P24.3-M SYNDICATED ESTAFA IKINASO SA BAYAW NI GAISANO

doj12

EKSKLUSIBO

(NI NELSON S. BADILLA)

INAASAHANG magiging sentro ng atensyon at kontrobersya sa lalawigan ng Cebu ang pamilya ni business tycoon Eddie Gaisano, isa sa mga kinikilalang matagumpay na negosyante ng lalawigan, dahil sa kasong P24.3 milyong syndicated estafa na kinasasangkutan ng isa sa miyembro ng pamilya.

Si Gaisano ay may-ari ng kilalang Gaisano Malls sa Visayas at Mindanao.

Batay sa rekord ng Department of Justice (DOJ), ang kanyang manugang na si Derwin Wong at iba pang siyam na indibidwal  ay sinampahan ng kasong syndicated estafa sa Cebu City Regional Trial Court.

Si Derwin ay asawa ni Eda Frances, anak ni Gaisano.

Nadakip si Derwin noong Abril 17 sa isang condominium sa Makati City batay sa warrant of arrest na inisyu ni Cebu City – RTC Branch 7 Judge James Stewart Ramon Himalaloan noong Abril 8 ng taong kasalukuyan, ayon sa DOJ.

Hinahagilap pa ng mga otoridad ang kasama sa syndicated estafa na sina Wong Chung Yin alyas David Wong, Derick Wong, Diane Wong, Davidson Wong, Lucy Chua, Juvy Ting, Susan Lu, Beverly Ansay at Leonardo Marsan.

Hanggang ngayon ay nagtatago pa ang siyam.

Ang nagsampa ng nasabing kasong kriminal laban kay Derwin at siyam na iba pa ay ang kanyang hipag na si Valerie Gaisano – Sebastian, anak din ni Eddie Gaisano.

Walang piyansa ang kaso nina Derwin.

Kaya, siya ay mananatili sa Cebu City Jail (CCJ) habang linilitis ang kaso, ayon sa DOJ.

Naglabas din si Judge Himalaloan ng hold departure order laban sa mga akusado na ipinarating sa Bureau of Immigration (BI) upang ang huli ay harangin ang pag-alis sa bansa ni Derwin at ng iba pang mga akusado.

Batay sa reklamo ni Gaisano – Sebastian, “ipinagkatiwala” niya ang kanyang P24.3 milyong halaga ng “shares of stocks” sa DW Capital Inc. (DWCI).

Nang rebyuhin at pag-aralan ni Gaisano – Sebastian ang mga transaksyon ng DWCI ay nadiskubre niyang naibenta umano ang kanyang P24.3 milyong halaga ng sapi sa DWCI nang walang “otorisadong pahintulot” mula sa kanya.

Ang pamilya ni Derwin ang sinasabing nagpapatakbo ng DWCI.

 

 

 

Please follow and like us:
Read More

CALOOCAN: 8 HULI SA DROGA, BOKYA SA SUGAL

caloocan drugs12

(NI NELSON S. BADILLA)

WALO kataong sangkot sa iligal na droga ang nadakip ng mga pulis sa Camanava (Caloocan, Malabon, Navotas at Valenzuela) na pinamumunuan ng Northern Police District (NPD) sa buong magdamag mula hapon ng Abril 26 hanggang umaga kahapon, ngunit walang nasakoteng illegal gambling operators, kolektor nila at maging mismong mga sugarol.

Ayon sa ulat ng NPD na pinamumunuan ni PBrig. Gen. Rolando Anduyan, ang walong nasakote ay mula sa Caloocan.

Ang pagdakip sa kanila ng mga tauhan ni PCol. Restituto Arcangel ay bahagi pa rin ng patuloy na pagsasakaturapan ng kampanya ng administrasyong Duterte laban sa iligal na droga.

Sila ay sasampahan ng kaso dahil sa paglabag sa Republic Act 9165 o Comprehensive Dangerous Drugs Act of 2002 sa piskalya sa Lunes.

Ngunit, malinaw sa parehong ulat ng NPD na walang nahuli ang kahit sinong tauhan ni Anduyan na sangkot sa anumang uri ng iligal na sugal sa buong Camanava.

Kahit ang Criminal Investigation and Detection Group (CIDG) ng NPD na siyang “elite force” laban sa lahat ng uri ng iligalidad ay nangamote rin laban sa illegal gambling.

Kung babalikan din ang mga ulat ng NPD na inilalagay nito sa National Capital Region Police Office (NCRPO) Media Viber Group at ipinapasa sa mismong tanggapan ni NCRPO Director PMajor General Guillermo Lorenzo Eleazar, lumilitaw na nangangamote ang NPD ni Anduyan pagdating sa kampanya ng administrasyong Duterte laban sa iligal na pasugalan.

Madalas bokya ang iskor ng kahit anong Police Station (PS) laban sa illegal gambling.

Kung meron mang nahuli, mga residenteng nagtitiyaga sa cara y cruz ang mga suspek.

Bukas na liham sa mga negosyante at residente ng Camanava na napakatalamak at naglipana ang iba’t ibang uri ng iligal na sugal sa malaking bahaging ito ng Metro Manila.

Alam na alam ng mga negosyante at residente na maraming beterano at matitinik na illegal gambling operators sa Camanava tulad ng jueteng lord na ang ginagamit sa operasyon nito ay ang small town lottery (STL) ng Philippine Charity Sweepstakes Office (PCSO).

Batid din nilang namamayagpag din ang video karera operations, saklaan at lotteng.

Ngunit, ang pamoso at malakas sa buong Camanava ay ang jueteng na nagtatago sa operasyon ng STL.

Nabatid ng DIARYO BOMBA na hindi makaangal ang PCSO sa mababang intrega ng STL operator sa Camanava dahil hindi naman tapat, seryoso at puspusan ang operasyon ng NPD laban sa jueteng lord ng Camanava.

Hindi rin aktibong gumagalaw ang mga tauhan ni Anduyan at mga hepe ng pulisya ng Camanava kahit sa operasyon ng VK, sakla at lotteng.

Ang napakaliit na bilang ng mga nahuhuli ng NPD at mga police station nito laban sa iligal na sugal sa Camanava ay litaw na litaw sa ulat ni Brig. Gen. Anduyan sa tanggapan ni Eleazar.

Nabatid ng DIARYO BOMBA na mayroong umiikot sa lahat ng iligal na pasugalan sa Camanava na isang alyas “Tata Iking” ang ginagamit na pangalan kada isang linggo upang kubrahin ang lingguhang ‘tara’ o ‘parating’ sa mataas na opisyal ng NPD.

Nabatid din ng DIARYO BOMBA na multimilyon ang nakukubra ni alyas Tata Iking para sa opisyal ng NPD, sapagkat sa VK operation pa lang ay P1,500 kada isang makina bawat isang linggong operasyon nito.

Pinakamalaking magbigay ay ang jueteng lord ng Camanava na hanggang ngayon ay hindi pa napapahuli ni Brig. Gen. Anduyan simula nang ilipat siya sa NPD noong Nobyembre 2018 mula sa Manila Police District (MPD).

Ayon sa ulat ng NPD, dalawang yunit ng VK ang nakumpiska ng mga pulisya ng Caloocan sa buong magdamag simula nitong Abril 26 ng hapon hanggang kahapon ng umaga.

Walang nasakoteng may-ari ng VK at manlalaro nito, ayon pa rin sa ulat ng NPD.

Please follow and like us:
Read More

KON. RODERICK PAULATE ‘KAPIT-TUKO’ SA PUWESTO

RODERICK PAULATE

(Ni: Nelson S. Badilla)

INAMIN ng isa sa mga empleyado ni Quezon City Councilor Roderick Paulate na hindi pa iniiwan ng lokal na mambabatas ang kanyang puwesto sa Sangguniang Panglunsod.

Ayon kay Anneth Cabalquinto, wala pang abiso sa kanila si Paulate hinggil sa 90-araw na suspensiyong utos ng Sandigangbayan laban sa konsehal.

Kaya, nananatiling ‘nakakapit’ si Paulate sa pagiging konsehal ng lungsod.

Katunayan, inamin ni Cabalquinto sa reporter na ito nitong Martes ng hapon na “nasa field si sir… nag-iikot.”

Ngunit, hindi para raw nangangampanya si Paulate.

Si Paulate ay tumatakbong bise-alkalde.

Suportado siya ng Serbisyo sa Bayan party-list (SBP), ang party-list ng pamilya Belmonte matapos mapagtanto ng pamunuan ng nasabing partido na “mahina” si Konsehal Gian Sotto.

Maliban sa dalawa, si dating Konsehal Jopet Sison ay tumatakbo rin sa pagkabise-alkalde sa ilalim ng Partido Demokratiko Pilipino – Laban ng Bayan (PDP – Laban), ang partido ni Pangulong Rodrigo Duterte.

Bawal o labag sa batas na mangampanya ang mga politikong tumatakbo sa anumang posisyon sa pamahalaang lokal, sapagkat ayon sa batas, sa Marso 29 pa sila dapat magsimulang mangampanya.

Kamakalawa, inilabas ng Sandiganbayan ang desisyon nitong 90-araw na suspensyon kay Paulate kaugnay sa kinakaharap niyang kaso ukol sa “ghost employees.”

Ang kasong korapsyon ni Paulate ay may kinalaman sa pagbubulsa ng P1.109 milyong pera ng Pamahalaang Lungsod ng Quezon City sa pamamagitan ng sahod ng kanyang 30 ghost employees mula Hulyo 2010 hanggang Nobyembre 2010.

Ayon sa argumentong inihain ni Paulate sa Sandiganbayan, hindi raw siya maaaring isuspinde dahil eleksyon batay sa Local Government Code of 1991.

Sa Mayo 13 isasagawa ang halalan.

Ibinasura ng Sandiganbayan ang argumento ni Paulate kung saan idiniin nitong ang pasya ng nasabing korte ay nakabatay sa Republic Act No. 3019 o Anti-Graft and Corrupt Practices Act.

Nakasaad daw sa RA 3019 na ligal ang pagsuspinde sa halal na opisyal ng pamahalaan kahit malapit na ang halalan, giit ng Sandiganbayan.

Inatasan ng Sandiganbayan si Local Government Secretary Eduardo Año na ipatupad ang utos ng korte.

Tiniyak ni Cabalquinto sa reporter na ito na hindi pa ipinapadala ng Department of the Interior and Local Government (DILG) ang desisyon ng Sandiganbayan.

Please follow and like us:
Read More

QCJ WARDEN ‘ISINUSUKA’ NG JAIL OFFICERS AT MGA BILANGGO

QCJ-3

(Ni NELSON S. BADILLA / Ikatlo at huling labas)

Pero, kahit nga napatunayan ng korte na nakagawa sila ng krimen ay hindi sila dapat ituring na mga ‘hayop’ o ‘alipin,’ sapagkat hindi sila mababago ng ganitong hindi makataong pagkalinga sa mga bilanggo.

Ang ganitong prinsipyo ay kabisado ni Enriquez bilang beterano at opisyal ng BJMP.

Habang pinaniniwalaang malakas ang kapit ni Enriquez sa BJMP, sapagkat bataan nga ito ni Tapayan, alam ng mga jail officer ng QCJ na bilang na ang kanyang maliligayang araw.

Ayon sa sources, hanggang Marso 25 na lamang si Enriquez sa QCJ, sapagkat siguradong papalitan siya.

Ang nasabing petsa ay isang araw matapos magretiro si Tapayan.

Ang inaasahang papalit kay Tapayan ay si Iral, sa halip na si Panti.

Si Iral din ang napupusuan ni Año, sapagkat si Panti na idinidiga ni Tapayan ay marami nang ‘reklamong’ nakarating kay Año.

Hindi lang alam ng sources kung alam na ni Enriquez na mawawala siya sa QCJ pagkatapos magretiro ni Tapayan.

Ayon sa mga jail officer, ang dapat na ipalit kay Enriquez ay hindi iyong opisyal na “walang puso kung humawak ng pera at alipin kung ituring ang mga bilanggo.”

Please follow and like us:
Read More

QCJ WARDEN ‘ISINISUKA’ NG JAIL OFFICERS AT MGA BILANGGO

QCJ-2

(Nelson S. Badilla / Ikalawang labas)

TAPOS, sobrang higpit pa raw ni Supt. Fermin Enriquez sa mga tauhan nito na halos “alipin” daw kung sila ay ituring.

Kaya, tahasang ‘isinusuka’ nila si Enriquez.

Gusto nilang mawala kaagad si Enriquez, ngunit hindi ito matatanggal hanggang nakaupo pa si Director Deogracias Tapayan.

Nabatid din ng reporter na ito na hindi lang ang mga jail officer ang naghahangad na matanggal si Enriquez kundi maging ang mga bilanggo.

Ipinarating ng impormante mula sa QCJ na nagrereklamo ang Batang City Jail (BCJ)at iba pang grupo na ‘masyadong mabaho’ ang kanin nila.

Ibig sabihin, mumurahing bigas ang ipinarasyon ni Enriquez.

Taliwas ito sa panahon ni Supt. Emerlito Moral mula noong 2017.

Tapos, hindi pa maayos ang pagluluto ng mga ulam dahil mistulang panghayop umano ang pinapakain ng pamunuan ng QCJ ngayon, banggit ng impormante.

Napakalayo raw ito noong panahon ni Moral.

Dahil dito, gusto nilang paimbestigahan ito sa Department of the Interior and Local Government (DILG).

Ang BJMP ay mayroong sapat na badyet para sa bawat bilanggo ng lahat ng mga kulungang nasa ilalim ng pamamahala at pamumuno ng BJMP sa buong bansa.

Nakaangkla ito sa prinsipyong makataong pagtrato sa mga nakakulong, lalo pa’t silang lahat ay inosente hangga’t wala pang pinal na hatol ang huwes sa kani-kanilang kaso. (Itutuloy)

Please follow and like us:
Read More

QCJ WARDEN ‘ISINUSUKA’

QCJ

Unang labas

(Ni Nelson S. Badilla)

KUNG pakikinggan lang ang mga jail officer at mga bilanggo ng Quezon City Jail (QCJ) ni Interior Secretary Eduardo Año ay hangad nilang matanggal ang kanilang warden na si Supt. Fermin “Ike” Enriquez dahil sa umano’y hindi nito “makataong pamamalakad” sa QCJ.

Ayon sa impormasyong ipinarating sa investigative reporter na ito na simula nang umupo si Enriquez noong Enero 18 ng taong kasalukuyan ay “halos nalagas” o “mawala” ang allowance ng mga jail officer.

Si Enriquez na kilalang ‘bata’ ni Director Deogracias Tapayan, hepe ng Bureau of Jail Management and Penology (BJMP), ay siyang pumalit kay Supt. Ermerlito Moral.

Tinanggal si Moral nang walang malinaw na batayan o dahilan na dapat sana’y nakasaad sa papel na inisyu ni  Chief Supt. Arnold Buenacosa, BJMP Director ng Directorate for Personnel and Records Management, noong Enero 18.

Pansamantalang ipinuwesto si Moral sa BJMP – NCR.

Ayon sa mapagkakatiwalaang sources mula sa BJMP, si Enriquez ang ipinalagay ni Tapayan, sapagkat literal nitong sinusunod ang gustong mangyari at ipagawa ni Tapayan sa QCJ.

Ang ibig sabihin, ang utos ni Tapayan ang dapat masunod at mamayani sa QCJ – hindi iyong “eksklusibong gusto” ni Enriquez.

Nang mapuwesto si Enriquez, halos ‘makalbo sa kaligayahan’ si Tapayan, sapagkat “sa wakas” daw ay nawala si Moral na simula’t simula ay naging  ‘tinik sa lalamunan’ ng nasabing boss ng BJMP.

Alam na alam ito ni Chief Insp. Xavier Solda, isa pang ‘bataan’ ni Tapayan.

Hindi raw katulad ni Moral na kinokontra ang lahat ng ipinapagawa ni Tapayan sa kanya, banggit ng sources.

Kaya, nagsagawa ng mapagpasyang desisyon si Tapayan laban kay Moral kung saan kinampihan nina Chief Supt. Allan Iral, ikalawang pinuno ng BJMP at Chief Supt. Ignacio Panti, hepe ng BJMP – NCR.

Ilang araw mula nang makapuwesto si Enriquez, ang allowance ng mga jail officer na dating “napakaganda ang halaga” ay naging P1,000 na lamang ito. (ITUTULOY)

Please follow and like us:
Read More

‘TARA’ SA CUSTOMS: P36K PARA SA SENATE ‘BET’ NI DU30

bong10

(NI ATTY. VIC RODRIGUEZ/PUBLISHER)

GASGAS ang pangalan ni dating Special Assistant to the President (SAP) Christopher “Bong” Go sa mga tinaguriang ‘tarador’ ng Bureau of Customs sa bawat lagay o tara na ipinanghihingi umano ng mga ito para sa kampanya ng paboritong kandidato ni Pangulong Duterte.

Ayon sa mapagkatiwalaang ‘saksi’ sa Aduana, umano’y pinamumunuan ng isang Alyas ‘Marics Winner’ ang koleksyon raket para umano sa campaign fund raising ni Go.

Sa sumbong ng ‘saksi’ sa PeryodikoFilipino, Inc. investigative team, si Alyas Marics Winner ay bahagi ng tinatawag sa Aduana na “dynamic duo” na mga talamak na ‘tarador’ sa mga pantalan ng bansa.

Ang ‘tara’ ay aabot sa halagang P36k kada lata, o container, at ito ay pinaghahatian ng hindi bababa sa sampung (10) tanggapan ng tinaguriang pinakakorap na ahensiya, magmula sa Office of the Commissioner hanggang district collectors,” pahayag pa ng ‘saksi’ sa PFI investigative team.

Nagbigay rin ang ‘saksi’ ng isang detalyadong listahan ng mga opisyal na nangongolekta at tumatanggap ng pera at gumagamit sa pangalan ni Go para kumolekta ng tara sa mga negosyante at importers.

Nagbabala pa ang ‘saksi’ sa interbyu ng PFI investigative team na matapang at buo ang loob ng mga tiwaling opisyal sa kanilang lantad at tahasang pagsuway sa personal na kampanya ni Pangulong Duterte laban sa korapsiyon “kung kaya’t marami ang kumbinsido na ang ‘tarahan’ ay malamang sa hindi ay mayroong ngang basbas mula sa isang mataas na opisyal na malapit kay Duterte.

Makailang ulit nang nagbanta ang Pangulo ng republika na kanyang sisibakin sa puwesto ang sinomang opisyal na maulinigan niyang sangkot sa iligal na gawain gaya ng pangungurakot, influence peddling at mga gumagamit ng kanilang posisyon para magpayaman.

Base sa ipinakitang listahan ng ‘saksi,’ detalyado ang mga personalidad at opisina sa BOC na sangkot sa P36k ‘tara’ per container at kung paano at magkano ang kanilang nagiging hatian sa utos umano ng isang abogado mula sa tanggapan ni Commissioner Guerrero.

Mariin ang bintang ng ‘saksi’ sa Aduana na si Marics Winner lang umano ang authorized na mangasiwa ng ‘centralized tara system’ sa pagitan ng Office of the Commissioner (Ocom), IG at Office of the Collector kung kaya’t nananawagan ang mga negosyante kay Senatorial

Candidate Go na imbestigahan at ipahuli at usigin ang nasa likod nitong ‘tara’ sa BOC.

Patuloy ang pagsasaliksik ng PFI investigative kung gaano kalawak ang ‘centralized tara system’ at kung sino pa, maliban sa ‘Dynamic Duo,’ ang obyus na kalawang sa BOC.

 

 

Please follow and like us:
Read More