ESPEKULASYON LANG

KAAA BOOM

MISTULANG espekulasyon na lamang ang naging pahayag ni Phi­lippine Drug Enforcement Agency (PDEA) Director General Aaron Aquino na patuloy na nagre-recycle ang ilang tiwaling pulis ng ilegal na droga kaya hindi maubos-ubos ang shabu sa bansa. Bakit?

Kasi sa impormasyon na ating nakuha, sa listahan ng PDEA na mga pulis ay ilan sa mga ito ang matagal nang tinanggal sa serbisyo habang ang iba ay napatay na o pinatay na.

So bakit ito nasabi ni Aquino na sinisi ang PNP sa patuloy na pagdami ng droga? Teka…teka.

Kailan na nga ba nakahuli ng big fish ang PDEA o ‘yung mga kilo-kilong shabu? Hindi ko na yata maalala kung kailan o meron man samantalang ang PNP ay sandamakmak ang narerekober na mga shabu katulad na lamang nitong  nakaraang linggo di ba P204 milyon na ha­laga ng shabu ang narekober ng National Capital Region Office (NCRPO) nang magsagawa sila ng operasyon sa Pasig City.

Nadakip si Manolito Lugo Carlos, alyas Lito and Tonge na sinasabing ‘right hand’ ng isang convicted drug lord sa Natio­nal Bilibid Prison (NBP), na ayon kay NCRPO Director Major General Guiller­mo Lorenzo Eleazar, ang nasabing suspek ang siyang promotor sa pagkalat ng droga sa buong kamaynilaan, Central Luzon at Calabarzon maging sa NBP! Ang galing ‘di ba?

Saglit, saan kaya nagmula ang kilo-kilong shabu na hawak ni Carlos? Hindi kaya may nakalusot na naman sa ating mga pantalan na droga? Hindi kaya nakalusot na naman sa Bureau of Customs (BOC)?

Sa ganang akin, hindi na dapat idiin ng PDEA ang PNP sa halip, gawin na lamang ng PDEA ang kanilang trabaho at paigtingin ang kanilang pagbabantay sa mga pa­liparan at pantalan upang masawata ang pagpasok ng droga galing sa ibang bansa o kundi naman hulihin ang mga shabu laboratory na siyang nagma-manufacture ng ilegal na droga. ‘Di ba may Tama ako?

7 pushers ‘di umubra sa QCPD PS 3

Katahimikan at kaayusan ang prayoridad ni P/Col. Ronnie Montejo, bagong talagang district director ng Quezon City Police District (QCPD) para sa lungsod at higit sa lahat para sa seguridad ng mamamayan.

Para makamit ang kampanya, binanggit ni Montejo sa kanyang inaugural speech sa pagtanggap sa posisyon noong Setyembre 17, 2019 sa change of command ceremony na ginanap sa Kampo Hen. Tomas Karingal, na naniniwala siya na ang pagpapaigting pa rin sa giyera laban sa ilegal na droga ang dapat na prayoridad.

Bukod dito, ang pagpapaigting ng kampanya sa droga ay bilang suporta sa kampanya ni Pangulong Duterte, dagdag ni Montejo.

Isa sa agad na sumunod bagamat, talagang araw-araw ang ginagawang paglilinis sa kanilang area of jurisdiction laban sa droga ay ang Talipapa Police Station 3 na pinamumunuan ni P/Lt. Col. Benjamin G. Gabriel Jr.

Sa pamamagitan naman ng Station Drug Enforcement Unit (SDEU) sa pangunguna ni P/Maj. Dondon M. Llapitan, nagresulta sa pagkakadakip ng pitong kilalang drug pusher ang kanilang isinagawang buy-bust operation, ilang oras ang nakalipas matapos magtalumpati si Montejo. Ang galing di po ba?

Ang pitong nadakip ay hindi pipitsugin kasi sila ay nasa drug watchlist ng Barangay Anti-Drug Abuse Council (BADAC). KEEP UP THE GOOD WORK PNP! KAAA… BOOM! (KAAA..BOOM!!! / JOEL GOROSPE)

Please follow and like us:
Read More

SABLAY ANG IBINIDA NI PRES. DUTERTE NA SIYA NAGPA-AMBUSH KAY LOOT

CHRISTIAN BOMB

SA harap ng mga bagong appointed na mga opisyal ng pamahalaan sa Malacañang ay ibinida ni Pangulong Rodrigo Duterte na siya ang nag-utos na ipa-ambush si ret. Police General at dating Daanbantayan, Cebu Mayor Vicente Loot.

“Loot, p…..mo, nanalo pa na mayor, inambush kita, animal ka, buhay pa rin.” Iyan ang kumpletong statement ni Pangulong Duterte patungkol kay Loot.

Si Loot, noong May 2018, kasama ang kanyang pamilya ay tinambangan ng mga hindi kilalang lalaki sa Daanbantayan, Cebu. Sa ambush na ito, nasugatan si Loot at tatlo niyang kasamahan.

Ang paniniwala noon ni Loot ay mga kalaban niya sa pulitika sa bayan niya sa Daanbantayan ang nagpa-ambush sa kanya, pero dahil sa ibinidang ito ni Pangulong Duterte ay alam na ngayon ng da­ting police general turned politician kung sino ang nagpa-ambush sa kanya at sa kanyang pamilya.

Dahil sa ibinidang iyan ni Pangulong Duterte ay halos maturete sina Presidential spokesman Salvador Panelo at Sen. Bong Go sa pag-twist sa sinabi ng Presidente, na ayon kay Panelo ay Bisaya raw kasi ang Pangulo, na ang laman daw talaga ng sinabi nito ay “Loot, inambush ka na, buhay pa rin” at sa bahagi ni Sen. Go, ayon sa kanya ay nagbibiro lang daw ang Presidente.

Ang sinabi kasing ito ni Pangulong Duterte ay maaaring gamiting dag­dag-ebidensya sa kanya kaugnay sa kinakaharap niyang kaso sa International Criminal Court (ICC) na may kinalaman sa extrajudicial killings na nangyayari sa bansa.

Bukod diyan, maaa­ring ikagalit din ng mga opisyal at miyembro ng AGFO (Association of Generals and Flag Offi­cers) ang ibinidang ito ni Pangulong Duterte, dahil si Loot ay dating heneral na miyembro ng AGFO.

Sa totoo lang, kaya todo-pagtatanggol sina Panelo at Sen. Go tungkol sa isyung ito ay dahil alam nila na malaking sablay ang ibinida ng Pangulo na siya ang nagpa-ambush kay Loot at sa pamilya nito.

oOo

TIMBRE: Paging PNP Chief, Director Ge­neral Oscar Albayalde…Sa Tarlac at Angeles City, nagkalat na raw ang mga illegal gambling na color games, hi-lo at drop balls ni alyas “Ricky”…sa Quezon City ay parang legal na raw ang pasakla nina “Amang” at “Willy.” (CHRISTIAN’S BOMB/ CHRISTIAN HERNANDEZ)

Please follow and like us:
Read More

HAZING SA PMA

yourservice

NAULIT. Akala ko wala na ang hazing sa ating mga paaralan pagkatapos ng kaliwa’t kanang pagkamatay ng mga initiates. Mas nakagugulat ang pagkamatay ng isang plebe sa loob ng premyadong institusyon ng ating militar — ang Philippine Military Academy. Unang lumabas sa balita — tila isang simpleng kasong medikal lamang.

Ngunit pagkatapos ng pagsusuri ng kapulisan sa pagkamatay, ito pala’y sanhi ng hazing dulot ng tinatawag nating “blunt force trauma” na likha ng pagpapahirap sa kanya ng kanyang mga kapwa kadete sa loob ng PMA.

Dinala raw siya, ayon sa ulat na aking nabasa, sa PMA Hospital ngunit pinabalik din ng mga doktor doon dahil iba ang kanilang resulta ng pagsusuri. Di kalaunan ay nagsuka na ang biktima at natagpuan na lamang patay sa kanyang higaan.

Hindi ko alam kung ako’y malulungkot, matatakot, maiinis, magagalit o mabubuwisit sa pangyayaring ito. Akala ko naman ay wala nang hazing sa PMA o kung meron man ito’y resonable o inalis na ang pagpaparusa sa katawan ng plebe. Mali pala ako. At sa rea­lisasyong ito — mayroon pa rin kayang hazing sa ating mga paaralan — pribado man o pambubliko? Hindi na ba talaga natin ito mabibigyan ng solusyon at maghihintay na lamang tayo ng susunod na biktima?

Sigurado ako na magiging laman na naman ng mga pahayagan ang insidenteng ito — sa te­lebisyon, sa mga panayam sa ating mga opisyal ng PMA at siguro magi­ging laman ito ng imbestigasyon sa Kongreso. Hanggang ito’y malimutan muli at mapalitan ng ibang insidente na bibihag ng atensyon ng publikong Pilipino.

Sapat na ba ang ating batas tungkol sa hazing? Bakit tila hindi natatakot ang mga gumagawa pa nito? Saan nagkulang ang ating batas laban sa ha­zing? Nagkulang nga ba?

O ang dapat nating tignan ay ang mga nagpapatupad ng mga probisyong ito sa loob ng kani-kanilang paaralan? Mga tanong. Kay daming tanong. Habang naghihintay tayo ng sagot, unti-unting nadaragdagan ang mga biktima ng hazing.

Sa aking munting palagay, normal lang ang mga ganitong kaugalian at gawain sa loob ng isang institusyong militar — ngunit meron itong hangganan. Hindi maa­ring gawing palusot ang aktibidad na hazing upang walang awang parusahan ng pisikal ang isang plebe. Walang karapatan ang sinoman na manakit. Tila nawala na sa ating mga kabataan ang tunay na hangarin ng hazing noon — ang pagpapatibay ng kalooban, at katatagan ng karakter ng isang tao — upang maging tapat at karapat-dapat maging bahagi ng isang grupo. Hindi pananakit ang susi ng pagtanggap sa grupo, kundi kung papaano mo maipakikita ang iyong tibay ng damdamin, tapat na saloobin at ang uri ng iyong pagkatao sa harap ng krisis o suliranin.

Siguro naman may ibang paraan upang malaman natin kung karapat-dapat maging kaanib o miyembro ang isang neophyte o plebe sa isang orga­nisasyon, kapulungan o fraternity. Naniniwala ako na maaring humanap ng mga makabagong paraan — mga intelehenteng paraan — upang makapagpasya ang iba’t ibang organisasyon, fraternity, sorority, o kapulungan imbes na gumamit pa ng isang makalumang kagawian tulad ng hazing. (@YOURSERVICE / ATTY. DAVID AQUINO)

Please follow and like us:
Read More

NAGKAALAMAN NA!

PANANAW

NAIIRITA si Presidential son, Cong. Paulo Duterte na siyang Deputy Speaker ng mababang kapulungan ng Kongreso kay DOT Sec. Berna Romulo – Puyat na ikinagulat ng publiko noong Huwebes sa deliberasyon ng 2020 national budget.

Ayon sa mambabatas, sasama sana siya sa deliberasyon at ratipikasyon ng budget ng departamento ni Sec. Puyat noong Martes, Sept. 17, para maklaro ang mga isyu at concern laban sa DOT chief tungkol sa nangyayari umano sa kanyang departamento.

Plano sana niyang umupo sa deliberasyon at tanungin ang kalihim tungkol sa mga nakararating na reklamo sa kanyang opisina kaugnay sa pamamaraan ng pag-apruba ng DOT sa mga kontrata at proyekto nito ngunit, ayon kay Speaker Alan Cayetano, ang isyung ito ay maaari naman daw itanong nang diretso kay Sec. Puyat.

Kaya ang ginawa ni Cong. Duterte ay nakipag-usap na lang siya nang magkahiwalay kina Speaker Cayetano at DOT Sec. Puyat at pagkatapos na maipaliwag niya ang concern na ito kay Sec. Puyat, sinabi niya na ‘napupuyat na raw siya ngayon sa babaeng ito’.

“Kasama si House Speaker, ang buong akala ko tapos na ito at bilang paggalang sa ­ating Speaker ay pumayag ako. Ang buong akala ko ay maganda ang ibubunga ng aming pag-uusap, ‘yun pala ay mauuwi lang sa sumbungan at mga ­maling paratang laban sa akin at alam nyo na esteemed colleagues kung kanino. Ito lang po Mr. Speaker, ako po ay ­naniniwala na dapat ipabatid natin sa lahat ang mga pangyayaring ito. Nang sa gayon ay malaman ng ating mga kababayan ang tunay niyang karakter at pag–uugali…” pagtatapos ni Duterte patungkol kay Puyat.

Sa Pananaw ng inyong lingkod, tama naman si Cong. Paulo Duterte na bilang ­miyembro ng Kongreso ay may karapatan siyang magtanong at ipabatid sa ­ating mga mamamayan ang tunay na nagyayari at gusto lang naman niya ay maintindihan at malaman ang isyu dahil naniniwala siya sa kanyang karapatan at sinumpaang tungkulin na magtanong kasama ang kanyang mga kapwa mambababatas. ‘Di naman puwede na magbingi-bingihan lang siya sa mga reklamong nakarating sa kanyang opisina. Kaya guys, tila may sasabog pang bomba sa isyung ito. Abangan.

o0o

Grabe pala itong si Sec. Delima sa garapalan at pambabastos sa batas. Ayon sa chart na inilabas ni Senator Gordon, lumalabas na sa apat na nagdaang Secretary of Justice, siya ang may pinakaraming preso na napalabas na may datos na 8,932 at 3,943 rito ay mga nahatulan ng heinous crime sa ilalim  GCTA na nagsimula pa noong 2014. (PANANAW / Cynthia Gabinay)

Please follow and like us:
Read More

PASASALAMAT

PINOY ABROAD

(OH give thanks to the LORD, for he is good; for his steadfast love endures forever! Psalms 118:1)

ANG pagpapasalamat sa Diyos ay hindi opsyonal para sa mga Kristiyano. Maraming talata sa Bibliya na nag-uutos sa atin na magpasalamat sa kanya. Bukod sa ­ating talata para sa araw na ito, sinasabi ng mga Awit 100:4 na dapat tayong “pumasok sa kanyang mga pintuan na may pasasalamat, at sa kanyang mga hukuman na may papuri!

Magpasalamat sa kanya; pagpalain ang kanyang pangalan!” Habang sa Awit 95:2 ay ganito ang sinasabi: “Halina’t pumasok tayo sa kanyang harapan na may pasasalamat; gumawa tayo ng masayang ingay sa kanya na may mga Awit ng papuri.” At sa Awit 50:14 ay sinasabi namang “maghandog sa Diyos ng hain ng pagpapasalamat.

Ang pagpapasalamat ay iniutos sa Bibliya dahil ito ang angkop na bagay na dapat gawin.

Maaaring sabihin ng isang tao na ito ay angkop na gawin sa ­piling ng Diyos. Tamang kabutihang-asal lamang ang hinihingi nito. Sabi sa Awit 92:1 “Mabuting magpasalamat sa Panginoon, magsiawit ng mga papuri sa inyong pangalan, O Kataas-taasan.” Ito ay mabuti dahil iyan ang ginagawa ninyo sa presensya ng Kataas-taasan. Sa piling ng Diyos na Maykapal kung kanino ang langit at lupa ay umaasa sa kanilang tunay na buhay. Anomang mas mababa ay unseemly at improper.

Gayunman, ­maraming talata sa ­Bibliya ang kinabibilangan ng mas personal na mga dahilan kung bakit ang pasasalamat ay angkop. Sinasabi natin sa ating talata ngayon na dapat tayong magpasalamat dahil mabuti ang Diyos sa atin at dahil ang kanyang pagmamahal ay tumatagal magpakailanman. Dagdag pa sa Awit: 118, sinasabi nito “Salamat sa inyo na tinugon ninyo ako at naging aking kaligtasan” (talata 21).

Matapos magbigay ng listahan ng mga kahilingan at alalahanin sa Diyos, nangako si David na “pasasalamatan kita sa dakilang kongregasyon; sa dakilang siksikin ay pupurihin ko kayo (in the mighty throng) “(mga Awit 35:18).

Ang pasasalamat na dapat nating ibigay sa Diyos ay hindi batay sa gusto natin. Ang mga Taga Tesalonica 5:18 ay nagsasabing “magbigay-pasalamat sa lahat ng sitwasyon; sapagkat ito ang kalooban ng Diyos kay Cristo Jesus sa inyo” at ang mga Taga Efeso 5:20 ay nagsasabing “ang pagpapasalamat ay laging nariyan at ang lahat sa Diyos Ama sa pangalan ng ating Panginoong Jesucristo.” Nagpapasalamat tayo sa lahat ng sitwasyon dahil “Alam natin na para sa mga nagmamahal sa Diyos, ang lahat ng bagay ay nagtutulungan para sa kabutihan, para sa mga tinawag alinsunod sa kanyang layunin” (mga Taga Roma 8:28). Walang magandang dahilan, sa madaling salita, na ipagkait ang ating pasasalamat sa Diyos.

Mula sa pananaw ng ­Bibliya, ang pasasalamat ay dapat na isang regular na katangian ng ating kaugnayan sa Diyos sa lahat ng panahon at sa bawat sitwasyon. (PINOY ABROAD / Guiller Valencia)

Please follow and like us:
Read More

MAY KUMIKITA SA PARAÑAQUE PROSTITUTION DEN

BAKBAKAN NATIN

BIHIRANG maging laman ng balita ang Lungsod ng Parañaque dahil bihirang magawi ang mga journalist sa nasabing lungsod kung saan ang alkalde ay si Edwin Olivarez.

Ang masama, minsan lang akong makahagip ng balita tungkol sa Parañaque ay negatibong balita pa.

Pokaragat na ‘yan!

Minsan, napakapanood ako ng balita na nagsasabing maraming Intsik sa Parañaque.

Ang iba sa kanila ay nagbilihan na lupa at nagpatayo ng gusali.

Nalaman ko na kaya maraming Intsik sa lungsod ni Olivares ay dahil mayroong mga establisimyento sa lungsod na ginagamit sa Philippine Online Gaming Operation (POGO).

Sa ibang salita, ang ibig sabihin nito ay mayroong sugal sa Parañaque na kung tawagin sa Ingles ay “online gaming” at “online entertainment.”

Sa nasabing balita, hindi inalam ng reporter kung sumunod sa maraming batas o rekisitos sa pagnenegosyo ang POGO ng mga Intsik.

Sa Quezon City kasi ay mayroong mga establisimyento ng POGO sa Eastwood City sa Libis kung saan nadiskubre mismo ni Mayor Joy Belmonte na napakaraming kulang na rekisitos tulad ng environmental clearance mula sa Department of Environment and Natural Resources (DENR) ngunit tumatakbo ang kanilang mga negosyo.

Sana hindi ganyan sa administrasyon ni Mayor Olivarez.

Bukod sa sugal ng POGO, mayroon ding prostitution den sa Pa-rañaque na pawang mga Intsik ang nagpapatakbo.

Nabunyag ito nang kumilos ang National Capital Region Police (NCRPO) ilang araw na ang nakalilipas laban sa Manila Wellness Spa na matatagpuan sa ikatlong palapag ng Diamond Bay Tower sa Roxas Boulevard, Brgy. Baclaran.

Sa isinagawang operasyon, 13 Intsik (9 na lalaki at 4 na babae) na pawang “maintainer” ang nahuli ng mga operatiba ng RSOU ng NCRPO.

Umabot sa 18 Intsik na customers ang nasakote, nailigtas ang 51 babaeng Intsik at pitong Filipina na testigo sa prostitution den.

Umaksyon ang NCRPO na pinamumunuan ni Major Gene-ral Guillermo Lorenzo Eleazar makaraang mapatunayan nitong totoo ang impormasyong ipinarating sa NCRPO.

Ang mga nakuha ng pulisya sa ikatlong palapag ng Diamond Bay Tower ay mga ebidensiya hinggil sa prostitution den at P1.8 milyong cash.

Ang malaking katanungan dito ay hindi ba ito alam ng pamahalaang lokal ng ­Parañaque, partikular si ­Mayor Edwin Olivarez?

Hindi ba ito alam ng mga opisyal at kawani ng Business Permit and Licensing Office (BPLO) ng administrasyon ni Olivarez?

Hindi rin ba ito alam ng hepe ng pulisya ng ­Parañaque na si Col. Robin King ­Sarmiento?

Pokaragat na ‘yan!

Prostitusyon, hindi alam ng alkalde at ng hepe ng pulisya ng lungsod?

Ibig sabihin, hindi kumita ang alkalde ng Parañaque na si Mayor Edwin Olivarez at hepe ng pulisya na si Col. Robin King Sarmiento?

Magaling kung hindi kumita.

Iyan naman ang maganda, sapagkat bihira tayong nakaririnig at nakababalita na walang tara ang alkalde at hepe ng pulisya sa prostitution den.

Pero, iyong hindi alam ni Olivarez at Sarmiento ang prostitution den sa Diamond Bay Tower ay hindi kapani-paniwala, sapagkat ipinapakita ng ganitong impormasyon na napakahina ng intelligence unit ng opisina nina Olivarez at Sarmiento.

Bahala ang Department of the Interior and Local Government (DILG) kay Mayor Olivarez at bahala na si Major ­General Guillermo Lorenzo ­Eleazar kay Col. Sarmiento.

Sa Lungsod ng Parañaque ay nagkakaroon ng pergalan at tumatagal ng ilang buwan upang kumita nang malaki.

Sabi sa akin ng pergalan operator, syempre may ­parating sa mga ‘kinauukulan’ para maitayo ang puwesto nang walang ‘manggugulo’ at ‘mag-oopereyt’ laban sa kanyang puwesto.

Kung gano’n, mayroon ding parating ang POGO at prostitution den?

Samakatuwid, mayroong kumikita sa prostitution den! (BAKBAKAN NATIN / Nelson Badilla)

Please follow and like us:
Read More

BOARD MEMBER NA KAPA OFFICIAL TIKLO SA NBI

BOMBAHAN NA FINAL

NOONG Hulyo 18, 2019, inilabas natin sa BOMBAHAN NA na isa sa nakinabang ng bilyun-bilyong perang investment ng mga miyembro ng Kapa-Community Ministry International Inc. (KAPA) ay board member ng Mindanao na si Arvin Malaza.

Si Malaza ay naaresto ng mga ahente ng Natio­nal Bureau of Investigation (NBI) nitong nakaraang Setyembre 18, 2019 dahil sa muli nitong pagbubukas ng KAPA.

Bilib ang BOMBAHAN NA sa tapang nitong si Malaza sa kabila nang ipinatigil na ang operas­yon ng KAPA ni Pangulong Duterte ay itinuloy niya pa rin ito.

Kaya dapat lang sa kanya na hulihin at alam nyo bang paikot-ikot lang ito sa Metro Manila bago siya nahuli ng NBI.

May mga ginagawa pa itong miting sa ilang hotel sa Metro Manila pero hindi matiyempuhan ng mga ahente ng NBI.

Pero kahit anong pagtatago ay natiyempuhan pa rin siya.

Kaya nitong nakaraang Setyembre 18, 2019 ay naglatag ng entrapment operation ang mga ahente ng NBI Davao Regional Office laban kay Malaza kaya timbog ang mama sa mga awtoridad.

Pano naman kasi, muli niyang binuksan ang operasyon ng KAPA.

Kaya ginawa ng NBI ay pinainan siya ng P10k kaya kumagat, ayun huli siya.

Bakit Malaza, naubos na ba ang pera ng mga tao na nag-invest sa inyo kaya gusto mo na naman mag-operate?

Kamakailan, nagbabala ang Securities and Exchange Commission (SEC) sa muling pagbuhay ng KAPA’s investment scam.

Hindi nga sila nagkamali, buti na lang naglatag ang mga taga-NBI ng entrapment kaya ayun, huli si Malaza.

Ngayon Malalazahan mo na ang malamig na rehas na bakal dahil sa laki ng inyong nakuhang pera sa taumbayan. Baka sa kulungan ka na malagutan ng hininga sa tagal ng iyong pagkakakulong.

Sana mga bossing na taga-NBI, malambat nyo rin itong Joel A na pinuno ng KAPA.

Si Joel Apolinario po ang Joel A na ‘yan hindi po si BOMBAHAN NA Joel A rin.

‘Di bale pong mahirap si Joel A ng BOMBAHAN NA, basta’t ala po tayong kinunan ng pera para lang ikayaman natin, masaya na po tayo.

Balik po tayo sa KAPA, mga sir sa NBI na humahanting pa sa mga sangkot sa KAPA’s investment scam, Kapain nyo pa nang mabuti. May mga politiko pang kasama nito na nagkamal din ng bilyong piso mula sa kawawang nag-invest sa grupong yan.

May mga info rin natanggap ang BOMBAHAN NA na itong si Joel Apolinario (Joel A) ay nagpa-plastic surgery na. Baka nasa Metro Manila lang siya. Hindi nyo alam taga-NBI baka nakakaharap nyo na siya.

Medyo talasan nyo pa ang pang-amoy niyo.

Ayon sa silipero ng BOMBAHAN NA, limang politiko ang nasa likod ng KAPA kaya lumaki ito.

Isa pa lang ang nalalambat nyo – si Malaza pa lang.

Ngayon naman may artista pang gustong bumida ay gagawan pa raw ng pelikula itong si Joel A.

Mr. Actor, may sama ka ba ng loob kay Pangulong Digong kaya ka nagpapasiklab kay Joel A?

Wow Ha!

Maging makatotohanan po tayo, para pagpalain po tayo ni Lord, Amen.

oOo

Pasabugin ang katiwalian, magsumbong sa BOMBAHAN NA, mag-email joel2amongo@yahoo.com

Please follow and like us:
Read More

NAPAPANAHON ANG MODERNISASYON

RESPONDE.jpg

ISANG aksidente muli ang kumitil sa buhay ng abot 20 nating mga kababayan nitong Martes. Ang masayang bakasyon ng mga magkapamilya at kapitbahay ay humantong sa trahedya nang mahulog sa bangin ang isang truck sa T’boli, South Cotabato.

Agarang nagpatawag si Pangulong Rodrigo Roa Duterte ng isang pulong kasama si Department of Transportation Secretary Arthur Tugade at iba pang mga opisyales. Ipinahayag ng pangulo ang kanyang mabigat na utos na mas maging mahigpit sa pagpapatupad ng ating mga batas ukol sa kaligtasan at seguridad ng bawat mamamayan sa kalsada.

Ilang taon nang isinusulong ang modernisas­yon sa mga pang-publiko at pribadong transportas­yon. Ngunit parati itong nauudlot dahil sa kaliwa’t kanan na lumalaban dito. Sa dinami na ng buhay na nawala nang dahil sa kapabayaan sa kalsada at sa mga sasakyan eto na nga at nagpahayag na ang Pangulo na “non-negotiable” ang modernisasyon ng public transport.

Ayon sa pag-aaral ng Japan International Coope­ration Agency, umaabot sa P3.5 billion kada araw ang talo ng Pilipinas dahil na rin sa trapiko sa Metro Manila. Sa tala naman ng World Health Organization, umaabot sa P1.35 million ang road traffic deaths taon-taon at ang road crash ay pang-walong sanhi ng pagkakitil ng buhay sa mundo.

Saan nga ba ang problema? O mas mainam na tanong ay sino nga ba ang problema? Sa dami ng batas natin ay tila wala ni isa ang nakalulutas at nakapagbibigay lunas sa ka­lagayan natin ngayon. Ang isang nakapagtataka pag tayo ay nasa ibang bansa ay masunurin tayo sa kanilang mga batas pang-trapiko at pangangalaga ng mga sasakyan. Ngunit pag tayo ay nasa ating sariling bansa tila hari ang lahat, mapa-pribado o publikong tao sa hindi pagsunod ng batas.

Tama nga ang pa­ngulo. Panahon na para pagtibayin ang moder­nisasyon sa transportasyon, pampubliko man o pribadong sektor. Kailangan ang pakikilahok ng bawat isa sa atin. Hindi ito magi­ging madali para sa lahat pagkat kasama rito ang mahigpit na pagpapatupad ng road worthiness ng sasakyan, mas madalas na pagsusuri sa mga ito, ang dagdag bayad sa bayarin ng inspeksyon, ang mas mahirap na kwalipikasyon para sa aplikasyon at pag-renew ng Driver’s License at gayundin ang pagre­histro ng sasakyan kasama ang insurance at ang mas mataas na multa sa paglabag sa batas.

Ilan lamang ito sa mga pagbabago dala ng mo­dernisasyon. Ngunit ang sakripisyo na ating ibibigay ngayon ay siya namang mag-aayos sa ating problema sa mga darating na taon. Tulungan natin ang administrasyon!  (RESPONDE ORA MISMO / Kuya Joe)

Please follow and like us:
Read More

UNTOUCHABLE NA TULAK SA PASIG

BOMBA KA DAY

MAYROON daw matikas na drug persona­lity sa lungsod ni Mayor Vico Sotto.

Ang matikas na tulak ay si alyas Amigo na pagala-gala raw dyan sa Barangay Palatiw sa lungsod ng Pasig.

Mukhang hindi apektado itong si alyas Amigo sa programa ng admi­nistrasyong Duterte laban sa kalakalan ng ipinagbabawal na gamot kaya pa­tuloy ang pamamayagpag nito at ng kanya umanong chikababe.

Si Amigo, na laging armado ng “eskwela” (kalibre .45), ay ang kaisa-isa umanong supplier ng droga sa Palatiw at kinasisindakan ng kanyang mga kalugar. Trip daw kasi ng mokong ang manakit at manutok ng baril.

Ang kinatatakutang tulak ng Palatiw, kasama ang kanyang chikababe na kilala bilang alyas Nep na may apat na anak sa apat na drug lords, ay aktibo sa pamumudmod ng droga sa Palatiw at karatig barangay. Mayroon din siyang tatlong pointmen na nagbebenta ng shabu sa mga bayan ng Cainta, Taytay at Antipolo.

Nakapagtataka naman tila lingid sa kaalaman ng barangay at lokal na pulisya ang pamamayagpag ni Amigo. Bakit patuloy at walang takot pa rin ang operasyon ng kumag.

Ano kayang masasabi ni P/Col. Moises Villa­ceran?

Dati nang talamak sa droga ang lungsod ng Pasig, katunayan dyan natunton ang tinaguriang shabu tiangge ng drug lord na si Amin Imam Boratong taong 2006.

Nakakulong na si Boratong na hinatulan ng korte na mabilanggo nang habambuhay. Posible ka­yang ‘latak’ ng grupo ni Boratong itong si alyas Amigo?

Mainam sigurong pabantayan ni Col. Villaceran sa kanyang mga tauhan ang Palatiw at baka maispatan nila si alyas Amigo. Idamay na rin ang chikababe nito na kasosyo niya sa kanyang iligal na aktibidad. (BOMBA KA DAY! / Jo Barlizo)

Please follow and like us:
Read More

PAGKAMATAY NG MGA BABOY PINAIIMBESTIGAHAN NI GOB. FERNANDO

HAGUPIT NI BATUIGAS BOMBA

DAHIL sa patuloy na pagdami ng mga itinapong patay na baboy sa ilog na nakita sa lugar ng Guiguinto, San Miguel at Malolos ay ipinasya ng gobernador ng lalawigan ng Bulacan na imbestigahan ang misteryosong pagkamatay ng mga ito.

Kaagad iniutos ni Gob. Daniel Fernando sa Provincial Veterinary Office na tutukan at imbestigahang mabuti ang pagdami ng mga misteryosong pagkamatay ng mga baboy sa Bulacan.

Sa pulong sa mga mamamahayag ay sinabi nito na kanya nang ipinag-utos kay Bulacan Veterinary Officer head Voltaire Basinang na imbestigahan ang insidente para malaman kung ano ang sanhi ng pagkamatay ng mga ito. Kaugnay pa rin ito sa pangambang dulot ng kumakalat na African Swine Flu dahil baka naman sa simpleng sakit lamang namatay ang mga baboy.

Kaugnay nito, bumuo ng National African Swine Fever Task Force ang pamahalaan na may inilaang pondong P7.8-M na tututok sa pagkontrol sa sakit ng mga alagang baboy.

Maging si Mayor Gatchalian ng Malolos City ay nababahala na sa pagkamatay ng mga alagang baboy sa kanyang lungsod kung kayat bumuo na rin ito ng special task force na siyang tututok sa naturang kaso.

Samantala, nakipagpulong na rin sa mga tauhan ng Department of Agriculture si Bulacan Vice Governor Willy Alvarado kasama ang mga board member ng lalawigan upang tutukan ang pagkamatay ng mga baboy sa anim na bayan sa lalawigan ng Bulacan.

Ipinag-utos na rin ni Fernando ang pagsasagawa ng mga checkpoint sa buong lalawigan upang masiguro na hindi kumalat ang sakit na ASF at kasabay riyan ang pagpapatawag sa lahat ng mga barangay chairman sa buong lalawigan upang paalalahanan ang mga ito na maging alerto sa ­lumalaganap na sakit sa baboy at tiyaking naipatupad ang kautusan ni Pangulong Rodrigo Duterte na ibalik sa taumbayan ang kalsada sa kanilang mga nasasakupan.

Tiniyak naman ni Gob. Fernando na bibigyan ng tulong ang mga hog raiser sa lalawigan dahil batid nito ang hirap na dinaranas ngayon ng mga negosyante ng baboy sa lalawigan.

Sa mga nag-aalaga ng baboy sa Bulacan, paalala po lamang huwag ninyong itatago ang mga alaga ninyong may sakit dahil delikadong makain ng tao ang karne ng may sakit na baboy lalo’t may bayan sa lalawigan na nagbebenta ng patay na baboy sa mga nagbobotya. Abangan! (HAGUPIT NI BATUIGAS / Mario Batuigas)

Please follow and like us:
Read More

ANU-ANO NA BANG NAGAWA NI TUGADE SA DOTr?

BAKBAKAN NATIN

SINISISI ni Transportation Secretary Arturo Tugade si Senador Grace Poe sa patuloy na paglala ng trapik sa Metro Manila, partikular sa Epifanio Delos Santos Avenue (EDSA).

Idiniin ni Tugade sa pagdinig sa Committee on Public Services ng Senado ang hinihingi niyang “emergency power” para kay Pangulong ­Rodrigo ­Duterte kung saan ang layunin ay matanggal ang lahat ng abala upang maresolbahan ang napakalalang trapik sa EDSA.

Ang gagawing mga proyekto ng Department of Transportation (DOTr) at ng Department of Public Works and Highways (DPWH) ay nakatuon lahat sa pagsugpo sa trapik.

Ito ang konteksto ng ­usapan tungkol sa emergency power hanggang mauwi sa sagutan nina Tugade at Poe sa pagdinig sa Senado.

Iginiit ni Tugade sa komite ni Poe na “mas ­marami sana kaming nagawa kung naibigay ang emergency power.”

Sa ibang salita, kaunti ang nagawa ng DOTr upang maresolbahan ang trapik, sapagkat hinarang ni Poe ang pagbibigay ng emergency power.

Kaya hinarang ni Poe ay walang maipakitang “comprehensive master plan” si Tugade.

Ang pagkakaalam ko, wala talagang problema sa hinihinging emergency power ni Duterte dahil hindi naman literal na tutol si Poe sa emergency power para sa pangulo.

Gusto lang ng senadora na makita ang engrandeng plano ng DOTr na paggagamitan ng emergency power.

Kung mayroong komprehensibong plano at totoo namang ito ang makapagreresolba sa malalang trapik, palagay ko tiyak na noon pa lang ay inaprubahan na ng Kongreso ang hinihingi ni Tugade.

Ngayon, kung mayroong komprehensibong plano, ano ang problema ni Tugade at hindi niya ito maipakita sa mga senador.

Kahit nga sa Kamara de Representantes ay tahasang tinututulan ang hinihingi ni Tugade, sapagkat hindi nakukumbinsi ang mga kongresista sa mga paliwanag at argumento ni Tugade.

Dapat maintindihan ni Tugade na hindi basta-bastang magagawa ng Senado at Kamara ang hinihingi niyang emergency power para kay pangulo kung walang kongkretong laman ang kanyang emergency power.

Napakahalaga ng komprehensibong plano sa emergency power, sapagkat binibigyan ng kapangyarihan dito si Duterte na huwag nang sundin ang batas sa pagsubasta at iba pa upang mapabilis ang mga implementasyon ng mga proyekto tungo sa pagsugpo sa trapik.

Noon pang 2016 iginigiit ni Tugade na sa pamamagitan ng emergency power ay mapabibilis ang lahat ng mga proyekto at polisiya ng administrasyong Duterte para mabigyan ng solusyon ang problema ng trapiko sa ­Metro Manila nang walang sagabal sa batas o court injunction.

Pero, ang totoo ay hindi na kailangan ng emergency power nang maging pangulo si Duterte kung simula pa lamang sa ­pag-upo ni Duterte ay kumilos na si Tugade at tinutukan niya nang husto ang problema sa trapiko. (BAKBAKAN NATIN / Nelson Badilla)

Please follow and like us:
Read More

MABIBIYAYAAN ANG MGA KORAP AT SANGKOT SA DROGA

CHRISTIAN BOMB

HINDI katanggap-tanggap sa taumbayan ang pag-apruba ng tatlong komite ng Senado na pagpapaliban sa nakatakdang Barangay at Sangguniang Kabataan (SK) elections sa May 2020, at ang halalang pambarangay ay itinakda sa Mayo 2023.

Ang mga komiteng nag-apruba nito ay ang Committee on Electoral Reforms and People’s Participations, Committee on Local Goverment at Committee on Finance.

Bagamat hindi pa pinal ay malaki ang posibilidad na maaprubahan ito dahil 11 senador na ang lumagda para ipagpaliban ang halalan sa susunod na taon, na ibig sabihin ay kailangan na lang ang 2 lagda ng mga senador para sa majority votes at puwede na itong pirmahan ni Pangulong Rodrigo Duterte na siyang nag-utos sa mga mambabatas na ikansela ang eleksyong pambarangay.

Sakaling mapirmahan na ni Pangulong Duterte ang pagpapaliban sa halalan ay ito na ang ikatlong pagkansela sa Barangay at SK elections na ginawa ng administrasyong Duterte dahil ang nakatakdang halalang pambarangay nuong October 2016 ay ­ipinagpaliban at sana ay gaganapin ito nuong October 2017, pero muli itong kinansela at ang halalan ay isinagawa na nuong May 14, 2018.

Kapag naisakatuparan na gawin ang May 2020 halalang pambarangay sa May 2023 ay limang taon na manunungkulan sa barangay ang mga chairman, kagawad at SK officials.

Iyan ang hindi katanggap-tanggap sa mamamayan.

Nakasanayan na kasi ng mamamayan na ­maghalal ng mga kursunada nilang mamuno sa kanilang mga barangay tuwing ikatlong taon at ang mga ­mabubuting barangay official ay muli nilang ­ibinoboto at ang mga tiwali, sangkot sa droga at iba pang illegal ay ibinabasura nila sa eleksyon.

Pero dahil sa hangarin ni Pangulong Duterte at mga kaalyado niyang senador na pagpapaliban sa halalang pambarangay, pati ang mga hindi karapat-dapat na barangay at SK officials sa posisyon ay kasama sa mabibiyaan dahil mananatili pa sila sa poder hanggang May 2023.

o0o

TIMBRE: Paging PNP Chief Director General ­Oscar Albayalde… Sa Laguna, namamayagpag daw ang pa-jueteng ng isang alyas “Don Ramon”…maglalatag na rin daw ng mga peryahang may color games, beto-beto, hilo at drop balls sina alyas “Jessica” at “Lourdes Tomboy.” (CHRISTIAN’S BOMB / Christian Hernandez)

Please follow and like us:
Read More

KORAPSYON SA DPWH MATINDI

PASABOG

MATINDI pa rin daw ang korapsyon sa ahensyang pinamumunuan ni Secretary Mark Villar.

Ayon sa impormasyon sa PASABOG, sa kabila ng babala ni Pangulong Rodrigo Duterte sa kanyang nakaraang “State of the Nation Address” sa harap ng mga mambabatas, na iwasan o ihinto na itong iligal na aktibidades ng mga tiwaling kawani ng pamahalaan ay patuloy ang mga tiwaling tauhan ng Department of Public Works and Highways sa kanilang maling gawain.

Tila sakit na ng ilang opisyal ng DPWH ang pagkakasangkot sa katiwalian. Kumbaga, isa na itong kanser na hindi na maaring malunasan kahit ng isang nagpaka-dalubhasang doktor.

Sa kabila ng mga patutsada ni Pangulong Duterte na wakasan na ang problema sa kurapsyon, pipi at bingi ang mga opisyal na nasa likod ng katiwalian kaya isa ito sa dahilan ng pagkalugmok ng ating ekonomiya.

Masasabing kapabayaan ng mga namumuno ng ahensiyang ito ang patuloy na iligal na ginagawa ng mga walang modo at walang kaluluwang mga opisyal ng ahensiyang ito.

Katulad nitong ginagawa ng tinaguriang ‘Philippine Cobra’ sa DPWH. Tinawag itong cobra kasi kapag cobra ang pag-uusapan, isa ito sa kinatatakutan ng karamihan dahil kapag ikaw ay nakagat nito, dalawa lang ang kahihinatnan, una sa ospital or six feet below the ground.

Ito naman si Cobra ng DPWH, kapag ikaw ay nakagat nito butas ang bulsa mo. Meaning, iba ang kamandag nito at ang style nito – take it, or leave ito. Kapag hindi ka nagbigay ng malaking halaga ‘log-tu’ ang papel mo sa kamay nito sa loob ng tatlong buwan at kapag ikaw naman ay napagtripan baka abutin ng limang buwan. Alam kaya ito ni Secretary Villar?

Hanep ito, hindi lang basta pera kasi no way siya sa barya. Libo ang usapan dito.

Ang target daw ni kumag ay promotion ng ilang DPWH emplo­yees at collection ng mga stakeholder at dito pumapasok ang kung ayaw mo, huwag mo policy niya. Kapal ng mukha di ba ‘day? (PASABOG / FROILAN MORALLOS)

Please follow and like us:
Read More

EXTENSION NA NGA BA NG QC ANG PASIG?

BOMBAHAN NA FINAL

NAGDAGSAAN na raw ang mga taga-Quezon City sa tanggapan ni Pasig City Mayor Vico Sotto.

Sa sumbong ng silipero sa BOMBAHAN NA, siyam daw sa mga tauhan sa tanggapan ngayon ni Mayor Vico ay galing sa Quezon City.

At hindi basta-basta lang empleyado ng Pasig City Hall ang mga ito.

Matataas daw ang katungkulan ng mga ito tulad nina sir Jerome at ma’am Valerie.

Sila raw ang pinagkakatiwalaan ni Mayor Vico.

Nag-iisip tuloy ang mga lehitimong taga-Pasig kung bakit nanggagaling sa QC ang kinukuha ni Mayor.

“Sir hindi po kaya ang pinag-iinteresan nila ay ang mga pwedeng pagkakitaan sa Pasig?”, anang isang silipero ng BOMBAHAN NA.

Para po sa mga silipero ng BOMBAHAN NA, hindi po masama na kumita ng pera basta’t hindi sa masamang paraan nanggaling.

Hindi po kaya galing sa opisina ni QC District 5 Councilor Anjo Yllana sina Jerome at Valerie?

Natatandaan po natin noong mahalal na konsehal ng QC si Yllana, ang kanyang chief of Staff ay si Mayor Vico.

Nag-imbita pa minsan ang kampo ni Konsehal Yllana sa mga taga-media ng QC para sa isang salu-salo sa sangay ng Max’s Restaurant sa nasabing lungsod.

Hindi lang po natin alam kung natatandaan pa nina Konsehal Yllana at Mayor Vico.

Isa po tayo sa kasama sa salu-salo na ‘yun.

“Sir, wala po bang makuhang tao si Mayor Vico sa Pasig City, bakit sa Quezon City pa siya kumukuha ng mga tao niya?” tanong pa ng silipero ng BOMBAHAN NA na taga-Pasig din.

“Hindi po kaya ang pinag-iinteresan nila ay ang usapin sa basura (waste management) ng Pasig?” banggit pa ng silipero.

Uulitin po natin, basta ‘wag lang silang gagawa ng anomalya na pagmumulan ng korapsyon, okey lang yun.

Pag nagkataon kawawa sina Councilor Yllana at QC Vice Ma­yor Gian Sotto na pinsan ni Mayor Vico dahil mawawalan sila ng mga tao kasi nagpupuntahan na sila sa Pasig.

Sina Vice Mayor Gian at Mayor Vico ay magpinsang buo dahil sina Sen. President Tito Sotto at Bossing Vic Sotto ay magkapatid.

Si Mayor Vico ay anak ni Bossing Vic kay Conney Reyes samantalang si Gian ay anak ni Tito Sen kay Helen Gamboa.

Sabi pa ng ilang silipero ng BOMBAHAN NA, ‘lipat bahay’ na ang ilang mga taga-QC sa Pasig nang manalo si Mayor Vico.

“Sir, bumoto po kaya sila kay Mayor Vico?” tanong pa ng isang silipero.

‘Wag nyo pong pagdudahan si Mayor Vico na gumawa ng masama kaya nanalong Mayor ng Pasig.

Siguro gustong subukan ng mga taga-Pasig ang bagong mukha kaya nila ibinoto si Mayor Vico.

Kamakailan ay ibinasura na ng Commission on Elections (Comelec) ang protesta ni dating mayor Bobby Eusebio laban kay Mayor Vico.

Batay sa unanimous decision ng poll body, tinukoy nito na ‘insufficient in form and substance’ ang naturang protesta sanhi upang ibasura ito.

Bigo rin umano ang kampo ni Eusebio na magbigay ng detalyadong impormasyon na magpapakita ng sinasabing dayaan, anomalya o iregularidad sa mga inirereklamo nitong presinto.

Magtiwala po tayo sa Pangi­noong Diyos at pagpapalain po tayong lahat.

oOo

Pasabugin ang katiwalian, isumbong sa BOMBAHAN NA sa email joel2amongo@yahoo.com

Please follow and like us:
Read More

BAGONG BUCOR CHIEF, ISANG ‘KILLER’

NIPIS

ITINALAGA ni Pangulong Rodrigo Duterte bilang bagong director-general ng Bureau of Corrections (BuCor) ang dating opisyal ng Bureau of Jail Management and Penology (BJMP) na si Jail Superintendent Gerald Bantag.

Kamakailan, sinabi ni Senador Christopher Lawrence “Bong” Go na irerekomenda niya kay Presidente Digong na ang susunod na mamumuno sa BuCor ay isang mamamatay tao. Sabi ni Sen. Go kailangan ay ‘killer.’

Kaya nga nagpahanap si Pangulong Duterte ng dating militar o dating pulis na papalit kay Faeldon na maraming sinabitang isyu sa panunungkulan niya sa pamahalaan mula pa sa Bureau of Customs hanggang sa BuCor.

Sa panunungkulan ni Faeldon nagkaroon ng alingasngas kaugnay sa Good Conduct Time Allowance (GCTA) na sinasabing may kumite ng malaki sa ibinebentang Kalayaan para sa mga preso.

Sa madaling salita, nasunod si Sen. Bong Go sa kagustuhan niyang isang killer ang pumalit kay Faeldon. Matapos kasing hingin ni Pangulong Duterte kay Faeldon na lisanin na ang BuCor, itinalagang officer-in charge si retired Gen. Melvin Buenafe, na mi­yembro ng Philippine Military Academy class ’86.

Mahusay na intelligence official si Buenafe na kaklase ni dating Phi­lippine National Police chief at ngayon ay Sen. Ronald “Bato” Dela Rosa. Maayos ding opisyal ang taong ito at hindi nagkaroon ng isyu sa kanyang panunungkulan noong siya ay nasa serbisyo pa.

Sa ngayon, tumatayo si Buenafe na Deputy Director General for Security and operations.

Mismong si Pangulong Duterte umano ang nagdesisyon na si Bantag ang maupong Director General ng BuCor at nakasuporta ang Malakanyang sa desisyon ng pangulo. Sus, alam naman yan. Sino ba sa Palasyo ang kumontra sa pangulo?

Malaki umano ang tiwala ng pangulo kay Bantag na ipagpapatuloy nito ang kampanya ng pamahalaan laban sa korapsyon.

Nabatid na si Bantag ay dating warden ng Paranaque at Manila City Jails noong siya ay kaanib pa ng BJMP.

Noong warden pa siya ng Parañaque City Jail, ipinaaaresto si Bantag at dalawa pang jailguards dahil sa pagkakasangkot nila sa pagsabog sa kulungang kanilang kinatatalagaan.

Naharap si Bantag at Jail Officer 2 Ricardo Zulueta at Jail Officer 2 Victor Pascua sa kasong 10 counts of murder dahil sa naganap na pagsabog sa Pa­rañaque City Jail noong August 11, 2016 kung saan nasawi ang 10 preso kabilang sina Jacky Huang at Yonghan Cai, kapwa Chinese na nahaharap sa kasong may kinalaman sa droga.

Naging warden ng Manila City Jail si Bantag subalit kaagad itong sinibak sa puwesto nang magpalabas ng warrant of arrest si Judge Madrona Fortunito, ng Parañaque City Regional Trial Court branch 274.

Sana nga ay tama ang suhestiyon ni Sen. Bong Go na ‘killer’ dapat ang susunod na BuCor chief at tama ang desisyon ni Pangulong Duterte na si Col. Gerald Bantag ang kanyang hinirang na mangangasiwa sa pambansang kulungan.

Nawa’y maging maayos ang pamamahala ni Bantag sa BuCor at nawa’y hindi ito masangkot sa kung anumang anomalya na naunang kinasangkutan ni Faeldon at iba pang nauna rito.

Salamat kay P/Lt. Col. Rodrigo Soriano, Quezon City Police District-Masambong Police Station commander, sa paunlak na interview sa special report na binubuo ng inyong lingkod, gayundin kay P/Lt. Col. Carlito Grijaldo, Manila Police District- Sta Mesa Police Station commander, sa pakikipagtulungan sa isinagawang “Blood Letting” sa United Bethel Church sa Manga Avenue, Sta. Mesa Manila noong Sept. 14. Salamat din kay P/MSgt. Alma Dipasupil at mga kasamang pulis sa Sta. Mesa Police Station. (NIPIS / LEA BOTONES)

Please follow and like us:
Read More

DAPAT IRESPETO ANG MAGIGING DESISYON NG PET

CHRISTIAN BOMB

BAGAMAT kaalyado ni Pangulong Rodrigo Duterte ang pamilya Marcos ay sinabi niya na kung sa election protest ni dating Sen. Ferdinand “Bongbong” Marcos, Jr. ay ihahayag ng Presidential Electoral Tribunal (PET) o Supreme Court (SC) na si VicePresident Leni Robredo ang tunay na nagwagi sa nakalipas na 2016 Vice Presidential election ay irerespeto raw ito ng kanyang administrasyon.

Para kay Pres. Duterte, batas na ang nagdesisyon kaya’t irerespeto raw niya ang batas.

Nagbigay ng ganyang pahayag si Pangulong Duterte matapos ihayag ng SC na tapos na ang isinagawang pagbilang o recount sa mga boto sa mga probinsyang ipinoprotesta ni dating Sen. Marcos na ayon sa kanya ay may naganap na malawakang dayaan dito.

Kung ang kampo ni Vice Pres. Robredo ang tatanungin ay para sa kanila ay sila ang nagwagi, pero sa kampo ng mga Marcos, sabi naman nila ay hintayin na lang ang ilalabas na desisyon ng PET tungkol sa election protest.

Hangga’t wala pang inilalabas na desisyon ang PET o ang SC tungkol sa kinalabasan ng protesta ni dating Sen. Marcos laban kay Vice Pres. Robredo, ay hindi pa rin talaga nakatitiyak kung sino sa kanilang dalawa ang totoong nanalo sa pagka-vice president nuong nakalipas na 2016 Vice Presidential election.

Si Pangulong Duterte ay nagsalita na sa isyung ito, na irerespeto ng kanyang administrasyon kung ano ang magiging pasya ng PET o SC sa election protest na ito, pero sina Vice Pres. Robredo at dating Sen. Marcos ay hindi pa nagbibigay ng pahayag kung igagalang din nila anoman ang maging desisyon dito ng PET o SC.

Anoman ang kalabasan ng desisyon ng PET o SC ay dapat irespeto ito nina Vice Pres. Robredo at dating Sen. Marcos upang matigil na ang bangayang pulitika, kung sino sa kanilang dalawa ang tunay na bise presidente ng bansa.

Nagpahayag na ang Pangulo na igagalang niya ang desisyon ng batas, kaya’t sana, irespeto rin nina Vice Pres. Robredo at dating Sen. Marcos kung ano ang magiging pasya ng batas sa kanilang tunggalian sa posisyong bise presidente.

oOo

TIMBRE: Paging PNP Chief, Director General Oscar Albayalde, sa Malabon City, nagkalat daw ang operasyon ng video karera ni alyas “Noel”. Nangongolekta raw sa mga gambling lord sa Marikina City at Mandaluyong City ang isang alyas “Jigz Pulis.” (CHRISTIAN’S BOMB / CHRISTIAN HERNANDEZ)

Please follow and like us:
Read More

SINO ANG RERESOLBA SA MALALANG TRAFFIC SA BANSA?

HAGUPIT NI BATUIGAS BOMBA

PINAGBIBITIW ni Senadora Grace Poe si DoTR Secretary Art Tugade dahil hindi raw nagagampanan ng kalihim ang kanyang trabaho lalo na ang pagresolba sa malalang trapik sa Metro Manila partikular sa EDSA.

Makailang beses nang humirit ang DoTR kay Poe na bigyan na nito ng emergency power si Pangulong Rodrigo Duterte para maresolba ang sobrang trapik sa kalakhang Maynila, pero dedma ang mambabatas, sa halip tila takot itong pagbigyan ang kahilingan ni Tugade dahil kapag binigyan ng emergency power ang pangulo ay makorap lamang ang pondo ng gobyerno. Sa sandaling magkaroon ng emergency power ang pangulo, wala nang magaganap na bidding sa mga prokyekto ng ahensiya.

Sa totoo lamang, hindi naman lahat ng pagresolba sa sobrang trapik sa bansa ay kailangan ang mga bidding power, ang kailangan natin ay ang mabigyan ng ekstra power ang pangulo para maresolba ang trapik sa Metro Manila, halimbawa na riyan ang pag-utos sa mga private subdivision na padaanan ang kanilang lugar para maibsan ang volume ng sasakyan na dumadaan sa EDSA.

Kapag ang mga pribadong lote at mga subdibisyon ay nadaanan ng mga sasakyan papuntang Pasig, Makati at Baclaran ay tiyak luluwag ang daloy ng trapik.

Ang mga panukalang pagbawas sa mga sasakyan ay mahirap nang mapigilan dahil may mga kababayan tayong kahit hirap sa paghulog ng sasakyan kada buwan ay mas gugustuhin nilang kumuha ng kahit segunda manong sasakyan, kesa naman magtiis sa mga UV, Grab at buses na ubod nang bagal ang takbo dahil sa trapik.

Subukan ninyong bigyan ng emergency power ang pangulo kahit isang taon lamang para maresolba ang matinding trapik sa Metro Manila at sa totoo lamang maaari namang maglagay ng isang ahensiya o composite team ang DoTR na siyang magbabantay para matiyak na walang magaganap na katiwalian sa mga proyekto na gagawin ng ahensiya na may kinalaman sa pagresolba ng matinding trapik sa bansa.

Kaya kay Senator Grace Poe, huwag kang masyadong magduda, pagbigyan mo muna ang kahilingan ng ahensiya, kung ayaw mo naman ikaw na ang gumawa ng paraan para maresolba ang matinding trapik sa Metro Manila.

Hindi ka ba nahahabag sa kalagayan ng ating commuters na nale-late sa pagpasok sa trabaho o eskwela? O kaya naman suportahan na ninyo ang panukala ni Kongresman Egay Erice na ipagbawal na ang mga private vehicle sa EDSA at ang papayagan lamang ay ng mga public utility vehicle para lumuwag ang kalsada. Period. (HAGUPIT NI BATUIGAS / MARION BATUIGAS)

Please follow and like us:
Read More

ASTIG DAW

yourservice

MARAMING nag-aasal astig ngayon. Sa kalye, sa lugar ng trabaho, sa paaralan at maging sa sariling tahanan. Hindi ko rin maintindihan kung bakit lalong yumayabang na ang mga tao. Ang masakit — kung sino pa ang wala sa lugar, siya pa ang may ganang magalit, kung sino ang mali — siya pa ang nagmamarunong, at kung sino pa ang walang magandang magawa — siya pa itong ubod nang yabang.

Marami tayong mga kasama sa trabaho na ganyan. Mayayabang, sila lagi ang tama at masahol pa — gusto nila sila lagi ang bida. Kaya kalaunan, nagiging magaspang ang kanilang pag-uugali at pakikitungo sa kanilang mga kasamahan sa trabaho. Sa tagal ng kanilang pananatili sa trabaho — naging notorious na sila sa mga kasamahan nila dahil sa kanilang kayabangan, kagaspangan ng pag-uugali at bastos na pakikitungo.

Isang ehemplo na lamang ang nangyari sa isang kaibigan ko. Tahimik at marunong makisama, ngunit, sa kasamaang palad, naging biktima siya ng pangit, magaspang at bastos na pag-uugali ng isa sa mga tao ng opisinang kanyang pinapasukan. Dahil may alitan na namamagitan sa kaibigan ko at sa amo ng mga taong ito — iba ang pakikitungo nila rito. Akala mo mga may-ari ng opisina kung umasta at kung tumingin akala mo’y palalayasin ang kaibigan ko sa lugar. Kung dalawa sila — magtatawanan at magtitinginan na tila inaasar o kinukutya ang aking kaibigan. Dahil walang panahon o ayaw mag-aksaya ng panahon ang aking kaibigan, hinahayaan na lamang niya ito.

Kaya’t lumipas din ang panahon na tiniis niya ang mga masamang pagsulyap, pang-aasar, mga pasaring, mga parinig, mga pagyayabang, maging mga bastos na pagsagot sa kanya kapag kausap niya ang mga ito.

Ngunit dumating ang araw na napuno na rin siya at pumalag — lumaban at nagsalita.

Unang-una, hindi naman siya tao ng mga ito — sa totoo, mas mataas pa ang kanyang kinalalagyan sa hanay ng opisina.

Maaari bang paalisin sa trabaho ang mga ito?

Sa aking munting palagay, maari naman — ito ay sa kadahilanang mali ang kanilang pakikitungo sa tao. Pangalawa, hindi naaayon sa company rules ang kanilang inaasal.

Dagdag pa rito, kasasabi lamang ng Kataas-taasana Hukuman sa isang kaso na maaring alisin sa trabaho ang mga empleyadong may “attitude problem” o feeling astig.

Walang lugar sa opisina o trabaho ang pagiging astig at mayabang. Hindi ka naman binibigyan ng sweldo ng may-ari ng opisinang iyong pinapasukan upang magyabang — lalong-lalo na kung wala ka naman ipagyayabang.

Ngunit, dapat din nating tandaan na bago alisin ang empleyado — dapat natin sundin ang mga alituntunin ng Labor Code at mga kaalyadong batas sa pagbibigay ng due process — sa taong nais alisin sa trabaho. Kahit inis na inis na tayo sa mga kasamahan natin sa trabaho na mayayabang, mga astig at mga bastos — mayroon pa rin silang karapatan sa ilalim ng batas na mabigyan sila ng pagkakataong harapin ang  mga paratang at reklamo laban sa kanila. Mas malaki ang magiging problema kung hindi natin sila bibigyan ng pagkakataong ito. Ang aral na makukuha natin sa ngayon ay trabaho lang — walang personalan. (@YOURSERVICE / ATTY. DAVID AQUINO)

Please follow and like us:
Read More

KAMARA ‘GINAHASA’ ANG CHED

BAKBAKAN NATIN

SA unang tingin hahanga ka sa mga kongresista dahil mabilis nilang maipapasa ang panukalang bad­yet ng administrasyong Duterte matapos aprubahan ng bawat komite ang badyet ng kada kagawaran.

Sa kabilang banda, pag-iisipan mo ng masama ang liderato ni Speaker Alan Peter Cayetano sa Kamara de Representan­tes, sapagkat nagmukhang sunud-sunuran ito kay Pangulong Rodrigo Duterte nang paspasan ng mga mambabatas ang pagpasa ng badyet ng bawat kagawaran.

Kaya, malapit nang isalang sa plenaryo ang panukalang P4.1 trilyong badyet para sa 2020 upang maipasa ito sa unang linggo ng Oktubre.

Isa sa inaasahang ipapasa ng mga kongresista ay ang nabawasang badyet ng Commission on Higher Education (CHED).

Hayaan n’yong ilatag ko rito kung gaano kalaki ang ibinawas sa CHED at kayo na ang magpasya kung tama o mali ang ginawa, kung makabubuti o hindi, kung makabuluhan o pagbabalewala sa edukasyon.

Sabi ni CHED Chairman Prospero de Vera III, P35.3 bilyon na lang ang badyet ng Universal Access to Quality Tertiary Education (UAQTE) Act mula sa dating P42.4 bil­yon.

Sobrang laki nang ibinawas dahil 16.74 porsiyento ang P7.1 bilyong ibinawas sa badyet ng pagpapatupad ng nasabing batas.

Ang alokasyon naman sa Student Financial Assistance Program (SFAP) ay naging P516 milyon mula sa P4.1 bil­yon.

Napakalaki rin ng nabawas dahil tumataginting na 87.6 porsiyento ang nabawas sa nasabing ayuda sa mahihirap na mag-aaral.

Kaya, sabi ni De Vera ay siguradong napakaraming mag-aaral ang apektado sa ginawa ng Kamara.

Maging ang programang K – 12 na ilang taon pa lamang ipinatutupad ay tinapyasan na rin ng P600 milyon mula sa P3.1 bil­yon.

Bale, 21.48 porsiyento ito!

Kawawa na ang mga estudyante ng Senior High School mula 2020.

Umabot na lang sa P3 bilyon ang programang “Tulong Dunong” ng CHED.

Kaya, asahan nang mababawasan ang bilang ng mga iskolar at guro na kasama sa nasabing prog­rama ng pamahalaan.

Ang Tulong Dunong ay kongkretong interbens­yon ng pamahalaan sa malaking bilang ng mag-aaral at gurong iskolar ng pamahalaan.

Sa pamamagitan ng Tulong, ang mga mag-aaral at guro ay nakatatanggap ng P12,000 ayuda bawat pang-akademyang taon upang matustusan ang kanilang gastusin sa kanilang pag-aaral sa naturang taon.

Walang dudang napakahalaga ng edukasyon sa mga mag-aaral.

Katunayan, mayroong estratehikong papel ang edukasyon sa bawat mamamayan, sa lipunan, sa pamahalaan at bansa.

Kaya, ang mga dalub­hasa o mananaliksik ay walang humpay sa pag-aaral, pagsisiyasat at pag-alam ng mga bagong ideya, konsepto, pamamaraan, mekanismo at iba pa upang patuloy na umunlad at umangat ang kalidad ng edukasyon sa Pilipinas, sa pangkalahatan, at sa mga mag-aaral at guro, sa partikular.

Kahit ang mga may-akda ng Konstitusyon ng bansa ay alam na alam ang layunin natin sa sistema ng edukasyon sa bansa.

Kaya, itinakda nila sa Konstitusyon na palaging pinakamalaking badyet ang edukasyon, kabilang ang badyet ng Department of Education (DepEd).

Ngayon, kung ‘ginahasa’ ng Kamara sa ilalim ng liderato ni Speaker Alan Peter Cayetano ang panukalang badyet ng CHED para sa 2020 ay nangangahulugan lamang na pinahihina nito ang mga maka­buluhang interbensyon at layunin ng pamahalaan sa sistema ng edukasyon sa bansa.

Ang nakatatakot dito ay kung magtuluy-tuloy ang ganitong ginagawa ng mga kasapi ng

Kamara sa mga susunod pang taon, sapagkat babagal ang reyalisasyon sa pagkakamit ng sektor ng edukasyon na umunlad at umangat ang kalidad ng edukasyon sa bansa.

Kaya, kailangang ngayon pa lang ay magkaisa ang sektor ng edukasyon upang tahasang batikusin, harangin at labanan ang masamang ginagawa ng mga mambabatas sa edukasyon ng Pilipinas, katulad ng panggagahasa ng Kamara sa badyet ng CHED. (BAKBAKAN NATIN /NELSON BADILLA)

Please follow and like us:
Read More

MAGANDANG PASALUBONG

NIPIS

NGAYONG araw ay kaarawan ni outgoing  Quezon City Police District director P/Brig. Gen. Joselito Esquivel Jr. Happy Birthday Sir Joyet.

At ngayong araw din lilisanin ni Gen. Esquivel ang Camp Karingal, Sikatuna Village dahil uma­ngat na siya ng puwesto at naging regional director ng Caraga Police Regional Office.

Sa madaling salita, ngayon ang turn over ce­remony sa QCPD kung saan papalitan si Esquivel ni incoming director P/Col. Ronnie Montejo.

Si Montejo, kilalang taga QCPD bago pa siya mapunta sa region, ay batid na noon pa man na papalit kay Esquivel dahil siya ang napipisil ng mga opisyal at miyembro ng relihiyong kanyang kinabibilangan.

Noon pa man ay nakapila na ang miyembro ng Philippine National Police Academy Tagapagbuklod class of  ’89 sa trono ng QCPD.

Hindi sumala ang sandok sa palayok dahil talagang inilaan ang puwesto kay Montejo.

Kaya naman bilang pasalubong sa pagda­ting ni Montejo sa QCPD, maganda ang kasong ibi­nigay sa kanya ng Cubao Police Station at Regional Drug Enforcement Unit.

Nakakumpiska ang mga tauhan ng Cubao Police Station at NCRPO-DEU ng P27-M halaga ng shabu mula sa isang Edgardo Labay Alfonso, ng Barangay Tramo, Pasig City, na nasawi matapos manlaban sa mga operatiba na humuli sa kanya.

Tinatayang apat na kilo ng shabu ang nabawi mula sa suspek na nakalagay sa bag. Nabawi rin ang isang kalibre .45 baril na may mga bala.

Sinasabing ang napatay na suspek at isa sa mga target na bigtime drug pusher na nag-ooperate sa Metro Manila.

Maituturing na magandang pasalubong o accomplishment ang pagkakapatay kay Alfonso at pagkakabawi ng P27 mil­yong halaga ng droga.

Nakaabang din ang 12 station commanders ng QCPD upang magbigay ng magandang trabaho para sa pagdating ni Montejo sa Quezon City.

Samantala, isang station commander sa Manila Police District ang halos isuka na ng kanyang mga tauhan dahil sa umano’y sobrang sama ng ugali nito.

Sinasabing ang station commander na ito ay madalas magmura sa kanyang mga tauhan subalit wala namang maipakitang magandang halimbawa pagdating sa trabaho.

Ang tanging alam umano ng hepe na ito ay magpauwi ng kung anu-anong pagkain sa kanyang pamilya subalit hindi inaasikaso kung may pahinga na ba ang kanyang mga tao na isinusuga niya sa pagdu-duty ng halos 24 oras.

Ayon sa mga tauhan nito, walang awa sa kanyang mga tao ang opisyal na ito na walang ipinagmamalaki kung hindi ang kanyang lakas kay MPD director P/Brig. Gen. Vicente Danao Jr.

Teka, hindi ka naman tao ni Gen. Danao, paano ka naging malakas kay Danao na isang Davao Boy.

Bukod sa balasubas sa kanyang mga tauhan ang opisyal na ito, ayaw umano maglabas ng pera nito para sa mga proyekto ng istasyon at hinahayaang mag-abono ang kanyang mga tauhan. Naman! Grabe naman ang opisyal na ito. Naku kapag ganyan ka, hindi ka tatagal sa kinauupuan mo. Kapag inireklamo ka ng mga tao mo, tiyak na may kalalagyan ka ilang araw mula ngayon.

Maraming salamat sa Manila Police District – Station 8 Police Community Relations and Station Strategic Performance Management System sa pakikipagtulungan sa ginawang blood letting activity ng Red Bank Foundation, RC Raha Sulayman Manila at Y’s Men Raha Philippines sa United Bethel Church sa Sta Mesa, Manila noong Setyembre 14, 2019. Naging matagumpay ang aktibidad dahil sa pakikipagtulungan ng lahat lalo na ng mga miyembro ng United Bethel Church. (NIPIS / LEA BOTONES)

Please follow and like us:
Read More

PAGLOBO NG INMATES SA QC JAIL

KAAA BOOM

HANDA raw ang Quezon City Jail sa anomang magiging direktiba ni National Capital Region Bureau of Jail and Ma­nagement Director Ignacio Panti na saluhin ang mga inmate mula sa QC Annex Jail. Bakit?

Ayon kasi kay Panti, isasara ang QC Annex Jail upang bigyang daan ang pagpapatayo ng bagong gusali ng piitan. At siyempre, sa pagpapasara sa piitan, ililipat muna ang mga nakapiit sa Metro Manila District Jail (MMDJ) sa Bicutan din.

Dahil dito, sa oras na isara ang QC Annex Jail, inaasahan na ang lahat ng mga nadakip at kinasuhan ng petty crime ng QCPD sa QC Metropolitan Court ay sa QC Jail na dadalhin sa halip na sa QC Annex Jail kaya tiyak ang pag­lobo ng mga Person Deprived of Liberty (PDL) sa nasabing piitan. Teka…

Ano na ba ang bilang ng mga inmate sa QC Jail? Sa aking pagkakaa­lam mula raw sa 6,000 ay umabot na lamang ito sa 3,000 plus dahil sa inis­yatibo ng bagong QCJ Warden na si J/Supt. Severino Khita. Anong nangyari bakit bumaba? Anong ginawa ni Khita sa mga PDL? Pinalaya niya ba?

Ganito po kasi ang ginawa ng warden ng QCJ, pinabiyahe na ni Khita ang mga PDL at  inilipat kung saan sila nararapat na nakapiit batay na rin sa utos ng korte.

Iyan po ang naging hakbangin ni J/Supt. Se­verino Khita, simula nang maupo nitong Agosto 8, 2019 bilang QC Jail Warden kung saan inilipat na niya ang mga nasentensyahan sa National Bilibid Prison (NBP).

Ang paglilipat sa mga PDL ay patuloy na ginagawa ni Khita na nakikita niyang solusyon para mapaluwag ang piitan.

Napag-alaman natin na umabot na sa 70 PDL na pawang sentensyado ang ipinadala ni Khita sa Bilibid habang ang ibang bilanggo naman ay pinagpiyansa niya, kaya nagawa nitong mapababa ang congestion rate sa QCJ.

Ang pagluwag ngayon ng QCJ ay hindi nagawa ng nagdaang administrasyon ng piitan kahit pa patuloy ang ginagawang pagdakip ng 12 police stations ng Quezon City Police District (QCPD) na may kaugnayan sa iligal na droga.

Mantakin mo, halos araw-araw ay maraming nahuhuli ang QCPD na mga drug pusher at user saan nila dadalhin ang mga ito, sa QCJ siyempre. Eh ang kapasidad lang sa pagkakaalam ko ng natu­rang kulungan ay 800 su­balit lomobo ito ng 6,000. Pero ngayon nga ay nabawasan na ang pagsisikip nito.

Ano pa man, batay sa direktiba ni Panti kay Khita, gagawin ni Warden ang lahat para hindi magsiksikan ang piitan na ipinagkatiwala sa kanya. Kasama ang mga opisyal na bumubuo sa QC Jail, patuloy nilang nirerebyu ang mga dokumento ng bawat bilanggo.

Ang mga nakitang matagal-tagal nang may commitment order mula sa QC RTC para sa kanilang paglilipat sa ibang kulungan partikular na sa NBP ay agad nilang inililipat.

Ibang-iba ito sa kinakaharap na kontrobersya ngayon ng NBP na pinagkakakitaan ang paglaya ng mga PDL dahil sa GCTA. KAAA….BOOM!

Please follow and like us:
Read More

MAY PUNTO SI LACSON, SI DUTERTE WALA

CHRISTIAN BOMB

ANG isyu kung dapat ba o hindi na tumanggap ng regalo ang mga pulis kapalit ng kanilang tungkulin bilang mga alagad ng batas ay humantong sa bangayan sa pagitan nina Pangulong Rodrigo Duterte at Sen. Panfilo Lacson.

Nang sabihin kasi nuon ni Pangulong Duterte na pinapayagan niya ang mga pulis na tumanggap ng regalo ay agad itong kinontra ni Sen. Lacson, dating hepe ng Philippine National Police (PNP), dahil ayon sa senador, ang serbisyo raw ng mga alagad ng batas sa publiko ay dapat walang kapalit.

Ang akala ng publiko ay tapos na ang isyung ito, pero sa ginanap na awar­ding ceremony sa mga opisyal ng gobyerno sa Malacañang nitong nakalipas na Martes ay biglang binanatan ni Pangulong Duterte si Sen. Lacson na may ambisyon daw maging presidente kaya kinontra ang pahayag niya tungkol sa pagtanggap ng regalo ng mga pulis sa mamamayan, na ayon pa sa Pangulo ay hindi naman daw abogado ang senador kaya’t ignorante ito sa mga nilalaman ng batas.

Kaagad rumesbak si Sen. Lacson sa banat sa kanya ni Pangulong Duterte at pinasaringan ang Presidente na tila ito ang mas ignorante sa batas, dahil malinaw naman sa batas na ipinagbabawal sa mga pulis ang pagtanggap ng regalo o anomang pabuya kapalit ng kanilang tungkulin sa mamamayan.

Dahil diyan, asahan nang lalo pang magbabangayan sa isyung ito sina Pangulong Duterte at Sen. Lacson, pero kung pakasusuriin, ay mas may punto ang senador kaysa sa presidente sa usaping ito.

Malinaw naman kasi sa nakasaad sa Saligang Batas at maging sa code of ethics ng Civil Service Commission (CSC) na ang lahat ng mga taong-gobyerno, kabilang ang mga pulis ay dapat nagli­lingkod sa mamamayan nang walang anomang kapalit na regalo, pabuya o pabor mula sa mamamayan.

oOo

TIMBRE: Paging PNP Chief, Director Ge­neral Oscar Albayalde!…Sa Cubao, Quezon City ay may peryahang may sugalan daw… Sa Tondo, Maynila namamayagpag daw ang pa-bookies ng karera nina alyas “Boy Abang” at alyas “Lando Simbulan”…Sa Cavite, isang alyas “Imee” raw ang may mga pasakla… Sa Bulacan, nagkalat na raw ang mga kubrador ng jueteng. (CHRISTIAN’S BOMB / CHRISTIAN HERNANDEZ)

Please follow and like us:
Read More

PWD AT PHILHEALTH

yourservice

PINIRMAHAN kamakailan ng ating Pangulong Rodrigo Duterte ang Republic Act No. 11228. Ang batas na ito’y inam­yendahan ang Republic Act No. 7277 — o ang “Magna Carta for Persons with Disability”.

Ayon sa bagong batas na ito — lahat ng PWDs ay sakop na ng PhilHealth at maari nang makinabang sa mga benepisyong bini­bigay nito. Sinasabi ng batas na ang mga PWD ay magkakaroon ng eks­klusibong benepisyo na tutugon sa kanilang pangangailangan. Wala ring problema sa pagbayad ng tinatawag na­ting “premium” dahil ito’y bayad na ng ating pamahalaan. Sa mga PWD naman na kasalukuyang nagtatrabaho sa pormal na ekonomiya, ang pagbayad ng “premium” ay paghahatian ng pamahalaan at ng kani-kanilang amo. Sa ibang salita — libre ang “premium” para sa ating mga kababayang PWD.

Matatandaan na ang mga tinatawag nating “disabled persons” ay tumutukoy sa mga kababa­yan nating may kapansanan o kakaibang abilidad o limitasyon — sa pandama, mental o pisikal — kung saan nagiging limitado ang kanilang paggalaw sa mga normal na aktibidad.

Noong ipinasa ang unang batas o ang “Magna Carta” para sa mga PWD — nagbigay lamang ito ng diskwento sa mga pangunahing bilihin tulad ng bigas, gatas at gamot. Kalakip na rito ang pagtatalaga ng mga istrakturang tutulong sa mga may pisikal na kapansanan o limitasyon sa paggalaw.

Ngunit ngayon, sa pagpirma ng pangulo ng Republic Act No. 11228, nilalayon na maisama sa sakop ng PhilHealth ang lahat ng PWD — nagtatrabaho man sila o hindi.

Ibig sabihin, mababawasan ang bayarin ng isang PWD sa mga gastusing medikal sa ospital sa tulong ng PhilHealth.

Sa aking munting palagay — ito’y isang magandang hakbang ng ating pamahalaan para sa ating mga kababayang PWD sapagkat sila’y ba­hagi ng ating pamayanan — kaya’t nararapat lamang na ibigay sa kanila ang karampatang benepisyo na binibigay sa iba tulad ng pagsama o pagsakop sa benepisyo ng PhilHealth. Isa itong konkretong hakbang upang masiguro natin na matutugunan ang mga pangangailangang medikal ng mga kapatid nating may mga kapansanan — mental man, pandama o sa pisikal.

Makikita rin sa batas na ang pagbayad ng tinatawag nating “premium” sa PhilHealth ay sasaluhin ng ating pamahalaan sa mga PWD na walang trabaho, at paghahatian naman ng pamahalaan at ng pribadong pinapasukan para sa PWDs na namamasukan.

Ngunit mawawalang saysay ang hakbanging ito ng ating pamahalaan kung hindi ito gagamitin ng ating mga kababayang PWD. Dapat nating sabihan ang ating mga kaibigan, kamag-anak o kakilala tungkol sa bagong benepisyo na inihahandog ng pamahalaan upang mapakinabangan naman nila ito. Huwag sanang balewalain ng ating mga kababayan ang mga ganitong hakbangin at dapat nila itong gamitin.

Mahirap na ang buhay ngayon, mas lalong mahirap para sa mga taong may limitasyon sa pandama o sa pisikal na paggalaw. Sa paglaganap ng mga problema sa ating lipunan — sa seguridad, sa kalusugan, sa politika, sa ekonomiya — ang batas na ito’y isang maliit ngunit mahalagang hakbang na tutulong sa mga PWD. Kahit papaano, mabibigyan ng batas ng kaunting gaan ang kanilang pamumuhay dulot ng mga benepisyong ito. (@YOURSERVICE / ATTY. DAVID AQUINO)

Please follow and like us:
Read More

HOUSE BILL 0092

PANANAW

NAGHAIN ng Panukalang Batas bilang 0092 si Representative Edgar Mary S. Sarmiento, ng 1st District ng Samar,  na naglalayon na hadlangan sa pagtakbo sa kahit na anong posisyon sa gobyerno ang mga indibidwal na nahatulan na ng katiwalian sa Sandiganbayan.

Lingid sa kaalaman ng nakararami, ang mga indibidwal na nahatulan na ng Sandiganbayan ay maari pa rin tumakbo  at mamuno sa mga pampublikong tanggapan hangga’t sila ay naghahain pa ng apela sa kanilang hatol.

Sa Aking Pananaw, tama ang panukalang batas na ito at nararapat munang patunayan ng mga indibidwal ang kanilang pagi­ging inosente bago muling pahintulutang tumakbo sa kahit na anong posisyon sa pampublikong tanggapan na kanilang nais dahil pinoprotektahan dito ang mamamayang Pilipino mula sa mga naghahangad na payamanin ang kanilang sarili at interes sa halip na magtrabaho para sa kabutihan ng mas nakararami.

Sanay na kasi ang ating mga pulitiko na kahit convicted o nahatulan na ay nakukuha pa rin tumakbo para makapanungkulan muli.  I­pagpatuloy lang natin ang ating pakikipaglaban sa isang bansang malaya sa kurapsyon at suportahan natin ang House Bill 0092.

EVERY SECOND COUNTS “ Disaster Preparedness and Awareness” drama movies – Suportado ng mga ahensiya ng gob­yerno  sa  pangunguna ni (PCOO) Sec. Martin Andanar,  Usec. Joel Egco (OP), Sec. Eduardo Ano (DILG), Usec. Benny Antiporda (DENR), Usec. Ricardo  Jalad (OCD), Ltc. Joseph Jocson (DND), Asec. Celine Pialago(MMDA),Fire Dir. Leonard  Banago (BFP), Usec. Ismael Narag (DOST) at Usec. Renato Solidum (Philvocs), ang makatotohanan pelikulang “EVERY SECOND COUNTS.” Kasama sa cast sina Jennelyn Mercado, Derek Ramsey, Jeric Raval, Juan Rodrigo, Christian Bautista, Liz Alindogan, Ina Alegre at Media Practitioners. Ito’y magpapakita at magtuturo ng kahandaan sa ating mga mamamayan sa anumang sakuna na darating sa ating bansa. Kasama rin ang mga nakaraan sakuna na nangyari sa ating bansa na kumitil ng maraming buhay.

Ang kahandaan natin para mabawasan o maiwasan ang casualty at masusugatan lalo na itong sinasabi ng Philvocs na  the “BIG ONE.”

Ituturo rin dito kung saan maaring  pumunta at ano ang gagawin ng mamamayan para mailigtas ang kanilang sarili at pamilya pag dumating mga sakunang ito at inaasahan na ito’y magiging triple blockbuster Movie. Nagpapasalamat tayo kay Ms. Narisa P. Gonzales (Film consultant /PR), sa pagpili sa ating mga tunay na Media Practitioners na gaganap sa role na  mga reporter  dito. Sa mga Producer Mr. JayR  Rosales, Ms Lalaine T. Perote, Mr. Jose R. Olinares, JR., higit sa lahat,kay Direk  Neal Tan (Writer / Director) mara­ming salamat din. (PANANAW / CYNTHIA GABINAY)

Please follow and like us:
Read More