JANELLA HINDI NAMANA ANG SHOWBIZ BLOOD NG MGA ESTRADA

AKO PA BA NI ROSE GARCIAMAGANDA naman daw ang relasyon ni Vice Mayor Janella Salvador sa kasalukuyang Mayor ng San Juan ngayon na si Guia Gomez.

Sinusuportahan daw siya nito sa kampanya niya bilang hahalili sa posisyon nito.
Ayon kay Janella, “Siya ang mag-endorse sa akin para sumunod na Mayor. Okay naman kami despite the rivalry of the siblings, nagtutulungan naman kami.”

As we all know, si Mayor Guia ay isa sa mga ka-relasyon ng Lolo niya na si Erap Estrada kunsaan, anak naman nila si Senator JV Ejercito.
Malaking bagay para kay Janella na ang ama na si Senator Jinggoy ay nakalaya na. Ibang-iba raw noong una siyang tumakbo sa pagka-Vice Mayor na nakakulong pa ito sa Crame.

“Malaking bagay talaga kasi, noong una, wala siya. Ako lang ang nag-campaign para sa sarili ko, of course, my Mom and my family. Pero siya na may alam, wala, ‘di ba?
“Kaya, medyo mahirap. Pero ngayon, bumabawi naman siya.”

Eh, at the same time, si Senator Jinggoy ay tumatakbo naman muli sa pagka-senador.
Sa kanilang magkakapatid, siya raw talaga over Jullian and Jolo ang talagang may puso sa pulitika.
Hindi raw siya pinilit ng mga magulang.

“Hindi talaga nila ko pinilit. Ako mismo ang nagpaalam sa kanila kung puwede kong pasukin ang public service. Okay naman sa kanya at may mga payo lang siyang binigay sa akin.”

Natawa si Janella nang sabihin namin na yung dugo ng pagiging pulitiko ang nakuha niya sa angkan nila, hindi ang pagiging artista.

Yun pala, pinangarap din niya noong mag-showbiz. In fact, nag-workshop daw siya sa PETA at sa Star Magic.
“Siyempre gusto ko rin, sino ba ang may ayaw?,” natawang sabi niya.
“Hindi kasi pumayag si Daddy noong payat pa ko no’n. Eh, tumaba na ko, wala na.”
Pag-amin pa niya, “Gusto ko talaga. Yun talaga ang unang gusto ko.”

Hindi raw siya pinayagan ng Daddy niya dahil babae siya, yung mga lalaki na lang daw mag-showbiz. Pero ang weird nga raw na sa politics, pumayag.
“Mas magulo nga ang pulitika kesa sa showbiz, so ‘di ko alam,” natawang sabi niya.
Eh, maganda pa raw ang boses ni Janella na nakuha naman nito sa Mommy niya. Kaso yun lang, pagka-graduate niya raw, pinasok na niya ang public service kunsaan, nagsimula siya bilang Konsehal.

Aliw rin si Janella nang tanungin ito kung sakali at puwede siyang mag-guest SA mga TV shows, saan niya gusto.
Mabilis na, “Mga game shows? Yung ganun? Minute to Win It! Ha ha ha!”
Mas gusto raw niya yung ganung show kesa talk show na interview. Kung sa talk show, okey lang din daw sa Gandang Gabi Vice. Eh, close pa naman siya kay Vice na madalas, sumasama rin sa mga events niya tulad ng LGBTQ Pride March ng San Juan.

—-ooo000ooo——

Ngayong araw na ito na ang pilot episode ng bagong afternoon prime ng GMA-7, ang “Inagaw Na Bituin.”
Hindi pa masabi ni Angelu de Leon kung ang character na niya rito ay mabait o masama bilang siya ang makikilalang ina ni Kyline Alcantara.

Pero kung may sobra raw siyang Ikina-excite sa bagong serye, ito ang bumubuo ng cast. Ang bongga naman nga kasi ng line-up from the 90’s na bukod sa kanya, nandiyan sina Angelika dela Cruz, Marvin Agustin, Gabby Eigenmann at Sunshine Dizon.

“Parang it’s a mixture of everything good,” sey niya.
In a sense, nakikita rin daw niya ang sarili sa mga young stars na kasama nila sa serye tulad nga nina Kyline at Therese. Pero nagbiro siya na tingin daw niya, mas May pressure ang mga ito ngayon dahil konting making ginawa o pinost sa social media, madaling nama-magnify.

“Eh kami nun, parang walang evidence, yung mga sinulat niyo lang sa amin,” natawang sabi niya.
Pero bilib si Angelu kina Kyline at Therese dahil mga palaban din daw sa aktingan.
“As in, palaban din! Actually, minsan nakakatuwang isipin na it’s all natural. Parang hindi nila kailangan ng acting coach.”

Papalitan ng Inagaw na Bituin ang time-slot ng Ika-5 Utos. Yung pinagsanib na puwersa ng cast na nilagay sa Inagaw… plus the story, parang pang-primetime na. Ginastusan pa ang halos lahat daw na gagamitin kanya which is all original.
Kaya hindi maikakaila na may pressure rin na maibalik nila ang bonggang rating ng Ika-6 na Utos noon, huh. (ROSE GARCIA)

Please follow and like us:
Read More

TAMBAN NAGLUTANGAN SA DAGAT

tamban200

NAGULANTANG ang mga residente sa dalampasigan ng Barangay Maayong Tubig sa Dauin, Negros Oriental nang makitang naglutangan sa gilid ang maliliit na isdang tamban.

Sinabi ng mga residente na sa tabi ng mga isdang naglutangan ay hindi na nila maibenta ito dahilan para gumawa sila ng paraan para mapakinabangan. Ang iba ay ginawang bagoong ang tamban habang ang iba ay ibinilad para maging daing.

Ayon sa Bureau of Fisheries and Aquatic Resources (BFAR), ang pagdagsa ng maraming tamban sa dalampasigan ay maaaring dulot ng closed season o fishing ban ng tamban upang hayaang dumami ang mga ito.

Nagsimula umano ang fishing ban noong Nobyembre at matatapos ngayong Pebrero 15.

Ang paglutang ng mga isda ay palatandaan na dumami na ang mga ito matapos maghigpit sa paghuli sa mga tamban.

Please follow and like us:
Read More

HINDI PERPEKTO SI SARAH PER0… — MATTEO

ANG GARA NI VINIA“HER simplicity, her honesty and her being real,” ang sagot ni Matteo Guidicelli nang tanungin siya ng press at his contract signing with Viva Artists Agency recently kung ano ang mga qualities na gustong-gusto niya sa girlfriend na si Sarah Geronimo.

Of course, hindi naman daw perfect ang kanyang girlfriend but what’s amazing, maging ang mga negative qualities daw ni Sarah ay mahal din niya.

“She’s not perfect, definitely, no? Nobody’s perfect. There are also things that I’ve learned to love, you know, her negative side or whatever, I’ve learned to love that. So, that’s what makes her interesting, kung baga,” he said.

Dagdag pa ni Matteo,  “she’s the most simple person you’ll ever meet, and she’s very honest. If she doesn’t like something, she’ll really say it. But she’s very kind to everybody, that’s what’s very nice.”

But of course, marunong din daw magalit ang kanyang girlfriend but in general ay napakabuti raw nitong tao.

Matagal-tagal na rin ang relasyon nina Sarah at Matteo, kung hindi kami nagkakamali ay nasa 5-6 years na sila at ayon sa aktor, since then ay malaki na rin ang ipinag-mature ng kanilang relasyon, pati na rin ng girlfriend.

“The relationship has matured and I think it’s still maturing. It’s not yet perfect and it’s never gonna be perfect, but you know, we’ve been learning so much from each other. And Sara’s grown to be a really strong and dependent woman, and she is continuing to do that,” saad pa ni Matt.

Ngayong nasa isang management na raw sila, hopefully in the future, they could do something “cool” together.

SA BALITANG SUICIDE NI DIEGO “WE WERE ALL IN SHOCK!”–MARCO

Nami-miss na ni Marco Gumabao ang kaibigan at dating co-star sa Los Bastardos na si Diego Loyzaga. Simula kasi nang mabalita na nagtangkang magpakamatay ang huli last November ay nawalan na rin daw sila ng communication hanggang sa umalis na nga rin ito sa serye afterwards.

“I just want him to know na we’re here for him, ‘yung mga kapatid niya sa Los Bastardos and nami-miss na namin siya. I really hope that he’s okay now, and sana makasama namin siya ulit soon,” sabi ni Marco nang makausap namin siya sa mediacon ng digital film niyang Apple of My Eye with Krystal Reyes na ipalalabas sa iWant.

Marco recalled na talagang na-shock sila ng mga kasamahan sa Los Bastardos nang mabalitaan ang nangyari.

“Nagkagulo (kami sa taping). When that happened, we were all in shock. Tapos, sakto ‘yung story, it was centered on him, so it was a big blow not only for us but also for the whole production, for the whole show,” pahayag pa ni Marco.

Samantala, excited ang aktor na si Marco sa Apple Of My Eye dahil kakaibang platform naman daw ito. The movie will be streamed on iWant on Feb.14. Pati story ay kakaiba rin dahil super-light daw  at talagang feel-good kilig movie na malayo sa role niya sa afternoon series niya sa ABS-CBN.

Bukod dito, first time niyang nakasama si Krystal at nag-enjoy daw siya working with her.

Walang siyang pa-santol sa movie?

“Wala,” natatawa niyang sabi.

The movie is directed by James Mayo mula naman sa script ni Bela Padilla.

Please follow and like us:
Read More

CAREGIVER SABIT SA SHABU NG BF

arrest

(NI ALAIN AJERO)

TULUYAN nang naglaho ang pangarap ng isang babaeng caregiver na makapangibang-bansa matapos na mahulihan ng shabu kasama ang isang kelot na sinasabing masamang impluwensyang boyfriend nito sa Caloocan City Sabado ng hapon.

Kulong sa magkahiwalay na selda ang umano’y magpartner na sina Michael Monitanus, 34, at Amalia Nagusara, 46, caregiver, kapwa ng Baesa, Brgy. 160.

Alas-4:50 ng hapon nang respondehan ng mga pulis ang tawag mula sa isang concerned citizen hinggil sa isang grupo na nagbebentahan ng iligal na droga sa kahabaan ng Reparo Road, Brgy. 161.

Pagdating sa naturang lugar ay nakita ng mga pulis ang balisang pangkat at nang kanilang sitahin ay nagkanya-kanyang eskiyerda ang mga ito.

Nasukol ng mga pulis ang sina Monitanus at Nagusara at nang ipalabas ang laman ng kanilang bulsa, narekober sa mga ito ang dalawang plastic sachet ng hinihinalang shabu, isang aluminum foil at itim na pouch.

 

Please follow and like us:
Read More

P11-M SMUGGLED NA SIGARILYO NASABAT NG COAST GUARD

yosi1

(NI NICK ECHEVARRIA)

NASABAT ng mga tauhan ng Philippine Coast Guard (PCG) ang umaabot sa P11 milyong halaga ng mga kontrabandong sigarilyo lulan ng dumaong na cargo ferry sa Zamboanga City Sabado ng umaga.

Ayon sa ulat ni Lt. Commander Jimmy Vingno, station commander ng Coast Guard sa Zamboanga City dakong alas-5:30 ng umaga nang makumpiska ang nabanggit na shipment sa loob ng isang commercial ferry na nagmula sa Jolo, Sulu.

Sinabi ni Vingno na ang pagkakatuklas sa malaking halaga ng smuggled na mga sigarilyo ay bunga ng intelligence report hinggil sa isang commercial ferry na naglalaman ng mga imported na sigarilyo patungo ng pantalan ng Zamboanga kung kaya mabiis na  inalarma ng PCG ang kanilang mga tauhan.

Nasa 158 kahon ng mga smuggled na imported na sigarilyo ang nabawi na inilagay sa compartment ng engine room nito ng vessel.

Sa unang report sinasabing may halong illegal na droga umano ang mga kahong-kahong imported na sigarilyo, subalit sa isinagawang pagsusuri wala namang nakitang mga ipinagbabawal na gamot.

Wala pang pang umaangkin sa kasalukuyan sa mga nasabat na  kontrabando ng sigarilyo.

Please follow and like us:
Read More

SINDIKATO NG PEKENG ATM CARDS, TIMBOG

atm

(NI ALAIN AJERO)

NASAKOTE ng pulisya ang isang sindikato na gumagawa ng mga pekeng automated teller machines (ATMs) card matapos ireklamo ng isang negosyanteng nabiktima ng mga ito sa Caloocan City.

Ayon sa report mula sa Northern Police District (NPD), kabilang sa mga naaresto ay sina Julsen Navarro, 41, ng 17 Libis Ortega St. Brgy. 20, Evelyn Sebastian, 57, ng 127 Binangonan St. Brgy. Maypajo, Stephanie Guevarra, 37, ng 219 Pateros, Brgy. 31 at Nanding Guevarra, 55, ng 1749 C.M. Recto Avenue, Maynila.

Nag-ugat ang pagkakadakip sa mga suspek matapos magsampa ng reklamo ang isa sa nabiktima ng  mga  ito na isang negosyanteng ginang na nakilalang si Imelda Villarosa, ng B9 C Lot 23 Phase 3C Kaunlaran Village, Caloocan.

Sa salaysay ni Villarosa, nadiskubre niya na ang 46 Land Bank ATM cards na isinangla sa kanya ng mga suspek sa halagang P250,000 ay pawang mga peke.

Dahil dito, alas-4:40 ng hapon nang ikasa ng mga tauhan ng DSOU at District Investigation and Detection Management Division (DIDMD)   ang entrapment operation sa kahabaan ng Tanigue St. Kaunlaran Village at doon  nasukol  sina Navarro, Sebastian at Guevarra.

Narekober ng pulisya mula sa mga naaresto ang apat na pekeng ATM cards na nakapangalan kay Lourdes Asucena, Melinda Serapio, Marilyn Guinang at Ramona Cadets na pawang may iba’t-ibang account numbers.

Inginuso naman ng mga naarestong suspek ang isang Nanding Guevarra bilang tagagawa ng mga pekeng ATM cards at naaresto din ito sa C.M Recto Avenue kung saan nakuha mula sa kanya ang pitong pekeng ATM cards na may iba’t iba ring pangalan at account numbers.

Sinampahan ng pulisya ang mga suspek ng kaukulang kaso sa Caloocan City Prosecutor’s Office.

Please follow and like us:
Read More

EMOSYON NAILABAS NI MOIRA MATAPOS MA-BULLY

boy abunda(NI BOY ABUNDA)

NARANASAN ni Moira dela Torre na ma-bully noong kabataaan niya. Ayon sa singer ay talagang mahirap ang kanyang mga pinagdaanan noon kaya nahilig sa pagsusulat.

“If you look at my journals when I was growing up, most of them started with, ‘I don’t know what to do anymore. I miss my family. Is this dream really for me? Is this actually possible? I have a crush, does he like me back?’ Things like that. So my prayers revolved around getting married, having my own family, my career,” pagbabahagi ni Moira.

Para sa singer ay malaking bahagi na ng kanyang buhay ang pagsusulat ng mga kanta. Dito nailalabas ni Moira ang iba’t ibang emosyon na kanyang nararamdaman. “I find my music as an outlet. Music helps me embrace whatever emotion I have. It helps me feel life more. Music has helped me so much in coping with my season,” giit niya.

Kamakailan ay nagpakasal na si Moira at Jason Marvin Hernandez kaya masayang-masaya ang singer sa bagong yugto ng kanyang buhay. Wala na raw ibang mahihiling pa si Moira dahil maganda rin ang takbo ng kanyang karera. “The past couple of years, it’s been so hard for me to feel my seasons, because everything’s happening too quickly. Everything happened in a span of two years. So while I’m grateful, I also feel like, ‘Hey! Wait, it’s happening too fast.’” nakangiting pahayag ng singer. -Reports from JCC- 

Please follow and like us:
Read More

KAPITAN PATAY SA RIDO; KAANAK TINUTUGIS

rido1

(NI JG TUMBADO)

“RIDO” o alitan sa pamilya ang umanoy dahilan ng pagpaslang sa isang barangay kapitan sa bayan ng Datu Anggal Midtimbang sa Maguindanao, Sabado ng gabi.

Dead on the spot sanhi ng ilang tama ng bala sa ulo at katawan ang biktima na si Lumbatan Lampay, 55, residente ng Barangay Tugal, nang maka ilang beses paputukan ng baril ng tatlong hindi pa mabatid na lalaki.

Ayon kay Maguindanao Police Provincial Director Senior Supt. Ronald Briones, sakay umano ang biktima sa kanyang motorsiklo at pauwi na ng kanyang bahay nang harangin siya at pagbabarilin ng mga suspek.

Nakakuha ang SOCO team sa lugar ng krimen ng limang basyo ng bala mula sa .45 pistola.

Lumalabas sa follow up report ng pulisya, bago pa ang pananambang sa kapitan ay may natatanggap na umano ito ng pagbabanta sa kanyang buhay dahil sa matagal ng alitan sa kanilang pamilya.

May dalawa nang persons on interest ang hinahanap ngayon ng pulisya na sinasabing kaanak pa mismo ng biktima.

 

Please follow and like us:
Read More

SHABU SA SELDA, 16-ANYOS PASOK SA CSWD

menor

(NI JG TUMBADO)

SWAK sa kulungan ang isang menor de edad na lalaki makaraan itong maaktuhang nag-abot ng pitakang may mga lamang ilegal na droga sa isang preso sa loob mismo ng police station sa Cebu City.

Ang 16-anyos na suspek ay nai-turn over ng San Nicolas Police Station sa pangangalaga ng City Social Welfare and Development (CSWD) matapos maisagawa ang booking process nito.

Nabatid kay SPO2 Edgardo Erci Emia, desk officer, inaresto ang binatilyo matapos madiskubre na ang pitaka na dala nito ay may lamang walong piraso ng plastic sachet na naglalaman ng shabu.

Pero bago ang insidente ay nagtungo sa presinto ang binatilyo para bisitahin ang kanyang kaibigan na nakilalang si Jun Ramas na nakakulong dahil sa kasong possession of illegal drugs.

Habang nag-uusap ang dalawa ay dumaan sa kanila si PO1 Floro Lada at dito natyempuhan nito ang aktong pag-abot ng binatilyo sa pitaka kay Ramas.

At nang usisain ay nagulat na lamang ang pulis nang makita nito ang mga sachet na nakasuksok sa pitaka.

Dinala naman ng CSWD ang bata sa Operation Second Chance, isang pasilidad para sa mga kabataang nasasangkot sa krimen o mas kilala sa tawag na children in conflit with the law.

 

Please follow and like us:
Read More

BANGKAY NG BABAE ITINAPON SA KALSADA

girl1

(TEKSTO/PHOTO BY ROSS CORTEZ)

ISANG bangkay ng hindi pa nakikilalang babae ang nadiskubre sa tabing kalsada sa Barangay Cabuco, lungsod ng Trece Martires Cavite alas-10:00 Sabado ng gabi.

Batay sa inisyal na imbestigasyon ng pulisya, posibleng itinapon lang sa lugar ang biktima na tinatayang nasa edad 30-35, may taas na 5’2, katamtaman ang pangangatawan at nakasuot ng maong shorts at sando

Nakabalot ng packaging tape ang buong ulo at braso ng biktima na kinakitaan din ng sugat sa gitnang bahagi ng dibdib.

Inaalam na nang pulisya ang posibleng pagkakakilanlan sa babaeng biktima pati na rin ang tunay na sanhi ng kamatayan nito

Please follow and like us:
Read More

BAKIT PURO FLOP ANG MGA PELIKULA NGAYON?

flop1

pwede ed deleon(NI ED DE LEON)           

 “KUNG ang gusto mo lang ay kumita nang malaki na walang puhunan, aba eh magtinda ka ng puto o kaya lugaw. Huwag kang gagawa ng pelikula,” ang natatandaan naming madalas na sinasabi sa amin ng dating MTRCB Chairman Manoling Morato. Galit na galit kasi siya noon sa mga gumagawa ng mga pelikulang kung tawagin ay “pene”. Aywan kung ano ang sasabihin niya ngayon na maski sa telebisyon, malapit na ring umabot ang mga palabas sa “pene”.

Pero may punto si Manoling. Ngayon hindi nga lang “pene” ang ginagawa ng mga producers, kasi hindi na rin kikita iyan. Ang daming “pene” sa internet at iba-ibang klase pa. Pero ganoon pa rin sila. Gusto nila parang lugawan na malaki ang tubo sa maliit na puhunan. Ang ginagawa nila, bida sa kanilang mga pelikula ang mga starlets. Direktor ng kanilang mga pelikula iyong mga baguhang malakas ang paniniwala sa kanilang sarili. Writer ng kanilang mga scripts iyong mga dating nasusulat lang sa pader kung may rally. Kasi gusto nila makatimba ng ginto kapalit ng kanilang barya. Wala iyan!

Iyang mga director na baguhan, aba kung makikita ninyo ang raw video niyang mga iyan, ilandaang terrabytes. Kung iyan ay pelikula kagaya noong araw, aba eh namulubi na ang producers, Kasi hindi sila sigurado sa ginagawa nila. Iyon naman mga assistants, na dapat mas tanga dahil baka turuan pa niya si direk kung marunong siya, aba eh ni hindi marunong mag-breakdown ng scripts.

Tapos magtataka pa ba kayo kung bakit hindi kumikita ang mga pelikula ninyo?

Kung noong araw iyan, iyang mga ganyang proyekto ni hindi makakalusot kahit na sa Bukang Liwayway Films. Lalong mamemaywang si Dona Sisang. Tatalikuran ka ni Doc Perez. Baka pangaralan ka pa ni Cirio Santiago at bigyan ka ng workshop sa pagdidirek ng pelikula.

Kung nabubuhay pa si Boss Mina Aragon, at sus aywan namin kung makakalusot ang mga ganyang pelikula sa kanya. Tingnan naman ninyo, noong araw ba nakatikim sila ng pelikulang naghihilahod sa takilya?

*****

 

LEN CARILLO BAGONG BOSS MINA NGAYON

 

Alam mo Tito KC, naalala nga namin si Boss Mina doon sa nakita naming ginagawa ng talent manager na si Len Carillo doon sa Clique V at Belladonnas. Hindi lang niya pinatuturuang kumanta at sumayaw ang mga talents niya. Hanggang sa personality development ginagastusan niya.

Noong araw si Boss Mina, ipinadadala sa finishing school ang mga baguhan niyang artista para matutong pumorma at makiharap sa mga tao. Hindi kagaya ng ilang baguhan ngayon na mga mukhang pambaraun.

Kaya sa totoo lang, panoorin ko iyong kanilang concert na This is Me sa February 23, kasi gusto kong makita ang resulta ng talent development na ginagastusan ni Len Carillo. Bihira na ang producer o manager na ganyan ngayon. Pati hitsura ng kanilang talents talagang inaayos. Hindi kagaya noong iba, ginagawa pang bida sa pelikula mga mukha namang “chimiaa”.

Basta kasi artista, hindi puwedeng magaling lang sumayaw, kumanta o umarte, kailangan nasa ayos din ang hitsura. Kung wala sa ayos tiyak na maririnig ninyo “hindi naman mukhang artista iyan”.  Talo pa kayo noong nagtitinda ng sampaguita sa simbahan ng Quiapo, nailabas pa sa tv dahil kahit tindera lang, mukhang artista. Mas maganda pa kaysa doon sa bida sa pelikulang nag-flop noong naraang linggo.

 

 

Please follow and like us:
Read More

ONLINE SEX TRAFFICKING: BABAE ARESTADO

onlne1

(NI NICK ECHEVARRIA)

MATAPOS ang ilang taong pagtatago sa batas, naaresto na ng mga tauhan ng Criminal Investigation and Detection Group (CIDG) na pinamumunuan ni P/Dir. Amador Corpus ang isang babaeng wanted sa kasong “online sex trafficking” ng mga bata sa Taguig City Sabado ng gabi.

Sa ulat ni P/SSupt. Gamboa, chief ng CIDG-Major Crimes Investigation Unit (MCIU),  nadakip ng kanyang mga tauhan ang suspek na si Ma. Lorena Regalona, alyas Rhea, sa No. 27 Gumamela Street, Bgy. Wawa ng nasabing lungsod bandang alas-6:00, sa bisa ng warrant of arrest na nilagdaan ni Judge Byron G. San Pedro ng Taguig RTC Branch 69.

Si Regalona ay inaresto sa kasong qualified trafficking in persons na may piyansang P200,000 at three counts  of violations sa Republic Act 7610 na non-bailable.

Lumalabas sa imbestigasyon ng MCIU na ginawang hanapbuhay ng suspek ang online sex trafficking at pangunahing kliyente ang mga batang kapitbahay nito na pinagagawa ng sexual acts sa internet para sa kanyang mga kliyenteng dayuhan.

Isang linggo bago nadakip ang suspek, isang impormante umano na hindi na binanggit ang pangalan ang humingi ng tulong sa CIDG-MCIU sa Camp Crame para sa posibleng pag-aresto sa suspek na ilang taon  na umanong nagtatago sa batas.

Matapos makumpirma ang sumbong  nagsagawa ng matiyagang surveillance ang mga detective ng CIDG-MCIU sa ilalim ng pinaigting na “Oplan Pagtugis” hanggang sa matunton ang pinagtataguan ng suspek at ng makakuha ng kopya ng arrest warrant agad isinagawa ang pag-aresto.

Patuloy naman ang paalala ni Corpus na hindi sila titigil sa pagsasagawa ng mga focused law enforcement effort para bigyang proteksyon ang mga mamamayan, partikular ang mga kababaihan, mga bata at ibang mga grupo na madaling mabiktima.

 

Please follow and like us:
Read More

BUS VS JEEP SA EDSA: HIGIT 20 NASAKTAN

timog10

HINDI bababa sa 20 pasahero ang nasaktan nang magsalpukan ang pampasaherong bus at jeep sa intersection ng Timog Avenue at Edsa, Linggo ng umaga.

Sinabi ni Alfred Bingco, sector commander ng Metro Manila Development Authority at first responder sa aksidente, nasa 18-20 na pasahero ng jeep, habang limang pasahero ng bus ang nasaktan.

Sa report, sinabi ni Ignacio Cadayday, driver ng jeep, na nasa kalagitnaan na umano siya ng Edsa nang abutan ng dilaw na traffic light at hindi inakalang babanggain siya ng bus.

Sinabi naman ng bus driver na si Allan Marino, naka-go na ang traffic light sa kanilang linya. Hindi rin niya napansin ang jeep at nabulaga siya dahil sa bilis ng takbo nito.

Patuloy na iniimbestigahan ang aksidente. Natanggal na sa kalsada ang tumagilid na jeep at nadaraanan na ang intersection matapos ang isang oras.

Nangako naman ang kompanya ng bus na sasagutin ang gastusin sa pagpapagamot ng pasahero.

Please follow and like us:
Read More

DUTERTE KAILANGAN NG LOCAL FILM INDUSTRY

DUTERTE-29

ang kulit ni Lolit(NI LOLIT SOLIS)

NAAWA naman ako sa mga producers ngayon na kaagad tinatanggalan ng mga sinehan kapag mahina sa unang araw ng showing nito.

Di ba yung Elise ng Regal, hindi man lang umabot sa weekend sa mga sinehan lalo na sa mga SM cinemas?

Kay Mother Lily na yun ha?

Akala ko pa naman pag mga Regal na pelikula may respeto diyan ang mga theater owners dahil ang Regal pa rin ang gumagawa ng napakaraming pelikula.

Ang dinig ko maganda naman ang pelikula. Wala akong narinig na negative feedback sa pelikula nina Enchong Dee at Janine Gutierrez. Kaya kung napapag-usapang maganda, saan pa ngayon ito papanoorin ng mga tao?

Bakit yung Kita Kita, yung Heneral Luna, pati yung Rainbow Sunset last MMFF, hindi rin maganda ang resulta sa boxoffice, kaagad na tinanggalan ng mga sinehan at ibinigay sa malalakas na pelikula. Pero nung nagka-award at marami ang nagsasabing maganda, ibinalik ang mga sinehan, dumami pa lalo at masaya na si Harlene Bautista dahil nakakabawi na siya.

Bakit hindi man lang pinaabot ng weekend ang Elise? Kasi puwede pang word of mouth yun eh!

Kung talagang mahina siya hanggang weekend, eh di dun nyo na tanggalan ng mga sinehan!

Naku ha! Dapat mag-ingay na ang mga producers at sa tulong siguro ni Liza Dino ng FDCP, puwedeng iparating nila yan kay Pres. Rodrigo Duterte di ba?

Alam nyo naman Papa Digong ko, walang pinipili sa mga babanggain niya kung tingin niya abuso na di ba?

Naku day! Patingnan lang ni Pres, Digong kung maayos ba ang bayad nila sa tax, matataranta na yang mga theater owners na yan!

Sana mapagbigyan naman ang mga producers natin na kahit isang linggo man lang sana sa mga sinehan bago nila ito tanggalin.

Mabigyan man lang sana ng chance ang mga pelikula na mapanood ng mga tao in their most convenient time di ba?

-0-

 

R.I.P. BENTONG

 

Uy! Gusto ko nga palang iparating ang pakikiramay ko sa pamilyang

naiwan ng komedyanteng si Bentong.

Pumanaw na po si Bentong, Sabado ng mga alas-singko ng madaling araw

sa Fairview General Hospital dahil daw sa kumplikasyon sa sakit niyang diabetes.

Matagal ding nasa Wowowin si Bentong, na parang umaalalay dun kay Willie, nagpapatawa run, at lahat ginagawa niya,

Matagal na nga kasi yung sakit niya, kaya gusto niyang makapagtrabaho. Naawa naman si Willie, kaya hinayaan na lang siya roon.

Pero nung last year lang daw hindi na bumalik ng Wowowin si Bentong dahil na rin sa sakit niya.

Malamang tutulungan naman ni Willie ang pamilya nun.

Sa mga gustong makiramay, nasa St. Peter Chapel sa Tandang Sora, Quezon City ang burol ni Bentong.

-0-

 

INORGANIZE NI DAWN DAHIL IN TOWN SI RACHEL ANNE WOLF

 

Naloka si Mariz Ricketts nung nagpa-presscon sila ng pelikula nila ni

Ronnie Ricketts na Exit Point dahil ang tinanong sa kanya yung reunion nilang mga female hosts ng GMA Supershow nung nakaraang Linggo, February 3.

SI Dawn Zulueta nga raw ang nag-organize nito dahil nandito ngayon sa bansa si Rachel Anne Wolfe. Kaya si Dawn ang nag-ayos ng venue at lahat na ginawa nga nila sa Manila House sa BGC, Taguig.

Naiintriga ito ngayon dahil wala raw si Gretchen Barretto. Inimbitahan ba talaga si Gretchen lalo na’t si Dawn ang nag-organize nito?

Sabi ni Mariz at pati na rin si Jackie Lou Blanco na kasama roon sa movie,  inimbitahan daw si Gretchen pero hindi raw siya puwede.

Lahat naman sila inimbitahan pero ang iba nasa ibang bansa at merong prior commitment ang iba.

Pero si Lani Mercado, a night before lang daw nasabihan dahil huli na lang na nakunan siya ng contact number, pero talagang isiningit niya kahit kararating lang niya nung galing Ilocos.

Saka sabi ni Jackie Lou, sinabi naman daw ni Dawn na okay lang daw talaga sa kanya na imbitahin si Gretchen.

Wala raw problema sa kanila kung dumating si Gretchen, pero siya naman daw ang tumanggi dahil hindi raw siya puwede,

Dagdag pa nilang kuwento, nung nagkita nga raw sila roon sa reunion nila, nagkapalitan na raw sila ng numbers at bumuo na raw sila ng Viber group nila.

Siyempre tinanong ng mga hitad kung kasama nga bas a Viber group nila si Gretchen, hindi raw nila nasagot.

Sabi ni Mariz, hindi raw siya sure kung kasali si La Greta.

Si Jackie Lou naman ay hindi rin daw niya alam.

I’m sure, wale yang Gretchen sa Viber group nila

 

 

Please follow and like us:
Read More

PHILHEALTH TUTULONG SA CONFINEMENT VS MEASLES

phil1

GINARANTIYAHAN ng Philippine Health Insurance Corporation (PhilHealth) ang publiko na tutulong ang ahensiya sa pasyenteng mako-confine dahil sa tigdas. Ito ay sa harap ng deklarasyon ng measles outbreak sa Metro Manila, Central Luzon at iba pang panig ng bansa.

Sinabi ng PhilHealth na ang coverage sa tigdas ay aabot mula P7,700 hanggang P25,700. Kung walang kumplikasyon, P7,700 ang maaaring itulong ng ahensiya habang ang tigdas na may kumplikasyon ng pneumonia ay aabot ng hanggang P15,000. Ang confinement dahil sa tigdas na ang kumplikasyon ay meningitis ay matutugunan ng hanggang P25,700.

Maging ang mga hindi miyembro ng PhilHealth ay maaari ring makakuha ng benepisyo kung mako-confine dahil sa kumplikasyon ng tigdas.

“Ang mga pasyenteng walang aktibong PhilHealth coverage ay maaari pa ring makakuha ng benepisyo sa pamamagitan ng Point of Service (POS) kung saan agad-agad silang makakukuha ng health insurance. Kung makikitang salat ng social worker ng ospital, babayaran ng gobyerno ang premium ng isang taong PhilHealth coverage epektibo sa panahon ng kakailanganin ito,” ayon kay PhilHealth acting president and CEO, Dr. Roy B. Ferrer.

Sa mga may kakayahang magbayad, ang mga pasyente ay papayagang magbayad ng kahit isang taong halaga ng kontribusyon para makakuha ng benepisyo. Ang POS au makukuha lamang sa PhilHealth accredited government-owned health care provider institution.

Kaugnay nito, sinabi ng PhilHealth na ang mga Indigent, Sponsored, Kasambahay, Senior Citizen at Lifetime members ang kanilang kuwalipikadong dependents ay sakop din ng ‘No Balance Billing Policy” na tumitiyak sa zero oou-of-pocket sa panig ng miyembrong naka-confine sa ward ng anumang gobyernong pasilidad.

Ang mga magulang na hindi pa napapabakunahan ang mga anak ay hinimok na dalhin ang mga ito sa alinmang government hospital o health center para mabigyan ng libreng bakuna sa tigdas.

Parents of unvaccinated children, on the other hand, are urged to bring their children at any government hospital or health center to avail of free measles vaccines. “Vaccine is still the first line of defense. We encourage our members to have their children vaccinated against measles. However, when already confined, we assure our members and even non-members that PhilHealth is here to provide them with the financial protection they need”, sabi pa ni Ferrer.

Please follow and like us:
Read More

5-ANYOS PISAK SA VAN

crime08

(NI CHERK BALAGTAS)

ISANG limang taong gulang na batang babae ang naging kalunos -lunos ang katapusan matapos madurog ang ulo nito nang magulungan ng van sa Lungsod ng Caloocan Huwebes ng hapon.

Sa ulat ng Caloocan City Police ay ganap umanong alas – 5:00 pasado ng hapon nang maganap ang insidente sa parking lot ng Macropoint International Sales Corporation na matatagpuan sa kahabaan ng Tanigue Street, Samantad Compound, Barangay 14 ng nasabing lungsod.

Kasalukuyan umano noong naglalaro sa gilid na bahagi ng parking lot ang biktimang si Althea Joy Saniel, limang taong gulang ng Block 4, Lot 13 ng nasabi ring lugar nang dumating ang paparada noong isang Isuzu Aluminum Van na may plakang UOF 565 at hindi mapansin ng driver nitong si Alos Cesar Garana, 58, ng Block 1, na naglalaro sa kanyang paparadahan ang biktima kaya’t tuloy -tuloy lang ito hanggang sa masagi na nga at tila ba hinigop ang paslit sa pailalim ng nasabing sasakyan.

Tuloy -tuloy lang ang pagandar ng nasabing van hanggang sa tuluyan nang magulungan ng hulihang gulong nito ang ulo ng biktima na ikinadurog nito at agaran niyang ikinasawi, hindi rin naman tumakas at kusang sumama sa mga awtoridad ang suspek na ngayon ay nasa kustodiya na rin ng Caloocan City Police detention facility at nahaharap sa kasong reckless imprudence resulting in homicide.

Please follow and like us:
Read More

ALDEN WALANG PANAHON SA MAINE-ARJO ROMANCE

AKO PA BA NI ROSE GARCIASA February 17 pa ang aktuwal na kaarawan ng muling tumatakbo para sa pagka-Senador na si Jinggoy Estrada. Pero nagkaroon na ito ng advance birthday celebration with the entertainment press kunsaan, present din ang anak niya na si Vice Mayor Janella Estrada at tumatakbo ngayon sa pagka-Mayor ng San Juan.

Dumating din ang kaibigan at tumatakbong Congressman din ng San Juan na si Edu Manzano.

Katulad ng tumatakbong Senador rin na si Bong Revilla, halatang hindi pa rin ganoon ka-kumportable si Senator Jinggoy kapag ini-interview. Hindi naman nakapagtataka dahil apat na taon din silang nakulong sa Crame at hindi biro ang pinagdaanan.

Pero ang napansin namin, mas straightforward sila ngayong sumagot. At sa part ni Senator Jinggoy, mas light at mabiro rin.

“Unang-una, yung pag-iikot ko sa buong bansa, may natutuwa at marami sa ating kababayan ang natutuwa sa pagpunta ko sa kanilang bayan at probinsiya. Pero kung ako ang tatanungin niyo kung ano ang nararamdaman ko sa darating na election, ako e, ninenerbiyos.

“Alam niyo naman ang ginawa sa amin noong nakaraang administrasyon, talagang napagkaisihan kami. Dinungisan ang aming pangalan. Kaya kailangan sigurong magsipag sa darating na kampanyahan.”

Katulad din ng nararanasan ng kanyang kaibigan na si Senator Bong, marami pa rin daw pangba-bash at pangbu-bully na natatanggap si Senator Jinggoy.

Sabi nga niya, “ Marami pa rin kasi, ayaw nilang tumigil. May iba-ibang sector who’s trying to pull us down. Modesty aside, kahit papaano, pumapasok kami sa survey, bagamat sa ginawa nila sa amin.

 

“Binabalik nila ang mga isyu laban sa amin.”

 

May kaso pa rin daw siya na still pending, pero umaasa siyang maaayos na ito. Nirerespeto rin daw niya ang opinyon ng iba laban sa kanya dahil to each his own opinion naman.

“Pero ‘wag naman yung below the belt,” saad niya.

Natawa naman ito nang tanungin kung sakali at gagawa ng pelikula, sino ang napipisil niyang maging leading lady.

“Wala na ‘kong kilala, Ha ha ha! Kilala ko, mga Sharon Cuneta.”

Pero kilala raw niya yung mga loveteams tulad nina Daniel Padilla at Kathryn Bernardo.

“Eh, panahon ko sila Sharon,” natawang sabi pa rin niya.

Pinilit namin itong magbanggit kahit isang napipisil lang niya na gusto niyang maging leading lady. Nangingiti ito habang nag-iisip.

“Eh, baka sabihin parang anak ko na,” sey niya kung sino man ang naiisip.

“Yung nakikita ko sa TV, maganda… actually, maraming maganda.”

Nang may magbanggit ng pangalan ng Kapuso star na si Kim Domingo, biglang may naalala ito at nabanggit kung paano niya nakilala ang sexy star.

“Yung dumalaw sa amin sa Crame,” tahasang sabi niya.

“Sexy pala, e,” sey niya.

Pero nilinaw rin niya na kasama ito ng manager na si Lolit Solis nang dumalaw sa kanila noon ni Bong sa Crame.

“Alam niyo, kaming dalawa lang ni Bong ang araw-araw nagkikita. At saka, mga asawa namin.”

 

Natatawang biro pa niya, “Alam niyo, dalawang tao lang ang masaya noong nakulong kami. Sina Lani (Mercado) at Precy (Ejercito) alam nila kung nasaaan kami.”

Sa ngayon, wala pa muna raw sa plano ni Senator Jinggoy ang magbalik sa showbiz tulad ng umarteng muli sa pelikula o mag-produce. Ang pulitika muna ang focused niya. Pero, sinigurado naman nito na hindi mawawala ang interes niya sa showbiz.

“Of course naman, of course naman, once an actor, always an actor,” lahad niya.

 

 

ALDEN WALANG PANAHON SA MAINE-ARJO ROMANCE

 

May mga nagtatanong kung ano raw ang pinaka-pinagkaka-abalahan ng Pambansang Bae na si Alden Richards ngayon aside of course, sa araw-araw nitong Eat Bulaga at tuwing Linggo na Sunday PinaSaya.

Kung pina-follow ng karamihan si Alden sa mga social media accounts niya, doon makikita kung saan ngayon naka-concentrate ang actor– ito ay ang pagiging businessman niya.

Very obvious kung gaano ka-kuntento at ka-positibo si Alden sa buhay niya ngayon. Para bang ngayon niya ine-enjoy talaga ang bunga ng mga pagsisipag, lagare at talaga namang pagsusumikap niya ng halos kulang sampung taon sa showbiz.

Hindi maikakaila ang excitement na ni Alden sa nalalapit na pagbubukas ng sarili niyang branch ng McDo sa Sta. Rosa, Laguna. Bukod pa sa mga nauna na niyang restaurant, tulad ng ilang branch ng Concha’s Garden.

Pero dahil hindi pa naman nagsisimula sa alam naming may naka-plano namang talagang teleserye sa kanya ang GMA network this year, aside pa sa alam namin na may gagawin din siyang pelikula this year, ngayon nagagawa ni Alden na matanggap ang mga inquiries sa kanya noon pa sa ilang out-of-town shows at out-of-the country shows.

Yung sa ibang bansa, plantsado na kasi yun sa second quarter ng taon.

Kaya balanse ang mga ginagawa ni Alden ngayon since he also needssome time for his businesses na hindi biro ang laki tulad nga ng sariling McDo branch.

Naisip tuloy namin ang twitter post niya last month na, “It’s all about balance…”

Sa sobrang pagka-positibo ng mindset ni Alden ngayon with regards to work and businesses, sorry na nga lang siguro sa ilang bashers o fans daw na kahit kung tutuusin, wala ng kinalaman si Alden sa isyu between Maine Mendoza and Arjo Atayde, pero pilit pa rin siyang idinadawit at bina-bash, e, never itong pumatol.

Sa halip na mag-tweet o pumatol, mababasa pa sa mga tweet niya ay puro pasasalamat at positivity.

Pero may tweet ito na general lang kaya o may pinaghuhugutan na, “You don’t need approval” sa pinost na quote na, ‘Be a good person, but don’t waste time to prove it.’

Please follow and like us:
Read More

TOTOY UMAYAW SA TAGAY, UMUWING MAY BLACKEYE

8black

(NI GUILLERMO OCTAVIO)

AMOY chico at may black eye nang umuwi ang isang totoy na nasa Ikawalong Baitang matapos na tugisin ng lagari, sapakin at batuhin ng basong may alak ng isang lasing na construction worker nang tumanggi sa tagay ang estudyante sa lungsod ng Valenzuela Huwebes ng gabi.

Naglalakad mula sa paaralan sa kahabaan ng Feliciano Street, Barangay Mapulang Lupa , kasama ang mga kaibigan, ang 14-anyos na itinago sa pangalang Elmer nang alukin ng tagay ng bangengeng obrerong si Jimmy Mengote, 51.

Tumanggi si Elmer at sinabi umano sa suspek na “Ang sabi ni Inay, ‘wag munang tumagay.”

Dito umusok ang bumbunan ng suspek at ibinato ang basong may alak sa bata saka sinapak.

Nang tumakbo ang bata ay hinabol ito ni Mengote habang armado ng lagari na ikinabulabog ng mga residente at nagresulta sa kanyang pagkakadakip.

Sa selda na nahimasmasan ang suspek at dito na niya napagtantong kinasuhan na siya ng physical injuries at grave threat in relation to child abuse.

Please follow and like us:
Read More

LUIS SA PAGPATOL SA BASHERS: ‘GOODTIME’ KO LANG!

(NI GORGY RULA)

SI Mark Herras ang kinulit ko kung totoong sasali ba uli si WinWyn Marquez sa Binibining Pilipinas, wala pa siyang sagot.

Hintayin na lang daw magsimula ang promo ng Time and Again nina Winwyn at Enzo Pineda, at mapapag-usapan naman itong sinasabing plano niyang pagsali sa Binibining Pilipinas.

Sa mga nakaraang interviews namin kay Winwyn, sinasabi naman niyang pinag-iisipan niyang sumali uli pero suot pa niya noon ang korona ng Reina Hispanoamericana kaya hindi pa niya iniisip nung panahong iyun.

Pero napapag-usapan na sa mga sumusubaybay sa mga beauty pageants na nagsisimula na raw itong mag-training kay Jonas Gaffud.

Ngayon pa lang ay may naghahanda na ang Empire ni Jonas at ang KF o Kagandahang Flores ni Rodgil Flores.

Nakatsikahan ko ang ilang nagdadala ng mga possible candidates, isa nga raw sa napapag-usapan ang posibleng pagsali ni Winwyn.

Pero karamihan daw sa mga sumasali ngayon ay talagang magaganda, na may halong foreign blood at matatalino.

Na-inspire daw silang sumali dahil sa pagkapanalo ni Catriona Gray.

Kaya mas marami raw magagandang sasali sa Binibining Pilipinas dahil gusto talaga nilang masungkit ang Binibining Pilipinas Universe.

Ang pagkakaalam daw nila, kay Stella Marquez-Araneta ng Binibining Pilipinas Charities pa rin ang franchise ng Miss Universe. Baka sa susunod na taon pa raw ito sa dating Ilocos Governor Chavit Singson.

 

 

EDU MAGHIHINTAY KAY LUIS

 

“Kung mayaman ako, mayamang-mayaman ang anak ko,” deretsahang pahayag ni Edu Manzano nang nakatsikahan namin sa pa-advance birthday celebration sa dating Sen. Jinggoy Estrada kasama ang mga kaibigang movie press nung nakaraang Huwebes ng tanghali sa isang tahanan nila sa Lt. Artiaga St., San Juan.

Napag-usapan kasi namin si Luis Manzano na proud naman daw siya sa pagiging masipag ng anak niya kaya tuluy-tuloy ang pagyaman nito.

Pero ngayong papasok siya uli sa pulitika, never daw siyang humihingi ng tulong kay Luis para gamitin sa pangangampanya niya.

“Never ko sinabi sa aking mga anak na kailangan suportahan nyo ako.

“Para sa akin kasi, it has to be voluntary. It has to be kusa…yung commitment sa sarili mo,” pakli ng actor/poilitician.

“If my children help me, I’ll be grateful pero ngayon nakikita ko meron silang ibang mga pursuits.

“Yung aking babae nagma-masters sa New York, yung lalaki ganun din. Mas happy ako na sila nakakapagtapos, may magandang edukasyon, umuwi at i-share yun sa mga Pinoy,” dagdag niyang pahayag.

Kayang-kaya na nga ni Luis na magpundar ng sariling pamilya, kaya ang balak na kasal nila ni Jessy Mendiola ang isa sa tinanong kay Edu.

Pero hindi raw niya kinukulit ang anak niya kung ano na talaga ang plano nila ni Jessy.

Ang isa raw kasi sa napapansin niya sa karamihang mga kabataan ngayon. Kaya never pa raw siya nagtanong kay Luis kung kailan na ba ang kasalan.

“Iba na kasi ang pundasyon nila ngayon. Iba na mag-isip ang mga kabataan. Dati-dati, ‘mahal mo ako, mahal kita, tanan na tayo.’

“Ngayon pinaplano na talaga nila. Security, financial, emotional security. Security nung pamilya. Yun ang mas complex ngayon ang mga relasyon,

“Gusto ko siya ang magsasabi eh,” saad ni Edu.

Okay lang ba sa kanya, kung mauna ang baby bago ang kasal nina Luis at Jessy?

“At my age, bahala sila sa buhay nila. Nasa tamang edad na sila at nasa tamang pag-iisip. As long as nagmamahalan sila, iyun ang pinaka-importante,” mabilis niyang sagot sa amin.

Ang isa sa natatawa si Edu kay Luis ay kung paano raw minsan pagtripan ng mga anak niya ang mga bashers.

Tinatanong daw niya si Luis kung seryoso ba ito sa pagpatol minsan sa mga bashers lalo na kapag nadadamay si Jessy.

“Hindi mo naman  masisi when it comes to the matters of the heart, it becomes emotional.

“Kilala ni Jessy si Luis, at kilala ko rin si Luis. Minsan goodtime lang talaga yan.

“Kasi tini-text ko eh, ‘anak ano yan?

“Tapos nag-text back siya, ‘Dad, wala lang ako magawa. Wala akong taping today eh. Nagu-goodtime lang,” natatawa niyang pahayag.

Hindi rin siya apektado sa ibang bashers na pinagbibintangang bading si Luis dahil sa pagiging patola nito sa mga bashers.

“Ako nga tinawag ding gay before. Nobody is spared.

“Wala lang silang ibang maangulo.

“I know my son, kayo din. You know him very very well. But as a parent siyempre, you’re concerned, pero I don’t get worried because I know kayang-kaya niya,” saad ni Edu.

                                      

Please follow and like us:
Read More

ROBBERY GROUP NA MGA BAGETS LAGLAG SA DSWD

10anyos8

(NI JESSE KABEL)

SA DSWD ang bagsak ng apat na menor de edad na sangkot sa P200,000 robbery case at iba pang kaso ng pagnanakaw matapos silang maaktuhan ninanakawan ang ilang mga tindahan sa Davao City.

Ayon sa Davao City police ang apat ay pawang edad 10, 13 at 16 ay sangkot na sa ilang kaso ng mga pagnanakaw bago pa matiyempuhan ng mga awtoridad.

Lumitaw sa imbestigasyon na isang establisyimento ang pinasok ng mga menor de edad na suspek pero agad silang nahuli matapos mamonitor ang isa sa kanila na pumapasok sa pamamagitan ng butas sa kisame.

Sinasabing posibleng ang grupo ring ito ng mga kabataan ang nasa likod ng serye ng panloloob sa iba pang business establishments nitong nagdaang mga araw.

Nabatid na ang dalawa sa apat na menor de edad ay mayroon nang rekord sa Sta. Ana Police station dahil sa pagnanakaw ng P200,000 na halaga.

Itinurn-over sa Department of Social Welfare and Development (DSWD) ang apat.

Please follow and like us:
Read More

VOLUNTEER DOCTOR DEDO SA HIT AND RUN

hitandrun8

(NI JG TUMBADO)

PATAY ang isang 32-anyos na doktor makaraang mabundol ng isang humaharurot na SUV sa bayan ng Santiago, Agusan del Norte Huwebes ng gabi.

Hindi na umabot nang buhay habang isinusugod sa Cabadbaran District Hospital ang biktima na nakilalang si Dr. Zuriele Arambulo.

Lumalabas sa imbestigasyon ng Santiago police, nakababa na umano ang biktima ng sinakyang pampasaherong bus subalit bigla itong nahagip ng isang SUV habang tumatawid sa kalsada.

Sa lakas ng pagkakabangga ng naturang sasakyan ay tumilapon umano ng ilang metrong layo ang biktima bago bumagsak sa sementadong kalsada.

Nagtamo umano ng matinding pinsala sa ulo at katawan ng doctor na siyang dahilan ng pagkamatay nito habang ang sasakyan ay mabilis na tumakas sa lugar.

Nabatid na ang biktima ay kaka deploy pa lamang bilang isa sa mga tinaguriang ‘doctor to the barrios’ sa rehiyon at kahapon araw ng Biyernes ang kanya sanang unang araw na duty na magbibigay ng libreng serbisyo sa pangkalusugan sa mga residente.

Ang ‘Doctor to the Barrios’ ay isang programa ng Department of Health kung saan nagpapadala ng mga volunteer doctor sa mga lugar kung saan may kakulangan sa mga health workers.

Patuloy naman ang follow up operation ng pulisya para makilala at matukoy ang driver na nakabangga sa doktor.

Please follow and like us:
Read More

2 PANG INMATES, TODAS SA SELDA SA CAVITE

sel8

(NI NILOU DEL CARMEN)

DALAWA pang inmates ang nadagdag sa dumaraming bilang ng mga namamatay sa preso sa mga kulungan sa Cavite. Magkasunod na nasawi sina Steven Yvañez at si Marlon Aboganda na kapwa detainee sa Dasmariñas police station custodial facility na parehong ideneklarang dead on arrival sa Pagamutan ng Dasmariñas kamakalawa ng umaga.

Dakong alas 3:40 ng madaling araw ng isugod si Aboganda matapos na ito ay dumaing ng hirap sa paghinga. Multiorgan failure at septic shock ang nakita ng doktor na dahilan ng pagkamatay nito. Wala pang dalawang oras ay isinugod din sa parehong ospital si Yvañez matapos na ito ay makaranas din ng parehong sintomas.

Refractor, septic Shock, pneumonia at secure anemia naman umano ang ikinamatay nito. Mula noong Enero taong ito ay mahigit 10 na ang mga detainees na nasasawi sa ibat-ibang kulungan o custodial facility sa Cavite na lahat ay nasa ilalim ng PNP.

Please follow and like us:
Read More

BAKIT HINDI NA KUMIKITA ANG MGA LOCAL FILMS?

xian8

(Ni ED DE LEON)

BAKIT  walang nanonood ng mga pelikulang Pilipino? Iyan ang tanong ng director na si Erik Matti. Ibig bang sabihin totoong hindi nila alam kung bakit flop ang mga pelikulang Pilipino?

Simple lang ang sagot namin diyan eh. Kasi gumagawa sila ng mga pelikulang hindi gustong mapanood ng mga tao. Siguro hindi nila alam kung anong klaseng pelikula ang babagay sa kanilang mga artista. Maaaring hindi rin nila alam kung sinong artista ang babagay sa kanilang pelikula.

Ang isa sa mga sikreto ng pelikula, casting. Eh kaso ano ang nangyayari ngayon? Isinasaksak ng mga managers ang artista nila kahit hindi naman bagay at hindi naman kayang magdala ng pelikula. Eh malakas bumulong ang manager eh. Iyon ba namang mga managers marunong magpakete ng artista nila? Karamihan diyan humahawak lang ng schedule, pero hindi alam kung papaano ipapakete ang kanilang mga artista. Wala silang career plan. Kaya sila nilalayasan ng mga artistang ino-OPM lang nila eh.

Isang example, bakit si Enchong Dee ang ginawang leading man ni Janine Gutierrez? Hindi kaya mas kumita iyan kung ang leading man ay si Rayver Cruz? Ganoon din naman, bakit biglang iyong Louise delos Reyes ang leading lady ni Xian Lim? Iyang pelikulang iyan hindi pa man inilalabas sinasabi na naming maghihilahod sa takilya dahil mali ang casting. Hindi sila marunong mag-casting.

Ang pelikula ay ibinabagay sa artista. Tingnan ninyo noong araw, bida sa pelikula si Redford White at kumita ang mga pelikula niya. May panahong iyong si Wengweng naging box office star. Kasi tama ang proyektong ginagawa niya. Noon kasing araw, ang iniisip ng mga director at producers ng pelikula ay kung anong pelikula ang gusto ng masa, hindi iyong kung ano lang ang trip nilang gawin.

Hindi rin puwede iyong ginagawa nilang nababasa lang sila sa Facebook araw-araw. Lalo namang hindi puwede iyong lumabas man sila sa diyaryo, maliwanag namang pra la la lamang ng kanilang mga “kaibigan” na siyempre halata rin namang pra la la lang. Alam naman ng mambabasa kung sino iyong nagsusulat ng press release lang. Hindi ninyo mauutakan ang mga tao ngayon. Hindi nila pinaniniwalaan ang mga pra la la. Hindi na rin nila pinaniniwalaan ang sinasabi ng mga artistang “maganda po ang aming pelikula kaya panoorin ninyo” Wala namang umamin sila sa kanila na gumawa ng pangit eh.

Dapat gumawa sila ng mga pelikulang magugustuhan ng tao, at huwag ninyong sabihin na hindi nila alam kung ano iyan. Nakikita na nila kung anong klaseng pelikula ang pinanonood ng mga tao, bakit hindi sila gumawa nang ganoon? Bakit ipinipilit nila ang gusto nila na ayaw naman ng mga tao.

Puro sila yabang na nanalo sila ng awards abroad, eh iyon pala ang gusto nila eh bakit sila naghahanap ng manonood ng pelikula nila rito? Di isali na lang nila sa festivals abroad, manalo sila ng award pero huwag silang hahanap ng kita.

Sabihin man ninyo sa akin na masama sa kalusugan ang alimango,  hindi ako kakain ng ginisang malunggay kung may alimango akong makikita. Kung nagugutom ako, hahanap ako ng carinderia, at hindi ninyo ako mapipilit na huwag nang kumain at magpagupit na lang dahil barberya ang itinayo ninyo.

Magising na kayo sa katotohanan na bilang director at producers, kayo ay naglalako ng pelikula. Kung hindi gusto ng bibili ang pelikula ninyo, hindi nila bibilhin iyan kahit na i-bargain pa ninyo. Ganyan ang kalakaran sa industriya simula noong araw pa, hindi ninyo mababago iyan. Ang nanonood ng sine ay hindi nadidiktahan, at sa communications, hindi totoo ang sitting target theory. Mahirap ninyong bolahin ang mga tao lalo’t kulang naman sa kredibilidad ang mga nagagamit ninyong mambola.

Iyang pelikula magpapatuloy iyan nang ganyan, hanggang hindi kayo nagbabago.

 

 

Please follow and like us:
Read More

4 SCORPION GIRLS, LIDER, ARESTADO SA DRUG BUST

imus8

(NI SIGFRED ADSUARA)

PINANINWALAANG malalansag na ang tinaguriang “Scorpion Group” ng Cavite  matapos na naaresto ang hinihinalang lider nito matapos na madakma kabilang ang dalawang lalaki  sa isang buy bust operation  sa Imus City, Cavite.

Nakakulong ngayonsa Imus City Custodial Center ang mga naarestong suspek na sina Traccy Laforteza, alias “Paula” ng Imus City, Cavite; Christalline Delos Santos, 20, ng  275 Calumpang Bagong Pook, Cavite City, Cavite;  Mariel Hannah Rodelas, 29, ng 932 Diegong Bayong St Brgy E Aldana, Las Piñas  City at Mizzi Deminy Abueg. 24, ng 19 Brgy Toclong 1-C, Imus  City, Cavite, na tiawag nilang “Scorpion Girls” habang ang dalawang lalaki ay sina Marlou Quijano, , 18, i ng  36M Mother Honra, Cavite  City, Cavite at Alli Arguna, 29 , fish vendior ,ng Brgy Buhay na Tubig, Imus  City, Cavite.

Sa ulat ni PO2 Mark Joseph Jader, ng Imus City Police Station, dakong alas-2:30 kahapon ng madaling araw nang ikinasa ang buy bust operation  ng mga elemento  ng Drug Enforcement Unit (DEU) ng Imus City police  sa Cuenca Subd., Brgy Malagasang IA, Imus City Cavite kung saan target si Alias Paula.

Matapos  ang “bentahan” sa pagitan ng suspek at isang poseur buyer dinakma ang una kung saan narekober  ang isang sachet ng shabu at P500 na marked money.

Inaresto rin ang mga kasamahan nito kung saan nakuha  ang siyam na sachet ng shabu at narekober din sa lugar ang digital weighing scale kulay brown na coin purse kung saan itinagao ang ilang sachet ng shabu at bust bust money.

Si alias Paula ang umano’y lider at nagpangalan ng kanilang grupong “Scorpion group’ at nagtatagpo sa isang lugar kung may session silang gagawin.

Kasong paglabag sa Section 5, 26 at 11 ng Art 2 ng RA 9165 ang isinampang kaso laban sa mga naarestong  suspek .

 

 

Please follow and like us:
Read More