NAGLAKO NG FAKE PWD ID, LOLA TIKLO

PWD ID

DINAMPOT ng mga tauhan ng City Social Welfare Development Office (CSWDO) ng Valenzuela City ang isang lola  dahil umano sa paglalako ng pekeng Person with Disability (PWD) ID at iba papeles.

Kalaboso si Elizabeth Katigbak, 58, jobless, residente ng #481 Dulong Tangke, Brgy. Malinta, Valenzuela City.

Ayon sa pulisya, alas-11:00 noong Biyernes ng umaga ay pumunta sa CSWDO ang biktimang si Lucita Cortez, 59, ng Bakawan, Dulong Tangke, Malinta ng nasabi ring lungsod upang beripikahin ang hawak niyang PWD ID at CSWDO Notification Letter for Pension.

Nang tingnan ng social worker na si  Ma. Evan Grace Perez Carmelo ang mga dokumento ni Cortez ay lumitaw na peke ang mga ito.

Bunsod nito, inilahad ni Cortez na galing ang kanyang mga  dokumento kay Katigbak at binayaran niya ng P500 ang ID at P750 naman ang notification letter.

Tiyempong naroon din sa nasabing tanggapan ang suspek at humihingi ng medical assistance kaya’t agad  tumawag ng pulis si Carmelo na nagresulta sa pagkakadakip sa suspek na kinasuhan ng falsification of public documents. (ALAIN AJERO)

Please follow and like us:
Read More

APLIKANTE MINOLESTIYA NG POLYGRAPH EXAMINER

MINOLESTIYA

NAHAHARAP sa kasong paglabag sa Article 336 ng Revised Penal Code o acts of lasciviousness ang isang 54-anyos na polygraph examiner makaraang isuplong sa Manila Police District (MPD) ng isang 20-anyos na aplikante na umano’y pinaghahalikan at niyapos nang isalang ang biktima sa lie detector test sa Ermita, Manila, noong Martes.

Kinilala ang suspek na si Marcus Antonious y Gella, may asawa at residente ng 49-A Lorraine St., Park Way Village, Barangay Apolonio Samson, Quezon City.

Base sa ulat ni P/Staff Sergeant Emmalyn Munoz, ng Women and Children Protection Unit ng Manila Police District-Headquarters, bandang 1:15 ng hapon nitong Enero 21 nang mangyari ang pang-aabusong sekswal sa biktimang kinilalang si alyas “Hanna” ng Valenzuela City, sa loob ng polygraph room ng Simon Agriventures Corporation sa Romualdez St., sa Ermita.

Kabilang umano ang biktima sa mga aplikante sa nasabing kompanya at kasama sa requirements ang pagdaan sa lie detector test kaya silang dalawa lang ng suspek sa isang silid para sa nasabing eksaminasyon.

Habang pinaliliwanagan ang biktima sa resulta ng polygraph test ay ibinigay umano ng suspek  ang kanyang mobile phone number at hiningi rin ang number ng dalaga.

Pinipilit umano ng suspek na maging magkarelasyon sila at  nang hindi nakatiis sa panggigigil ay agad hinalikan sa pisngi at niyapos ang biktima.

Nagpumiglas ang biktima hanggang sa makawala at  humingi ng tulong sa Criminal Investigation and Detection Unit (CIDU) ng MPD.

Bandang 4:15 ng hapon ng araw ding iyon ay inaresto ang suspek sa nasabing tanggapan sa pakikipag-ugnayan sa HR Recruitment Officer na si Diana Mondero.

Isa umanong freelance polygraph examiner ang suspek na kinuha lang ng kompanya ang serbisyo para sa mga aplikante. (RENE CRISOSTOMO)

Please follow and like us:
Read More

GRAPHIC ARTIST KALABOSO SA P.7-M SHABU

shabu300

KALABOSO ang isang graphic artist na nangunguna sa listahan ng top most wanted drug personalities ng Northern Police District (NPD) matapos makumpiskahan ng P700,000 halaga ng umano’y shabu sa buy-bust operation sa Caloocan City nitong Biyernes ng hapon.

Arestado si Mark Justin Buenafe alyas Baba, 26, binata, ng 353 Marulas A, Brgy. 36, ng lungsod.

Dakong alas-5:05 ng hapon nang ikasa ang operasyon laban kay Buenafe sa Marulas A, Talipapa St., Brgy. 36,  ng lungsod.

Dinamba ng mga parak ang suspek makaraang bentahan ng isang sachet ng shabu ang isang pulis na nagpanggap na buyer kapalit ng P11,000 marked money.

Humigit-kumulang sa 100 gramo ng shabu ang nasamsam sa nasabing suspek. (ALAIN AJERO)

Please follow and like us:
Read More

SEKYU INUMBAG NG 2 CHINESE

JAIL-1

KALABOSO ang dalawang lasing na Chinese national makaraang bugbugin ang isang security guard sa  6th floor ng Paseo Verde Condominium, Brgy. Pulanglupa 1, Las Piñas City kahapon ng madaling araw.

Ayon sa salaysay ng biktimang si Carlo Dalaguit, nagbabantay siya sa condominium nang dumating ang mga Chinese national na sina Li Feng Hau at Lem Liu na pawang nakainom ng alak.

Nagulat na lamang umano siya nang pagtripan ng mga suspek at pinagtulungan siyang bugbugin.

Bunsod nito, inireklamo niya ang mga suspek sa himpilan ng pulisya.

Agad namang nagresponde ang mga pulis at inaresto ang mga suspek. (DAVE MEDINA)

Please follow and like us:
Read More

LOLA PATAY, 20 HOMELESS SA SUNOG SA PASIG

sunog

PATAY ang isang lola nang makulong sa kanilang bahay sa nangyaring sunog sa isang residential area sa Pasay City nitong Sabado ng madaling araw.

Kinilala ang biktimng namatay na si Corazon Gamboa, 79, naninirahan sa Park Avenue Extension, Pasay City.

Ayon kay Fire Supt. Edgar Tanawan ng Bureau of Fire Protection (BFP), dakong 12:45 ng madaling araw nang sumiklab ang sunog sa 14 kabahayan sa #2942 Park Avenue Extension, Brgy. 79, Zone 10 at tinatayang 20 pamilya ang nawalan ng tirahan.

Sa pahayag ng BFP, si Gamboa ay na-trap sa nasusunog nilang bahay dahil hindi makababa mula sa ikaapat na palapag dahil sa sugat sa kanyang paa.

Ang sunog na umabot ng ikatlong alarma ay idineklarang under control dakong alas-3:53 ng umaga.

Tinatayang umabot sa P200,000 halaga ng mga ari-arian ang natupok ng sunog.

Inaalam pa ang sanhi ng sunog at isa sa tinitingnang anggulo ay ang narinig umanong pagputok sa ikalawang palapag ng isa sa mga bahay.

Hindi naman nadamay ang isang mosque na kadikit lang ng nasunog na mga bahay. (DAVE MEDINA)

Please follow and like us:
Read More

BABAENG THAI LAGLAG SA P1.2-M SHABU

SHABU-22

ARESTADO ang isang babaeng Thai makaraang makumpiskahan ng P1.2 milyong halaga ng umano’y shabu sa drug buy-bust operation na ikinasa ng mga tauhan ng Pasay City Police dakong alas-12:15 ng hapon nitong Huwebes.

Sa ulat ng pulisya, sa pamumuno ni Chief of Police Col. Bernard Yang, nakipagkasundo ang Thai national na si Narumon Sukkato, 30-anyos, sa police poseur buyer hinggil sa bentahan ng umano’y shabu noong Enero 23 sa isang fastfood restaurant sa Sunset Avenue kanto ng Pacific Drive, MOA Complex, Brgy. 76, Pasay City.

Nang magbigay ng hudyat na naisakatuparan na ang transaksyon, pinagsalikupan nang pinagsanib na pwersa ng PDEA agents, MOA PCP Police operatives at Pasay SDEU, sa pangunguna ni PCpt. Deni Mari O.  Pedroso, ang nasabing suspek.

Nakumpiska ng mga operatiba mula kay Sukkato ang isang  plastic sachet ng shabu na tinatayang nasa 200 gramo ang timbang at P1,200,000 ang halaga.

Ang arestadong suspek na nakadetine na sa Station Custodial Facility ay sasampahan ng kasong paglabag sa RA 9165 o Comprehensive Dangerous Drugs Act of 2002. (DAVE MEDINA)

Please follow and like us:
Read More

4 KIDNAPPER TIKLO SA PAGDUKOT SA KAPWA TSINO

arrested

DINAKIP ng mga tauhan ng National Bureau of Investigation-Environmental Crime Division (NBI-EnCD) ang apat na Chinese national na sangkot sa kidnapping at serious illegal detention sa tatlo nilang kababayan sa Malate, Manila.

Iniharap ni NBI Director Dante Gierran sa mga mamamahayag ang mga suspek na kinilalang sina Chen Zhimin, Luo Canfeng, Li Jai Huang at Wang Yiping.

Nadakip ang suspek sa pagsalakay ng mga tauhan ng NBI sa isang hotel sa General Malvar St., sa Malate.

Nag-ugat ang operasyon sa reklamo ng isang impormanteng Chinese na nagtatrabaho sa offshore gaming o  online games, kaugnay sa pagkidnap at pagdetine umano sa biktimang si Han Yang Liu, offshore gaming employee, ng mga suspek at iginiit na magbigay ng P200,000 at dapat itong personal na i-deliver sa mga kidnapper.

Sa isinagawang entrapment/rescue operation, dalawa pang Chinese national ang nasagip na sinasaktan at pinagbantaan na papatayin kung hindi magbibigay ng halagang P600,000.

Ang mga suspek ay sinampahan ng kasong kidnapping at  serious illegal detention sa Manila Prosecutor’s Office. (RENE CRISOSTOMO)

Please follow and like us:
Read More

TOTOY NADULAS SA CREEK, INANOD

Quezon City-1

PATULOY na hinahanap ng mga tauhan ng Quezon City Disaster Risk Reduction and Management Office, Bureau of Fire Protection at Philippine Coast Guard ang labi ng batang biktimang nadulas at nahulog sa creek sa Barangay Obrero, Quezon City.

Halos magdamag nang ginagalugad ng mga awtoridad ang nasabing creek makaraang mahulog ang biktimang kinilalang si Jusfer ‘Uno’ Orquina, 11-anyos.

Ayon kay Barangay Chairman Jose Segundo, dakong alas-3:00 ng hapon noong Huwebes nang iulat sa kanila na may batang nahulog sa creek habang nangangalakal ng basura.

Napag-alaman, may nakita umanong palutang-lutang na bola sa creek ang biktima kaya tinangka niya itong abutin ngunit nadulas at tuluyang nahulog.

Nahawakan pa umano ng kanyang mga kasama ang biktima ngunit dahil malakas ang agos ay natangay si Orquina.

Agad namang nagresponde ang mga tauhan ng Quezon City Disaster Risk Reduction and Management Office, Bureau of Fire Protection at Philippine Coast Guard para sagipin ang biktima.

Gayunman, dahil marumi ang tubig at lagpas ng limang metro ang lalim ay napilitan silang pansamantalang itigil ang operasyon.

Labis naman ang pag-aalala ng ama ng biktima na si Justine Orquina na baka hindi na matagpuan ang kanyang anak na panganay sa apat na magkakapatid.

“Twelve feet na daw po kasi yung lalim nung sapa tapos daw po nasa five feet pa lang daw po sila, hinihigop na raw po sila, may kweba daw po dun sa ilalim. Kapag nagtangke raw po sila pwede sila maipit sa loob ng kweba,” ayon kay Justine. (FRED SALCEDO)

Please follow and like us:
Read More

2 PUTOL NA PAA ITINAPON SA MARIKINA RIVER

DALAWANG putol na paa ng tao na nakasilid sa itim na plastic garbage bag ang itinapon sa gilid ng Marikina river sa Marikina City.

Ayon sa Marikina City Police Station (CPS), ipinagbigay-alam umano ng isang concerned citizen sa mga tanod ng Brgy. Industrial Valley Complex (IVC) ang nakitang kulay itim na garbabe bag na may nakalabas na buto at may bahid ng dugo sa gilid ng nasabing ilog bandang alas-7:30 ng umaga nitong Huwebes.

Mabilis namang tinungo ng mga tanod ang lugar para beripikahin ang sumbong ng concerned citizen at nang buksan nila ang itinurong plastic bag ng basura ay tumambad ang dalawang putol na paa ng tao kaya agad nilang itinawag sa pulisya.

Nagresponde naman ang mga tauhan ng Marikina SOCO para iproseso ang lugar ng insidente habang dinala  sa Eastern Police District (EPD) Crime Laboratory Office ang natagpuang mga putol na paa para sa isailalim sa DNA examination at kaukulang disposisyon. (NICK ECHEVARRIA)

Please follow and like us:
Read More

PINTOR NA RIDER NANAPAK NG TRAFFIC ENFORCER

NANAPAK-2

ARESTADO ang isang pintor na rider matapos sagasaan at suntukin sa mukha ang isang miyembro ng Traffic and Parking Management Office (TPMO) na humuli sa kanya sa Pasig City, nitong Miyerkoles ng hapon.

Kinilala ang suspek na si George Novo y Flores, 43, umano’y sumagasa at nanapak sa traffic enforcer ng Pasig TPMO na si Noel Santiago y Jacinto, 40, ng C5 Road, sa panulukan ng Pasig Blvd., Brgy. Bagong Ilog sa nasabing lungsod bandang alas-4:50 ng hapon.

Ayon sa Desk Officer ng Police Community Precinct (PCP) 10 na si P/Cpl. Aglugob Jr., habang nagmamando ng trapiko ang biktima nang mamataan niya ang suspek na lulan ng motorsiklo ngunit walang suot na helmet.

Nang sitahin ng traffic enforcer, walang maipakitang  driver’s license at rehistro ang suspek kaya pinaarangkada umano nito ang motorsiklo dahilan para masagasaan sa binti at paa ang biktima.

Hindi pa nakuntento ang suspek,  inupakan pa sa mukha ang biktima nang tangkain siyang arestuhin nito.

Naawat lamang ang suspek sa pananakit nang tulungan ang biktima ng kapwa traffic enforcer dahilan para maaresto ito. (NICK ECHEVARRIA)

Please follow and like us:
Read More

31 BEBOT NASAGIP, 39 KATAO DINAMPOT SA PROSTI BAR

PROSTI BAR

NASAGIP ng mga pulis ang 31 kababaihan habang 39 katao ang dinampot makaraang salakayin ng mga awtoridad ang isang bar na hinihinalang ‘front’ ng prostitusyon sa Brgy. Palanan, Makati City, nitong Huwebes ng madaling araw.

Ayon kay Makati City Police chief P/Col. Rogelio Simon, nag-ugat ang operasyon matapos makatanggap ng tip ang kanyang mga operatiba hinggil sa umano’y sexual activity sa loob ng Feelmore Ihaw-Ihaw Atbp Bar sa 1330 Filmore St. sa Brgy. Palanan.

Inabutan sa akto ng mga pulis na pinagsasayaw nang hubo’t hubad ang mga babae habang ang iba ay mahalay ang pananamit.

Natuklasan ding nag-o-operate ang establisimiyento nang walang business permit habang ang mga empleyado ay nagtatrabaho na paso o expired na ang working at health permit.

Sa 39 kataong idinitine, 15 ay mga empleyado ng bar habang ang 22 ay mga guest na kinabibilangan ng Indonesian nationals at dalawang Filipino, na pawang dinala sa Makati City Central Police Station para sa kaukulang profiling at interview. (DAVE MEDINA)

Please follow and like us:
Read More

160 PAMILYA HOMELESS SA SUNOG SA QC, MAYNILA

SUNOG-8

UMABOT sa 160 pamilya ang nawalan ng tirahan sa magkahiwalay na insidente ng sunog sa Tondo, Maynila at Quezon City.

Sa Tondo, Maynila umabot sa Task Force Delta ang sunog na nagsimula nitong Huwebes dakong alas-1:00 madaling araw sa isang bahay sa #2608 Lico Street.

Umabot ng limang oras ang sunog bago idineklarang fire-out bandang alas-6:00 ng umaga.

Tinatayang 120 pamilya ang nawalan ng tirahan at umabot sa P1.5 milyon ang halaga ng napinsalang mga ari-arian.

Ayon kay Senior Fire Inspector Rodolfo Dinaga ng Manila Fire District, karamihan sa mga bahay ay yari sa light materials kaya mabilis na kumalat ang apoy.

Walang naitalang casualty sa nangyaring sunog. Inaalam ng mga awtoridad ang posibleng sanhi ng nasabing insidente.

Samantala, tinatayang 40 pamilya ang nawalan ng bahay sa sumiklab na sunog sa Barangay Ramon Magsaysay sa lungsod ng Quezon.

Nabatid mula kay Fire Inspector Sherwin Penafel, chief arson investigator ng Bureau of Fire Protection (BFP), mabilis na natupok ang mga kabahayan dahil pawang gawa sa light materials ang mga ito.

Sa inisyal na report, pagwe-welding sa tabing bahay ang sinasabing naging dahilan ng sunog na unang naitala dakong alas-4:52 ng hapon nitong Miyerkoles.

Ayon sa ulat, habang may nagwe-welding sa isang gusali ay bumagsak ang maliliit na baga mula rito patungo sa bubungan ng isang bahay sa ibaba.

Nabatid sa imbestigasyon na walang hot works permit ang isinagawang welding sa lugar.

Dakong alas-5:56 ng hapon nang idineklarang fire under-control ang sunog sa nabanggit na lugar.

Ang mga residente ay lumikas sa covered court ng barangay. (DAHLIA ANIN/JG TUMBADO)

Please follow and like us:
Read More

TULAK KALABOSO SA P.4-M BATO

arrested88

KALABOSO ang isang hinihinalang tulak ng ilegal na droga makaraang makumpiskahan ng mahigit P.4 milyong halaga ng umano’y shabu sa buy-bust operation sa Malabon City, nitong Miyerkoles ng madaling araw.

Kinilala ang dinakip na si Jonathan Swing y Aranas, 29, nahaharap sa kasong paglabag sa RA 9165 o Comprehensive Dangerous Drugs Act of 2002.

Ayon sa pulisya, dakong alas-2:50 ng madaling araw nang isagawa ang operasyon laban sa suspek sa panulukan ng Dr. Lascano St. at P. Aquino St., Brgy. Tugatog, Malabon City.

Isang poseur buyer umano ang nakaiskor ng isang sachet ng shabu na tinatayang P1,000 ang halaga, kaya’t dinamba ng mga awtoridad ang suspek.

Nakuha sa pag-iingat ng suspek ang limang sachet ng shabu na tumitimbang ng 61 gramo na may presyong P414,800 at buy-bust money. (ALAIN AJERO)

Please follow and like us:
Read More

KARNAPER NADAKMA SA FOLLOW-UP OPS

NAHAHARAP sa kasong paglabag sa Republic Act 10883 o mas kilala sa tawag na New Anti-Carnapping Act of 2016, ang isang 26-anyos na umano’y karnaper matapos mahuli habang lulan ng ninakaw na motorsiklo sa Tondo, Manila, nitong Martes ng gabi.

Kinilala ni P/Major Rosalino Ibay Jr., hepe ng Manila Police District-Special Mayor’s Reaction Team (SMaRt), ang suspek na si Angelo Alano y Legaspi, may asawa, tambay, residente ng 480 Corquera St., Tondo, sakop ng Brgy. 82.

Base sa ulat ng pulisya, bandang alas-7:15 ng gabi noong Enero 21 nang matimbog si Alano sa panulukan ng Lacson St. at Pacheco St. sa Tondo.

Nauna rito, nitong nakaraang Enero 19, dakong alas-4:00 hanggang 5:00 ng madaling araw nang tutukan ng baril ng suspek ang biktimang si Daren Bandelaria, 32, cook ng Shangrila Plaza, habang lulan ng isang Yamaha Mio Soul 125 na walang plaka, na pag-aari ng isang Kristopher Parone, 39, technician ng KFC.

Dahil dito, agad nag-report ang dalawa sa tanggapan ng MPD-SMaRT at sa pangunguna nina P/Major CIicero Pura at P/Capt. Edward Samonte at ilang mga tauhan ng MPD PS-1, ay  natimbog si Alano sa nasabing lugar. (RENE CRISOSTOMO)

Please follow and like us:
Read More

22 TSINA NASAGIP, 2 BUGAW NADAKIP

PROSTI-2

AABOT sa 22 babaeng chinese nationals  ang nasagip ng mga tauhan ng National Bureau of Investigation kasabay nang pagdakip sa dalawa nilang kababayan na responsable sa umano’y  pagbubugaw sa mga biktima, makaraang isagawa ang pagsalakay sa hinihinalang sex den sa Makati City, iniulat kahapon.

Nahaharap sa kasong paglabag sa Republic Act 9208 o Anti-Trafficking in Person Act of 2012, ang dalawang umano’y bugaw na kinilalang sina Zhang Lian Wei at Li Wu Tao.

Samantala, nakipag-ugnayan na sa Bureau of Immigration (BI) at Department of Social Welfare and Development (DSWD) ang mga awtoridad para sa kustodiya ng 22 babaeng Chinese nationals.

Batay sa imbestigasyon ng NBI Anti-Organized and Trasnational Crime Division, namamalagi ang 22 kababaihan sa 11 palapag ng isang hotel sa Makati City.

Ayon sa ulat ng NBI, isang asset ang nagpanggap na parukyano at nang makabayad ng halagang P9,000 ay dinala siya sa isang kuwarto para mamili ng babae.

Sa puntong ito ay natimbog ng ibang mga tauhan ng NBI ang dalawang umano’y bugaw na kapwa nila Chinese national, at nadiskubre ang mga kababaihan.

Natagpuan sa mga silid ng nasabing hotel ang mga condom, lighters na may mga number, vaginal lubricant cream at sexual services menu card.

Ayon sa NBI, ang mga babae ay ilegal na ni-recruit sa China para magtrabaho sa Pilipinas ngunit nasadlak sa prostitusyon. (RENE CRISOSTOMO)

Please follow and like us:
Read More

ROBOT FIRE FIGHTER INILUNSAD SA MAYNILA

ROBOT FIREFIGHTER

INILUNSAD ng lokal na pamahalaan ng Maynila ang kauna-unahang robot na pamatay-sunog sa Pilipinas.

Nabatid na sinampulang gamitin nitong Miyerkoles ng umaga ni Manila Mayor Francisco “Isko Moreno” Domagoso  ang “fire fighting” robot.

Ayon kay Manila Disaster Risk Reduction and Management Office (MDRRMO) Director Arnel Angeles, walang mata ngunit may camera ang robot na kusang pupunta kung saan mayroong apoy.

Ito umano ay tinatawag na  LUF 60, isang remote-controlled na unmanned firefighting machine na galing sa Singapore.

Sinabi pa ni Angeles, kaya nitong patayin ang sunog dahil sa lakas ng pressure ng tubig at may kakayahang abutin ang apoy na may taas na 50 hanggang 80 talampakan.

Bukod dito, maiiwasan din ang peligro ng mga bumbero sa pagresponde sa malalaking sunog. (RENE CRISOSTOMO)

Please follow and like us:
Read More

BEBOT SWAK SA SELDA SA BATO PARA SA BF

HUMANTONG sa karsel ang isang babae nang mabuking na may dala siyang umano’y shabu para sa nakakulong niyang boyfriend nang dalawin niya ito sa piitan, nitong Martes ng hapon sa Malabon City.

Dadalawin na rin sa piitan ang suspek na si Gylin Yumang, ng #3 Gen. San Miguel St., Millionaires Compound, Brgy. 8, Caloocan City, kinasuhan ng paglabag sa RA 9165 o Comprehensive Dangerous Drugs Act of 2002.

Bandang alas-5:50 ng hapon, binisita ni Yumang ang kanyang boyfriend sa detention cell ng Malabon City Police Station.

Agad napuna ng suspek ang mahigpit na pag-inspeksyon ng mga jail officer sa mga bagahe.

Nang siya na ang iinspeksyunin ay sinubukan ni Yumang na itago ang isang plastic ng umano’y shabu na nakalagay sa kanyang bulsa.

Gayunman, hindi ito nakalusot at nakuha sa kamay ng suspek ang isang plastic sachet na naglalaman ng hinihinalang shabu na may timbang na 0.64 gramo at nasa P4,352.00 ang halaga

Napag-alaman, noong huling dalawin ni Yumang ang boyfriend ay dumaing umano ang huli na mahirap ang buhay sa loob ng kulungan at nami-miss ang buhay-laya dahil nangungulila sa sex at shabu. (ALAIN AJERO)

Please follow and like us:
Read More

WALANG KAYOD NA LOLO NADAKMA SA BATO

shabu123

ARESTADO ang isang karpinterong senior citizen nang luminya sa pagtutulak ng ilegal na droga nang mawalan ng trabaho, sa ikinasang buy-bust operation ng mga awtoridad sa Pasay City, nitong Martes ng gabi.

Nauna rito, isang concern citizen ang nagtimbre sa Pasay City Police na may ilegal na sugalan gamit ang video karera sa Apelo St. sa nabanggit na lungsod.

Nang puntahan ng mga pulis ang naturang video karerahan, natiyempuhan ang senior citizen na si Rico Favia at runner nitong si Ismar Gigante, na nag-aabutan ng sachet na may lamang shabu.

Katwiran ni Favia, mahigpit ang kanyang pangangailangan dahil hindi na siya makapag-karpintero bunsod ng katandaan.

Nasamsan kina Favia at Gigante ang 11.68 gramo ng shabu na may halagang P 79,400.

Samantala, arestado rin ang isa pang umano’y tulak ng ilegal na droga na si Cheche Washington na kakalaya lang noong Nobyembre dahil din sa kaso ng droga, bunsod ng sumbong ng isang concerned citizen.

Siyam na gramo na umano’y shabu na may halagang P60,000, ang nakuha sa pouch ni Washington na ang kikitain aniya ay pangtustos sa gastusin ng mga anak niya. (DAVE MEDINA)

Please follow and like us:
Read More

PULIS NAGPOSITIBO SA DRUG TEST

DRUG TEST-4

NANGANGANIB masibak sa serbisyo ang isang police corporal na nakatalaga sa Camp Bagong Diwa, Bicutan, Taguig City, matapos magpositibo sa paggamit ng shabu.

Ito ang inamin ni P/BGen. Debold Sinas ng National Capital Region Police Office (NCRPO)  sa isang press briefing.

Kinumpirma ni Sinas, na nagpositibo sa droga si P/Cpl. Anthony B. Romano, ng Regional Intelligence Division ng NCRPO  sa resulta ng kanilang  surprise drug test nitong Enero 14, at sa isinagawang confirmatory test.

Umamin naman ang nasabing pulis na talagang gumagamit ito ng ilegal na droga at mayroon pa umano itong ka-jamming na isa ring pulis. Agad namang dinisarmahan ang nasabing pulis at inilagay sa holding unit ng NCRPO matapos paaminin ni Sinas kung saan ito humahango ng droga sa loob ng tatlong taong paggamit nito.

Nahaharap ngayon sa kasong administratibo si Romano at nanganganib na masibak sa serbisyo. NICK ECHEVARRIA

Please follow and like us:
Read More

LOLA NAKULONG SA SUNOG, PATAY

sunog11

PATAY ang isang ginang  habang nasugatan ang dalawang iba pa sa naganap na sunog sa isang residential area sa Quezon City kamakalawa ng gabi.

Sinasabing nasa loob ng kanilang bahay si Angelita Unite, 65, ng Maria Clara St., Barangay Sto. Domingo, Q.C. nang sumiklab ang sunog ilang oras makalipas ang tanghalian.

Nabatid na nakulong ito sa nasusunog na bahay at hindi nagawang makalabas kaagad at hindi rin naman nagawang mailigtas ng mga miyembro ng pamatay sunog.

Samantalang nasugatan ang isang 63 anyos na babae at isang bata na ang gulang ay tinatayang 4.

Sa ulat ni QC Fire Department Deputy Fire Marshall C/Insp. Gilbert Valdez, idineklarang nasa 5th alarm ang sunog bandang alas-6:13 ng gabi at naideklarang under control bandang alas-8 ng gabi.

Mahigit 180 pamilya ang nawalan ng bahay na tinupok ng apoy na naideklarang fire out bandang alas-9:30 ng gabi. (JC Delos Reyes)

Please follow and like us:
Read More

JEEPNEY DRIVER NAGBIGTI

HINDI na umabot na buhay sa pagamutan ang isang jeepney driver na nagbigti gamit ang isang electrical extension cord sa Navotas City kahapon ng madaling araw.

Dead on arrival sa Navotas City Hospital si Michael Sevilla, 39, ng 1044 FDR-2, Ignacio St., Bacug, Barangay Daanghari.

Ayon sa anak ni Sevilla na si Michelle, 19, nagpost pa sa Facebook  ang kanyang ama bandang alas-12:05 kaya’t nang kanyang makita at mabasa ang mga katagang “Panginoon, tulungan mo ako sa hindi ko magandang gagawin.”

Biglang kumabog ang dibdib ng dalaga kung kaya’t kaagad na sumugod sa kuwarto ng kanyang ama na bumulaga sa kanya nang buksan ang pinto na nakabitin ito sa kisame gamit ang electric cord na nakapulupot ang dulo sa leeg nito.

Mabilis na humingi ng tulong ang dalaga sa kanilang mga kapitbahay upang maidala ang kanyang ama sa pagamutan subalit hindi na nailigtas pa.

Hindi naman masabi ng dalaga kung ano ang mabigat na dalahin ng kanyang ama kaya’t naisipang kitlin ang sariling buhay. (Alain Ajero)

Please follow and like us:
Read More

AKYAT BAHAY NAPATAY NG BIKTIMANG PULIS

DEAD MAN

ISANG tama ng bala ang tumapos sa buhay ng isang kaanib ng Batang City Jail (BCJ) na binaril ng isang miyembro ng Manila Police District (MPD) matapos maaktuhang bitbit ang Apple Ipad na pag-aari ng anak ng  huli sa kanilang inuupahang apartment sa Tondo, Maynila.

Inilarawang nasa 25-30 taong gulang, 5’5 – 5’6 ang taas, nakasuot ng asul na pang-itaas at itim na short pants at mat tattoo sa katawan na “BCJ” ang lalaking nasawi sa Mary Johnston Hospital.

Sa pahayag ni P/SSgt Jeffrey Camacho, ng MPD-Station 10, umuwi siya sa kanilang inuupahang apartment na nasa ika-3 palapag sa 1053 Carmen Planas St., Tondo bandang alas-5 ng hapon ng Linggo upang makipagsaya sa kaniyang pamilya para sa fiesta ng Sto. Niño.

Ilang hakbang na lang siya sa pinto ng kanilang bahay nang makita niyang lumabas ang hindi kilalang lalaki na hawak ang gadget na Apple Ipad ng kanyang anak kaya’t kaagad niya itong hinarang subalit mabilis na tumakbo ang lalaki paakyat sa 4th floor kaya’t nagkaroon ng habulan.

Nang abutan, ayon kay Camacho, bigla na lang siyang hinalihaw ng patalim ng lalaki at masuwerteng hindi siya timaan kaya naman napilitan siyang paputukan ito ng kanyang baril at tinamaan sa tiyan.

Mabilis na isinugod sa pagamutan ang lalaki subalit hindi na umabot na buhay.

Kusang-loob na sumuko sa kanyang mga kapwa pulis si Camacho na isinailalim sa imbestigasyon. (Rene Crisostomo)

Please follow and like us:
Read More

CHINESE DRUG TRAFFICKER KULONG

ARRESTED

NAKATAKAS man sa batas sa kanilang bansa, naaresto naman ng mga tauhan ng Manila Police District-Special Mayor’s Reaction Team ang isang Chinese na may kasong drug trafficking.

Iprinisinta ni Manila Mayor Francisco “Isko Moreno” Domagoso ang suspek na si Wang Janquiang, 40, na inaresto ng grupong pinangungunahan ni SMaRT Chief P/Major Rosalino Ibay.

Habang pinaghahanap naman ang kasama nitong babae na umano’y kasabwat sa pagbebenta at pagpapakalat ni Janquiang ng droga sa Pilipinas.

Ayon kay Moreno, walang sinumang nagkasala sa batas, banyaga man o Filipino ang puwedeng manatili sa Maynila nang hindi nahuhuli.

“Sinabi ko naman sainyo, walang pilipino, walang banyaga, basta tumakas kayo sa mata ng batas sa ginawa ninyong krimen at ginagamit niyo ang maynila,  malalagot kayo,” pagdidiin nito.

Nabatid na ang naaresto ay lider ng isang drug syndicate at  wanted dahil sa kasong pagbebenta at pagpapakalat ng ilegal na droga sa Quianzhou City, China. (RENE CRISOSTOMO)

Please follow and like us:
Read More

P3.4-M SHABU NASAMSAM

shabu16

ISANG 29-anyos na lalaki ang inaresto ng mga tauhan ng Las Piñas  City Police  at nakuhanan ng P3.4 milyong halaga ng shabu sa isang buy-bust operation sa lungsod kamakalawa ng gabi.

Nahaharap sa kasong paglabag sa Comprehensive Dangerous Drugs Act of 2002 ang suspek na si Danizon Manese, alyas Tenten, ng C-5 Extension, Barangay Manuyo Dos, Las Piñas City, matapos makipagpalitan ng droga at pera sa isang poseur buyer cop.

Sa ulat ng pulisya, ilang araw ang ginawa nilang pagsubaybay kay Manese bago sila nakipagtransaksyon sa Barangay Manuyo bandang alas-11:30 noong Linggo.

Nasa aktong hawak n ani Manese ang marked money nang lagyan siya ng posas ng pulis na kanyang binentahan ng droga.

Nabawi mula sa suspek ang halos kalahating kilo ng hinihinalang shabu na tinatayang nasa P3,400,000 ang street value at marked money. (Dave Medina)

Please follow and like us:
Read More