NORTHERN CAGAYAN SIGNAL NO. 3 NA KAY ‘RAMON’

RAINY DAY-1

(NI ABBY MENDOZA)

ISINAILALIM na sa signal no 3 ang Northern portion ng Cagayan dahil sa inaasahang paglandfall ng bagyong ‘Ramon’.

Nakataas ang Tropical Cyclone Wind Signal (TCWS) No. 3 Northern portion ng Cagayan, Signal no.2 naman sa Batanes, Apayao, Kalinga, Abra, Ilocos Norte at Ilocos Sur at  nakataas ang signal no 1 sa Mountain Province, Benguet, Ifugao La Union, at  Pangasinan.

Ang bagyo ay huling namataan sa Calayan, Cagayan, taglay ang 120 kph na lakas ng hangin at bugso na 75kph.

Martes ng gabi ito inaasahang tatama sa Babuyan Island.

Ayon kay weather specialist Raymond Ordinario, sa pag-landfall ng bagyo sa Cagayan ay hihina ito at tatahakin ang direksyon patungong Dagupan City at sa araw ng Huwebes ay lalabas na ng Philippine Area of Responsibility (PAR).

Kaugnay nito, nasa loob na ng bansa ang

binabantayang Low Pressure Area. Namataan ito sa layong 930 km ng Guiuan, Eastern Samar.

Inaasahang magiging bagyo ito sa loob ng 24 oras at tatawagin itong bagyong Sarah, ang ikatlong bagyo nitong buwan ng Nobyembre.

 

Please follow and like us:
Read More

RECRUITMENT SA FB; 4 PINIGIL SA NAIA

socialmedia12

(NI FROILAN MORALLOS)

PINAYUHAN ni BI Commissioner Jaime Morente ang mga Filipino na nagnanais magtrabaho sa abroad na iwasan makipag- deal sa soicial media para makaiwas sa problemang kakaharapin.

Ang babalang ito makaraang pigilin ng mga tauhan ng Bureau of Immigrarion (BI) ang apat na Pinay sa Ninoy Aquino International Airport dahil mga pekeng papeles.

Ito ay bilang warning sa mga Pinoy upang hindi bumagsak sa kamay ng mga illegal recuiters kung saan kasabwat ang human trafficking syndicate na nag-ooprerate sa (NAIA).

Aniya huwag mainganyo sa mga sinsabing high paying job na offer sapagkat ito ay isang trap para pumayag kayo sa naturang offer.

Ayon pa kay Morente magtungo na lamang sa Philippines Overseas Employment Administration (POEA) upang makasiguro na hindi malalagay sa alanganin.

 

Please follow and like us:
Read More

PNP: WALANG BAYAD SA GUSTONG MAG-PULIS

(NI NICK ECHEVARRIA)

PINAALALAHANANG muli ng Philippine National Police (PNP) ang publiko  na libre at walang dapat bayaran ang mga aplikante ng gustong mag-pulis.

Ginawa ni PNP spokesperson B/Gen. Bernard Banac ang  paalala matapos maaresto ang isang pulis sa Parang, Maguindanao na nahuli sa aktong nangongotong sa mga PNP applicants.

Nabatid na nitong Huwebes, nasakote ng mga tauhan ng Police Regional Office ng Bangsamoro Autonomous Region in Muslim Mindanao (PRO-BARMM) sa isang entrapment operation si P/Cpl. Harold Julaton na nakatalaga bilang Liason Officer sa Lanao Del Sur Provincial Police Office at ang sibilyan na kasabwat nitong si  Janet Sarip.

Hinihingan umano ng mga suspek ng P25,000 ang bawat aplikante kapalit ng pangakong tiyak na maipapasok ang mga ito sa serbisyo.

Niliwanag ni Banac na binabalikat ng PNP ang lahat ng gastusin para sa pagpoproseso ng aplikasyon at walang kahit ni singko na sinisingil sa mga aplikante.

Kasunod nito, umapela ang PNP sa publiko na agad ipagbigay-alam sa kanilang mga himpilan  sakaling may mga kabaro silang sinasamantala ang recruitment program ng PNP para kumita.

 

Please follow and like us:
Read More

4 PINOY PAPUNTANG LIBYA PINIGIL SA NAIA

tripoli libya12

(NI FROILAN MORALLOS)

NASABAT ng mga taga Bureau of Immigration (BI) sa Ninoy Aquino International Airport (NAIA) ang apat na Pilipino papuntang Libya sa kabila ng ipinatutupad sa deployment ban ng pamahalaan , dahil sa nagaganap na civil war sa bansang ito.

Ayon sa report  mula sa pamunuan ng Bureau of Immigration, pasakay ang apat sa kanilang flight nang masakote ng mga tauhan ng BI sa NAIA Terminal 1.

Ang apat ay na-intercept ng BI noong Biyernes bago makapag-board sa kanilang flight papuntang Abu Dhabi sa United Arab emirates.

Nabatid mula kay BI Travel Control and Enforcement Unit (TCEU) Chief Timotea Barizo , nagkunwari ang apat bilang mga turista, upang mamasyal sa UAE bago tumuloy sa Amman Jordan .

Ngunit nadiskubre ni Barizo na pagkagaling sa Jordan ay sasakay ang apat sa kanilang connecting flight papuntang Libya , kung saan magtratrabaho bilang mga aircon technician at pipe fitters.

Sa inisyal imbestigasyon, inamin nitong apat na-recruit sila ng isang recuiter agency sa Pilipinas para magtrabaho sa Libya sa kabila ng deployment ban na ipinatutupad ng pamahalaan.

Agad nang inalerto ni Commissioner Jaime Morente ang kanyang mga tauhan sa airport, upang mapigilan ang mga Pilipino na nagnanais magtungo sa Libya  upang makaiwas sa disgrasya .

Sa isinagawang imbestigasyon, nabisto ni Barizo na ang mga return tickets ng apat ay hindi valid , kung kaya’t naghinala ang kanyang mga tauhan na hindi mga turista , bagkus magtratrabaho ang mga ioto sa magulong lugar na Libya.

 

Please follow and like us:
Read More

PULIS NA MAY KASO, WALANG YEAREND BONUS – PNP

(NI AMIHAN SABILLO)

WALANG matatanggap na yearend bonus ang mga pulis na may kasong administratibo.

Ito ang inihayag ni PNP Spokesperson PBgen Bernard Banac kung saan naka-hold ang bonus ng mga pulis na may kaso bilang bahagi ng disciplinary action ng PNP.

Ang pahayag ni Banac ay kasabay ng pag-anunsyo na na-credit na sa ATM accounts ng mga pulis ang kanilang yearend bonus na katumbas ng isang buwang sahod kasama ang P5,000.

Ito’y matapos aprubahan ng PNP-OIC Plt Gen. Archie Francisco Gamboa ang release ng yearend bonus ng mga pulis ngayon.

Nasa P7.48 Bilyon  ang inilaan para sa yearend bonus ng 205,189 uniformed and non-uniformed PNP personnel sa buong bansa.

Please follow and like us:
Read More

HAZING VICTIMS DAPAT UMAKSYON PARA MAPANAGOT ANG MGA SUSPEK – REP. NOGRALES

REP NOGRALES-5

(Ni PAOLO SANTOS / Kuha ni EDD CASTRO)

HINIKAYAT ni Rizal 2nd District Rep. Juan Fidel Nograles ang mga biktima ng hazing na umaksyon at makipagtulungan sa mga awtoridad upang mabigyang hustisya ang kanilang sinapit.

Ito ang dahilan kaya nais amyendahan ng mambabatas ang anti-Hazing law upang mas mabigat na parusa ang maipataw sa mga sangkot at makasuhan ang mga kasabwat o willing victims ng hazing.

Sa media forum kahapon sa Quezon City, sinabi ni Rep. Nograles na sa ilalim ng Anti-Hazing Act 2019 o Republic Act 11053 na nilagdaan ni Pangulong Rodrigo Duterte noong June 29, 2018 sinasabing labag sa batas ang anomang klase ng initiation rights na maituturing na hazing.

Ginawa ni Nograles ang pag-amyenda sa naturang batas matapos ang sunod-sunod na insidente ng pagkamatay ng biktima ng hazing sa bansa.

Kabilang na rito ang pagkasawi ng isang kadete ng Philippine Military Academy (PMA) at kilalang mga unibersidad.

“Doon po sa ating batas dapat lahat ng fraternity at samahan ay kailangan namo-monitor ng kanilang mga paaralan at walang initiation rites na nagaganap sa kanilang samahan sa campus,” ani Nograles.

Nauna nang isinulong sa Kamara ang panukala na naglalayong maparusahan ang mga fraternity recruit na pumayag na sumailalim sa hazing.

Sa ilalim ng house bill number 5248 na inihain ni Rep. Nograles, nakasaad na dapat mabigyan din ng parusa ang sinomang papayag sa anomang paraan ng hazing.

Paliwanag nito, wala kasing magiging biktima ng hazing kung walang pumapayag na gawin ito sa kanila.

Sinabi pa ng mambabatas na marami ang nagtatanong kung sapat pa ba ang pangil ng Anti-Hazing Act sa kasalukuyan.

Ani Nograles, sa ilalim ng batas kapag nagkaroon ng pagkamatay, rape, sodomy, pagkaputol ng anomang bahagi ng katawan ng biktima ng hazing ay posible umanong patawan ng parusang reclusion perpetua o panghabambuhay na pagkakulong ang mga nagkasala. Bukod pa rito ang P3 milyon multa sa mga direktang sangkot sa hazing.

“Dapat makipagtulungan ang mga member na neophytes sa hazing upang maparusahan ang mga suspek,” dagdag pa ni Nograles.

Ang mental at psychological violence aniya ang isa sa mahirap na karahasan ng hazing.

Please follow and like us:
Read More

P5-M KOTONG SA BIDDER; 3 PULIS SIBAK

(NI JG TUMBADO)

SISIBAKIN na sa serbisyo anumang araw ang tatlong pulis na umanoy magkakasabwat na nangotong sa isang bidder ng 3,000 unit ng body cameras ng Philippine National Police (PNP).

Ito ang ipinahayag ni PNP Officer-in-charge Lt. General Archie Gamboa sa regular na pagpupulong balitaan sa Camp Crame, nitong Lunes.

Kinilala ni Gamboa ang tatlong police officials na pawang mga may ranggong Major na sina Emerson Sales, Rholly Caraggayan, at Angel Beros na miyembro ng Bids and Awards Committee Technical Working Group.

Ayon kay Gamboa, sina Sales at Caraggayan ay nag-AWOL na o absent without leave, habang si Beros naman ay aktibo pa sa serbisyo.

Matatandaang noong 2017, nanawagan ang publiko na dapat magkaroon ng body cameras ang mga pulis kapag sumabak sa anti-illegal drugs operations.

Inilabas ang P334 milyong pondo noong 2018 pero naantala ang pagbili ng body cameras dahil hanggang ngayong patapos na ang 2019 ay nasa bidding process pa rin ang programa.

Sinabi ni Gamboa na ngayong 2019 ay nadiskubre ng pamunuan ng pambansang pulisya ang umano’y extortion kung saan aabot sa P5 milyon ang nakulimbat ng tatlong pulis mula sa isang pribadong kompanya.

Nabulgar lamang ang anomalya nang magsumbong na ang bidder sa kabila ng lahat ng naibigay nitong ‘pampadulas’ sa tatlong pulis ay na-disqualify pa rin ito sa post-evaluation process.

Sa kasalukuyan ay sibak na sa kani-kanilang posisyon ang tatlo habang isinasailalim sa imbestigasyon ng Internal Affairs Service ng PNP.

Please follow and like us:
Read More

KADETE NAKITANG PATAY SA PMA ACADEMY SWIMMING POOL

PATAY na nang matagpuan ang isang kadete ng Philippine Military Academy (PMA) sa ilalim ng swimming pool ng eskuwelahan sa Baguio City, Biyernes ng hapon.

Pagkalunod ang inisyal na dahilan ng pagkamatay ni Mario Telan, Jr., 4th class cadet.

Ayon sa imbestigasyon, hinanap ang biktima ng upper-class cadets bandang ala-1:20 ng hapon.

Tinungo nila ang Jurado Hall ng PMA kung saan nakita ang mga gamit ng kadete sa loob ng comfort room ng swimming pool.

Makalipas ang isang oras, nakita ang katawan ng kadete sa ilalim ng swimming pool, dakong alas-2:44 ng hapon.

Isinugod ang biktima sa Fort del Pilar Station Hospital ngunit hindi na umabot nang buhay.

Nangako din ang pamunuan ng PMA na gagawin ang lahat ng imbestigasyon upang mabatid ang dahilan ng pagkamatay ng biktima.

Sinuspinde naman ang swimming classes sa akademya hanggang hindi natatapos ang imbestigasyon.

Nakidalamhati rin ang PMA sa pamilya ng kadete at nangakong ibibigay ang kakailanganing tulong ng pamilya.

 

Please follow and like us:
Read More

PELIKULANG ELCANO AND MAGELLAN, PINALAGAN

(NI  DAHLIA S. ANIN)

INALMAHAN ng National Historical Commission of the Philippines (NHCP) ang naging ganap ni Lapu-Lapu sa pelikulang Elcano and Magellan.

Ang pelikula ay umiikot sa kwento kung saan nangyari ang kauna-unahang ekspedisyon na isinagawa ng mga Portugese upang libutin ang buong mundo.

Pinalagan ng ahensya ang paglalarawan kay Lapu-Lapu bilang kontrabida, pati na rin sa pagsasalarawan nila ng mga sinaunang tao na dinatnan nila sa Pilipinas.

“Tagpagmana tayo nung pagkilala na yun kay Lapu-lapu na naging simbolo ng paglaban at paninindigan, at palayain ang bansa natin sa anumang banta ng pananakop,” ani NHCP Senior History Researcher Christopher Alfonso.

Dagdag pa ni Alfonso, hindi naman nakahubad ang ating mga ninuno na dinatnan nila, sa katunayan ay nagsusuot sila ng damit at puro ginto ang palamuti sa kanilang katawan. Sibilisado na umano ang mga tao noon sa bansa, bago pa man sila makarating dito.

Pero para naman sa ibang historian, patas lang umano ito, dahil para sa pananaw naman ng ibang Pilipino ay kontrabida din sila Magellan.

Ipinauubaya naman na ng Malacañang sa MTRCB ang desisyon kung ipapalabas sa bansa ang naturang animated film.

Ayon naman sa MTRCB, trailer pa lamang ng pelikula ang ipinasilip ng local distributor at hindi pa napapanuod ang buong pelikula.

 

Please follow and like us:
Read More

AFP SA MAKAKALIWANG GRUPO: SA KORTE KAYO MAGREKLAMO

(NI AMIHAN SABILLO)

“SA korte kayo nagreklamo.”

Ito ang payo ni AFP Spokesperson Bgen Edgard Arevalo sa mga makakaliwang grupo na umaangal sa pag-aresto ng AFP at PNP sa kanilang mga kasamahan sa Bacolod City. Ito ay matapos akusahan ng mga militanteng grupo ang pulis at militar ng ‘harassment’ sa kanilang pag-raid sa mga umano’y tanggapan ng Bayan Muna, Gabriela, Anakpawis at National Federation of Sugar Workers noong Oktubre 31.Ang operasyon ay nagresulta sa pagkaaresto ng dose-dosenang mga leader at miyembro ng NPA At pagkakasamsam sa samu’t-saring armas at pampasabog.

Tanong ni Arevalo, paano naging ‘harassment’ ang naturang operasyon, gayung may hawak na search warrant ang mga operatiba na inisyu ng Korte.

Tungkol naman sa sinasabi ng mga militanteng grupo na planted ang 32 baril At 120 bala na nakuha sa mga arestadong suspek, sinabi ni Arevalo na alinsunod sa batas ay nasa kanila ang responsibilidad na patunayan ang kanilang alegasyon.

Iginiit ni Arevalo na walang exempted sa batas, at kahit sabihin ng mga militanteng grupo na sila’y lehitimong organisasyon, sakop pa rin sila ng mga proseso ng korte tulad ng sinumang ordinaryong tao.

TANGGAPAN NG IBON FOUNDATION ‘DI SINALAKAY – NCRPO

Itinaggi ngayon ng NCRPO o National Capital Region Police Office na may nilulutong operasyon ang kanilang mga tauhan sa tanggapan ng IBON Foundation

Ito ay matapos kumalat sa social media ang ulat hinggil sa isasagawang ocular inspection ng mga pulis sa nasabing tanggapan

Batay sa post ng naturang thinktank group, isang Col. Joaquin Alba umano ang nagtimbre sa kanila ng nasabing inspeksyon sa harap ng sunud-sunod na pagsalakay sa opisina ng mga progresibong grupo

Sinabi ni Sinas, wala umanong katotohanan ang naturang ulat lalo’t hindi na konektado sa NCRPO si Alba at wala namang dahilan para puntahan at silipin ang nasabing tanggapan

Sa huli, nanindigan si Sinas na ang kanilang mga operasyon ay nakasalig sa mga hawak nilang impormasyon at dokumento gayundin ay naayon sa mga umiiral na batas.

Please follow and like us:
Read More

P40-M SHABU NASABAT SA PASAHERO SA NAIA

HINDI nakalusot na maipuslit ng umano’y drug courier matapos masabat sa kanya ang P40 milyong halaga ng shabu sa NAIA Terminal 3, Biyernes ng madaling araw.

Naaresto ng ng mga tauhan ng Bureau of Customs (BOC) – NAIA ang suspek na pansamantalang hindi ibinunyag ang pangalan.

Nabatid sa Bureau of Customs na galling sa Cambodia ang pinigil na pasahero.

Nakuha sa pag-iingat nito ang anim na kilo ng shabu na may street value na P40.8 milyon.

 

Please follow and like us:
Read More

PROBLEMA SA TUBIG TATAGAL HANGGANG SUMMER

WATER MANILA

(NI DAHLIA S. ANIN)

MAAARING abutin hanggang summer ang problema sa suplay ng tubig sa National Capital Region, ayon sa Pagasa.

Ito ay sa kabila ng mga pag-ulan na posibleng makapuno ng dam hanggang matapos ang taon.

Sa pinakahuling tala ng ahensya, nasa 188.37 meters ang antas ng tubig sa Angat dam mula sa 188.34 noong Miyerkoles na malayo pa sa 210 meters na target bago matapos ang taon.

Kaya tinitipid ng mga water concessionaire ang tubig upang umabot hanggang summer ang suplay nito.

Gayunman, nangangamba ang ahensya na bumaba pa sa below normal operating level ang tubig sa dam bago matapos ang Enero sa susunod na taon.

Patuloy naman nagsasagawa ng mga water treatment facilities ang mga water concessionaire at iba pang concerned government agency upang maibsan ang kakulangan sa suplay ng tubig.

Please follow and like us:
Read More

BIKTIMA NG HAZING PAPANAGUTIN — REP. NOGRALES

Rep Fidel Nograles-3

NAIS ni Rizal 2nd District Rep. Fidel Nograles na maamyendahan ang umiiral na Anti-Hazing Law upang maparusahan na rin kahit ang mga biktima nito.

Ito ay dahil naniniwala ang kongresista na sa ganitong paraan ay matatapos na ang tinatawag na kultura ng impunity.

Ipinunto ni Nograles na maraming mga estudyante ang sumasali sa fraternity kahit alam nilang maaaring makaranas ng hazing.

“Umaasa tayo na sila’y mapipigilang sumali sa isang samahan na may kultura ng hazing kung may sapat silang kamalayan dito, gayundin, maaaring maparusahan ng batas,” pahayag ni Nograles.

Sinabi pa ni Nograles na pupuwede naman ding maging state witness ang biktima na nakaligtas sa lupit ng hazing.

“Kung may mga biktima tayo na handang proteksiyunan ng batas, mabigyan sila ng katiyakan laban sa posibleng paghihiganti, marahil sa susunod na hazing cases ay higit na magtatagumpay tayo kaysa mabigo,” ayon sa mambabatas.

Nakasaad sa isinusulong na batas ni Nograles na kailangang may mahanap na dalawang elemento sa biktima bago ikonsiderang kasabwat ng hazing.

Una, ang aplikante ay dapat nagkusang-loob at nagbigay pahintulot o pumayag na siya ay maging biktima ng hazing.

Pangalawa, ang biktima ay dapat na sadyang makipagtulungan sa aktwal na pagpapatupad ng hazing, nangangahulugan na ang ginawang hazing ay totoong nangyari at ang biktima ay kusang-loob na pinahintulutan ito na gawin sa kanya.

“Kung mawawakasan natin ang kultura ng impunity sa mga organisasyon na umaabuso sa kanilang hinihikayat na miyembro, dapat nating gawin na mas mahigpit ang anti-hazing law,” diin ni Nograles. “Gaya nga ng madalas sabihin, walang maaapi kung walang nagpapaapi,” dagdag pa ng kongresista.

Please follow and like us:
Read More

APP VS TSUNAMI, INILUNSAD NG PHIVOLCS

(NI ABBY MENDOZA)

INILUNSAD ng Philippine Institute of Volcanology and Seismology (Phivolcs) ang isang website application na nagbibigay impormasyon sa tsunami risk.

Ang GeoAnalyticsPH ay isang app na isinagawa ng GeoRisk Philippines, isang website na nagbibigay ng summary reports sa tsunami exposure sa mga barangay, municipalities at mga probinsiya.

Ang GeoAnalyticsPH ay maaring makita sa  https://geoanalytics.www.georisk.gov.ph/

Ayon kay Mabelline Cahulogan, ng GeoRisk Philippines, ipinakikita ng app ang populasyon na tatamaan ng tsunami gayundin kung gaano kalaki ang parating na tsunami.

“The website application aims to be the central source of information for accurate and efficient hazard and risk assessment helping the local and national governments in disaster management,” ayon kay Cahulogan.

Makatutulong umano ang nasabing app lalo sa gobyerno para matukoy kung ano ang kailangang gawin sa harap na rin ng banta ng tsunami.

 

Please follow and like us:
Read More

MIAA NAGHAHANDA SA UNDAS

airport123

(NI FROILAN MORALLOS)

NAGHAHANDA ang Manila International Airport Authority (MIAA) sa pagdagsa ng mga pasahero sa Ninoy Aquino International Airport (NAIA) na magsisiuwi sa kanilang mga probinsiya sa darating na dalawang araw selebrasyon ng All Saints day at ng All souls Day .

Ipinagbigay alam ni MIAA general Manager Ed Monreal, sa mga pasahero na maglaan ng tatlong oras ang bawat pasahero na palabas ng bansa bago ang kanilang mga flight schedule upang maiwasang magkaroon ng problema o kaya mahuli sa kanilang flight.

Nakipag-coordinate na rin si GM Monreal sa mga tauhan ng Philippine Airlines (PAL), Cebu Pacifc (CEB) at sa iba pang local carriers na nago-operate sa mga paliparan na magdagdag ng kanilang mga tauhan bilang antisipasyon sa malaking dami ng pasahero sa mga airport.

Ayon kay Monreal, maglaan din ng dalawang oras ang mga pasahero sa mga domestic flight bago ang kanilang mga flight schedule upang makaiwas sa abala.

Inabisuhan din nito na i-check ang kanilang flight status sa mga terminal bago magpunta sa airport ang kanilang Flight Status Tab, partikular na sa PAL website at iba pang airlines sa arrival at departure information sa terminal 2.

Ang mga PAL passengers ay maaring mag-check-in via web, mobile, o kaya sa airport kiosks para makaiwas sa mahabang pila sa mga departure area ng paliparan.

 

 

Please follow and like us:
Read More

2 PULIS-PASAY TIKLO SA KOTONG

arrested12

(NI KOI HIPOLITO)

KALABOSO sa isinagawang entrapment operation ng mga tauhan ng PNP Counter Intelligence Task Force ang dalawang pulis Pasay matapos maaktuhang nangongotong sa mga bus at van driver sa Pasay City.

Kinilala ang mga ito na sina PO2 Jerry Adjani Jubail at PO1 Michael Mindevil Domalanta, mga nakatalaga sa Malibay Police Community Precint (PCP-7) Pasay City Police Station. Nakasuot pa ang dalawa ng jacket ng Highway Patrol Group o HPG kahit na hindi sila miyembro nito.

Batay sa ulat ni PNP CITF Spokesperson Chief Inspector Jewel Nicanor, bandang alas -4:15 ng hapon nitong Miyerkules nang isagawa ang entrapment operation sa M. Dela Cruz St., Malibay Pasay City.

Palihim na sinamahan ng mga tauhan ng PNP CITF ang complainant habang nakikipag-transaksyon sa mga naarestong suspek na pulis.

Sa reklamo, P300 hanggang P500 ang kinokolekta ng mga naarestong pulis sa bawat bus at van driver para payagan silang makapagpick-up ng pasahero sa mga illegal terminal sa Pasay na aabot umano ang kinikita ng dalawang suspek sa P5,000 kada araw.

Nasa kustodiya na ng headquarters ng PNP CITF para sa documentation at pagsasampa ng kasong extortion at admistratibo. Tinanggal naman sa puwesto ang precinct commander ng dalawa na si Police Capt. Mark Oyad dahil sa command responsibility.

Please follow and like us:
Read More

HIGIT 9,000 PULIS NAPARUSAHAN MULA 2016

(NI AMIHAN SABILLO)

PUMALO sa 9,172 mga kawani ng Philippine National Police (PNP) ang napatawan ng ng disiplinary action mula Hulyo 2016 hanggang Setyembre 2019.

Ito ang inihayag ni PNP OIC Lt. Gen. Archie Gamboa.

Sa bilang na ito, 2,806 ang nadismiss sa serbisyo dahil sa ‘grave offenses’.

Hindi pa kasama sa nasabing bilang ang 7 pulis Antipolo at ang kanilang hepe na pina-dismiss ngayong lingo ng PNP-IAS dahil sa pagtatanim ng ebidensya sa isang drug raid sa Antipolo noong Mayo.

Sa mga iba pang pulis na may mas magagaang na kaso, 535 naman ang na-demote, 4,721 ang na suspinde, 208 ang “forfeited salary”, 762 ang reprimanded, 60 ang restricted, at 80 ang na-withold ang mga pribilehiyo.

Sinabi ni Gamboa na pinag-aaralan ng PNP kung paano pa mas mapalalakas ang Internal Affairs Service, na siyang responsable sa paghahabol sa mga nagkasalang pulis.

Ayon pa kay Gamboa, kinukonsidera nila ang pagnanais ng IAS na mabigyan ng adjudicatory power at kanilang sariling budget.

 

 

Please follow and like us:
Read More

UMPISA NA NAMAN NG PAG-IGIB BUKAS

WATER MANILA

(NI DAHLIA S. ANIN)

MAGSISIMULA na bukas, Oktubre 24, alas-10 ng gabi ang rotational water interruption na maaring umabot ng hanggang 18-oras, ayon sa Maynilad at Manila Water.

Sa tala ng Pagasa, muling bumaba sa 186.23 meters ang tubig sa Angat mula sa 186.46 noong Martes.

Hindi pa masabi ng pamunuan ng mga water concessionaire kung hanggang kailan ang titiisin ng publiko dahil nakadepende sa antas ng dam ang sitwasyon.

Ayon kay Maynilad Media Relations Assistant Manager Grace Laxa sa panayam sa radyo, mananatili pa rin sa 40 cubic meters ang water allocation sa mga water concessionaire dahil sa patuloy na pagbaba ng antas ng tubig sa dam.

Nakaiskedyul naman sa gabi ang water interruption ng Manila Water, upang magkaroon umano ng sapat na oras ang kanilang mga consumers na mag-ipon ng tubig, ayon kay Corporate Communications Head Jeric Sevilla.

Nanawagan sila sa mga consumer na mag-ipon ng tubig na sasapat lamang sa kanilang pangangailangan sa maghapon.

Para naman sa oras ng water interruption ay maaari nila itong makita sa official website ng mga kumpanya o maari silang tumawag sa hotline 1627.

Inaasahang magdadala ng ulan ang Hanging Amihan sa Silangang bahagi ng bansa pagpasok ng Nobyembre, na makakatulong upang mapataas ang antas ng tubig sa Angat. (Dahlia S. Anin)

 

Please follow and like us:
Read More

EX-SENATE PRESIDENT NENE PIMENTEL YUMAO NA

PUMANAW na si dating Senate president Aquilino ‘Nene’ Pimentel Linggo ng alas-5:00 ng madaling araw.

“Our beloved Tatay Nene has joined his Creator at 5 a.m. today, Oct. 20, 2019. We thank all those who have been a part of his life. We ask for praters for the repose of Tatay Nene’s soul,” ayon sa anak nitong si Senador Koko Pimentel, sa kanyang Twitter post.

Ang pagpanaw ng matandang Pimentel ay wala pang isang linggo matapos itong ipasok sa intensive care unit (ICU) noong Oktubre 14.

Ipinanganak noong Disyembre 11, 1933, nagsilbing Senate president si Pimentel mula 2000 hanggang 2001He was born on December 11, 1933 and served as Senate President from 2000 to 2001.

Maliban sa pagiging Senate president, nagsilbi ring majority leader at minority leader si Pimentel sa Senado.

Please follow and like us:
Read More

USEC CARPIO: PAGSIBAK SA 10 DA EMPLOYEES LEGAL

USEC CARPIO

PINABULAANAN ni Department of Agriculture (DA) Undersecretary for Special Concerns Waldo Carpio, ang alegasyon ng 10 contractual employees  na hindi makatwiran ang pag-alis sa kanila sa serbisyo.

Ayon kay Carpio, ang pagsibak sa mga nagrereklamong empleyado ay legal at makatwiran, alinsunod sa sa umiiral na rules and regulations.

Nalaman na ang mga nagrereklamong empleyado ay nakatalaga sa Farm-to-Market Road Development Program ng DA ay naghain ng reklamo sa Office of the President (OP) na bukod sa hindi makatwiran na dismissal, gumawa umano ng pag-abuso sa kanyang awtoridad si Carpio dahil sa iligal na paglilipat sa mga contractual sa kanilang posisyon.

Sinabi ni Carpio na ang nabanggit na isyu ay inilathala ng iba”t ibang news organization  ng hindi man lamang kinukuha ang kanyang panig.

Sinabi ni Carpio na binigyan ng 15 araw na notice para sa kanilang termination ang mga nagreklamo bago maging epektibo ang dismissal na isa umanong istriktong pagsunod sa terms at kondisyon sa kanilang kontrata.

Ipinaliwanag pa ni Carpio na ang Contract of Service Employees ng kanilang serbisyo ay nasasakop ng CSC-COA-DBM Joint Circular No. 1, S. 2017 at 2018, at ang kanilang serbisyo ay nasasakop sa terms and conditions na nasa kanilang kontrata at hindi ayon sa Labor Code.

“They have no security of tenure and that there is no employer-employee relationship between the complainants and the Department,” ayon kay Carpio.

Idinagdag pa ni Carpio na base sa dokumento, lumalabas na sa kabila na ang kanilang kontrata at balido hanggang Disyembre 31,2019, ang nabanggit na kontrata ay maaring i-terminate sa pamamagitan ng 15 araw bago ang terminasyon na nasa item 9 ng kanilang kontrata.

Sa ginawa niyang beripikasyon sa hindi pagsuweldo ng mga nagreklamong empleyado, ito ay dahil sa mga nakabinbing clearance ng mga nagreklamo sa General Services Division  ng DA .

Iginiit pa ni Carpio na hindi siya gumawa ng anumang pang-aabuso sa kanyang awtoridad tulad ng kini-claim ng mga complainant. (HARVEY PEREZ)

Please follow and like us:
Read More

SIGAW NG DA EMPLOYEES SA PAGBASURA NG KARAPATAN, TRABAHO: USEC CARPIO PAPANAGUTIN

DA USEC CARPIO

Sumisigaw ng katarungan ang 10 kawani na nakatalaga sa Farm-to-Market Road Program ng Department of Agriculture matapos umanong ibasura ang kanilang karapatan sa trabaho ni Undersecretary Waldo Reyes Carpio.

Batay sa liham ng mga kawani kay Pangulong Rodrigo Duterte, humihingi ng kaukulang aksyon ang 10 contractual employees na sina Marissa Aguilar (Senior Administrative Assistant I); Leslie Albano (Project Assistant III); April Joy Ayson (Administrative Assistant VI); Mark Paul Baldeo (Engineer II); Norman Boloron (Administrative Assistant V); Alberto Cachero (Project Assistant III); Robin  Christopher Cueva (Project Assistant IV); Jerry Gregorio (Administrative Assistant VI); William Inguito Jr. (Project Assistant IV); at Rea Queen Migalbin (Project Assistant IV) dahil sila ay pinatawan ng arbitrary dismissal ni Carpio.

Ayon sa kanila, sila ay may kaukulang contract of services na valid hanggang December 2019.

Binigla na lamang umano sila ng opisina ni Carpio at sinabihan na terminated na ang kanilang contract at ito ay effective immediately.

Binigyang diin din ng mga kawani na hindi dumaan sa tamang proseso ang termination at pati ang kanilang sweldo ay nakabinbin at hindi raw inaprubahan ni Carpio na ma i release sa kanila.

Maliban dito, ilegal din silang pinalitan ng ibang contractuals na kinuha umano ni Carpio mula sa ibang section ng kagawaran.

Idinagdag pa ng grupo na si Carpio ay gumamit ng grave abuse of authority at lumabag sa probisyon ng labor code sa pagtanggal at pagpapalit sa kanila ng mga tao na mas pinapaboran nito.

Isa din sa argumento ng mga complainant ang madalas daw na pagkawala ni Carpio sa opisina at ipinagbibilin na lang sa isang OIC ang mga trabaho na dapat ay kanyang ginagampanan.

Nananawagan ang mga apektadong contractuals kay Pangulong Duterte na paimbesitigahan sa lalung madaling panahon ang kanilang kaso at ang iba pang mga maling gawain sa kagawaran.

Sinikap na hingan ng panig si Usec. Carpio subalit wala pa itong pahayag sa reklamo laban sa kaniya.

Please follow and like us:
Read More

E-MAIL ACCOUNT NG ARSOBISPO GINAGAMIT SA SCAM

(NI HARVEY PEREZ)

NABABAHALA ang dating pangulo ng Catholic Bishops’ Conference of the Philippines (CBCP) na si Cebu Archbishop Jose Palma matapos makatanggap ng report na ginagamit ng ilang tiwali ang kanyang pangalan at email account sa panghihingi  ng pera.

Nalaman na nakatanggap ng e-mail ang church-run Radio Veritas, na nakapangalan kay Palma, at  nanghihingi ng halagang US$1,350, kaya kaagad nila itong ipinaalam sa arsobispo.

Ayon sa  email, sinabi ng ‘arsobispo’ na may dinaluhan siyang programa sa Ukraine at na-decline ang kanyang credit card kaya siya humihingi ng financial assistance.

Nabatid na ang scammer ay nagpadala pa ng account number ng Money Gram at mayroon din itong scanned copy ng passport ng Arsobispo upang mapaniwala ang mga hinihingan nito ng pera.

Pinabulaanan  naman ni Palma na siya ang nagpadala ng naturang email.

Sinabi ng  arsobispo, wala siya sa Ukraine dahil siya ay kasalukuyang nasa Virac, Catanduanes para dumalo ng Silver Jubilee Celebration ng Episcopal Consecration ni Bishop Manolo Alarkon Delos Santos.

Inakusahan ni Archbishop Palma na immoral at illegal ang ginagawang panloloko ng ilang indibidwal gamit ang internet.

“Hello this is Abp. Palma, by this time I am in Catanduanes because I attended the Silver Jubilee Celebration of Bishop Manolo Delos Santos. Just now, I received from friends telling me that my e-mail was hoaxed, as if I was in Ukraine asking for money, it is not true. So anybody who might have heard that Abp. Palma is in Ukraine asking for money because for one reason or another, that’s a hoax. And so I appreciate the friends who told me just now. Well, you know, some people can use certain ways to ask for money or whatever purpose which is immoral and illegal,” ayon sa arsobispo.

Kasabay nito, hinikayat niya ang mga mamamayan na mag-ingat at huwag magpaloko sa mga taong nasa likod nang pagpapadala ng naturang email.

Please follow and like us:
Read More

9 PULIS SIBAK SA PAGGAMIT NG SHABU

(NI JG TUMBADO)

SIYAM na aktibong pulis mula sa Police Regional Office-7 (Central Visayas) ang sabay-sabay na sinibak sa serbisyo  matapos magpositibo ang mga ito sa paggamit ng ilegal na droga.

Batay sa naisumiteng report kay PRO-7 Director Police Brigadier General Debold Sinas, ang na-dismiss na mga pulis ay may ranggong Patrolman hanggang Police Master Sergeant.

Kabilang sa mga natiwalag na sa serbisyo ay sina Patrolman Merlo Daclan Laborte, Patrolman Frances Maucesa, Patrolman Greggy Gica, Patrolman Jayrome Solano, Patrolman Joseph Tabo-tabo, Police Corporal Jose Marie Garcia, Police Corporal Gilfredo Carungay, Police Staff Sergeant Joffrey Mulat at Police Master Sergeant Darwin Gonzales.

Lumalabas sa report na nagpositibo ang nabanggit na mga pulis sa paggamit ng shabu sa isinagawang drug test sa kanila noong 2018 at 2019 kung saan una na silang na-relieve sa pwesto.

Pero nitong Oktubre 4, 2019, araw ng Biyernes ay tuluyan na silang tinanggal sa serbisyo bilang alagad ng batas.

Bukod sa pagkakatanggal sa serbisyo, mahaharap pa ang mga ito sa kasong administratibo dahil sa paglabag sa ilalim ng Republic Act 9165 section 11 o ang possession of dangerous drugs.

Ayon kay Sinas, ang mga pulis na tinanggal ay kabilang sa mga itinuturing na ‘ninja cops’ o sangkot sa pag recycling ng shabu na kanilang nakukumpiska sa anti drugs operations pero muli itong ibinebenta sa lansangan.

Kaugnay nito, sinabi ni Sinas na sa kabila ng kontrobersiya sa Senate hearing patungkol sa ‘ninja cops’ ay ipagpapatuloy nila ang kanilang internal cleansing at sa giyera kontra ilegal na droga at maging ng regular na pagsasailalim sa random drug testing sa buong kapulisan sa PRO7.

Please follow and like us:
Read More

PINAY RECEPTIONIST SA KUWAIT SINAKSAK NG SCREWDRIVER

(NI ROSE PULGAR)

ISANG Pinay receptionist na nagtratrabaho sa isang spa sa Kuwait ang ginulpi at sinaksak ng screwdriver ng dalawa sa  tatlong lasing na customer na pawang Kuwaiti national matapos itong tumangging magsilbi sa kanila.

Tumanggi muna ang Philippine Embassy sa Kuwait na banggitin ang pangalan ng biktima.

Nabatid na tumanggi ang nasabing Pinay worker na mag-serve sa mga suspek dahil lasing ang mga ito.

Nagalit umano ang mga suspek hanggang sa inihagis nila ang pera sa mukha ng biktima at hinila ang leeg nito.

Bago umalis ang mga suspek ay nakipagpambuno pa ang mga ito sa biktima.

Napag-alaman na bumalik ang dalawa sa tatlong suspek habang isinasara ang spa at tinakpan nila ang kanilang mukha at dito na nila pinagsasaksak ng screwdriver  ang biktima.

Kahit sugatan ang biktima ay nagawa pa nitong manlaban sa mga suspek.

Kaagad na dinala sa ospital ang duguang biktima at ipinagbigay alam sa Kuwaiti Police ang insidente.

Sa ngayon ay pinaghahanap na ng mga awtoridad sa Kuwait ang mga suspek.

Binibigyan na ng ayuda ng embahada ng Pilipinas sa Kuwait ang sugatang Pinay worker.

Inihahanda na ang kaukulang kaso laban sa dalawang suspek, na inaalam na rin ang pagkakakilanlan.

Please follow and like us:
Read More