LALAKI NIRATRAT SA BAHAY, PATAY

crimebaril1

QUEZON – Patay ang isang lalaki matapos na tadtarin ng bala ng hindi kilalang mga suspek sa harap mismo ng kanyang bahay sa bayan ng Sariaya sa lalawigang ito, noong  Biyernes ng umaga.

Kinilala ng Sariaya police ang biktimang si Roberto Sabinosa,  59-anyos.

Batay sa report ng pulisya, nakaupo ang biktima sa harap ng kanyang bahay sa Lucky Homes subdivision sa Barangay Sto. Cristo nang pagbabarilin ng mga suspek dakong alas-7:30 ng umaga.

Sakay ang mga suspek ng isang ‘di natukoy na sasakyan na biglang tumigil sa harap ng bahay ng biktima.

Kasabay ng paghinto, bumukas ang bintana sa hulihan ng kotse at naglabas ng baril ang isa sa mga suspek at pinaputukan ang biktima.

Agad nalagutan ng hininga ang biktima na natadtad ng tama ng bala sa iba’t ibang bahagi ng katawan.

Mabilis namang tumakas ang mga suspek makaraan ang pamamaril.

Patuloy ang imbestigasyon ng mga pulis at inaalam kung sino ang mga suspek at kung ano ng motibo sa krimen. (SIGFRED ADSUARA)

Please follow and like us:
Read More

POLICEWOMAN NAGLAKO NG SHABU ARESTADO

shabucop

DAVAO City – Posibleng masibak sa trabaho ang isang policewoman makaraang maaktuhang nagbebenta ng umano’y shabu sa operasyon ng mga awtoridad dakong alas-10:00 ng umaga nitong Biyernes.

Ayon kay Major Milgrace Driz, CIDG-XI deputy chief, dalawang buwan nilang isinailalim sa surveillance operation ang suspek na si Senior Master Sergeant Sheila Bande, 43, dalaga, residente ng Victoria Valley, Tigatto nitong lungsod.

Si Bande, nakadestino sa satellite office ng Philippine Bomb Data Center sa lungsod, ay nadakip sa kanyang bahay ng pinagsanib na pwersa ng Davao City Police Office, CIDG Davao City Field Unit, Sasa Police Station at Philippine Drug Enforcement Agency (PDEA)-XI.

“Yan ang resulta ng ating follow-up operation matapos maaresto ang limang suspek noong nakalipas na araw kung saan siya ang itinurong nagbebenta sa kanila ng shabu,” ani ni Driz.

Dagdag ng opisyal, mula sa mga probinsya ng Maguindanao at North Cotabato ang mga shabu na ibinebenta ng suspek.

Aabot sa P20,000 halaga ng umano’y shabu ang nakuha mula sa posisyon ng policewoman

“We will file the criminal case on Monday while the administrative case will depend to higher officials in Camp Crame,” ayon kay Driz. (DONDON DINOY)

Please follow and like us:
Read More

NAKURYENTENG MISIS ISINALBA, MISTER PATAY 

NAKURYENTE

CAVITE – Patay ang isang 27-anyos na lalaki makaraang isalba ang nakuryente niyang asawa habang tinatanggal sa pagkakasakal ang asong nakatali sa poste ng barangay street light sa Dasmariñas City sa lalawigang ito.

Kapwa isinugod sa Pagamutan ng Dasmariñas City ang mag-asawang sina Joselito Cabanas Jr. at Katlin Santos, 31, kapwa residente ng Block 10-D, Lot 13, Brgy. San Andres 2, Dasmariñas City.

Gayunaman, nalagutan ng hininga habang nilalapatan ng lunas si Cabanas habang kritikal ang kalagayan ni Santos.

Ayon sa ulat ni P/SSgt. Gilbert Santos ng Dasmariñas City Police Station, dakong alas-9:00 noong Biyernes ng gabi nang humingi ng tulong  ang may-ari ng bahay na tinutuluyan ng mag-asawa dahil nasakal ang asong nakatali sa poste ng barangay street light.

Ngunit habang tinatanggal ni Santos sa pagkakasakal ang aso ay nakuryente ang biktima.

Tinangka namang saklolohan ni Cabanas ang asawa ngunit maging siya ay nakuryente rin.

Ayon kay Santos, walang nakitang nakalaylay na live wire  ngunit malakas ang ground sa poste ng ilaw.

Inaalam pa ng mga awtoridad kung sa loob ng poste nagmula ang kuryente at kung sino ang dapat panagutin sa insidente. (SIGFRED  ADSUARA)

Please follow and like us:
Read More

PAGPATAY KAY EX-CONG. MENDOZA PINAGPLANUHAN SA BILIBID

Edgar Mendoza-2

SA loob ng New Bilibid Prisons nabuo ang planong itumba si dating Batangas 2nd district congressman Edgar Mendoza.

Ito ang lumitaw sa pagsisiyasat ng PNP-Criminal Investigation and Detection Group (CIDG) sa karumal-dumal na krimen na sinapit ng dating kongresista na ikinadamay ng kanyang driver at bodyguard kamakailan sa Tiaong, Quezon.

Ikinukonsidera na ng PNP-CIDG na sarado ang kaso ng dating mambabatas matapos madakip ang lima sa mga pangunahing suspek.

Ito ang pahayag ni PNP-CIDG Director P/Bgen. Napoleon Joel Coronel kasunod ng pagkakadakip sa mga suspek na sina  Kristine Fernandez, Madonna Palermo, Carlo Acuña, @Bakla, Erickson Balbastro; at Maria Roselle Fajardo, @ Jael Fajardo.

Idinagdag pa ni Coronel na pinaghahanap pa ang isa pang suspek na si Rodel Mercado.

Nabatid sa imbestigasyon na ang dating kliyente ni Mendoza bilang practicing lawyer na si Sherwin Sanchez ang utak sa pagpatay sa dating kongresista dahil sa awayan sa pera at iba pang legal matters.

Si Sanchez ay nakakulong sa NBP matapos mahatulan ng guilty sa kasong murder noong 2015. Si Mendoza, ang tumayong abogado ni Sanchez sa nasabing kaso.

Bukod dito, si Mendoza rin umano ang humawak sa ilang legal matters sa financial transactions ng real properties ni Sanchez.

Dahil umano sa malaking pagkakautang ni Sanchez kay Mendoza posibleng naisipan nitong huwag nang bayaran ang biktima sa halip ay umupa na lamang ng mga ‘magtatrabaho’ upang ito ay ipatumba.

Dito niya kinausap ang kapwa preso na si Arthur Fajardo, mister ng isa sa mga iprinisintang suspek at kinontrata sa halagang P100,000 para likidahin si Mendoza.

Si Fajardo ang convicted leader ng kilabot na Fajardo kidnap-for-ransom group.

Lumalabas sa imbestigasyon na nakumbinsi ni Roselle na magtungo sa kanilang bahay sa Calamba City ang biktima para doon ibigay ang bayad sa pagkakautang ni Sanchez.

Pinainom umano ng pampatulog na inilagay sa kape ang mga biktima saka ibiniyahe patungong San Fernando Bridge, Brgy. San Francisco, Tiaong, Quezon kung saan sinunog ang mga ito sa loob ng sasakyan noong January 9, taong ito. (NICK ECHEVARRIA)

Please follow and like us:
Read More

BRANCH MANAGER NG KAPA MISSING, DRIVER PINATAY

BARIL-10

DAVAO City – Patuloy na pinaghahanap ng mga awtoridad sa General Santos City ang nawawalang Alabel, Sarangani branch manager ng Kapa Community Ministry International, matapos pagbabarilin ng mga armado ang kanilang sinasakyang pick-up, dakong alas 3:00 ng madaling araw noong Miyerkoles.

Ayon kay Police Major Alex Lanestosa, hepe ng Police Station 4 sa General Santos City, nangyari ang insidente sa Brgy. San Isidro, habang papunta ang mga biktima sa Pagadian City.

Sinabi ni Lanestosa, ang branch manager na si Remely Jombitado Iral, 42, ay nakasakay sa itim na Ford Ranger Raptor pick-up na minamaneho ni Bresnev Morada, 38, residente ng Agan Phase 1, Barangay San Isidro, General Santos City.

Ngunit pinaulanan ng bala ang kanilang sasakyan ng dalawang lalaking nakasakay sa motorsiklo na umano’y nakaabang sa mga biktima.

Agad namatay si Morada habang sinasabing inilipat sa ibang sasakyan si Iral na ngayon ay patuloy na pinaghahanap ng mga awtoridad.

Natagpuan ng mga awtoridad sa lugar ng insidente ang pitong basyo ng bala ng .45 kalibreng baril at dalawang slug ng armalite riffle.

Sa loob ng sasakyan ay natagpuan naman ang isang shoulder bag na may lamang pitaka at cash na P670 at iba pang personal na gamit ng mga biktima.

Napag-alaman na si Iral ay pamangkin ni Reyna Apolinario, na asawa ni Kapa founder Pastor Joel Apolinario.

Wala pang matukoy na suspek ang mga awtoridad at kung ano ang motibo ng krimen.

Si Apolinario, asawa nito at mga opisyal ng Kapa ay kinasuhan sa iba’t ibang korte matapos matuklasan ng Securities and Exchange Commission (SEC) na nasa likod ng investment fraud.

Ang Kapa ay nagpapatakbo umano ng Ponzi scheme, isang investment program na nag-aalok ng malaking tubo sa perang inilagak ng kanilang investors.

Ngunit sa kabila nito, patuloy umanong nag-operate ang Kapa sa bayan ng Alabel at minsan ay sa bayan din ng Matanao, Davao del Sur. (DONDON DINOY)

Please follow and like us:
Read More

MANYAK NA HOLDAPER, TIMBOG SA DENTAL CLINIC

HOLDAPER-2

CAVITE – Swak sa kulungan ang isang 43-anyos na lalaking  nagpanggap na customer ng isang dental clinic ngunit ang pakay pala ay mangholdap at tinangkang abusuhin ang isang empleyado sa Bacoor City sa lalawigang ito.

Sinampahan ng kasong robbery holdup, paglabag sa RA 10591 (Gun Replica) at act of lasciviousness ang suspek na si Ruel Manibale, may-asawa, ng #0612 Norberto St., San Jose, San Miguel, Bulacan dahil sa reklamo ni alyas “Shaina”, 37, dental assistant, ng Brgy. Molino IV, Bacoor City.

Nadakip ang suspek nang sumaklolong si P/Corporal Francis Noel Cabrera, 31, nakatalaga sa District Administrative Holding Unit ng Manila Police District (MPD) at residente ng Bacoor City.

Sa ulat ni PSSgt. Edison Fetalcurin ng Bacoor City Police Station, dakong alas-2:30 kamakalawa ng hapon nang pumasok ang suspek at nagkunwaring magpapabunot ng ngipin sa dental clinic sa Figueroa St., Bahayang Pag-asa, Brgy. Molino IV, Bacoor City.

Nang wala nang ibang customer ay naglabas ng baril ang suspek at hinila ang biktima sa loob ng comfort room saka nagdeklara ng holdap at kinuha ang cellphone ni Shaina.

Hindi pa nasiyahan ang suspek, nilamas pa ang dibdib ng dental assistant ngunit nakahulagpos at tumakbo palabas ang biktima saka humingi ng saklolo.

Tiyempo namang napadaan sa lugar ang pulis na mabilis na umaresto sa suspek.

Nabatid na ang baril na ginamit ng suspek sa panghoholdap ay isa palang pellet gun. (SIGFRED  ADSUARA)

Please follow and like us:
Read More

RIDER NA PULIS PATAY SA JEEP

accident12

CAVITE – Binawian ng buhay ang isang 41-anyos na pulis-Pasay nang banggain ng isang pampasaherong jeepney ang minamaneho niyang motorsiklo at nasagi ang isang traffic enforce sa Bacoor City sa lalawigang ito.

Namatay habang ginagamot sa Saint Dominic Medical Center ang biktimang si P/SMSgt. Herbert Salazar, may-asawa, nakatalaga sa Pasay City Police Station, habang ginagamot sa nasabing ospital si Traffic Enforcer Arnold Oserio, 50, ng Brgy. Habay 2, Bacoor City.

Arestado naman ang driver ng isang pampasaherong jeepney na may plakang DJN 579, na si Reggie Cruzada, 28, binata, ng 29A Evangelista St., Brgy. Talaba 5, Bacoor City.

Sa ulat ni PSSgt. Roy Vincent Reyes ng Bacoor City Police Staion, dakong alas-2:30 nitong Biyernes ng madaling araw nang mangyari ang insidente sa intersection ng Aguinado Highway, malapit sa Saint Dominic Hospital sa Brgy. Talaba ng naturang lungsod.

Minamaneho ng biktima ang kanyang motorsiklong Mitsukoshi Joyride na may plakang 8354 PM, habang binabagtas ang nasabing lugar patungo sa direksiyon ng Bacoor Boulevard at kakaliwa sana patungo sa kabilang kalsada nang mabangga siya ng minamanehong pampasaherong jeepney ni Cruzada na patungo naman sa direksiyon ng Zapote.

Dahil sa banggaan, nawalan ng kontrol sa manibela si Cruzada at nasagi niya ang traffic enforcer na si Oserio na noon ay nagmamando ng trapiko.

Kapwa isinugod sa ospital ang dalawa na ilang metro lamang ang layo sa pinangyarihan ng insidente ngunit hindi nailigtas ng mga doctor ang buhay ni Salazar. (SIGFRED  ADSUARA)

Please follow and like us:
Read More

5 EX-OFW ARESTADO SA P5-M SHABU

shabu kulong 12

CAVITE – Nadakip ang limang dating overseas Filipino worker (OFW) makaraang makumpiskahan ng P5 milyong halaga ng umano’y shabu na nakalagay sa mga lata ng gatas at ibinaon sa lupa sa Bacoor City sa lalawigang ito.

Kinilala ang mga suspek na sina Aisa Juiamalo, 58, umano’y lider ng drug syndicate at recruiter; Bainot Saidali, 40; Nasser Makalpal, 38; Baebon Mohammad, 25, at Ramona Punyong, 31-anyos.

Sa report ni P/Col. Vicente Cabatingan, hepe ng Bacoor City Municipal Police Station, nagkasa ng buy-bust operation ang mga operatiba ng Drug Enforcement Unit (DEU) ng Bacoor CPS dakong alas-2:45 ng madaling araw nitong Biyernes sa  Houston St., Georgetown Phase 2, Brgy. Molino 4  at dakong alas-3:20 ng madaling araw sa Latero, at Brgy. San Nicolas, pawang sa naturang Lungsod.

Unang isinagawa ng operasyon sa Brgy. Macrol kung saan naaresto si Punyong at nakumpiska ang tinatayang 55.5 gramo ng shabu na P377,400 ang street value.

Sumunod na ikinasa ang operasyon sa Brgy. Molino at nadakip sina Julamalo, Saidali at Makalpal at  nasamsam ang tinatayang 635 gramo ng shabu na may street value na P4,318,000.

Habang ang huling operasyon ay isinagawa sa Brgy. San Nicolas  kung saan naaresto si Mohammad  at nakuha sa kanya ang tinatayang 50.10 gramo ng shabu na may street value na P340,880.

May kabuuang P5,026,280 halaga ng mga nasamsam na shabu sa nasabing operasyon.

Ayon kay Cabatingan, lumuwas umano sa Maynila sina Juiamalo, Saidali at Makalpal habang naghihinatay ng tawag ng kanilang recruiter para makapagtrabaho sa abroad at dahil mauubusan ng panggastos ay luminya sa pagbebenta ng ilega na droga.

Nabatid na dating mga OFW  ang tatlo at bumalik lamang sila matapos ang kanilang kontrata.

Dagdag pa ni Cabatingan, ang modus operansi ng mga suspek ay ilagay sa lata ng gatas ang mga droga bago ibaon sa lupa upang maitago at saka lamang ilalabas kapag may buyer na ang mga ito. (SIGFRED  ADSUARA)

Please follow and like us:
Read More

3 PULIS SINIBAK SA PAGLALARO NG GOLF

PULIS-2

TATLONG police senior officers ang sinibak sa puwesto  matapos paulit-ulit na mahuling naglalaro ng golf habang naka duty.

Pawang mga nakatalaga sa Central Visayas ang tatlong police colonel na inalis sa kanilang puwesto.

Ipinag-utos ni Philippine National Police chief, P/Gen. Francisco Archie Gamboa ang pagsibak kina Police Col. Dennis Artilna, nakatalaga sa Central Visayas bilang regional comptroller, Police Lt. Col. Richard Badang, ng PNP Central Visayas Police Regional Office 7 Finance, at Police Lt. Col. Glenn Mayam, hepe ng PNP-PRO7 Drug Enforcement Group.

Nilinaw ni Gen. Gamboa na mahigpit ang tagubilin ni Pangulong Rodrigo Roa Duterte hinggil sa pagtupad sa tungkulin ng mga pulis lalo na ang mga opisyal na naglalakwatsa.

Matagal nang ipinagbawal ang paglalaro ng golf ng mga pulis mula Lunes hanggang Biyernes sa lahat ng oras, ayon kay Gamboa.

Nabatid na inilagay muna sa floating status ang tatlo at inilipat sa PNP General Headquarters sa Camp Crame sa Quezon City para sa kahaharapin nilang kasong administratibo.

Sinasabing ilang beses nang pinaalalahanan ang mga ito na bawal ang maglaro ng golf kapag weekdays ngunit paulit-ulit silang sumuway. (JESSE KABEL/NICK ECHEVARRIA)

Please follow and like us:
Read More

1 PATAY SA MOTOR VS TRICYCLE

motoraccident12

CAVITE – Nalagutan ng hininga ang isang motorcycle rider nang makasalpukan ang isang tricycle sa Bacoor City sa lalawigang ito.

Hindi umabot nang buhay sa South East Asian Medical Center ang biktimang si Ronnie Arevalo, 32, ng #97 Molino 1, Bacoor City, habang kinilala ang driver ng tricycle na si Ernie Dorol, 44, ng Clover St., De Castro Village, Aniban 1, Bacoor City.

Sa ulat ni Corporal Christian Jovit ng Bacoor City Police Station, dakong alas-2:00 ng madaling araw nang mangyari ang insidente sa Molino Road, Molino II, Bacoor City.

Minamaneho ng biktima ang kanyang motorsiklong Rusi 125 habang binabagtas ang naturang lugar at nakatakda sanang mag-U-turn.

Minamaneho naman ng suspek ang kanyang tricycle na may plate number na 3117 VY, patungo sa direksyon ng Zapote nang mabulaga ito sa kasalubong na motorsiklo ng biktima.

Tinangka ng suspek na umiwas ngunit huli na at nagpang-abot ang dalawang sasakyan. (SIGFRED ADSUARA)

Please follow and like us:
Read More

P3.5-M SHABU KOMPISKADO SA NEGROS OCCIDENTAL

SHABU-ARRESTED

NEGROS Occidental – Aabot sa P3.5 milyong halaga ng hinihinalang shabu ang nakumpiska ng mga pulis mula sa umano’y mga miyembro ng isang drug group sa joint buy-bust operation ng PNP sa Talisay City.

Ayon sa report, nakuha sa tinutuluyang apartment ng babaeng target sa joint buy-bust operation ng Silay City at Talisay city police, ang mahigit sa kalahating kilo ng hinihinalang shabu sa Barangay Zone 10 sa Talisay City.

Kwento ng imbestigador, nakatakdang ibenta sa taunang selebrasyon sa ilang lugar sa probinsya ang ilegal na droga.

Tatlo pang lalaki na itinuturong kasamahan ng mga suspek ang nahuli sa buy-bust operation.

Lumabas sa imbestigasyon, isang linggo pa lamang nanunuluyan sa nasabing apartment ang babaeng suspek.

Sinabi ni Negros Occidental Police Provincial Director Police Colonel Romeo Baleros, kasapi ng isang drug group ang mga suspek. (KIKO CUETO)

Please follow and like us:
Read More

MISTER PATAY, TRADER KRITIKAL SA AMBUSH

ambush

BULACAN – Patay ang isang 49-anyos na driver habang kritikal ang dyowa nitong negosyante makaraang pagbabarilin ng  hindi  kilalang armadong riding in tandem ang sinasakyan nilang Sports Utility Vehicle (SUV) habang binabagtas ang kahabaan ng Provincial Road, Barangay Sto. Niño sa bayan ng Paombong sa lalawigang ito, nitong Huwebes ng umaga.

Kinilala ng pulisya ang napatay na biktimang si Bernardo Umali, 49, habang agaw-buhay naman ang kinakasama nitong si Ma. Corazon Endo, 58, negosyante, ng Wawa 2nd, Barangay San Sebastian, Hagonoy, Bulacan.

Ligtas naman ang 3-anyos na paslit na kinilalang si Chales Airomar Austria, pamangkin ng babaeng biktima.

Batay sa imbestigasyon ng pulisya, ang mga biktima ay lulan ng itim na Toyota Fortuner na may plakang NBN 3341, nang tambangan sila dakong alas-10:00 ng umaga sa nasabing lugar.

Habang binabagtas ng mga biktima ang nasabing lugar ay biglang sumulpot ang mga suspek na sakay ng motorsiklo at pinaulanan ng bala ang kanilang sasakyan.

Napag-alaman, una nang nakatanggap ng pagbabanta sa buhay si Bernardo na umano’y dating nasangkot sa ilegal na droga.

Patuloy ang isinasagawang imbestigasyon ng mga awtoridad sa naturang insidente. (ELOISA SILVERIO)

Please follow and like us:
Read More

SARANGANI NIYANIG NG 3.8 MAGNITUDE LINDOL

LINDOL-2

NIYANIG ng magnitude 3.8 na lindol ang bayan ng Glan, Sarangani at naramdaman ito sa ilang lugar sa Mindanao.

Ayon sa Philvocs, dakong alas-8:54 ng umaga nang maitala ang pagyanig na tectonic ang pinagmulan.

May lalim na 19 kilometro ang lindol ngunit walang inaasahan ang Phivolcs na magdudulot ito ng aftershocks at pinsala.

Naramdaman ang Intensity IV sa Glan, Sarangani; Intensity III sa Alabel at Malapatan, Sarangani, habang Intensity I sa General Santos City.

Kung pagbabatayan naman ang instrumento ng Phivolcs, naitala ang Intensity III sa Alabel, Sarangani at Intensity I sa Tupi, South Cotabato. (JG TUMBADO)

Please follow and like us:
Read More

LIVE-IN PARTNERS BALIK-SELDA SA DROGA

JAIL-1

DAVAO City – Balik-selda ang isang mag-live-in partner na dating nakulong dahil sa pagtutulak ng ilegal na droga sa lungsod na ito.

Huli sa akto ang mga suspek nang ikasa ng mga awtoridad ang buy-bust operation sa Sitio Sto. Niño, Brgy. 76-A,  Bucana, nitong lungsod, alas-8:00 ng gabi noong Martes.

Ikinasa ng mga tauhan ng Talomo Police Station at Regional Special Operating Group-Regional Police Drug Enforcement Unit (RSOG-RPDEU) XI, ang operasyon laban sa mga suspek na sina Arlene Lapiña Brigole at Edilberto Siblos Parilla.

Nasabing operasyon, ilang pakete ng umano’y shabu na tinatayang P226,000 ang halaga, ang nakuha mula sa mga suspek.

Ayon kay Police Lt. Col. Ronald Lao, hepe ng Talomo Police Station at RSOG-RPDEU-XI, nahuli rin ang dalawang suspek noong nakalipas na taon at nakalabas sa pamamagitan ng plea bargaining agreement.

Dagdag pa ni Lao,  ang mga suspek ay pawang nasa listahan ng Directorate for Intelligence Watchlist at naaresto ang mga ito matapos magsumbong ang isang impormante na muli na namang nagbebenta ng ilegal na droga.

Sa ngayon, inihahanda na ng mga awtoridad ang kasong paglabag sa RA 9165 o Comprehensive Dangerous Drugs Act of 2002 laban sa mga suspek. (DONDON DINOY)

Please follow and like us:
Read More

2 TOTOY NAGLAKO NG DAMO, ARESTADO

MARIJUANA

CAVITE – Gustong makatikim ng luho ng katawan, luminya sa paglalako ng marijuana ang isang 16-anyos na senior high school student, isa pang menor de edad at dalawang kasamahan nito ngunit minalas na madakip sa isinagawang buy-bust operation sa magkahiwalay na lugar sa Imus City sa lalawigang ito.

Hawak ngayon ng Department of Social Welfare and Development (DSWD) ang dalawang menor de edad na sina alyas “James”, 17, out-of-school youth, at alyas “Marcus”, 16, senior high school student, habang nakakulong naman sa Imus City Custodial Center ang kasama nilang sina Joel Bautista, 18, at Lester Mendoza, 21, pawang ng lalawigan ng Cavite.

Sa ulat ni P/SSgt. Mak Joseph Jader ng Imus City Police Station, dakong alas-12:30 kahapon ng madaling araw nang unang isinagawa ang buy-bust operation ng mga elemento ng Drug Enforcement Unit (DEU) ng Imus CPS sa Brgy. Palico 1, ng naturang lungsod na nagresulta sa pagkakaaresto kay James at nakuha sa kanyang pag-iingat ang tinatayang 64.1 gramo ng marijuana na P3,400 ang street value.

Dakong ala-1:20 kahapon ng madaling araw nang muling nagsagawa ng buy-bust operation sa Brgy. Malagasang 2-G, Imus City, Cavite na nagresulta sa pagkakaaresto kina Marcus, Bautista at Mendoza at narekober sa kanilang pag-iingat ang tinatayang 104.3 gramo ng pinatuyong marijuana na may street value na P4,400.

Ayon kay Jader, tila garapalan muli ang pagbebenta ng  marijuana dahil bumaba ang presyuhan at  dumarami ang suplay. (SIGFRED ADSUARA)

Please follow and like us:
Read More

PINTOR BINURDAHAN NG SAKSAK

SAKSAK-4

BATANGAS City – Walang buhay nang matagpuan noong Martes ng umaga ang isang pintor makaraang tadtarin ng saksak ng hindi kilalang suspek sa lungsod na ito.

Bukod sa mga tama ng saksak, ginilitan pa sa leeg ang biktimang si Rommel Manalo, 50-anyos, residente ng Barangay  Sta. Rita Karsada.

Ayon sa report ng Batangas City police, natagpuan ng isang residente ang bangkay sa gilid ng maliit na daan patungo sa kanyang bahay bandang alas-7:00 ng umaga.

Posible umanong hinarang ng suspek ang biktima habang pauwi sa kanilang bahay noong Lunes ng gabi.

Huling nakitang buhay ang biktima habang nakikipag-inuman sa hindi natukoy na kalalakihan noong gabing yun.

Inaalam pa ang posibleng motibo sa krimen at kung sino ang suspek. (NILOU DEL CARMEN)

Please follow and like us:
Read More

AWAY SA PERA MOTIBO SA MENDOZA SLAY?

Edgar Mendoza

KINUMPIRMA ni PNP-Criminal Investigation and Detection Gorup (CIDG) director P/BGen. Joel Coronel, hawak na nila  ang limang suspek sa pagpatay kay dating Batangas 2nd District Rep. Edgar Mendoza.

Ang bangkay ni Mendoza ay natuklasang sinunog sa loob ng isang kotse kasama ang driver at isang body guard nitong sina Ruel Ruiz at Nicanor Mendoza sa Tiaong, Quezon noong Enero 9.

Gayunman, tumanggi si Coronel na i-detalye kung ano ang direktang partisipasyon ng mga suspek sa pagpatay kay Mendoza at sa dalawa pa nitong kasama, habang isinasailalim sa masusing imbestigasyon ang limang suspek at nangangalap pa sila ng dagdag na matitibay na mga ebibensya laban sa mga ito.

Isa sa titingnang motibo ng pagpatay sa dating kongresista at sa dalawa pang kasama nito ay away sa pera at legal dispute, ayon kay Coronel

Si Mendoza ay huling nakitang buhay noong Enero 8, kasama ang kanyang driver at body guard, isang araw bago mangyari ang krimen.

Posibleng maharap sa kasong three counts ng murder ang mga suspek na nasa kustodiya ngayon ng CIDG. (NICK ECHEVARRIA)

Please follow and like us:
Read More

25 PATAY SA DENGUE SA BULACAN

dengue12

BULACAN – Umabot na sa 25 katao ang namatay mula sa naitalang 10,307 kaso ng dengue sa lalawigang ito, noong taong 2019.

Bilang suporta sa National Zero Waste Month, pinaalalahanan ng Pamahalaang Panlalawigan ng Bulacan ang publiko sa pamamagitan ng Provincial Health Office-Public Health, na ipagpatuloy ang paglilinis ng kapaligiran upang hindi na dumami pa ang kaso ng dengue sa lalawigan.

Sa pinakahuling datos ng Dengue Surveillance, may 10,307 na hinihinalang kaso ng dengue ang naitala sa iba’t ibang disease reporting units sa Bulacan noong 2019, sa bilang na ito ay 25 na ang namatay, mas mataas ng 41 porsyento kumpara sa 7,312 na kaso sa kaparehong panahon noong 2018.

Sinabi ni Governor Daniel Fernando, kilalang sumusuporta sa mga proyekto at programang pangkapaligiran para sa mas malusog na mga Bulakenyo, naniniwala siyang ang malusog na mamamayan ay produktibong mamamayan, dahilan upang ang kanyang mga Executive Order ay naka-angkla sa Republic Act No. 7160 na naglalaman nang pagpapaigting ng mga batas kontra polusyon gayundin ang pangangalaga sa kapaligiran at likas na yaman.

“Patuloy tayong maglinis ng paligid natin, para sa atin naman ito, lalo ngayon na ang daming kumakalat na sakit. Ang kaso ng dengue sa atin ay pataas hindi pababa kaya magtulungan tayo, maglinis tayo upang wala nang pamahayan ‘yang mga lamok na ‘yan,” ani Fernando.

Idinagdag din niya na ang paggunita ng Zero Waste Month sa unang buwan ng taon ay isang magandang istratehiya upang simulan ang taon nang tama at isang mahalagang paalala na maging maalam hinggil sa pagbabawas ng basura at kahalagahan ng malinis na kapaligiran. (ELOISA SILVERIO)

Please follow and like us:
Read More

CRIMINOLOGY STUDENT TIMBOG SA SEXTORTION

arrested

CEBU City – Arestado sa ikinasang entrapment operation ng mga pulis ang isang criminology student na nagbantang ikakalat ang sensitibong larawan ng kanyang ka-chat sa social media kung hindi makikipagtalik sa kanya.

Sa report ng pulisya, habang papasok sa lodge kasama ang 19-anyos na babae ay biglang sumulpot ang mga operatiba ng PNP Anti-Cybercrime Unit ng Central Visayas at inaresto ang suspek.

Sinabi ni Police Colonel Marlo Castillo, nagsumbong sa kanila ang biktima tungkol sa banta ng suspek na ikakalat ang hubad nitong mga litrato kung hindi makikipagtalik sa kanya.

Dagdag pa ni Castillo, nagpakilala bilang ‘foreigner’ ang suspek sa social media.

Hindi inakala ng biktima na batchmate niya sa high school ang kanyang ka-chat. Sinasabing may gusto ang lalaki sa biktima.

Pinabulaanan naman ng suspek ang paratang at sinabing kakilala niya ang dalaga ngunit wala siyang masamang balak sa biktima. KIKO CUETO

Please follow and like us:
Read More

AWOL NA SUNDALO KALABOSO SA SHABU

shabu300

BULACAN – Natimbog sa ikinasang buy-bust operation ang isang AWOL (absent without official leave) na sundalo ng Philippine Army (PA) sa Barangay Pulong Gubat, sa bayan ng Balagtas sa lalawigang ito, nitong Miyerkoles ng umaga.

Kinilala ni Bulacan PNP acting director P/Col. Emma Libunao ang arestadong suspek na si Jomel Cordez, 38, may-asawa, tubong Camarines Sur at pansamantalang naninirahan sa nabanggit na lugar.

Base sa panimulang imbestigasyon, bandang alas-11:30 ng umaga nang madakip ang suspek sa buy-bust operation na ikinasa ng Bulakan Police at Balagtas Police.

Hindi na nakapalag ang suspek nang agad siyang posasan ng mga operatibang nagpanggap na buyer ng ilegal na droga.

Ayon kay Libunao, nakuha sa posesyon ng suspek ang 50 gramo ng hinihinalang shabu.

Kasalukuyang nakapiit sa Bulakan Police Station ang suspek habang inihahanda ang kasong isasampa sa kanya. (ELOISA SILVERIO)

Please follow and like us:
Read More

5 ARESTADO SA EX-SOLON KILLING SA QUEZON

arrest22

QUEZON – Arestado sa mga tauhan ng Criminal Investigation and Detection Group (CIDG) ang lima katao na umano’y responsable sa pagpatay kay dating  Batangas 2nd District Rep. Edgar Mendoza, sa driver at aide guard nito, sa nabanggit na lalawigan.

Ayon kay Police Brig. Gen. Joel Coronel, CIDG director,  lumalabas na may kinalaman sa trabaho ni Mendoza bilang abogado ang motibo sa krimen dahil isa sa mga inaresto ay nakalaban ni Mendoza sa usaping legal.

Hindi muna ibinunyag ng CIDG ang pangalan ng mga arestado.

Isa umano sa mga suspek ang siyang sumaksak at sumunog sa mga biktima.

Noong Enero 9 ng umaga nang matagpuan ang tupok na bangkay ni Mendoza, driver niyang si Ruel Ruiz at bodyguard niyang si Nicanor Mendoza sa loob ng sinunog na kotse sa gitna ng tulay sa Barangay San Francisco sa Tiaong, Quezon.

Magugunitang noong Enero 8, umalis ang mga biktima sa bahay ng dating kongresista sa Batangas City para magtungo sa isang kliyente sa Calamba City sa lalawigan ng Laguna. (NILOU DEL CARMEN)

Please follow and like us:
Read More

1 PATAY, 3 PA MALUBHA SA TUMAOB NA BANGKA

BANGKA-3

AKLAN – Patay ang isang turista habang nasa malubhang kalagayan ang tatlong kasamahan nito mata-pos na tumaob ang sinasakyan nilang bangka sa bayan ng Malay sa lalawigang ito, nitong Martes ng umaga.

Sa ulat na ibinahagi sa media ni Police Lt. Col. Jonathan Pablito, chief of police ng Malay, bandang alas-11:00 ng umaga nang mangyari ang insidente sa karagatang sakop ng Station 1 sa  Boracay, ang pamo-song Island resort sa bayan ng Malay.

Sinasabing sakay ng isang bangka ang grupo ng mga turista sa karagatang sakop ng Station 1 at pabalik na mula sa pag-island hopping.

Hababang papalapit umano sa dalampasigan ay biglang tumaob ang bangka ngunit agad namang nasa-gip ang mga biktima ng kalapit na bangka.

Agad silang isinugod sa Ciriaco Tirol Hospital ngunit isa sa kanila ang nalagutan ng hininga. (JESSE KABEL)

Please follow and like us:
Read More

PARLORISTA PINATAY NG ‘BOY TOY’

BATO-2

PAMPANGA – Patay ang isang parlorista makaraang pukpukin ng bato sa ulo ng kanyang menor de edad na kasintahan sa isang gasolinahan sa bayan ng San Fernando.

Kinilala ang biktimang si Domingo Atienza alyas “Ann,” 31, natagpuang basag ang mukha at ulo sa isang gasolinahan sa Brgy. San Agustin.

Natagpuan sa tabi ng bangkay ng biktima ang duguang bato na hinihinalang ginamit sa pagpatay.

“Masakit talaga, anak ko ‘yung ganyan, ‘yung nangyari sa anak ko, mabait na mabait ‘yang anak ko, matulungin, siya na lang naghahanapbuhay sa amin,” sinabi ni Pili Atienza, ina ng biktima.

Agad namang inaresto ang suspek na si alyas “Gerald,” 16-anyos.

Sinasabing karelasyon ng biktima ang suspek na siyang huling nakasama ni Atienza noong Sabado ng gabi.

“We were able to arrest the suspek doon sa Angeles City public market (jumpcut), ang allegation kani-na nung suspek hindi raw siya gumagamit at during the time of the crime hindi rin siya nakainom that is just an allegation nung suspek pero ipapa-crime lab din namin yung suspek, ayon kay P/Lt. Col. Paul Ynigo, hepe ng San Fernando PNP.

Ayon sa suspek, nagawa niya ang krimen matapos siyang pangakuan ng biktima ng cellphone.

Aniya, natakot siya nang makita niyang nagbukas ng zipper ang biktima at sinabing huwag siyang sisi-gaw.

Bunsod nito, dumampot umano siya ng bato at ipinukpok sa ulo ng biktima.

Nang matiyak umano niyang patay na ang biktima ay kinuha niya ang cellphone nito at siya ay tumakas. (KIKO CUETO)

Please follow and like us:
Read More

26 KATAO NASAGIP SA PROSTITUTION DEN

PROSTITUTION DEN

ANGELES City – Sinalakay ng  joint task force ng Angeles City Tourism Auxiliary, Angeles City Police Of-fice, Angeles City Barangay Outreach, City Information Office at Angeles City Emergency Disaster Command Center ang mga establisiyimento na front umano ng prostitution at 26 katao ang nasagip sa  Barangay Balibago sa lungsod na ito, kamakailan.

Ayon kay Mayor Carmelo ‘Pogi’ Lazatin Jr., hindi niya papayagan ang ano mang uri ng pagsasamantala sa mga manggagawa sa Lungsod ng Angeles partikular na sa mga kababaihan at kabataan.

“That is why the City’s saturation and inspection drive will be continuous. In fact, pagkaupo po natin noong July bilang Mayor, agaran tayong nag-inspeksyon sa mga club natin. At patuloy po tayong mag-iinspeksyon para matanggal na sa siyudad natin ‘yung ganyang mga gawain,” ayon sa punong lungsod.

Nabatid na ang mga nailigtas ay kinabibilangan ng 17 kababaihan at siyam mula sa Lesbian, Gay Bisexu-al, Transgender, Transsexual, Two-Spirit, Queer, Questioning, Intersex, Asexual Ally, o LGBTQ2+ com-munity, na umano’y pawang unregulated entertainment workers, na ang ibig sabihin ay walang pink health cards mula sa tanggapan ng Angeles City Government.

“Ang Pamahalaang Lungsod ng Angeles ay patuloy na pinapangalagaan ang kalagayan at kalusugan ng bawat manggagawa partikular na sa mga nagta-trabaho mula sa mga maliliit na komersyo, it is adamant that the city government implements measures to ensure that their health and safety is protected,” ani Lazatin.

Matatandaan, nitong Hulyo 2019, nagpalabas si Mayor Lazatin ng Executive Order No. 5, nakasaad na “all workers in massage parlors, spas, and other establishments offering similar services in Angeles City should secure a pink health card from the Angeles City Sanitation/EHS Division”. (ELOISA SILVERIO)

Please follow and like us:
Read More