BINATA ITINUMBA SA TAGAYAN

BARIL-9.jpg

DAVAO City – Duguang bumulagta ang isang binata makaraang pagbabarilin ng hindi kilalang mga suspek habang nakikipag-inuman, iniulat nitong Martes ng umaga sa lungsod na ito.

Kinilala ang biktimang si Rodolfo Mabitad Suizo, 23-anyos, residente sa Purok Cabbage, Lapu-Lapu Extension, Brgy. Zone 3, Digos City.

Batay sa report ng Digos Police Station, dakong alas 2:10 ng madaling araw noong Lunes nang mangyari ang insidente sa loob ng Walwal Music Bar sa Purok Talisay, Luna Extension, Brgy. Zone 3, ng nasabing lunsod.

Lumabas sa imbestigasyon, nakikipag-inuman ang biktima sa nasabing lugar kasama ang mga kaibigan nang bigla na lamang sumulpot ang armadong mga suspek at siya ay pinagbabaril.

Pagkaraan ay mabilis na tumakas ang mga suspek habang isinugod ang biktima sa Davao Sur Provincial Hospital ngunit hindi umabot nang buhay.

Nagpapatuloy ang imbestigasyon ng pulisya upang mabatid ang posibleng motibo sa krimen at pagkakakilanlan ng mga suspek. (ANNIE PINEDA)

Please follow and like us:
Read More

NAGHATID NG RELIEF GOODS SA BATANGAS, TODAS SA TRUCK

TODAS SA TRUCK

INABOT ng malas ang dalawang binata matapos maghatid ng relief goods sa mga biktima ng Taal explosion nang bumangga ang kanilang sinasakyang kotse sa trailer truck na kanilang ikinasawi sa San Jose, Batangas, Martes ng madaling araw.

Ayon sa San Jose police, dead on the spot sina Rio John Abel at ang nagmamanehong si Maximino Alcantara III

na nagtamo ng mga grabeng pinsala sa ulo at katawan matapos maipit sa nagkayupi-yuping kotse.

Malubha namang nasugatan ang isa pang pasahero na si Darwin Lajara.

Pauwi na umano ang mga ito galing sa paghahatid ng relief goods sa isa sa mga evacuation center nang mangyari ang aksidente sa national highway sa Barangay Banay-Banay 1st, ala-1:30 ng madaling araw.

Sumalpok  ang sinasakyang Mitsubishi Lancer ng mga ito sa hulihan ng trailer truck na noon ay nakahinto at papasok sa gate ng isang feedmills.

Kinustodiya ng mga pulis ang driver ng trailer truck na si Chris Charlie Peralta habang isinugod naman at ginagamot pa sa ospital ang sugatang si Lajara. (Nilou Del Carmen)

Please follow and like us:
Read More

GUNRUNNER UTAS SA SHOOTOUT

GUNRUNNER

CAGAYAN de Oro City – Patay ang isang lalaking hinihinalang gunrunner makaraang manlaban umano sa mga awtroidad sa ikinasang operasyon nitong Martes ng umaga sa lungsod na ito.

Kinilala ang napatay na si Klyd Jun Bryan Llamis, nasa hustong gulang, residente ng Zone 4, Barangay Bulua, Camaman-an.

Batay sa report ng Camman-an Police Station, dakong alas-2:00 ng madaling araw nang mangyari ang insidente sa City Public Cemetery sa Barangay Camaman-an ng nasabing lungsod.

Ayon sa pulisya, matagal nilang minanmanan ang suspek sa hinggil sa pagbebenta umano ng mga armas at nang magpositibo ay isang pulis ang umaktong poseur buyer para makabili ng armas.

Ngunit nakatunog ang suspek na pulis ang katransakskyon kaya agad umanong bumunot ng baril.

Gayunman, mabilis umanong kumilos ang pulis at naunahan sa pagpapaputok ang suspek na agad napuruhan.

Dinala sa ospital ang suspek ngunit nalagutan ng hininga habang nilalapatan ng lunas.

Nakuha sa pinangyarihan ng insidente ang isang caliber .45 at caliber .38 na baril.

Patuloy ang imbestigasyon ng pulisya para alamin kung sino ang iba pang mga kasama ng suspek sa kanilang grupo. (ANNIE PINEDA)

Please follow and like us:
Read More

P15-M KONTRABANDO NASAMSAM, 3 ARESTADO

AABOT sa halagang P15 milyong halaga ng kontrabandong karne at exotic species ang nasamsam ng magkasanib na puwersa ng Manila Police District-Special Mayor’s Reaction Team at ang mga tauhan ng Veterinary Inspection Board (VIB) nang salakayin ang isang bodega at inaresto ang isang Chinese at dalawa niyang tauhan, nitong Lunes ng gabi sa Binondo, Manila.

Kinilala ni  P/Major Rosalino Ibay Jr., ang arestadong mga suspek na sina Cai Changfen, 52, negosyante at residente ng 442 San Fernando St., Binondo, Maynila; Rogelio  Edeinal  y Tugunon, 50, ng 1911 Laguna Ext., Narra St., Tondo, at Joshua Almario y Camposano, 22, helper at residente ng  Blk. 5, RAW 5, Unit 717, Habitat-Baseco Compound, Port Area.

Ang mga suspek ay sinampahan ng kasong paglabag sa RA 10536 o Meat Inspection Code of the Philippines at  RA 10611 o Food Safety Act.

Batay sa ulat ni Major Ibay, ikinasa nila ang operasyon dakong alas-8:00 ng gabi sa isang warehouse sa 442 San Fernando St. sa  Binondo.

Nabatid sa report ng pulisya, nakatanggap umano sila ng impormasyon na may nakaimbak na mga kontrabandong karne sa bodega.

Agad ikinasa ang pagsalakay at nakumpiska ng mga nawtoridad ang 6.1 tonelada ng kontrabandong karne, exotic species, aquatic products at isang puting Toyota Grandia Van na  may conduction sticker No. P5Y711 na ginagamit na pang-deliver sa mga karne.

Samantala, agad iniutos ni Manila Mayor Francisco “Isko Moreno” Domagoso na ikulong ang arestadong mga suspek. (RENE CRISOSTOMO)

Please follow and like us:
Read More

OPERATOR PATAY SA PAYLOADER TRUCK

CAVITE – Labis ang pagsisisi ng isang 28-anyos na pahinante nang tanggapin niya ang alok ng operator ng payloader truck na siya muna ang magmaneho nang masagasaan niya ito nang paandarin niya ang nasabing sasakyan sa bayan ng Noveleta sa lalawigang ito.

Nakakulong na sa Noveleta Custodial Center ang suspek na si  Francisco Canete, binata, ng Sta. Rita, Sto. Domingo, Nueva Ecija dahil sa pagkamatay ni Joseph  Rogelio, 34,  may-asawa, payloader operator, ng Brgy. Sta. Rosa 2, Novelata, Cavite.

Sa ulat ni Pat. Monaem Cabugatan ng Noveleta Police Station, dakong alas-4:00 nitong Lunes ng hapon nang mangyari ang insidente sa isang construction site sa bakanteng lote sa Brgy. Sta. Rosa 2 sa nabanggit na bayan.

Minamaneho umano ni  ni Canete ang nabanggit na payloader truck na may body number na WHL 33-16, na dapat ang biktima ang may hawak ng manibela.

“Masakit daw kasi ang paa, kaya ipinagkatiwala kay Canete ang pagmamaneho,” ayon kay Pat. Cabugatan.

Habang minamaneho ni Canete ang payloader truck ay nakasabit na lamang umano ang biktima upang maalalayan ang una ngunit nalaglag at bumagsak sa gulong si Rogelio na hindi napansin ng suspek kaya ipinagpatuloy ang pagmamaneho.

Tumigil lamang sa pagmamaneho ang suspek nang magsigawan ang mga trabahador.

Isinugod ang biktima sa Divine Grace Medical Center ngunit namatay habang nilalapatan ng lunas habang inaresto ng mga awtoridad ang suspek. (SIGFRED  ADSUARA)

Please follow and like us:
Read More

AMA PINATAY SA PANIS NA ALAK

ALAK-11
 AKLAN – Mistulang naburyong ang isang lalaki na pinatay sa taga ang kanyang ama makaraang inumin ang panis na alak, iniulat nitong Martes ng umaga sa lalawigang ito.
Kinilala ang biktimang si Felix Teofilo Cawaling, 64-anyos, habang nadakip ang suspek na anak niyang si Joey Cawaling, 31-anyos, kapwa residente ng Brgy. Cabatanga, Makato, Aklan.
Batay sa report ng Makati Police Station, Sabado ng gabi nang mangyari ang insidente sa loob ng bahay ng mag-ama sa nasabing lugar.
Lumabas sa imbestigasyon, nag-inoman ang mag-ama nang bigla na lamang nagkaroon ng pagtatalo ang mga ito hanggang sa kumuha ng itak ang batang Cawaling at pinagtataga ang ama sa iba’t ibang parte ng katawan.
Agad dinala sa ospital ang matandang Cawaling ngunit idineklarang dead-on-arrival.
Nabatid na ang iniinom na alak ng mag-ama ay ang mga natira sa kanilang ininom.
Dinakip ng nagrespondeng mga pulis ang suspek ngunit hindi nagsampa ng kaso ang pamilya  sa kasunduang hindi na siya uuwi sa kanilang bahay. (ANNIE PINEDA)
Please follow and like us:
Read More

1 PATAY, 3 TIKLO SA DRUG BUST

ARRESTED

DAVAO CITY –  Patay ang target na hinihinalang tulak ng ilegal na droga makaraang manlaban umano sa mga awtoridad na tangkang umaresto sa kanya sa Sitio Badak, Brgy. Lanipao, sa bayan ng Lala, Lanao del Norte nitong Martes ng madaling araw.

Kinilala ang napaslang na si Abdul Javir Ramos Abubakar, 34-anyos, binata at residente sa Purok 4, Poblacion Kolambugan, Lanao del Norte.

Ayon sa ulat, dati umanong nabilanggo ang suspek ngunit nakalabas dahil sa plea bargaining agreement.

Samantala, sa Tagum City, Davao del Norte, tatlong lalaking magkakaibigan ang natimbog ng pulisya matapos maaktuhan sa pot session sa Brgy. Madaum noong Lunes ng hapon.

Kinilala ang mga suspek na sina Arrianne Ganza Lagare, 26; Edwin Aniabesa Hinggo, 44, at Antonio Labrador Canoy, 39-anyos.

Sa ulat ng Tagum City Police Station, nagpapatrolya ang mga awtoridad nang maispatan nila ang tatlo habang abala sa pagbatak ng ilegal na droga kaya agad nilang  inaresto.

Nakuha sa posisyon ng mga suspek ang dalawang pakete ng hinihinalang shabu at drug paraphernalia.

Arestado naman ng Babak Police Station sa Island Garden City of Samal (IGACOS), Davao del Norte, ang isang menor de edad matapos maaktuhang nagbebenta umano ng marijuana sa Sitio Libudan, Barangay Miranda sa lugar.

Itinago ang suspek sa pangalang Bryan, 17-anyos, residente ng Barangay Tambo sa lugar.

Nakuha ng mga awtoridad sa posisyon ng suspek ang isang pakete ng mga dahon ng marijuana at marked money na ginamit sa buy-bust operation.

Ang mga suspek ay sasampahan ng kasong paglabag sa RA 9165 o Comprehensive Dangerous Drugs Act of 2002.  (DONDON DINOY)

Please follow and like us:
Read More

LALAKI DEDO SA MASKARADO

SHOTGUN-1

CAPIZ – Luwa ang bituka ng isang lalaki makaraang paputukan ng shotgun ng dalawang armadong nakasuot ng maskara habang naglalakad, iniulat nitong Martes ng umaga sa lalawigang ito.

Kinilala ang biktimang si Nico Gregorio, 21-anyos, residente ng Brgy. Agpalali Tapaz, Capiz.

Batay sa report ng Tapaz Police Station, dakong alas-10:00 ng umaga nang mangyari ang insidente sa Brgy. Roxas sa nasabing bayan.

Lumabas sa imbestigasyon, bigla na lamang hinarang ng mga lalaking maskarado ang biktima at pinaputukan ng 12 gauge shotgun na agad nitong ikinamatay.

Pagkaraan ay mabilis na tumakas ang mga suspek sa hindi nabatid na direksiyon.

Nagpapatuloy ang imbestigasyon ng pulisya sa nasabing insidente. (ANNIE PINEDA)

Please follow and like us:
Read More

TANOD PATAY, 2 SUGATAN SA AMBUSH

BLOODY BULLET

COTABATO City – Nalagutan ng hininga ang isang barangay tanod habang sugatan ang dalawa pang bik-tma, kabilang ang punong barangay, nang tambangan at pagbabarilin ng hindi kilalang armadong mga suspek, iniulat nitong Lunes ng umaga sa lungsod na ito.

Kinilala ang napatay na si Kunti Kadatuan Solaiman, miyembro ng Barangay Peacekeeping Action Team (BPAT), habang sugatan sina Brgy. Chairman Kutin Idtug, 67-anyos, isa ring MNLF political affairs officer, at Antonio Saban.

Batay sa report ng Matalam Police Station, nangyari ang insidente sa plantasyon ng tubo sa Brgy. Mar-bel, Matalam Cotabato.

Lumabas sa imbestigasyon, sakay ang mga biktima ng multicab ng barangay na minamaneho ni Solaim-an, galing sa palengke.

Pabalik na ang mga biktima sa nasabing barangay ngunit pagsapit sa naturang lugar ay hinarang sila ng mga suspek na armado ng M14, M16 at carbine rifles.

Pinaulanan ng bala ng mga suspek ang mga biktima na agad ikinamatay ni Solaiman habang nasugatan ang dalawang kasama.

Patuloy ang pagtugis ng mga awtoridad sa mga suspek na mabilis na tumakas matapos ang krimen.

Samatala, inaalam pa ng mga awtoridad ang posibleng motibo ng mga suspek sa pananambang. (ANNIE PINEDA)

Please follow and like us:
Read More

RIDER PATAY, ANGKAS SUGATAN SA TRUCK

accident121

CAMARINES Sur – Binawian ng buhay ang isang motorcycle rider habang sugatan ang kanyang angkas nang sumalpok ang sinasakyan nilang motorsiklo sa kasunod na tanker truck, iniulat ng pulisya nitong Lunes ng umaga sa lungsod na ito.

Kinilala ng mga awtoridad ang biktimang namatay na si Rommel Castillo, habang sugatan si Princess Lopez, kapwa residente ng Lopez, Quezon.

Hawak naman ng pulisya ang suspek at driver ng tanker truck na kinilalang si Gidel Balid, residente ng Pili, Camarines Sur.

Batay sa report ng Sipocot Police Station, nangyari ang insidente sa Sitio Lagatic, Barangay Taisan, Sipocot, Camarines Sur.

Lumabas sa imbestigasyon ng pulisya, binabaybay ng motorsiklo ang nasabing lugar kasunod ang tank-er truck nang bigla na lamang umanong bumangga sa gulong ng truck ang mga biktima.

Sa lakas ng pagkakabangga, tumilapon ang mga biktima sa kalsada na agad dinala sa ospital ngunit idi-neklarang dead on arrival si Castillo habang nilalapatan ng lunas si Lopez.

Nakatakdangsampahan ng kasong reckless imprudence resulting in homicide and physical injuries ang suspek. (ANNIE PINEDA)

Please follow and like us:
Read More

8 PUSHERS TIKLO SA P3-M SHABU

SHABU BUYER

DAVAO City – Arestado ang walong hinihinalang tulak ng ilegal na droga makaraang matiktikan sa isang checkpoint ang P3 milyong halaga ng umano’y shabu na tangkang ipasok sa lungsod na ito, dakong alas-5:00 ng hapon noong Sabado.

Sa ulat ng Davao City Police Office (DCPO), kinilala ang mga suspek na sina Abolkaer Cabugatan, 48; Oden Busran, 45; Mohammad Gubat, 32; Jerry Ali, 51; Lando Ali, 50; Rosalyn Abdulgani, 40; Eddie Acop, 44, at Norlayla Dipatuan, 19-anyos.

Napag-alaman, tinatayang 178.61 gramo ng umano’y shabu ang nakumpiska sa inilatag na checkpoint ng Task Force Davao sa Barangay Lacson sa bayan ng Calinan.

Sinabi ng DCPO, nakasakay sa isang Toyota Innova ang walong suspek na mula sa Lanao del Sur at papasok sana sa lungsod.

Nang tingnan ang sling bag na dala ng mga suspek, nakita umano ng mga awtoridad ang droga sa loob nito.

Agad itinuro ng anim na mga suspek ang kanilang kasama sa sasakyan na si alyas Abdulkaer na siya umanong nagmamay-ari ng mga droga na agad ding umamin na siya nga ang may dala nito.

Nasa kustodiya na ng Calinan Police Station ang mga suspek na sasampahan ng kasong paglabag sa RA 9165 o Comprehensive Dangerous Drugs Act of 2002. (DONDON DINOY)

Please follow and like us:
Read More

NO.8 SA DRUG LIST PATAY SA PULIS

PULIS-11

BULACAN – Patay ang isang hinihinalang drug pusher na no.8 sa Lambat Sibat provincial level drug watchlist, makaraang manlaban sa mga pulis sa anti-drug operation sa bayan ng Plaridel, habang lima pang drug suspect ang nadakip sa buy-bust operation sa mga bayan ng Baliuag at Marilao sa lalawigang ito, noong Linggo ng gabi.

Kinilala ni P/Col. Emma Libunao, Acting Bulacan police director, ang suspek na si Rommel Garife y Dionisio, alyas  “Mome”, residente ng bayan ng Pulilan.

Napatay si Garife dahil sa mga tama ng bala sa katawan habang nakatakas ang kanyang kasama lulan ng hindi naplakahang motorsiklo.

Ayon sa ulat, dakong 1:05 ng madaling araw nang magsagawa ng buy-bust operation ang mga tauhan ng Drug Enforcement Unit (DEU) ng Plaridel police sa Barangay Agnaya, sa pangunguna ni P/Lt. Col. Victorino Valdez, hepe ng pulisya ng Plaridel.

Target sa nasabing operasyon ang umano’y tulak ng ilegal na droga na si Garife ngunit nakatunog ang suspek kaya’t bumunot ng baril at nanlaban na naging dahilan ng kanyang kamatayan habang nakatakas ang kanyang kasama patungo sa Barangay Lumang Bayan.

Nakuha ng Bulacan SOCO Team sa suspek ang isang .38 kalibreng baril, 14 pakete ng umano’y shabu at buy-bust money.

Samantala, limang iba pang mga drug suspect ang nakorner sa Barangay Poblacion 2, Marilao at Barangay Sta. Barbara sa bayan ng Baliuag.

Kinilala ni P/Lt. Col. Amado Mendoza Jr., Marilao police chief, ang arestadong mga suspek na sina Mark Anthony Villasenor, 25; Josua Galupong, 22; Kenneth de Leon; Miner Bautista, at Michael dela Cruz. (GINA BORLONGAN)

Please follow and like us:
Read More

INIWAN NG PAMILYA, OFW PATAY SA DUWELO SA PULIS

BARIL-10

BATANGAS – Nalagutan ng hininga ang isang dating OFW makaraang makipagbarilan umano sa mga pulis nang tangkang arestuhin dahil sa pagpapaputok ng baril sa bayan ng Calatagan sa lalawigang ito, noong Linggo ng madaling araw.

Kinilala ang napatay na suspek na si Donato Credito, residente ng Barangay Quilitisan.

Batay sa report ng pulisya, pasado alas-4:00 ng madaling araw nang walang habas na magpaputok ng baril si Credito sa loob ng kanyang bahay.

Agad namang nagresponde ang mga pulis ngunit pinaputukan ng suspek ang patrol car saka mabilis na nagkulong sa kanilang bahay.

Sa kabila ng pakiusap ng mga kanak na lumabas at sumuko, nagmatigas ang suspek at muling pinapu-tukan ang mga pulis na nagtangkang pumasok sa kanilang bahay.

Bunsod nito, tinamaan ang dalawang pulis na kinilalang sina P/SSgt. Barcelon at P/Lt. Joel Landicho.

Pagkaraan ay binaril naman ng dumating na mga tauhan ng Police Mobile Force Company at Philippine Airforce ang suspek na nalagutan ng hininga sa insidente.

Isinugod sa pagamutan ang sugatang pulis na si Barcelon habang nakaligtas sa tama ng bala si Landicho dahil sa suot na bullet proof vest.

Ayon sa mga kaanak, nakaranas ng depresyon ang suspek mula nang iwan ito ng kanyang pamilya noong nakaraang taon. (NILOU DEL CARMEN)

Please follow and like us:
Read More

MAG-UTOL DEDBOL SA PARAK

gun

CEBU City – Kapwa namatay ang magkapatid na lalaki makaraang pagbabarilin ng kanilang kapitbahay na pulis dahil sa matagal nang alitan, iniulat nitong Lunes ng umaga sa lungsod na ito.

Kinilala ang namatay na magkapatid na sina Joel Cabrera, 35, at Jerbes Cabrera, 30-anyos, kapwa resi-dente ng Barangay Dumlog, Talisay Cebu.

Habang nadakip naman ang suspek na kinilalang si Staff Sgt. Sidney Alisoso, 32, miyembro ng Region-al Drug Enforcement Unit-Police Regional Office 7 Cebu City.

Batay sa report ng Talisay Police Station, dakong alas-10:00 ng gabi nang mangyari ang insidente sa labas ng bahay ng mga biktima.

Lumabas sa paunang imbestigasyon, bigla lamang umanong pumasok ang suspek sa bahay ng magka-patid at kinaladkad palabas si Jerbes saka pinagbabaril.

Nagising naman ang natutulog na si Joel at nang mabatid ang ginawa ng suspek ay mabilis na lumabas ngunit maging siya ay pinagbabaril din ng suspek.

Ayon naman sa ina ng magkapatid, nag-ugat ang alitan ng kanilang pamilya at ni Alisoso, dalawang taon na nakalilipas, dahil sa tubig at kanilang bakod na lumagpas umano sa tamang sukat.

Hanggang sa muli umanong naungkat ang alitan nang matalsikan ng debris ang bahay ng suspek.

Mabilis namang nagresponde ang mga pulis at nadakip ang suspek na nahaharap sa kasong double murder. (ANNIE PINEDA)

Please follow and like us:
Read More

UMIHI SA GILID NG BARKO, SEAMAN SWAK SA DAGAT

lunod1

SURIGAO City – Nalunod ang isang seaman makaraang mahulog sa dagat nang umihi sa gilid ng barko, iniulat nitong Lunes ng umaga sa lungsod na ito.

Kinilala ang biktimang si Mark Gil Jarabe, 29-anyos, chief engineer ng barkong M/V Yohan White, at tu-bong Surigao City.

Batay sa report ng Buenvista Police Station, natagpuan na lamang ang bangkay ng biktima sa ilalim ng dagat habang nakaipit sa kahoy sa daungan ng nasabing bayan.

Lumabas sa imbestigasyon, napaulat na nawawala ang biktima noong Biyernes ng gabi at kinabukasan na  ipinagbigay-alam sa pulisya.

Sa pagsisiyasat ng mga awtoridad, nakita sa footage ng CCTV camera bandang alas-12:55 ng madaling araw nang makita ang biktima habang umiihi sa gilid ng barko at biglang nahulog.

Nagsagawa ng search and retrieval operation ang mga awtoridad katuwang Coast Guard sa lungsod at pagkaraan ay natagpuan ang biktima sa ilalim ng daungan habang nakaipit sa isang kahoy na posibleng naging dahilan ng kanyang pagkalunod. (ANNIE PINEDA)

Please follow and like us:
Read More

TRUCK BUMALIKTAD 1 PATAY, 3 SUGATAN DAHIL SA ZERO VISIBILITY SA ASHFALL

accident12

CALAMBA City – Patay ang isang driver habang tatlo ang sugatan makaraang bumaliktad ang isang truck sa lungsod na ito  nitong Lunes ng madaling araw nang suungin ang zero visibility  na highway bunsod ng ash fall dahil sa pagsabog ng bulkang Taal.

Binawian ng buhay bunsod nang pagkakaipit sa kanyang truck ang biktimang si Gilbert Briones, resi-dente ng Sto. Tomas, Batangas.

Habang sugatan naman ang tatlo pang sakay ng truck kabilang ang mga pahinanteng sina Jovin Daen at Reymar Daen at ang misis ng biktima na si Charity Flores.

Batay sa report ng Calamba City police, patungo sa direksyon ng Maynila ang truck nang bumaligtad ito sa kurbadang highway sa Barangay Paciano Rizal dakong ala-una ng madaling araw.

Ayon sa mga imbestigador, madulas ang kalsada dahil sa ash fall mula sa bulkang Taal.

Posiblen rin umanong hindi napansin ng driver ang kurbada dahil madilim ng paligid na noon ay halos zero visibility sa Laguna. (NILOU DEL CARMEN)

Please follow and like us:
Read More

BATANGAS NIYANIG NG 37 LINDOL, BIYAHE NG BUS KANSELADO

phivolcs lindol12

NASA 37 sunud-sunod na lindol ang naranasan ng mga Batangueno sa buong magdamag kaugnay ng pagsabog ng Taal volcano.

Ayon sa Phivolcs, tectonic origin ang mga lindol na wala namang gaanong magiging epekto sa mga gusali at mga kongkretong bahay.

Gayunman, pinag-iingat pa rin ang lahat sakaling muling lumindol.

Aabot naman sa 35,000 pamilya o higit pa ang pamilyang inilikas sa iba’t ibang lugar upang masiguro ang kanilang kaligtasan.

Karamihan umano sa mga inilikas ay hindi makapaniwala dahil nanonood pa sila rito nang sumabog ang bulkan.

Ayon pa sa kanila, hindi sila naniniwalang puputok ng ganito kalakas ang Taal Volcano dahil taon-taon itong nagbabanta ng pagputok ngunit hindi naman natutuloy.

Matatandaang nagkaroon din ng ganito katinding pagsabog ang Taal Volcano noong 1977.

Samantala, kanselado ang klase sa buong Batangas at Metro manila maging ang mga biyahe ng bus patungong Maynila at pabalik dahil walang madaanan, ngunit alerto 24-oras ang lahat ng mga ospital na pribado at publiko para sa mga inaasahang dagsa ng mga pasyenteng inatake ng hika, high blood at sakit sa puso sanhi ng ashfall.

Nakaabang din ang lahat ng ambulansya at volunteers ng Red Cross para sa mga hihingi ng saklolo.

Maging ang TV host na si Willie Revillame ay personal na nag-ikot sakay ng kanyang chopper upang tiyaking walang naiwang residente malapit sa apektado ng pagsabog ng bulkan. (NENET L. VILLAFANIA)

Please follow and like us:
Read More

2 ESTUDYANTE  NASAKOTE SA P.9-M SHABU

SHABU-24

CAVITE – Upang makatapos umano ng pag-aaral, nagsideline bilang tulak ng droga ang dalawang estudyante subalit minalas na naaresto at nakuhanan ng mahigit P.9 milyong halaga ng shabu sa isang buy-bust operation sa Dasmariñas City.

Sinampahan ng kasong paglabag sa Comprehensive Dangerous Drugs Act of 2002 ang mga suspek na sina Akmad Saripada, 22, alyas “Mads”, ng Area 1, Barangay San Dionisio at Jay Gravoso, 23, ng Area D, Barangay Luzviminda, kapwa sa Dasmarinas City.

Sa ulat ni P/SSgt Christian Cuevas, ng Dasmarinas City Police Station,  ilang impormante ang nagtungo sa pulisya at inginuso ang dalawang estudyante na sangkot sa bentahan ng droga sa lugar kung kaya’t ikinasa ang buy-bust operation sa Barangay Datu Esmael, Damarinas City Cavite bandang alas-11 ng gabi ng Sabado.

Nasa aktong iniaabot ni Saripada sa poseur buyer cop ang 30 gramo ng shabu kapalit  na may street value na P280,000 kapalit ng marked money nang arestuhin siya.

Inaresto rin si Gravoso na nakuhanan ng tinatayang 100 gramo ng shabu na may street value na P680,000 na nakalagay sa isang kulay asul na eye glasses case.

Nakuha rin mula kay Gravoso ang ilang drug paraphernalia.

(Sigfred Adsuara)

 

Please follow and like us:
Read More

RAPIST NG APO PINUGUTAN NG ANAK

KUTSILYO-3

COTABATO – Pinugutan ng ulo ng kanyang sariling anak ang isang 70-anyos na lalaki matapos halayin ng huli ang kanyang dalagitang apo na anak ng una sa South Cotabato.

Nadakip ang suspek na si Reynaldo Biala, driver, matapos niyang mapatay ang kanyang amang si Roberto Biala, kapwa ng Park Magsaysay, Barangay Rang-Ay,  Banga, South Cotabato.

Lumabas sa imbestigasyon ng Banga Municipal Police Station, bandang alas-5:30 ng hapon nang magsumbong ang 14-anyos na anak ni Reynaldo na ginahasa siya ng kanyang lolo kaya uminit ang ulo ng ama ng bata.

Mabilis na kumuha ng itak si Reynaldo at tinungo ang kinaroroonan ng kanyang ama at tinagpas ang ulo ng matanda na naging sanhi ng agarang kamata­yan ng huli.

Mabilis ang responde ng mga pulis at inabutan pa sa bahay ang suspek na kanilang kaagad dinakip upang sampahan ng kasong parricide. (Annie Pineda)

Please follow and like us:
Read More

2 MOTORCYCLE RIDER PATAY SA PAG-OVERTAKE

accident12

CAVITE – Dahil sa pag-overtake sa sinusundang sasakyan, namatay ang dalawang motorcycle ri­der  matapos sumemplang ang kanilang motorsiklo sa magkahiwalay na aksidente sa lalawigan.

Dead on the spot ang biktimang si Gery Domantay habang idineklarang dead on arrival sa Dr. Poblete Memorial Hospital si Leo Dechavez, 29, gardener,  ng Pier Barangay Manggahan, 1, Alfonso, Cavite.

Sa ulat, minamaneho ni Domantay ang kanyang Honda motorcycle habang binabagtas ang kahabaan ng Governor’s Drive na  sakop ng Barangay Mabuhay, Carmona, Cavite dakong alas-8:10 ng umaga kahapon nang maganap ang aksidente.

Nag-overtake umano sa kasunod na motorsiklo kaya nasakop nito ang kabilang linya ng kalsada kung saan nakasalubong nito ang isang Foton truck na minamaneho ni John Madrasa kaya’t sumalpok ang motorsiklo.

Kaagad na nasawi ang biktima habang sumuko sa pulis si Madrasa.

Samantala, minamaneho naman ni De Chavez ang kanyang motorsiklong Mitsukoshi habang binabagtas ang kahaban ng Marahan-Alfonso Cavite Road patungo sa south direction ng Kaytitinga Drive nang pagsapit sa isang palikong bahagi ay tinangka nitong mag-overtake sa isang Chevrolet Trailblazer subalit nakasalubong naman nito ang isang  Honda Civic (URI 892)  dahilan upang bumangga  ang sasakyan ng biktima na tumilapon mula sa kanyang motorsiklo halos 5 metro  ang layo.

Isinugod pa sa ospital si De Chavez Subalit hindi rin ito umabot nang buhay. (Sigfred Adsuara)

Please follow and like us:
Read More

NBI, PNP KINALAMPAG SA KASO NG SINUNOG NA EX-SOLON, 2 TAUHAN

Dating Congressman Edgar Mendoza

(Ni NILOU DEL CARMEN)

UMAPELA sa mga awtoridad ang pamilya ni dating congressman Edgar Mendoza na bilisan ang ­paglutas sa brutal na pamamaslang dito at sa dalawa niyang tauhan kamakailan sa Tiaong, Quezon.

Nabatid na nangangamba rin sa kanilang seguridad ang pamilya ng dating mambabatas kaya nagiging mailap sa pagbibigay ng pahayag at hindi rin binabanggit ang iba pang detalye hinggil sa burol ng biktima.

Person of interest tinututukan ng PNP

MAY person of interest na tinututukan ang Philippine National Police (PNP) bukod pa sa patuloy ang kanilang pag-iimbestiga upang malutas ang kaso bukod sa pagkilala sa mga suspek sa pagpatay at pagsunog sa bangkay ng dating kinatawan ng 2nd District ng Lalawigan ng Batangas.

Ayon kay PNP Spokesman P/BGen. Bernard Banac, isinasailalim na rin sa DNA testing ang tatlong sunog na bangkay na sama-samang natagpuan sa loob ng kotse sa Tiaong, Quezon kahit positibo na itong kinilala ng kanilang mga kaanak.

Naunang nagtatag ang Quezon Police ng special investigation task group upang tutukan ang karumal-dumal na krimen bukod pa sa hiwalay na imbestigasyon ng  isinasagawa ng National Bureau of Investigation (NBI)-Calabarzon.

Inaalam pa ng PNP ang motibo sa pagpatay kay Mendoza, isang practicing lawyer by profession,  bukod pa sa back tracking na kanilang ginagawa upang matukoy kung sino-sino ang kanyang huling kausap sa Calamba, Laguna bago natagpuan patay kasama ang dalawang aide sa nasunog na sasakyan sa Quezon noong Enero 8.

Base sa mga footages na nakalap ng NBI at PNP, nakita ang pagdaan ng kotseng kumpirmadong kay Mendoza  kasunod ang isang motorsiklo na lulan ang mga suspek sa pagsunog sa mga biktima noong Miyerkoles, Enero 7,  sa Barangay Cabay, Tiaong, Quezon.

Ayon kay Max Salvador, regional director ng NBI-Calabarzon, ipinagtataka nila ay ang hindi pagsunog sa mga dokumento at isang maleta na natagpuan sa gilid ng tulay dahil posibleng maging tulay ang mga ito upang malutas ang kaso o kaya naman ay iligaw ang mga nagsisiyasat. (Jesse Kabel)

CHR pasok sa  imbestigasyon

PAPASOK na rin ang Commission on Human Rights (CHR) sa pag-iimbestiga sa umano’y pagpatay kay dating Batangas Rep. Edgar Mendoza at kanyang bodyguards na sina Ruel Ruiz at Nicanor Mendoza na sinunog sa loob ng kaniyang sasakyan sa Quezon.

Ayon kay CHR spokesperson Jacqueline de Guia, nakikiisa ang kanilang tanggapan sa pagkondena sa hindi makatao at karumal-dumal na pagpaslang sa ilang kasalukuyan at dating mga opisyal ng pamahalaan.

Kasabay nito, nanawagan ang CHR sa mga law enforcement agencies na bigyang hustisya ang mga biktima at kanilang pamilya.

“Law enforcement agencies should bring justice to the victims and their family,” ayon kay de Guia.

“Vigilante killings, which arbitrarily deprives indivi­duals of the right to life, contributes to the growing culture of impunity,” dagdag pa ng tagapagsalita ng CHR.  (Kiko Cueto)

CCTV basehan

MALAKI ang hinala ng PNP na hindi nakarating sa kanilang pupuntahan sa Calamba City sina Mendoza at dalawang hinihinalang sakay sa sinunog sa kotse sa Quezon.

Nakalap sa CCTV footages na dumaan ang kotse sa Barangay Cabay at Barangay San Juan bago ito pumasok sa maliit na kalsada patungo sa tulay sa Barangay San Francisco, lahat ay sa bayan ng Tiaong.

Sinabi ni P/Maj. Lawrence Panganiban, hepe ng Tiaong Police, base sa kuha ng CCTV, ang kotse ay nanggaling sa direksyon ng bayan ng San Juan, Batangas at lumusot sa  Marcial C. Punzalan Jr. Highway patungo sa direksyon ng Tiaong.

Ang layo ng San Juan mula sa Lipa City ay 37 kilometro kung saan huli siyang nakausap bandang tanghali ng kanyang pamilya at nasabi na patungo siya sa Calamba City sa Laguna habang ang layo naman ng San Juan sa tulay kung saan sinunog ang kotse at 12 kilometro.

Isa sa pinagtutuunan ng pansin ng pulisya ay kung nasaan si Mendoza sa hu­ling 12 oras bago natagpuan ang nasusunog na kotse niya pasado alas-12 ng ha­tinggabi noong Enero 8.

Ayon kay Panganiban, maging ang pamilya ni Mendoza ay hindi masabi kung saan sa Calamba City ito partikular na patungo.

Samantala, napag-alaman na tatagal ng isang linggo bago lumabas ang resulta ng DNA test sa mga labi upang matiyak ang pagkakakilanlan ng mga biktima.

Please follow and like us:
Read More

TAAL NAGPAULAN NG ABO, BUHANGIN SA BATANGAS, LAGUNA AT CAVITE

TAAL

UMABOT na sa ilang bahagi ng Laguna at Cavite ang abo at maliliit na bato na ibinubuga ng bulkang Taal sa Batangas, Linggo ng hapon.

Inulan ng maliliit na bato, buhangin at abo ang mga lugar ng Tagaytay City,  General Trias, Carmona, GMA, Silang at ilan pang kalapit na lugar sa lalawigan ng Cavite.

Gayundin ang northern portion ng Laguna, sa mga lungsod ng San Pedro hanggang Calamba City ay nagbagsakan na rin ang mga abo at buhangin na ibinubuga ng bulkan.

Maging ang hangin sa malalapit na lugar sa Taal Volcano ay  amoy asupre at  pulbura na umano.

Pinayuhan na rin ng mga awtoridad ang mga apektadong  residente na magsuot ng face mask at huwag na ring lumabas ng kanilang bahay upang maiwasan ang makalanghap ng usok at abo.

Halos nagdilim na rin ang kalangitan sa mga nabanggit na lugar.

Dakong alas-5:00 ng hapon ngayon ay tuluyan nang nabalot ng makapal na usok ang buong isla ng Taal habang makikita rin ang pagguhit ng kidlat mula sa makapal na usok na inilalabas nito.

Umaabot na rin at tanaw na sa may bahagi ng lalawigan ng Quezon ang usok na nagmumula sa pagsabog. (NILOU DEL CARMEN)

Please follow and like us:
Read More

2 CONTRACTORS GUILTY SA TAX EVASION

TAX EVASION

NAPATUNAYANG guilty beyond reasonable doubt ng Court of Tax Appeals (CTA) sa pandaraya sa buwis ang dalawang contractors sa lalawigan ng Palawan.

Kinilala ang mga hinatulan na sina Rebecca S. Tiotangco, sole proprietress ng Anilos Trading and Con-struction, at Rommel S. Ynion, sole proprietor ng Hoksing Builders.

Ang dalawa ay hinatulan sa paglabag sa Section 254 (Tax Evasion) at Section 255 (Willful Failure to File VAT Returns and Willful Failure to Supply Correct and Accurate information in their Tax Returns) ng Na-tional Internal Revenue Code of 1997, bilang amended (Tax Code).

Sa isinagawang evaluation at comparison ng BIR sa gross income declared ni Tiotangco sa kanyang 2008 at 2010 Quarterly VAT Returns (2551Q) laban sa kanyang kinita sa parehong periods na sinertipikahan ng provincial government ng Palawan, nadiskubre na ang akusado ay hindi nagbigay ng tamang impor-masyon ng kanyang Quaterly VAT returns ng kanyang gross income.

Tinukoy rin ng CTA na paulit-ulit na ginawa ng akusado ang pandaraya sa kanyang gross sales/receipts (nang mahigit 30%) na ikinalugi ng gobyerno sa buwis.

Bunsod nito, si Tiotangco ay pinatawan ng tatlong counts ng paglabag sa Section 255 ng Tax Code, at pagkakakulong ng isang taon, bilang minimum, hanggang dalawang taon bilang  maximum  at ipinag-utos na magbayad ng  P10,000 halaga ng danyos.

Samantala, si Ynion ay napatunayan ding guilty sa kasong Evasion of Income Tax and Willful Failure to Supply Correct and Accurate information sa kanyang Income Tax Returns (ITR) para sa taxable years 2006, 2008 at 2010.

Kaugnay nito, si Ynion ay may kabuuang dinaya umano sa buwis sa gobyerno sa halagang P208,695, 131.32, at may walong bilang ng  paglabag sa Tax Code na may parusang pagkakakulong. (JOEL O. AMONGO)

 

Please follow and like us:
Read More

RIDER NA PROMODISER, TEPOK SA SALPOK

accident

CAPIZ – Binawian ng buhay ang isang promodiser makaraang sumalpok ang minamaneho niyang mo-torsiklo sa concrete barrier, iniulat nitong Sabado ng umaga sa lalawigang ito.

Kinilala ang biktimang si Christian Horario, 26-anyos, residente ng Brgy. Calapawan sa bayan ng Panay.

Batay sa report ng Pilar Municipal Police Station, nangyari ang insidente sa Brgy. San Fernando sa bayan ng Pilar.

Lumabas sa imbestigasyon, galing sa bayan ng Carles at patungo sa Roxas City ang biktima ngunit hindi napansin ang concrete barrier sa daan.

Bunsod nito, sumalpok ang motorsiklo at tumilapon ang biktima sa kabilang kalsada.

Agad dinala ang biktima sa Bailan District Hospital ngunit idineklarang patay na. (ANNIE PINEDA)

Please follow and like us:
Read More