.

Kabilang pa sa naghahangad makakuha ng tiket sa Tokyo ay sina judoka Kiyomi Watanabe,  BMX cyclist Daniel Caluag, at swimmers James Deiparine at Remedy Rule.

Please follow and like us:
Read More

SINONG GARCIA ANG MAUUNA VS PACQUIAO?

(NI VT ROMANO)

SINA Danny at Mikey Garcia ay dalawa lamang sa mga boksingerong nangangarap makaharap si eight-division world champion Manny Pacquiao ngayong 2020.

At may dalawang dahilan iyon: Kumita ng milyon at tawagin ding alamat sakaling sila ay manalo.
Si (Danny) Garcia ay umaasang pipiliin siya ng 41-anyos na WBA welterweight super champion bilang susunod nitong kalaban.

“In order to become a legend, you’ve gotta beat the legend,” lahad ni Garcia (35-2, 21 KOs) sa panayam ng boxingscene.
“You know, Manny Pacquiao’s had an incredible career. Being 40 years old and beating a prime Thurman, he’s had an incredible career. He’s somebody definitely all the boxers should look up to. And for me to get the opportunity to fight him, you know, you’ve gotta beat the legend to be the legend. And that’s how I look at it.”
Wala pang napipisil na kontender si Pacquiao para sa kanyang susunod na laban at hindi pa rin batid kung sa spring o summer.
Pero, may nagsasabing posibleng piliin ng Pambansang Kamao si Errol Spence Jr. dahil mas malaki ang kanyang kikitain.
Nagpahayag si Spence na muli siyang lalaban sa parehong panahon ng pagbabalik din ni Pacquiao.
Ayaw din ng unbeaten IBF/WBC welterweight champion ng tune-up fight sa kanyang comeback matapos magpagaling buhat sa tinamong sugat sa mukha at ngipin dahil sa car accident noong Oktubre 10 sa Dallas.
Para naman kay (Mikey) Garcia, kung tatalunin niya si Jessie Vargas sa Pebrero 29, siya na ang susunod na makakalaban ni Pacquiao.
“There’s a lot of buzz going around on a potential Manny Pacquiao fight. It’s a fight that’s been brought up for years. Now it’s starting to pick up a lot of steam,” wika ni Garcia.
“He has obligations in the Philippines government, and I wanted to get a return fight [after losing to Errol Spence Jr]. I don’t know if he will be available or not, but I think the second half of 2020 might be ready for both of us to get in the ring.
“Maybe he gets something before that. By then, I’ll be ready to get back in the ring. I didn’t want to just wait. If I look forward to bigger fights, than the biggest fight for me is Manny Pacquiao, ” sabi pa ni Garcia.

Please follow and like us:
Read More

CARRASCO ‘DI PA LUSOT SA GUSOT NG SEA GAMES

(NI DENNIS IÑIGO)

NAGTAPOS na ang kontrata ni executive director  Tom Carrasco sa Philippine Southeast Asian Games Organizing Committee (Phisgoc).

Ngunit hindi ang mga usapin kaugnay sa mga samu’t saring isyu patungkol sa mga kontrobersya sa nakaraang 30th Southeast Asian Games na patuloy na naghihintay ng kasagutan.

Tuluyang nagsara ang pintuan ng Phisgoc kay Carrasco, isa sa mga pangunahing personalidad ng organizing committee ng SEA Games, noong Disyembre 31, 2019.

Sa kabila ng tagumpay ng Filipino athletes at muling pagiging overall champion ng bansa sa SEAG, patuloy na kinukwestyon ng marami ang mga naging kakulangan ng organizing committe sa preparasyon, incompetence ng ilang mga personnel nito, at pinakamatindi, ang labis na gastos umano sa biennial meet.

Dahil dito, bumuo ang Office of the Ombudsman ng seven-man fact-finding body na siyang hihimay sa mga naturang alegasyon, habang ang Senado sa pangunguna ni sports committee chairman Christopher Lawrence “Bong” Go  ay magsasagawa ng hiwalay na imbestigasyon tungkol dito.

Ayon kay Go, marapat lang na malaman ng sambayanang Pilipino kung paano ginastos ang P6.5 bilyong pondo para sa SEAG.

Bagama’t terminado na ang kontrata ni Carrasco sa Phisgoc, handa pa rin umano itong humarap sa anumang imbestigasyon kung ipatatawag siya, ayon sa mapagkakatiwalaang source.

Please follow and like us:
Read More

KINABUKASAN NG PINOY JINS NASA KAMAY NG PTA

(NI ANN ENCARNACION)

NASA kamay ng Philippine Taekwondo Association (PTA) ang kapalaran ng national jins na nangangarap mag-qualify sa 2020 Tokyo Olympics.

Magkakaroon ng taunang general assembly ang PTA  bukas ng alas-9 ng umaga sa San Andres Coliseum sa Malate, Manila na dadaluhan ng tinatayang 400 regional heads , coordinators at instructors, at taekwondo officials mula sa AFP at PNP.

Pangungunahan nina PTA top officials, Grandmasters Sung Chon Hong, Monsour Del Rosario at 30th SEA Games deputy chef de mission Stephen Fernandez, ang general meeting kung saan pag-uusapan ang pagpili sa apat na Pinoy jins na isasabak sa Olympic qualifying tournaments (OQT) sa Tokyo Summer Games.

Nakatakda ang OQT sa unang quarter ng taon, habang ang Summer Games ay magaganap Hulyo 24 hanggang Agosto 9.

Ilan sa mga inaasahang pagpipilian para sa OQT ang mga taekwondo jins na sina Pauline Lopez, Samuel Morrison, Dave Cea at Kurt Barbosa, na pawang nanalo ng gintong medalya sa nakaraang 30th Southeast Asian Games.

Please follow and like us:
Read More

NO BRIGHT, NO PROBLEM  

(NI DENNIS IÑIGO)

MULING nagliwanag ang kinabukasan para sa University of the Philippines (UP) Fighting Maroons sa pag-alis ng kanilang sentro na si Bright Akhuetie, na nakatakdang gumradweyt sa susunod na taon.

Ito ay dahil sa nakatakdang paglipat sa Diliman ng 6-foot-11 na si Maodo Malick Diouf.

Ayon sa ulat ng Spin, pumayag na ang Centro Escolar University na mag-tansfer sa UP ang 20-anyos na Senegalese.

Si Diouf ay may record na 16.7 points at 46-percent shooting, 19.5 rebounds, 3.3 assists, 2.9 blocks, 2.0 steals sa kanyang paglalaro sa CEU Scorpions.

Naging susi siya sa runner-up ng CEU sa 2019 PBA D-League Aspirants’ Cup, kung saan nagkampeon ang Cignal-Ateneo, kahit pa halos kalahati ng players nito ay hindi nakapaglaro sa finals dahil sa game-fixing allegations.

Pinangunahan din ni Diouf ang Scorpions sa NCRAA title, at inakay ito sa semifinals finish sa 2019 UCBL season na may average 18.0 points, 15.9 rebounds, at 3.0 blocks.

Mayroon lamang three playing years sa liga si Diouf kaya’t isang taon lang siyang makapaglalaro para sa Fighting Maroons sa UAAP Season 84 sa 2021.

Matatandaan na lumipat sa Diliman si Akhuetie, mula sa Perpetual sa NCAA, para tulungan na magkampeon ang UP sa UAAP Season 83 kung saan muling nanalo ang defending champ Ateneo Blue Eagles.

Gayunpaman, nangako si Akhuetie, kasama ang teammates na sina Kobe Paras at Ricci Rivero na maglaro pa rin sa UP Maroons sa susunod na season.

Please follow and like us:
Read More

PBA, BUBUO NG 3×3 LEAGUE

(NI ANN ENCARNACION)

IPAGPAPATULOY  ng Philippine Basketball Association (PBA) ang matagumpay na 3×3 basketball sa pagbuo ng isang liga na sisimulan nito sa gaganaping draft sa Pebrero 2020.

Ayon sa social media post ng PBA, bubuksan ang rehistrasyon para sa mga aspiring  players sa gaganaping PBA 3×3 sa Pebrero 17.

Mga basketball player na edad 17-anyos pataas, Filipino o may lahing Pinoy ang maaaring sumali sa draft.

Para sa mga interesadong sumali, dapat na magsumite ng application form, original Philippine Statistics Authority (PSA) issued birth certificate, certificate of recognition mula sa Bureau of Immigration para sa Fil-foreign applicants, at 2×2 picture.

Ang deadline ng submission ng lahat ng requirements ay sa Pebrero 7. At para sa karagdagang detalye, tumawag sa (02) 84702768 at hanapin si Rosc Teotico.

Ang 3×3 league ay inaprubahan kamakailan lamang ng PBA board at isasagawa katuwang ang Samahang Basketbol ng Pilipinas (SBP).

Gayunpaman, hindi pa inihahayag ang mga detalye kung kailan opisyal na sisimulan ang 3×3 basketball league.

Please follow and like us:
Read More

WANTED, BAGONG GILAS COACH

(NI ANN ENCARNACION)

KAHIT naipanalo pa ang Gilas Pilipinas ng gintong medalya sa 30th Southeast Asian Games, walang balak si Barangay Ginebra coach Tim Cone na mag-extend sa kanyang national duty.

Iginiit ni Cone na “one and done” ang pagiging Gilas coach niya.

“I was told at the start that I will be some sort of a caretaker for the national team that will be playing for the Southeast Asian Games,” paliwanag ni Cone.

Idinagdag niya na may inihahanda nang programa ang Samahang Basketbol ng Pilipinas para sa susunod na taon kaya’t hindi niya inaasahan na muli na magtatagal bilang coach ng  pambansang koponan.

“All I know is that they will be implementing a new Gilas program under project director coach Tab Baldwin. Other than that, I have nothing more about the insides,” sabi ni Cone.

Huling sumabak ang Gilas team sa 2019 Fiba World Cup sa China kung saan wala ito kahit isang naipanalo.

Matapos ang nakadidismayang performance ng national team sa China, tuluyang nagbitiw bilang coach ng Gilas si NLEX coach Yeng Guiao, kaya’t kinukunsiderang “disbanded” na ang team.

Matapos tanggapin ang hamon na maging coach ng national team para sa 30th SEAG, bumuo ng sariling all-pro team si Cone na pinadapa ang lahat ng mga nakalaban sa katatapos lang na biennial regional meet.

Sa ngayon ay wala pang inihahayag ang SBP kaugnay sa bagong head coach ng Gilas, maliban sa limang piling players na pawang kinuha sa PBA draft nitong buwan.

Ang limang isinama sa Gilas pool ay sina Isaac Go, magkapatid na Matt at Mike Nieto, Rey Suerte at si Allyn Bulanadi.

Sila ang magsisilbing pundasyon ng bagong national team na personal na pinili ni Ateneo Blue Eagles coachTab Baldwin.

Gayunpaman, hindi pa malinaw kung tinanggap na ni Baldwin ang trabaho bilang project director ng national team, o kung siya na ang bagong coach ng Gilas Pilipinas.

Please follow and like us:
Read More

DIAZ, DIDAL NAMUMURO SA 2020 TOKYO OLYMPICS

(NI ANN ENCARNACION)

MALIBAN kina pole vaulter Ernest John Obiena at artistic gymnast na si Carlos Edriel “Caloy” Yulo na pasok na sa 2020 Olympics, namumuro na rin na sumunod sa kanila sina weightlifter Hidilyn Diaz at skateboarder Margielyn Didal.

Ayon kay Philippine Sports Institute (PSI) chief at Philippine Sports Commission (PSC) National Training Director Marc Edward Velasco, konting tulak na lang ang kailangan  nina Didal at Diaz upang magkuwalipika sa kada apat na taong multi-sports tournament.

“Hidilyn (Diaz) needs to participate in two more international tournament to be assured of a slot, and so with Margie (Dida),” ani Velasco.

Ang 28-anyos na Olympic silver medalist na si Diaz na at Asian gold medalist na si Diaz ay sariwa pa mula sa kanilang gold-medal finish sa katatapos na 30th Southeast Asian Games, na isang Olympic qualifying tournament na may karampatang Olympic qualifying points.

Sa kasalukuyan ay nasa ikalimang puwesto sa International Weightlifting Federation sa women’s 55kg division ang Pinay weightlifter, na nakatakdang sumabak sa Rome World Championships at IWF Asian Championships sa Kazakhstan.

Halos abot-kamay na rin ni Didal ang isang silya sa Olympics matapos mapanalunan ang nakalipas na dalawang international tournaments na isa sa mga daan patungo sa Tokyo.

Sumali na sa Olympic qualifying tournament si Didal subalit nabigong makumpleto ito kaya’t naunsiyami ang kanyang pangarap. Ngunit ngayon ay desidido siyang ituloy ang kanyang inaasam na 2020 Tokyo Olympics.

Please follow and like us:
Read More

BROWNLEE SABIK NANG MAGKAMPEONG MULI

(NI DENNIS IÑIGO)

GAYA nang inaasahan, hindi na pinaporma ng Barangay Ginebra ang NorthPort at tinapos ito, 120-107, sa Game 4 ng kanilang best-of-five semifinal series Biyernes ng gabi.

At dahil wala nang PBA game sa Pasko, mahaba-haba ang magiging bakasyon ng Gin Kings dahil Enero 8 pa magsisimula ang 2019 Governor’s Cup finals.

Magkasunod na taon na pinagharian ng Kings ang season-ending conference noong 2016 at 2017, ngunit noong 2018 ay nasilat sila ng Magnolia nang talunin sila sa four games sa semifinals.

Kaya sobrang motivated ang resident import ng Ginebra na si Justin Brownlee na mabawi ang nawalang korona nila noong nakaraang taon.

“Super motivated. I wish we would’ve had that three-peat last year but unfortunately, we came up short,” sabi ni Brownlee, na malaki ang naitulong para makuha ng Gin Kings ang 2018 Commissioner’s Cup titile ngunit nabigong madepensahan ang kanilang Governors’ Cup throne ng nasabing taon.

“It feels good to be in the Finals, but this point we’re not satisfied. We wanna feel that greatest feeling. I’m just super proud of everybody, it just feels great and hopefully, we can get another one.”

Kitang-kita naman ang panggigigil  ni Brownlee na magkampeon muli sa kanyang triple-double sa halos buong conference.

Sa Game 4 ng Gin Kings kontra Batang Pier, bahagyang kinapos lang para maka-triple-double muli si Brownlee nang magposte ng 36 points, 19 rebounds, eigth assists, three steals, at two blocks.

At dahil may hangover pa sa muling pagpasok sa third conference finals ng crowd-favorite Ginebra, nag-aalala si Brownlee sa mahigit dalawang linggong bakasyon ng liga.

“It’s kinda tricky because you don’t wanna get out of shape too much. You wanna stay focused and locked in. It’s the Finals. I don’t think we’ve ever done this, having extended breaks in the semis and in the Finals,” aniya.

“We just wanna stay focused and try not to lose the mentality that we already got right now. Hopefully we don’t take too many days off,” dagdag pa ni Brownlee.

Please follow and like us:
Read More

PONDO NAUBOS; 2019 ASEAN PARAGAMES INIATRAS

(NI ANN ENCARNACION)

NAUBOS ang pondo sa 30th Southeast Asian Games kaya’t imbes na Enero ay sa Marso 2020 na gagawin ang kakambal na torneo nito, ang 2019 ASEAN ParaGames.

Ito ang malungkot na inamin ni Philippine Sports Commission (PSC) Chairman William “Butch” Ramirez kahapon kaugnay sa paghohost ng bansa sa ika-10 edisyon ng Asean Para Games.

“We received a memorandum asking us to fund the Asean ParaGames,” sabi ni Ramirez. “Concern is wala na kami maibibigay pa sa paghohost natin because we spent most of our funds for the preparation, training and exposures of our national athletes.”

Kabuuang P100-milyon ang inilaan para sa pagsasagawa ng kaakibat na torneo ng SEA Games subalit halos kalahati na lamang ang natitira sa nasabing pondo dahil sa mga gastos umano para sa paghahanda at pagsasanay ng mga differently-abled athletes.

Dapat na nasa pamamahala ng Philippine Southeast Asian Games Organizing Committee (PHISGOC), base sa kautusan ng Southeast Asian Games Federation (SEAGF), ang SEA Games at  Para Games subalit ibinigay sa PSC sa isang memo ang pagpondo para sa huli.

“We will be asking again the government for funds to be used in the ASEAN ParaGames. Kung wala, posibleng hindi na matuloy, or mapostpone na naman to a later date, or makakuha tayo ng mga makakatulong para pondohan ang mga kasama nating mga differently-abled athletes,” ayon kay Ramirez.

Mahigit 2,500 atleta at team officials mula sa 11 bansa ang sasabak sa aksiyon sa Para Games kung saan 518 ang paglalabanang events sa 16 sports.

Please follow and like us:
Read More

GINTO SA 2020 OLYMPICS TARGET NG PHL ATHLETES

(NI ANN ENCARNACION)

MATAPOS ang matagumpay na kampanya sa Southeast Asian Games, target naman ng mga atletang Filipino ang 2020 Tokyo Olympics.

Optimistiko ang 387 national athletes na nanalo ng medalya sa 30th SEA Games na may tsansa silang maka-gintong medalya sa pinapangarap ng lahat ng mga atleta sa mundo na Olympics.

Personal na humarap ang mga naturang atleta kay Pangulong Rodrigo Duterte upang magpasalamat sa suporta nito sa kanila sa kada dalawang taong regional tournament kung saan tinanghal na overall champion ang Pilipinas.

“Nagpapasalamat po kami sa pagtulong sa amin ni Pangulong Duterte at pati na sa Philippine Sports Commission (PSC) sa pangangalaga nila sa amin. Gagawin po namin ang lahat ng aming makakaya para maibigay sa pangulo ang pinakamimithing unang gintong medalya sa Olympics,” sabi ng mga atleta sa pangunguna ng skateboarder na si Margielyn Didal ng Skateboarding and Roller Sports Association.

Pinasalamatan mismo ng mga pambansang aleta ang pagbibigay ng buong suporta ng PSC sa lahat halos ng mga pangangailangan simula sa paghahanda, pagsasanay, pagpapadala para lumahok sa kompetisyon, pagbibigay ng mahuhusay na pagkain at nararapat na kasuotan.

“Masayang-masaya ang pangulo lalo na noong makita niya ang mga atleta. Sumasayaw pa nga siya at pumalakpak noong ipakilala sa kanya ang lahat ng mga pambansang atleta. And then, after that, sinabi niya na agad susuportahan ang susunod na kampanya para sa Olympics,” ayon kay PSC Chairman William “Butch” Ramirez.

Mayroon nang dalawang atleta sa kasalukuyan ang Pilipinas na nakapagkuwalipika sa Olympics, sina pole vaulter Ernest John Obiena at men’s artistics gymnastics Carlos Yulo, habang umaasa ang PSC na aabot sa kabuuang 20 atletang Pinoy ang makakapasok sa kada apat na taong sports tournament.

Please follow and like us:
Read More

ORDER OF LAPU-LAPU AWARD IGINAWAD SA PINOY ATHLETES

(NI ANN ENCARNACION)

DAHIL sa tagumpay sa nagdaang 30th Southeast Asian Games, iginawad sa mga Filipinong atleta ang Order of Lapulapu.

Mismong si Pangulong Rodrigo Roa Duterte at si Team Philippines Chef de Mission at Philippine Sports Commission Chairman William Ramirez ang nagkaloob ng pambihirang award para sa mga atletang nakatulong upang tanghaling overall champion ang bansa sa katatapos lang na SEA Games.

Mahigit 600 medallists sa SEAG ang nagtungo sa Malakanyang para sa awarding of incentives at Order of Lapulapu, ang pinakamataas na karangalan na ibinibigay lamang sa mga natatanging personalidad.

Dumalo rin sa naturang okasyon sina Executive Secretary Salvador Medialdea, Philippine Olympic Committee President Cong Bambol Tolentino, Philippine SEAG Organizing Committee Chairman at Speaker Alan Peter Cayetano, Commissioners Celia Kiram, Arnold Agustin, Charles Maxey, at mga pinuno ng iba’t ibang national sports associations.

Base sa batas, pagkakalooban ang gold medalists ng P300,000, P150,000 sa naka-silver at P60,000 para sa mga bronze medallist.

Kabuuang P79 million ang naipamahagi sa lahat ng Pinoy athletes na nanalo ng medalya sa 30th SEAG.

Please follow and like us:
Read More

AMIT, CENTENO NANALASA SA 2019 WPA WOMEN’S 9-BALL

(NI LOUIS AQUINO)

KATULAD  ni Rubilen Amit, pasok na rin si Chezka Centeno sa round of 32 ng 2019 WPA Women’s World 9-ball Championship na ginaganap sa Jinghai International Holiday Hotel & Resort sa Sanya, China.

Ang panalo ng 20-anyos na si Centeno laban kay Melanie Suessenguth ng Germany, 7-3, ay matagumpay na bounce-back mula sa pagkatalo kay No. 15 Kristina Tkach ng bansang Russia, 7-5, kamakalawa.

Si Centeno, ranked No. 25 sa mundo Centeno ay kapapanalo lang ng gintong medalya sa 30th Southeast Asian Games noong nakaraang linggo.

Ang 38-anyos naman na si Amit, gold medallist din sa nakaraang SEAG, ay nauna nang nakapasok sa round of 32 ay ranked No. 3 sa mundo.

Walang hirap na tinalo ni Amit ang mga nakalabang sina Sweden’s Monika Margeta at Poland’s Ewa Bak na kapwa dinomina niya sa 7-1 para makasama sa susunod na round,

Maganda rin ang ipinakita ng dalawang Filipino female cue artists na sina Floriza Andal at Iris Ranola.

Nagwagi si Andal laban sa world No. 8 na si Chou Chieh Yu ng Taiwan, 1-7, sa lower bracket ng Group B.

Nauna nang ginulat ni Andal ang world No. 45 na si  Tina Vogelmann ng Germany, 7-2, ngunit nabigo sa 2015 runner-up na si Jasmin Ouschan ng Austria, 6-7.

Sumuko naman si Ranola laban sa runner-up noong nakaraang taon na si Wang Xiaotong ng China, 1-7, sa Group G.

Samantala, tuluyan nang nagpaalam sa 2019 Men’s World 9-Ball Championship sa Doha, Qatar ang Filipino cue artists na sina 2017 champion Carlo Biado, Filipino-Canadian Alex Pagulayan, Johann Chua at Jeffrey Ignacio.

Please follow and like us:
Read More

GIBBONS MAS PABOR SA CASIMERO VS. INOUE BOUT

(NI VT ROMANO)

MAS may kakayahan si newly-crowned WBO bantamweight champion Johnriel Casimero na talunin si Japanese world champion Naoya Inoue kumpara kay Nonito Donaire Jr.

Ito ang malaking paniniwala ni Sean Gibbons, Manny Pacquiao International Promotion president, sakaling magkaharap sina Casimero at Inoue para sa unification bout.

“I believe that Casimero at his age, his experience, his power, his overall boxing skills, he’s what Nonito Donaire was seven years ago,” komento ni Gibbons. “I really believe that he has the style and the power to take Inoue.”

“Nonito Donaire showed a lot of flaws in Inoue. Inoue is a great offensive fighter, but defensively, he has a lot of holes,” dagdag pa ni Gibbons kahapon nang maging panauhin sa PSA Forum kasama si Casimero sa Amelie Hotel-Manila.

Ayon pa kay Gibbons, sakaling matuloy ang Inoue-Casimero, malamang na sa Las Vegas o kaya’y sa Los Angeles gawin ang sagupaan, dahil kalalagda lang promotional contract ng Japanese champion kay Top Rank promoter Bob Arum.

Sinabi ni Gibbons na malamang ay pababanguhin ni Arum ang pangalan ng 26-anyos na si ‘Monster’ Inoue sa US market.

“I believe they want to introduce Inoue to the U.S. market that was the idea of signing with Bob Arum with top Rank. So I see the fight probably being in Las Vegas or Los Angeles,” paliwanag ni Gibbons.

Kung magkakasundo, posibleng sa Abril 2020 maganap ang Casimero-Inoue, pero depende pa rin aniya sa kundisyon ng Japanese boxer, na nagpapagaling pa ng fracture sa kanang eye socket nito na tinamo sa laban okay Donaire noong Nobyembre.

Si Inoue, may record na 19-0 (16 KOs) ay kampeon ng IBF at WBA 118-lb division, tinalo niya si Donaire via unanimous decision sa finals ng World Boxing Super Series.

Gustung-gusto na ring makasagupa ni Casimero si Inoue upang aniya’y magkaalaman kung sino talaga ang mas mahusay na boksingero.

“Gusto ko ng lumaban kay Inoue para magka-alaman na kung sino talaga ang magaling sa amin,” deklara ni Casimero sa Forum na suportado ng San Miguel Corp., Braska Restaurant, Amelie Hotel, at ng Philippine Amusement and Gaming Corporation (PAGCOR). “Gustung-gusto ko na apat na belt yung kunin ko,” dagdag ni Casimero, na tinanghal na WBO champion matapos talunin via 3rd round knockout si Zolani Tete noong Nobyembre 30 sa South Africa.

Please follow and like us:
Read More