ANG TUBIG AY BUHAY

KAAA BOOM

WATER is life! sabi ng mga millennial.

Oo naman dahil hindi tayo mabubuhay kung walang tubig sa ating katawan.

Bukod diyan, napakahalaga rin ng tubig sa ating pang-araw-araw na pamumuhay. ‘Yan ang dahilan kaya ganun na lang ang malasakit ng Lolo Digong ko para masiguro na may maayos na serbisyo ng tubig ang bawat tahanang Filipino.

Pero sadya atang ina­alat tayong mga Pinoy. Noong araw ay sa mga poso o water pumps at water stor-age tayo umaasa para magkaroon ng tubig. Iyan ay dahil na rin sa kabiguan ng gobyerno na makapag-bigay ng tubig nang 24-oras sa mamamayan.

Tapos noong Dekada Nubenta sa panahon ni dating pangulong Fidel V. Ramos ay nakaranas ng krisis sa tubig ang kalakhang Maynila. Dahil diyan naisapribado ang serbisyo ng paghahatid ng tubig sa bawat tahanan.

Unti-unti ay naayos ang mga water pipe dahilan upang gumanda ang daloy ng tubig sa mga gripo sa ba-hay-bahay.

Masasabi nating hindi basta-bastang investment ang inilaan ng mga water concessionaire para mapabuti nila ang serbisyo.

Sa gitna ng mga kaguluhan ngayon kaugnay sa usapin ng tubig, hindi ko maiwasang isipin na baka nais ng gobyernong hawakan ang pamamahala sa distribution nito?

Walang masama pero teka, maghinay-hinay tayo. Bakit ko nasabi?

Alam naman natin na halos lahat nang hinawakan ng gobyerno na kumpanya ay nalulugi kaya nga kar-amihan sa mga ito ay naging pribado na ang mga may-ari at iyan ay dahil na rin sa usa­pin ng corruption.

Ang sabi naman ng iba ay dapat daw ang tubig ay lib­re! Ano raw po ‘yun? Lib­re… Sa panahon nga­yon ay wala nang libre ultimo mo nga mga daanan tulad ng NLEX, SCTEX, Skyway etc. ay may ba­yad. Bakit? Ayaw kasi ng a­ting gobyerno na sila ang mag-invest para sa mga Filipino.

Nangangailangan ng mala­king investment para makapagbigay ng safe at portable drinking water na hindi ginawa ng ating gobyerno kundi iniasa sa Manila Water at Maynilad.

Nito lang nakalipas na Marso nang magkaroon ng water crisis, sinabi ng aking lolo Digong na busisiin ang concession agreement dahil malaki raw ang kinikita ng mga water company.

Pero kung tutuusuin base sa 2018 study ng Global Water Intelligence report, hindi hamak na mababa o mura ang ating tubig kumpara sa ibang water provi­ders sa Pilipinas maging sa Asya.

Anoman ang kahinatnan ng kautusan ng Lolo Digong ko kaugnay sa usapin ng tubig, dapat man-gi­babaw ang kapakanan ng mga Pinoy.

Pero sakaling maputol ang serbisyo ngayon ng water distribution, matitiyak kaya ng pamahalaan na mayroong tutulong tubig sa ating mga gripo? Kayo na po ang bahalang sumagot… KAAA…. BOOM! (KAAA…BOOM!!! / JOEL GOROSPE)

Please follow and like us:
Read More

BAD NEWS NA PAMBAGONG TAON NG GOBYERNO SA TAUMBAYAN

CHRISTIAN BOMB

MAY bad news sa pagpasok ng year 2020 at ito ay ang taas pres­yo sa mga produktong petrolyo.

Sa bisperas pa ng Bagong Taon, sasalubungin ng taas-presyo sa mga produktong petrolyo ang mga konsumer, dahil sa Martes, Disyembre 31, madarag­dagan ang singil sa kada litro ng gasolina ng P0.80-P0.95/litro, P0.40-P0.50/litro sa diesel, at P0.30-P0.40/litro sa kero­sene.

Bukod diyan, nakaamba rin ang taas-pres­yo sa LPG na magsisimula sa Enero 1.

Tinatayang P7 hanggang P8 ang itataas ng kada kilo ng LPG o dagdag na P77 hanggang P88 sa 11-kilong tangke.

Sabi ng Department of Energy (DOE), hindi pa ito ang dagdag-si­ngil ng excise tax dahil kailangang ubusin pa ang lumang stock ng langis.

Kung ganun, ang taas-presyong ito sa mga produktong petrolyo ay madadagdan pa kapag ipinataw na ang excise tax na nakapaloob sa TRAIN (Tax Reform for Acceleration and Inclusion) Law.

Masamang balita iyan sa mamamayan dahil ang taas-presyo ng mga produktong petrol­yo, ang kasunod niyan ay taas-presyo ng mga bilihin.

Iyan ang masamang pang-bagong taon ng gob­yerno sa taumbayan.

oOo

TIMBRE: Paging PNP-OIC Gen. Archie Gamboa, isang alyas “Zhornak” daw ang guma­gamit sa PNP-Criminal Investigation and Detection Group (CIDG) para makapa­ngotong sa mga ilegalista sa Metro Manila. (CHRISTIAN’S BOMB / CHRISTIAN HERNANDEZ)

Please follow and like us:
Read More

PAALAM 2019

BOMBA KA DAY

PAGSAPIT ng alas-12 ng hatinggabi bukas, tuluyan nang titiklop ang huling pahina ng kalendaryo ng 2019.

Hindi itataboy kundi lalapatan lang ng bago.

2020 na. Ang taon ng metal rat ayon sa Chinese zodiac.

Kapag bago, asahan ang preskong panimula na hatid ng kinakapitang pag-asa.

May iba’t ibang tra­disyon ang mga tao sa pagpasok ng bagong taon.

Madagundong ang pa­­putok upang itaboy ang malas, naghahanda ng malalagkit na pagkain para dumikit ang swerte at iba pa na ang tinutumbok ay maalwang pamumuhay, mabuting kalusugan at ma-gandang samahan at relasyon.

Gaano man kahirap o kapangit ang nagdaang taon, ang mga Pinoy ay laging nakatanaw sa magandang bukas.

Iyan na ata ang isa sa mga ugali natin na mahirap mabura ng panahon – PAG-ASA.

Nitong huling mga araw ng taong 2019, dinalaw ng kamalasan ang ilan nating kababayan. Labis silang sinalanta ng bagyong Ursula. Marami ang namatay.

Pero bago iyan, mala­king bahagi ng Mindanao ang niyanig ng magnitude 6.9 na lindol.

Kaya naman marami sa mga apektado ang nagdiwang ng Pasko sa mga tent at iba pang lugar na nagsil-bing evacuation center.

Napanood ko sa tele­bisyon ang interview sa ilang namamalagi sa tent. Abala sila noon sa pagluluto ng kanilang ihahanda para sa Noche Buena. Pangunahing pagkain ay spaghetti na mula sa ipinamahaging relief goods. Naroon ang pait sa kanilang mga ngiti dahil sa abang kalaga­yan na kailangan nilang pag-tiisan. Pero puno pa rin sila ng pasasalamat sa Poong Maykapal dahil nasira man at nagiba ang kanilang mga tahanan ay nanatiling buo ang kanilang pamilya.

Ang kanilang pagsasama-sama sa araw ng Pasko ay itinuturing nilang biyaya sa likod ng nangyaring tra-hedya.

Positibo pa rin ang kanilang pananaw at hindi nawawalan ng pag-asa.

Iyan din ang resulta sa survey na inilabas ng SWS nitong isang araw.

Ayon sa survey, nasa 96 porsiyento ng 1,200 Pinoy na tinanong ng SWS pollster ang nagsabing papasok sila sa taong 2020 nang may pag-asa sa halip na pangamba.

Ayon sa pag-aaral, apat na puntong mas mataas ito sa naitalang bilang ng mga Filipino na umaasa ng mas magandang hinaharap kumpara noong taong 2018.

Ayon sa SWS, ang pagiging positibo o pagkakaroon ng magandang pananaw ng mga Filipino sa tuwing papasok ang bagong taon ay laging mataas at hindi minsan man bumaba sa 80 bahag­dan mula nang magsagawa ng survey ang SWS simula taong 2000.

May pag-asa.

Ang pag-asa ay nasa puso ngunit hindi mabubuo tungo sa katuparan kung hindi gagawa ang mismong may katawan.

Nasa tao ang tunay na diwa ng pag-asa na gabay upang hindi panghinaan ng loob at harapin ang anomang mangyayari ngayong bagong taon.

Pananalig ang kasabay ng pag-asa upang matamo ang inaasam.

Isama na natin sa pagtiklop ng taon ang lungkot at hindi ang magagandang pangyayari.

May pag-asa ang tao at ito ay hindi lang nakaangkla sa bagong sigwa ng bagong taon.

Nawa’y salubungin na­ting lahat ang taong 2020 nang ligtas, payapa at maligaya.

Happy New Year sa ating lahat! (BOMBA KA DAY! / JO BARLIZO)

Please follow and like us:
Read More

PAG-ASA

PINOY ABROAD

“BAGAMAN ako’y ­patayin niya, akin ding hihintayin siya: gayonma’y aking aalalayan ang ­aking mga lakad sa harap niya.” (Job 13:15)

 

HINDI laging mangyayari ang gusto natin sa buhay. Kung minsan, sa halip na ang mga pagpapalang ipinangako, nakikita natin ang mga problema. Kung minsan, sa halip na ang mga tagumpay na ginarantiyahan, nakikita natin ang pagkatalo. Ano ang dapat gawin ng isang mananampalataya sa gayong mga kalagayan? Dapat na ba tayong mag-give up? Dapat na tayong tumigil sa tungkulin na itinawag sa atin dahil sa karanasan natin sa pagkakataong ganito? After all, ang mga planong bagay ay hindi pa nawawala ayon sa mga plano; hindi pa nawala ang paraan na sinabi ng Diyos na kanilang patutunguhan. Ito ba’y panahon na dapat natin panatilihin and kabiguan sa ating puso?

Sa katunayan, may mga pagkakataon na parang wala nang pag-asa at hindi na tayo makabangon sa masamang pangyayari, kung saan tila walang posibilidad na ­makabangon. Kahit tayo ay malapit nang mamatay. Ano ang dapat gawin? Hindi na maniwala sa Diyos nang lubusan? Itigil ang pagkakaroon ng pananampalataya sa Kanya? Kung ang mga pangako ng Diyos ay walang kaganapan sa buhay na ito, ano pa ang kahulugan ng buhay? Kung hihingin natin ang kanyang presensya at hindi ito nagreresulta na konretong pahayag, ano pa ang punto ng paghahangad ng kanyang presensya?

Para sa mga taong mananampalataya, gayunman, wala ni isa sa mga opsiyon na magkaroon ng anomang tunay na kahulugan. Pagdating sa ­pananampalataya sa Diyos, ito ay isang panukala na lahat o wala. Wala nang ibang pagpipilian, walang alternatibo sa pananampalataya sa Diyos. Hindi tayo maaaring ­gumamit ng ibang ­opsyon dahil kilala  natin ang Diyos. Alam natin na sa kabila ng lahat ng bagay, siya ang interes natin sa puso. Alam natin na siya ay nasa ating panig. Kaya ang resulta nito ay hindi natin siya pwedeng i-give up!

Kaya, bagama’t tila walang pag-asa ang ­inaasam na tagumpay, kahit ang kamatayan ay kinakaharap, patuloy pa rin tayong nagtitiwala sa Diyos. Hindi para lang makakuha ng mga bagay para sa ating sarili. Hindi tayo lang para lang mabuhay at hindi mamatay. Pumapaloob tayo   dahil naniniwala tayo sa Diyos. Hindi natin matutulungan ang ating mga sarili. Gumawa tayo ng desisyon na susunod sa kanya at umasa sa kanya at hindi para talikdan siya. Hilahin man  tayo ng ­kamatayan,  pero patuloy tayong nagtitiwala tayo sa kanya na aakayin tayo  tungo sa tagumpay on the other side.

Ngayon, pagbulayan natin ang mga salita ni Job: “Bagaman papatayin niya ako, gayunman ay umaasa ako sa kanya.” Hindi natin  naranasan ang masamang karanasan ni Job,  subalit hindi siya nawalan ng pag-asa, he never gave up hope! There is always hope. There is always, therefore, hope for us! (PINOY ABROAD / GUILLER VALENCIA)

Please follow and like us:
Read More

SOBRANG TINDI NAMAN NI SPEAKER CAYETANO

BAKBAKAN NATIN

NAGDESISYON si Speaker Alan Peter Cayetano na mamahagi ng P150,000 Christmas bonus sa bawat regular na kawani ng Kamara de Representantes.

Ganyan kalaking ­halaga ang ibinigay ni Cayetano sa mga kawani ng Kamara upang tiyaking mas mataas ang Christmas bonus na kanyang ipinamigay kumpara noong si Gloria Macapagal-Arroyo ang pinuno ng mababang kapulungan ng Kongreso.

Umabot sa P110,000 ang ipinamahagi noon ni Arroyo.

Siyempre, tuwang-tuwa ang mga empleyado ng mababang kapulungan noong panahon ni Arroyo.

Masayang-masaya rin sila ngayong panahon ni Cayetano.

Kaso, maraming ­nagreklamo, sapagkat ang totoong natanggap nila ay P112,000. May bawas na P38,000 bilang withholding tax. Kahit binawasan ng buwis, napakalaking bonus pa rin ang P112,000.

Kung sisipatin at uunawaing mabuti, napakasama ng ginawa ni ­Cayetano sapagkat nagbigay siya ng mahigit sandaang libong pera sa mga kawani samantalang napakapalpak ng Kamara sa ilalim ng kanyang liderato.

Apat na panukalang batas lang ang naipasa ng Kamara ni Cayetano.

Ito ay ang mga panukalang batas sa pagpapaliban ng eleksyon ng barangay at Sangguniang Kabataan, pagbibigay legalidad sa Malasakit Center ni Senador Christopher Lawrence “Bong” Go, Standardization Law of  2019 at ang General Appropriations Act for 2020.

Sa apat, dalawa ang inaprubahan ni Pangulong Rodrigo Duterte. Ito ay ang tungkol sa pagpapaliban ng halalan at Malasakit Center.

Tinatapos pa ng Senado ang Standardization Law at ang GAA 2020 naman ay binubusisi at pinag-aaralan pa ni Duterte bago lagdaan upang malaman kung mayroong badyet na pagkukunan ng karagdagang perang maipapasok sa bank accounts ng mga senador at kongresista o wala.

Napakalinaw ng kapalpakan ng Kamara sa liderato ni Cayetano, ngunit hindi siya nahiya sa mamamayang Filipino na bigyan ng P150,000 ang mga regular na kawani ng mababang kapulungan.

Gusto bang ipamukha ni Cayetano na siya ang ‘pinakamagaling’ na speaker dahil namigay siya ng P150,000 kaya dapat lang siyang manatiling speaker hanggang Hunyo 30, 2022?!

Kung gayon, sobra namang tindi ni Ginoong Alan Peter Cayetano sa pagpapapogi gamit ang pera ng pamahalaan.

Pokaragat na ‘yan!

Ang isa pang nakasusuka sa ginawa ni ­Cayetano ay ipinakalat niya sa media ang balitang napakataas ng inangat niya sa sarbey ng Pulse Asia mula Disyembre 3 hanggang 8 kumpara sa sarbey noong Setyembre dahil sa napakagandang ginawa ng Kamara.

Idiniin pa sa balita na dinaig ni Cayetano sa laki ng kanyang puntos, sina Pangulong Duterte, Bise Presidente Ma. Leonora Robredo at Senate President Vicente Sotto III.

Ang mataas na marka ni Cayetano sa sarbey ay resulta ng pagiging numero uno ng Team Pilipinas sa katatapos na South East Asian Games.

Sa madaling salita, ang pagiging kampeon ng mga manlalarong Filipino ang nagbigay ng mataas na marka kay Cayetano sa sarbey na ginawa habang nagaganap ang SEA Games.

Hindi ang nagawa ng Kamara mula Hulyo hanggang Disyembre 2.

Kung Kamara ang paksa sa sarbey, sinong tao ang matutuwa sa apat na panukalang batas na ipinasa ng Kamara samantalang ang lahat ng ito ay walang kinalaman sa pagtaas ng sahod ng mga manggagawa, guro at mamamahayag?

Walang panukalang batas para sa interes at kagalingan ng mga magsasaka at mangingisda.

Ang mayroon ay panukalang batas na naglalaan ng P500,000,000 pondo para sa proyekto ng bawat isang kongresista sa kani-kanilang distrito, kabilang diyan ang distrito ng mag-asawang Speaker Alan Peter Cayetano at Rep. Ma. Laarni Cayetano sa Lungsod ng Taguig at Munisipalidad ng Pateros.

Ngayon, sabihin n’yo kung tama o maling ­sabihing sobrang tindi ni Cayetano.

oOo

Alam ko na kayong mga mambabasa ay higit na maraming nalalaman kaysa inyong lingkod.

Kaya tumawag o mag-text na sa 0998 – 565 – 0271. (BAKBAKAN NATIN / NELSON BADILLA)

Please follow and like us:
Read More

NAG-AMOK NA SEKYU  SA DPWH, TATLO PATAY

PASABOG

ISANG malaking dagok sa pamunuan ng Department of Public Works and Highways (DPWH) ang nangyaring patayan sa loob ng parking area bago ang Kapaskuhan dahil ayon sa history ng DPWH, ito ang kauna-unahang insidente na tatlo ang  namatay on the spot sa bakuran ng ahensiyang ito.

Bakit kanyo? Ibig sabihin, walang binatbat o inutil ang namumuno ng security services, na siyang may hawak ng Cata­lina at Bisang Pass security agency na nakabantay sa mga exit at entry ng DPWH.

Para sa kaalaman ng avid readers ng kulom na ito, itong Bisang Pass at Catalina security agency ay isa ang may-ari, at mind you mga mambabasa, kaya bagyo ito sa DPWH ay dahil kamag-anak ito ng isang director.

Kaya kahit medyo hindi maganda ang serbisyo ng security agency na ito, walang pumupuna dahil, hindi ko alam kung mga takot, o baka naman dahil sa tinatawag na pakikisama.

Okey ba director? At hindi lang ‘yan, kapag mayroon nagiging problema ito sa loob ng DPWH, ito ang humaharap sa halip na itong may-ari ang gumawa ng paraan para maayos ang gusot.

At ito ngayon ang katanungan ng inyong lingkod, ito bang si Wilfredo Gamayon, ang suspek sa triple murder o pumatay sa tatlong biktima, ay dumaan sa Neuro exam? (PASABOG / FROILAN MORALLOS)

Please follow and like us:
Read More

RALI VS CPP-NPA-NDF

BOMBAHAN NA FINAL

KAKAIBA ang nangyari ngayong taon sa nakaraang mga taon ng anibersaryo ng Communist Party  of the Philippines-New Peoples Army-National Democratic Front of the Philippines (CPP-NPA-NDF).

Nitong nakaraang Huwebes (Dec. 26) ay nagkaroon ng nationwide protest ang iba’t ibang grupo laban sa CPP- NPA-NDF.

Ang ipinoprotesta ng iba’t ibang grupo ay hindi magandang karanasan ng kanilang mga anak, kapatid at kamag-anak  sa kamay ng CPP-NPA-NDF.

Sabi nga ng mga magulang na nakausap ng silipero ng ‘BOMBAHAN NA’, ang kanilang mga anak na nadoktrinahan ng CPP-NPA-NDF habang nag-aaral sa universities at colleges sa iba’t ibang lugar, ay nagiging matigas ang ulo.

Bukod sa hindi na sumusunod sa kanilang mga magulang ang mga estudyante na nadoktrinahan ng CPP-NPA-NDF, ay nasisira na rin ang kanilang mga pag-aaral.

Nawawalan na rin ng pagmamahal ang mga ito sa kanilang mga magulang, kapatid at kamag-anak.

Sabi pa ng mga magulang, malaki ang ipinagbago ng ugali ng kanilang mga anak sa makaraang madoktrinahan ng  CPP-NPA-NDF.

Iba na rin ang kanilang pananalita, laging bukang-bibig nila ang paglaban sa gobyerno at sa mga awtoridad.

“Sir, sawa na po ang taumbayan sa mga pananalita ng CPP-NPA-NDF dahil wala naman silang napala sa grupong rebelde/terorista,” sabi pa ng silipero ng ‘BOMBAHAN NA’.

Natatandaan pa natin noong ng nakaraang mga taon, ang CPP-NPA-NDF pa ang nagsasagawa ng mga rali tuwing anibersaryo (Dec. 26) nila, pero ngayon taumbayan na mismo ang gumagawa nito laban sa kanila.

“Iisa lang po ang ibig sabihan niyan sir, unti-unti nang nawawala ang tiwala sa kanila (CPP-NPA-NDF)”, ayon pa sa isang silipero ng ‘BOMBAHAN NA’.

“Tuwing nalalapit po ang kanilang anibersaryo taon-taon ay ambush dito, ambush doon ang nangyayari, na kadalasang may nadadamay na mga sibil­yan, tama po ba yun?,” pagtatanong ng isang sumama sa rali.

Partikular na tinukoy ay ang naganap na ambush kamakailan sa Brgy. Libuton, Borongan City, Eastern Samar na ikinamatay ng isang pulis at ilang sibilyan.

Hindi matanggap ng mga taga-Eastern Samar ang ginawa sa kanilang mga kamag-anak na sibilyan na nadamay sa nasabing ambush.

Kaya nagbanta ang Estehanon na gaganti sila sa mga rebelde sa nasabing pang-ambush.

Sabi pa ng mga residente sa kanayunan, perwisyo sa kanilang kabuhayan ang CPP-NPA-NDF dahil hindi sila magkapagtanim nang maayos sa kanilang mga sakahan, dahil kung anong hingiin ng mga ito  at kapag hindi naibigay ay nagtatanim ng galit sa mga magsasaka na humahantong pa sa kamatayan.

“Hikayos nga po kami sa aming pagsasaka ay hinihingian pa kami ng mga rebelde at ‘pag hindi kami nagbigay ay papatayin nila kami,” banggit ng magsasaka. Sa ganang akin po, kung ano po ang tama ay ‘yun po ang sundin nyo.

Maligaya at ligtas na pagsalubong ng Bagong Taon!

oOo

Pasabugin ang katiwalian, isumbong sa ‘BOMBAHAN NA’ mag-email sa joel2amongo@yahoo.com//operarioj45@gmail.com. (BOMBAHAN NA! / JOEL AMONGO)

Please follow and like us:
Read More

KUNG MAY DELICADEZA SI USEC. VILLAR DAPAT MAG-RESIGN NA SIYA SA DOJ

CHRISTIAN BOMB

NABISTO, na si Justice Usec. Emmeline Aglipay-Villar, misis ni Department of Public Works and Highways (DPWH) Mark Villar ang isa sa mga nag-review sa water concession contract ng mga nakaraang administrasyong Ramos at Arroyo sa Manila Water at Maynilad.

Ang gobyerno ni dating Pangulong Fidel V. Ramos ang unang pumasok sa kasunduan na ang kontrata sa pamamahala ng Manila Water at Maynilad sa Metro Manila, Cavite at Rizal ay mapapaso sa taong 2022 at sa panahon ng dating gobyerno ni ex-Pres. Gloria Macapagal-Arroyo ay in-extend ang kontrata ng hanggang taong 2037.

Sa pinasok na kontrata ng gobyernong FVR sa Manila Water at Maynilad ay talo ang pamahalaan at taumbayan dahil isa sa nakasaad sa kasunduan, kapag nalugi ang mga kumpanya, ang lugi ay sa gobyerno babawiin ng Manila Water at Maynilad.

Iyan ang ikinagalit ni Pres. Rodrigo Duterte lalu’t natalo sa Permanent Court of Arbitration sa Singapore ang Pilipinas, na ang utos sa Philippine government ay bayaran ng pinagsamang mahigit P10 bilyon ang Manila Water at Maynilad dahil nalugi raw ang mga kumpanya nang tumanggi ang dating administrasyon ni ex-Pres. Benigno Aquino III na magtaas ang mga ito ng singil sa tubig.

Minura at pinagbantaan ni Pres. Duterte na sasampalin, kakasuhan, ipapakulong ang mga Ayala ng Manila Water at si Manny V. Pangilinan ng Maynilad, at pagkaraan niyan ay kinansela na ng MWSS ang kontratang hanggang 2037, na ibig sabihin, hanggang taong 2022 na lang ang pamamahala ng Manila Water at Maynilad sa serbisyo ng tubig sa Metro Manila, Cavite at Rizal dahil may iba nang kumpanyang papalit sa kanila.

Ang pagkansela ba ng MWSS sa kontratang ito ay ibinase sa review ng DOJ, na ang isa sa reviewer ay si Usec. Villar, na ang pamilya ay nagmamay-ari naman ng Prime Water ?

Malinaw na may conflict of interes diyan, kaya’t kung may natitira pang delicadeza si Usec. Villar sa kanyang sarili, dapat mag-resign na siya sa puwesto. (CHRISTIAN’S BOMB / Christian Hernandez)

Please follow and like us:
Read More

GISAHIN SINA SY JR. AT COYIUTO JR. SA KONGRESO HINGGIL SA NGCP

BAKBAKAN NATIN

NGAYONG mayroon tayong matapang at may ‘bayag’ na pangulo ng bansa laban sa mga oligarko mula nang mawala sa Malakanyang si Ferdinand Marcos Sr. noong Pebrero 1986, nararapat lamang na busisiin at imbestigahan nang husto ng mga kasapi ng dalawang kapulungan ng Kongreso ang kontrobersiya tungkol sa pagiging kasosyo ng kumpanya o consortium na mayroong kontrol sa National Grid Corporation of the Philippines (NGCP) ang mismong pamahalaan ng People’s Republic of China.

Magandang pagkakataon itong hindi dapat palampasin ng mga senador at kongresista kumpara sa panahon nina Corazon Aquino, Fidel Ramos, Joseph Estrada, Gloria Macapagal – Arroyo at Benigno Simeon Cojuangco Aquino III, na pare-parehong sagad-saring kumampi sa mga oligarko.

Sa panahon ni Arroyo napasok ng Oro Grid Resources Corporation (MOGRC) na pag-aari ni Henry Sy Jr. at ng Calaca High Power Corp. (CHPC) na pag-aari naman ni Robert Coyiuto Jr., ang NGCP.

Nasa kabuuang 60 porsiyento ang kontrol nina Sy Jr. at Coyiuto Jr. sa NGCP, samantalang ang natitirang 40% ay pag-aari naman ng State Grid Corporation of China (SGCC).

Ang may-ari ng SGCC ay ang estado ng China.

Sa esensya, ang ibig sabihin nito ay pag-aari ng iilang opisyal ng Chinese Communist Party (CCP) ang SGCC, sapagkat ang pamahalaan ng China ay kontrolado at pinamahalaan ng isang pangkat ng mga kadre ng CCP, na pinamumunuan ngayon ni Pangulong Xi Jinping.

Samakatuwid, ang 40 porsiyentong pag-aari ng pamahalaan ng China ay pag-aari rin ng isang pangkat ng mga pinuno ng partido komunista ng China.

Sa kolum ko noong Disyembre 1, nabanggit kong ang kumpanya o consortium ng MOGRC ni Sy Jr., CHPC ni Coyiuto Jr. at SGCC ay mayroong 25-taong concession contract at 50-taong haba ng kontrata sa prangkisa upang patakbuhin at pamahalaan ang sistemang elektrisidad sa Pilipinas batay sa Republic Act No. 9511.

Ipinasa ang R.A. 9511 ng Kongreso noong 2009 at nilagdaan ni Pangulong Macapagal-Arroyo.

Siyempre, mula noon ay kumikita na bilyun-bilyon kada taon ang NGCP mula sa -kuryenteng isinusuplay nito sa mga kumpanyang distribyutor ng elektrisidad sa bawat bahay tulad ng Manila Electric Company (Meralco) sa Metro Manila.

Kaya mula noon ay bilyun-bilyon din kada taon ang kinikita nina Sy Jr. at Coyiuto Jr. mula sa elektrisidad.

Bilyun-bilyon din ang ipinapadalang tubo ng SGCC sa pamahalaan ng China. At tatagal pa ito ng napakahabang mga taon.

Nakakaalarma ang direktang pagpasok ng kumpanyang pag-aari ng pamahalaan ng China sa negosyo ng elektrisidad sa Pilipinas, lalo pa’t ang pamahalaang ito na kontrolado ng pangkat ng mga pinuno ng CCP ay matagal nang gigil na gigil na sakupin at angkinin ang substansiyal na bahagi ng bansa.

Naniniwala akong hindi maaaring hanggang pagsisiwalat at ‘muling pagbuhay’ ni Senador Ana Theresia “Risa” Hontiveros sa 40% kontrol ng China sa NGCC lamang umabot ang napakakontrobersiyal na isyung ito.

Kailangan at obligadong gisahin ng dalawang kapulungan ng Kongreso sina Henry Sy Jr. at Robert Coyiuto Jr. hinggil sa pagiging kasosyo nila ang SGCC sa NGCP.

Kailangang komprontahin din ng mga mambabatas ang mga Intsik na sina Zhu Guangcha, chairperson ng NGCP; Wen Bo, chief technical officer; at Liu Zhaoquiang, assistant chief technical officer for operations and maintenance ng NGCP.

Malalaman natin kung mayroong mga ‘bayag’ ang mga senador at kongresista na imbestigahan, komprontahin at gisahin nila ang mga bilyonaryong sina Sy Jr. at Coyiuto Jr. at ganoon din ang mga komunistang itinalaga ng pamahalaang China sa SGCC upang patakbuhin at pamahalaan ang NGCP.

Tingnan natin kung kayang supalpalin ng mga senador at kongresista ang mga binanggit kong tao tulad nang ginagawa nila sa mga opisyal ng pamahalaan tuwing magkakaroon ng imbestigasyon sa Senado at Kamara de Representantes sa mga anomalya at iskam na nagaganap sa iba’t ibang ahensiya ng pamahalaan.

oOo

Alam ko na kayong mga mambabasa ay higit na maraming nalalaman kaysa inyong lingkod.

Kaya tumawag o mag-text na sa 0998 – 565 – 0271 (BAKBAKAN NATIN / Nelson Badilla)

Please follow and like us:
Read More

AMBULANCE FOR RENT, HEALTH CENTER AT IBA PA…

KAAA BOOM

ANO itong nakarating sa atin na sumbong na nagmimistulang ang ambulansiya sa Angono Government ay pinarerentahan? Ganun? Bakit?

Ang siste raw kasi kung wala kang wala kang pera ay hindi ka makasasakay sa ambulansiya…Why?

Kasi kailangan daw na may pang-gas ang isang pasyente bago sila maitakbo sa ospital na nais nilang pagdalhan sa kanila. Anong nagyari? Bakit ang mismong pasyente ang magbabayad? Paano kung walang pang gas ang mga ito? Mamamatay na lang at hindi nito itatakbo?

Hindi lamang pala pang-gas ang problema ng mga nais na magpatakbo sa mga ospital kungdi dapat din na mayroon kang pambigay sa driver na dalawang daang piso… naku po, naloko na.

Ito raw ang nangyayari sa Barangay Mahabang Parang, Angono, Rizal na pinamumunuan ni Kapitan Jojo Villangca? tanong bakit ganito Kap, ang naging proseso sa ambulansiya? nasaan ang naka-allocate na gas sa ambulansiya? Nawawala ba? O sadyang walang allocation na itinakda sa budget ng barangay?

Obvious na para sa bayan ang ambulansya, hindi naman kasi ito pag-aari ng pribado. So, kung para sa bayan, malinaw pa sa liwanag ng buwan na walang bayad ang paggamit nito. Libre ang paggamit. Tama?

Base pa reklamo ng mga residente ng nasabing barangay, pahirapan daw kapag walang maiabot ang kaanak ng nangangailangan ng ambulansya para dalhin sa ospital ang mga pasyente, hindi sila iintindihin pero kung mayroon maiabot, mas mabilis pa sa lipad ng eroplano ang takbo ng ambulansya. bwahahaha…

Nakarating na kaya kay Angono Mayor Jeramae Calderon ang mga ganitong gawain, o sa ama nito na si Vice Mayor Gerry Calderon na matagal na naging ama ng bayan.

Sa aking pagkakaalam, magaling si Gerry pagdating sa pagbibigay ng serbisyo publiko pero bakit mayroong mga ganitong nangyayari.

Hindi lamang ambulansiya ang may bayad sa Barangay Mahabang Parang kundi pati na rin ang Health Center ay mayroong din naniningil… hehehe nalintikan…

Kadalasan daw na pinababayaran ang mga serbisyo pati na ang gamot. Ganern? Aysus, nakaletse-letse. Gamot may bayad o galing sa Department of Health ang mga gamot sa center ‘di ba? Bakit pinababayaran n’yo?

Ayaw na ayaw ng aking Kuya Senator Bong Go ang ganitong gawain kaya nga nagtayo siya ng mga “Malasakit Center” para maging libre ang pagpapagamot ng mga mahihirap na mga Filipino.

Alam din kaya ng mag-amang Calderon na masusungit sa mga pasyente ang health workers daw sa health center? Biruin mo, hirap ka na susungitan ka pa. Dapat sana Mayor Jeramae, ang mga ganitong mga kawani ay agad ninyong sibakin dahil wala silang karapatan na maging government employee.

Isa pa itong mga senior citizen daw sa nabanggit na barangay ay atrasado raw ang natatanggap na pension dahil daw ito sa kakuparan ng proseso. Ano pa ang hinihintay ninyo, action na po Mayor at Vice Mayor, bago tuluyan masira pa ang pangalan ninyo? KABOOM… (KAAA…BOOM!!! /  JOEL GOROSPE)

Please follow and like us:
Read More

PAGKATAPOS NG TIGIL-PUTUKAN, SANA USAPANG-PANGKAPAYAPAAN NAMAN

CHRISTIAN BOMB

SA joint statement na nilagdaan sa Utrecht, Netherlands, nagkasundo ang gobyernong Duterte at National Democratic Front-Communist Party of the Philippines (NDF-CPP) na magpairal ng tigil-putukan sa panahon ng Kapaskuhan hanggang sa pagsapit ng Bagong Taon.

Magandang balita iyan para sa sambayanang Pilipino upang maging payapa ang pagdiriwang ng Pasko at Bagong Taon sa bansa.

Ngayon may deklarasyong tigil-putukan ang pamahalaan at NDF-CPP, sana ang kasunod nito ay pagpapatuloy ng usapang pangkapayapaan.

Natigil ang peace talks sa pagitan ng gobyerno at NDF-CPP dahil sa alegasyon na pagsalakay ng militar sa kampo ng mga New People’s Army (NPA), at sa alegasyon ng mga awtoridad na pananambang ng mga rebelde sa mga sundalo at pulis.

Dahil naniwala si Pres. Duterte sa ulat ng militar na nilalabag ng NDF-CPP ang napagkasunduang tigil-putukan ay kinansela ng Pangulo ang peace talks at inutusan ang tropa ng pamahalaan na lusubin ang mga kampo ng mga rebelde at dahil diyan nag-utos din si CPP Chairman Jose Ma. Sison sa NPA na magsagawa ng ambush sa mga sundalo at pulis.

Ngayong nagkasundo na uli ang gobyernong Duterte at NDF-CPP na magpairal ng tigil-putukan ngayon panahon ng Kapaskuhan at Bagong Taon, sana ay maging susi na iyan para ipagpatuloy na rin ang usapang pangkapayapaan.

Tutal, may alok na uli si Pres. Duterte na usapang pangkapayapaan, sana ay tanggapin na uli ito ng NDF-CPP.

Napakatagal na ang nangyayayaring “digmaan” ng Pilipino laban sa Pilipino sa kanayunan, kaya’t sana matuloy na uli ang peace talks alang-alang sa kapakanan ng bayan at mamamayan.

oOo

TIMBRE: Paging Bulacan PNP Director, Col. Emma Libunao, sa Meycauayan City ay tuloy pa rin daw ang operasyon ng pergalan o peryahang may sugalan ni “Lourdes Tomboy”…Paging Mayor Oscar Malapitan, sa Bagong Barrio, Caloocan City ay may pa-lotteng at bookies daw si “Dani Kamote.” (CHRISTIAN’S BOMB / CHRISTIAN HERNANDEZ)

Please follow and like us:
Read More

HUMINGI

PINOY ABROAD

MAGSIHINGI kayo at kayo’y bibigyan; magsihanap kayo, at kayo’y mangakasusumpong; magsituktok kayo, at kayo’y bubuksan: Sapagka’t ang bawat humihingi ay tumatanggap; at ang humahanap ay nakasusumpong; at ang tumutuktok ay binubuksan. Mateo 7:7-8.

Likas na sa tao na madaling sumuko. May sawikain na, “kung sa una mong tangka ay hindi ka nagtagumpay, huwag kailanman subukang muli.”

Ang ating mga talata ngayon, ay ituro ang kabaligtaran na mga aralin. Pagdating sa paghiling ng mga bagay na kailangan natin sa Diyos, dapat tayong maging masigasig.

Sa Lukas 11:5-8, ang istorya ng kaibigan na makulit na humihingi ng tulong kahit pa oras na ng pagtulog. Dahil kaibigan, kaya’t siya’y binigyan.

Gayundin ang sabi ni Jesus, kung hingin natin, ito ay ibibigay sa atin. Marahil ito ay na­ging malinaw na direktiba para sa mga disipulo ni Jesukristo. Subalit gaano kadalas ba ito nangyari na tayo ay malulong sa ating mga paghihirap at kalimutan na bumaling sa Diyos at magtanong? Sa halip na madala ang Diyos sa gayong sitwasyon, tila pinalalabo natin sa pamamagitan ng paghahanap ng anomang kailangan natin sa ating sarili. Sa gayung mga sitwasyon, si Jesus ay hindi lamang pinapayo na humiling bagkus ito’y ipinag-uutos niya.

Nais Niya tayong humiling nang lubos. Kung hahanapin natin ang kailangan natin mula sa Diyos, makikita natin ito. Madali ang humingi at manalangin subalit madali ring napuputol o nawawala agad dahil sa mga pangyayari. Sinasabi ni Jesus na ang isang bagay na palagian at paulit-ulit na sinasabi ay nangangahulugang ito ay kailangan.

Dapat ay patuloy tayong humingi sa Diyos kung ano ang kailangan natin hanggang sa masumpungan natin.

Sa huli, si Jesus ay nag-utos na dapat tayong kumatok sa pinto. Kapag lahat ng ating paghi­ling at paghahanap ng a­ting kailangan ay inilapit sa Kanya, ito mismo ay maghahatid sa atin sa pintuan ng langit. Kung magkagayon, hindi lamang dapat tayo nakatayo roon at maghintay na lamang. Dapat tayong kumatok sa pinto. Kung gagawin natin ito, ang pintuan ay mabubuksan sa atin. Ipinakikita natin sa Diyos ang katapatan ng ating mga intensyon sa pamamagitan ng paghi­ngi, paghahanap, at pagkatok, siya ay magbubukas ng pinto at nagbibigay sa atin ng kailangan natin mula sa kanyang kamalig.

Nais ni Jesus na nagbubunga tayo. Ang ating mga panalangin ay nila­yon upang tulungan tayong magkaroon ng mga bunga (Juan 15:16). Lahat ng a­ting marubdob na paghi­ling, paghahanap, at pagkatok ay nagpapakita sa Diyos na tayo ay seryoso at taimtim tungkol dito. (PINOY ABROAD / GUILLER VALENCIA)

Please follow and like us:
Read More

MAYROON NA NAMANG PUGAD NG ECSTACY SA MAKATI

BAKBAKAN NATIN

HINDI bawal ang entertainment business sa Lungsod ng Makati, sapagkat kung bawal ay matagal nang patay ang Bistro RJ ni Presidential Adviser on Economic Affairs Ramon Jacinto.

Ang totoo, isa sa nagbibigay-liwanag at kasiyahan tuwing gabi sa Makati ang entertainment industry.

Ang masama rito ay mayroong mga establisimiyentong umaabot sa ilegal na droga ang nakapapasok sa kanila tulad ng isang club na dating nahulihan ng mga ope­ratiba ng National Capital Region Police Office (NCRPO), sa pangunguna ng dating hepe nito na si Major General Guillermo Lorenzo Eleazar, ng ilegal na droga mula sa mga nagtatrabaho sa nasabing establisimiyento at mga kustomer nila.

Walang nagawa ang mga may-ari at nagpapatakbo ng nasabing ‘bahay-aliwan’ kahit napakalakas nila sa administrasyong Binay.

Mula noon, wala nang napabalitang bahay-aliwan na mayroong ilegal na droga, kabilang na ang ecstacy.

Ngayon na lang ulit nagkaroon ng masamang balita ang Lungsod ng Makati hinggil sa ecstasy.

Isa ang ‘Bakakan Natin!’ sa mga nakakuha ng impormasyon hinggil sa isang establisimiyentong ‘pugad’ ng ecstacy.

Salamat sa tiwalang ibinigay sa Diaryo Bomba, partikular na sa ‘Bakbakan Natin!’

Gabi-gabing nagaganap ang abot-langit na kasiyahan sa isang establisimiyento sa Makati.

Ang kasiyahan ay resulta ng ecstacy na ginagamit ng karamihan ng mga nagpupunta gabi-gabi sa nasabing establisimiyento o hostel. Dito na rin umano nagkakabilihan ng ecstacy.

Hindi talo ang mga nakabibili sapagkat high-grade ang ecstasy na “liquid form” pa. Kapag liquid daw, tiyak napakalakas ng tama.

Isang abogado na da­ting konektado sa Office of the Ombudsman ang mayroong opisina sa gusali o hostel na mayroong bahay-aliwan na sinasabing pugad ng ecstacy.

Napakatindi ng kawalanghiyaan ng nasabing hostel sa Poblacion Makati, sapagkat bukod sa talamak na bentahan ng mataas na klase ng ecstasy, mayroon pang prostitusyon.

Ngunit patuloy na namamayagpag hanggang ngayon kahit mahigpit si Mayor Binay laban sa ilegal na droga at prostitusyon.

Isa ba ang hostel sa “untouchable” sa admi­nistrasyong Binay o walang impormasyong nakararating kay Mayor Binay kaya hindi ginagalaw ang nasabing hostel ng pulisya ng Makati na matagal nang pinamumunuan ni Col. Roger Simon.

Bukod sa ilegal na droga at prostitusyon, nagagamit din ang gusali o ang hostel ng negos­yanteng Intsik na pasok sa industriya ng Philippine Offshore Gaming Operator (POGO) na tahasang ipinagbawal na ni Binay.

Napakarami nang bawal na patuloy na ginagawa sa nasabing hostel sa Brgy. Poblacion.

Tingnan natin sa susunod na mga araw kung aaksiyon ang Philippine Drug Enforcement Agency (PDEA), NCRPO at administrayon ni Abby Binay.

Abangan!

oOo

Alam ko na kayong mga mambabasa ay higit na maraming nalalaman kaysa inyong lingkod. Kaya tumawag o mag-text na sa 0998 – 565 – 0271. (BAKBAKAN NATIN / NELSON BADILLA)

Please follow and like us:
Read More

DESISYON NG KORTE SA MAGUINDANAO MASSACRE

BOMBAHAN NA FINAL

MAKALIPAS ang 10 taon na paglilitis sa sala ng Quezon City Regional Trial Court (QCRTC) sa kasong Maguindanao Massacre, nadesisyunan na ito noong Disyembre 19.

Guilty ang hatol ng korte sa pangunahing mga suspek na sina Andal Ampatuan Sr. (pumanaw na); Andal Ampatuan, Jr.; Zaldy Ampatuan at iba pa.

Marami rin namang naabswelto sa mga kamag-anak ng Ampatuan na idinadawit sa maramihang pagpatay, at ilang mga awtoridad.

Malayo pa ang lalakbayin ng kasong ito dahil pwede pang umabot ng Court of Appeals at ang huli ay sa Korte Suprema.

Dito na papasok ang pahabaan ng pisi, kung baga tiyagaan ang kasong ito, matira ang matibay.

Maraming sakripisyo sa mga complainant ang ilalaan dito kabilang na ang pera at pagod.

Kung sa QCRTC pa lang ay inabot na ng 10 taon bago nadesisyunan ang kaso, paano pa kaya ang Court of Appeals at Korte Suprema?

Ibig sabihin, another 20 years? Wow!

Sa panahon na ‘yun, mga senior na ang pangunahing mga suspek o baka mga patay na sila.

Sir, ganyan po ba talaga katagal ang mga kaso sa atin? Tanong ng isa sa mga silipero ng ‘BOMBAHAN NA’.

Marami pong dahilan ang naririnig natin kung bakit daw matagal ang mga kaso sa Pinas.

Kabilang na rito ang kakulangan ng empleyado sa mga korte, kulang sa pondo, kulang ng mga hukom at inaabutan na rin ng retirement ng judge. ‘Yan ang ilan sa nagiging sanhi ng delay.

Lalo na ngayon na maraming nakulong sa kampanya ng gobyerno laban sa ilegal na droga.

Hay naku! Kaya, lamang ang may pera na nakakulong dahil lalo silang natatagalan bago madesisyunan at lumalaki ang pagkakataon na magkaroon ng korapsyon.

Mas mabilis na desisyon ng kaso sa korte, mas lumiliit ang tsansa na magkaroon ng lagayan.

Sana po sir, makita ‘yan ng ating mga mambabatas kasi kawawa naman po ang mga ordinaryong mamamayan na biktima ng karahasan ng may pera, banggit pa isang silipero ng ‘BOMBAHAN NA’.

Kaya nga po, napakahalaga na ang ating pipiliing mga senador at kongresista ay may malasakit sa tao dahil sila po ang gumagawa ng mga batas.

Sila po ang nakakaa­lam kung ano ang ikabubuti ng taumbayan. At sana po ay basbasan sila ng banal na espiritu ng Panginoon habang gu­magawa sila ng batas para maging patas ang gagawin nilang batas.

Maligayang Pasko at Manigong Bagong Taon po!

oOo

Pasabugin ang katiwalian, isumbong sa ‘BOMBAHAN NA’, mag-email joel2amongo@yahoo.com//operarioj45@gmail.com. (BOMBAHAN NA! / JOEL AMONGO)

Please follow and like us:
Read More

PINAKONG KASAL

yourservice

PINANGAKUAN ka na ba ng kasal?

May kaibigan ka ba o ‘di kaya’y kamag-anak na pinangakuan ng kasal? Isang pangakong napako na lamang at iniwan kang luhaan? Ngunit ang mas magandang tanong — may mahahabol ba tayo sa taong nangako ng kasal sa ilalim ng batas? Ang sitwasyong ito’y hindi na bago sa a­ting lipunan. Sa totoo lang, laganap ang pangyayaring ito — may maririnig o mababalitaan tayong isang babae na pinangakuan ng isang lalaki ng kasal — pangakong napako — at bigla na lamang naglaho ang nangako.

Paano ngayon ang babae? Iiwan na lamang ba natin siyang lumuluha at nag-iisa? Ano ba ang maaaring gawin ng batas?

Parang teleseryeng punompuno ng paghihinagpis at pakikipaglaban sa tadhana.

Ayon sa ating batas at maging sa mga utos na nilabas ng ating Kataas-taasang Hukuman  — hindi natin maaaring ihabla ang isang taong hindi tumupad sa kanyang pangakong magpakasal. Masakit, nakapanlulumo, nakakainis, nakagagalit — ngunit, ‘pag iisipin nating mabuti, walang batayan upang ihabla ang isang tao dahil lamang sa ‘di pagtupad ng kanyang pangakong magpakasal — ayon sa iba’t ibang kaso na nailabas na noon pa at hanggang ngayon — hindi ito batayan upang maihabla.

Ngunit — hindi po dito nagtatapos ang kwento. Hindi natin maaaring ihabla dahil lamang sa napakong pangako, pero pwede natin kasuhan kung dahil sa kanyang pangako ay nagkaroon ng gastusin ang babae kaugnay sa pagpapakasal tulad ng pagbayad na sa mga bulaklak, sa lugar ng handaan, sa simbahan, sa mga traje de boda at mga damit ng mga abay at maging ang mga magulang at isama na rin dito ang pagbayad sa pagkain na ihahanda ng caterer at marami pang iba.

Dahil sa pangakong binitawan ng lalaki na sila’y magpapakasal at hinayaan niyang ituloy ang mga preparasyon para rito ngunit wala naman pala siyang balak tuparin o magbabago lamang siya ng isip sa huling sandali — binubuksan niya ang kanyang sarili na kasuhan at singilin ng danyos o tinatawag natin na “da­mages”. Kasama na rin dito ang kahihiyan na haharapin hindi lamang ng babae kundi ng kanyang mga magulang at buong kaanak, lalo na kung ma­rami silang inanyayahan sa napakong kasalan.

Sa aking munting palagay, seryoso ang ritwal ng kasal — maging sa anong relihiyon man ito gawin. Ang kasal, ayon sa ating Family Code, ay isang institusyong social na hindi kailanman pwedeng galusan — ito’y hindi isang pangkaraniwang kasulatan o kasunduan ng dalawang kinakasal kundi isang institusyong bumubuo ng isang pamilya sa ilalim ng ating saligang batas. Ito’y panghabambuhay at hindi maaaring buwagin ninuman, pwera lang kung may mga kadahilanan na pinapahintulot sa ilalim ng ating Family Code.

Ito’y isang desisyong panghabambuhay. Hindi ito biro or laru-laro na pwede nating tigilan kung tayo’s nagsawa na o ayaw na natin. Kaya’t isipin mabuti bago magpakasal — huwag pabugsu-bugso na magbitaw ng salita o biro tungkol sa pagpapakasal. Hindi lamang ito nakasasakit sa ating kapwa kundi ito’y nagbibigay ng isang masamang imahe ng iyong katauhan. Liban dito, hahabulin din tayo ng batas kung sa ating biro or napakong pangako — maraming tao ang naperwisyo sa panahon, pera, kahihiyan at nasaktan ang damdamin. Hahatulan ka ng batas sa iyong pangakong napako. (@YOURSERVICE / ATTY. DAVID AQUINO)

Please follow and like us:
Read More

OTS SA NAIA MGA WALANG MODO

PASABOG

I AM not saying, na lahat ng mga taga Office Transportation Security (OTS) na naka-assign sa mga paliparan ay mga dispalinghado but base on my experience, every now and then, karamihan sa mga ito ay walang modo.

Or lumilihis sa ipinag-uutos ng Manila International Airport Authority (MIAA) sa ilalim ni MIAA General Manager Ed Monreal, na ipatupad ang makataong pakikitungo partikular na sa mga pasahero at maging sa airport users.

Meaning, porket tinagurian kayong front liner ng airport magagawa n’yo na ang lahat kahit hindi maganda sa paningin ng taong bayan. Siguro, nakalimutan ng mga ito ang tinatawag na courtesy.

Ang naturang kautusan ni GM ay mayroon paggalang ‘with a smile’ at makataong pagkapkap sa mga incoming o papasok sa mga aiport  at higit sa lahat walang exemp­ted dito maliban kina GM at manager ng mga airport.

Take note, mga OTS na taliwas ang pag-iisip, ha, ha! Ito ha! Kung hindi ba naman kayo mga  gag……….o pati ba naman mga taga media na nagkokober sa NAIA kung makapkap n’yo parang mga may dala kaming mga kontrabando.

Bakit ba itong mga airport police kung pumasok at lumabas sa NAIA, mayroon ba kayong nagagawa sa mga ito or kinakpakapan n’yo ba? At pati itong mga papasok na mga OTS, exempted ba kayo?  Nek-nek n’yo!

Kung magpapatupad kayo ng order, be sure na wala kayong pinipili, kailangan lahat dumaan sa kautusan, mantakin mo kaming mga taga media na itinuturing na fourth state, kung makapkapan n’yo parang wala kayong galang, pati mga bag, kung halughugin n’yo para mayroong mga itinatago.

Kung makaasta kayo, parang kayo na ang batas, bakit malilinis ba kayo? Ha, ha, ha! Sagutin n’yo ito, mga bugok, sige nga, kung malinis kayo, ilan na ba sa kasamahan n’yo ang nasabit sa kawanghiyaan? Ha, ha, ha! (PASABOG / FROILAN MORALLOS)

Please follow and like us:
Read More

CRIMINAL JUSTICE SYSTEM BAGUHIN, ‘ONE DAY TRIAL’ SA HEINOUS CRIME IPAIRAL NA

CHRISTIAN BOMB

MAKALIPAS ang sampung taon, nakamit din ang hustisya ng 58 kataong biktima sa Maguindanao Massacre, na karamihan sa mga pinatay ay mga journalist at kababaihan.

Hinatulang guilty ni Quezon City Regional Trial Court Judge Jocelyn Solis-Reyes na may parusang habambuhay na pagkakakulong ang magkakapatid na Ampatuan na nasa likod ng krimen noong Nobyembre 23, 2009.

Ganito ang justice system sa ating bansa, kapag mayayamang politiko ang gumawa ng kasalanan ay umaabot ng dekada bago mapatunayang nagkasala.

Pero ang mahihirap, kapag nakagawa ng krimen ay simbilis ng kidlat kung hatulan ng korte.

May mga pagkakataon pa nga na may mahihirap na napagbintangan sa mga kasalanang hindi nila ginawa ay nakukulong agad.

Dahil nga sa isang dekada inabot ang kasong Maguindanao massacre, isang dekada rin naghirap ang kalooban ng pamilya ng mga biktima, isang dekada silang kakaba-kaba na posibleng may ga­wing masama sa kanila ang mga makapangyarihang akusado sa krimen.

Upang hindi na maulit ang ganyang katagal na pagdinig ng kaso, dapat ay ipairal na ng Supreme Court (SC) ang hiling ng Integrated Bar of the Phi­lippines (IBP) na “one day trial” sa mga kasong may kaugnayan sa mga karumal-dumal na krimen.

Panahon na talagang baguhin ang criminal justice system sa bansa upang mapabilis ang mga pag­lilitis sa kaso at makamit agad ng mga biktima ng karumal-dumal na krimen ang hustisya.

oOo

TIMBRE: Paging PNP-Region 4-A Commander, Brig. Gen. Vicente Danao, may isang alyas “Franz” daw ang may ilegal na drop balls sa Tanauan City, Batangas…Paging PNP-Region 3 Commander Brig. Gen. Rodel Sermonia, isang alyas “Carlito” raw may pa-video karera sa Meycauayan City, Bulacan. (CHRISTIAN’S BOMB / CHRISTIAN HERNANDEZ)

Please follow and like us:
Read More

‘PAMILYA VILLAR KONTROLADO ANG 63 ‘WATER DISTRICTS’ SA BANSA

BAKBAKAN NATIN

MAGLINAW muna tayo, hindi pinababagsak ni Pangulong Rodrigo Duterte kundi iwinawasto lamang niya ang pagiging ganid sa tubo ng dalawang oligarko (Manila Water Company Inc. at Maynilad Water Services Inc.) sa negosyong distribyusyon ng tubig sa Metro Manila at mga karatig na lalawigan.

Ang pangulo na totoo at tanging nagpabagsak sa oligarkong pamilya Lopez ay ang namayapang Pangulong Ferdinand E. Marcos.

Naganap ito noong 1973 nang magpasya si Marcos na kunin ng pamahalaan ang Manila Electric Company (Meralco) mula sa pag-aari, kontrol at pamamahala ng pamilya Lopez.

Hindi nagdalawang-isip si Marcos na pabagsakin ang pamilya Lopez kahit naging pangalawang pangulo niya si Fernando Lopez mula 1965 hanggang 1972.

Si Lopez ay nakababata at tanging kapatid ni Eugenio Lopez Sr., ang namayapang ‘boss’ sa mga negosyo ng pamilya Lopez.

Mula nang mawala si Marcos sa kapangyarihan ng estado noong 1986, lahat ng pangulo ng bansa mula kay Corazon Aquino hanggang sa anak nitong si Benigno Simeon Cojuangco Aquino III ay naging kaibigan, kadikit at makapangyarihang taga­suporta ng pamilya Lopez.

Ngayong si Rodrigo Duterte na ang pangulo ng Republika ng Pilipinas muling nakatapat ang pamilya Lopez ng matapang na pangulo.

Kaya delikado ang ABS-CBN Corporation dahil hinaharang ni Duterte ang pagpasa ng prangkisa nito.

Ang ABS-CBN ay isa sa tatlong kumpanya sa media na ginamit ng pamilya Lopez noon laban kay Marcos.

Ang dalawa pa ay ang The Manila Times at Manila Chronicle.

Hindi na pag-aari ng mga Lopez ang The Manila Times, samantalang matagal na ring nagsara ang Manila Chronicle.

Ang pagtanggi ni Duterte na bayaran ang sinisingil na P7.39 bilyon ng Manila Water at P3.4 bilyon ng Maynilad sa pamahalaan, alinsunod sa utos ng Permanent Court of Arbitration (PCA) sa Singapore at pagbabago ng kontrata ng dalawang kumpanya sa Metropolitan Waterworks and Sewe­rage System (MWSS), ay pagtutuwid lamang sa mga kontra-mamamayang pagnenegosyo ng Manila Water at Maynilad.

Ang Manila Water ay kontrolado ng pamilya Ayala at mga kasosyo nilang mga dayuhang negosyante.

Ang Maynilad naman ay hawak at kontrolado ni Antoni Salim (negos­yanteng Indonesian) sa pamamagitan ng Metro Pacific Investment Corporations at pamilya Consunji sa pamamagitan naman ng DMCI Holdings Inc.

Hindi babagsak ang mga oligarko sa bansa, sapagkat wala ito sa ad­yenda ni Duterte.

Katunayan, isang pamilya na masasabing oligarko ang katayuan sa buhay ay patuloy na namamayagpag sa iba’t ibang klaseng negosyo, kabilang na ang distribusyon ng tubig.

Ang tinutukoy ko ay ang pamilya Villar na siyang may-ari at kontrol ng Prime Water Infrastructure Corporation.

Ang pamilya Villar ay kaibigan at kakampi ni Duterte. Ang Prime Water ay siyang mayroong hawak ngayon ng distribusyon ng tubig sa mga lalawigan.

Ayon kay Senador Richard Gordon, mula sa 76 water districts sa bansa ay 63 ang hawak at kontrolado na ng Prime Water.

Resulta ito ng desisyon ng Local Water Utilities Administration (LWUA) na ikasa ang “public-private partnership” sa distribusyon ng tunig sa mga lalawigan.

Ang LWUA ang siyang ahensiya ng pamahalaan na nangangasiwa sa mga water district. Pinamumunuan ni Jeci Lapus ang LWUA.

Si Lapus ay kamag-anak ng pamilya ni dating Pangulong Benigno Cojuangco Aquino.

Bukod sa negosyong tubig ng pamilya Villar, masyadong malaki at laganap na ang negosyong subdibisyon at pabahay ng pamilya Villar.

Ang kumpanyang naghahatid ng tubig sa mga subdibisyon ng pamilya Villar ay ang Prime Water na, uulitin ko, pag-aari ng pamilya Villar.

Bukod kina Senadora Cynthia Villar at Las Piñas Rep. Camille Villar, dalawang Villar pa ang bahagi ng administrasyong Duterte.

Ito ay ang mag-asawang Public Works and Highways Secretary Mark Villar at Justice Undersecretary Emmeline Aglipay Villar.

oOo

Alam ko na kayong mga mambabasa ay higit na maraming nalalaman kaysa inyong lingkod.

Kaya tumawag o mag-text na sa: 0998 – 565 – 0271. (BAKBAKAN NATIN / NELSON BADILLA)

Please follow and like us:
Read More

PANIBAGONG E-MAIL SA ‘BOMBAHAN NA’ SA PAUPAHAN

BOMBAHAN NA FINAL

MULI po na­ting bigyan ng espasyo ang e-mail sa ‘BOMBAHAN NA’ kaugnay sa isinulat natin hinggil sa paupahan.

Greetings Sir Joel!

Ako po ay nagse-search sa internet ng kasagutan tungkol sa isang bagay patungkol sa pagpapaupa/pangungupahan nang matagpuan ko ang inyong article sa nabanggit na subject ng e-mail na ito.

Nabasa ko po nang buo ang article pati na rin ‘yun mga batas na ukol dito.

May isa lamang po akong tanong tungkol sa “deposit at advance” payment. Iyon po bang “advance” from the term itself, ay nangangahulugan na mula sa aking pag-ukupa sa aking nirerentahang bahay, halimbawa po ay November 9, ibig sabihin po ba nito ay hindi ako kailangang magbayad para sa unang buwan ng aking pagtira dito, i.e. December 9, at sa halip ay sa January 9 ng kasunod na taon na? Tama po ba?

Thank you in “advance” po sa inyong magiging tugon at mabuhay po  kayo.

Zaldy

Maraming salamat po, Sir Zaldy, sa tiwala n’yo sa ‘BOMBAHAN NA’,

Linawin po nating mabuti na naaayon sa batas.

Wala po tayong ibang pinagbasehan sa tanong ni Sir Zaldy, kundi ang batas na Republic Act No. 9653 o Rent Control Act of 2009.

ADVANCE AND DE­POSITS:

Ito ay nakapaloob sa The Rent Control Act of 2009.  Ayon dito, ang (lessor) nagpapaupa ay hindi maaaring humingi mula sa nag-uupa ng mahigit sa isang (1) buwan advance rent at mahigit sa dalawang (2) buwang deposit.

Anumang naipon na interest ng deposit ay kailangan ibalik sa (te­nant) nag-uupa pagkatapos mapaso ang kanyang rental agreement.

Gayunman, ang halagang ito ay mawawala (forfeited) kung sakali ang nag-uupa ay hindi mabayaran ang kanyang utility bills tulad ng kuryente at tubig.

Maaari ring kunin ng nagpapaupa bilang kabayaran sa nasira ng nag-upa sa panahong nakatira siya sa paupahan.

GROUNDS/REASONS FOR EVICTION

(Pagpapaalis):

Bukod mula sa sub-leasing na walang pahintulot sa may-ari ng paupahan, iba pang rason para sa pagpapaalis sa nag-uupa:

Kung ang nag-uupa ay hindi nakabayad ng buwanang renta na umabot na ng tatlong (3) buwan.

Kung sakali ang nagpapaupa ay hindi tinanggap ang bayad sa upa, ang nag-uupa ay maaari niyang i-deposit ang kanyang bayad at maaari niyang pansamantalang ipagkatiwala (consignation) sa korte, o sa city treasurer, local barangay chairman o ideposito ang halaga sa landlord’s bank account sa loob ng isang buwan (1) matapos tumanggi ang nagpapaupa.

Ang nag-uupa ay magdedeposito ng buwanang renta sa loob ng sampung (10) pagkatapos ng kada buwan.

Kung ang may-ari/lessor o ang kanyang immediate family members ay may lehitimong pangangailangan para gamitin ang unit/paupahan ay may kinakailangang sundin.

Maglaan ng sapat na panahon sa nag-uupa, isang (1) buwan, kung ang upa ay buwanan ang paniningil o tatlong buwan, kung ang renta ay sinisingil ng quarterly at iba pa.

Kinakailangan ding ang nagpapaupa ay magbigay sa nag-uupa ng tatlong (3) buwan advance notice.

Ito ay para mabigyan ng sapat na panahon ang nag-uupa para sa kanilang paglilipatan.

Ang may-ari ay hindi rin pinapayagan ng pagpapaupa sa unit sa sinumang third party para sa loob ng isang (1) taon.

Kung ang paupahan naman ay kailangan nang sumunod sa ‘order of condemnation’ na isasagawa ng mga awtoridad at ang may-ari/lessor ay kailangang isaayos ang paupahan para sa kaligtasan. Mayroon ding mga kondisyones na dapat sundin:

Ang pinaalis ang siyang unang may kaparatan na bumalik matapos na maayos ang paupahan. Kung magtataas man ng buwanang upa ang may-ari,  kailangang resonable ito at naaayon lamang sa kanyang ginastos sa repair.

EXPIRATION OF THE LEASE/RENTAL CONTRACT.

Kung ang paupahan ay naibenta o kaya naisanla sa ibang may-ari, ang bagong may-ari ay hindi maaaring paalisin ang mga kasalukuyang nakatira.

Kinakailangan niyang sumunod sa provision sa itaas kaugnay sa pagpapaalis.

PENALTIES FOR VIOLATIONS:

Ang sinumang lalabag sa anumang provision ng batas ay papatawan ng hindi bababa ng P25,000 na hindi hihigit sa P50,000 o pagkakakulong na hindi bababa ng isang (1) buwan at isang (1) araw na hindi lalagpas ng anim (6) na buwan o parehas.

Para po kay Sir Zaldy, sa aking pagkakaintindi sa batas ay hindi maaaring galawin ang advance at deposit hangga’t hindi natatapos ang rental agreement.

Sa batas na ito ay protektado ang nagpapaupa at nag-uupa upang maiwasan ang hindi pagkakaunawaan.

oOo

Pasabugin ang katiwalian, isumbong sa ‘BOMBAHAN NA’, mag-e-mail sa joel2amongo@yahoo.com//operarioj45@gmail.com. (BOOMBAHAN NA! / JOEL AMONGO)

Please follow and like us:
Read More

STYLE NG MAYNILAD, MANILA WATER BULOK

NIPIS

SABI ng dalawang concessionaires ng Metropolitan Waterworks and Sewerage System ay nakakaranas sila nang pagkalugi.

Aba, noon pa mang hindi nakikita ni Pangulong Rodrigo Roa Duterte ang panloloko ng  Maynilad at Manila Water sa mamamayan at pamahalaan ay sinasabi na ng mga ito na nalulugi sila kaya’t panay na panay ang pasa nila sa balikat ng gob­yerno  lalo na sa bulsa ng mamamayan sa mga gastusin na dapat ay sila ang bumabalikat.

O, hindi ba’t kakaiba ang style ng Maynilad at Manila Water? Aba’y kumikita na ng bilyon-bilyong piso dahil sa dami nang gumagamit ng tubig sa Metro Manila at mga katabing lalawigan pero sinasabing nalulugi sila.

Ay naku, kapag kumagat ang opisyales ng pamahalaan sa drama ng Maynilad at Manila Water ay tiyak na tatawa lang ang huli dahil iniisip nila na naisahan nila ang administrayon ni Pangulong Digong.

Mabuti na lang, hindi kumagat ang Malakanyang sa pahayag ng dalawang water concessio­naires dahil batid naman ng lahat na bulok ang style ng mga ito.

Kaya nga dapat na bansagan ang mga ito ng SMB na hindi nangangahulugang San Miguel Beer subalit Style Mo Bulok.

Totoo namang bulok ang style nila dahil dati na nilang niloko ang mga kliyente nila sa pamamagitan ng pagpasa sa mga ito ng kanilang mga gastusin at pagawain para sa kanilang kumpanya na dapat ay bahagi ng kanilang serbisyo.

Sa madaling salita, style ng mga ito na gulangan ang mamamayan at ang pamahalaan samantalang panay ang kabig nila sa kita na umaakyat sa kanilang kumpanya.

Kung hindi ba naman magulang ang mga ito, ang karaniwang negosyo ay nagbabayad ng tax samantalang sila ay hindi. O, hindi ba nasanay sila sa dating administrasyon na karamihan sa mga nakaupo ay may kamag-anak  o kaibigan na kasosyo ng nasabing mga kumpanya ng tubig?

Hay naku, tila namayagpag ang kamag-anak incorporated noong nakalipas na administrasyon kaya’t sinamantala rin ng Maynilad at Manila Water ang kanilang mga pribilehiyo kaya naman itinuloy nila noong panahon ni Presidente Duterte sa pag-aakalang hindi dila mabubuking.

Naman! Ang lahat ng bagay  ay may hangganan. Hindi habang panahon ay puwede ninyong lokohin ang pamahalaan at walanghiyain ang mamamayan. Dumating na ang araw ninyo at tapos na ang panahon ninyo kaya dapat ay ibalik ninyo ang para sa tao.

Paano nga bang nalulugi ang Maynilad at Manila Water gayung sila ang may kontrol ng pres­yo ng tubig? Hindi ba’t noon pa man kapag gusto nilang magtaas ng presyo sa kanilang serbisyo ay ginagawa nila habang nakamasid lang ang mga nasa gobyerno dahil nga sa kanilang koneksyon?

Aba, aba, aba. Istap! Makonsensiya naman kayo.  Tutal, sasapit na ang Pasko at Bagong Taon, magbago na kayo. Magbago na kayo ng bulok ninyong style at maglinis na kayo ng mga konsensiya ninyo.

Sana, sa pagsapit ng 2020, iba na ang mga patakaran ninyo. Hindi lang basta kumita ng malaking pera subalit maayos na serbisyo sa publiko.

Higit sa lahat, magba­yad kayo ng tamang buwis para kumita naman sa inyo ang gobyerno at huwag ninyong ipasa sa publiko. Hindi naman ninyo madadala sa patutunguhan ninyo ang perang ginarapal n’yo. (NIPIS / LEA BOTONES)

Please follow and like us:
Read More

TAMA SI PRES. DUTERTE NA SILIPIN DIN ANG KONTRATA SA IBANG KUMPANYA

CHRISTIAN BOMB

IISA-ISAHIN na raw ni Pangulong Rodrigo Duterte na silipin ang mga napasok na kontrata ng gob­yerno na may kinalaman sa pang-araw-araw na pangangailangan ng taumbayan, at kabilang sa aalamin ng Presidente kung talo o hindi ang mamamayan sa serbisyo sa kuryente ng Meralco.

Ito ang sinabi ni Presidential Spokesman Salvador Panelo, matapos na mabisto ni Pres. Duterte na talo ang mamamayan sa pinasok na kontrata ng gobyerno ni dating Pangulong Fidel V. Ramos sa Manila Water ng mga Ayala at Maynilad ni Manny V. Lopez noong 1997.

Sa kontrata ng Manila Water at Maynilad sa gobyernong Ramos ay nakasaad na kapag nalugi ang dalawang water firms ay sa pamahalaan nila ito sisingil, bukod pa sa nadiskubre na ang bayad sa corporate income tax ay sa konsyumer ipinapasa ng pamilya Ayala at ni Pangilinan.

Sa galit ng Presidente ay ipinakansela nito ang kontrata para sa taong 2037 ng Manila Water at Maynilad na nalagdaan naman noong panahon ni dating Pangulong Gloria Macapagal-Arroyo, na ibig sabihin ay hanggang taong 2022 na lang ang kontrata sa pamahalaan ng dalawang kumpanya ng tubig.

Sabi ni Panelo, nais ni Pres. Duterte na mabigyan ng proteksyon ang mga konsyumer na kumokunsumo ng mga pangunahing pangangailangan sa araw- araw.

Sinabi ni Panelo, hindi palalampasin ng Pangulo ang anumang makikita nitong ilegal na talo o agrab­yado ang publiko.

Bukod sa Meralco, sisilipin din ng Pangulo ang kontrata ng gob­yerno na may kinalaman sa transportasyon at telekomunikasyon.

Mainam ang mga gagawing iyan ni Pres. Duterte at kung sakaling talo rin ang mamamayan sa pinasok na kontrata ng mga nakaraang administrasyon sa kuryente, transportasyon at telekomunikasyon ay dapat ipakansela na rin agad ng gobyernong Duterte ang kontrata sa mga ito upang matigil na ang pagsasamantala ng mga abusadong kapitalista sa publiko.

oOo

TIMBRE: Paging Manila Police District (MPD) Director, Gen. Bernabe Balba, isang alyas “Tata Delo” raw ang nagbibigay proteksyon sa bookies nina alyas “Boy Abang” at “Lorna” sa Tondo, Manila, paki-aksyunan naman! (CHRISTIAN’S BOMB / CHRISTIAN HERNANDEZ)

Please follow and like us:
Read More

TUBIG, TUBIG

yourservice

LUMALALA ang usapin at away tungkol sa kung ano ang magandang gawin sa suliranin ng ating distribyusyon ng tubig sa Kamaynilaan.

Nag-umpisa ang lahat nang mabalitaan na­ting nagbaba ng hatol ang Arbitral Tribunal na pagbayarin ang ating pamahalaan ng higit sampung bilyon bilang danyos sa dalawang concessionnaire ng tubig, ang Maynilad at Manila Water, na ikinagalit naman ng ating Pangulo. Ayon sa balita, hindi babayaran ng pamahalaan ang sinasabing halaga at sa halip ay pinarebisa ng ating pangulo sa Department of Justice at sa Office of the Solicitor General ang mga kontrata kung saan sumasailalim ang kasunduan sa operasyon ng MWSS at ng Maynilad at Manila Water. Ayon sa sumunod na mga balita, tila dehado o lugi ang pamahalaan sa mga nakasaad sa mga kontrata tulad ng pagkakasiguro na hindi sila malulugi dahil babayaran ng pamahalaan bilang garantiya, ang anumang pagkalugi nila sa kanilang operasyon.

Ngunit habang tuma­tagal ang usaping ito, ma­rami namang nauungkat na bagay at impormasyon na nangangailangan ng mga kasagutan tulad ng mga sumusunod:

Una, ang katanungan kung bakit hinayaan ng mga gumawa ng kontrata na garantiyahin ng pamahalaan ang kikitain ng mga concessionaires at kung sila nga ay malugi ay babayaran o papalitan ng pamahalaan ang kanilang pagkalugi;

Pangalawa, ano na ang nangyari sa kasunduang gagawa ng mga sewage system ang concessionaires kapalit ng pagbigay sa kanila ng karapatang magnegosyo sa pagdistribusyon ng tubig;

Pangatlo, ano na ang nangyari sa kasunduang rehabilitasyon ng sistema at distribusyon ng tubig sa Kamaynilaan; at

Ikaapat, bakit bigla na lamang na-renew ang kontrata nila sa MWSS nang sobrang aga sa itinakdang dapat na panahon. Isa ito sa mga dahilan kung bakit ipinag-utos ang pagkansela ng renewal ng kanilang kontrata ng pamahalaan.

Kung ating susubaybayan ang mga pagsusuri ng isinagagawa ng Congress sa kanilang mga hearing, malalaman pa natin ang iba pang mga isyu sa usaping ito.

Ngayon, kababalita lamang natin na hindi na itutuloy ng Maynilad at ng Manila Water ang pagkubra sa napanalunan nilang kaso at sinabi rin nila na hindi na nila itataas ang singil ng serbisyo sa papasok na taon. Nang hindi natinag ang ating pamahalaan, sinasabi naman nila ngayon na tuluyan nang tataas ang singil sa tubig pagpasok ng taon dahil nang kinansela  ang kanilang renewal ay umiksi na ang panahong maaari nila bawiin ang kanilang na-invest at nalugi sa kanilang operasyon. Mukhang matagal matatapos ang usaping ito, mas lalo pang matatagalang magkaroon ng solusyon ang problemang ito.

Sa aking munting palagay, tulad nga ng sinabi ng ating pangulo, ang tubig ay likas-yaman ng ating pamayanan at hindi dapat itong gawing negosyo para lamang sa kapakanan ng kakaunti at maging pabigat sa nakararami. Bilang likas-yaman, kinakailangan nating bisitahing muli ang ating mga batas at alituntunin para sa paggamit nito para sa benepisyo ng lahat, hindi lamang ng iilan. Naniniwala ako na maaari nating talikuran ang pagkasilaw sa pera at gumawa namg makatarungan at makabuluhang solusyon para maibigay natin ang serbisyo sa tubig para sa ating mga kababayan. (@YOURSERVICE / ATTY. DAVID AQUINO)

Please follow and like us:
Read More

INTSIK ANG OPISYALES NG NGCP

BAKBAKAN NATIN

KUNG titingnan ang hatian ng mga nagmamay-ari ng National Grid Corporation of the Philippines (NGCP), kapansin-pansing dalawang kumpanyang pag-aari ng malalaking negosyanteng Filipino ang mayroong kontrol sa NGCP.

Batay sa rekord, ang nasabing dalawang kum­panya ay ang Monte Oro Grid Resources Corporation (MOGRC) at ang Calaca High Power Corp. (CHPC).

Pag-aari ni Henry Sy, Jr. ang MOGRC, samantalang pag-aari naman ni Robert Coyiuto, Jr. ang CHPC kung saan 60 porsiyento ang pinagsamang sapi nila sa NGCP.

Kaya, sila ang may kontrol ng NGCP.

Ang natitirang 40 porsiyento ay pag-aari ng dayuhang State Grid Corporation of China (SGCC), na pag-aari ng pamahalaan ng People’s Republic of China.

Kaya, ang malaking porsiyento ng NGCP ay pag-aari ng pamahalaan ng China, hindi lang ng mga pribadong negosyanteng Intsik.

Ipinagpipilitan ng pamunuan ng NGCP na walang kontrol ang China sa NGCP dahil pawang “adviser” lang ang papel ng SGCC o pamahalaan ng China sa NGCP.

Ang NGCP ay pribadong kumpanya na mayroong kontrol sa transmisyon ng elektrisidad sa Pilipinas. Hindi puwedeng isipin na ang kum­panyang Manila Electric Company (Meralco) ay kasing laki ng NGCP dahil ang negos­yo ng Me­ralco ay distribyusyon ng elektrisidad sa mga residente at negos­yante.

Nadiskubre ni Senadora Risa Hontiveros na tatlo sa pangunahing opisyal ng NGCP ay ang mga Chinese na sina Zhu Guangcha, chairperson ng NGCP; Wen Bo, chief technical officer; at Liu Zhaoquiang, assistant chief technical officer for operations and maintenance.

Kapansin-pansin na pawang may bigat o estratehiko ang posisyon ng tatlong Intsik.

Mas malinaw pa sa sikat ng araw na ang posisyong hawak ng tatlong dayuhan ay liderato at teknikal na aspeto ng negosyo ng NGCP.

Hindi lang basta tagapayo.

At tama ang hinala ni Hontiveros na “The chairman is Chinese, almost all of the contractors are Chinese, the systems software is made in China and the training is done in China” kaya kontrolado ng mga ito ang NGCP.

Pawang mga kagamitang galing sa China ang ginagamit sa pagpapatayo ng mga imprastraktura ng transmisyon ng elektrisidad na disenyong China ang teknolohiyang ginamit sa NCGP.

Kontrolado ng NGCP ang transmisyon ng elektrisidad sa Pilipinas kung saan mayroon pa itong 15 taong natitira sa 25-taong kontrata sa pamahalaan.

Kung 40 porsiyento ang pag-aari ng pamahalaan ng China sa NGCP, ibig sabihin ganyan din kalaki ang kita ng pamahalaan ng China kada taon.

Halimbawa, noong 2018 ay umabot sa P180 bilyon ang kabuuang kinita ng NGCP kaya tumataginting na P72 bilyon ang kinita ng SGCC o ng pamahalaan ng China noong 2018, samantalang ang MOGRC at CHPC ay P108 bilyon.

At dahil parehong tig-30 porsiyento ang pag-aaring sapi ng kumpanyang MOGRC at CHPC tig-P54 bilyon ang kinita ng bawat isa sa kanila.

O di ba higit na mas malaki ang kita ng China kaysa kina Henry Sy Jr. o kay Robert Coyiuto Jr.?

Alam ko na kayong mga mambabasa ay higit na maraming nalalaman kaysa inyong lingkod.

Kaya, tawag o magtext na sa: 0998 – 565 – 0271. (BAKBAKAN NATIN / NELSON BADILLA)

Please follow and like us:
Read More

MAHAL NA PRESYO, PANGIT NA SERBISYO NG MAYNILAD, MANILA WATER

NIPIS

SA pagkakatanda ng inyong lingkod, nailabas sa kolum na ito ang problema sa tubig ng Metro Manila at mga kalapit na lalawigan noong Nobyembre 19 ilang araw bago pumutok ang galit ni Pangulong Rodrigo Roa Duterte sa water concessionaires na Maynilad at Manila Water.

Totoong napakamahal ng singil ng dalawang kumpanya sa pangit  na serbisyo ng tubig kanilang ipinagkakaloob sa mga residente ng Metro Manila, Cavite at Rizal.

Noon, mismong empleyado ng Maynilad at Manila Water ang nagdadala at nag-aabot sa mga residente ng billing statement at sinisigurong makakarating at matatanggap iyon ng consu­mers. Pero ngayon, dahil iwas sila sa mga permanent at regular na em­pleyado, ginawa nilang service provider na lang ang gumagawa nito para sa kanila. Mas malaki nga naman ang kanilang mati­tipid. Pero hindi naman nakakarating sa oras ang billing statement.

At lalong wala sa oras kapag dumating ang disconnection notice. Naputulan na, nakabayad na at naibalik na ang serbisyo bago dumating ang notice na kadalasan ay iniiwan na lang ng  kanilang service provider sa mail box.

Sabagay nangyayari lang naman ang ganyang insidente sa mga mahihirap dahil ang mga maya­yaman ay nakatala at may reminder sila sa araw ng bayaran ng tubig, kur­yente, telepono, internet at iba pa.

Kasi naman, kapag naputulan ang mahihirap, inaabot ng ilang araw bago maikabit ang serbisyo ng tubig. Kailangang kulitin mo pa ang Maynilad o Manila Water para lang maibalik ang kanilang serbisyo.

Kaya naman sabi ng mahihirap, kapag magpuputol ang bilis, kapag magkakabit ang bagal gayung hindi ka naman makakabitan muli kung hindi ka magbabayad.

Sana, makita ng pamahalaan ang ginagawang pagmamalupit ng dalawang water concessio­naires sa mga mamamayang mahihirap lalo na sa water interruption. Sobrang unfair dahil sa lugar ng mahihirap halos kulang isang araw ang pagkawala ng tubig samantalang sa villages, posh subdivisions o lugar ng maya­yaman ay halos 4 hanggang 6 na oras lang mawalan at tuwing gabing gabi na o madaling araw.

Hay naku, sobrang anti-masa o  galit sa mahihirap ang mga ito samantalang katas ng pawis at dugo ng mahihirap ang kanilang pinipiga sa kanilang ginagawa para kumita ng pera. Kaya nga tama lang si Pangulong Digong na ayusin nila ang kontrata kung hindi ay may kalalagyan sila.

Ngayon marami ang humanga kay Presidente Duterte sa paninindigan nito na banggain ang mga mayayamang nagsasamantala sa kahinaan ng mahihirap lalo na pagdating sa basic needs na tubig nga ang pangunahin bilang inumin, pampaligo, panlaba at iba pang gamit.

Sana, makapag-ikot si Pa­ngulong Duterte o kung sino man sa kanyang mga opisyales upang makita ang mga ginagawang pambabalasubas ng Maynilad at Manila Water sa mga kalsada at kanal na ipinagawa ng pamahalaan.

Makikitang ang dami ng mga hinukay, nilagyan ng malalaking tubo at iba pa na ginagawa ng dalawang water concessionaires na sinasabing bahagi ng kanilang improvement sa serbisyo pero matapos hukayin ang mga sementadong kalye ay tatabunan na lang at iiwan na hindi man lang magbigay ng panahon para muling isimento ang kanilang hinukay.

Aba’y iniasa na talaga sa pamahalaan ang pagsasaayos ng bahagi ng kanilang sinasabing improvement sa serbisyo. Sabagay, pumapayag naman kasi ang local government units (LGUs) sa panggagago ng water concessionaire sa kanilang nasasakupan.

Kasi kung talagang mahigpit ang LGUs, dapat hindi kaagad nila bigyan ng permit ang mga ito para maghukay at magsagawa ng improvement. Teka, kumukuha nga ba ng permit? Kasi kahit sa local police ay kailangan nilang kumuha ng permiso lalo na kapag magkakaproblema sa daloy ng trapiko.

Teka, teka, teka. Parang hindi na ganito ang proseso ngayon. Parang direktang nagsasagawa na ng improvements ang Maynilad at Manila Waters nang walang paalam sa LGU at police. Aba’y kailangang maaksyunan ito. (NIPIS / LEA BOTONES)

Please follow and like us:
Read More