3 PINOY BOXERS NASILAT SA US

(NI ARIEL BORLONGAN)

NATALO ang tatlong Pinoy boxer na lumaban sa United States sa pangunguna ni dating WBA Oceania featherweight titlist Jessie Cris Rosales na nabigo sa kontrobersiyal na 8-round split decision kay undefeated Tyler McCreary sa MGM National Harbor, Oxon Hill, Maryland.

Nagwagi si McCreary sa mga iskor na 77-75, 77-75 samantalang isang huradong Amerikano ang pumanig kay Rosales sa iskor na 78-74.

Napaganda ni McCreary ang kanyang kartada sa perpektong 16-0-1 win-loss-draw samantalang bumagsak ang rekord ni Rosales sa 22-3-1 win-loss-draw na may 10 pagwawagi sa knockouts.

Hindi naman tumagal ng isang round si Philippine Boxing Federation super lightweight champion Rosekie Cristobal kay dating world rated at NABA super featherweight champion Carlos Morales ng Mexico sa kanilang 10-round na sagupaan sa Fantasy Springs Casino sa Indio, California.

Natalo rin sa 8-round unanimous decision si dating world rated Recky Dulay kay Mexican American Charles Huerta sa undercard ng sagupaan.

Please follow and like us:
Read More

PRESYO NG OIL PRODUCTS BABABA

oil45

(NI ROSE PULGAR)

MAY nakaamba na pagbaba sa presyo ng mga produktong petrolyo sa susunod na linggo.

Base sa mga kumpanya ng langis, tinatayang nasa P0.30-P0.40 kada litro sa gasoline, P0.20 hanggang P0.30 kada litro Sa diesel habang sa kerosene ay nasa P0.30 hanggang P0.40 naman sa kada litro na rollback.

Umaabot nang mahigit P3 ang naging pagtaas ng presyo ng gasolina at P2.40 naman sa diesel at kerosene dahil sa magkakasunod na taas-presyo.

Ang nakaambang taas-presyo sa produktong petrolyo ay bunsod sa paggalaw ng presyuhan nito sa pandaigdigang pamilihan.

Nabatid na limang linggong magkakasunod na oil price hike ang naranasan at ngayon ay may nakaamba na rollback.

Please follow and like us:
Read More

PACMAN VS THURMAN: UPAKAN NA!

(NI VIRGI T. ROMANO, Saksi Ngayon, Sports Editor/ PHOTO BY WENDELL ALINEA)

LAS VEGAS – Ngingiti-ngiti si Manny Pacquiao habang kumakaway sa libong fans na sumaksi sa official weigh-in, Biyernes (Sabado sa Maynila) sa MGM Grand Garden Arena.

Si Thurman naman ay sinalubong ng ‘boo’ ng pro-Pacquiao crowd, na ikinairita nito.

Kapwa tumimbang ng 146.5 pounds sina Pacquiao at Thurman, mababa nang bahagya sa 147-pound limit para sa kanilang WBA welterweight showdown.

“It’s going to be a good fight,” komento ni Pacquiao habang nasa entablado, ilang saglit matapos tumuntong sa weighing scale.

At kanyang idinugtong na mayroon siyang patutunayan sa laban nila ni Thurman.

“I want to prove something in this fight. It’s all set for tomorrow,” wika ni Pacquiao.

Naunang nagsalita si Thurman at sinabing kanya ang labang ito.

“It is my time. This is one time. Manny Pacquiao ain’t doing nothing to me, baby,” deklara ni Thurman.

Ayon pa ay Thurman, pagkakataon na niya ito para ibagsak ang ‘Legend’ na si Pacquio.

“This is a once in a lifetime opportunity to destroy a legend,” anang 30-anyos na si Thurman.

Tatangkain ni Pacquiao na mahablot ang korona ni Thurman – ang ‘super’ welterweight, itinuturing na pinaka-importaneng championship belt sa nasabing boxing division.

Please follow and like us:
Read More

DRIVER PISAK SA 2 SASAKYAN

crime

(NI KEVIN COLLANTES)

DEAD on the spot ang isang tricycle driver nang maipit sa dalawang behikulo, habang palabas sa compound ng isang carwash sa Barangay Oranbo, Pasig City nitong Biyernes.

Ang biktima ay kinilalang si Richard Adonis, 38, na nagtamo ng matinding pinsala sa katawan.

Batay sa ulat ng Pasig City Police, naganap ang insidente dakong 1:50 ng hapon sa loob ng compound ng carwash at junk shop sa Cpt. Henry Javier, sa Barangay Oranbo.

Nabatid na bago ang insidente ay nakaparada sa loob ng compound ng carwash ang Mitsubishi Mirage (AAZ-1661), na pagma-may-ari ni Alfredo Villajuan, 53, paharap sa silangang direksiyon habang nakaparada rin naman sa sidewalk ng Cpt. Henry Javier Street, ang Ford Everest na may conduction sticker na C1 R584, na pagma-may-ari naman ni Frances Marie Saculo, 38, paharap naman sa northeast direction.

Sa hindi pa batid na kadahilanan ay bigla na lang umanong umusad ang Ford Everest patungo sa Mitsubishi Mirage.

Nagkataon namang sakay ng kanyang Suzuki GS 125 na tricycle (EP 7027) ang biktima, at palabas sana ng compound, kaya’t minalas na masagi at makaladkad ito ng umuusad na Ford Everest, bago ito tuluyang bumangga sa nakaparadang Mitsubishi Mirage.

Na-sandwich naman sa dalawang sasakyan ang biktima na nagresulta sa pagkamatay nito.

Please follow and like us:
Read More

DALAGA NADAGANAN NG JEEP

(NI LILY REYES/PHOTO BY ED CASTRO)

MALUPIT na kamatayan ang sinapit ng isang empleyada makaraang madaganan ng tumagilid na pampasaherong jeep habang  sugatan ang pitong pasahero, Sabado ng umaga kahapon sa Quezon City.

Kinilala ni PMajor Aldrin M. Enrico, hepe ng QCDTEU – Traffic Sector 4 ang biktima na si  Jocelyn Flores, 35, dalaga, empleyada at nakatira sa Phase 1, Blk. 1, Lot 11, Makaturing St., Brgy. Manresa, Quezon City.

Si Flores ay binawian ng buhay habang nilalapatan ng lunas sa Capitol Medical Center dahil sa tinamong matinding pagkalasog ng likod nang madaganan ng pampasaherong jeep.

Ang mga sugatang pasahero ng Izuzu Jitney na my plakang PAB- 388 na sina Amit Albent, Catherine Romeo, Jonatahn Baliane, Rosemarie Orgona, Aheryn Tupaz, Jaz Bagumbayan at Dave Cordero.

Nahaharap naman sa kasong reckless imprudence resulting  to homicide, multiple injuries at damage to properties ang nakapiit sa Traffic  Sector 4 na si Angel Fabrero, 53, driver ng jeep (PAB–388) at Alfred Gallosa, 41, driver ng truck na may plakang CAE – 1961.

Base sa report ni Patrolman John Dave Mallilin, may hawak ng kaso, naganap ang aksidente sa kahabaan ng Timog Ave. bandang alas 7:40, ng Sabado. Binabaybay  umano ng pampasaherong jeep ang Timog Ave.  na minamaneho ni Fabrero patungo sa Scout Tuazon St., nang bigla  na lamang itong  sinalpok  ng sumunod na truck na minamaneho ni Gallosa.

Sa lakas ng pagkakasalpok ng truck sa likurang bahagi ng PUJ  ay tumagilid ito.

Please follow and like us:
Read More

3 ROBBERY HOLD-UP SUSPECTS PATAY SA ENCOUNTER

(NI LILY REYES/PHOTO BY JIMMY CARBO)

TATLONG hinihinalang robbery hold-up suspect ang namatay makaraang  makipag barilan sa mga operatiba ng Quezon City Police District (QCPD), Sabado ng madaling araw  sa Brgy. Sto. Domingo Quezon City.

Nakilala ang mga suspect na sna alyas Jeffrey, alyas Nono at alyas Bert.

Sa imbestigasyon ng  Criminal  Invistigation and Detection Unit (CIDU) ng QCPD , ang insidente ay naganap bandang alas 12:45 kahapon  ng madaling araw sa  Biac Na Bato St., Brgy. Sto. Domingo, ng nasabing lunsod.

Nagsagawa umano ng Anti-Criminality  at surveilance operation ang mga operatiba ng District Special Operations Unit (DSOU) laban sa mga kilabot na miyembro ng  Hermosa Robbery Group sa nasabing lugar nang mapansin ng mga pulis ang dalawang motorsiklo  na nakaparada sa gilid ng kalsada  kung saan ay may nakasakay na dalawang lalake na nagtutugma sa discription ng mga suspek.

Agad na tumawag ng assistance ang tropa ng DSOU sa kanilang kasamahan na nakasakay sa  marked vehicle  na agad namang  rumesponde.

Nilapitan  ng mga pulis  na nakasakay sa isang marked vehicle ang nakaparadang motorsiklo  ngunit sinalubong  ito ng bala ng mga suspek kung kaya napilitan ang mga pulis na gumanti.

Agad namatay ang tatlong robbery hold-up suspek habang  mabilis namang nakatakas ang  kanilang kasamahan na  kinilalang si alyas Nonoy.

Narekober mula sa  tatlongnapatay na suspect ang tatlong  kalibre .45 baril  na may lamang bala at magazine at dalawang extra na magazine ng kalibre 45 baril., 1 kulay orange na  honda beat motorcycle na walang plaka,  at 1  plastic sachet na may lamang shabu.

 

 

Please follow and like us:
Read More

BAGONG TAYONG PRESINTO TINANGKANG SUNUGIN

sultan kudarat

(NI NICK ECHEVARRIA)

BIGO ang apat na hindi pa nakikilalang kalalakihan sa tangkang panununog sa bagong tayong Community Police Assistance Center (Compac) sa bayan ng Lambayong, Sultan Kudarat, Biyernes ng gabi.

Lumalabas sa report ni P/Capt. Herman Luna, Lambayong Municipal Police Station commander, na binuhusan ng gasolina ng apat na suspek ang naturang tanggapan ng Compac at saka sinindihan.

Napansin naman kaagad ito ng mga nagbabantay na tanod na nasa  hindi kalayuan sa nasabing lugar kaya hinabol ang mga suspek subalit nagawa ring makatakas ng mga ito.

Pinagtulungan namang apulain ng mga nagbabantay na tanod at ng mga residente ang nasabing apoy hanggang sa dumating ang mga nagrespondeng bumbero kaya bahagya lamang ang naging pinsala ng nasabing gusali.

Nakahanda namang magbigay ng pabuya ang lokal na pamahalaan ng Lambayong sa sinumang makapagtuturo sa mga nakatakas na suspek at sa iba pang responsable sa mga naganap na patayan sa kanilang komunidad.

Please follow and like us:
Read More

NADINE HAPPY FOR JANE

(NI ROSE GARCIA)

ANG Star Magic artist na si Jane de Leon ang inianunsiyo na bagong Darna, pero kasunod ng pagti-trending ni Jane, nag-trending din si Nadine Lustre dahil marami pa rin sa netizens at fans ang umaasa pala na si Nadine ang mapipili bilang bagong Darna.

Masaya naman si Nadine na sa ganung aspeto talaga siya tinitingnan ng netizens, pero sey niya, never naman daw siyang nag-expect talaga at masaya siya para kay Jane.

“It’s nice po na ako ang nakikita nila. In the very beginning naman po, like what I said, I was never expecting and I didn’t auditioned naman po.

“It’s nice na si Jane (de Leon) ang nakuha. I see her a couple of times, common friends. It’s nice na siya po ang bagong nakuha,” positibo ngang sagot niya.

Nakausap namin si Nadine sa mediacon ng bago niyang movie under VIVA Films, ang “Indak” na ipalalabas na sa August 7.

Ang leading man ni Nadine sa movie ay si Sam Concepcion and from the title itself, mukhang sinigurado naman ng director na si Paul Alexei Basinillo na mapapa-indak talaga ang manonood.

Yun nga lang, coming from winning two Best Actress award from Urian at Eddys, may pressure na dapat sustain pa rin ang husay na maipapakita sa Indak.

“Well, honestly, kung lalagyan ko po ng pressure, ako lang ang mahihirapan. Kasi, at the back of my head po, iisipin ko lang na kailangan kong gawin ang ganito, kailangan kong higitan o mapantayan ang mga projects, siyempre, mahirap din po para sa akin.

“As much as possible, tulad po ng Indak, kasi ito yung project after ng i-announce yung mga awards, enjoy lang.

“Ang importante, as long as you love what you’re doing and hindi mo dina-doubt yung worth mo, yun lang naman po ang importante.”

Aminado naman si Nadine na may awkwardness sa kanila ni Sam noong umpisa lalo na kung medyo intimate ang scene dahil sa tagal na nilang sobrang close na magkaibigan pero nawala rin daw yun agad at bilang mga actors, inisip na lang nila ang character na ginagampanan.

RURU EMO RECORDING ARTIST

Naging emosyunal daw si Ruru Madrid habang nire-record niya ang mga kanta niya para sa magiging album. Although, tulad ng uso na ngayon na maglalabas muna siya ng dalawang digital single, ang “Nawawala” at “Maghihintay.”

Pumirma si Ruru sa GMA Records noong July 10 at looking forward na nga raw ito sa pagsisimula ng kanyang singing career.

Dumalo sa contract signing sina GMA Senior Assistant Vice President for Alternative Productions Gigi Santiago-Lara, GMA Artist Center Senior Talent Manager Vic del Rosario, GMA Music Managing Director Rene Salta, at GMA Music A&R Manager Kedy Sanchez.

Bukod sa pag-arte, hilig din ni Ruru ang musika. Ibinahagi ng aktor na malaki ang naging impluwensya ng kaniyang pamilya sa interes niyang ito dahil karamihan sa kanila ay mga musikero.

“I am very happy. Ever since I started in show business, naging pangarap ko talaga magkaroon ng kanta. This is my first love and nakakataba ng puso na ngayon, magkakaroon na ako ng sariling mga kanta.”

Please follow and like us:
Read More

HABAGAT PATULOY NA MAGPAPAULAN, ‘GORING’ LUMABAS NA

ulan1

(NI ABBY MENDOZA)

TULUYAN nang humina at nakalabas na ng Philippine Area of Responsibility(PAR) ang bagyong Goring, ayon sa Philippine Atmospheric Geophysical Astronomical Services Administration (Pagasa).

Sinabi ni  Pagasa weather specialist Meno Mendoza na makaraang makapasok ng PAR ang bagyong Goring ay tuluyan itong humina, naging Low Pressure Area(LPA) at Biyernes ng gabi ay nakalabas na ng bansa.

Sa ngayon ay wala pang bagong sama ng panahon na namomonitor ang Pagasa ngunit nanatiling aktibo ang hanging habagat na syang magpapaulan sa malaking bahagi ng Luzon.

Uulanin umano ang Luzon lalo sa hapon na epekto ng hanging habagat partikular ang mga lugar ng Batanes, Calayan at  Babuyan Group of Islands, Ilocos Region, Cordillera Administrative Region, Zambales at Bataan habang mahina hanggang katamtamang lakas ng ulan ang mararanasan sa Metro Manila.

Please follow and like us:
Read More

EX- MANAGER NG JRS EXPRESS HULI SA P11-M KINULIMBAT

arrested12

(NI JULIE DUIGAN)

SWAK sa selda ng Manila Police District ang dati umanong branch manager ng JRS Express sa 282 counts ng qualified theft, nang bitbitin sa Malabon iniulat ng pulisya.

Sa bisa ng arrest warrant na inisyu ni Judge Edgardo Saplala ng Regional Trial Court Br.33 ng Manila , arestado ang suspek na nakilalang si  Debs Dela Mesa, computer shop owner, ng 129 Arasity St.,Tinajeros , Malabon City .

Batay sa ulat ng MPD -Warrant & Subpoena Section , bandang alas-11:00 ng tanghali nang arestuhin si dela Mesa sa Malabon City.

Hulyo 12 ng taong kasalukuyan, nang mag isyu ng arrest warrant si  Judge Saplala, sa ilalim ng  Criminal Case # R-MNL-19-06238-CR.

Inirekomenda naman ng korte ang piyansang P10,430,000 para sa kanyang pansamantalang kalayaan.

Nabatid sa rekord ng pulisya, umabot umano sa may P11milyon ang ninakaw ni De la Mesa sa JRS Express branch noong siya ay isa pang branch manager ng kompanya noong 2017-18 kung saan sinamantala nito ang pagtitiwala ng  kompanya.

Nadiskubre umano ang pagkuha ng pera ng akusado  sa iba’t ibang pagkakataon sa audit form na isinagawa ng main office sa Pasig nitong nakaraang Pebrero 1, 2019 kaya kinasuhan ang suspek.

Nang malaman na natuklasan na ang kanyang ginawa hindi na pumasok si Dela Mesa, kaya napag-alaman na  nakatambay lang ito sa computer shop na kanyang pag ari sa Malabon .

Please follow and like us:
Read More

2 KIDNAPER PATAY, MAG-ASAWANG NEGOSYANTE NAILIGTAS

crime32

(NI KEVIN COLLANTES)

PATAY ang dalawang lalaking kapwa hinihinalang kidnapper habang nailigtas naman ng awtoridad ang mag-asawang umano’y dinukot ng mga ito sa isang engkwentro na naganap sa Antipolo City, nitong Sabado.

Hindi pa batid ng mga awtoridad ang pagkakakilanlan ng mga napatay na suspek, na itinuturong kabilang sa apat na lalaki na dumukot sa mag-asawang negosyante na sina Henry Alfonso, 52, at Florida Alfonso, 55, kapwa residente ng Sta. Cecilia, Mission Hills Subdivision, Barangay San Roque, Antipolo City.

Batay sa ulat ng Antipolo City Police, nabatid na bago ang engkwentro ay nakatanggap sila ng ulat na may mga indibidwal na dinukot ng apat na armadong lalaki, dakong alas-11:45 ng hatinggabi, sa La Veranda, Sumulong Highway, Barangay Sta. Cruz, Antipolo City.

Lumilitaw na sakay umano ang mga biktima ng isang silver na Honda CRV , na may plakang NBC-2943 at bumabagtas sa naturang lugar, patungong Antipolo City Proper nang bigla na lang silang harangin ng mga suspek, na lulan naman ng isang kulay gray at puting van.

Bumaba umano ng van ang apat na armadong lalaki at saka sapilitang tinangay ang mga biktima, patungong area ng Baras, Rizal.

Kaagad namang nagkasa ng checkpoint ang Antipolo City Police, at mga tauhan ng PNP-Anti-Kidnapping Group at Highway Patrol Group, sa Barangay Inarawan, at pagsapit ng 3:15 ng madaling araw ay nasabat ang mga suspek.

Tinangka ng mga pulis na pahintuin ang sasakyan ng mga suspek.

Gayunman, sa halip namang sumuko ay kaagad na nagpaputok ang mga suspek sa direksiyon ng mga pulis, habang tinatangkang tumakas.

Nakaramdam ng panganib, napilitang gumanti ng putok ang awtoridad na nagresulta sa pagkamatay ng dalawa sa mga suspek, ngunit nakatakas ang dalawang iba pa.

Nasagip naman ng awtoridad ang mga biktima, na iniwanan ng mga suspek sa kanilang get-away vehicle, habang tumatakas.

 

Please follow and like us:
Read More

BABAENG MISTAH NG PMA, TODAS SA AKSIDENTE

accident121

(NI NILOU DEL CARMEN)

PATAY ang isang babaeng miyembro ng Philippine Airforce at kaka-graduate lang sa PMA  matapos maaksidente ang sinasakyang multi purpose vehicle (MPV) sa STAR tollway sakop ng Tanauan City, Batangas, Huwebes ng gabi.

Sugatan din ang walo pang sakay ng sasakyan na ang ilan ay PMA graduate at mga miyembro din ng PMA.

Kinilala ng Tanauan City police ang nasawi na si 2Lt. Karen Lei Cunanan na idineklarang dead on arrival sa  CP Reyes Medical Center sa Tanauan City.

Nasugatan naman ang mga  second lieutenant  na sina Kayl Calanno, Paulo Miguel Salcedo,  Neil Jessie Licuben,  James Daryl Ligutan, Richard Magabo, Jared Nicolasora,  at James Benedict Doranco na magka-klase sa PMA “Mabalasik” Class of 2019.

Ayon sa report, ang mga biktima na kumukuha ng  Basic Air Force Officer Course (BAFOC), ay sakay ng isang Mitsubishi Xpander patungo sa San Fernando Airbase sa Lipa City galing sa Villamor Airbase sa Pasay City, nang maganap ang aksidente sa southbound lane ng STAR tollway sakop ng  Barangay Sambat, Tanauan City pasado alas-8:00 ng gabi.

Nawalan umano ng kontrol sa manibela ang nagmamaneho kaya nagpagewang-gewang  ang sasakyan hanggang sa tumaob sa gitna ng highway.

Agad isinugod sa ospital ang mga biktima subalit nasawi na si Cunana bago pa man mairating sa pagamutan.

 

Please follow and like us:
Read More

KILLER NG ABC PREXY, NADAKMA

(NI NILOU DEL CARMEN)

NATIMBOG ng mga awtoridad ang umano ay number one most wanted person ng Batangas  sa operasyon ng mga tauhan ng  Batangas PNP sa lalawigan ng Leyte,  Biyernes ng tanghali.

Kinilala ng Lipa City police ang suspek na si Windy Lat, alyas Boyet, na ayon sa pulisya ay lider ng Lat Criminal Group na sangkot sa gun for hire activities sa Batangas at mga karatig lalawigan.

Si Lat ay naaresto ng mga tauhan ng Provincial Intelligence Branch ng Batangas PNP matapos matunton sa pinagtataguan nito sa Cassa Isabel, Brgy. Tanghas, Tolosa Leyte, alas 12:30 ng hapon, sa bisa ng warrant of arrest mula sa Lipa City RTC branch 13.

Si Lat umano ang pangunahing suspek sa pagkamatay ni Lipa City ABC president na si Marlon Luancing na binaril at napatay sa Lipa Cockpit Arena noong December 28, 2018.

Nakakulong na ito ngayon sa detention cell ng Lipa City at walang piyansang inerekomenda sa pansamantalang kalayaan nito.

 

Please follow and like us:
Read More

MAGKALAGUYO NAHULING NAGSE-SEX

(NI JUN V. TRINIDAD)

QUEZON – Dahil sa ginawang pagtataksil ng kanyang asawa, hindi na nakatiis ang isang 57-anyos na lalaki na isumbong ang panonorotot ng babae sa pulisya ng bayan ng Calauag sa lalawigang ito noong Biyernes.

Sa salaysay ng biktimang si Nonito, residente ng Barangay Kinalin Ilaya, sa istasyon ng pulisya Biyernes ng tanghali, noon umanong nakaraang Mayo 8 bandang 4:00 ng madaling-araw ay nahuli ng mga opisyales ng barangay ang kanyang asawang si Jenelyn, 32, at ang sinasabing kabit nito na si William, 38, na parehong hubo at hubad na naglampungan.

Una rito ay nakita muna ng anak na lalaki ni Añir ang kanyang nanay na nakikipagpupugan ng halik kay William.

Tinangka ng bata na gisingin ang kanyang natutulog na tatay upang isumbong ang kahalayang ginagawa ng ina subalit hindi niya ito mapukaw sa pagkakahimbing.

Sumugod ang bata sa kanyang tiyuhin na barangay captain sa nasabing lugar na kasalukuyan noon na nagdaraos ng fiesta at doon siya nagsumbong.

Kasama ang ilang kagawad at barangay tanod, mabilis na pinuntahan ng opisyal ng barangay ang lugar na itinuro ng kanyang pamangkin.

Huli sa akto ng mga opisyales ng barangay ang parehong nakahubadna magkalaguyo na nasa kainitan ng kanilang pagtatalik sa lupa na ang lalaki ay nasa ibabaw ng babae, ayon sa report ng pulisya.

Nang pasinagan ng flashlight ay mabilis na tumindig ang magkabit at tumakbong parehong walang saplot sa katawan.

Inihahanda na ng pulisya ang kaukulang demandang adultery laban sa magkalaguyo.

 

Please follow and like us:
Read More

MAS GUSTO SI WINWYN KESA KAY NICOLE PARA KAY MARK

(NI GORGY RULA)

PINAG-UUSAPAN na ngayon ang magandang namamagitan kina Mark Herras at ng baguhang aktres ng GMA 7 na si Nicole Donesa.

Kasama ni Mark si Nicole sa afternoon drama ng GMA 7 na Bihag at mukhang nabihag nila ang puso ng isa’t-isa.

Napapansin na raw ng mga fans ang magandang pagtitinginan ng dalawa, at napapadalas na nga raw ang pagdi-date nila.

Medyo bago pa lang kasi dahil lately lang naman sila nakikitang lumalabas. Kaya hindi nga masabi kung nililigawan na ni Mark si Nicole.

Isa rin sa mga talents ng GMA Artist Center si Nicole pero dati itong sumasali sa ilang beauty competitions.

Nag-Binibining Pilipinas siya na hindi ko lang sure anong taon, pero sumali rin siya sa Ms. World Philippines nung 2014, at naging third princess siya roon.

Ayon pa sa nasagap kong kuwento, okay daw ang pamilya ni Nicole at tanggap nga raw si Mark.

Relihoyoso kasi ang pamilya ni Nicole at napapasama raw si Mark sa pagsisimba tuwing Linggo.

Sumasama rin daw si Mark kay Nicole na nagsisimba sa Our Lady of Manaoag sa Pangasinan.

Kung si Manay Lolit Solis ang tatanungin, gusto niya talaga si Winwyn para kay Mark dahil kailangan daw talaga ng alaga niya ng babaeng magbigay ng impluwensya at medyo kumontrol sa kanya.

Wala na kasing magulang na sinasandalan si Mark, kaya kailangan daw talaga ng partner ng maganda ang impluwensya sa kanya. Iyun ang nakikita niya kay Winwyn.

Kaya malay natin, baka maganda rin ang impluwensya ni Nicole sa binata.

Mahigit five months na rin namang break na sina Mark at Winwyn Marquez. Obvious na nakapag-move on na si Mark dahil mukhang may kapalit na.

BOYET AT PIP TIUMANGGI SA NORA AUNOR PROJECT

Itutuloy pa rin daw nina direk Joel Lamangan ang pelikulang Isa Pang Bahaghari na temang kabadingan din kagaya ng Rainbow’s Sunset.

Isasali nila ito sa mga finished films na isa-submit sa Metro Manila Film Festival.

Ang original cast na gusto sana talaga ni direk Joel ay sina Christopher de Leon at Tirso Cruz III ang kasama ni Nora Aunor, pero hindi ito tinanggap ng dalawang magaling na aktor.

Pero magaling din ang kapalit na sina Phillip Salvador at Michael de Mesa.

Isa sa mga araw na ito ay sisimulan na nila ang shooting, dahil ready na rin si Ate Guy, at excited na nga raw si direk Joel.

Ang suggestion lang ng karamihan, sana magaling at may hatak ang kukunin nilang young stars na gaganap bilang young Nora, Phillip at Michael.

LIZA TIKOM MUNA

Ayaw na ngayon magbigay ng pahayag ang FDCP Chairperson Liza Dino

kaugnay sa isyung pagdemanda daw sa kanila ng mga theater owners.

Inilabas na ni Madam Liza sa kanyang Facebook account ang official statement na mag-refrain na raw sila sa pagbibigay ng pahayag dahil kailangang hintayin pa raw nila summons at i-review pa nila ang kasong isinampa.

Pero nung nakausap namin si Liza at naitanong namin ito sa kanya, nagtataka raw siya kung saan nanggaling ang ganitong balita dahil well-represented naman daw ang mga stakeholders nang pinag-usapan nila ang paglipat ng showing ng Biyernes. Kaya naglabas sila ng memorandum.

Hindi nga lang daw maramdaman pa sa ngayon ang pagbabago ng araw ng showing dahil marami pang mga pelikulang nai-book ng Miyerkules.

Baka bandang October pa raw maramdaman ang pagbabago.

Pero sabi sa press release ng Viva, sa August 9, Biyernes daw ang showing ng Indak nina Nadine Lustre at Sam Concepcion.

 

 

 

 

Please follow and like us:
Read More

BADING NANABOY NG ASIDO SA GF NG EX-BF, ARESTADO

arrested

(NI ROSE PULGAR)

“PASENSIYA na nagmahal lang ako. Hindi ko rin gusto ang nangyari sa ‘yo.”

Ito ang humahagulhol na pahayag ng arestadong suspect na nagsaboy ng asido sa mukha hanggang sa mabulag na saleslady sa follow-up operation ng mga tauhan ng Pasay City Police, Biyernes ng tanghali sa Tabaco City, Albay.

Kinilala ni Police Colonel Bernard Yang, hepe  ng Pasay City Police ang nadakip na suspect na si Ramon Culada Jr. y Montallana, alyas “Mona” 30, beautician at naninirahan sa Barangay Sto Cristo, Purok 3 Tabaco City, Albay.

Dakong alas-12:30 ng tanghali kahapon nang maaresto ang suspect sa tindahan ng ina nito sa Tabaco City Albay na kung saan nagsagawa ng follow-up operation sa pangunguna ni Police Major Wifredo Sangel, hepe ng Station Investigation and Detective Management Branch.

Ayon kay Yang, natunton ng kanyang mga tauhan ang suspect matapos sabuyan ng asido si Glory Cris  Cuera, 27, dalaga, ng San Antonio St. Tondo Manila.

Nabulag ang dalawang mata ng dalawa at nangangailangan ng agarang operasyon.

Naganap ang insidente noong Hulyo 15 araw ng Lunes ng alas-10:30 ng umaga sa ika-apat na palapag ng 3F Trade  Center Mart , Two Shopping  Center na sa  Taft Avenue Extension  corner  Cuneta Avenue.

Nagselos umano ang suspect sa biktima matapos ipagpalit siya ng kanyang nobyo na kasintahan ngayon ng biktima.

Sasampahan ng kasong serious physical injury ang suspect sa Pasay City Prosecutors Office.

Please follow and like us:
Read More

STAR TOLLWAY TELLER NAGSAULI NG NAPULOT NA P500-K

(NI NILOU DEL CARMEN)

WALANG panghihinayang na isinauli ng isang empleyado ng STAR tollway sa Batangas ang  kalahating milyong pisong laman ng bag na kanyang napulot habang naka-duty sa Malvar toll plaza.

Kinilala ang 23-anyos na teller na si Jaymart Manlimid, residente ng Barangay Palindan.

Ayon dito, nakaduty siya sa toll plaza nang aksidenteng mahulog sa isang sasakyan ang bag.

Nang kanya umanong kunin ang bag ay tumambad sa kanya ang mga lamang US dollar kaya agad niya itong ipinagbigay-alam sa kanyang mga opisyal.

Nang mahanap ang may-ari ng sasakyan, napag-alaman na dalawang magkasintahan na parehong OFW ang may-ari ng bag at gagamitin ang pera sa planong pagpapakasal.

Sa tuwa ng magkasintahan, inalok pa ng mga ito ng pabuya ang binata subalit tinanggihan naman nito.

Nitong nakaraang araw, si Manlimid ay ginawaran ng parangal ng pamahalaang panlalawigan dahil sa katapatang ipinakita nito.

Nabatid pa na pangalawa na ito sa sitwasyong nagsoli ng pera si Jaymart.

“Mahirap po gastusin ang perang hindi mo pinaghirapan,” tapat na banggit pa ng binata sa panayam ng isang radio station sa kanya sa Batangas.

Si Manlimid ay  panganay sa tatlong magkakapatid na ninindigan na gawin ang tama at dapat bilang isang tunay na Pilipino.

 

 

Please follow and like us:
Read More

BUS TUMAGILID; 18 SUGATAN

(NI JG TUMBADO)

NASA 18 pasahero ang sugatan makaraang tumagilid ang kanilang sinasakyang bus sa bayan ng Oslob, Cebu.
Batay sa inisyal na report ng pulisya, naganap ang aksidente Biyernes ng umaga sa Barangay Gawi.

Sinasabing nawalan umano ng kontrol ang driver ng bus kung kaya’t dumere-deretso ng andar hanggang sa tumagilid na sa kalsada.

Isinugod naman sa iba’t ibang ospital ang mga sugatang pasahero.

Patungo sana ang bus sa bayan ng Santander sa southern Cebu.

Patuloy pa ang imbestigasyon ng mga awtoridad sa naturang insidente.

Please follow and like us:
Read More

SASAKYAN NAHULOG SA PARKING AREA NG HOTEL

(NI KEVIN COLLANTES)

ISANG driver ang nasugatan nang umano’y mawalan ng kontrol sa kanyang minamanehong pick-up, na nagresulta sa pagkahulog nito mula sa ikalawang palapag ng parking area ng isang hotel sa  Ortigas Center, Pasig City, Biyernes ng umaga.

Ayon kay P/MSgt. Allan Matula, ng Pasig City Police, ang biktima ay nakilala lang na si Rocky Pagaran Yabut, driver ng silver na pick-up na may plakang NBI-8838 at pagma-may-ari ng isang Rolan Roque.

Si Yabut, na sinasabing posibleng nabalian ng leeg at kaliwang braso, ay naisugod na sa Rizal Medical Center at nilalapatan ng kaukulang lunas.

Lumilitaw sa inisyal na ulat ng pulisya na bago mag-alas-12:00 ng tanghali nang maganap ang insidente sa parking area ng Malayan Plaza Hotel, sa ADB Avenue, Ortigas Center.

Nasa ikalawang palapag umano ng parking area ang naturang pick-up nang sinasabing mawalan ng kontrol dito ang driver kaya’t humarurot at biglang nahulog mula sa ikalawang palapag ng parking area hanggang sa tuluyang bumagsak nang patagilid sa kalye ng Topaz Road, kanto ng Opal Road.

Tumalsik rin sa kalsada sa ibaba ang bakal na rehas na harang ng parking area nang banggain ng sasakyan.

Dahil sa tindi ng impact ng insidente ay wasak ang harapan at tagilirang bahagi ng sasakyan habang sugatan ang driver nito, na kaagad namang dinaluhan ng mga rescuer at naisugod sa pagamutan.

Mabuti na lamang at walang nabagsakan ang sasakyan at rehas na bakal, kaya’t walang nadamay sa insidente.

Patuloy pa ang imbestigasyon ng mga awtoridad sa insidente.

Please follow and like us:
Read More

MOTOCROSS CHAMP PATAY SA ENSAYO

(NI BONG PAULO)

KARIT ni kamatayan ang sumalubong sa isang 18-anyos na kampeon sa motocross racing matapos pumalya ang pinag-eensayuhang motorsiklo nito dahilan ng pagkakadisgrasya AT pagkamatay sa Motocross Racing ground sa Brgy. Poblacion sa bayan ng Carmen, Agusan del Norte.

Kinilala ang biktima na si Jhonkim Portes Peligrino, residente ng Purok 16, Brgy. San Vicente, Butuan City.

Nabatid na ang biktima ay bantog na kampeon sa mga motocross racing sa kanilang lugar.

Ayon sa nanay ng biktima na si Zenaida Peligrino, nag-practice umano ang kanyang anak para sa patimpalak sa hapon kungsaan aksidenteng pumalya ang minamaneho nitong sasakyan dahilan para ito ay tumilapon sa lupa.

Dahil sa lakas ng impact, nagkasugat ang biktima na mabilis namang isinugod sa  MJ Santos Hospital, subalit dakong alas-3:00 ng hapon ay binawian ng buhay habang nilalapatan ng lunas.

Ayon sa attending physician na nagtamo umano ang biktima ng ‘internal hemorrhage’ sa kanyang dibdib na naging sanhi ng pagkamatay nito.

 

Please follow and like us:
Read More

BABALA NI PACQUIAO: THURMAN ‘DI AABOT NG 12TH ROUND

(NI VT ROMANO, Saksi Ngayon, Sports Editor)

LAS VEGAS – “HINDI matatapos ang 12-round.”
Ito ang pag-analisa ni eight division word champion Manny Pacquiao sa kalalabasan ng 12-round WBA welterweight showdown nila ni Keith ‘One Time’ Thurman Sabado (Linggo sa Manila) sa MGM Grand Garden Arena.

“There is a big percentage that this fight will not go 12 rounds.  That is not a prediction, just my analysis,” ani Pacquiao.

Kung tutuparin nga raw ni Thurman ang pahayag nito na makikipagsabayan kay Pacman, dalawang bagay lang ang mangyayari sa Amerikano–mana-knockout o kusang aayaw.

“If he goes toe-to-toe with me that will be lovely.  It will make it a shorter fight.” wika ng Pambansang Kamao.

Nananatiling paboritong magwawagi ang Filipino boxing icon. Sa pinakahuling betting odds, ang 40-anyos na Fighting Senator ay -155, habang +135 naman si Thurman, mas bata ng sampung taon kay Pacquiao.

Nangangahulugan, na ang pustang $155 kay Pacquiao (kung mananalo) ay kakabig lamang ng $100. Habang, ang pustang $100 kay Thurman ay $135 naman ang balik.

Ang pusta namang Pacquiao by KO (1st & 2nd round) ay 50/1 ($1=$50). Kung KO sa 3rd at 4th at 12th round nama’y 40/1 ($1=$40). At 30/1 kung mana-knockout ni Pacquiao si Thurman sa 5th-11th round.

Habang mas mataas na 60/1 naman kung iiskor si Thurman ng 1st o 2nd round KO ($1=$60). 50/1 sa 3rd,  4th at 12th round. At 40/1 ($1=$40) mula round 5th-11th round.

Samantala, hindi na nag-ensayo si Pacquiao kahapon. Sa halip, nagpahinga na lamang ito bilang paghahanda sa official weigh-in ngayong Biyernes (Sabado sa Manila).

Inaasahang magaang na makukuha ni Pacquiao ang 147-pound weight limit.

Aabangan naman kung sosobra sa timbang si Thurman, na napabalitang nahirapang magbawas. Pero agad na pinabulaanan ng kampo nito ang balita.

Please follow and like us:
Read More

NADINE KULANG PA SA BOX OFFICE APPEAL  

pwede ed deleon(NI ED DE LEON)

MATAPOS sabihin ng ABS-CBN na isang baguhan nilang artista ang finally ay lalabas na Darna, at saka naglabas ng statement si Nadine Lustre na hindi naman daw siya nag-audition, at “hindi ako talagang nag-effort para sa Darna, although I am happy na may nakaisip na kaya ko iyon”.

Actually hindi talaga si Nadine ang nagsimula niyan kungdi si Erik Matti, iyong tinanggal na director ng Darna, matapos na lumabas na hindi na nga rin magagawa iyon ni Liza Soberano dahil nabalian nga ng finger. Nasabi lang naman ng dating director ng pelikula na kung siya ang tatanungin, palagay niya si Nadine ang bagay.

Pero noon pa man, sinabi naman ni Nadine na hindi siya sumali sa auditions noon. Hindi naman daw siya sinabihan ng mga managers niyang sumali, at saka bakit nga naman sasailalim sa audition na ganoon ang isang aktres na kapapanalo lamang ng tatlong mahahalagang acting awards.

Pinag-usapan lang iyan dahil nakumbinsi siyang sumigaw ng Darna doon sa blog ni Donnalyn Bartolome, pero maliwanag din namang sinabi ng sexy singer at blogger na iyon ay dahil lang sa paniwala niyang bagay na Darna si Nadine, mangyari man iyon o hindi.

Kung si Nadine nga ang kanilang kinuha, siguro masasabing malamang sa hindi na kumita ang pelikula dahil may following na rin naman siya on her own, at kapapanalo nga lang ng tatlong importanteng best actress awards.

Sa parte naman ni Nadine, kailangan sana niya ang isang pelikulang gaya nga noong Darna dahil kahit na nanalo siya ng maraming awards, medyo kulang pa siya sa box office. Hindi pa siya nakakagawa ng malaking hit maliban doon sa mga tambalan nila ni James Reid.

‘DI SAKLAW NG POWERS  NI CHAIR LIZA

Hindi na kami makapagbigay ng opinion tungkol sa kasong iniharap ng Cinema Exhibitors Association of the Philippines laban sa Film Development Council, dahil nga nakasampa na iyon sa korte, sa Quezon City RTC. Hinihiling ng mga may-ari ng sine na pigilin ang pagpapatupad ng isang memorandum na inilabas ni FDCP Chair Liza Dino, na sinasabi nilang tuwirang pakikialam sa kanilang negosyo na hindi naman saklaw ng kapangyarihan ng FDCP batay sa batas na lumikha doon.

Ang giit ng FDCP, nagkaroon naman daw ng agreement. Pero lumalabas na hindi pala, kaya nga mayroon ngayong demanda laban sa kanila.

“NA-SET UP”NA MODEL ACTOR SUSPENDIDO ANG SOCMED ACCOUNT

Matapos na mabalitang hinuli ng PDEA ang model at part time actor na si Aeron Henry Cruz, sinasabing siya ay nakapag-piyansa naman daw, nakalabas na ng kulungan, at sinasabing “na-set up lang siya”. Pero walang statement mula sa part time model-actor mismo. Suspendido ang kanyang social media account. Kung sakali, kaso naman iyan at siguro pagdating sa korte, mapapatunayan naman niya kung ang pagkakahuli sa kanya ay isang set up lamang.

Ang sinasabi naman ng arresting team, nagkaroon sila ng isang linggong pag-iimbestiga bago nila hinuli ang mga suspect, pero iyong kasama niyang babae, umaming nagtutulak talaga siya ng droga “dahil sa matinding pangangailangan”. Si Aeron naman, simula sa una ay nagsasabing wala siyang kinalaman doon at nayaya lang dahil “mayroon daw inuman”.

 

Please follow and like us:
Read More

DUMP TRUCK NAHULOG SA BANGIN; 11 PUPILS PATAY

(NI JG TUMBADO)

LABING-ISANG elementary school pupils ang nasawi habang nasa 20 iba pa ang nasugatan nang mahulog sa bangin ang sinasakyan nilang dump truck sa bayan ng Boljoon sa lalawigan ng Cebu.

Nabatid sa ulat ng Boljoon Municipal Police, nangyari ang malagim na trahedya sa paibabang bahagi ng kalsada sa Barangay Upper Becerril pasado alas 7 ng umaga ng Biyernes.

Ang mga mag-aaral na nasa edad 10 hanggang 12 ay patungo sana sa kanilang sports activity sa paaralan sa Barangay Poblacion nang mangyari ang sakuna.

Ayon sa inisyal na imbestigasyon, habang binabagtas ng mini dump truck ang pababang daan ay bigla umanong nawalan ng preno at tuluy-tuloy na bumulusok sa bangin ang sasakyan.

Napag-alaman na hindi agad naisugod sa ospital ang mga biktima dahil sa kawalan ng ambulansya kaya isinakay na lamang sa ibang truck ang mga ito.

Kabilang sa mga nasugatan ay ang iba pang mag-aaral at ang driver ng dump truck na nakatakdang isailalim sa kostudiya ng pulisya.

Please follow and like us:
Read More

TUBIG SA ANGAT DAM TUMAAS SA CRITICAL LEVEL

(NI DAHLIA S. ANIN)

MAS mataas na sa kritikal level ang antas ng tubig sa Angat Dam matapos ang tuluy-tuloy na pag ulan na dala ng Bagyong Falcon.

Sa tala ngayong araw ng ala 6:00 ng umaga, umakyat na sa 160.16 meters ang lebel ng tubig sa dam mula sa 158.29 meters nitong Huwebes ng umaga.

Umaray ang ilang konsumer noong mga nakaraang araw dahil sa halos 19- oras na water interruption ang ipinatupad ng Maynilad at Manila Water

Nagpaalala naman ang National Water Resources Board (NWRB) na mag-ipon pa rin ng tubig ang mga residente hanggang sa tuluyan ng makarecover ang Angat dam.

Tumaas din ang lebel ng tubig sa Ipo dam mula 100.43 meters umakyat na ito sa 100.93 meters, pati ang La Mesa dam 72.27 meter sa 73.09 meters.

Gayundin ang Ambuklao mula 742.22 meters tumaas ito sa 743.11. Ang Binga dam din ay tumaas sa 568.34 mula sa 567.92. Mula naman sa 188.91 meters tumaas sa 189.02 ang Pantabangan dam.

Tumaas din ang antas ng tubig sa Magat dam mula sa 180.36 meters umangat ito sa 180.60 meters at ang Caliraya dam mula sa 286.62 naging 286.35 meters.

Please follow and like us:
Read More