BASECO SINUYOD, 2 PATAY; 1,000 BINITBIT

(NI HARVEY PEREZ/PHOTO BY MAYA FELIZA)

BINITBIT ng pinagsanib na puwersa ng Philippine National Police (PNP), Manila Police District at CIDG ang may 1,000 kalalakihan  at dalawa naman ang namatay nang manlaban sa   isinagawang  Simultaneous Anti-Criminality Law Enforcement Operation (SACLEO ), Linggo ng hapon sa Baseco, Port Area, Maynila.

Isinagawa ang pagsalakay sa naturang lugar alas 2:00 ng hapon kung saan nabulaga ang mga residente.

Ang operasyon ay isinagawa sa tugon sa kautusan ni  Manila Mayor Francisco ‘Isko Moreno’ Domagoso na linisin ang Baseco sa kriminalidad at droga.

Nabatid na ang operasyon ay pinangunahan ni PColonel Antonio Yarra, deputy director ng MPD.

Isasailalim umano sa beripikasyon ang lahat ng kalalakihan na inaresto at binitbit sa basketball court.

Ang  mga kalalakihan na may records, warrant of arrest at sangkot sa droga ay ihihiwalay habang pauuwiin naman ang mga walang kaso.

Habang isinusulat ang balitang ito ay patuloy pa rin ang operasyon.

Inaalam pa ng pulisya ang pagkakilanlan ng dalawang nasawi matapos na manlaban sa mga pulis.

 

 

Please follow and like us:
Read More

BROKER PATAY SA AMBUSH NG TANDEM

crime143

(NI CYRILL QUILO)

TINAMBANGAN ang isang real estate broker sa Brgy. Bulbok,Lipa City, Batangas, Sabado ng umaga.

Tama ng bala sa ulo ang agad na ikinamatay ni broker kahapon ng umaga matapos pagbabarilin ng mga riding in tandem sa Brgy. Bolbok  Lipa City, Batangas.

Kinilala ni PLt. Col. Balauag ng Lipa City Police Station, ang biktimang si Florencio Maranan , 59, ng Purok 3 Brgy. Bolbok, Lipa City.

Ayon sa imbestigasyon, habang tinatahak ni Maranan ang Brgy.San Guillermo Lipa, isang motorsiklo ang sumabay sa kanyang paglalakbay at biglang may dalawang kalalakihan ang sumulpot sa daan saka bumunot ng baril at pinaputukan ang biktima.

Tama ng bala sa ulo ang agad na ikinamatay ng biktima habang tumakas palayo sa lugar ng pinangyarihan ang mga suspect.

Dinala sa Funeraria Lacorte ang labi ng biktima upang ma-autopsy ng SOCO at dadalhin ang kanyang motorsiklong kulay pula at puting Honda Wave sa Regional Crime Laboratory Office ng Batangas Provincial Police Office bilang ebidensya.

Please follow and like us:
Read More

BANTAY NG SIERRA MADRE NAIS MAGKAARMAS

illegal loggers-5

(Ni Jun V. Trinidad / Huling labas)

MALAKING panga­nib ang kinakaharap ng forest rangers na nangangalaga ng Sierra Madre na ngayon ay sinasabing pugad na rin ng mga illegal loggers at kanilang mga escort na humihigop ng usok ng shabu bago magtrabaho.

Kadalasan, ang forest rangers ay nagtratrabaho ng isang linggo sa loob ng kagubatan ng kabundukan ng Sierra Madre na ang tanging armas ay camera, global positioning system (GPS) device, teleskopyo at solar-powered lights para sa kanilang dokumentasyon habang ang hinahabol at hinaharap nilang mga illegal loggers ay armado ng matataas na kalibre ng baril.

Ilang beses na ring tinakot at pinaputukan ang mga bantay at nangangalagang ito ng Sierra Madre kaya’t naghahangad din sila na sana ay mabigyan din sila ng armas upang maharap nila ang mga nagsasamantala sa kabundukan.

Bukod pa ito sa katotohanan na bagaman naiulat na nila sa pulisya ang nangyari sa kanila na bahagi ng pananakot ng ilang illegal loggers, wala namang nagiging aksyon ang pamahalaan tungkol sa sinapit nila. Sa madaling salita, bumabagsak sa tengang bingi ang kanilang mga hinaing.

Nagtratrabaho ang fo­rest rangers sa kabundukan na walang kasamang sundalo sapagkat nais din nilang makaiwas na maipit sa engkwentro laban sa mga miyembro ng rebeldeng grupong New People’s Army.

Reklamo laban sa protektor ng illegal logging

Ikinuwento ni Lupo Telan, hepe ng  Community Environment and Natural Resources Office – Real, Quezon, na ilang beses na rin siyang nakakatanggap ng pagbabanta sa kanyang buhay.

Aniya, hindi siya tinatantanan ng mga illegal loggers at kahit pulis ng lalawigan ng Rizal ay nagpapaalam sa kanya upang makapangahoy sa protected areas at sa hindi niya pagpayag ay mas lalong dumami ang nagbabanta sa kanyang buhay.

Bilang pag-iingat, pansamantalang nagpalipat si Telan sa kanilang opisina sa Real, Quezon at hindi na muna sumasama sa pagpapatrulya.

Noong nakaraang buwan, anim na kasamahan ni Telan na pawang forest rangers ang naghain ng reklamong “grave threats” sa Infanta Police laban kina Ruel at Reynaldo Villaflor.

Nabatid na noong Hunyo 19, naharang ng forest ran­gers ang isang van na kargado ng hinihinalang “hot lumbers” sa Barangay Polo kung saan ay nasa loob ng sasakyan ang  dalawang Villaflor.

Nagalit si Ruel sa ginawang pagharang sa kanilang sasakyan bago nagpakilalang sundalo at pinaputukan ng baril ang anim na forest rangers na humarang sa kanilang sasakyan.

Si Reynaldo na driver ng van ay nagbanta rin sa grupo ng mga tagabantay ng Sierra Madre.

“Sige humarang kayo! Sasagasaan ko kayo!, ” ang sigaw ni Reynaldo.

Ayon naman kay P/Maj Hobert Sarmiento, hepe ng Infanta Police, hindi na nag­re-report sa kanyang tanggapan si Ruel na hindi pala kasapo ng Philippine Army subalit miyembro ng Citizens’ Armed Forces Geographical Unit o CAFGU.

Forest rangers nais magkaarmas

Dahil ayaw nilang matulad sa  ibon na binabaril na lang ng illegal loggers, nais ng fo­rest rangers ng Sierra Madre na magkaroon sila ng armas upang magamit bilang proteksyon.

Nabatid sa ilang rangers na makailang beses na rin silang humingi ng permiso sa Department of Environment and Natural Resources na pahin­tulutan silang magkaroon ng baril upang maipagtanggol ang kanilang sarili ngunit hanggang ngayon ay naghihintay pa rin sila sa pahintulot.

Sinabi ng ilang rangers na masyadong mapangahas na ngayon ang illegal loggers dahil karamihan sa mga ito ay batak sa shabu habang nagpuputol ng mga punongkahoy.

Giit pa nila, madalas ay may nakukuha silang plastic sachet ng shabu at paraphernalia na hindi nalalayo sa sumbong sa kanila ng mga katutubo.

Ayon sa mga katutubo, mismong kapitalista ng illegal loggers ang nagbibigay ng supply na shabu, alak at sigarilyo sa mga trabahador nito upang tumagal ang resistensiya sa kanilang ginagawa kahit na malamig ang panahon at umuulan.

Nabatid rin na kahit may total log ban, hindi humihinto ang illegal logging sa Sierra Madre kung saan ibinababa mula sa kabundukan ang mga table at troso sa Agos River hanggang Umiray River sa bayan ng Infanta.

Rangers kay PRRD: Armasan na kami

Malakas ang panawagan ng forest rangers sa Sierra Madre na sakop ng lalawigan ng Quezon kay Pangulong Rodrigo Roa Duterte na bigyan sila ng baril na gagamiting panlaban sa mga armadong illegal loggers na nasa ilalim ng tama ng shabu.

Sinabi ni Rexmel Telan, beteranong forest ranger ng CENRO sa Real, Quezon, sakaling walang badyet ang pamahalaan para ipambili ng baril, nakahanda naman silang dumukot sa sarili nilang bulsa upang makabili at magkaroon ng baril.

Isa pang giling ng grupo ni Telan ay payagan silang makakuha ng permit to carry firearms outside their residence.

“Kailangan namin ang baril para maipagtanggol ang sarili laban sa mga illegal loggers na may mga bantay na armado,” paliwanag ng forest ranger.

Maraming beses na rin aniya na pinapuputukan ng mga armadong illegal loggers ang mga nagpapatrulyang fo­rest rangers para takutin.

Mitsa ng buhay

Subalit para kay Lupo Telan, hepe ng Cenro-Real, nagdadalawang isip ang mga opisyal ng pamahalaan na armasan ang forest rangers dahil sa halip na maging proteksyon nila ay baka maging mitsa pa ng kanilang buhay.

Paliwanag pa ng hepe ng Cenro, taktika ng mga rebeldeng New People’s Army (NPA) ang mang-agaw ng armas upang gamitin ng mga kasamahan nila sa armadong pakikibaka laban sa pamahalaan.

Batay sa record ng Global Witness, sa 200 napapatay na mga “environmental defen­ders” sa 24 na bansa ay 28 ang napapaslang sa Pilipinas.

Please follow and like us:
Read More

JUDGE NATANGAYAN NG PERA, ALAHAS SA LOOB NG GYM

crime robber12

(NI ROSE PULGAR)

NATANGAY ang pera, alahas at mahahalagang dokumento na nagkakahalaga ng P.3 milyon ang isang hukom matapos mag-workout sa isang sikat na gym sa lungsod ng Pasay, Martes ng hapon.

Galit na galit at nanlulumo pa nang dumulog sa tanggapan ng Station Investigation and Detective Management Branch ng Pasay City Police ang biktimang si Taguig City Regional Trial Court (RTC) Executive Judge Bernard Bernal, 41, ng Branch 74.

Base sa isinumiteng report ni Police Col. Bernard Yang, hepe  ng Pasay City Police, dakong alas-3:50 Martes ng hapon nang magtungo ang biktima sa loob ng Fitness First Gym sa MOA Complex ng naturang lungsod.

Nagwork-out ang naturang hukom dahilan upang iwan muna nito ang kanyang mga pera at personal belonging sa locker number 549.

Makalipas ang dalawang oras, pagkatapos nitong mag-work-out at pagbalik ng alas-5:04 ng hapon sa locker na pinaglagyan niya ng kanyang gamit ay nakita nitong bukas at wasak ang susi ng locker.

Dito na niya nadiskubre na nawawala na ang kanyang  wallet na nagkakahalaga ng P18,000; diamond ring na nagkakahalaga ng P275,000; P40,000 cash money; driver’s license at ATM card, na may lamang P333,000.

Agad naman itong ipinagbigay sa pamunuan ng gym ang insidente, na kaagad namang inireklamo sa Pasay City Police.

Sa ngayon ay patuloy pa rin nagsasagawa ng masusing imbestigasyon ang mga awtoridad at sinusuri na rin ang nakalagay na closed circuit television (CCTV) camera upang matukoy ang pagkakilanlan ng hindi pa nakikilalang salarin.

Please follow and like us:
Read More

PAULO, JANINE MAGSASAMA SA BAGONG PELIKULA

red(NI ISAH V. RED)

MUKHANG nagiging regular na ang pagsasama ng mga artistang magkaiba ng home studio, partikular na ang Kapuso at Kapamilya.

Habang may hysteria sa pagsasanib pwersa ng dalawang network sa katauhan ni Alden Richards at Kathryn Bernardo sa pelikulang Hello, Love, Goodbye na ipapalabas na sa July 31, heto’t magsasama naman si Paulo Avelino at Janine Gutierrez sa isang pelikula ni Prime Cruz para sa T-Rex Entertainment. Sinulat ito ng GF ni Prime na si Jen Chuaunsu.

Nagpa-presscon angT-Rex nung isang Linggo sa restaurant na pag-aari ng producer ng pelikula ni si Rex Tiri. Naroon si Paulo, Janine, Jen, at Prime.

Ipinaliwanag ng direktor at writer kung tungkol saan ang If We Don’t Make It – yan ang titulo ng pelikula – na sisimulan nang i-shoot kapag naayos na ang schedule ng dalawang lead stars. Isipin nyo na parehong may ginagawang serye ang dalawa, Si Paulo ay nasa The General’s Daughter ng Kapamilya. Si Janine naman ay ang babaeng ipinanganak na isang dragona sa  The Revenge of the Dragon Lady ng Kapuso.

Pero masaya sila na magkakasama sila sa isang peilikula. Yan ang sinabi ng dalawa sa mga miyembro ng media na nandoon sa presscon na binusog ng Limbaga 77 Resto Bar sa pancit bihon, fried chicken, turon at iba pa para yata huwag masyadong magtanong kung anong klaseng pelikula ito.

“Definitely,” pagsisimula ni Prime, “hindi ito romcom.”

Eh, kung hindi nga romcom, ano nga ito. “Pwede sigurong romance o romantic drama, pero hindi heavy drama,” paliwanag ng direktor.

Sabi naman ng kanyang ka-relasyong writer, “Base poi to, at least part of it, sa buhay ni Prime,” sabay bungisngis.

Dagdag pa nya,  “This is about two people with unresolved issues in life, a lot things unsaid, and things that need closure.”

Nakaka-relate daw si Janine dun sa karakter na kanyang gagampanan. “Kasi parang naalaala ko na at some point in time parang me ganoon ding akong experience. Kaya nakaka-challenge na gaganap ako ng isang karakter na medyo malapit sa experience ko pero malayo sa kung sino talaga ako.”

Sabi naman ni Paulo, “Parang masarap balikan ang mga taon ng inyon kabataan.  Parang ganoon ako sa pelikula. May kaibigan pero parang hindi ko nasabi sa kanya ang tunay kong mga nararamdaman hanggang sa nagkahiwalay na kami. Ang tanong, nung magkita kami uli, ano ang mangyayari.”

Ang tanong kasi ng pelikula ay simple lang  na “What if?” Kung sa Tagalog, “Ano kaya?”

Ang pelikula ay nakatakdang i-release sa third or fourth quarter ng taon. That is if the production can complete the film on time.

Bagay naman kaya sina Janine at Paulo, o sa lenggwahe ng ng nagdudunung-dunungan sa pelikula…May chemistry ba sina Janine at Paulo? E di tingnan natin pag ipinalabas na ang pelikula kung magtutugma ang dalawa. Malalaman nya yan sa unang eksena pa lang. Isang malaking challenge kay Prime yan, dahil ang isang romantic film will only work if the audience experiences a spark when the two lead characters meet in the first scene.

KADENANG GINTO HATAW SA RATING

Masayang masaya si Daniela at Romina at panalo ang drama nila Kadenang Ginto  sa ratings nuong July 8. Umabot sa 23.5 porsyento ang viewership ng drama na pinangungunahan ni Dimples Romana (Daniela) at Beauty Gonzales (Romina). Ang figures na ito ay base sa Kantar Media. (Ano naman kaya ang masasabi ng katapat na programa nito sa kabilang bakod?)

May extension na ulit ang serye at pumasok na ang bagong karakter na ipinalit sa namatay na si Roberto Mondragon (Albert Martinez). Si Richard Yap ay ipinakilala sa media nung isang linggo at gagampanan niya ang papel na Leon na maging kakampi ni Daniela sa pag-agaw ng mga kayamanang sinamsam ni Romina nung namatay si Roberto. Tutulung nga ba si Leon o gagamitin lang nya si Daniela? Ano ang kaugnayan niya kay Romina? Yan ang mga aabangan natin sa mga susunod na episode ng Kadenang Ginto.

Samantala, TV Patrol pa rin ang pinanood ng sambayanang Pilipino pagdating sa balita. Talo nita ang 24 Oras ng 7 points sa rating nitong 27.9 % nung Lunes, July 8.

Samantala, panalo pa rin ang FPJ’s Ang Probinsyano (37%) kumpara sa katapat na drama ng Kapuso na Sahaya na nangalahati lang 18.7% nung July 8 din.

O baka magalit ang mga taga Eat Bulaga sa ratings ng kalaban nilang It’s Showtime.  Ang matagal nang noontime show ay nag-rate ng 13.2% nung July 9, samantalang ang palabas ni Vice Ganda ay umarangkada ng 17.4%.

Syempre sasabihin ng Kapuso, ratings yan ng Kantar. Eh, kasi sila sa AGB NUTAM naka subscribe. Hintayin natin ang ratings ng AGB.

 

Please follow and like us:
Read More

P1.4-M MARIJUANA SA TORTILLA CHIPS NASABAT SA NAIA

customs naia12

(NI DAVE MEDINA)

NASABAT ng mga tauhan ng Bureau of Customs (BOC) sa  Ninoy Aquino International Airport (NAIA) ang tinatayang nasa  P1.4 milyon halaga ng pinatuyong marijuana or  kush marijuana na inilagay sa  tortilla chips mula sa Illinois, USA.

Habang kini-claim  sa  Post office NAIA Customs ang tumitimbang sa 847.20 grams  na kontrabando ay inaresto ng BOC operatives ang suspect na nakilalang si Ryan Ramos Soriano,  isang call center employee, ng  San Juan City.

Nakatakdang sampahan ng pag labag  sa Section 117, 1400 at 1113 ng R.A. 10863 (CMTA) na may kaugnayan sa R.A. No. 9165 (Comprehensive Dangerous Drugs Act of 2002), ang suspek na si Soriano.

Ang naturang operation ay ika-15 drug bust ng Customs NAIA sa  taong ito at record-breaking sa 44 drug case na nakumpiska nitong 2018.

Please follow and like us:
Read More

KAI SOTTO IMPRESIBO KONTRA AL RAYYAN

MAS impresibong Kai Sotto ang nanguna sa Gilas Pilipinas Youth sa 79-54 panalo nito kontra Al Rayyan kahapon sa Doha, Qatar.

Ang game laban sa Al Rayyan ay bahagi ng dalawang  tuneup games bilang preparasyon ng Batang Gilas para sa 2019 Fiba Under-19 World Cup.

Nagposte ang 7-foot-2 na si Sotto ng 19 puntos sa episyenteng 7-of-10 shooting, dalawang rebounds, dalawang assists, dalawang blocks at isang steal sa 26 minutong paglalaro nito.

Nagambag naman ang frontcourt partner niyang si AJ Edu ng six points, seven boards, five assists at three blocks; eight points at five rebounds mula kay Geo Chiu; at tig-nine points naman sina Rhayyan at Gerry Abadiano.

Nagpakita ng mas magandang ball movement ang Batang Gilas sa kabuuang 26 assists ng team at pinuwersa ang Al Rayyan sa 23 turnovers.

Lumamang ng hanggang 30 points, 79-49, pa ang 14-man lineup ni coach Sandy Arespacochaga, na ginamit ang lahat ng kanyang players sa naturang game.

Ayon kay Arespacochaga, gusto niyang makita ang laro ng lahat ng players bago niya madesisyunan ang kanyang final roster.

Muling haharapin ng Gilas Youth ang Al Rayyan sa Miyerkoles bago ito tumulak sa Heraklion, Greece para sa global youth basketball showpiece.

Please follow and like us:
Read More

5 OFW PAPUNTANG AIRPORT PATAY SA AKSIDENTE SA NLEX

accidentsign1

PATAY ang limang indibidwal habang nasa siyam na iba pa ang nasugatan at isa ang nawawala makaraang maaksidente ang kanilang sinasakyang semi-van sa kahabaan ng North Luzon Expressway (NLEX) sa bayan ng Apalit, Pampanga, Sabado ng tanghali.

Sa panayam kay Supt. Elmer Decena, chief of police ng Apalit, kasalukuyan pa nilang inaalam ang pagkakakilanlan sa mga nasawi habang naisugod naman sa iba’t ibang pagamutan ang siyam na kasamahan na lahat ay pawang mga Oversees Filipino Workers (OFW).

Sinabi pa ni Decena na isa pa sa kanilang kasama ang nawawala at kanila pa itong hinahanap habang isinusulat ang ulat na ito.

Lumalabas sa inisyal na ulat, pasado alas-12:00 ng tanghali nang maganap ang aksidente sa bahagi ng NLEX via duct sa north bound lane sa Barangay Tabuyoc habang ang mga biktima ay lulan sa isang Hyundai H100 semi van o kapareho ng isang L300 van.

May kabilisan umano ang takbo ng sasakyan nang biglang pumutok ang likurang bahagi ng gulong kung saan napunta sa ikatlong lane mula sa second lane at tuloy tuloy itong bumaligtad, nagpagulong gulong hanggang tumilapon at mahulog sa ilalim ng tulay ang mga biktima.

Sinasabing mga empleyado ng manpower agency ang mga biktima na nakatakda sanang ihatid sa Clark International Airport sa Pampanga para bumiyahe palabas ng bansa, Sabado ng tanghali.

Patuloy pa ang isinasagawang pagsisiyasat ng mga awtoridad kaugnay ng malagim na trahedya.

 

Please follow and like us:
Read More