IRR NG FREE LEGAL ASSISTANCE LAW ILABAS SC, BIR KINALAMPAG NI NOGRALES

KINALAMPAG ni Rizal Rep. Fidel Nograles ang Bureau of Internal Revenue (BIR) at maging ang Korte Suprema dahil sampung taon na simula nang maging batas ang Republic Act (RA) 9999 o Free Legal Assistance, ay wala pang inilalabas na Implementing Rules and Regulations (IRR).

Sa kanyang privilege speech sa plenaryo ng Kamara, sinabi ni Nograles na napakaganda ng nasabing batas para matulungan ng mga private lawyer ang mahihirap na mamamayan na may kinakaharap na kaso sa korte ngunit hindi naiimplementa dahil sa kawalan ng IRR.

“Ten years ago, Congress passed a landmark legislation providing free legal assistance for the poor. Supposedly,” ani Nograles subalit sa hindi maipaliwanag na dahilan ay hindi pa naglalabas ang Korte Suprema at BIR ng IRR.

Base sa nasabing batas, lahat ng mga private lawyer na magbibigay ng serbisyong legal sa mahihirap ay mababawasan ang binabayarang buwis.

“While all lawyers were required to render a minimum number of hours per month of pro bono service, they were given a benefit of tax deduction for any legal assistance rendered over and above the minimum. Supposedly.

Why supposedly? Because it appears that it is not enough for Congress to pass a legislative measure: RA 9999 or the Free Legal Assistance Act,” ayon pa kay Nograles.

Malaking tulong sana aniya sa mahihirap na akusado o may kaso sa korte ang batas na ito pero hindi napakikinabangan dahil wala pang IRR kahit 10 taon na ang nakalipas mula nang mapirmahan ito.

Sa ngayon kasi aniya ay hindi sapat ang puwersa ng mga abogado sa Public Attorney’s Office (PAO) para matulungan ang mahihirap sa kanilang legal na problema kaya kung maipatupad ang batas na ito ay napakalaking bagay sa mamamayan na walang kakayahang magbayad ng abogado.

“Is it because of incompetence? They are incapable of formulating the rules and regulations because they lack the technical expertise?

Is it because of contempt? They simply refuse to follow because they disagree with the provisions of the law?

Is it because of laziness? They are just taking their sweet time because they think that ten years of waiting is acceptable,” ani Nograles.

“Mr Speaker, my fellow representatives of the people, this is totally unacceptable.

We should not allow the judicial branch or the executive branch to render meaningless any law that we pass just by not formulating the rules and regulations necessary to implement the law.

Otherwise, we become powerless, and inutile, and laughable,” dagdag pa nito.

Kailangan aniyang magawa ng BIR at SC ang kanilang trabaho dahil ito na lamang ang pag-asa ng mahihirap na mamamayan na laging dehado sa korte dahil walang nagtatanggol sa kanila.

“We need to provide hope for our people, especially the poor, that the law will protect them when they are in the right, that the law will defend them when they are wrongfully attacked, that the law will serve them even if they do not have money to pay. We need to make this Free Legal Assistance Act work even if it is ten years late,” pahayag pa ni Nograles. BERNARD TAGUINOD

Please follow and like us:
Read More

GUSTONG MAGING INTERNATIONAL ARTIST KATULAD NINA CHARICE AT LEA

Nang kumanta ng kanyang original song si Maria Laroco sa pang-umagang programana na Bagong Pilipinas, akala ng mga staff at crew ng programa ay Ariana Granda song ang kinanta ni Maria.

Nang sinabi ng handler ni Maria na bagong original song ni Maria ‘yong kinanta niya ay napahanga na silang lahat.

Nag-umpisa ang pasyon sa pag-awit ni Maria Laroco nang siya’y tatlong taon pa lang . Kapag ini-encourage siya ng nanay niya na ipakita ang talent niya kapag may nagagawi sa kanilang munting tahanan sa Pangasinan.

Batambata pa si Maria nang mag-umpisang sumali sa mga singing contest sa kanila.

Ang mga singing contest na humasa sa kanya, at nagpalagablab ng kanyang hilig at pagmamahal sap ag-awit.

Si Lea Salonga ang isa sa mga malaking impluwensiya sa kanya. Karamihan ng kanyang contest piece noon ay mga Broadway songs ni Lea Salonga.

Sina Aretha Franklin at Liza Minelli ang mga international influences niya. Kaya maraming lumang kanta sa repertoire niya sa pop, jazz at soul genre.

Maria Loroco

Nang sumali siya  The Voice Kids (TVK) Philippines noong 2014 ay nagbigay sa kanya ng malaking boost sa  singing journey dahil naging season 1 contender siya. Pagkatapos ng TVK, naghasa pa siya nag husto dahil palagi siyang guest performing artist sa maraming  networking companies.  Malaking break niya nang mapasali siya sa Simon Cowell’s big UK TV Show na  X-Factor noong 2018.

Ang X-Factor UK ang nagbukas ng lahat, ng  big stage para sa kanyang  career. Marami ang napahanga audition piece  niyang “Purple Rain” (popularized by Prince). Naakaabot siya hanggang top 6 ng Girls Category. Dahil sa mentorship at guidance of Simon Cowell, more windows of opportunities were opened. In addition, prior to her X-Factor UK stint, she joined the Great British Festival Singing Competition and emerged as the Grand Finalist. In 2019, she returned to the Philippines to continue what she started. As a recording artist, she already garnered different awards such as 2019 – Top Global Teen Performing Artist, 2019 Kuala Lumpur Awardee, 2019 Asia’s Music Princess given by Global Music, and 2019 Excellence Award Pasadong Mang-aawat sa mga Kabataan. She released her first album entitled “Just Maria” which is available in the Philippines and in the US. In the latter part of 2019, she became the first solo artist being launched of the EMC Entertainment, Inc. “Pilit Pa Rin” is her latest recording under EMC Entertainment, Inc which can be streamed through various platforms such as iTunes and Spotify.

Sa February 14 and 15 will mark her first solo dinner concert entitled “FIRST LOVE” which would showcase a variety of repertoire that will prove her versatility in different genres. This will be held in Iagos Restaurant in Tomas Morato. Dinner buffet will start at 7:00pm and concert will commence at 9:00pm. This will be directed by Mannix Baja under EMC Entertainment, Inc with Mr. Hanzel Villafuerte as Media Communications Head. For ticket inquiries, you may contact 09266789722 / 09171761369 / 09366982077 and look for Ms. Hyacinth or Ms. Michelle. Ticket price is PhP 1,500.00 which includes buffet dinner.

Please follow and like us:
Read More

PARTNER NG YUMAONG SI GEORGE MICHAEL, ITINUTURING SIYANG ‘BIG MISTAKE’

Christmas Day 2016 nang mamatay ang “Careless Whisper” singer na si George Michael, isa mga hinahangaan kong singer-songwriter. He was only 53. The genius died of fatty liver (at least , that’s the official cause). Ang nakakita sa kanyang walang buhay na katawan sa kama ay ang partner niya noon na si Fadi Fawaz.

Up to that point, ang mag-partner ay tila wala namang problema sa kanilang relationship. Pero ang mga sumunod na panahon matapos ang pagkamatay ng half of the Wham! duo, nagbago ang lahat.

At ang latest ay ang Facebook post ni Fadi nitong Miyerkules lang. Na-shock na naman ang fans and followers ni George Michael  dahil sa panibagong rant na ito. Post ni Fadi: “”What a big mistake George Micheal was in my life. But we all live to learn or die to teach.”

HINDI INVITED SA LIBING NG SISTER

Bakit may biglang ganitong outburst si Fadi laban sa namayapa niyang lover?

Ang 46-year-old art dealer na si Fadi ay na-ban sa libing ng sister ni George Michael na si Melanie Panayiotou na coincidentally ay sa Christmas Day din pumanaw, sa edad na 55.

Ngayong linggo lang ito inilibing si Melanie, matapos paglamayan ng isang buwan. Banned si Fadi sa funeral rites dahil nakasamaang niya ng loob ang pamiya ni George Michael nang magkademandahan sila sa mana ng £98-million (Php65-billion) estate ng iconic singer-songwriter.

Sinabihan daw ito na “stay away from the funeral of the singer’s sister.”

Sabi sa mga reports mula sa sources na malapit sa pamilya ng singer, nahirapan si Melanie na matanggap ang pagkamatay ng kuya niya.

SQUATTER SA MANSION

Ang alitan sa pagitan ni Fadi at ng pamilya ni George ay sumabog nang arestuhin ito noong July 2019 “for suspected criminal damage” nang mag-squat ito sa £5million mansion ng namayapang singer.

Sabi sa mga reports noon, walang ginawa itong si Fadi kungdi ang magdala ng “stress, sadness, and problems” matapos pumanaw si George.

At si Melanie raw ang pinaka-apektado ng mga gawain niyang ito.

MUKHANG NAPAPRANING

Nitong mga nakaraang buwan, nagpapalit-palit ng hotel si Fadi sa London, at sa mga pinagsasabi nito sa kanyang mga kaibigan, tila ba ito’y napapraning.

Nariyan yung hinala niyang may pumapasok sa hotel room niya kapag wala siya roon. Sinabi niya rin na may naglagay daw ng sex drug sa inumin niya.

HIV POSITIVE AT BORING SA KAMA?

Noong October 2019, nabigla ang lahat nang mag-tweet si Fadi ng: “George Michael was HIV+” Ilang minuto ang nakalipas, may sumunod pang tweet: “We found out in Vienna after his illness.” At sinagot pa nito ang isang fan ni George: “And sex with him was so boring…”

TINULDUKAN NA ANG RELASYON SA PAMILYA NI GEORGE

At kahapon lang, January 31, may pahabol pang FB rant si Fadi habang sinusulat natin ito. Nagsalita na ito nang patapos, at tila pinatatamaan ang pamilya ni George Michael. Sabi niya, “You all will never ever be part of my life again. And I am to prove that to you if u ever dared to. Just saying.”

Taray!

 

Please follow and like us:
Read More

LALAKI NIRATRAT SA BAHAY, PATAY

crimebaril1

QUEZON – Patay ang isang lalaki matapos na tadtarin ng bala ng hindi kilalang mga suspek sa harap mismo ng kanyang bahay sa bayan ng Sariaya sa lalawigang ito, noong  Biyernes ng umaga.

Kinilala ng Sariaya police ang biktimang si Roberto Sabinosa,  59-anyos.

Batay sa report ng pulisya, nakaupo ang biktima sa harap ng kanyang bahay sa Lucky Homes subdivision sa Barangay Sto. Cristo nang pagbabarilin ng mga suspek dakong alas-7:30 ng umaga.

Sakay ang mga suspek ng isang ‘di natukoy na sasakyan na biglang tumigil sa harap ng bahay ng biktima.

Kasabay ng paghinto, bumukas ang bintana sa hulihan ng kotse at naglabas ng baril ang isa sa mga suspek at pinaputukan ang biktima.

Agad nalagutan ng hininga ang biktima na natadtad ng tama ng bala sa iba’t ibang bahagi ng katawan.

Mabilis namang tumakas ang mga suspek makaraan ang pamamaril.

Patuloy ang imbestigasyon ng mga pulis at inaalam kung sino ang mga suspek at kung ano ng motibo sa krimen. (SIGFRED ADSUARA)

Please follow and like us:
Read More

POLICEWOMAN NAGLAKO NG SHABU ARESTADO

shabucop

DAVAO City – Posibleng masibak sa trabaho ang isang policewoman makaraang maaktuhang nagbebenta ng umano’y shabu sa operasyon ng mga awtoridad dakong alas-10:00 ng umaga nitong Biyernes.

Ayon kay Major Milgrace Driz, CIDG-XI deputy chief, dalawang buwan nilang isinailalim sa surveillance operation ang suspek na si Senior Master Sergeant Sheila Bande, 43, dalaga, residente ng Victoria Valley, Tigatto nitong lungsod.

Si Bande, nakadestino sa satellite office ng Philippine Bomb Data Center sa lungsod, ay nadakip sa kanyang bahay ng pinagsanib na pwersa ng Davao City Police Office, CIDG Davao City Field Unit, Sasa Police Station at Philippine Drug Enforcement Agency (PDEA)-XI.

“Yan ang resulta ng ating follow-up operation matapos maaresto ang limang suspek noong nakalipas na araw kung saan siya ang itinurong nagbebenta sa kanila ng shabu,” ani ni Driz.

Dagdag ng opisyal, mula sa mga probinsya ng Maguindanao at North Cotabato ang mga shabu na ibinebenta ng suspek.

Aabot sa P20,000 halaga ng umano’y shabu ang nakuha mula sa posisyon ng policewoman

“We will file the criminal case on Monday while the administrative case will depend to higher officials in Camp Crame,” ayon kay Driz. (DONDON DINOY)

Please follow and like us:
Read More

NAKURYENTENG MISIS ISINALBA, MISTER PATAY 

NAKURYENTE

CAVITE – Patay ang isang 27-anyos na lalaki makaraang isalba ang nakuryente niyang asawa habang tinatanggal sa pagkakasakal ang asong nakatali sa poste ng barangay street light sa Dasmariñas City sa lalawigang ito.

Kapwa isinugod sa Pagamutan ng Dasmariñas City ang mag-asawang sina Joselito Cabanas Jr. at Katlin Santos, 31, kapwa residente ng Block 10-D, Lot 13, Brgy. San Andres 2, Dasmariñas City.

Gayunaman, nalagutan ng hininga habang nilalapatan ng lunas si Cabanas habang kritikal ang kalagayan ni Santos.

Ayon sa ulat ni P/SSgt. Gilbert Santos ng Dasmariñas City Police Station, dakong alas-9:00 noong Biyernes ng gabi nang humingi ng tulong  ang may-ari ng bahay na tinutuluyan ng mag-asawa dahil nasakal ang asong nakatali sa poste ng barangay street light.

Ngunit habang tinatanggal ni Santos sa pagkakasakal ang aso ay nakuryente ang biktima.

Tinangka namang saklolohan ni Cabanas ang asawa ngunit maging siya ay nakuryente rin.

Ayon kay Santos, walang nakitang nakalaylay na live wire  ngunit malakas ang ground sa poste ng ilaw.

Inaalam pa ng mga awtoridad kung sa loob ng poste nagmula ang kuryente at kung sino ang dapat panagutin sa insidente. (SIGFRED  ADSUARA)

Please follow and like us:
Read More

NAGLAKO NG FAKE PWD ID, LOLA TIKLO

PWD ID

DINAMPOT ng mga tauhan ng City Social Welfare Development Office (CSWDO) ng Valenzuela City ang isang lola  dahil umano sa paglalako ng pekeng Person with Disability (PWD) ID at iba papeles.

Kalaboso si Elizabeth Katigbak, 58, jobless, residente ng #481 Dulong Tangke, Brgy. Malinta, Valenzuela City.

Ayon sa pulisya, alas-11:00 noong Biyernes ng umaga ay pumunta sa CSWDO ang biktimang si Lucita Cortez, 59, ng Bakawan, Dulong Tangke, Malinta ng nasabi ring lungsod upang beripikahin ang hawak niyang PWD ID at CSWDO Notification Letter for Pension.

Nang tingnan ng social worker na si  Ma. Evan Grace Perez Carmelo ang mga dokumento ni Cortez ay lumitaw na peke ang mga ito.

Bunsod nito, inilahad ni Cortez na galing ang kanyang mga  dokumento kay Katigbak at binayaran niya ng P500 ang ID at P750 naman ang notification letter.

Tiyempong naroon din sa nasabing tanggapan ang suspek at humihingi ng medical assistance kaya’t agad  tumawag ng pulis si Carmelo na nagresulta sa pagkakadakip sa suspek na kinasuhan ng falsification of public documents. (ALAIN AJERO)

Please follow and like us:
Read More

PAGPATAY KAY EX-CONG. MENDOZA PINAGPLANUHAN SA BILIBID

Edgar Mendoza-2

SA loob ng New Bilibid Prisons nabuo ang planong itumba si dating Batangas 2nd district congressman Edgar Mendoza.

Ito ang lumitaw sa pagsisiyasat ng PNP-Criminal Investigation and Detection Group (CIDG) sa karumal-dumal na krimen na sinapit ng dating kongresista na ikinadamay ng kanyang driver at bodyguard kamakailan sa Tiaong, Quezon.

Ikinukonsidera na ng PNP-CIDG na sarado ang kaso ng dating mambabatas matapos madakip ang lima sa mga pangunahing suspek.

Ito ang pahayag ni PNP-CIDG Director P/Bgen. Napoleon Joel Coronel kasunod ng pagkakadakip sa mga suspek na sina  Kristine Fernandez, Madonna Palermo, Carlo Acuña, @Bakla, Erickson Balbastro; at Maria Roselle Fajardo, @ Jael Fajardo.

Idinagdag pa ni Coronel na pinaghahanap pa ang isa pang suspek na si Rodel Mercado.

Nabatid sa imbestigasyon na ang dating kliyente ni Mendoza bilang practicing lawyer na si Sherwin Sanchez ang utak sa pagpatay sa dating kongresista dahil sa awayan sa pera at iba pang legal matters.

Si Sanchez ay nakakulong sa NBP matapos mahatulan ng guilty sa kasong murder noong 2015. Si Mendoza, ang tumayong abogado ni Sanchez sa nasabing kaso.

Bukod dito, si Mendoza rin umano ang humawak sa ilang legal matters sa financial transactions ng real properties ni Sanchez.

Dahil umano sa malaking pagkakautang ni Sanchez kay Mendoza posibleng naisipan nitong huwag nang bayaran ang biktima sa halip ay umupa na lamang ng mga ‘magtatrabaho’ upang ito ay ipatumba.

Dito niya kinausap ang kapwa preso na si Arthur Fajardo, mister ng isa sa mga iprinisintang suspek at kinontrata sa halagang P100,000 para likidahin si Mendoza.

Si Fajardo ang convicted leader ng kilabot na Fajardo kidnap-for-ransom group.

Lumalabas sa imbestigasyon na nakumbinsi ni Roselle na magtungo sa kanilang bahay sa Calamba City ang biktima para doon ibigay ang bayad sa pagkakautang ni Sanchez.

Pinainom umano ng pampatulog na inilagay sa kape ang mga biktima saka ibiniyahe patungong San Fernando Bridge, Brgy. San Francisco, Tiaong, Quezon kung saan sinunog ang mga ito sa loob ng sasakyan noong January 9, taong ito. (NICK ECHEVARRIA)

Please follow and like us:
Read More

TOTOONG HUSTISYA SA SAF 44

saf4412

Iginiit sa pag-alala sa kamatayan ng mga commando sa Mamasapano encounter

HUMIRIT ng totoong hustisya ang mga pamilyang naulila ng tinaguriang SAF 44 sa paggunita sa ikalimang taong kamatayan ng mga ito kahapon.

May kalungkutang ginunita ng pamunuan at mga kasapi ng Philippine National Police ang katapangan, kabayanihan at pagbubuwis ng buhay ng 44  Special Action Force commandos para lamang makuha, buhay o patay ang kilabot na Malaysian terrorist na si Zulkifli Abdhir.

Kasabay nito ang panawagan ng mga kamag-anak ng SAF 44 para sa tunay na hustisya sa pangunguna ng pamilya ng 14 nasawing miyembro mula sa Cordillera na nagpaplanong dumulog kay Pangulong Rodrigo Roa Duterte para sa kanilang laban para sa hustisya.

Sa mensahe ng pamunuan ng PNP, binigyang-pugay ang kabayanihan ng mga nasawing pulis.

“Their supreme sacrifice will never be forgotten. Today, we honor their heroism and patriotism with deep pride as our inspiration to continue on our sworn duty to protect our people from lawless violence, criminal acts and illegal drugs that destroys the lives and future of our younger generation.

“Let us all salute them with pride as these 44 SAF commandos could be our modern-day heroes,” pahayag ng PNP.

Hindi naman maitago ni Baguio City Mayor Benjamin Magalong ang pagiging emosyunal sa paggunita sa anibersaryo ng Mamasapano encounter.

Ayon kay Magalong, isa sa  mga nanguna sa imbestigasyon noong naninilbihan pa itong CIDG chief, dismayado siya sa pagbasura ng kaso laban sa mga high ranking official na konektado sa naturang operasyon.

Una na ring inihayag ng mga kaaanak ng mga nasawing SAF troopers ang pagkadismaya sa tuluyang pagbasura ng Sandiganbayan sa kasong graft at usurpation of authority laban kina dating PNP-SAF chief Getulio Napeñas at dating PNP chief Alan Purisima dahil sa kakulangan ng probable cause.

Bago ito ay ibinasura rin ng Sandiganbayan ang kaso laban kay dating Pangulong Benigno “Noynoy” Aquino ukol sa nasabing insidente.

Subalit muling nabuhayan ng loob ang mga pamilya ng SAF 44 nang ihayag sa Senado ang planong muling buksan ni Senador Richard Gordon ang imbestigasyon.

Matatandaang sinabi ni Gordon, bilang chairman ng Senate Blue Ribbon Committee ang planong pagbubukas muli ng kaso matapos madismaya sa desisyon ng Sandiganbayan laban kina Purisima at Napenas. (JESSE KABEL)

Please follow and like us:
Read More

APLIKANTE MINOLESTIYA NG POLYGRAPH EXAMINER

MINOLESTIYA

NAHAHARAP sa kasong paglabag sa Article 336 ng Revised Penal Code o acts of lasciviousness ang isang 54-anyos na polygraph examiner makaraang isuplong sa Manila Police District (MPD) ng isang 20-anyos na aplikante na umano’y pinaghahalikan at niyapos nang isalang ang biktima sa lie detector test sa Ermita, Manila, noong Martes.

Kinilala ang suspek na si Marcus Antonious y Gella, may asawa at residente ng 49-A Lorraine St., Park Way Village, Barangay Apolonio Samson, Quezon City.

Base sa ulat ni P/Staff Sergeant Emmalyn Munoz, ng Women and Children Protection Unit ng Manila Police District-Headquarters, bandang 1:15 ng hapon nitong Enero 21 nang mangyari ang pang-aabusong sekswal sa biktimang kinilalang si alyas “Hanna” ng Valenzuela City, sa loob ng polygraph room ng Simon Agriventures Corporation sa Romualdez St., sa Ermita.

Kabilang umano ang biktima sa mga aplikante sa nasabing kompanya at kasama sa requirements ang pagdaan sa lie detector test kaya silang dalawa lang ng suspek sa isang silid para sa nasabing eksaminasyon.

Habang pinaliliwanagan ang biktima sa resulta ng polygraph test ay ibinigay umano ng suspek  ang kanyang mobile phone number at hiningi rin ang number ng dalaga.

Pinipilit umano ng suspek na maging magkarelasyon sila at  nang hindi nakatiis sa panggigigil ay agad hinalikan sa pisngi at niyapos ang biktima.

Nagpumiglas ang biktima hanggang sa makawala at  humingi ng tulong sa Criminal Investigation and Detection Unit (CIDU) ng MPD.

Bandang 4:15 ng hapon ng araw ding iyon ay inaresto ang suspek sa nasabing tanggapan sa pakikipag-ugnayan sa HR Recruitment Officer na si Diana Mondero.

Isa umanong freelance polygraph examiner ang suspek na kinuha lang ng kompanya ang serbisyo para sa mga aplikante. (RENE CRISOSTOMO)

Please follow and like us:
Read More

GRAPHIC ARTIST KALABOSO SA P.7-M SHABU

shabu300

KALABOSO ang isang graphic artist na nangunguna sa listahan ng top most wanted drug personalities ng Northern Police District (NPD) matapos makumpiskahan ng P700,000 halaga ng umano’y shabu sa buy-bust operation sa Caloocan City nitong Biyernes ng hapon.

Arestado si Mark Justin Buenafe alyas Baba, 26, binata, ng 353 Marulas A, Brgy. 36, ng lungsod.

Dakong alas-5:05 ng hapon nang ikasa ang operasyon laban kay Buenafe sa Marulas A, Talipapa St., Brgy. 36,  ng lungsod.

Dinamba ng mga parak ang suspek makaraang bentahan ng isang sachet ng shabu ang isang pulis na nagpanggap na buyer kapalit ng P11,000 marked money.

Humigit-kumulang sa 100 gramo ng shabu ang nasamsam sa nasabing suspek. (ALAIN AJERO)

Please follow and like us:
Read More

SEKYU INUMBAG NG 2 CHINESE

JAIL-1

KALABOSO ang dalawang lasing na Chinese national makaraang bugbugin ang isang security guard sa  6th floor ng Paseo Verde Condominium, Brgy. Pulanglupa 1, Las Piñas City kahapon ng madaling araw.

Ayon sa salaysay ng biktimang si Carlo Dalaguit, nagbabantay siya sa condominium nang dumating ang mga Chinese national na sina Li Feng Hau at Lem Liu na pawang nakainom ng alak.

Nagulat na lamang umano siya nang pagtripan ng mga suspek at pinagtulungan siyang bugbugin.

Bunsod nito, inireklamo niya ang mga suspek sa himpilan ng pulisya.

Agad namang nagresponde ang mga pulis at inaresto ang mga suspek. (DAVE MEDINA)

Please follow and like us:
Read More

LOLA PATAY, 20 HOMELESS SA SUNOG SA PASIG

sunog

PATAY ang isang lola nang makulong sa kanilang bahay sa nangyaring sunog sa isang residential area sa Pasay City nitong Sabado ng madaling araw.

Kinilala ang biktimng namatay na si Corazon Gamboa, 79, naninirahan sa Park Avenue Extension, Pasay City.

Ayon kay Fire Supt. Edgar Tanawan ng Bureau of Fire Protection (BFP), dakong 12:45 ng madaling araw nang sumiklab ang sunog sa 14 kabahayan sa #2942 Park Avenue Extension, Brgy. 79, Zone 10 at tinatayang 20 pamilya ang nawalan ng tirahan.

Sa pahayag ng BFP, si Gamboa ay na-trap sa nasusunog nilang bahay dahil hindi makababa mula sa ikaapat na palapag dahil sa sugat sa kanyang paa.

Ang sunog na umabot ng ikatlong alarma ay idineklarang under control dakong alas-3:53 ng umaga.

Tinatayang umabot sa P200,000 halaga ng mga ari-arian ang natupok ng sunog.

Inaalam pa ang sanhi ng sunog at isa sa tinitingnang anggulo ay ang narinig umanong pagputok sa ikalawang palapag ng isa sa mga bahay.

Hindi naman nadamay ang isang mosque na kadikit lang ng nasunog na mga bahay. (DAVE MEDINA)

Please follow and like us:
Read More

BABAENG THAI LAGLAG SA P1.2-M SHABU

SHABU-22

ARESTADO ang isang babaeng Thai makaraang makumpiskahan ng P1.2 milyong halaga ng umano’y shabu sa drug buy-bust operation na ikinasa ng mga tauhan ng Pasay City Police dakong alas-12:15 ng hapon nitong Huwebes.

Sa ulat ng pulisya, sa pamumuno ni Chief of Police Col. Bernard Yang, nakipagkasundo ang Thai national na si Narumon Sukkato, 30-anyos, sa police poseur buyer hinggil sa bentahan ng umano’y shabu noong Enero 23 sa isang fastfood restaurant sa Sunset Avenue kanto ng Pacific Drive, MOA Complex, Brgy. 76, Pasay City.

Nang magbigay ng hudyat na naisakatuparan na ang transaksyon, pinagsalikupan nang pinagsanib na pwersa ng PDEA agents, MOA PCP Police operatives at Pasay SDEU, sa pangunguna ni PCpt. Deni Mari O.  Pedroso, ang nasabing suspek.

Nakumpiska ng mga operatiba mula kay Sukkato ang isang  plastic sachet ng shabu na tinatayang nasa 200 gramo ang timbang at P1,200,000 ang halaga.

Ang arestadong suspek na nakadetine na sa Station Custodial Facility ay sasampahan ng kasong paglabag sa RA 9165 o Comprehensive Dangerous Drugs Act of 2002. (DAVE MEDINA)

Please follow and like us:
Read More

BRANCH MANAGER NG KAPA MISSING, DRIVER PINATAY

BARIL-10

DAVAO City – Patuloy na pinaghahanap ng mga awtoridad sa General Santos City ang nawawalang Alabel, Sarangani branch manager ng Kapa Community Ministry International, matapos pagbabarilin ng mga armado ang kanilang sinasakyang pick-up, dakong alas 3:00 ng madaling araw noong Miyerkoles.

Ayon kay Police Major Alex Lanestosa, hepe ng Police Station 4 sa General Santos City, nangyari ang insidente sa Brgy. San Isidro, habang papunta ang mga biktima sa Pagadian City.

Sinabi ni Lanestosa, ang branch manager na si Remely Jombitado Iral, 42, ay nakasakay sa itim na Ford Ranger Raptor pick-up na minamaneho ni Bresnev Morada, 38, residente ng Agan Phase 1, Barangay San Isidro, General Santos City.

Ngunit pinaulanan ng bala ang kanilang sasakyan ng dalawang lalaking nakasakay sa motorsiklo na umano’y nakaabang sa mga biktima.

Agad namatay si Morada habang sinasabing inilipat sa ibang sasakyan si Iral na ngayon ay patuloy na pinaghahanap ng mga awtoridad.

Natagpuan ng mga awtoridad sa lugar ng insidente ang pitong basyo ng bala ng .45 kalibreng baril at dalawang slug ng armalite riffle.

Sa loob ng sasakyan ay natagpuan naman ang isang shoulder bag na may lamang pitaka at cash na P670 at iba pang personal na gamit ng mga biktima.

Napag-alaman na si Iral ay pamangkin ni Reyna Apolinario, na asawa ni Kapa founder Pastor Joel Apolinario.

Wala pang matukoy na suspek ang mga awtoridad at kung ano ang motibo ng krimen.

Si Apolinario, asawa nito at mga opisyal ng Kapa ay kinasuhan sa iba’t ibang korte matapos matuklasan ng Securities and Exchange Commission (SEC) na nasa likod ng investment fraud.

Ang Kapa ay nagpapatakbo umano ng Ponzi scheme, isang investment program na nag-aalok ng malaking tubo sa perang inilagak ng kanilang investors.

Ngunit sa kabila nito, patuloy umanong nag-operate ang Kapa sa bayan ng Alabel at minsan ay sa bayan din ng Matanao, Davao del Sur. (DONDON DINOY)

Please follow and like us:
Read More

MANYAK NA HOLDAPER, TIMBOG SA DENTAL CLINIC

HOLDAPER-2

CAVITE – Swak sa kulungan ang isang 43-anyos na lalaking  nagpanggap na customer ng isang dental clinic ngunit ang pakay pala ay mangholdap at tinangkang abusuhin ang isang empleyado sa Bacoor City sa lalawigang ito.

Sinampahan ng kasong robbery holdup, paglabag sa RA 10591 (Gun Replica) at act of lasciviousness ang suspek na si Ruel Manibale, may-asawa, ng #0612 Norberto St., San Jose, San Miguel, Bulacan dahil sa reklamo ni alyas “Shaina”, 37, dental assistant, ng Brgy. Molino IV, Bacoor City.

Nadakip ang suspek nang sumaklolong si P/Corporal Francis Noel Cabrera, 31, nakatalaga sa District Administrative Holding Unit ng Manila Police District (MPD) at residente ng Bacoor City.

Sa ulat ni PSSgt. Edison Fetalcurin ng Bacoor City Police Station, dakong alas-2:30 kamakalawa ng hapon nang pumasok ang suspek at nagkunwaring magpapabunot ng ngipin sa dental clinic sa Figueroa St., Bahayang Pag-asa, Brgy. Molino IV, Bacoor City.

Nang wala nang ibang customer ay naglabas ng baril ang suspek at hinila ang biktima sa loob ng comfort room saka nagdeklara ng holdap at kinuha ang cellphone ni Shaina.

Hindi pa nasiyahan ang suspek, nilamas pa ang dibdib ng dental assistant ngunit nakahulagpos at tumakbo palabas ang biktima saka humingi ng saklolo.

Tiyempo namang napadaan sa lugar ang pulis na mabilis na umaresto sa suspek.

Nabatid na ang baril na ginamit ng suspek sa panghoholdap ay isa palang pellet gun. (SIGFRED  ADSUARA)

Please follow and like us:
Read More

RIDER NA PULIS PATAY SA JEEP

accident12

CAVITE – Binawian ng buhay ang isang 41-anyos na pulis-Pasay nang banggain ng isang pampasaherong jeepney ang minamaneho niyang motorsiklo at nasagi ang isang traffic enforce sa Bacoor City sa lalawigang ito.

Namatay habang ginagamot sa Saint Dominic Medical Center ang biktimang si P/SMSgt. Herbert Salazar, may-asawa, nakatalaga sa Pasay City Police Station, habang ginagamot sa nasabing ospital si Traffic Enforcer Arnold Oserio, 50, ng Brgy. Habay 2, Bacoor City.

Arestado naman ang driver ng isang pampasaherong jeepney na may plakang DJN 579, na si Reggie Cruzada, 28, binata, ng 29A Evangelista St., Brgy. Talaba 5, Bacoor City.

Sa ulat ni PSSgt. Roy Vincent Reyes ng Bacoor City Police Staion, dakong alas-2:30 nitong Biyernes ng madaling araw nang mangyari ang insidente sa intersection ng Aguinado Highway, malapit sa Saint Dominic Hospital sa Brgy. Talaba ng naturang lungsod.

Minamaneho ng biktima ang kanyang motorsiklong Mitsukoshi Joyride na may plakang 8354 PM, habang binabagtas ang nasabing lugar patungo sa direksiyon ng Bacoor Boulevard at kakaliwa sana patungo sa kabilang kalsada nang mabangga siya ng minamanehong pampasaherong jeepney ni Cruzada na patungo naman sa direksiyon ng Zapote.

Dahil sa banggaan, nawalan ng kontrol sa manibela si Cruzada at nasagi niya ang traffic enforcer na si Oserio na noon ay nagmamando ng trapiko.

Kapwa isinugod sa ospital ang dalawa na ilang metro lamang ang layo sa pinangyarihan ng insidente ngunit hindi nailigtas ng mga doctor ang buhay ni Salazar. (SIGFRED  ADSUARA)

Please follow and like us:
Read More

5 EX-OFW ARESTADO SA P5-M SHABU

shabu kulong 12

CAVITE – Nadakip ang limang dating overseas Filipino worker (OFW) makaraang makumpiskahan ng P5 milyong halaga ng umano’y shabu na nakalagay sa mga lata ng gatas at ibinaon sa lupa sa Bacoor City sa lalawigang ito.

Kinilala ang mga suspek na sina Aisa Juiamalo, 58, umano’y lider ng drug syndicate at recruiter; Bainot Saidali, 40; Nasser Makalpal, 38; Baebon Mohammad, 25, at Ramona Punyong, 31-anyos.

Sa report ni P/Col. Vicente Cabatingan, hepe ng Bacoor City Municipal Police Station, nagkasa ng buy-bust operation ang mga operatiba ng Drug Enforcement Unit (DEU) ng Bacoor CPS dakong alas-2:45 ng madaling araw nitong Biyernes sa  Houston St., Georgetown Phase 2, Brgy. Molino 4  at dakong alas-3:20 ng madaling araw sa Latero, at Brgy. San Nicolas, pawang sa naturang Lungsod.

Unang isinagawa ng operasyon sa Brgy. Macrol kung saan naaresto si Punyong at nakumpiska ang tinatayang 55.5 gramo ng shabu na P377,400 ang street value.

Sumunod na ikinasa ang operasyon sa Brgy. Molino at nadakip sina Julamalo, Saidali at Makalpal at  nasamsam ang tinatayang 635 gramo ng shabu na may street value na P4,318,000.

Habang ang huling operasyon ay isinagawa sa Brgy. San Nicolas  kung saan naaresto si Mohammad  at nakuha sa kanya ang tinatayang 50.10 gramo ng shabu na may street value na P340,880.

May kabuuang P5,026,280 halaga ng mga nasamsam na shabu sa nasabing operasyon.

Ayon kay Cabatingan, lumuwas umano sa Maynila sina Juiamalo, Saidali at Makalpal habang naghihinatay ng tawag ng kanilang recruiter para makapagtrabaho sa abroad at dahil mauubusan ng panggastos ay luminya sa pagbebenta ng ilega na droga.

Nabatid na dating mga OFW  ang tatlo at bumalik lamang sila matapos ang kanilang kontrata.

Dagdag pa ni Cabatingan, ang modus operansi ng mga suspek ay ilagay sa lata ng gatas ang mga droga bago ibaon sa lupa upang maitago at saka lamang ilalabas kapag may buyer na ang mga ito. (SIGFRED  ADSUARA)

Please follow and like us:
Read More

4 KIDNAPPER TIKLO SA PAGDUKOT SA KAPWA TSINO

arrested

DINAKIP ng mga tauhan ng National Bureau of Investigation-Environmental Crime Division (NBI-EnCD) ang apat na Chinese national na sangkot sa kidnapping at serious illegal detention sa tatlo nilang kababayan sa Malate, Manila.

Iniharap ni NBI Director Dante Gierran sa mga mamamahayag ang mga suspek na kinilalang sina Chen Zhimin, Luo Canfeng, Li Jai Huang at Wang Yiping.

Nadakip ang suspek sa pagsalakay ng mga tauhan ng NBI sa isang hotel sa General Malvar St., sa Malate.

Nag-ugat ang operasyon sa reklamo ng isang impormanteng Chinese na nagtatrabaho sa offshore gaming o  online games, kaugnay sa pagkidnap at pagdetine umano sa biktimang si Han Yang Liu, offshore gaming employee, ng mga suspek at iginiit na magbigay ng P200,000 at dapat itong personal na i-deliver sa mga kidnapper.

Sa isinagawang entrapment/rescue operation, dalawa pang Chinese national ang nasagip na sinasaktan at pinagbantaan na papatayin kung hindi magbibigay ng halagang P600,000.

Ang mga suspek ay sinampahan ng kasong kidnapping at  serious illegal detention sa Manila Prosecutor’s Office. (RENE CRISOSTOMO)

Please follow and like us:
Read More

TOTOY NADULAS SA CREEK, INANOD

Quezon City-1

PATULOY na hinahanap ng mga tauhan ng Quezon City Disaster Risk Reduction and Management Office, Bureau of Fire Protection at Philippine Coast Guard ang labi ng batang biktimang nadulas at nahulog sa creek sa Barangay Obrero, Quezon City.

Halos magdamag nang ginagalugad ng mga awtoridad ang nasabing creek makaraang mahulog ang biktimang kinilalang si Jusfer ‘Uno’ Orquina, 11-anyos.

Ayon kay Barangay Chairman Jose Segundo, dakong alas-3:00 ng hapon noong Huwebes nang iulat sa kanila na may batang nahulog sa creek habang nangangalakal ng basura.

Napag-alaman, may nakita umanong palutang-lutang na bola sa creek ang biktima kaya tinangka niya itong abutin ngunit nadulas at tuluyang nahulog.

Nahawakan pa umano ng kanyang mga kasama ang biktima ngunit dahil malakas ang agos ay natangay si Orquina.

Agad namang nagresponde ang mga tauhan ng Quezon City Disaster Risk Reduction and Management Office, Bureau of Fire Protection at Philippine Coast Guard para sagipin ang biktima.

Gayunman, dahil marumi ang tubig at lagpas ng limang metro ang lalim ay napilitan silang pansamantalang itigil ang operasyon.

Labis naman ang pag-aalala ng ama ng biktima na si Justine Orquina na baka hindi na matagpuan ang kanyang anak na panganay sa apat na magkakapatid.

“Twelve feet na daw po kasi yung lalim nung sapa tapos daw po nasa five feet pa lang daw po sila, hinihigop na raw po sila, may kweba daw po dun sa ilalim. Kapag nagtangke raw po sila pwede sila maipit sa loob ng kweba,” ayon kay Justine. (FRED SALCEDO)

Please follow and like us:
Read More

2 PUTOL NA PAA ITINAPON SA MARIKINA RIVER

DALAWANG putol na paa ng tao na nakasilid sa itim na plastic garbage bag ang itinapon sa gilid ng Marikina river sa Marikina City.

Ayon sa Marikina City Police Station (CPS), ipinagbigay-alam umano ng isang concerned citizen sa mga tanod ng Brgy. Industrial Valley Complex (IVC) ang nakitang kulay itim na garbabe bag na may nakalabas na buto at may bahid ng dugo sa gilid ng nasabing ilog bandang alas-7:30 ng umaga nitong Huwebes.

Mabilis namang tinungo ng mga tanod ang lugar para beripikahin ang sumbong ng concerned citizen at nang buksan nila ang itinurong plastic bag ng basura ay tumambad ang dalawang putol na paa ng tao kaya agad nilang itinawag sa pulisya.

Nagresponde naman ang mga tauhan ng Marikina SOCO para iproseso ang lugar ng insidente habang dinala  sa Eastern Police District (EPD) Crime Laboratory Office ang natagpuang mga putol na paa para sa isailalim sa DNA examination at kaukulang disposisyon. (NICK ECHEVARRIA)

Please follow and like us:
Read More

PDUTERTE KINALAMPAG SA PALPAK NA MRT

mrt312

NANAWAGAN kay Pangulong Rodrigo Duterte ang mga mananakay ng Metro Rail Transit (MRT) na pagtuunan ang pagpapabuti sa serbisyo ng nasabing transportasyon.

Daing ng mga commuter, dapat siyasatin ng Pangulo ang mga nangangasiwa sa MRT upang masiguro na mas magiging epektibo ito at mabawasan kundi man tuluyang mawala ang mga aberyang kakambal na ng operasyon nito.

Sa tindi ng trapiko sa Metro Manila ay ang mga commuter ang pangunahing napiperhuwisyo kapag nagkakaaberya ang opersayon ng MRT na siyang inaasahan dapat ng publiko sa maalwang sistema ng transportasyon.

Subalit, maikling panahon lamang nalasap ng mga commuter ang kumportableng biyahe ng MRT dahil nang mapalitan umano ang nangangasiwa ng service provider ay naging palpak at madalas ang aberya sa mga pagbiyahe nito sa kahabaan ng EDSA.

Nasa 500,000 katao ang dating naisasakay ng MRT subalit nang magpalit ng maintenance company ay nasa 250,000 na lamang kada-araw ang naisasakay kaya mistulang sardinas ang mga pasahero sa pagsisiksikan.

“Panay ang papogi nila sa media tulad sa ginawa nilang “terrorist bomber drill” sa Cubao station nitong nagdaang araw.., okey ako run kasi for safety ng lahat, pero ang dapat nilang unahin e yung kalidad ng train para hindi pasira-sira, imbes na maging on-time ang lahat sa work o school e perhuwisyo ang dinaranas ng mga commuter,” pahayag ng isa sa mga suki ng MRT na si Edwin Reas, 45.

“Sa ngayon, magmula nang ibalik sa kumpanyang Hapones na Sumitomo ang maintenance operation ng MRT3, kahit painut-inot ay nagkakaroon ng pagbabago sa serbisyo nito. Yun lang, kailangan pa rin nating maghintay ng mga 2 hanggang 3 taon pa bago tuluyang mabalik ‘yung dating bilang na 22 train na tumatakbo sa kahabaan ng EDSA, ” pahayag naman ng isa pang commuter na si Roland. (TJ DELOS REYES)

Please follow and like us:
Read More

‘JOB MASSACRE’ SA NFA WORKERS

NFA-4

Hagupit ng Rice Tariff Law

(BERNARD TAGUINOD)

NAKAAMBA na ang “job massacre” sa may 1,792 empleyado ng National Food Authority (NFA) matapos aprubahan ng Governance Commission for Government-Owned or Controlled Corporation (GCG) ang restruktura sa nasabing ahensya.

Ito ang nabatid sa Unyon ng mga Manggagawa sa Agrikultura (UMA), halos isang taon pagkatapos maging batas ang Republic Act (RA) 11203 o Rice Liberalization Law (RLL) na mas kilala sa Rice Tariffication Law.

Ang ‘restructuring” sa NFA ay bahagi ng implementasyon ng nasabing batas na naipasa noong Pebrero 2019 kung saan babawasan na umano ang bilang ng mga manggagawa sa nasabing ahensya.

“They call it ‘restructuring’ or ‘downsizing’. But for agricultural workers, we call it job massacre and we condemn it in the highest terms possible,” ani Antonio Flores, chairman ng UMA.

Nabatid kay Flores na ang nasabing bilang ng mga manggagawa sa NFA ay nasa plantilla o regular employees kaya kung isasama sa mga contractual, job order at casual employees ay mas malaki ang bilang umano ng mga mawawalan ng trabaho dahil sa nasabing batas.

Magugunita na binawasan sa nasabing batas ang papel ng NFA sa industriya ng bigas kaya hindi na kailangan ang maraming manggagawa sa nasabing ahensya.

“Under the GCG’s restructuring plan, it was left to the NFA Council, through its Administrator, to look for fund sources to implement the downsizing. This puts in limbo the separation benefits of the 1,792 NFA employees marked for downsizing,” ani Flores.

Pinangangambahan din ni Flores na walang makukuhang separation pay ang mga empleyadong ito dahil wala umanong ibinigay na pondo para rito bukod sa baon sa utang ang nasabing ahensya.

“Are they going to source the separation benefits from the palay procurement funds of the NFA, thereby taking away from our wounded farmers in order to give something to NFA employees who are in wait for their extermination?” tanong pa ni Flores.

Please follow and like us:
Read More

UMIWAS SA FAKE NEWS

novel coronavirus

Apela ng DOH sa publiko kaugnay ng kumakalat na virus

UMAPELA ang Department of Health (DOH) sa publiko na iwasang magpakalat o maniwala sa mga maling balita kaugnay sa novel coronavirus.

Kasabay nito ay muling iginiit ng DOH na nananatiling novel coronavirus (2019-nCov) free ang Pilipinas.

Ayon sa abiso ng DOH, kahapon ay wala pang kumpirmadong kaso ng naturang virus sa bansa.

Kasabay nito, pinag-iingat ng ahensya ang publiko sa lahat ng kanilang mga kinakain, partikular na ang mga tinatawag na “exotic food.”

Ang payo ni Health Secretary Francisco Duque III ay sa harap na rin ng mga naglalabasang ulat na maaaring paniki at ahas ang pinagmulan ng 2019 NCoV na namiminsala na ngayon sa iba’t ibang bansa, partikular sa Wuhan, China.

Paglilinaw naman ni Duque, wala pang kumpirmasyon sa naturang mga report ngunit mabuti na aniyang maging maingat ang lahat.

Sa kabilang dako, nanawagan din si Pasay City Mayor Emi Calixto-Rubiano sa mga gumagamit ng social media platform tulad ng Facebook at Twitter na huwag magpakalat ng hindi naberipika, nakalilito o mapanlinang na impormasyon patungkol sa coronavirus.

Partikular na pinansin ng alkalde ang ilang “post” sa Facebook na nagsasabing nakapasok na raw ang coronavirus sa Pasay at inilagay sa quarantine ang Pasay City General Hospital.

Sa ulat ni  PCGH Head Dra. Lou Ocampo kay Mayor Calixto-Rubiano, pinabulaanan nito ang kumalat na balita. DAHLIA S. ANIN, DAVE MEDINA

Please follow and like us:
Read More