P3.4-M SHABU NASAMSAM

shabu16

ISANG 29-anyos na lalaki ang inaresto ng mga tauhan ng Las Piñas  City Police  at nakuhanan ng P3.4 milyong halaga ng shabu sa isang buy-bust operation sa lungsod kamakalawa ng gabi.

Nahaharap sa kasong paglabag sa Comprehensive Dangerous Drugs Act of 2002 ang suspek na si Danizon Manese, alyas Tenten, ng C-5 Extension, Barangay Manuyo Dos, Las Piñas City, matapos makipagpalitan ng droga at pera sa isang poseur buyer cop.

Sa ulat ng pulisya, ilang araw ang ginawa nilang pagsubaybay kay Manese bago sila nakipagtransaksyon sa Barangay Manuyo bandang alas-11:30 noong Linggo.

Nasa aktong hawak n ani Manese ang marked money nang lagyan siya ng posas ng pulis na kanyang binentahan ng droga.

Nabawi mula sa suspek ang halos kalahating kilo ng hinihinalang shabu na tinatayang nasa P3,400,000 ang street value at marked money. (Dave Medina)

Please follow and like us:
Read More

4 CHINESE ARESTADO SA TANGKANG PAGDUKOT SA DALAGA

NAARESTO ng Makati City Police ang apat na Chinese habang nakatakas at tinutugis ang dalawang iba pa na nagtangka umanong dumukot sa isang dalaga sa Makati City kamakalawa ng gabi.

Kinilala ang mga naarestong suspek na sina Weird She; Weel In Bei; Xiaohui Sun at So Che, pawang mga Chinese na pansamantalang tumutuloy sa Central Park Condominium sa Pasay City.  Inaalam pa ang pagkakakilanlan sa dalawang kasamahan ng mga naaresto at patuloy pa ring tinutugis ng mga pulis.

Ayon sa biktimang si Gella Maniti, 18, ng 1873 Einstein St.,  Barangay San Isidro, Makati City, nasa labas siya ng kanilang bahay nang biglang may tumigil na taxi sa kanyang harapan at mabilis na lumabas ang apat na  lalaking dayuhan.

Pilit siyang isinasakay ng mga suspek sa sasakyan subalit nagpumiglas siya at nagsisigaw na nakatawag ng atensyon ng nagpapatrulyang mga barangay tanod sa kanilang barangay.

Mabilis siyang nakatakbo papasok sa loob ng kanilang bahay habang ang mga suspek naman ay hinabol ng mga tanod na sina Alvin Padilla, Lazaro Malabo, Leslie Delos Santos at Ignacio Ustaquio.

Naaresto ang apat habang nakatakas ang dalawa pang kasamahan ng mga ito lulan ng taxi.

Inaalam pa ang dahilan sa bigo at tangkang pagdukot kay Maniti. (DAVE MEDINA)

Please follow and like us:
Read More

MERCADO, DINAGIT NG PHOENIX

Solomon Mercado

KASUNOD ni Brian Heruela, kumuha ng isa pang veteran guard ang Phoenix sa katauhan ni Solomon Mercado ng NorthPort.

Bilang kapalit ni Mercado, mapupunta sa Batang Pier sina LA Revilla at Rey Guevarra.

Nauna nang tinrade ng Fuel Masters si Ron Dennison sa Blackwater para sa 30-anyos na si Huruela.

Umaasa ang Phoenix na makatutulong ang mga bagong player nila, lalo na ang tried and tested sa playoffs at finals na si Mercado, sa all-Filipino campaign ng koponan.

Matatandaang nakabilang ang 35-anyos na si Mercado sa tatlong title runs ng Barangay Ginebra (2016-2018).

Bahagi rin siya ng NorthPort, ang team na nang-upset sa top-seeded NLEX sa katatapos lang na PBA Governors’ Cup.  (EBG)

Please follow and like us:
Read More

TAPATANG COCO AT DINGDONG ROUND TWO NA

DINGDONG-COCO

Nalalapit na ang pagtatapos ng Kapuso primetime series na Beautiful Justice, na katapat ng FPJ’s Ang Probinsyano.

Ano naman kaya ang itatapat ng GMA 7 sa teleserye ni Coco Martin?

Malamang sa alamang, Descendants of the Sun nina Dingdong Dantes at Jennylyn Mercado.

Tinapatan na noon ang FPJ’s Ang Probinsyano ng Cain at Abel nina Dingdong at Dennis Trillo. If ever, round ito ito ng tapatang Coco-Dingdong.

Bet ba ng Kapuso Primetime King na makipagsalpukan muli sa Hari ng Telebisyon? Why not hazelnut ngayong nakabinbin pa rin ang renewal of franchise ng ABS-CBN, at posibleng sa Marso ay matigil na ang operasyon ng Dos?!

SUPORTADO NI LEA SALONGA ANG SIGNATURE CAMPAIGN SA RENEWAL NG ABS-CBN’S FRANCHISE

May signature campaign para ma-renew ang franchise ng Dos. Suportado iyon ni Lea Salonga.

Makalikom man iyon ng isang milyong pirma, lalambot ba ang puso ni Pangulong Duterte?

Kung hindi DOTS ang tatapat sa FPJ’s Ang Probinsyano, makikipagpingkian dito ang Anak ni Waray vs Anak ni Biday nina Barbie Forteza at Kate Valdez.

If ever, round  two rin ito ng labanang Coco vs Barbie. Nakipagbakbakan noon sa FPJ’s Ang Probinsyano ang Kara Mia nina Barbie at Mika de la Cruz.  (JEERRY OLEA)

Please follow and like us:
Read More

MOTOR, BIKE BAWAL NA SA HIGHWAY

MAHIGPIT nang ipatutupad ng pulisya ang pagbabawal sa mga motorsiklo at biseklita sa highway sa Zambales dahila ang lalawigang ito ang nangunguna sa Region 3 bilang may pinakamaraming naitalang vehicular accidents nitong taong 2019.

Ayon kay Police Lt. Col. Oriano Mina, Deputy Director for Operation ng Zambales Police Provincial Office (ZPPO), halos kalahati ng bilang ay sangkot ang mga motorsiklo.

Sa datos mula Hulyo hanggang Disyembre noong nakaraang taon, pumalo sa 965 ang bilang ng naitalang mga disgrasya.

Dahil dito, nais ng mga awtoridad na paigtingin ang pagpapatupad ng Republic Act 4136 na ipinagbabawal sa gitna ng national highway ang mga motorsiklo, tricycle at biseklita.

Nitong Linggo ay mahigpit nang ipatutupad ng pulisya ang nasabing batas sa mga bayan at syudad.

Paalala ni Mina sa mga motorista, sumunod sa kanilang ipinatutupad na batas para  sa kanilang kaligtasan. (JG TUMBADO)

Please follow and like us:
Read More

EX-VICE MAYOR, TSERMAN PATAY SA AMBUSH

AMBUSH-BULACAN

BULACAN – Patay ang dating bise alkalde at ang kasama nitong incumbent barangay captain makaraang pagbabarilin ng dalawang hindi kilalang mga suspek nitong Linggo ng tanghali sa Barangay Bulihan, sa bayan ng Plaridel sa lalawigang ito.

Sa report na tinanggap ni Bulacan Police Provincial Director Emma Libunao, kinilala ang mga biktimang sina Oscar Marquez, 54,  residente ng Barangay Manatal, dating vice mayor ng Pandi, Bulacan, at Mauro Capistrano, 56, barangay chairman ng Brgy. Bagbaguin ng nasabi ring bayan.

Base sa panimulang imbestigasyon, nangyari ang krimen dakong alas-12:50 ng tanghali sa harap ng Mang Celo Eatery sakop ng Plaridel Bypass Road sa Barangay Bulihan.

Nabatid na dumating sa nasabing restaurant ang mga biktima lulan ng puting Toyota Fortuner SUV na may plakang NBU 7644, upang katagpuin ang kausap na kliyente kaugnay sa bentahan ng aria-arian.

Ayon sa mga saksi na sina Vincent John Garengo, kitchen aide, at Joseph Fernandez, pump attendant ng katabing gasolinahan ng restaurant, dumating bandang alas-11:00 ng umaga ang mga biktima.

Ilang oras ang ang nakalipas,m habang nakikipag-usap sa mga katransaksyon sa loob ng isang kubo hinggil sa bentahan ng lupa, dumating ang dalawang suspek na sakay ng isang Honda Click na motorsiklo at agad bumunot ng baril saka pinaputukan ang mga biktma.

Agad na napuruhan sa ulo at katawan si Kapitan Capistrano na siya nitong ikinamatay habang ang dating vice mayor ay nagawa pang  makatakbo ngunit inabutan sa madamong lugar at doon ilang ulit na pinagbabaril ng mga suspek.

Nang matiyak na patay na ang mga biktima ay mabilis na tumakas ang mga suspek papuntang bypass road sa bayan ng Bustos.

Natagpuan sa pinangyarihan ng krimen ang mga basyo at deformed slugs mula sa .45 caliber pistol.

Samantala, wala pang pahayag si Pandi Mayor Rico Roque hinggil sa pagkakapaslang sa mga biktima dahil hihintayin muna umano ang resulta ng imbestigasyon ng pulisya ngunit nakahanda siyang magbigay ng pabuya kung kinakailangan para sa agarang ikalulutas ng kaso.

Please follow and like us:
Read More

BOMBAY TINANIMAN NG TINGGA SA ULO

BINARIL SA ULO-2

CAMARINES Sur – Patay ang isang Indian national makaraang barilin ng hindi kilalang suspek sa loob ng kanyang sasakyan habang nakaparada sa tabing kalsada sa bayan ng Bulan sa lalawigang ito, nitong Linggo ng umaga.

Kinilala ng Bulan Municipal Police Station (MPS) ang biktima ng pamamaril bandang alas-9:30 sa Provincial Road, Zone 1, Brgy. Balaogan ng nasabing bayan, na si Surjit Singh y Kaur, 40, may asawa, residente ng Zone 6, Brgy. San Miguel, Iriga City.

Sa paunang ulat ng Bulan MPS, nasa loob umano ng kanyang nakatigil na sasakyan sa nasabing lugar ang biktima  nang biglang sumulpot ang hindi pa kilalang suspek at agad itong binaril sa ulo.

Nabatid na nawawala ang bag ng biktma na may lamang cellphone at hindi pa batid na halaga ng pera na hinihinalang tinangay ng suspek.

Patuloy na inaalam ng pulisya ang posibleng motibo sa krimen at pagkakakilanlan ng hindi batid na bilang ng mga suspek sa insidente. (NICK ECHEVARRIA)

Please follow and like us:
Read More

‘ARSONISTA’ SA TONDO FIRE SUMUKO KAY ISKO

arested45

SUMUKO kay Manila Mayor Isko Moreno kahapon ng madaling araw ang umano’y suspek sa panununog ng kanilang bahay na ikinadamay ng 20 kabahayan at ikinamatay ng anim katao na nakulong sa kanilang bahay sa Tondo, Manila.

Sinasabing lulong sa shabu ang suspek na kinilalang c ng Katamanan Ext., Tondo nang sunugin ang bahay na kanilang inuupahan makaraang awayin ang misis niyang si Encarnacion.

Sa nasabing sunog ay nadamay ang kanilang mga kapitbahay na ikinamatay ng mga biktimang sina Odessa Conde, 36, at tatlo nitong mga anak na sina Yhancy kieffer, 8; Yara Courtney, 9, at Yhexel George Nicolas, 10, gayundin ang pinsan ng ginang na si Jean Paul Esguerra, 42, habang huling matagpuan ang bangkay ni Aquilina Romero Javana alyas “Jaqueline”, 44, sa kanilang banyo.

Samantala, sugatan naman ang padre de pamilya na si George Conde, 43, na dumanas ng 3rd degree burns sa katawan at kasalukuyang nilalapatan ng lunas sa pagamutan.

Batay sa ulat ng Manila Fire ng Bureau of Fire Protection, bandang 2:40 ng madaling araw nang mangyari ang sunog sa Narra St. hanggang sa Katamanan St. malapit sa panulukan ng Yeseco St. sakop ng Barangay 230 at 222 sa Tondo.

Sa report ng BFP, nag-away umano sa hindi pa batid na  dahilanan ng mag-asawang Lotero kaya sinadyang sinunogni Eduardo ang bahay at nadamay ang katabing mga kabahayan.

Umabot ng ikatlong alarma ang sunog at ideklarang fire-out dakong alas-7:14 ng umaga.

Nagsimula umano ang apoy sa ikalawang palapag ng inuupahang bahay ng mag-asawang Lotero.

Sinasabing sinadya ang sunog dahil hinahanap umano ni Eduardo ang nakaaway niyang misis at nang hindi makita ay sinunog ang bahay.

Dakong 8: 45 ng umaga nang huling makita ang bangkay si alyas Jaquelin sa loob ng kanilang banyo. (RENE CRISOSTOMO)

Please follow and like us:
Read More

LOLA HINATAW NI LOLO SA ELEKSYON

PINALO

ARESTADO ang isang 68-anyos na lolo matapos hatawin ng meter tool ang kanyang misis na boboto sa isinasagawang eleksyon ng mga opisyal ng senior citizen sa Marikina City, noong Sabado ng umaga.

Nangyari ang insidente sa covered court ng Brgy. Parang sa nabanggit na lungsod bandang alas-10:00, kung saan dinakip ng mga tauhan ng Marikina 161 Rescue Team ang suspek na si Apolonio Barrion y Casabal, alyas Pol, 68, isang tubero.

Nabatid sa Marikina City Police Station (CPS), ayon sa salaysay ng biktimang si Estrella Barrion y Anuran, 70, asawa ng suspek, nagtungo siya sa covered court para bumoto sa eleksyon ng mga senior citizen nang dumating ang kanyang mister na bigla na lamang siyang hinataw ng meter tool sa likod sa hindi mabatid na dahilan sabay sabing “Ang kapal ng mukha mo!?”.

Gayunman, hindi niya pinansin ng suspek ngunit laking gulat niya nang muli siyang hatawin sa ulo na naging dahilan ng kaguluhan sa isinasagawang halalan.

Agad namang tumawag ang naalarmang concerned citizens, sa Marikina 161 Rescue Team na nagresulta para dakpin ang suspek.

Dinala sa Amang Rodriguez Memorial Medical Center ang biktima kasama ang kanyang mister na nahaharap sa kasong paglabag sa RA 9262 o  “Anti-Violence Against Women and their children (VAWC) Act of 2004. (NICK ECHEVARRIA)

Please follow and like us:
Read More

MOTEL SA BAGUIO NASUNOG 

SUNOG-7

BAGUIO City – Nasunog ang isang motel sa bahagi ng Katipunan Street sa lungsod na ito.

Sa report ng Baguio City Fire Department (BCFD), nagsimula ang apoy dakong alas-dos ng hapon nitong Sabado.

Agad nagresponde ang mga bombero mula sa BCFD at iba pang fire volunteers.

Agad lumabas ang mga tao maging ang mga mula sa karatig na gusali para sa kanilang kaligtasan sa pangambang gumapang ang apoy patungo sa kanilang kinaroroonan.

Tumagal ng halos isang oras ang sunog at idineklarang fire under control dakong 3:30 ng hapon.

Wala namang napaulat na nasaktan o namatay sa sunog.

Masusing iniimbestigahan ng mga awtoridad ang nasabing insidente upang matukoy ang posibleng sanhi nito. (KIKO CUETO)

Please follow and like us:
Read More

2 ARESTADO SA P68-M SHABU SA UKAY-UKAY

ARESTADO ang isang babaeng ukay-ukay vendor at kasamang lalaki makaraang makumpiskahan ng P68 milyong halaga ng shabu sa ikinasang buy-bust operation ng mga tauhan ng Pasay City Police dakong alas-8:30 ng gabi malapit sa isang provincial bus station sa Apelo Cruz Street kanto ng EDSA, Barangay 51, Zone16, Malibay, sa lungsod na ito.

Kinilala ni Pasay City Chief of Police Col. Bernard Yang ang mga suspek na sina Mia Bianca Atendido at Dave Tajores Realin, taga-Brgy. Cabuco, Trece Martirez, Cavite, nakumpiskahan ng halos 10 kilo ng umano’y shabu na P68,000,000 ang street value.

Sa tip na natanggap ng pulisya, ginagamit umano bilang front ni Atendido ang pagtitinda ng ukay-ukay sa pagtutulak ng ilegal na droga kasabwat si Realin.

Tinitingnan ng pulisya ang koneksyon ni Realin sa toneladang shabu na naipuslit sa Cavite nitong nakaraang taon gayundin ang kinalaman niya sa operasyon ng ilang Chinese national na sa dagat idinadaan ang mga kontrabando.

Kabilang sa nasamsam sa dalawang suspek ang P800,000 boodle money at dalawang piraso ng tunay na P1,000 peso bill.

Ang nakumpiskang droga ay nasa pangangalaga na ng SPD Crime Laboratory para sa chemical analysis habang ang dalawang suspek ay nakadetine sa Station Custodial Facility. (DAVE MEDINA)

Please follow and like us:
Read More

P2.5-M RELIEF GOODS DONASYON NG PRO3 SA MGA PULIS

PRO-3

PAMPANGA – Namahagi ng P2.5 milyong halaga ng relief goods ang Police Regional Office 3 (PRO3) sa mga pulis ng mga lalawigan ng Batangas at Cavite na apektado rin ng pag-aalburoto ng Taal Volcano.

Pinangunahan ni PRO3 Director P/BGen. Rhodel Sermonia ang relief operation sa Batangas Police Provincial Office sa Batangas City. Kabilang sa ipinamahagi ang sako-sakong bigas,  toiletries, bottled water at mga delata na umaabot sa P2.5 milyon ang halaga.

Sinabi ni Sermonia, ang nasabing donasyon ay isinagawa sa pakikipagtulungan ng Association of Chiefs of Police in the Philippines para sa inisyatibong “Lingap para sa kapwa Pulis na biktima ng Bulkang Taal”, naglalayong kilalanin ang sakripisyo ng kapwa nila pulis na protektahan at paglingkuran ang publiko bagama’t sila ay biktima rin ng nasabing sakuna.

“We want them to feel that they are important and that as their comrades, we care and also provide our relentless outstanding service for them,” ani Sermonia.

Personal na tinanggap nina PRO4A Regional Director P/BGen. Vicente Danao Jr. at  Batangas PPO Provincial Director P/Col. Edwin Quilates ang relief goods na lubos namang pinasalamatan ang PRO3 personnel. (ELOISA SILVERIO)

Please follow and like us:
Read More